Romantic Kuch Nahi Tere Bin (Completed)

[honey boy]

Update 33

Dono shant bas mann me yahi soch rahe the "hey bhagwan hume kuchh ho jaye to ho jaye, lekin Payal ko kuchh na ho"... Idhar jab Payal suni ki ... Chhotu, Aakash ko maar raha hai.. To uske aanshu phut-phut kar nikal rahe the ... Aur anter mann se yahi khyal aa raha tha.... "Hey bhagwan sb meri galti hai ... Wo to mujhe chhor rahe the, par maine he unhe roka ... Meri galti ki saza sirf mujhe he dena Aakash ko nahi" .....


Dono gari me baat karte badhne lage Raghuvendr ke ghar ki ore....


Aakash.... Sun oye sale, meri thodi help karega..


Chhotu.... Kaya, gari se bahar fek dun...


Aakash.... Mujhe tu nahi fek sakta, kyonki jisme tumhari jaan basti hai, usme meri bhi jaan basti hai... Aur Payal ki jaan hum dono me me basti hai, sayad tum me jayada aur mujh me kam...


Chhotu.... Kya ?????


Aakash.... Haan re sach kah raha hun, hum teen din se mil rahe hain, aur teeno din jab wo mere sath thi, tab usse kisi ki bhi yaad nahi aayi siway tumhare...


Chhotu, Aakash ki baat sunkar rah gaya, koi jabaw nahi diya... Aakash phir aage bolta gaya...


"Janta hai chhotu, Payal hai na wo sab se alag hai, mujhe manph kar dena, meri wajah se wo tum se jhoot boli, chaho to apna gussa aur nikal lo, par Payal par gussa mat hona... Tum naraj huye to sayad uska ye liya gaya faisla usse galat lagne lagega... Wo toot jayegi"

Chhotu.... Hmmmm !


Aakash..... Janta hai chhotu, jaroor meri koi kismat rahi hogi, jo mujh anath ko Payal mili.... Maine apne mata-pita ko kabhi nahi dekha, par jab se maine Payal ko dekha hai, usme mujhe pura pariwar najar aata hai... Aur sath me ek pyara sa sala bhi, jo apni bahan ke liye kuchh bhi kar sakta hai.....


Chhotu.... Bakwas band karo, aur kya help chahiye thi wo batao....


Aakash..... Meri drama company ke aane me takriban 15 se 20 min aur lagenge.. Tab tak mahol sambhal lena, baki unke aane ke baad to hungama hoga.....


Chhotu.... Hmmm ! Thik hai ... Ab pakao mat aur chup-chap chalo..


Aakash.... Sala kitna khadus hai, main itne feeling ke sath bola aur sala isne sab kachra kar diya... Koi jigyasa he nahi... "Ki kya baat ki Payal ne mujh se iske bare me" .. Thoda puchh lun....


Chhotu ghurti najron se ek baar Aakash ko dekha aur phir aage gari chalane laga... Kuchh he der me dono Raghuvendr ke ghar par the.... Bahar ka mahol he kaphi vhyawan tha.. Aisa lag raha tha, jaise pure jung ki taiyari chal rahi ho...


Bahar gate par 8 se 10 donali dhari, kale mote sandh... Aadmi ki shakal me khadey the... Jab Aakash unke pass se gujra to un sab ne aisi ghurti najron se dekha, mano abhi mirch masala laga kar kha jaye Aakash ko...


Dono ander pahunche.... Ander ka mahol aur bhi khauffnak.... Dare sahme do log... Raghuvendr aur Veena.... Jo hall ke bayen ore ek kone me khade the, dahine ore subkti Payal, bas muh ko dupatte se dhake apni aanshu chhipa rahi thi...


Dono ore, dayen aur bayen ke hisse se hall ke .. Takribn 12 hathiyarband log hall ke shurwaat se lekar anth tak faile the.... Aur Mahendr Singh bilkul hall ke bicho-bich gusse me tahal rahe the.....


Chhotu aur Aakash ko dekhte he, Mahendr singh garja...... "Le aao haramjade ko yahan ghasit kar mere pass"


Bilkul shant mahol me jab thakur Mahendr Singh ki awaz garji, to sabki najar gate par khadey chhotu aur Aakash par pari... Chhotu, Aakash ko gardan se pakrta hua Mahendr Singh ke pass le aaya, aur Payal ki side khada ho gaya....


Payal jaise he chhotu ko dekhi, daur kar uske pass aayi, uss se lipat kar roti hui chillane lagi.... "Bhaieeeeeeeeeeeeeee"....


Kaphi dard bhari chikh thi, chhoti ka kaleja kanp gaya, wahan khadey har insaan jiske pass dil tha, sabne uss dard ko mehsus kiya, par ek beti ke pita ko dikha to sirf apna ahnkaar....


"Chup karao iss ladki ko, naak katwa di mera. Iss se achha hota ki main isse janm ke waqt he gala ghont kar maar deta..... Kam se kam ye jillat to nahi jhelni par aaj mujhe.... Chupp karaooo iss ladki kooo"


Sabd jaise kisi tir ki tarah hote hain, jitna dard kisi ke maar ka nahi hota, uss se kahin jyada dard, kisi ki baton ka hota hai. Aaj Payak ko apne ladki hone par afsos ho raha tha. Apne pita ki baat sunkar uaki aatma tak kalap gayi.


Chhotu ne Payal ka kandha thama.... Aur usse apne sath upar lekar jane laga... Rote-rote hosh khoyi Payal ka paun jamin se gasit raha tha... Wo itne hosh me bhi nahi thi ki thik se chal paye...


Mahendr Singh.... Isse yahin rahne de ae ladke, aur apne gande hath hatao do kaudi ke naukar...


Payal ke kaan me jab ye baat gunji, usne apna sir gusse se fufkarti upar kar li... Par chhotu ne apne bajuon se uska sir niche karte... Mahendr Singh ko kahne laga....


"Thakur saab, main Di ko upar le jara hun... Inki haalat thik nahi hai... Abhi aap tay karo pahle Aakash se nipatna hai.. Ya mujh se .. Main har parinam ke liye taiyar hun... Par meri di yahan nahi rukegi, matlab nahi rukegi......


Chhotu ki gusse se laal aankhen jab Mahendr Singh ko ghur rahi thi, tab Mahendr Singh bhi kuchh pal ke liye khauff kha gaya... Wo apna dhyan chhotu se hata kar... Aakash par kendrit kiya... Payal aur Chhotu dono upar aa gaye...


Payal bas chhotu se lipat kar roti he rahi.. Rote-rote bare dard me chhotu se puchhne lagi... "Chhotu, tune bhi mujhe he galat samjha na, koi sath nahi dega ye to pata tha, par tu bhi....


Chhotu.... Bilkul nahi Di, bikul bhi nahi... Naa, aap sochna bhi nahi aisa...


Payal subkti hui, chhotu se kahne lagi..... "Chhotu, mera bhiayya.. Mera baccha apni didi ka ek kaam karega, bol na karega na"


Chhotu... Aap jo kahogi wo main karunga, par aap rona band kijiye, mujh se aap ka rona aur bardast nahi hoga...

[honey boy]

Update 34

Chhotu... Aap jo kahogi wo main karunga, par aap rona band kijiye, mujh se aap ka rona aur bardast nahi hoga...


Payal.... Chhotu mujh se bhi ye sab aur bardast na hoga, tum mujhe thoda zehar la de babu, mujh se ye baton ka dard ab aur saha nahi jata.


Chhotu... Pagal ho gayi hain aap, de do phir, mujhe bhi zahar, main yahan akela kya karunga... Main bhi aata hun aap ke sath....


Payal.... Marungi... Jo aisi baat kiya to .. Tuu hikkk... Tuuu to mera baccha hai, bilkul mere bete jaisa ... Kaleja phat gaya tha, jab tumne Aakash ko mara.. Kya tujhe meri jarra bhi khyal na aaya.. Didi par kya bitegi... Koi aur karta to gussa aata, uska khun kar deti .. Par tu chhotu...


Chhotu... Mujhe rulana band karo, nahi to main kuchh kar lunga... Mujh par viswas rakho aap... Mujhe bas gussa iss baat ka thi, Aakash ko aap ka jarra bhi khayal nahi raha. Main aap se bahut pyar karta hun di, babuji ko jab maine yahan dekha tabhi samjh gaya ki kya hone wala hai.


"Baki kya hua, aur kyon maine unhe mara, ye sab baad me bataunga... Aap ko meri kasam .. Mera mara hua muh dekhogi, jo abhi royi to ... Mujhe abhi himmat se niche jane do nahi to wo ... Wo mere jija ji ko mar dalenge"....


Itne jakhm ke baad jaise abhi Payal ko thoda marham mila ho. Chhotu ke muh se Aakash ke liye... jijiaji... Sukar wo ander se khush ho gayi. Apne bhai ka matha chum kar apne aankhon me aanshu liye he Payal thoda muskura di...


Payal ko chup kara kar chhotu daurta hua pahuncha niche... Niche log Aakash ko farsh par lita kar uski achhi se khatirdari kar rahe the, par Aakash ke muh se ek sabd chillane ke nahi nikal raha tha... Koi raham, koi daya nahi thi marne walon ke dil me, wo sab to bas laat aur ghuse chala rahe the. Aur Aakash frash par leta bas chup-chap mar kha raha tha..


Chhotu jab ye najara dekha... To 15 fit unche gallary se hall me un logon ke upar he kud gaya.... Sab ka dimag jhanna gaya... Sare log bikhar gaye, haan kamar me chhotu ke bhi kaphi jhatka aaya... Par agle he pal khud ko sambhalta, Aakash ko apne pichhe liya ... Aur aage sina tan kar khara ho gaya....


Mahendr Singh.... Haramjade, iske aage se hat, nahi to aaj teri bhi lash girani pari to main pichhe nahi hatunga


Chhotu.... Thakur Mahendr Paratap Singh... Meri bhi sun lo, aaj bhale meri yahan jaan chali chali jaye, par yadi lash girne ki baat hai... To main apni Di ki kasam kha kar kahta hun... Marne se pahle sabki lash bichha dunga... Par inko kuchh nahi hone dunga....


Mahendr Singh ne apne khas aadmi ... Balvir singh ko ishara kiya... Aur rifal tan gayi chhotu ke sine par... Tabhi Balvir Singh ke aage Rghuvendr aa gaya aur rifal uske hath se chhin liya...


Mahendr Singh... To in sab ka mukhiya tu hai, aur tere he sah par ye chhotu aur Payal itni bari himakat kar rahe hain... Raghuvendr samne se hat jao, warna main aaj baap bete ke riste ko bhi bhula dunga....


Raghuvendr..... Mar dalo sabko phir apne ahnkar ke sath akele jina... Yahi aaj hona hai to phir ruke kyon ho...


Mahendr Singh gusse se aag babula ho gaya tha, aaj tak jiski baat dusron ne nahi kati, uski baat uske pariwar ke log he kat rahe the.... Bete par bhi banduk tan di, par ek baap ke dil ne itna himmat nahi juta paya ki uss par goli chala sake...


Baton ka dwand dono ke bich chalne laga... Chhotu ne jab Mahendr aur Raguvendr ko uljha hua dekha, to dhire se Aakash hilane laga.... Bhar dum pitai khane ke baad .. Kuchh der jab maar parna band hua to Aakash bhi apni kuchh urja samet'ta hosh me aaya...


Chhotu... Aare kya hua, kuchh to kaho..


Aakash.... Main thik hun, tu bata Payal to thik hai na...


Chhotu.... Haan Di shant hain, unhe samjha diya hai, par ye batao, jab mar par rahi thi to chikhe kyon nahi, mujhe laga apne baton ke jaal me babuji ko phasa rahe ho, aur time pass kar rahe ho....


Aakash.... Yaar kaun hai ye aadmi, pura jallad hai... Maine bolne ke liye muh khola bhi nahi tha uss se pahle he pitne lage inke log... Kahin Payal meri awaz sun kar na ghabra jaye, yahi soch kar chup raha....

Chhotu.... Fir hoshiyari... Ek hoshiyar kar ke ghar me ghuse the to ye naubat aa gayi, dusri kar rahe the, kahin jaan he na chali jati....

Aakash.... Chhotu itni sasti bhi jaan nahi. Mujhe jarra bhi lagta ki ye log mera jaan lena chahte hain, ussi waqt se inki ulti ginti shuru ho jati....


Aakash aur chhotu, aapas ki baat-chit dhire-dhire kar rahe the, Raghuvendr aur Mahendr ka dwand, chikh-pukar ke sath ho raha tha... Issi bich .. Saynn-saynn karti 8/10 gari khadi ho gayi uss ghar ke gate par....


Aakash ... Aa gayi nautanki team... Ab relax ho jao....


Gari se sab hatte-katthe jawan nikale aur ek umrdaraj budhha ... Lekin deh-dasha kisi millitary ke aala adhikari dikh raha tha.... Sab ke sab aadhunik hathiyar se laish, aur sath me Bharat ke central ministery ke bhi log aaye the.....


Bahar khadey aadmiyon ne jab itne bare-bare adhikariyon ko dekha to unki haalat waise he kharab ho gayi... Jo unme sabse old tha, P.D. Parmar... Unhone order diya "sabke hathiyar jabt kiye jaye"... Baki officer iss se pahle kuchh kahte Parmar sahab ki robdar awaz sun kar he sabne apna hathiyar dal diya aur wahan se khisak liye...


"Khat-khat"... Kadmon ki tal ek sath hall ke ander badhne lagi... Aur ander maujood sabhi logon ka dhyan apni bahar gate par kendrit ho gaya....


Aaksash.... Ab bas maze lo, aur sabki nautanki enjoy karo....


Parmar sahab ghuste he phir se ussi robdar awaz me kahne lage.... "Yahan sbhi logon ke hathiyar jabt karo"...


Sab ne itne bare adhikariyon ko dekhte huye apna hathiyar dal diya... Lekin Balvir ne hathiyar dene se mana kar diya.... Ek gun fire aur Balvir ke hatheli me lagi goli, hath sunn par gaya aur sayad haddi chatki ho wo alag...


Parmar saab.... Ek baat kan khol kar yahan maujood sabhi log sun len, hum yahan batchit karne aaye hain, yadi hatiyar chalane ka kisi ko sauk hai to hum bhi pichhe nahi hatenge... Aur mera wada hai... Jitne tum log ho... Utne ko saaf karne me, mujhe aur meri team ko 1min se bhi kam samay lagega... Kyon thakur saab ab baith kar kuchh baat-chit kare...


Mantri.... Arre Mahendr, kyon itne gusse me ho... Sab apne he log hain, aur aapas me bair achha nahi.... Aaram se batao baat kya hai...


Mahendr Singh..... Jaspal, sayad tum bhul gaye ki main kaun hun, iss chhote se ladkey ke liye millitary ke log bulwa liye... Thik hai le jao iss ladkey ko... Par mera wada hai, main kisi ko kal ki subah nahi dekhne dunga....


Parmar saab ne ek sigar jala kar uska ek kas khinchte huye.... Thakur saab jise aap chhota kah rahe hain, haisiyat me wo aap se jyada bara na nikla to main abhi khud ko shoot kar lunga.

"Chhota kise bol rahe hai, haan... Usse agar abhi khula chhor diya to 2min nahi lagega sabko saaf karne me. Aap ko kya laga, koi sadak ka chalta aawara hai, jo utha liya aur apne paise ke dum par marwa diya. Ye humara cader hai, iski jaan itni phaltu nahi, ki koi bhi maar de... Aur iss ek jaan ke badle me, main wada karta hun thakur saab, meri team saikron jaan le sakti hai, wo bhi bina kuchh soche"


Aakash.... Dekhe hosh urr gaye na tumhare babuji ke....


Chhotu.... Jarra chup raho, baat samjh nahi rahe ho...


Aakash... Kya baat samjhna hai....


Chhotu.... Ye pagal hain pure..... Siiieeeeeeeeeeee, tala lagao abhi aap apne muh par...


Parmar... To thakur saab kahan hai humari bahu, jara usse bhi bulao, aur kya hum ye marna-maarna chhor kar... Shadi vivaah ki baten kar le...


Mahendr Singh ne chhotu ki ore dekha, aur wo chup-chap badh gaya upar ki ore, Payal chhip kar niche sari kahani dekh rahi thi, jab se Parmar saab ki entry hui thi, tab se Payal ke bhi hausle buland ho gaye the...


Jaise he chhotu uske pass pahuncha... Payal usse apne sine se laga kahne lagi... "Mera baccha, maine tujhe kitna galat samjha".....


Chhotu... Ab to khush hai na... Chaliye.. Chalte hain niche...


Chhotu aur Payal dono niche aaye, Payal ko dekh kar Parmaar saab muskura kar kahe... "Itni pyari bacchi hai tabhi mera jawan iske liye marne ke liye bhi taiyar ho gaya"....


"Suniye thakur saab, hum 21wi sadi me hain, yahan dhokha, loot paat aam baat hai, main manta hun ki har pita ka armaan hota hai, uski beti ka apne pasand ke ladkey se shadi karwana... Par thodi der ke liye sari baton ko ek taraph rakh kar kya meri kuchh baton ka jabaw denge"....


Mahendr Singh.... Haan puchhiye...


Parmar saab.... Kya koi ladka, jo rutwe me aap se bara ho, aur aap he ke jati ka ho, uske pahunch bhi aap ke pahunch se kaphi upar ho. Khud me itna sakchham ho jise kisi ki jaroorat he na pare. Sare musibton ka hal khud se dhund le".

"Aur aisa ladka aap ki ladki se itni chahat rakhta ho, jo khushi-khushi uske liye apni jaan de de... Bas chuk ek he ho gayi, pahle shadi karna tha phir pyar.. Lekin yahan pahle pyar ho gaya phir shadi... To bataeye aise riste ke bare me kya faisla hoga aap ka.....


Mahendr Singh gahri soch me dubte huye.. Thoda chintan karne lage... Hall me bilkul shanti chhayi rahi... Aur chand lamhon ke baad uss shanti ko bhang karte huye .. Thakur saab apni jagah se uthe aur kahne lage....


"Parmar ji aap ne to mujhe sochne par majboor kar diya... Par ye hai mera jabaw"...... "Dhaynnnn".... Apne coat se gun nikalta sidha Aakash ke upar fire .. Aur chilla kar Mahendr Singh kahne laga...


"Hum thakuron ke faisle badla nahi karte".........


Mahendr Singh ek najar Aakash ko dekha aur ussi disha me gun-fire kar ke Parmaar saab se chillakar baten karne laga... Par mur kar dekha bhi nahi goli kisse lagi.


Mahendr Singh ke kano tak ek baar bhi Payal ke tej chillane ki awaz sunai nahi di... Sirf ahnkar me apni baten bolta chala gaya Mahendr Singh


Lekin vastvikta ye thi, jaise he Mahendr Singh banduk nikal kar shoot kiya, ussi chaan Payal, Aakash ke samne aa gayi... Goli lagte he ek jor ki chinkh nikali aur Payal larkhra kar Aakash ki bahon me. Payal ki ek baar chinkh nikali aur phir wo shant ho gayi.

[Optimas prime 2001]

nice story tohra lumba updet de

[rishiraj]

Maine dono ko milwane ki baat kari thi na ki marwane ki ufffffff

[dpmangla]

Nice Post

[honey boy]

nice story tohra lumba updet de

Maine dono ko milwane ki baat kari thi na ki marwane ki ufffffff

Baat wahi hai na...

Nice Post

friends keep reading...

[honey boy]

Update 35

Lekin vastvikta ye thi, jaise he Mahendr Singh banduk nikal kar shoot kiya, ussi chaan Payal, Aakash ke samne aa gayi... Goli lagte he ek jor ki chinkh nikali aur Payal larkhra kar Aakash ki bahon me. Payal ki ek baar chinkh nikali aur phir wo shant ho gayi.


Goli to Aakash ke liye he chalaya gaya tha, lekin bich me aa gayi Payal. Ahnkar Mahendr singh ka kaphi uncha jo dekh tak nahi paya, pichhe kya ho gaya...


Parmar sahab gusse me ek thappad lagaya Mahendr singh ko. Mahender singh ke aadmi bhi ye sab dekh kar stabddh rah gaye, ye ho kya gaya...


Pure ghatnakrm me jahan ek ore Aakash ki himmat ne kaam karna band kar diya aur wo jamin par baitha bas ek tak Payal ko nam aankhon se apni bahon me dekh raha tha. Wahin dusri ore chhotu ke dimag ne karwat badli aur badi he teji se Payal ko uthaya aur car me bitha kar jaldi se hospital ki ore nikla.


Aadhunik taknik aur utaam ilaz ... Payal ki jaan bach gayi. Aakash ab bhi toota tha, usse hosh ab bhi nahi tha, lekin chhotu par ab khun sawar ho gaya tha... Lekin iss waqt bhi wo apne gusse ko pi kar, bas sise ki window se apni di ke hosh me aane ka intzar kar raha tha....


Khun jyada nikal jane ki wajah se 4 bottol khun chadhya gaya Payal ko. Hospital prabndhan apne niyam ke hisab se, Payal ke ilaz karwane aaye logon se char bottol blood donate karne ki demand karne lage..


Chhotu, Aakash, Raghuvendr aur Veena... Charo ke blood test kiye gaye... Par ye iss blood test me chhotu ke bare me ek andekha pahlu tha, jise dr ne blood ki report dekh kar padh liya.


Chhotu ke blood me wbc ki sankhya samnya logon ki tulna me 200 guna jyada thi, jo apne aap me ek aschrya tha. Yadi sanchhipt me kaha jaye to ye wbc sarir me rog aur infection se ladne me kaam aata hai... Jo aam logon ki tulna me 200 guna jyada thi.


Dr ko pahle laga ye ek abnormal case hai, aur chhotu ko koi bimari hai. Lekin jab wo bahar aakar chhotu ko dekha to wo bilkul samny rup me tha... Jaise ek aam admi hota hai.


Dr iss baat ko raaj rakhte huye, sab kuchh hone diya aur chhotu ke blood ki report badal diya. Takriban teen ghante baad Payal ko hosh aaya... Par wo kuchh bhi bolne ki isthiti me nahi thi.


Sab uss se mile aur bahar chale aaye. Payal ko bhi kuchh der baad ICU se uske private ward me shift kar diya gaya....


Sabse aakhri me chhotu aur Aakash gaye. Payal jab chhotu aur Aakash ko dekhi to muskaan uske chehre par aa gayi.... Aakash payal ko muskurate dekh ander se khush ho gaya... Dono bahar aaye .. Aur bahar aakar Aakash bhi behosh ho gaya...


Ye Aakash ke bhi mohabbat ki tasan thi, jo itna maar khane ke baad bhi, bas Payal ke muskaan dekhne ke liye apne himmat ko sambhale rakha tha.


Aakash ko bhi turant admit kiya gaya, aur uska bhi ilaz shuru ho gaya.... Idhar ab chhotu kisi ke bas me nahi tha... Raudr roop dharan kar ke ab to than liya un sab ke khun bahane ka jo, Payal aur Aakash ka khun bahane aaye the...


Lekin iss se pahle chhotu Mahendr singh ko kahin dhundne jata... Samne se Mahendr singh kisi lute huye musafir ki tarah samne aaya.... Aur aate he .. Chhotu aur Raghuvendr ke kadmon me gir kar chinkh-chinkh kahne laga.....


"Kaisi hai meri betieeeeeee"


Abhi jo milne aaya tha, wo sayad ek ahankari thakur nahi balki ek beti ka baap aaya tha, jo apni beti ki haalat par toota hua tha....


Uske aanshu sache the, aur uske pukar me ek dard... Aur bol bikul pachtawe se bhade.... Din jo sayad dushmani se shuru hui, wo Payal ke khun ke sath bah gaye....


Hospital me sabke sare gile sikwe dur ho gaye. Mahendr singh pachtawe ka aanshu lekar Aakash se bhi milne gaya, jo behosh para tha, aur uska ilaz chal raha tha....


Ek hafte tak Payal hospital me rahi dr ke dekh rekh me. Chhotu har waqt uske pass he maujood rahta tha, baki sab shift me aate jate rahte the. Mahendr singh ka swabhaw apne purane andaz se bilkul badal he gaya ho jaise.... Wo to ab bas thik hokar Payal ke ghar lautne ka intzar kar raha tha...


Ek hafte baad Payal ko hospital se chutti mil gayi, aur chhotu usse lekar hospital se nikla... Payal mayus bas chhotu ko he dekh rahi thi....


Chhotu... Kya hua di, aap itni khamosh kyon hain...


Payal.... Jab main hospital me thi mujhe sab dekhne aate the, aaj discharge hui to koi nahi aaya..


Chhotu.... Aap chalo di jyada mat socho iss baat par...


Payal.... Chhotu, tu mujh se kuchh chhipa raha kya....


Chhotu mayus hote kahne laga.... Di yahan jo dikhta hai wo sab jhut hai


Payal thodi chinta me puchhti hui..... Kya hua chhotu, Aakash to thik hai na


Chhotu.... Haan di, jijaji thik hain, par babuji...


Payal.... Kya hua papa ko chhotu, tu ek baar me puri baat kyon nahi batata.. Kya hua unhe jaldi kah na, mera dil baitha ja raha hai ....


Chhotu... Hua kuchh nahi, bas unhone tumhe ye samjhane ke liye kahe hain.... Ya to tum Aakash ko chun lo ya unhe... Ek pita hone ke nate unka pyar aur sneh sada tumhare sath bana rahega... Par apne wasool ko wo chhor nahi sakte....


Payal kuchh jabaw nahi di, chhotu ki baat sunkar mayus wo khoyi-khoyi kadam badhane lagi... Chhotu usse do-tin baar puchha bhi... "Kya hua di, kuchh to kaho"


"Kuchh nahi" bas itna kah kar chup-chap wo chhotu ke sath chal rahi thi.... Kuchh he der dono ghar pahunch gaye.... Ghar par bhi puri shanti thi....


Payal jaise he gate par pahunchi, ander dekh kar uski aankhe bari ho gayi... Aur wo pichhe mud kar ... Chhotu ko aankhen dikhati .... "Chhotuuuuuuu, ulluuuuuuu"


Chhotu haste huye... "Kya hua di"


Payal.... Mere ek he hath hain abhi, tu jarra niche jhuk tujhe ek thappad lagani hai....


Chhotu ne apna sir niche jhuka liya, Payal chhotu ka kan khichti hui..... "Tu kab se mazak karne laga... Janta hai teri baat sunkar mere to soch ne kaam karna band kar diya tha.... Tu mujhe bata to deta hospital me he... "Di aaj kal main mazak karna bhi sikh gaya hun"


Chhotu.... Aap ko bura laga ... To main ye sab chhor dun kya ...


Chhotu ki iss baat par Payal muskurane lagi, aur dono muskurate ander pahunche....


Payal jab ghar ki gate par aayi thi, ander jo sabse pahle najar gaya wo tha phulon se saza pura ghar, jaise kisi dulhan ki tarah sazi ho... Aur samne jo borad par likha tha, usse padh kar to Payal ko khushi se beshosh hone ka mann kar raha tha.... Board par tha.....


Ingagement ceremony.....

Payal & Aakasah
Raghuvendr & Veena


"Arreeee .. Di bawri ki tarah kyon bhag rahi ho... Ek hath par to patti laga hai, jyada bhagne se gir gayi to engagement cancel" ....


Payal hasti hui phir bhi ghum ghum kar kahne lagi.... "Kuchh na hoga mujhe chhotuuuuuuuuu, mera to nachne ka mann kar raha hai... Aaj main tere liye bhi bahut khush hun... Tujhe aisa baat karte dekh meri khushi dugni ho gayi....


Wah re apni shadi ki khushi, Payal ko dekh kar to jarra bhi lag he nahi raha tha wo hospital se aayi hai... Usse to dekh kar aisa lag raha tha jaise.. Subah koi khaw se jagi hai aur jagte he khaw pura ho gaya....


Payal ki awaz sun kar sab log ek sath upar se niche aaye, apni maa ko dekh kar Payal sidha unke pass chali gayi, aur unke gale lag gayi....


Maa.... Kaisi hai meri bacchi


Payal.... Achhi hun maa...


Maa.... Par tujhe dekh kar to lagta hai tum kuchh jyada he achhi hai... Ek hum the jo apni shadi ki baat sunkar apni maa ke gale lag kar ro pari thi, unse bichharna jo tha... Aur tummm


Payal sharmati hui bas .... "Maaaaa" kahti apna sir chhipa li...


Aaj payal ke sath-sath do log aur khush the... Veena aur Raghuvendr


Payal qb bas saam ke intzar me thi, kab sam ho, wo hasin saam..... Ghar me bas Payal, Veena aur mr & mrs Mahendr singh the ... Aur ghar me kaam kar rahe log...


Idhar Raghuvendr aur Aakash ko parmar saab ki dekh rekh me rakha gaya tha... Chhotu, par puri jimmedari thi sam tak sab kuchh arrenge karne ka.


3pm baje ke aas-pass jab Veena ne pahle Payal ko sazana shuru kiya ... Tabhi Veena ko kuchh samano ki kami lagi... Payal ne chhotu ko phone kar ke apne pass bulaya, aur sare samano ki list usse de di... Chhotu jab nikal raha tha... Tab Payal usse tokti kahne lagi....


"Ek min chhotu, pahle idhar aa phir jana"


Chhotu.... Haan didi kuchh aur rah gaya kya...


Payal.... Nahi re baith do min tujh se kuchh puchhna tha....


Chhotu... Haan puchhiye na di...


Payal.... Ye bata, ye sab achanak kaise... Matlab, aaj to main hospital se he aayi hun, phir sab logon ne ye kab plan kar liya, aur bhaiya aur bhabhi ki baat papa ko kaise pata chali... Ek aur baat, main subah se tujh me bahut badlaw dekh rahi hun ... Ye sab itna jaldi-jaldi ho raha hai ki mere samjh se pare hai....


Veena... Hehe.. Ye sara kiya dhara.. Humare devar ji ka hai.... Yani ki aap ke bhai chhotu ka...


Chhotu.... Ye baat to aap hone wali bhabhi se bhi puchh sakti thi, aur rahi baat mere ander badlaw ki to wo sab pata chal jayega... Pahle aaj aap aise he khush raho ... Achhi lagti ho...


Itna kah kar chhotu chala gaya... Aur Payal muskurati hui Veena ki ore dekhne lagi...... Veena bhi muskurati hui kahne lagi... "Batati hun batati hun... Uss se pahle main ek aur surprise dene wali hun.... Jise sun kar sayad tumhare hosh urr jaye"....

[honey boy]

Update 36


Itna kah kar chhotu chala gaya... Aur Payal muskurati hui Veena ki ore dekhne lagi...... Veena bhi muskurati hui kahne lagi... "Batati hun batati hun... Uss se pahle main ek aur surprise dene wali hun.... Jise sun kar sayad tumhare hosh urr jaye"....


Payal... Batao na.. Batao na bhabhi... Kyon aise paheliyan bujha rahi ho...


Veena... Batati hun baba... Kitna hila rahi hai mujhe, ye kaam tu apne bhaiya par chhor de..


Payal.... Chhee, kaisi baten karti ho aap, jarra bhi laaj nahi aati aise bolte...


Veena.... Lo isme sharam wali kaun si baat hai, tu to aise bol rahi hai jaise Aakash ke sath bhajan kirtan karti hogi....


Payal.... Uffff O' bhabhi aap bhi, main kya puchh rahi hun..... Aap kaun si baten kar rahi ho, mujhe wo raaj ki baat batao...


Veena... Haan baba batati hun.... Sun...


"Yaad hain tujh se teen din pahle milne aayi thi, aur tumhe kuchh jaroori saman chahiye the, jo main chhotu ko sath le gayi thi"...


"Haan, yaad hai... Phir kya hua"


"Hona kya hai, main kharidari me busy thi, aur chhotu jawan ho raha tha"


"Bhabhi, aap kuchh bhi ulta sidha bolti ho, plz uss bhole-bhale ko badnaam na karo"


"Haan-haan bhola bhala, wo to maine dekha he shopping mall me, kaise ghur raha tha uss ladki ko"


"Kaun si ladki "


"Mujhe kya pata, par thi bahut he kamal ki ladki"


"Kaphi khubsoorat thi kya"


"Khubsurat, yaar Payal, main usse dekhi na to main bhi jal gayi, bhagwan ne mujhe aisa kyon nahi banaya.... Chehra itna masoom ki dekhne walon ki najar atak jaye. Curli balon wali, bilkul kajrare naina, aur gulabi hoth, bilkul uske roop ko katal karne wala bana raha tha....... Uske body figure, mujhe to lagta hai, 34, 27, 34 ke perfect shape me. Bilkul stregth figure tha uska.

"Jitna chehra uska katil tha, uski uroj utni he janlewa thi.... Wahan maujood sare ladke bas usse upar se lekar niche tak he dekh rahe the. Aur tu to janti he hai, ladki ke uroj ladkon ko kitna aakrshit karti hai... Har kisi ki najar usse dekhte-dekhte bas uske sine par he tik jati. Tight kapdon me to jaisa uska youban nikal kar bahar aane ko bekarar tha.... Kai lakhon me


"Bas bhi karo bhabhi, main nahi manti, sab jhoot hai, mera chhotu to abhi baccha hai, wo in sab chakkaron me nahi parega"


"Haan bachpan se dekhti aayi hai isliye na, isliye tujhe to dudh pita he najar aayega.... Par utna bhi baccha nahi hai. Aur mat maan meri baat mujhe kya karna, par tera bhai uss husn ki bala ke girft me aa chuka hai... Dekhi nahi thode he samay me kaisa badlaw aa gaya hai usme"


Pyal veena ki baat sukar kuch der soch me par gayi, "kya wakai chhotu bara ho gaya hai, kya uspar bhi kisi tarah ka aakarshan ho sakta hai, kisi ladki ka". Payal bas ussi par soche ja rahi thi.


Kuchh der baad chhotu bhi sara saman le kar pahunch gaya.... Aur Payal ko sara saman dekar sidha engagement ke kaam ko dekhne laga....


Aakhir wo saam ki ghari bhi dhire-dhire aa rahi thi, jab itni hulchal ke baad aaj premiyon ke dilon me toofan jaga raha tha. Par iss toofan se pahle ek nautanki aur baki thi. Mahendr Singh ka chhota beta, Arjun ghum fir kar aaj wapas laut aaya...


Ghar ko yun saza dekh kar wo chauk gaya, aur ander ka moshal dekha to aur bhi hairani hui... Pura pariwar jama tha yahan. Uske to tote urr gaye... Kyonki bikul aawara ki tarah ghar me ghusa tha....


Apne pita ko dekh kar wo thoda seham gaya, par iss se pahle un dono me kuchh baat hoti, payal ne Arjun ko apne pass bula li...


Arjun bas hairani se wahan ke mahol ko dekh raha tha, aur Payal ke hath me bandhi patti ko bhi... Phir payal ne usse puri kahani sunayi... Kahani sun'ne ke baad Arjun ka dimag thanka.... Aur wahan lage loud-speaker ka mike lekar chillane laga....


"Nahi... Ye nahi ho sakta... Sab cancel karo... Yadi ye engagement hua to main aatmhatya kar lunga"


Sapko khabar diya ja chuka tha, thode he der me log pahuchne wale the, upar se ye pata nahi Arjun kahan se aaya .... Aur uska ye naya natak....


Sare log jut gaye usse manane me, aur wo bas apni jid pakre baitha tha... Pahle logon ko laga mazak hai, lekin jab usne apne jeb se ek sisi nikali, usse zahar batate huye... Tab sare log sakte me aa gaye.


Kaphi jaddo-jehad hui, par Arjun tha ki kuchh sun'ne ko taiyar he nahi tha. Aakhir Payal ke kitne minnate karne ke baad, Arjun ne apni ikchha jahir kiya.....


"Suno sab log yadi love marriege allowed tha, to mujhe kyon nahi khabar kiya gaya... Main bhi apni gf ke sath aaj he engagement kar leta"


Lo ho gaya ji, ek aur pyar ka bimar... Sab usse samjhye abhi uski umr nahi hai shadi ki, par sath me ye bhi wada kiya, "tum apni he pasand ki ladki se shadi karoge"


Mare khushi ke Arjun wahin par nachne laga... Par jab sabne puchha "kaun hai tumhari gf usse bhi invite kar0 yahan aaj, aur hum sab se milwao"....


Koi ho to na... Bas nautanki he thi, apni baton se sabko uljhane ki.... Kahne laga... "Ab abhi pata chala hai mujhe love marriege allowed ho gaya hai. To itti jaldi thode na gf mil jayegi, jab pata lunga to milwa bhi dunga"


Arjun ki nautanki dekh sab pagal ho gaye... Lekin baton-baton me apna aage ka rasta clear kar chuka tha Arjun....


Dhire-dhire sare log aane bhi shuru ho gaye, mahfile sajni lagi... Aur kya saz-dhaz kar nikli thi Payal aur Veena... Lahnge me dono ka youban bilkul khila raha tha.


Par dono ke chehre me ab bhi wo raunak nahi thi, kyonki sapne jinse se sach hone the, unka to pata he nahi tha kahin subah se.... Prit bin shringar jaise adhura lag raha tha...


Tabhi gate par 20 round firing ki awaz hui.... Firing ki awaz ke baad dhol ki awaz bajne lagi... Aur dekhte he dekhte sab ander aa chuke the...


Kahne ko itne sare log, par jab Payal aur Aakash ki najar ek dusre se takrayi, to aas-pass ka mahol tham gaya..... Dono ek dusre ko he dekh rahe the... Aise kho kar dekh rahe the, mano kitne arse baad ek dusre ko dekh rahe ho.


Aisa he haal kuchh Veena aur Raghuvendr ka bhi tha.... Par in charon ko pata bhi nahi chala, puri public bhi bas inhi ko dekh rahi hai....


Tabhi mike par ek announcement hone laga... Ye Arjun ki awaz thi.....


"Bas bhi karo ab... Had hoti hai besharmi ki, sab log yahin par hain, aur tum charon ko dekh rahe hain. Kaise najar he nahi hat rahi ek dusre se. Ab anguthi pahnao, aur hume fursat karo. Tum logon ke pass bahut time hoga par bakiyon ko apna kaam bhi karna hota hai"


Kya hasrat bhari najron se dekh rahe the ek dusre ko, par sayad waqt galat tha, charo ko hosh aaya, aur sab ke sab shram se apna muh chhipa liye...


Kya bala ki khubsurat lag rahi thi Payal. Aakash ka mann to Payal ke iss husn ko dekh jaise dagmaga raha tha. Jab se Aakash aaya tha, Payal ka bhi dil dharak raha tha... Aaj to uska Aakash bhi kisi sapno ke sahzade se kam nahi lag raha tha....


Vishal deh-dasa, aur wo majboot bajuon ki pakar Payal ko baar-baar yaad aa rahi thi. Aakash ka roop bhi iss waqt kisi katil se kam nahi tha.... Payal to Aakash ke gathile badan ko dekh bas uske bajuon ke pakar me pighlna chahti thi, lekin uff ye itne sare log, ye bhir, do premiyon ko sukoon se milne bhi nahi deti.....


Payal chor najron se ishara karti, chup-chap sab se najren bacha kar, bahar aa gayi.... Kuchh der tak Aakash bhi idhar udhar dekhta raha aur wo bhi bahar nikal gaya.... Payal ko dhund'te Aakash ghar ke pichhe ki ore gaya....


Payal bhi udhar Aakash ka bari be-sabri se intzar kar rahi thi, Aakash ko jaise he dekhi..... "Kitni der laga di aane me" kahti huyi usse sine se lag gayi... Aakash bhi apni bahen faila kar usse apne sine se chipka liya.....


"Aah, ab jakar sukoon mila hai Aakash... Kab se tarap rahi thi aap ke bahon me aane ke liye"


"Payal, main bhi to kab se bekarar tha.. Iss pal ke liye" .... Aur itna kah kar Aakash ne apne hoth se Payal ke hoth ko bare pyar se jakar liya. Payal bhi Aakash ke hoton ko bari bekarari se chusti hui, usse wet kiss karne lagi....


Dono sab kuchh bhula kar... Bas ek dusre ke hothon ka ras-pan kar rahe the, aur hath ek dusre ke badan par fira rahe the. Madhoshi ka aalam aisa tha, Aakash chumte huye Payal ke uroj ko apne dono hathon se pyar se halke halke dabane laga.... Aur Payal, Aakash ke balon par bari he teji se hath fira rahi thi...


Pyasa dil to ek dusre ko aaj iss bekarari aur itne pyas ke sath chum raha tha, ki dono ko iss madhosi ke aalam se nikalne ki ikchha he nahi ho rahi thi, lekin Payal he apne dil par patthar rakhti.... Aakash se alag hui.. Aur wapas hall me aa gayi.....


Stage par logon ki bhir jutne lagi, Veena aur Payal dono stage par pahunche. Payal ke choli par aayi silwate ko dekh Veena aankhon se ishara karne lagi, Payal sharmakar, apni chunni ko thik ki, aur Veena ke sawaliya najron ko apni muskaan ke sath sasmati di.


Taliyon ke gargrahat ke bich... Har jore ne ek dusre ko anguthi pahnaya... Aur ab unke raah ek hone ki pahli manzi ko paar karne ki khushi me .... Ander he ander jhum rahe the....


Payal aur Veena logon se baat bhi kar rahi the aur chor najron apne pritam ko bhi dekh rahi thi, yahi haal Aakash aur Raghuvender ka bhi tha...


Tabhi Veena ne wahi sab dubara dekhi... Kehuni marti hui Payal ka dhyan apni ore khinchi aur usse isharon me chhotu ko dekhne ke liye kahi...


Payal ki najar chhotu par gayi... Chhotu halke andhere wali jagah par, diwal ke sahare tik kar khara tha, aur bas apni najren, ek tak ek he disha me kiye huye tha... Payal jab najar ghuma kar uss ore dekhi... To Veena ki batayi baat, uske diamg me phir se nachne lagi...


Wakai... Wo ladki gajab ki khubsoorat thi, mehfil me jitne bhi ladkey the, sab ki najar bas rah-rah kar ussi par jati thi... Par wo ladki sabko najrandaz karti bas apna kaam kar rahi thi....


Rup aakarshit karne wala ho to, sab ki najron ko apni ore aakrshit kar he leti hai... Payal Aakash ko chhotu ki ore dekhne ka ishar karne he wali thi... Par Aakash ki bhi najar iss waqt ussi par thi....


Payal mayus hokar Veena se kahne lagi...... "Bhabhi, iss ladki ki wajah se to hume koi dekh bhi nahi raha, dekho to Aakash bhi usse he dekh rahe hain"


Veena... Haan Payal sach he kahi, Raghuvendr bhi abhi kuchh der pahle ussi ko dekh rahe the...


Payal.... Bhabhi, main iss ladki ka khun kar dungi... Ek to iski wajah se hume koi dekh nahi raha... Upar se wo bhi usse he dekh rahe hain, jinki hum hai...

Par ye bala ki khubsurat ladki hai kaun..... Jisne sabko moh rakha hai.... Kaun hai ye aur kahan se aayi hai..........

[dpmangla]

Lovely Post
LADO/SAAVY, Rana's Daughter

[honey boy]

Lovely Post
LADO/SAAVY, Rana's Daughter

Sayad wahi hogi...
keep reading...