Romantic Kuch Nahi Tere Bin (Completed)

[honey boy]

Nice Updates

once again nice update

friends keep reading...

[honey boy]

Update 123

"Haan Drish samne dekho"...... Aur samne dekhte he.... "Amme par ye yahan kya kar rahe hain... Mujhe laga, ye bas humare aapas ki baat hai"


Teeno ek sound proof room me chale gaye. Glass se bane iss room me koi inki batchit nahi sun'ne wala tha.


Amme.... Drish jyada chaukne ki jaroorat nahi hai hum tumhare blalai ke bare me he sochte hain.


Drish.... Kaisi bhalai Amme, mujh se sab kuch chhipaye rakhna, aisa hai tumhare bhalai karne ka nadaz.


Aakash..... Drish shant ho jao, aaram se baat karte hain. Hum yahan aaj tumhare he sare doubt clear karne aaye hain.


Drish.... Aap to rahne do jiju, aap ne koi kasar nahi chhora, mazak bana kar rakh diya mera. Dr santanu ko mujh se milne nahi diya, aur ek alag he kahani rach dali, ki koi pagal tha jisne kaiyon ke sath mazak kiya tha.

"Aur to aur aap ke logon ne he unhe agwa kiya tha. Aap ne he unhe marwane ka order diya... Aur aap nahi chahte the ki dr kabhi mujh se mile.... Kyon hai koi jabaw aap ke pass".


Amme..... Drish jo mann me aaye bake ja rahe ho, tumhe andaza bhi hai, tumhare liye humne kitni bhari kimat chukayi hai.


Aakash.... Amme, bas bhi karo abhi wo baccha hai.


Amme.... Nahi Aakash, isse pata hona chahiye ki iske na samjhi ki wajah se humne kitna kuch jhela hai...


Drish.... Meri wajah se kya jhela hai, haan.... Ulta ek he to jariya tha mera jo mujh se mere maa baap ko milwata, wo mara gaya sirf aap ki wajah se.


Aakash.... Tumhari sari baten sahi hai, aur thodi he der me tumhe pata chal jayega ki hua kya tha, lekin pahle tum apne sawal puchho... Kya jan'na chahte ho....


Drish.... Dr santanu ne kya bataya mere bare me ? Kaun hun main, mere mata-pita kaun hain ? Kya wajah hai ki aap sab mujh par najar rakhe hain ? Mere zakham kyon jaldi se bhar jate hain, aur ye baat aap ko kaise pata chali ? Aakhir kya wajah hai ki yahan ke sare gundey aap ko jante hain... Aur aap kaam kaun sa karte ho? Aur ek jo mere aur Amme ke bich ka hai... Kal raat hua kya tha ?


Aakah, gahri sans leta hua thoda sa khud ko relax kiya.......


"Drish, main tumhe shuru se batata hun, sayad tumhare sare sawalon ke jabaw issi se mil jaye. Hum dono he tumhare tarah anath the, tumhare pass to apne astitw ka ek surag bhi hai.... Humne to jab aankhen kholi to khud ko anathaalay me paya".


"Jab hum bahut chhote the to hume gode liya gaya, hume laga humara bhi ek ghar hoga, hum bhi dusron bachon ki tarah school jayenge. Lekin mujhe aur Amme ko wahan se nikal kar jhonk diya gaya ek aisi training me jahan par jallad bante hain. Hume wahan trained kiya gaya. Har din hum apni maut se joojhte, har din jaise koi bhyanak sapna ho. 25 bacche the humare sath, aur uss training ke anth tak hum sir 5 he bache, main, Amme, Jose, Sawan aur Asfaq.


"Main aur Amme shuru se he sath rahe, humara sath hona he humari taqat thi. Baki ke wo teen ko alag jagah bhej diya gaya. Hume to kabhi pata he nahi hota ki hum achha kar rahe hain ya bura. Humare pass sirf naam aata, chijon ki list aati aur uss naam ko mitana, aur uss chij ko kisi bhi kimat par pana bas yahi kaam tha humara".


Drish.... To kya aap log kisi gangue ke liye kaam karte hain...


Aakash....... "Nahi ye ek orgnised crime group hai .... Syndicate. Hum aaj jo bhi hain wo iss syndicate ki den hai"


Drish.... Matlab aap bhi un logon me se hai jo kisi ka bhi khun kar ke ye tak nahi sochte ki unke piche unke priwar ka kya hoga.


Amme.... Drish sab ko tumhari tarah sahi galat nahi pata hota. Hume jo sikhaya gaya hume wahi karna sahi laga. Na to uske baad kya hoga wo socha, aur na he uske pahle.


Drish..... Jab aisa tha to kyon hum logon ki zindgi me aaye. Kyon meri di se shadi kiya. Wo soch rahi hain maine ek achhe insan se shadi kiya, par aap sab to ... Chhiiii..fasa kar rakh diya.


Amme.... Tumhe kya lagta hai., hum nahi ye kaam karte to kya ye kaam nahi hota. Inhe koi nahi rok sakta , inka kaam kisi bhi kimat me hona he hai.


Drish... Kisi aur ko to main nahi janta, main to aap sab ko janta hun, koi aur hota to mjhe koi afsos nahi hota.


Aakash..... "Drish, tumhe thakur ne pala isliye tumhe naitikta ki sujh rahi hai, yadi tumhe bhi meri tarah pala gaya hota to. Mujhe ye batao ki Payal yadi tumhe kahe ki kisi ka khoon kar do tum, to kya tum uska agla-pichhla aur pariwar dekhoge"....

Drish hume jo duniya dikhayi gayi humne wahi jiya. Hume jo karne ke liye kaha gaya humne wahi kiya. Hume to burai ne pala to bure hain. Lekin kyon achhe mahol wale log bhi gande hote hain. Upar se dikhne me sarif aur mauka milte he riston ka khoon bahane se bhi pichhe nahi hat'te. Hum ne to kam se kam kisi ka viswas nahi tora.


Drish.... Kaise nahi tora viswas... Joot bol kar meri di se shadi kiya.. Unko jab pata chalega to un par kya bitegi...


Amme.... Tumhari di ko Aakash ye baat bata chuka hai.... Tumhari di ne ussi waqt wada liya ye sara kaam chhorne ka.... Lekin ye kaam chhorne ka matlab duniya chhorna... Phir bhi Aakash akela lara sab se.... Teen mahine sab se joojhta raha hai ye, hume bhi pata nahi hone diya. Akele he Syndicate ke pure network me ghusa tha, aur jab Aakash wakai un par bhari para tab ja kar humari ek sandhi hui thi....


Drish.... Kaisi sandhi...


Aakash.... Hum tumhe bhul jayenge, badle me tum hamare raste me kabhi nahi aaoge.... Lekin kya aisa...


Amme...... Suno Drish, humare pass bhi dil hai... Shadi ke turant baad Aakash jo gaya tha... Wo final kaam he niptane gaya tha..... Ab tum smjho ya na samjho iss baat ko, lekin jo sach tha wo humne bata diya.


Drish.... Sorry, sayad main khud ki paresaniyon ki wajah se over react karne laga hun. Amme, jiju mujhe aap par bharosa hai, lekin wada karo phir wapas aap laut kar uss duniya me nahi jaoge. Maine Rasul ke bare me suna.... Aur usne jo kiya usse sun kar he khun khaul jata hai.... Isliye abhi mera najriya bilkul sunya hai aap logon ke prati... Please dobara wahan wapas mat jana ..... Masoomon par zulm aur atyachar achha nahi.


Aakash..... Main wapas lautne ke liye nahi aaya Drish... Khair ab thoda sukoon lag raha hai... Ab suno tumhari kahani.... Main uss case me chah kar bhi asamarth tha... Mumbai ke head ne dr santanu ko pakra tha, humlog usse boss kahte hain.


"Hum ab bhi uss se linked hain, kaphi purane sambandh rahe hain. Ab boss ke pass jab dr gaya to wo case syndicate ka tha, main chah kar bhi samne nahi aa sakta tha. Lekin uske pass tumhare atit k raaj the, isliye hum ne usse boss ke pass se kisi tarah chhuraya".


Drish... To kya jab aap ki baat hui to usne kuch bataya ?


Aakash.... "Haan dr se bahut sari baten pata chali. Hume laga tha ki uss dr ke pass sirf tumhare raaj honge, tum se juri ghtnayen. Lekin hum samjh nahi pa rahe the ki aakhir wo dr Syndicate ko kyon chahiye. Aakhir ek experiment he to kiya tha, jo ki aaj-kal har koi kar sakta hai.

"Lekin sachai kuch alag he thi. Dr santanu apne subject me gani the, aur unka experiment ke theory ko samjh pana auron ke bas ki baat nahi, uss par experiment karna to dur ki baat hai".

"Dr santanu ke experiment ko approval mila aur unhone apna experiment shuru kiya, lekin usse iss baat ki bhanak bhi nahi thi ki wo experiment cyndicate ke dekh rekh me hai. Usse laga ki govt. ka koi research hai aur wo uske liye kaam kar raha hai. Uske experiments kaphi umda the, aur pahli dawaeyon ka pryog tum par kiya gaya tha"....


Drish.... Kya mujh par pryog kiye gaye the..... Par kyon...


Amme..... Kyonki unhe war machine chahiye the. Group of activist jo kisi bhi kaam ko anjaam de sake, aur uska prayog tum par kiya gaya tha. Aur dr iss bharam me experiment kar raha tha ki wo aisa insan bana raha hai jo desh ko apni sewa de sake, jiski chhamta atulniya ho.


Drish.... Phir kya hua... Aue mere mata pita ke bare me kuch pata chala...


Amme.... Nahi, hume bas itni he jankari mili thi ki hum par humla hona shuru ho gaya. Hum highlight nahi ho sakte the, isliye humne kisi tarah uss dr ko wahan se nikal diya. Aur haan uss raat dr santanu ko goli Aakash ne he mari thi.


Drish .... Kya ????? Dr ko aap logon ne mara, lekin kyon...


Aakash.... Jab hum usse bhaga rahe the tab usne kaha, "suno tum mera ek kaam karna, yadi main agli baar phasne lagun to tum mujhe goli maar dena. Main nahi chahta ki mere sare experiment un logon ke hath lage. Iss baar yadi main unke changul me phasa to sayad main unka tourcher jhel nahi paun.... Isliye wada karo ki tum mujhe mar doge".


Drish.... To kya uss raat Rasul ke logon ne unhe nahi mara.


Aakash.... Nahi, unka nishana to dr ka paun tha, lekin sine ki goli mere rifal ki thi. Tum to behosh ho gaye the... Tumhe hosh kahan tha... Tumhe kya laga uss spot se tum khud chal kar mandir tak gaye, nahi Amme le kar gayi thi.


Amme.... Lekin sab garbar tab hui jab tumhara naam in mamlo me aaya. Tum uss waqt wahan nahi hote to mamla itna pechida nahi hota, unka shaq tha ki dr ne jate-jate tum se kuch kah kar gaya hai, aur issi wajah se wo log tum par najar rakhe huye the. Ek baar fir hum aur syndicate aamne samne the.....


Drish..... Ab kya hoga...


Aakash.... Kuch nahi, phir ek deal, yadi tumhe kuch pata ho to ye raaj un tak pahunch jana chahiye warna ... Aage ki dhamkiyan hindi picture se utha lena ....


Drish..... Sorry jiju, maine uss din hospital me bhi badtamiji kiya.... To kya aap ko pahle se pata tha mere zakham bharne ke bare me...


Aakash.... "Koi baat nahi Drish, tumhe to doubt hoga he na, yun achanak se hospital badal diya jana... Aur uske baad jo sachai tumhe khud apni aankhon se dekha tha hapital me"....


"Darasal hum nahi chahte ki kisi ko bhi tumhare body ke blood samples ki janch dekhne mile... Yadi ye baat pata lag gayi ki wo experimental baccha tum ho, to tumhe phir chain se nahi rahne diya jayega. Iske alawa tumhare dna samples ki madad se ye apna experiment phir se dobara shuru kar denge, jo ki kisi ke liye bhi achha nahi".....

[honey boy]

Update 124

"Darasal hum nahi chahte ki kisi ko bhi tumhare body ke blood samples ki janch dekhne mile... Yadi ye baat pata lag gayi ki wo experimental baccha tum ho, to tumhe phir chain se nahi rahne diya jayega. Iske alawa tumhare dna samples ki madad se ye apna experiment phir se dobara shuru kar denge, jo ki kisi ke liye bhi achha nahi".....


Drish.... Hmmmm ! Bahut si baten pata chali jiju. Par mujhe ek baat ab bhi samjh me nahi aati ki aap logon ko pata kaise hota hai mere bare me. Jaise ki us din jab main phasa tha traffic me to achanak he Amme pahunch gayi. Aur bhi bahut si baten hain, jinhe socho to aisa lagta hai ki aap mujh par najar rakhe ho.


Amme...... Ha ha ha, wo kartut tumhare jiju ki hai.


Drish.... Jiju ye lafra kya hai, aur mujh par kyon aur kaise najar rakhe ho.


Aakash, Amme ko hath ke ishare se chup rahne ke liye kah raha tha lekin Amme hasti hui kahne lagi.... "Ab bata bhi do Aakash kyon najren chura rahe ho".


Drish... Ye laga kya rakha hai, jiju abhi ke abhi mujhe batate ho, ya main di ko phone laga kar kahun aap meri aur Ashk ki jasoosi kar rahe ho.


Aakash.... Chup ho ja mere baap, kyon apni di ke naam par mujhe dara raha hai. Actually hua ye tha ki jab tum pahli bar hum se bhire the tabhi hum ne socha ki tumhe humare team me hona chahiye. Aur jab tum beshosh the tab maine ek micro transmeter chip tumhare jangh me eject kar diya.


Drish.... Hynnn ye hai kya. Kahin wo picture me jo device dikhate hain waise he to nahi.


Aakash..... Haan wahi samjho. Par filmon se upgraded version hai. Kyonki isme awaz bhi sun sakte hain, location trace karne ke alawa.


Drish.... Juju, ji karta hai gala ghont dun aap ka. Aap ne mere badan me ek device laga rakha hai. Aap ko sharm nahi aayi, aur ab jab sare bhed khul rahe hain tab bata rahe ho. Besharm meri aur Ashk ke bich ka sab kuch suna na aap ne.


Aakash..... Pagal hai Kya, jab hume tum paresan dikhte, tabhi tum par najar rakhte the. Warna yadi har waqt tim par najar rakhte to kya hume pata na hota uss raat tum kahan ho, jis raat dr ki maut hui.


Drish.... Abhi ke abhi nikalo usse jaldi se.


Amme.... Wo to kharab ho gaya, aur abhi uss jagah par surgery possible nahi. Ek baar tumhare wo zakham bhar jai jo goli se lage hain, phir usse nikal denge.


Drish..... Jiju aap bahar jao mujhe kuch Amme se sawal karne hain.


Aakash..... Kis bare me, tumhare aur Rachna ke bare me. Mast performance tha, maine live show enjoy kiya.


Drish.... Amme tumne to kaha wo device kharab ho gaya, phir ye live show ka kya chakkar hai. Aur uss device se video kaise dekh sakte hain.


Amme.... Live show hum ne Rachna ke ghar ke hidden cam se dekha. Bite kuch dino se hume tum par jyada he nigrani rakhni par rahi thi.


Drish.... Besharmi ki bhi had hoti hai, kya jaroorat thi dekhne ki wo sab.


Aakash..... Tum baar-baar apni di ka naam le kar mujhe dhamki dete ho, to tumhare liye bhi kuch hona chahiye na.


Amme..... Kyon chher rahe ho usse. Nahi Drish, darasal Rachna ke sath huye tumhare uss kissing case ke baad, hum kuch facts dhoond rahe the. Hume tumhara agression aur counter reaction ka pata karna tha, aur sath me tumhari brain ability bhi isliye najar rakhe the. Ab tum mujhe batao jarra, kal raat hua kya tha, aur mere ghar kaise pahunche.


Drish.... Yaad nahi jyada, halka yaad hai ki mere janghon me tej jalan mehsus hua the, aur phir kya hua pata nahi.


Amme.... Tum Rasul ke case me involve the, aur Rasul ne tumhe open dhamki bhi diya tha.


Drish..... Haan ....


Amme.... Aur kya kiya tumne. Ek gangster ki beti ko agwa kar ke, so gaye bilkul. Ghum rahe ho, love song ga rahe ho, lekin tum ne apna dhyan pura uss par se hata diya kyon.


Drish.... Sorry Amme...


Amme.... Aaj ke liye tumhe bahut gyan de diya. Ab dhyan se suno meri baat, ab se tum mere sath kaam karoge Aakash ke sath nahi. Ab tumhari training ki responsibility meri.


Drish..... Aur uss Rasul ka kya karna hai.


Aakash.... Hum iss se bahar hain. Pura case tumhara hai, tum usse handel karo.


Drish.... Thik hai main khud he handle kar lunga. Waise uski beti bulbul kahan hai.


Amme.... Wo yahin hai, aur sath me tumhare sare sathi bhi, bas uss Appu ko chhor kar, kyonki wo banda dimag me tum sab se jyada smart tha isliye usse underground karne ki jarurat nahi pari.


Drsih..... Appu ke bare me main samjha nahi.


Amme.... Kuch chijen waqt ke sath samjh aati hai. Isliye usse waqt par chhor do. Aur haan aaj se ye work shop tumhara hai. Yaad rahe iss jagah ki jankari kisi ko nahi honi chahiye. Enjoy your days, aur haan aaj bahut si baten adhuri rah gayi, jab tum mujh se milna to hum pahle uss kidnaping ka case discuss karenge....


Drish.... Lekin hum milenge kahan...


Amme.... Subah 3am baje sharp, mere ghar par, aur koi delay nahi. Haan lekin kal mat aana, parso se... Main jarra kuch naye set-up kar lun tumhare liye. Ab hum chalte hain.


Drsih.... Arre lekin iss jagah ke bare me to batao, aur baki sab log kahan hain.


Aakash.... Kuch chijen khud se karni hoti hai, har kaam me hum tumhari madad nahi kar sakte.


Drsih uss work shop me ghumta raha aur wahan ki chijon ko samjhne ki kosis karta raha.... Ghumte-ghumte usse uske sare dost aur sath me bulbul bhi mile. Wo sab uss work shop ke aakhri me bane ek hall me the.


Hasan uss se mil kar gale laga liya aur thanks kahne laga.... Baki sare log bhi uska kisi senapati ki tarah swagat kiya, jaise Drish un sab ka senapati ho aur wo sab uske sipahi, aur jung jitne ki khusiyan manane lage.


Drish..... Tum sab yahin aaram karo, aur kal hume uss Rasul ka chepter close kar dena hai... Hum kal 2pm baje yahan milenge. Tab tak main tum sab ko yahan ka ek kaam de raha hun. Iss jagah ki achhi tarah se chhanbin karo, har ek kone ka pata lagao... Aur kal iss jagah ke bare me puri jankari dena....


Sabhi log Drish ki baat se sahmat ho gaye. Drish bhi un logon ko kaam samjha kar wahan se ghar ke liye nikal aaya.

---

Idhar jab subah Drish yun achanak ghar se nikal gaya, to Ashk bari hairan rah gayi. Wo lagatar tokti rahi phir bhi Drish nikal gaya tha usse chhor kar.


Ashk, Payal ki ore hairani se dekhti hui puchhne lagi...... "Bhabhi, Drish ne aisa pahle kabhi nahi kiya. Aakshir hua kya jo wo meri baat sune bina he chala gaya".


Payal...... Kuch nahi lado, uske dost ko tumne galat bol diya issi wajah se wo naraj ho kar chala gaya.


Ashk.... Par maine aisa kya bol diya....


Payal..... Jarra sochna apni baton par, phir gaur karna tumne kya galat bol diya....



Ashk.... Bhabhi, wo meri saheli ko chher raha tha, aur mujh se aakar kahta hai, main uske liye baat karun, usse jarra bhi sharm na aayi mujh se ye baat puchhte.


Payal.... Ashk kya tumhari saheli ne tum se koi complaine ki kya. Janti ho yadi wo complaine bhi karti aur main tumhare jagah hoti to kahti.... "Mast banda hai yaar soch uske bare me". Tum ne jab uske bare me sunaya to mujhe to kaphi funny aur samjhdar laga.


Ashk..... Bhabhi, Aap uss se mili bhi nahi phir bhi uska support kar rahi hain.


Payal...... Lado, ye kaisi baat mann me lati hai, support nahi kar rahi, bas chijen samjhane ki kosis kar rahi hun. Achha sun dhyan se....... Ab tu mujhe bhabhi kahti hai, to kya mujh se kuch puchne se pahle tumhe sochna hoga. Jab soch kar baten kiye to uss riste ki majbooti he kya. Usse tum par viswas tha isliye tum se bina kuch soche puchha, na ki tamij aur badtamiji soch kar.


Ashk.... Ohhhh ! Phir to bhul ho gayi bhabhi. Main bhi na, kisi baat ko thik se samjhti nai aur har baat par over react kar deti hun. Thanks bhabhi aap ne mera najriya change kar diya. Abhi Drish ko phone laga kar sari baten clear kar deti hun.


Payal..... Nahi lado, abhi baat karogi to sayad wo baat na kare. Amne-samne mil kar baat karna.


Ashk.... Lekin bhabhi, wo naraj hai to kab mere pass aayega, aur kab main uss se baat karungi.


Payal..... Wo to pata nahi, lekin tum phasi ho buri...


Ashk.... Wo kaise bhabhi ?


Payal.... Mera bhai hai, usse main achhe se janti hun. Ek baar mujh se ruth gaya tha, mujhe bahut papad belne pare the tab mana tha.


Ashk.... Aisa ho he nahi sakta, ki aap dono me koi an-ban ho.


Payal.... Phir to best of luck, tumhe samjh me aa jayega, uska ruthna.


"Aakhir bhabhi ke kahne ka kya matlab hai, nahi Drsh kisi se naraj nahi rah sakta... Uss se mil kar pyar se sorry bol dungi, aur Appu se bhi maphi mang lungi, sab solve ho jayega"

---

Drish wahan ka mamla nipta kar ghar laut aaya.... Udhar Ashk, Drish se kab mulakat ho ussi bare me soch rahi thi.

Agli subah.....

Subah-subah taiyar ho kar Ashk, Drish ko lene pahunch chuki thi. Lekin Drish to pahle he taiyar ho kar college ke liye nikal chuka tha. Ashk ko jaise he pata chala, wo bhi college ke liye jaldi se nikli, class ke ander koi baat nahi ho payi, bas dono sath baithe rahe.


"Akdu kahin ka, ye to dekh bhi nahi raha, aur main kal se bas jhalak dekhne ke liye paresan hun. Lagta hai love wakai ruth gaya hai kya"


Class over hui, Drish, Appu ke sath canteen me chala gaya. Wahan baith kar dono baat kar rahe the. Tabhi Aahk bhi wahan pahunchi.....


Aahk..... Love, kya ho gaya... Kal se itne kate-kate kyon ho ?


Drish..... Appu, chalo chalte hain yahan se mera mood kuch thik nahi lag raha.


Ashk.... Drish, sorry baby main samjh gayi tum kyon ruthe the.... Appu uss din jo shopping mall me tum se kahi uss baat ke liye main tum se bhi maphi mangti hun.... Drish, baby... Ab to man jao.


Appu..... Aap ko bhabhi kaha hai, mujhe bura nahi lag sakta aap ki koi bhi baat.


Ashk.... To please, Drish ko samjhao na, kal se mujh se rutha hai, ussi baat ke liye.


Appu..... Bhai, ab ye chhoti-chhoti baat par muh fula kar baith jaoge. Itti si baat par to koi ladki bhi naraj nahi hoti, aur aap ladka ho kar ruthe ho. Dekho, jyada der naraj rahe to kahin bhabhi aap ke hath se na nikal jaye.


Drish... Appu tu chal raha hai, ya main akela jaun...


Ashk.... Appu kahin nahi jayega, aur na he tum, sorryyyy baby, itti chhoti si baat ke liye itni narajgi. Badla le rahe ho kya mujh se.....


Drish.... Jise jo samjhna hai samjhe, Appu tu chal...


Drish ke sath Appu bhi khara ho gaya.... Lekin Appu ka hath pakar kar Ashk usse niche bitha di.... "Tum jao, mujhe Appu ke sath kuch baat karni hai".


Drish, Appu ki ore ek baar dekha aur wahan se chalte bana.... Mayus ho kar Ashk, bas Drish ko jate huye dekh rahi thi aur Appu wo to bas khyalon me he..... "Yaar lagta hai in dono ke jhagron ke bich main pis jaunga, ab to bhabhi ke liye bhi kuch karna hoga. Bhai ko itna naraj aaj tak nahi dekha".

[honey boy]

Update 125

Drish, Appu ki ore ek baar dekha aur wahan se chalte bana.... Mayus ho kar Ashk, bas Drish ko jate huye dekh rahi thi aur Appu wo to bas khyalon me he..... "Yaar lagta hai in dono ke jhagron ke bich main pis jaunga, ab to bhabhi ke liye bhi kuch karna hoga. Bhai ko itna naraj aaj tak nahi dekha".



Ashk..... Ruth kar chala gaya, pichhe mur kar bhi nahi dekha...


Appu.... Koi baat nahi bhabhi, bhai abhi naraj hai, thoda samay do, unka gussa shant ho jayega.


Ashk..... Appu, tumhe dil se sorry. Mujhe manpf kar do. Maine anjaane me tumhara mazak banaya....


Appu.... Nahi, I am sorry bhabhi, mujh jaise anjaan anath ki wajah se aap dono ke bich an-ban hui.


Ashk usse aankh dikhati..... Khabrdar jo khud ko anath kaha to, chal tumhe kisi se milwati hun.


Ashk, Appu ko le kar Payal ke pass chali aayi.... Payal college ke waqt Ashk ko ghar par dekh kar thodi hairan ho gayi.


Payal.... Lado iss waqt tum yahan, aur ye ladka kaun hai....


Ashk... Bhabhi ye Appu hai...


Payal.... Ohhh Appu.... Aao wahan khare kyon ho dono


Appu..... Ye aap ki bhabhi hain, bhabhi...


Aahk.... Haan, aur ye tumhare bhai, yani Drish ki di hain...


Appu... Kya ye Payal di hain... Ohhhh, aho bhagya humare thanks bhabhi, jo Payal di ke darshan karwa diye..


Aur jaise Appu par excitment ka toofan aa gaya ho... Wo to farsh par slide karta Payal ke kadmon me bichh gaya....


Payal.... Oyee nautankibaaj utho ab... Tumhare kisse main sun chuki hun....


Appu.... Ohhh mera intro ho chuka hai.... Bekar me farsh par lota, kapdey ki istri kharab ho gayi....


Payal.... Pagla.. Lado teri baat hui kya chhotu se...


Ashk.... Ruth kar bhag gaya, sidhe muh baat tak nahi kiya... Ye bhi wahan tha pucho iss se...


Payal.... Koi nahi abhi aur kosis lagegi, karti rah wo maan jayega...


Appu.... Sorry sab meri wajah se hua....


Ashk.... Dekho na bhabhi, kab se khud ko anath aur meri wajah se hua, meri wajah se hua... Kah raha hai.. Baar-baar mujhe sharminda kar raha hai....


Payal.... Tum logon ki baat hai, main bich me kyon aaun.... Yahi to umr hai kuch galat karne ki aur un galtiyon se sikhne ki.


Appu.... Bol to aap aise rahi hain, jaise aap ki umr dadi ki hai....


Payal.... Shaitan kahin ka... Aaye ho to chalo, chal kar thodi shopping kar aayen... Meri bhi madad ho jayegi....


Ashk..... Lekin bhabhi Drish...


Appu.... Arre bhabhi chinta kyon karti ho. Aap bhi na dimag ni lagati, Payal di shopping karegi, to bhai ko to aana he hoga na.


Payal.... Samjhdar ladka.... Chalo ab chal kar shopping kiya jaye....


Idhar college se gusse me nikala tha Drish. Wapas fir usse college aane ki ikchha nahi hui, islye wo sidha work shop chala gaya.... Wahan to sabhi logon ki party ho rahi thi, bas do gayab the, Hasan aur bulbul...


Drish.... Hasan bhai kahin najar nahi aa rahe, kahin gaye hain kya ?....


Rafiq.... Nahi wo bas iss work shop me tahal rahe hain apni bulbul ke sath...


Drish.... Hehe, achha thik hai unhe ghumne do... Ye batao jagah ke bare me pata kar liya....


Nadir.... Haan, ye jagah kaphi high-tech tarike se banayi gayi hai. Mera andaja hai ki ye takriban 10000 sq fit me hai. Humlog jahan hain ye upar ka hissa hai, aur banane ke hisab se lagta hai, iske niche bhi counstruction hai, par wahan jane ka rasta nahi mila.


Rafiq.... Char section hai iske, aur har section ko lighting ke jariye chhipaya ja sakta hai. Kamal ki lighting hai, jabtak ek sath charo ore raushni na karo puri jagah ka pata nahi chalega.


Tabhi Hasan aur Bulbul bhi aa gaye.... Hasan ne bulbul ko hall me jane ke liye kaha..... Aur khud un logon ko join kar liya....


Drish.... Chalo uss room me aaram se baten karenge... (Drish sab ko sound proof wala hall me le kar aa gaya)


Hasan.... Kab aaye Drish bhai...


Drish.... Abhi aaya... Aur kaisi rahi pyar bhari mulakaat...


Rafiq..... Plz aaj ek kiss to de do.... Dhatt nikah se pahle nahi... Bas yahin par baat rah gayi Hasan ki..


Sabhi ek sath jor-jor se hasne lage. Tabhi Hasan ne sab ko apne pichhe aane ke liye kaha..... Sare log uske pichhe-pichhe chal diye.


Hasan west me bane ek hall me dakhil hua, uss hall ke ander aisi banawat thi ki dekhne se bas ek hall lage, lekin diwaron ke bich ek darwaja tha....


Nadir.... Ye kab dhunda...


Hasan.... Main issi ko to dhund raha tha. Ye koi work shop nahi, kisi tarah ka traning area aur chhipne ki jagah lagti hai.... Yahan aao....


Uss kamre me electronic gazet ka pura zakhira tha.... Sabhi uss gazets ko dekh lar ek he baat puchhe..... "Ye kya hai"


Hasan.... Ye electronic gazets hain, par kis ka kya istmaal hai ye mujhe pata nahi... Bas ek chij jo main janta hun wo hai ye device....


Ek chhota sa chip tha.. Jise Hasan ne sab ko dikhaya....


Sab ka ek he sawal tha.... "Ye kya hai"


Hasan..... Main jab lg ke research center me gaya tha, tab ye device dekhi thi. Isse mobile me connect kar ke computor me iska code dalte hain, wahan se ek window open hoga... Aur phir usme jo ip adress dalenge ... Caller ki ip adress wahi show hogi.... Iske alawa ek aur khas baat... Jis caller ko hum call karenge uski ip bhi yahan show hogi.


Drish.... Upar se gaya sab ... Aasan sabdon me iske fayde samjhao Hasan bhai....


Rafiq.... Sidhe sabdon me kaha jaye to iss device ko use kar ke kisi ko bhi call karo police hume trace nahi kar payegi. Unhe pata he nahi chalega call kiska tha...

[honey boy]

Update 126

Hasan.... Nahi ye kahna galat hai.... Yadi hume call ke dauran koi trace karna chahe to bare aaram se trace kar sakta hai. Par koi genious, aam log nahi.


Drish.... Hmmm ! Kaphi pechida jagah hai.... Electronic gazets ke bare me aur kaun janta hai...


Nadir... Arre wo Appu kidhar hai, usse in sab ke bare me pata hoga, aur jo nahi pata hoga do din me pata kar lega... In sab ka to wo master hai... Sala 10 sal ki umr me kai site hack kar chuka hai....


Drish.... Rahne do wo abhi thoda busy hai... Doston maine tum sab ko iss jagah ke bare me har baat malumat karne ke liye kyon kaha jante ho...


Sabhi.... Kyon....


Drish..... Kyonki ab ye jagah humari hai .... Aur isse hum oprate karenge...


Sabhi logon me to jaise khushi ka mahol chha gaya... Sab jhumne lage.... Tabhi Drish sab ko sahant karte huye kahne laga.... "Haan lekin iss jagah ke bare me kisi ko pata nahi chalna chahiye, aur mujhe lagta hai hai abhi bahut kuch yahan ke bare me hum nahi jante... Main baki ka pata karne ki kosis karta hun... Lekin iss kaam ko aage badhane se pahle.... Hume uss Rasul ka matter close karna hoga....


Hasan.... Kya karna hai hume...


Drish.... Hum sab mil lar ek mat hote hain ki hume kya karna chahiye....


Nadir.... Behtar hoga hum ek baar bulbul ki rai jaan le, kyonki kitna bhi bura ya bhala ho, baap-baap hota hai. Ab hum Rasul to nahi jo apni chahat ke karan kisi ka pariwar ujar de. Fir anter kya rahega...


Rafiq.... Haan Nadir sahi kah raha hai....


Drish.... Hmmm ! Chalo chal kar uss se pahle puchhte hain, lekin ek baat batao, iss jagah ke chhan bin aur iss jagah par kya-kya hai... Wo usse to pata nahi na...


Hasan.... Nahi bilkul pata nahi, humne apne kaam se usse dur rakha hai....


Sab log bulbul ke pass pahunche... Aur uske pass chup-chap khare ho gaye....


Bulbul... Aap sab aise aa kar khare ho gaye, kya mere abbu ne phir kuch kar diya.


Drish.... Nahi, par hum aap se kuch puchhne aaye hain...


Bulbul... Kya ?


Drish.... Hum aap ke papa ke khilaf ab final action lene wale hain, aap bataeye hume kya karna chahiye...


Bulbul.... Goli mar do, yadi kuch karna he chahte ho to...


Sabhi chaunk gaye..... Hsasn.... "Bulbul tum hosh me to kah rahi ho na"


Bulbul.... Aap logon se nahi hota hai, to usse yahan le kar aaeye, main usse goli marungi... Aap log par koi baat nahi aayegi.


Drish.... Aakhir aisa hua kya jo aap apne he pita se itni nafrat karti hain...


Bulbul.... Baap nahi jallad hai wo, apne kaam ke liye jo apne biwi aur beti ko sone par majboor kare usse kya kahenge..... Jab uss dubai wale ko main pasand aa gayi, to wo mujhe uski ek raat ki dulhan banane ko bhi taiyar ho gaya.... Aap ko kya lagta hai, wo mere liye baukhlaya hai... Nahi... Uska kaam nahi hua to wo dubai wali party iss ke hath se chali jayegi....


Bulbul ko diraj dene ke baad sabhi log wahan se bahar chale aaye... Sab log wapas meeting hall me jama huye.....


Drish.... To tay raha... Hum usse yahan par le kar aayenge... Usne jitni bhi ladki videsh bheji hai, usse pahle wapas chhurayenge... Aur baad me hum usse khatam kar denge...


Nadir.... Lekin wo yahan tak aayega kaise.... Kisi ko shaq ho gaya to....


Drish.... Uske kitne aadmi honge total jo hume dhund rahe honge.


Rafiq.... Hasan ke right hand uss Robin ko pakro, sari jankari bahar aa jayegi.


Drish.... Aur ye Robin akela milega kahan....


Nadir..... Har rat karib 12:30 baje, apne char panter ke sath wo juhu beach aata hai. Car ke ander wo kisi ladki ke sath hota hai, aur bahar uske panter nigrani karte hain.


Drish.... Thik hai to phir hume jyada lafra nahi chahiye, hum usse uss ke panteron sahit uthayenge... Do gari me honge hum, ek me Nadir aur Hasan, dusre me main aur Rafiq....


Rafiq.... Thodi aur planning kiya jaye to hum Rasul ko uske ghar se utha sakte hain.


Drish.... Nahi, bina kuch bhi confirmation ke hum aage nahi badh sakte, ek tarfa plan me fasne ka dar hai.


Hasan.... Drish bhai, Appu ko bhi le lena, uss se kahna 5 logon ke behoshi ka bandobast karna hai....


Drish..... Kya wo ye sab kar sakta hai....


Nadir.... Haan bilkul kar sakta hai... Aap uss se bol dena ... Phir hum aage ki planning raat me mil kar karenge.


Drish abhi aage kuch baat karta uss se pahle he Payal ka call aa gaya.... Ek min ka sab ko viram de kar Drish ne wo call attend kiya.....


Payal.... Chhotu tu college me hai....


Drish.... Nahi di college me mann nahi lag raha tha to chala aaya...


Payal.... Aur lado kahan hai....


Drish... Wo sayad college me he hai.......


Payal..... Chhotu, uski jimmedari maine tumhare upar saunpi thi aur tumhe jarra bhi sharm nahi aayi usse akele chhorte. Main super market me kuch shopping kar rahi hun, usse le kar turant yahan aao....


Phone cut.... "Ye di bhi na" ..... Chidh kar usne phone lagaya Ashk ko.....


Ashk.... Muahhhhhhhhhh, love aakhir tumhe meri yaad aa he gayi...


Drish...... Super market pahunch kar gate par mera wait karo, hume di ne bulaya hai sath me.


Ashk..... Bhabhi ko mujhe bulana hota to mujhe phone kar sakti thi... Number hai mera unke pass..


Drish.... Main bol raha hun na...


Ashk.... Azi aap ke liye to jaan hazir hai, lekin itne berukhi se kahoge to main nahi aane wali, jarra pyar se kaho na plzzzzzz....


"Bolne ka tamij nahi aur mujh se pyar ki baat ki ummid kar rahi hai... Di ke karan phans gaya"....... Drish dil ka haal khud se kahte ... Ashk ko kahne laga..... "Aana hai to aao, nahi aana hai to mat aao... Main dobara nahi kahne wala" aur Drish ne bhi phone rakh diya......


Drish sab logon se alvida le kar iss mudde par aur jyada sochne ke liye kahne laga..... Aur wahan se super market ke liye nikal gaya..... Idhar super market me, Ashk khush hoti Payal ke gale lag gayi, aur bahar ja kar Drish ke aane ka intzar karne lagi.....

[dpmangla]

Super Sunday
Superb Updates

[honey boy]

Super Sunday
Superb Updates

Thank you keep reading...

[honey boy]

Update 127

Drish sab logon se alvida le kar iss mudde par aur jyada sochne ke liye kahne laga..... Aur wahan se super market ke liye nikal gaya..... Idhar super market me, Ashk khush hoti Payal ke gale lag gayi, aur bahar ja kar Drish ke aane ka intzar karne lagi.....


Drish super market pahuncha, wahan gate par pahle se he Ashk uska intzar kar rahi thi..... Jhoote muh Drish ne Ashk ko thanks kaha aur ander jane laga. Ashk ander na ja kar balki uska bag pakar kar bahar gate par he Drish ko rokne lagi.....


Drish.... Bag chhoro, ander di intzar kar rahi hogi....


Ashk.... Karne do intzar, lekin pahle tum jarra mujh se muskura kar do bol pyar ke to bol do.


Drish..... Bag chhoro mera...


Ashk, jor se chillati hui..... Hayyyyy rammmm, heyyy bhagwan mujhe mar dalo, itna beraham koi hota hai kya.... Koi to insaaf karo.


Logon ki najren un par parne lagi.... Drish chidhta huye kahne laga.... "Ashk tamasa band karo, aur chup chap chalo ander".


Tab tak kuch log jama ho kar puchne lage.... "Kya hua, kya hua, ye ladka tumhe chher raha hai... Tumhara bag chhin raha hai kya" ..... tarah tarah ki baten bhir se nikalne lagi.....


Aahk..... Hayy, hayyy aap sab bhi na, ghar se kya mirchi kha kar nikalte ho jo itna karwa bolte ho. Ye to mere hone wale wo hain, khud he galti kar ke mujh se naraj hain, maan he nahi rahe.... Koi to mana do koi to insaaf kar do.


Puri bhir barbarati wahan se nikal gayi..... "Aur koi kaam nahi, logon ko tang karte hain. Badtamiji ki bhi had hoti hai. Aaj kal madad ke liye jao to khud he sun'na parta hai".. Aur na jane kya-kya bhir Ashk ke liye apna pyar bhare sabd kahte nikal gayi.


Drish.... Ashk dekho bahut tamasa ho gaya, bag chhoro aur chup-chap ander chalo.


Ashk phir bhi bag nahi chhori. Drish uske hath me bag fek kar kaha "lo isse rakh lo". Drsih aage aage chal raha tha, Ashk pichhe-pichhe. Payal ko phone laga kar jagah puchha aur uske pass pahunch gaya. Lekin Payal ke pass Appu ko dekh kar Drish thoda aschrya karne laga...


Drish.... Appu tum yahan kaise...


Appu... Main bhabhi ke sath aaya....


Drish ko samjhte der na lagi ki ye sab pahle se yahan the.... "Di ye sab kya hai, ye sab tumhari planning thi na"....


Payal.... Chhotu, anjaane me lado ke muh se nikal gaya wo, ab itni bhi bari galti to nahi he thi, jo tum itna over react kar rahe ho. Tu to waise bhi janta hai kisi ke galti par main usse kabhi support nahi karti.


Drish.... Di wo chhoti si galti nahi thi na..... Ek min aap dono jarra shant rahna. Bata tu sach sach Appu jab tum ne wo baat suna to tumhe kaisa feel hua....


Appu.... Koi feeling nahi, maine pahle bola aur us par bhabhi ne jabaw diya bas itna he.


Drish.... Achha tujhe kasam hai uski jis se tu iss duniya me sab se jyada pyar karte ho. Ab kaho tumhe kuch feel nahi hua.... Suno Appu ab yadi sach-sach nahi bataya to aaj ke baad main tumhari shakal nahi dekhunga....


Appu.... "Sorry bhabhi, sorry Payal di... Ab bhai ne baat he aisi bol diya ki main majboor hun. Haan Drish bhai jitna soch rahe hain, uss se jyada baat mujhe chubhi thi. Main apne aanshu rok nahi paya isliye sab se najar bacha kar wahan se chala gaya".

"Main bhai aur bhabhi kahne ke chakkar me uss relation me itna viswas kar baitha ki main bhul gaya kaun hun.... Ek joker ... Jo sirf logon ko entertain to kar sakta hai... Par logon se ghul mil nahi sakta.... Log uski funny si baton par hans to sakte hain par usse apna nahi sakte.... Aap jante ho main kya bhul gaya... Ek anath ka priwar nahi hota".


Wahan ka mahol khamosh ho gaya. Payal, Appu ko gale lagati boli, "ab ye feeling dobara mat lana. Hum sab hai na tere.... Sun main hun teri didi, wo hai tera bhai, aur ye hai teri bhabhi. Aur pagal bhabhi ki baat par devar jhagra karte hain, "aakhir bol kaise diye ye baat" na ki man me baat daba kar aanshu bahate hain. Samjha"....


Ashk..... Mujhe manpf kar do, maine wakai dil dukhaya hai, baton ka dard zkham se bhi gahra hota hai... Ye mujhe pata hai... Isliye main apni baton par sharminda hun.....


Payal..... Chhotu, dekh lado apni baat par pachta rahi hai, aur ye kya tarika hua dono ka, kahne ko to shadi ke liye taiyar ho dono, aur samjhdari naam ki jara bhi chij nahi. Koi ek yadi galat hota hai to dusra use sahi karta hai, lekin tum dono ki harkaten dekhti hun to dimag kharab ho jata hai. Koi ek galti kare to dusra usse samjhane ke badle ulta ruth kar akela chhor deta hai.... Pagalpan ki had hoti hai, aaj ke baad iss tarah ki chijen mere kaan me bas sunai pare, phir main dono ko batati hun.... Cholo ab dono ek dusre ko sorry bolo...


Ashk, Drish ke kandhe par hath rakh kar..... I am sorry love...


Drish.... Main bhi sorry ab hato....


Ashk.... Dekho di, ab bhi nahi man raha, akdu bana hai....


Payal..... Chhotu, nalayak ye kya laga rakha hai....


Drish..... Ye kya tarika hai, koi bhi baat ho ye sab ko sab kuch bata deti hai... Mera abhi mood off hai mujhe please akela chhor do. Appu tum sab ko ghar chhorne ke baad mujhe call karo. Aur ye bahut jaroori hai.


Drish phir se wahan se iss baar pahle se jyada gusse me gaya. Wo aur bhi jyada chidh gaya.... "Pagal kahin ki, har baar ye sab kuch di ko aur apni maa ko bata deti hai. Do logon ke bich ki kuch privecy bhi hoti hai ye bhi nahi samjhti. Iss baar to isse sikha he dunga ye baat".


Ashk phir se mayus sa chehra latkaye, Payal ki ore dekhne lagi..... Payal, Appu ka hath pakar kar, "chal betu, hum tum shopping karte hain".


"Love, kitna chidhte ho, had hai yaar... Sorry baba, galti ho jati hai. Tum dur hote ho to dimag kaam karna band kar deta hai. Main bhi to afsos karti he hun baad me kyon bata diya. Kahan gaya hoga ye.... Ghar ja nahi sakta hai, college gaya nahi hoga... Baki kisi ko thik se janta nahi... Yess ye wahin gaya hoga".........


Ashk, Aakash ko call lagayi..... "Haan Ashk bolo"


Ashk.... Bhaiya ye Amme ka ghar kahan hai.


Aakash..... Par Amme se tujhe kya kaam....


Ashk.... Bhaiya kuch nahi Drish se milna hai, wo wahin gaya hai...


Aakash.... Thik hai phone rakh main sms karta hun....


Aakash ka msg milte he Ashk sidha nikal gayi Amme ghar. Bell bajayi... Amme ne jab darwaje par Ashk ko dekha to khush ho gayi... Wahin Ashk, isharon me usse awaz na karne ke liye kahi.


Amme.... Ander aao, tum ye chup hone ka ishara kyon kar rahi ho.


Ashk.... Drish aaya hai kya...


Amme.... Haan, ander kamre me soya hai, kya tum dono ke bich kuch hua hai kya ?


Ashk.... Haa, chhoti si baat chit... Kya main ja sakti hun uss se milne...


Amme.... Haan bilkul, aur suno, samjhna ki main yahan nahi hun... Best of luck...


Ashk...... Kamra to bataeye....


Amme..... Sidhe ja kar bayen hath par....


Ashk, Amme ke gale lag kar usse thanks kahne lagi.... Aur sidhe ja kar bayen hath ke kamre me dawe paun ghus gayi..... Drish aankhen munde chit leta tha. Ashk chup chap bilkul dhime uske upar aa kar let gayi. Drish aankh khola aur apne upar Ashk ko dekh kar usse dur hataya aur uth kar baith gaya.....

[honey boy]

Update 128

Ashk.... Dekho kan pakrti hun baba galti ho gayi sona.... My love ... My sweet heart.... Mere kuchi-kuchi... Loveeeeeee...... Sorry love, wo galti se ho jata hai. Main khud par controle nahi kar pati, aur sab ko sab kuch bata deti hun. Lekin promise ab se aisa bilkul bhi nahi hoga....


Drish.... Maine kuch pucha kya. Ab tum har baat newspaper me chhapwao, ya news channel par do mujhe uss se kya.... Mujhe tum ke koi lena-dena nahi.


Ashk, Drish ke gale parti.... Achha aisi baat hai to meri aankhon me aankhen dal kar bolo, tumhe mujh se koi matlab nahi.


Drish apna muh ghumata.... "Haan koi matlab nahi".


Ashk, Drish ka chehra apni ore ghumati..... "Sach kaho tumhe mujh se koi matlab nahi"


Dono panch inch ke fasle par... Hont, bilkul hoton ke samne aur najren, bilkul najron se tiki hui... Drish ander sans khinchta kahne laga .... "Tum thodi distance maintaine krogi"


Jaise he Drish ne distance maintaine ki baat kiya, Ashk bilkul uss se chipkti hui apne hont se uske gal ko chumti kahne lagi.... "Itns distance chalega na"


Drish.... Ye galat tarika hai manane ka, tum aise nahi mana sakti ho...


Ashk, Drish se thodi dur hati, uske dono hath ko apne hathon me tham, usse utha kar apne sine se laga diya. Khumari si bhari aankhon me nasha lati kahne lagi.... "Yun manana jyada acha hai" aur itna kahti apne hont Drish ke hont par tika kar.. Usse chumne lagi....


Drish bhi un pyar ki gahraiyon me khote huye uske dono astan ko pyar se sahlate huye apni aakhen munde usse chumta raha. Ajib si lahar dono ke sason me thi.... Tej-tej sason ki awaz aa rahi thi.... Hont chumte huye jab bhi chhut'te.... Juban se ek he ajfaz bahar aate... "I Love you"


Tan ek dusre ko samrpit karte, lagar ek dusre ke badan par hath firaye ja rahe the. Tabhi Drish ne dhire se Ashk ke kano me kaha.... "Cuteee kya main apne hath ander dal dun"


Ashk, mare sharm ke apne dant hoton se kat li aur bina kuch bole bas apni palken niche kar di.... Drish, Ashk ke gode me sir rakh kar.... Top ko apne daton me dabaye... Pet ko chumte huye dhire-dhire upar karne laga. Dono ki sasen bekabu si ho rahi thi.... Dharkane ... Dhak --- Dhak, Dhak --- Dhak, Dhak---Dhak, Ashk mare sharm ke jor se aakhen mundi tej tej sasen le rahi thi.... Jo ho raha tha wo dono ke liye naya romanch tha.....


Tringggggggggggggggg...... Tringgggggggggggggggg.... Tringggggggggggggggggg..... Tringgggggggggggggggg


Ashk, Drish ke kandhe ko hilane lagi.... Drish ... "Haann cuteeee" .... Ashk apni lacharti awaz me kahne lagi.... 'Babyyy phone... Baby... Phone"


Drish..... Abhi nahi.... Aur Ashk ki baten ansuni kar ke wo Ashk ke pet par apni nak firane laga.... Ashk ko thodi khumari, aur thoda nasha dono chhane laga.... Tabhi phir se dobara ring hui...


Tringggggggggggggggg...... Tringgggggggggggggggg.... Tringggggggggggggggggg..... Tringgggggggggggggggg


Iss pyar bhate mahol se Ashk ki jarra bhi ikchha na thi niklne ki, lekin wo Drish se dur hat'ti, kahne lagi..... "Baby, phone uthao, kisi ko urgent baat karni hogi"


Drish utra sa muh le kar.... "Urgent baat"


Drish ka chehra dekh kar Ashk jor se hasti hui kahne lagi ..... "Haan urgent baat ab uthao bhi phone... Heee hheee hheeeee"


Drish, phone ki screen Ashk ke samne dikhata..... "Tumhara devar.... Urgent baat.... Iski to, isse bhi yahi waqt mila tha phone karne ke liye".


Ashk.... Mera pyara devar, kitne sahi samay par phone kiya, warna tum to naughty he huye ja rahe the....


Drish.... Do min jarra baat kar lun, phir batata hun..... Kaun naughty tha.... Aaj tumhari khair nahi cutee. Khud uksao aur ilzam mujh par.... Ab to aaj kuch bhi ho jaye .... Har baat ka gin gin kar badla liya jayega.....


Drish jab tak Aahk se baat kar raha tha, tab tak call cut ho chuki thi.... Drish wapas se Appu ko call lagaya.....


Appu.... Bhai free ho gaya, batao kahan aana hai....


Drish.... Ghar par ho na...


Appu.... Haan...


Drish..... Thik hai main aata hun thodi der se....


Payal.... Chhotu kuch kar raha hai kya...


Drish.... Nahi di, batao na kya baat hai...


Payal.... Arre wo panir lena bhul gayi, to jaldi se tu panir lete aa khana banana hai. Aur haan yaad se garam masala aur chat masala lena mat bhoolna...


Drish.... Hmmm ! Thik hai di.

Ashk.... Gin-gin kar badla... Hunnnn..... Aa gaya ghar se bulawa.... Le liya badla.... Heeee heeee heeee


Drish lapka Ashk ko ore aur, uska hath marorte kahne laga..... "Bari khii khii kar ke hans rahi thi, ab batao kise masti sujhi thi, kaun hath wahan tak le kar gaya"


Ashk.... Hath chhoro loveeeeeeee dukhta hai....


Drish.... Pahle batao, ki ye sa kisne shuru kiya...


Ashk.... Maine baba maine shuru kiya ye sab..... Ab please chhor bhi do, sachi dukhta hai...


Drish hath chhorte huye kahne laga..... Hmmmm ! Ab achha lag raha hai. Ek ye shaitan ladki, aur chandaal humare ghar wale.


Ashke, dhire se darwaje ke pass pahunchi, aur Drish se kahne lagi.... "Achha sab maine kiya to wo tumhare pant me tight kya tha, saitan tum aur chandaal humare ghar wale.... Heeee heee heeee"


Aur angutha dikhate bhagi Ashk. "Besharam bhagti kahan hai, ruk abhi main batata hun".... Drish bhi uske pichhe-pichhe bhaga, lekin hall me Amme mil gayi isliye dono ko apni bhaga-dauri shant karni pari. Dono wahan se nikal kar sidha apne-pane ghar pahunche. Raste me pura distance, kyonki Ashk apni scooty se gayi, aur Drish apne car se.


Drish ne Payal ko sara saman diya aur wahan se Appu ko le kar sidha work shop pahuncha. Appu ne jab wo sare electronic gazet dekha to khushi se nachne laga.... "Woowwww, itni sari high-tech devices, ye kamra mera hua... No distrubence"


Drish.... Haan tumhara he hoga ye kamra lekin aaj ki humari planning to sun lo.


Sab log ek baar phir se jama huye... Raat ki sari planning ho gayi.... Work shop wala ek van... Hasan, Nadir aur Rafiq ke liye chhor diya gaya, wo log wahin se sidha juhu pahunchte aur Drish, Appu apne ghar se.


Raat ke 12:00 baje...


Sab log tay plan ke hisab se juhu pahunche, aur gari ko kahin dur location se khara kar ke, location ki chhanbin karne lage. Ab tak Robin nahi pahuncha tha...... Sab log apni-apni postion le chuke the.


Headphone lagaye sab ek dusre ke contect me the. Appu ne behoshi karne wali wo sprey sab ko de chuka tha. Mask sab ke pass pahle se the. Sab kuch planning ke hisab se sahi chal raha tha.... Ab bas der thi to sikar ke pahuchne ki.


Raat 12:15.... Appu.... Yaar ye Robin kis chiriya ko pakr kar lane gaya hai sala tharki, ab tak aaya kyon nahi.


Nadir.... Pata nahi kise pakrne gaya hai... Mujhe kya pata....


Rafiq.... Sale kaam ke waqt ladki ki baat na kar dhyan bhakta hai...


Appu.... Tum log jagah pakre raho dowton, main jarra wada-pau kha kar aaya.....


Drish.... Sab shant, aur chup-chap kaam par dhyan lagao..... Appu... Mazak band


Raat bit'ti gayi..... Koi nahi aaya.... Raat ke 1:30 baje.....


Drish... Pack up doston, lagta hai nahi aaya, bach gaya sala....


Appu.... Ab aaye hain to kisi na kisi ko to sath le kar he jayenge, phir itni taiyariyon ka kya fayda.... Chalo chalte hain apne sikar ko pakrne....


Drish.... Lekin hum ja kahan rahe hain, aur kise pakrenge....


Appu.... Kise pakrenge..... Aur kaun mumbai mafia ka sarparast... Mumbai police commisnor.......

[dpmangla]

Nice One