Romantic Kuch Nahi Tere Bin (Completed)

[honey boy]

Update 4

Aruv ne ek smoke bomb chhora charon taraph dhuan he dhuan ... Dono hamlawar ne kayi flying bomb chhor diye ... Uss bomb ke baad jab dhuan shant hua ... To unhe 2 gariyn chithron me dikhi .... Sab jeet ka khushi manate huye .... Apne hathon me sarab uthate huye .... "Mar gaye sale"....


Gariyon ke parkhache udd chuke the, par aisa hona he tha isliye dhuan hote he sab parking ki ore bhage, jahan Hasan aur Saurav ne pahle se do gariyan jane ke liye ready kar chuka tha.


Jabtak un hamlawaron ka dhyan maidan me bhagte logon par jata, tabtak uss maidan me kayi jagah duan hone laga tha .... Aur andhere me teer chhor rahe the hamlawar ... Har dhuyen ki jagah par bomb bhut rahe the.


Visphot itna tej tha ki Madan ka to dil dahal gaya tha. Uske badan kanp rahe the....


Bakshi.... Chalo jaldi sab gari me baitho.


Suchitra.... Sir, wo ladki mar gayi...


Bakshi.... Kya ?????


Suchitra.... Haan sir, wo ladki, wo dr jo humare pichhe thi, wo dekhiye .... Ussee


Bakshi.... Ohhh noooo ! Come on hurry up ... Chalo chalo ... Chaloooo


Sab garyon me baithe ... Tay guton me sab nikle .... Ambulence me Hasan ghusa aur pichhe Saurav car lekar nikla... Ab dikh gaye ye log gate se nikalte ... 10 sec lage honge.. Sari gariyan apni top speed me.


Par ye flying bomb ki speed bhi kam nahi thi, kuch he palon me dono gariyon ke chhat par mandrane lage.


Hasan ne apne phone se Saurav se kaha .... Surav abhi.... Dono gariyon ne bilkul pura break ek sath laga diya...


Speed me chal rahi flying bomb kuch dur aage chalti rahi, phir wo wapas mudi....


Hasan.... Saurav aage se tum left aur main right, tumhe pata hai hume kahan milna hai.


Saurav.... Thik hai dost chalo chalen, aaj humare bhagne ka din hai, par ek baar Sahil ko jaag jane do hum inhe aise he bhaga bhaga ke marenge.


Phir Saurav aur Hasan ne alag-alag kisi aur ko call lagaya .....


Saurav.... 5 min me hum tumhare area se honge. Kuch bomb uran tastari humara pichha kar rahi hai, aur us se hume pichha chhurana hai.


Reply..... Kya mast chij apne sath la rahe ho Saurav bhai, aisa to hum filmon me dekhte the, aane do aane do .. Yahan aakar sab bekar ho jayega.


Idhar apne mobile se call lagate huye .... Tum log taiyar to ho na ... Jo photo mms kiya tha us se pichha chhurana hai, Sahil humare sath hai....


Reply.... Aap highway par pahuncho, Sahil bhai ke liye hum jaan laga denge... Par unhe kuch nahi hone denge.


Bakshi.... Kyon be ye tumlogon ka network Bsnl hai kya, connecting people. Sala yahan pure desh me millitary hogi, humari khabar bhi gayi, to bhi ab tak nahi pahunche, aur tum log ke liye madad har 10 min ki duri par khadi rahti hai, pura country he gange me samil ho gaya kya ?


Hasan, Bakshi ki baat ka koi jabaw nahi deta hai. Aur gari ko kabhi fast to kabhi slow me chalate rahta hai. Bomb lagatar phut rahe the, par kisi tarah bachte-bachate sab nikal rahe the.


Kuch dur aage jakar gariyan do alag alag raste par chal di, Saurav left ki ore nikal gaya, thodi dur raftaar me chalne ke baad Saurav ko unke sathi dur najar aane lage ....


Sumit aur Aruv ek dusre ka muh dekhte huye .... "Aakhir ye kar kya rahe hain".....


Saurav tabtak unhe call laga chuka tha .... Humari gari aa rahi hai .... Tum dikh rahe ho.


Udhar se reply ... Dikh raha hai Saurav bhai .. Aur ye bhi dikh raha hai ki chhote chhote alian ship aap ka pichha kar raha hai.


Saurav.... Tum ye do gariyon ke upar bari tin ki hording liye kyon ghum rahe ho.


Reply ... Bas dekhte jao Saurav bhai.... Aap iss hording ke niche se bilkul bich me apni gari lagao... Aur chalte raho...


Do gariyan sadak ke dono ore khadi thi... Uske pichhe dikki ke thik upar lohe ki ek chadar thi jo dono gadiyon ke dayen se bayen connect thi. Ye hording jaisa dikhne wala tin sadak se takriban 5 fit upar thi aur uski unchayi takriban 15 fit hogi.


Saurav ne apni gari us board ke niche se teji se nikala ... Upar aa rahe flying bomb uss chadar se takraye, aur heavy collision ke karan kuch blast huye, kuch ka urna band ho gaya. Lekin ye thode se ho tab na pichha chhore. Ek lot bekar hua to bomb ka dusra jattha aaya.


Saurav.... Pichhe dekho .... Aur bahut se aa rahe hain...


Reply ... Chinta kyon karte ho Saurav bhai ... Aane do ...


Wo najdik aur nadik aate chale gaye .... Flying bomb yahi koi do meter ki duri par hoga tabhi ... Dono gariyon se instruction aaya ... Sabhi break laga kar speed dhimi karo...


Saurav.... Par wo humare left aur right side se aa rahe hain .. Unka pahla target tum ho.


Phir reply mila... Marji hai Saurav bhai aap ki, phir baad me na kahna ki bataya nahi tha.... Itna kah kar ... Dono side ki gariyon ne ek dushreko instruction diya ... Ab ... ..


Aisa kahte he ek high voltage magnetic wave uss chadar par chhora gaya. Iss wave ka samay takriban 2 sec hoga... Ye wave itna tej tha ki garian tak khinch gayi, sare flying bomb ek ssath chipke aur chhute ... Sab itna chhan bhar ka tha ki jab tak wo bomb visphote hoti .. Sari gariyan unbalance condition me he aage badh chuki thi.....


Aruv in logon ka dimag dekh kar, bilkul josh me uske muh se nikla "wahhh" ...... Andhera bhi ho chuka tha aur in logon ka pichha bhi uss bomb se chhut chuka tha ....


Idhar jab Hasan ki gari right li aur kisi tarah bachte bachate chal rahe the, par ye thi to ambulence... Speed aur controle dono car ki tarah nahi thi. Right mudne ke 1/2 km jane ke baad he jab un flying bomb ne ghera, aur Hasan ne break lagaya ... Thik ussi waqt teen bomb visphot huye .. Jisme ek bomb engine par laga.


Aage ke kanch ke chhote chhote tukde sabhi ke badan me chubhe. Aage driving seat par hasan tha aur ek bada kanch ka tukra uske hath me ghus gaya, ek tukda pet me aur pure badan me kanch ke chhote chhote tukre ghus chuka tha. Hasan ussi chhan bhosh ho gaya, gari unbalance ho gayi.


Jaldi se Prakash ne staring sambhali, kanch ke tukre usse bhi chubhe the par kam chubh the. Dr Madan thik driving seat ke pichhe baitha tha isiye wo bach gaya.


Bakshi.... Prakah ek min me phir se bomb yahan tak hogi, ab humara bachna muskil hai.


Praash... Sir, marna yadi aaj kismat me hai to phir koi bacha nahi sakta, aur bachna tay hai to atom bomb bhi gire to bhi bach jayenge.


Abhi dono baat kar rahe the ki samne highway ka ek chauraha tha, jahan container dhone wale char teller khade the, jo pura pack the bas pichhe ka gate khula tha.


Bakshi.... Prakash sayad aaj humare marne ka din nahi. Gari uss truk ke ander daal do.


Truck ke upar se kuch aadmi ishara bhi kar rahe the, gari ander dalne ke liye. Prakash ne top speed laga diya aur jaldi se Ambulence ander dal diya. Truck ka pichhla darwaja band hua aur sab ghayalon par jaise behosi chha gayi ho.


Truck ke ander pahle se kuchh aadmi maujood the, wo ander ambulence me ghuse..... Sare log lagbhag achet awastha me the.


Subah 9am baje ke karib sabki ninden khuli, sabke sarir par pattiyan bandhi thi, aur jitne kanch ke tukre dikhe nikal diya gaya tha. Lekin jab pure sarir me kahankahan tukre ghuse hain ye khud ko tab pata chale jab dard ho, to bhala nikane walon ko kaise pata chalega....


Sabhi jab uthe to kaphi dard me the, halaat sabki kharab thi, sab kal ke huye wardaton ke baad aaram bhi nahi kar paye the, aur jab aankhen khuli to khud ko ghane jungle me paya.


Saurav, uske sath kuch log aur Dr Madan, sabke pass pahunche, thoda nasta karwa kar sabko pain killer injection diya aur, kuch antibiotic khane ke liye...


Bakshi.... Hum kahan hain...


Saurav.... Aap sab surakshit hain, hum Delhi-Agra ke bich ke junlon me hain.


Bakshi.... Sahil kahan hai..


Madan.... Sahil ander kamre me hai, uski sansen ab tak chal rahi hai, par kabtak chalti rahegi pata nahi.


Bakshi.... Uski sansen bas aaj tak ke liye chalao dr, kal hum usse shift kar denge.


Madan kaphi gusse me bolte huye ..... Mar jaye ye, mujhe uss se koi lena dena nahi. Iski wajah se sakron jindgiyan dau par lagi.... Iski wajah se Anu mar gayi, aur aap kahte hain ki isse bachao.

"Aisa kya hai jo sabki jaan dau par laga kar .. Aap sirf iski jaan bacha rahe hain... Mujhe to shaq hai ki kahin aap he to in sab ke leader nahi, jo apne sathi ko bchane aaya hai".


Bakshi.... Ye Delhi sahar hadson ka sahar hai, yahan zindgi hadson ka safar hai, yahan roj-roj har mor-mor hota hai koi na koi ... Hadsaaa .. Hadsaa ... Hadsaaa


Madan badi he ajib najron se Bakshi ko dekh raha tha, Saihil ke bade me ulta bolne ke chakkar me Sahil ke sathi aag babula ho chuke the, aur Madan ko maar dalne ko betab... Aur uspar Bakshi ka karra jabaw sun kar ... Sabhi Madan ka mazak urate huye jor jor se hasne lage....


Bakshi..... Dr saab, inne bhole kyon ho aap...


Madan aschrya bhadi nigahon se dekhte huye .... Aap ka dimag to khiska nahi hai na ?


Bakshi.... Dimag to tumhara khiskne wala hai dr, jab tum Anu ke bare me janoge. Uska marna to tay tha, aur haan iss Sahil ka bhi marna tay he hai.


Sahil ka marne ka naam sunte he uske sare sathi aaj babule ho gaye... Par Saurav ne shant rah kar sir sun ne ka ishara kiya......


Bakshi apni baten kahta raha.....

"Yee abhi humare liye thoda jarooru hai kyonki iske sine me kayi raaj dafan hai. Anu aur Sahil kabhi ek sath raha karte the, afwayen ye bhi hai ki Anu aur Sahil do jism aur ek jaan the".

"Aannn hhhhhaaa ! Chakrana abhi nahi ... Abhi aur bhi baten hain ... Anu char saal se lapata hai... Aur 8 salon se main inke pichhe hun. Koi bhi hath nai aaya. Aap ke liye Anu, humare liye ye jis dunia se aayi hai wahan ke liye Varsha."...

"Aap ko jaan kar aatti prasannata hogi, kyonki Anu ne he mujhe call kar ke bulayi thi. Ab aap soch rahe ho ki jo log itte dino se hath nahi aaye wo dono ek he din achanak kaise mujhe mile, aur jo Anu lapata thi, khud phone se contact ki"....

"Ab suno .. Wo janti thi ki isse marne ki kosis jaroor ki jayegi, aur iklauta main hun jiske bute par ye jinda rahega .... Sath me wo ye bhi janti thi dr saab ki abhi to main usse marne nahi de sakta .... So I m here, to save his life".

"Aur ab finally ek baat jiski ummid na ho ... Inhe marwane wale koi aur nahi Varsha ke so called pujya pitaji hai" ....


Badi-Badi aankhen kar ke sab Bakshi ki baten sun rahe the... Bakshi ki baat khatam hote he sab ka muh khula rah gaya aur bas muh se itna nikla ..... Anu ke dad hain in sab ke pichhe....

[virat singh12]

Nice post. keep updating

[dpmangla]

Nice Post

[rajbr1981]

Kuch updates ke baad sab clear ho jaayega...

excellent..plz continue

[Raguhalkal]

I like this story

[honey boy]

Nice post. keep updating

Nice Post

excellent..plz continue

I like this story

friends keep reading...

[honey boy]

Update 5

"Aur ab finally ek baat jiski ummid na ho ... Inhe marwane wale koi aur nahi Varsha ke so called pujya pitaji hai" ....


Badi-Badi aankhen kar ke sab Bakshi ki baten sun rahe the... Bakshi ki baat khatam hote he sab ka muh khula rah gaya aur bas muh se itna nikla ..... Anu ke dad hain in sab ke pichhe....


Madan..... Ye kya koi hollywood thrill movie ka ek sanchhipt vivran tha. Ye Anu nahi Varsha thi, aap Bakshi nahi Boss ho. Mujhe to chhakar aa rahe hain.


Bakshi.... Naman, dr uncle ko ek goli de de, inhe palne se achha hai isse Anu ke pass bhej dun, sare sawal ka jabaw wo khud de degi.


Madan.... Arre sir, yahan main pagal ho raha hun, ek din me kya sab ho gaya mere sath, mujhe ab bhi samjh me nahi aa raha. Upar se aap ki baten, achha khasa aadmi bhi pagal ho jaye.


Bakshi.... Ro kyon rahe ho dr saab, kal ki thakan bahut ho gayi hai, jakar so jaeye.


Bechara Dr, chupchap gaya so gaya, abhi subah ke 10 he baje the, Bakshi and company, Aruv aur Suchitra ko spot par chhorte huye, jungle me muayna karne aur madad mangwane nikal gaye. Idhar Suarav ke sathi ab bhi Bakshi dwara kahe gaye baton par gaur kar raha tha....


Ek aadmi.... Saurav bhai ye Anu aur Varsha ka chakkar kya hai ?


Saurav.... Pata nahi Guddu ye kya bole ja raha tha. Mujhe to in police walon ki baat ka jarra bhi yakin nahi hota, apna matlab nikalne ke liye koi bhi kahaani gadh dete hain.


Suchitra..... Juban sambhal ke, humare bare me kuch bhi bolne se pahle soch lo, kahin bolne ke liye tum he na bacho.


Saurabh..... Sorry devi ji, aap ko itne ke liye khoon garam karne ki koi jaroorat nahi.



Idhar jungle ke ander chalte huye Bakshi & company....

Naman.... Sir, itne high-tech wepon wo openly use kar rahe the, aap ke pass puri information bhi hai, to hum inse bach kar bhagte kyon fir fahe hain. Aur uss kamine ke jaan bachane ke chakkar me apni jaan kyon dau par laga rahe hain ?


Bakshi.... Intelligent ladka hai. Sahi sawal, aur aap jit chuke hain ek goli, jo ki tumhare khopdi me dalne ko mann kar raha hai.

"Prakash beta kya tu jungle ghumne aaya hai, sab ped par chadh kar dekho, network kahin to milega. Haan to mere munna Naman, kahan tha main"...


Naman ... Sir, wo aap mere khopdi me goli dalne ki baat kar rahe the.


Bakshi... Aay sabas, kitna honhar bacha hai, tabhi department walon ne sahi jagah bheja. Suno, hum jiske pichhe hain, wo insan he nahi hai, bhoot hai bhoot, aur wo jo ghayal haalat me leta hai na wo hai Nicole Cage. Nicole Cage ko janta hai na...


Naman... Koi terriorist hai kya ?


Bakshi... Aay sabas, pure time kya padhai he kiya aur maze ke liye 10 min porn video dekha, sine se bal ko sahlaya ... Aur aao aao karke .. Ho gaya....


Udhar se banki logon ke jor-jor se hasne ki awazen aane lagi......

"Kamchoron, kabhi-kabhi to kaam par lata hun, nahi to kuch biwi ki pallu se bandhe rahte ho
to kuch gf ke intzar me bhatakte ho. Aalsiyon kaam karo kaam... Ae Sumit tu kya ped par se chiriya mar raha hai, na mila network to dusre ped par chhalang laga, yahan ki baten na sun"...


Sare team member chup-chap ek ped se dusre ped par' upar-upar badhte huye network talaash rahe the, idhar niche Naman aur Bakshi ki baten chal rahi thi...


Bakshi... Haan to kahan tha main Naman


Naman... Sir, koi Nicole cage the jise main nahi janta hun, aur uspar aap kuch nasihat de rahe the.


Bakshi... Wahhh ! Isse kahte hain candidate. Tu ghost rider ki dvd le lena dekh lena samjh jayega. Wo iss movie ka hero hai. To movie me hota kya hai, ki ek ko saza ke roop me ghost ka sikari bana diya jata hai, aur uss ka kaam hota hai ghost hunt. Aur maze ki baat ye thi ki uss ghost rider ko bhi nahi pata tha ki wo bhi unhi me se ek hai, bas uska kaam apne he biradri ke logon ko khatam karna hai"....

"Ab jab wo ghost rider marne nikla apne he biradri ke logon ko, ab marne-marne ke dauran kuch masoom sahari me bhi mare. Ab ye log aapas me ladte rahe, kuch masoom inke jhagre ka sikar hote rahe, aur police wale chutiye, usse samjh me he nahi aaye ki kar kaun raha hai. Bas itna pata hota hai ki, kand ho rahe hain sahar me bas".


Naman.... Matlab ki ye jo hai Sahil ye unhi ko maar raha hai jinhone isse banaya, aur hume kuch pata nahi ki kaun mar raha hai aur kaun mar raha hai, bas itna pata hai ki ho raha hai.


Bakshi.... Nahi Naman, thoda sa change hai. Ye jab ladte marte hai na, to masum logon ke jaan ki koi kimat nahi hoti. Inhe koi parwah nahi hoti ke kitne mare aur kitne bache. Uske alawa inka sindicate bomb plan karte hain, wepon dealing, yahan tak ki missile aur ammunations ki nayi taknik izad kar ke market me late hain. They are dam terriost.


Naman.... Sir, phir hum kya kar rahe hain, inke against koi action kyon nahi lete.


Bakshi.... Meri ikchha to jaan se mar dene ki hai, par koi naam koi surag koi clue kuch to ho. Iss case me 200 se upar ki giraftari ho chuki hai, kayi foreign opretion kiye ja chuki hain, par humari talash bas andhere me khatam ho jati hai, aisa lagta hai jaise koi wajood he na ho.


Kaun hai, kahan se oprate hota hai, mastermind kaun hai kisi ko nahi pata. Jante ho, jitna maine wahan bataya bas utna he iss case ke bare me janta hun. Na to inki koi tasveer aur na he koi identification.


"Ye Sahil aur Varsha mujhe char sal pahle mile the. Ek khabri ki khabar par inki talaash me nikla tha, par wo ek trap tha. Meri liye pahla aisa mauka tha jab inke group ka koi aham kadi mere samne aaya tha... Wo tha Sahil aur uske sath thi Varsa".


Bas ek min ki mulakaat thi, meri iske sath .. Aur jante ho kya kaha tha ....


"Gar marna he zindgi hai to ek baar mar kar kyon na dekh liya jaye".... Jaise aaj bhi gunj rahi ho iski baten...


Sidhe sabdon me kaha tha uske baad... "Parchheyon ka pichha chhor do Bakshi, tumhe kuch hasil nahi hoga. Ye ab prabhutw ki jung hai, aur tum isme bewajah pis jaoge... Behtari issi me hai ki humse dur ho jao, kyonki tum jane-anjaane me unka kaam aasan kar rahe ho, jise main jinda nahi dekhna chahta. Tumhe naam chahiye naam milega, main aur Varsha khud tumhare pass aayenge ye sare mere chahne walon ko close kar ke... Ab jao aur ghar jakar biwi bachon ke sath mauj karo".

"Bas uss ek mulakkat ke baad kal mila. Ye Varsa dr thi mujhe pata bhi nahi tha. Bas paheliyon me zindgi kaat raha hun. In char sal me kya kiya isne, pahle kya hua, kaun hai inke pichhe, kya thi inki prabhutw ki jung.... Bas ek sawal ki tarah hai... Ek uljhi hui paheli".


Aaj se pahle kabhi kisi ne Bakshi ko itna serious hote nahi dekha, aisa lag raha tha jaise koi ashay chhatpata kar hath paun mar raha ho.


"Ohhh nooooo" badi tej awaz ke sath Prakash chillaya...


Bakshi... Kya hua Prakash....


Prakash.... Sir, hurry up, hume wapas jana hoga. In logon ne galat infomation diya hai. Hum Delhi-Agra ke bich ke junglon me nahi hai, balki hum Delhi-Shimla highway ke bich ke junglon me hain.


Bakshi chillya.... Tum sab ko goli maar deni chahiye. Kaun-kaun tha uss Saurav ki gari me. Tumhe pata nahi chala ki gari kis route par hai, ya signal nahi kaam kar raha tha.


Sumit.... Sir wo aage ja kar humari gari ek container truck me ghusi aur uske baad ka pata nahi chala.


Bakshi.... Tum logon ko main baad me dekhta hun ... Abhi chalo jaldi base par...


Sab daure base ke liye, hafte huye pahunche sab ke sab ... Wahan bas ek board mila... Aur us par likha tha....


"Sahil ko yahan tak lane ka sukriya, par humara bhai aap ke sath kisi jail me nahi ja sakta ilaz karwane .... Sorry majboori me aap ke do sathi ko uthana para ... Sahil ke hosh me aate he hum usse sahi salamat wapas kar denge.. Par pichha karne ki kosis kiye to ... Dono ki lash mil jayegi.


Suniye Bakshi sir, aap ka gps jo Dr ke body me tha wo nikal kar discard kar diya hai, yadi kimti hogi to bata dena paise bhijwa denge... Aur haan jate jate ....


"Pagdi Sambhal Jatta Pagdi Sambhal Oye
Pagdi Sambhal Jatta Pagdi Sambhal Oye
Tera Lut Gaya Hai
Tera Lut Gaya Hai Maal Jatta Pagdi Sambhal Oye"


Sumit..... Ab hum kya karenge sir ?


Bakshi... Padha nahi thik se kya ... Apni pagdi sambhalen'ge .....


Idhar Suarav apne do sathi, do driver, aur do ghayal, Hasan aur Sahil ke sath nikal gaya. Nikalne se pahle Saurav ne, Suchitra aur Aruv ko behosh kar diya tha, aur Dr ki dar ka fayda utha'te huye usse jabardsati sath le aaya.


Raste me do baar gariyan change huyi. Dono baar highway se he container change kiya. Ander jaroorat ka lagbahag sara saman maujood tha, khaskar dawaiyan, oxygen cylender aur khane pine ki chij.


Raat ko Aruv aur Suchitra ki behosi tooti, khud ko bandha hua pakar khub hath pawn mare, kayi dhamkiiyan di in logon ko, sab haste rahe inki baton par aur inka karwan chalta raha.


Takriban 36 ghante lagatar chalne ke baad gari ek jagah ruki, sab bahar aaye, wahan pura andhera tha. Saurav andhere me hi kahin chalta gaya .. Aur "khat" ki ek awaz hui jo sayad main board ka switch tha. Pure jagah me ek taraph se light jal gayi.


Ek bada se maidan ko jaise chardeewari ke nader kaid kar ke upar chhat dal diya ho, dikhne me hall ki tarah lag raha tha, aur usme andazan 50 aise container khadey ho jate ek sath tab bhi jagah khali he rahti.


Saurav ne kuch button press kiye aur samne se ek pick up van aayi. Uss Van me Aruv aur Suchitra ko load kar ke bhej diya gaya, uske baad ek dusri van aayi jisme baki ke log chale.


Madan ko to ab bhi yakin nahi ho raha tha ki wo hai kahan, aur achanak se uski zindgi me ye toofan kahan se umar aaya. Madan ne jo aage dekha usse dekh kar uski aankhen chaundhiya gayi, kyonki unki van jis darwaje ke bahar ruki, uske ander jate he ek attaya-aadhunik hospital thi, jo uske hospital se sabhi mayno me kayi guna aage thi.


Wahan uss hospital me Madan ke alawa do drs aur bhi the. Sahil aur Hasan ka ilaz shuru ho chuka tha, aur sare uske chahne wale, jald se jald Sahil ke hosh me aane ki kamna kar rahi thi.


Wahan uss jagah par aane ke daswe din... Hospital ke ander se se khusi ki vissel baji... Aur ander se he announce hona shuru hua..... "Sahil ne apni ungliyan mori aur apne paun hilaye" ...


Sahil ko hosh aane laga tha ... Aur idhar shail apni nis-chetna me apni dhundhli yadon me ... Usse dhundla sa ... Maa ka aancha... Gawn ka ek aangan, bati ko patak kar roti ek ladki .... Ek dhundhli si yaad..........

[dpmangla]

Nice Post

[rishiraj]

Honey boy mere bhai thoda sa bada update or de deta to tera kya bigadta mere bhai kyun aadhe adhure suspence mein insaan ko maar raha hain?

[virat singh12]

Ha bhai thoda bda update diya karo