Romantic Kuch Nahi Tere Bin (Completed)

[honey boy]

Update 107

Ashk.... Hua kya hai... Mujh se puchh rahe hai hua kya hai... Yaad nahi jaise kal ka class, itna bara hungama hua tha. Kal wo Rachna sach kah rahi thi.... Usse bhari class me chum liya tha... Wo bhi lip kiss.... Aaaaahhhhhhhhhh ! Ab bhi kuch jan'na hai .....


Ek he sound effect aaya ..... "Kya-kya-kya" ..... Aur kal jaise Ashk ko shocked laga tha waise he aaj Joya aur Saurav ko laga.


Joya aur Saurav samjh chuke the, mamla kuch jyada he serious hai, sayad iss ghatna se Ashk kuch jyada he sadme me thi. Dono ko kuch sujha he nahi iss par kya kahe aur kaise kahe "baat ko khatam karo"


Idhar college jaise chiriyaghar lag raha ho Drish ke liye aur sare janwar ek he din uske palle par gaye ho. College bich me he chhor kar Drish chala aaya.


Ussi saam .... Jab Drish ghar lauta....


Hall me Ashk, Payal, Aakash, Chandrika devi, Amme aur Arjun sabhi log maujood the aur Drish ka intzar kar rahe the. Drish ne jaise he sab ko dekha samjh gaya kuch bara hone wala hai, lekin usse pata nahi tha ki baat itni bari ho jayegi....


Drish nakli muskaan apne chehre par late huye kahne laga..... "Sab log hain yahin par... Aaj ghar me party thi koi mujhe bataya bhi nahi"


Payal.... Abhi ke abhi ghar se nikal jao....


Ye sound kaphi shocking tha. Sab logon ka muh khula ka khula rah gaya.... Drish ko to apne kano par yakin nahi hua.... "Kya hua di"


Payal gusse me uthi, aur Drish ka hath pakar kar usse hall se bahar karti kahne lagi..... "Nikal jao abhi iss ghar se"


Drish awak bas Payal ke chehre ko dekhte raha.... Pichhe se sab log bhi uth kar aaye.... "Hum baat karte hai na, aise gusse me faisla nahi kiya jata".... Log samjhane me jut gaye.... Tabhi Payal joron se chillayi.... "Koi baat nahi hogi ab, ya to ye yahan rahega ya main"


Payal itna kah kar wahan se chali gayi apne kamre me.... Jate waqt wo pichhe muri bhi nahi, sayad wo apne aanshu kisi ko dikhana nahi chahti thi. Drish bhi wahan se apne ek-ek kadam badhata nikal gaya.... Log hath pakar kar rokne ki kosis karte rahe ... "Ruk jao, mat jao... Payal gusse me hai abhi"


Drish apne bhari awaz me kahne laga... "Please mujhe akela chhor do"


Sab ke hath jhatkte Drish bhi sab ko chhor kar uss ghar se bahar chala aaya.... Bas sadkon par yun he chala he ja raha tha..... Drish chup-chap ja kar colony park ke ek bench par baith gaya... Khud ko kaphi tanha mehsus kar raha tha wo iss waqt.....


"Kya karna hai ab" .... Amme, Drish ke pith hath rakte boli....


Tanhaeyon me jaise kisi apne ka hath usne mehsus kiya ho. Drish bas uss se lipat kar foot-foot kar rone laga..... Amme bhi uske pith par hath pherti usse chup karane lagi.....


"Mana ki mujh se galti ho gaya tha, par mujhe sidha ghar se nikal diya. Mujh se kuch puchi bhi nahi di. Maine kya jaan bujh kar aisa kiya tha"


Amme.... Drish, chalo abhi yahan se.... Chalte hain mere ghar...


Drish.... Nahi Amme, mujhe kahin nahi jana....


Amme usse kandhe se pakar kar utha'ti hui kahne lagi..... "Chaloooo, pahle mere ghar, jitna kahi utna suno, jyada apni manmani achhi nahi".


Drish.... Nahi mujhe kahin nahi jana, main yahin achha hun.


Amme... To Payal ko main kya jabaw dun, wahan khana pina chhore hai. Main Aakash se kah kar aayi hun, Drish ko khana khila kar, usse msg karungi to wo bhi Payal ko khila de... Thik hai main msg kar deti hun, Drish kahin nahi mila, rahne do Payal ko bhi bhukhe...


Drish.... Pagal ho gayi hai Di.... Main to aa gaya na unki baat maan kar ... Phir kyon khana pina chhori hain...


Amme.... Tum aa rahe ho ya main jaun.....


Drish.... Ruko aa raha hun....


Dono raat ke waqt khane ke table par...


Amme..... Ab shuru bhi karo khana... Mujhe tasveeren bhejni hain....


Drish ek niwala apne muh me lete huye..... "Kya unko yakin nahi ki main khana kha lunga"


Amme... Sayad Aakash ko ho jaye, lekin Payal ko to tum jante he ho...


Drish.... Haan janta hun Di ko.... Tumne tasveer le li...


Amme.... Haan le liya....


Drish.... To ab jiju ko tasveer bhej do aur un se kahna Di ke khane ki bhi tasveer bheje phir main khana khaunga....


Idhar Payal ka haal bhi Drish se kam nahi tha, ro-ro kar uska bhi bura haal tha.... Aakash aur Arjun dono usse chup karane me lage the, lekin rah-rah kar wo ek he baat kahti..... "Maine usse gusse me kah diya to kya wo sach me chala jayega.... Aur dur hato tum dono mujh se, rok nahi sakte the usse jane se... Akela chhor do mujheeee"


Itne me Aakash ke pass msg aaya... Aakash, Payal ko manate huye kahne laga..... "Dekho Drish ka msg aaya hai... Kah raha hai ... Ek niwala kha liya hai ... Ab di khana shuru karegi, phir main aage khaunga"


Drish par kaphi narajgi jatate hui aakhir Payal apni aanshu pochhti khana shuru kar di. Amme bhi idhar Drish ko khana khilati puchhne lagi..... "Ab kya karoge Drish"


Drish.... Pata nahi Amme, kuch samjh me nahi aa raha. Main to kai dino se bas apne atit ko dhundne ki kosis kar raha tha, ab lagta hai mujh se mera vartman bhi chhut raha hai....


Amme.... Drish... Drish.. Drish... Tum ab bhi baat ko samjh nahi rahe ho.


Drish.... Khul kar bolo Amme....


Amme.... Dekho main yadi bataungi to umhe samjh me nahi aayega... Isliye jaisa main kahti hun waisa karo ... Sayad karte-karte tumhe ye samjh me aa jaye ki tumhe kya samjhana chahti hun ....


Drish..... Thik hai batao kya karna hai ...


Amme.... Thik hai ja kar pahle uss Rachna se milo, aur dekho wahan kya hota hai....


Drish.... Par Rachna he kyon... Wahan jane se kya hoga....


Amme..... Dekho tumne kisi aurat ko bina uske marji ka chuma, tumne koi chhoti galti to ki nahi hai. To pahle jo galti hui hai usse sudharo, jab tum uss se manphi mang loge to tumhe ander se confident feel hoga... Jab ye kaam ho jaye tab next kaam bataungi....


Drish.... What rubbish Amme, lekin mujhe to koi galti jaisa feel he nahi hua... Mujhe Rachna ko le kar kois afsos nahi, bas ghar ke logon ne isse kuch jyada he serious le liya.


Amme.... Drish kurrur mansikta kahte hain isse. Tumne kisi ko raah chate kiss kar liya aur tumhe uss ke liye jarra bhi feel na hona ki tumne koi galti hai ye bahut he afsos janak hai....


Drish.... Amme sahi galat ke chhakar me main ulajh kar rah jaunga. Waise janti ho, mujhe Ashk ke liye feel ho raha hai ki maine koi galti kar diya, mujhe di ke liye feel ho raha hai.... Par pata nahi kyon tum log itni bari baat bata to rahe ho kiss lena, par mujhe uske liye kuch feel nahi ho raha. Khair sab log uske liye soch rahe ho to thik hai pahle uss se manpfi mang kar main sahi ho jata hun.....


Agle din saam 5pm baje .....


Amme ne Aakash ko msg kiya..... "First obsevation start..... Drish abhi Rachna se manphi mangega, jab ki uski feeling ye hai ki Rachna ke sath usne kuch bhi galat nahi kiya"


Aakash..... Hmmm ! Keep watch, pure result ke baad baat karte hain....


Idhar Rachna ke ghar saam 5pm baje....


"Ting-tong, ting-tong"....... "Kaun hai" kahti hui Rachna darwaja kholi, aur jaise he Drish ko samne dekhi... Aschrychakit ho gayi..... "Tumhari himmat kaise hui yahan aane ki"

[honey boy]

Update 108

"Ting-tong, ting-tong"....... "Kaun hai" kahti hui Rachna darwaja kholi, aur jaise he Drish ko samne dekhi... Aschrychakit ho gayi..... "Tumhari himmat kaise hui yahan aane ki"


Drish.... Mujhe afsos hai uss baat ke liye.... Mujhe manf kar dijiye madam...


Rachna.... Kyaaaaa ?????


Drish.... Main uss din ke liye manfi magne aaya hun....


Rachna..... Haramjade mere ghar se nikal jao... Kutta kahin ka.... Chal bhag mere ghar se.....


Drish apni aankh dikhate huye, bare gusse me uska gala daba kar ander le gaya..... "Chup ho jao badjaat, tere wajah se pahle he dimag kharab hai, ek to manfi magne aaya upar se tum mujhe attitude dikha rahi hai.... Kamini tere wajah se mere ghar me phut par gayi, jyada boli to yahin gala ghont dunga".....


Jab Rachna college me thi tab Amme ne uske pure ghar me chor camre lagwa diye the taki itminaan se Drish ki gatividhiyon par najar rakhi ja sake..... Drish ke aankhon me gusse ki laali, aur gale par hathon ka dabaw dekh kar to Amme ke mathe par pasine aa gaye..... Kuch he der me Rachna khasne lagi... Uski aankhen bari ho kar bahar aane lagi, aur uska saans lena muskil ho gaya....


"Ukkhuuuu.. Ukhhuuuu .... Ukhuuuuu"..... Drish uski haalat dekh kar apna hath chhora, aur ja kar sofe par baith gaya..... Rachna apna gala pakre bas tej-tej sasen lene lagi..... Mahol shant ho gaya wahan ka.... Bilkul shant .....


Dhire se ek baar fir Drish ne kaha..... "I am sorry"


Rachna usse upar se niche tak dekhti hui phir se kahne lagi ... Lekin iss baar bikul apne sabdon ko lahje me rakh kar aur thodi darri si awaz me..... "Tum manfi magne aaye the ya mujhe jaan se marne"


Drish.... Kaha to sorry, ye sorry gala dabane ke liye he tha.....


Rachna.... Tum chay piyoge....


Drish... Haan


Thodi der baad Rachna uske liye chay le kar aayi.... Chay ki ek chuski leti Rachna kahne lagi.... "Tum yahan kewal mujh se sorry kahne aaye ho".


Drish.... Wo chhoriye ye bataeye, abhi to mujh par bharak rahi thi, aur achanak se kya hua jo mere liye chay le kar aayi...


Rachna..... Bas yun he, laga ki chay par baith kar aaram se baten karenge.... Kyon mujhe chay nahi lana chahiye tha.


Drish.... Pata nahi, ajib ho aap....


Rachna..... Haan so to hun, lekin tum se kam. Ab batao, kya tum yahan kewal manfi magne aaye ho...


Drish..... Haan, sab ko lagta hai ki mujhe wo kiss nahi karna chahiye tha, ye galat hai....


Rachna.... Sab ko kya lagta hai uss se koi matlab nahi, lekin jab tumhe mehsus he nahi hua ki koi galti hui hai, phir tum kyon aaye manfi magne....


Drish.... Pata nahi, mujhe laga ki sab kah rahe hain to jaroor koi bari galti hogi...


Rachna.... Tum kuch pariwar tootne jaisa kah rahe the... Kya hua ghar par....


Drish.... Wo jan'na aap ke liye jaroori nahi....


Rachna.... Ab tum se aap par aa gaye. Mujhe izzat bakhsne ki koi jaroorat nahi .... "Tum" he kah kar pukaro...


Drish.... Mujhe aap ke galiyon par gussa aa gaya, koi yun khari-khoti suna de mujhe pasand nahi. Iss wajah se wo sab muh se nikal gaya....


Rachna.... Ha ha ha.... Jante ho Drish, tum me aur mujh me koi anter nahi. Bas tajurbe se itna he kahungi ki gusse ko hamesa soch me tabdil karo.... Yadi tum aisa karne me safal ho gaye to tum se safal koi nahi.


Drish.... Aap ne aisa kyon kaha ki tum me aur mujh me koi anter nahi.... Kya hua so...


Rachna.... Ha ha ha... Khair uss baat ko jane do main yun he kah gayi.... Jante ho, oh biskut khatam ho gayi... Tum biskut loge...


Drish.... No thanks, aap kuch bol rahi thi...


Rachna.... Haan, jante ho main tumhe shant samjhti thi, aur Ashk ko kaphi gusse wali, par tum to Ashk se jyada kharnaak aur gusse wale ho....


Drish.... Aap ne itna sab kaise judge kiya....


Rachna.... Ab main jaan bujh kar uksa rahi hun, aur tum Ashk ka hath pakar kar usse rokne ki kosis kar rahe ho, to kya main itna bhi nahi samjhti....


Drish.... Ek baat kahun madam, aap se yahan baat karne aur college me baat karne me bahut anter hai....


Rachna.... Achha chalo main sab clear kar deti hun.... Pahle to mujhe pahle din ke liye, jo main tum logon ke parent ke upar abhadr tppni ki, uske liye manpf kar do....


Drish.... Uss baat ki yaad mat dilao madam, warna main dobara gala ghont dunga......


Rachna.... Arree, manfi to mang rahi hun na, fir itna kyon react kar rahe ho....


Drish.... Jab itna he guilty feel ho raha hai, to aap ne kaha he kyon tha....


Rachna.... Ego, humare ander ka ego beta, yahi kah sakti hun, aur kya kaha ja sakta hai....


Drish..... Kaun sa ego madam, aisa ego kis kaam ka jisme dusron ke feeling ka ehsaas he na ho. Ego me kya dusron ki self-respect ko tol lenge.


Rachna.... Achha to tum mujhe batao, apne se lagbhag 15/16 umr me bari aurat ko tum ne kiss kiya, wo bhi chalti hui class me, kya timhare dil ne ek baar bhi kaha ki tum galat kar rahe ho..... Phir bhi tum yahan mere sath achhe se baat kar rahe ho na.....


Drish.... Hmmm ! Aa gayi baat samjh me madam .....


Rachna.... Ab aaj ke liye bahut swal jabaw ho gaya.... Ab jyada hum iss par baat karte rahe to hum dono confuse ho jayenge.....


Drish.... Hmmm ! Thik hai madam, main chalta hun....


Rachna.... Suno Drish, pahle to mujhe madam kahna band karo, lagta hai main umr se pahle budhi ho jaungi, aur haan abhi tumne manfi mangi hai, maine koi manfi diya nahi ab tak....


Drish.... Aap meri teacher hai to aap ko madam na kahun to aur kya kahun.... Aur main kya karun jo aap mujhe manpf kar dengi...


Rachna, Drish ke sir par ek hath marti kahne lagi.... "Beta hoton par kiss bf ya husband leta hai, to teacher aur student hone ki baat to tum karo he nahi.... Aur rahi baat manfi ki to tum jaisa ladka roj-roj tjode na phasta hai jo main itne aasani se jane dun.... Abhi mood nahi hai, manpf karne ka... Filhaal tum se gappe ladane me main late ho gayi, chalo ab marketing karbao meri....


Drish.... Aap to gol-gol baat kar ke apne baton ke jaal me phasane lagi, kahin ye Ashk sun le to meri jaan he nikal legi....


Rachna apna bag utha'ti kamre se nikalti hui kahne lagi..... Dusre ladkiyon se to bara he rude ban kar rahte ho, be a man type, ye Ashk ka naam sun kar tumhara pesab kyon chhut jata hai....



Drish, driving seat par bait'te huye..... "Dusre ladkiyon se matlab .... Aap kab se ladki ho gayi"...


Rachna.... Oye khal khinch lungi, abhi main ladki he hun. Waise main apni nahi, par aaj jo ladki tumhare pass canteen me baithi thi uski baat kar rahi thi. Aur bhi kai cases maine college me dekhe hain. Jab bhi koi ladki thume "hi" kahti hai, ya tumhe dekh kar muskurati hai to tum respond he nahi karte.... Tumhe nahi lagta ki Ashk ki dar ki wajah se tum aisa karte ho....


Drish.... Ha ha ha... Aisa nahi hai madam.....


Rachna.... Fir madam, kahi na madam na kaho....


Drish.... Phir main kya kahun, aap he batao... Aap mujh se umr me itni bari ho....


Rachna.... Ab se hum dost, bhulna mat tumne kiss liya hai mera.... To hum dost huye... Aur doston ko naam se aur tum kah kar pukaro....


Jor se accelator par paun rakhte Drish kahne laga..... "Pata nahi aap ye kaun sa khel, khel rahi hain... Mere samjh se to pare hai."...


Rachna.... "Super market lo gari"....... Dono baton me masgul ho kar marketing karte rahe...


Agli subah....


Drish ke college jate waqt...... Appu ek baar phir se hath dikhane laga.... Iss baar Drish ne gari rok diya... Aur darwaja kholte kahne laga..... "Apni ye rampuri fek kar ander aao, warna aaj main tumhari nahi, balki tumhe sah dene wale tumhare dost ko yahin tabiyat se dho dunga"....


Appu ke pass uska ek dost bhi khara tha..... "Arreee doston ye sala to dhamki de raha hai.... Aao iski khabar lete hain, parr nikalne laga hai iska".


Appu uss ladke ke kandhe pakad kar diwal se lagaya aur kahne laga..... "Hum dono ka matter hai, jane de"

Wo ladka usse ek thappad marte huye..... "Koi apne ilake me aa kar saan patti kare, hume ye pasand nahi, tu bich me mat pat abhi"

Appu apne aap se kaha..... "Mere baap ka kya jata hai, dost hone ke nate samjhaya tha, nahi mana"

Idhar wo ladka phir se chillya.... "Ae mental rod bhi nikal kar sath me lete aana"

8/10 ladkey daurte huye aaye.... Drish bhi tab tak car se bahar nikal kar aa chuka tha.... Tabhi hawaon me jaise kisi ke aane ki khushbu dur se usne pahchani ho.... Kahin dur apni pyari si chhap chhorti Ashk scooty se aati najar aayi.... Mano mukaan tair gayi ho Drish ke chehre par....

Drish muskurate huye, tej sans apne ander khinchta, Ashk ko khud me mehsus karne laga.... Issi bich un sab ladkon ne Drish ko Drish ko charo ore se gher kar ... Lage marne.....

[dpmangla]

Nice Posts

[rishiraj]

Iss update se maza nahi aaya jyada or update de de honey dude

[honey boy]

Nice Posts

Iss update se maza nahi aaya jyada or update de de honey dude

friends keep reading

[honey boy]

Update 109

Drish muskurate huye, tej sans apne ander khinchta, Ashk ko khud me mehsus karne laga.... Issi bich un sab ladkon ne Drish ko Drish ko charo ore se gher kar ... Lage marne.....


Drish aankhen munde sir ko uthaye, chehre par muskaan liye bas maar khaye ja raha tha.... Ander usse aisa feel hua jaise Ashk abhi apni scooty se utregi, aur uss se lipat kar sab ko aankhen dikhati kahegi ..... "Agar kisi ne bhi mere Love ko chuya bhi to main uski jaan le lungi"


Kitna pyara khyal tha, Drish ki muskaan aur lambi ho gayi... Par wo ye sab apni band aankhon se to nahi dekh sakta tha na, isliye muskurate huye usne apni aankhen khola.... Dande par rahe the, parwah kise hain... Lekin aankh khulte he Ashk se najren mili .... Ye jyada katilana tha....


Drish muskurate usse dekhne laga.... Iss ummid me ki Ashk ab daur kar liptegi.... Par ye kya... Ek baar najren mili aur Ashk scooty start kar gayab..... Drish usse jate huye dekhta he rah gaya..... "Nisthur kahin ki, sare armano me scooty chala kar chali gayi"......


Tabhi gahma-gahmi ke bich Drish ke kano me Hasan ki awaz subayi pari.... Drish ko laga mujh se bich-bachao ke chakkar me kahin Hasan na maar kha jaye. Bari teji se Drish ne Hasan ko apne pichhe kiya, aur do logon ke hathon ka base ball danda, apne dono hathon se chhuraya....


Danda hath me aate he Drish apne ghuthon par gira ... Aur sab ko paun me marte huye dono hathon ke dandon ko ek pure round me ghuma diya..... Sab ke sab jamin par baithe karrah rahe the....


Hasan.... Drish... Sab ke sath mujhe bhi lapet liya....


Drish..... Arre Hasan tu kahan in dando ke bich me aa gaya..... Appu jarra bhai ko utha, isse hospital le jana hai...


Hasan.... Nahi rahne de main thik hun, par ye bata ki in logon ke sath tera lafra kyon hua....


Drish.... Ye niche pare logon se puchh lena... Abhi mujhe jarra college jane de....


Appu.... Hasan bhai, bhai ko college jane do. Aaj kal bhabhi naraj chal rahi hai bhai se...


Hasan.... Ab harkaten aisi hogi to naraj he hogi na.... Jao jaldi se usse mana lo .....


"Lagta hai Ashk ne newpaper me dal di ye puri khabar".... Dono sawar ho gaye car me aur chal diye college ke ore....


Appu.... Bhai waise ek baat mujhe samjh me nahi aayi, ye bhabhi aap se itni khapha kyon hain....


Drish..... (Ab isse kya kahun) .... Wo kya hai maine uss se ₹100 rupye udhar liye the aur wo main time se chuka nahi paya isliye naraj hai mujh se. Paise ke chakkar me pyar dau par lag gaya.


Appu.... Ye sahi kaha bhai, ye paisa bhi na achhe-achhe relation me darrar dal deta hai.... Batao shadi ke baad to aap ke he paise par aish karegi, phir bhi ₹100 rupye ke liye itna natak.... Sahi kahta hai kaniya, ye ladkiyan bahut he kanjus hoti hain.....


Drish.... Ab kya kar sakte hain, chalo college chalen....


Drish, Appu ko drop kar ke sidha apne class me pahuncha, abhi baitha he tha apne bench par ki uske baju me Purvi bait'ti hui usse "hi" kahne lagi.


Drish... Tum kyon mere pichhe pari ho.


Purvi.... Oye samjh kya rakha hai, do line baat kya kar li tumhe to laga main tumhare pichhe he pari hun. Tum achhe lagte ho isliye dosti karne aayi hun, par mujhe nahi pata tha tum itne rude ho. Main chali bye...


Drish.... Haan ye achha decision hai, apne decision par kayam rahna....


Class shuru hui, class khatam ... Ek baar phir se sab canteen me... Appu bhi aa kar baitha tha aur apna kimti gyan Drish ko de raha tha, tabhi usse samne se Ashk aur joya aati najar aayi..... Drish, Ashk ko dekh kar he apni aankhen thandi kar raha tha, issi bich Appu utha aur pahunch gaya Ashk ke table par....


"Tumhe sharm nahi aati bhabhi, bhai se ₹100 rupye ke liye naraj chal rahi ho... Lo ye lo ₹500 rupya... Aur bas ye jhagra khatam karo".


Ashk usse upar se niche tak ghuri, phir apni jagah se uthi aur Drish ke table ar bare gusse me pahunchi... Pichhe-pichhe uske Appu aur Joya bhi pahunche...


Ashk..... "Ye namuna mujh se kya kah raha hai".....


Drsih.... Tum bahut khubsurat lag rahi ho cutee, I love you....


Ashk..... Apni love you ja kar kisi aur ko sunao, maine sirf itna puchha ki ye naumna mujh se kya kah raha tha....


Drish ne apne bayan hath faila kar Appu ko apne pass khincha aur kahne laga..... "Ye namuna nahi Appu hai... Mera anuj".....


Appu..... Arre bhai aap apna chela kaho. Bhabhi ye hain Shree Ram, aap ho mate Sita aur main hun Hanumaan.


Ashk..... Chal joya, yahan pura pagalkhana khul gaya hai........


Appu..... Arre bhabhi wo supnakha hai, wo Rawan ke side ki hai, uss se dosti achhi nahi.


Joya apne bare me aisa sun kar tamtamati hui aayi..... "Chhachhundar kya kaha tune abhi"


Appu.... "Supnakha kaha bandriya... Lagti bhi waisi he hai"


Ashk.... Chal Joya inke muh lagna bekar hai....


Saurav.... Kisne Joya ke sath badtamiji ki....


Drish..... Jyada khun mat jala... Chup-chap dekh jo ho raha hai.... Haan to Appu chal kar de purpose ab... Bata de tujh se bhirne ka kya matlab hota hai.....


"Purpose-purpose-purpose..... Par baat to iski chal he nahi rahi thi".... Saurav, Joya aur Ashk ke mann me purpose ka naam sun kar bas yahi khyala aaya... Idhar Appu purpose ki baat sun kar, jaldi se apne ghutno par baith gaya aur Ashk ki kalai tham kar usse "I Love you" kah diya......


Ashk, Joya aur Saurav teeno hasne lage.... Tabhi Ashk bhi uske "I Love You" ka jabaw deti kahne lagi.... "I Love You Too"


Appu ek paun par roll karta kahne laga.... "Bhai situation me thoda change ho gaya..... Aap ab hanuman ban jao, aur mujhe Shree Ram ban'ne do.


"Tere Hanuman ban'ne ki to ruk abhi batata hun"..... Drish uske pichhe-pichhe daura, usse marne ke liye..... Canteen se jab teeno nikle to Joya, Ashk ko tokti hui puchhne lagi..... "Achanak se tujhe kya ho gaya, jo itni khili si dikhne lagi Ashk"


Ashk.... Kitna funny tha na wo ladka.... Love ne kaha tujhe purpose karne aur usne, ussi ke samne mujhe purpose kar diya....


Joya.... Hunn.. Hunnn .... To ye baat hai, ya aur koi baat tere iss khili muskaan ka.....


Ashk.... Aur kya baat ho sakti hai....


Joya.... Wahi to main jan'na chahti hun..... Dekh kitna dhoka degi khud ko, aur kitna tarpayegi usse....


Ashk.... Tu kahna kya chahti hai, thoda khul kar batayegi.....


Joya.... Main bas ye kahna chahti hun ki tum mari ja rahi hai Drish se baat karne ke liye, phir itna natak kyon. Kal bhi jab college aayi thi, to murjhayi thi... Aur aaj bhi wahi haal tha.... Lekin teri aankhon ko jaise he Drish dikhta hai.... Tere chehre ki raunak wapas aa jati hai....


Ashk royasi hoti hui..... "Kuch bhi achha nahi lag raha hai Drish ke bina. Mujhe baat kar leni chahiye thi, kuch to wajah rahi hogi uske aisa karne ki. Lekin jab bhi aankhon ke samne kiss wala wo scene yaad aata hai... Pata nahi mujhe kya ho jata hai.... Kabhi-kabhi to dar bhi lagta hai, kahin main jyada ruthi rahi to wo mujhe chhor na de.... I love him... Mujh se ye duri bardast nahi hoti".


Joya..... Bas bhi kar, tu khud he ruthi hai aur khud he ro rahi hai ....


Ashk... "Janti hai uss raat jab Drish aaya tha.... Main kitna uss par chillayi.... Itta sa muh ho gaya tha... Wo ander se ro raha tha, lekin bahar se muskurata he raha.... Meri kitni bachpana ko wo hans kar tal jata, aur ek main hun ki usse har waqt dant deti hun"....

"Main bhi kya karun Joya, mere he aankhon ke samne usne kisi ko kiss kar liya... Ab tu he bata, bhala kaise main bardast karun".



Joya.... Chup ho ja sab thik ho jayega. Waise bhi tu ek baar usse chhor sakti hai, par Drish tujhe nahi.


Ashk, Jiya ke kas ke gale se lipat'ti..... "Haan mujhe bhi viswas hai, par uss ladki ko dekhi nahi kaise mere love ke aage-pichhe mandrate rahti hai".


Joya.... Pagal kahin ki, ye teri insequrity kisi din duba na de tujhe. Ab chill kar aur chalo chalte hain class....


Ashk wapas class chali aayi, Appu ke sath pakra-pakri khel kar Drish bhi wapas aa gaya.... Aaj Ashk uske pass aa kar baat ki thi, itna he khush karne ke liye kaphi tha, bhale he wo baat gusse me he kyon na kahi gayi ho.


Saam ke waqt.... Amme ke ghar....


Drish ghar me aaram farma raha tha, aur pura dhyan ab Payal par kendrit kiye tha "di ko kaise manaun" .... Tabhi Appu ka call aaya..... "Bhai tip-top taiyar ho kar jaldi se market aao"


Drish.... "Kyon kya ho gaya, ab kis ke baap ki shadi me dhol bajane jane hai"


Appu.... Kya bhai, ab aise taunt karoge. Baton me waqt na gawao... Aur jaldi se market aao.... Bhabhi kya mast taiyar ho kar aayi hai.... Bilkul rapchik lag rahi hai...


Drish.... Tu dekh kis najar se raha be apni bhabhi ko....


Appu..... Wo kya hai na bhai, bujurgon ne kaha hai ... Har khubsurat chij ki tarif to banti hai ... So maine kar diya... Ab aap soch lo phone se chipkna hai .... Ya bhabhi se

"Pagal" ... Drish ne fatafat phone rakha, jaldi se taiyar hua aur pahunch gaya Appu ke bateye jagah par.... "Kahan hai Ashk"


Appu.... Arre wo udhar dekho na, ek jalim budhiya ke sath .... Bhabhi shopping kar rahi hai.....


Drish.... Abe unhe jalim budiya bolta hai, usse pata chala to tera sir phor degi, wo meri sasu maa hai...


Appu.... Bhai aap meri baton ko chhoro... Aur kisi pagal premi ki tarah dekhne me lag jao bhabhi ko... Ek jhalak dekho aur phir aankhen mund kar uski tasveer apne jahan me utarao.... Socho mahol tham sa gaya hai... Yahan bas tum aur wo hain ... Teesra koi nahi .... Ek lambi si sans khincho jaise usse apne sine me utar rahe ho.... Dekho to bhai.... Bhabhi kitni mast aur pyari lag rahi hai.....

[honey boy]

Update 110

Appu.... Bhai aap meri baton ko chhoro... Aur kisi pagal premi ki tarah dekhne me lag jao bhabhi ko... Ek jhalak dekho aur phir aankhen mund kar uski tasveer apne jahan me utarao.... Socho mahol tham sa gaya hai... Yahan bas tum aur wo hain ... Teesra koi nahi .... Ek lambi si sans khincho jaise usse apne sine me utar rahe ho.... Dekho to bhai.... Bhabhi kitni mast aur pyari lag rahi hai.....


Drish Appu ko ghurte huye do hath uske sir par mara....... "Tu background feeling dal raha hai kya"


Appu..... Bhai-bhai... Dekho bhabhi.... thik samne .....


Drish ek hath se Appu ka muh band kar ke usse apne pichhe kiya, aur samne se Ashk ko dekhne laga.... "Ahhh, kitni pyari lag rahi thi.... Bilkul dil me hulchal paida karne wali"


Drish bas usse dekhe he ja raha tha...... "Bhabhi kitni pyari lag rahi hai, meri bhi aisi he ek pyari si gf kyon nahi hai"


Dhyan toota Drish ka...... "Appu, chup ho jao, mujhe kyon paresan kar rahe ho"


Appu, Drish ke hathon me phool dete huye kahne laga.... "Bhai ye action time hai, ghutno par baith kar usse phul do, I Love You kaho.... Aur gane gao....


Drish..... Phir tune apna phaltu sa idea diya to main tera khun kar dunga.... Muh band...


Appu chhota sa muh banate bud-budane laga..... "Huhhh ! Yahin khare ho kar dekhte raho, dekhna koi ladka daring kar ke usse purpose karega aur bhabhi usse haan bol degi"


Drish.... Phir kiya tune bakwas kaha na shant rah...


Appu...... Mujhe shant karne se kya bhabhi mil jayegi.... Lagta hai filmen nahi dekhte.... Ladkiyan aise he purposal aur chher-chhar se to impress hoti hai.... Achha ek baat batao...


Drish.... Kya ?????


Appu.... Jo ladkey school, college, bus-stop ya kisi bhi jagah par khadey ho kar line marte hain wo aawara hote hain ya aashiq....


Drish.... Aawara hote hain....


Appu..... Galat, 80% aashiq aur 20% aawara. Sab ki gf pat jati hai pichha karne se, usse line marne se... Yadi aawara hote to kya ladki pat'ti.... Sochne wali baat hai bhai ... Ab aage aap ki marji....


Drish.... Tu mujhe confuse kar raha hai....


Appu.... Bhai life ko kyon itna seriously lete ho... Thoda khul kar jiyo... Kuch pyari si shararten karo... Taki log paresan to ho, par baad me muskaan bhi aaye.... Ab jao... Mard bano aur bhabhi ko phul de kar aao...


Drish.... Par wahan mero sasu maa hai...


Appu bilkul action me aa kar kahne laga.... "Sirf aap ki khatir bhai... Sirf aap ki khatir main uss jalim budhiya se panga lunga"...


Drish.... Lekin tu karega kya....


Appu.... Aap bas dekhte jao....


Appu bina najar me Chandrika devi aur Ashk ke pichhe pahuncha.... Chandrika devi ke pith par hath de kar toka.... Chandrika devi jaise he pichhe mur kar puchhi .... "Kya hai" ... Waise he Appu uske hath se bag chhin kar bhaga....


Jab Drish ne usse bag chhin kar bhagte dekha.... "Ye pagal lagta hai aaj bazar me pitega"


Chandrika devi dauri Appu ke pichhe, aur uske pichhe Ashk bhi dauri, magar raste se he Drish ne Ashk ka hath pakar kar khinch liya.... Ashk speed me thi, hath ke khichte he wo sidha Drish ke upar giri. Drish ne bhi koi balance nahi banaya, aur Ashk ko lete sidha niche jamin par gir gaya....


Drish niche Aahk uske upar aur bajar ke logon ki najar un par...... "Ye kya badtamiji hai, chhoro mujhe"


Drish..... Jhooti kaho na tumhe bhi yun achha lag raha hai... (Drish, Ashk ko bahon me bharte huye bola)


Ashk.... Jahil, gawar, ullu... Chhoro mujhe.... Abhi...


Drish..... Abhi na jao chhor kar ki dil abhi bhara nahi... Abhi na jao chhor kar .... Mazi cuteee, I Love You na baby.... Jhooti roothi hai kya mujhe pata nahi....


Ashk, ander se muskurai, par bahar gusse ke bhaw dikhati apne dono kewhni Drish ke sine se tika kar jabardasti uthne ki kosis karne lagi. Lekin jab sari kosisen nakaam ho gayi tab Ashk aanken dikhati kahne lagi..... "Chhor rahe ho ya main bhabhi se kah dub tumhari ye jor-jabardsti"



Drish apne dono hath hata'te huye.... "Lo chhor diya, jao kah do... Humari sari baten dhindhora pit-pit kar sab se bata dena"


Ashk apne kapdey jharti hui uthi aur kahne lagi..... Mavaliyon ki sangat aur ussi ke jaisa vywhar, haan kah dungi har baat, tum kya galti karte raho, aur main chhipati rahungi.... Ho he nahi sakta........



Drish...... "Ashkkk.... Cuteeeee...... Baby I Love You"



Ashk pichhe muri, naak sikor kar ek baar Drish ko dekhi aur aage badh gayi...... Drish bhagta hua phir uske aage gaya.... Aur apne ghutno par baith kar, phul uske aage badhate huye kahne laga..... "Cuteee I Love Youuuuuuu"


"So cute na, iss ladki ne nahi haan kiya to main he isse apna bf bana lungi.... Suno tum, yadi mujhe aise purpose kar diye to main tumhari gf, confirm likh kar le lo".... Bajar me khadi ek ladki Drish se kahne lagi...


Drish..... Offer achha hai, par ye dil to bas apne cuteee ke liye he dharkega.... Sorry miss... Ab ye kahan chali gayi, jarra sa najar hataya nahi ki bhag hati hai....


Drish bhagta hua phir se Ashk ke samne aa gaya aur dono hath faila kar uska rasta rokte huye kahne laga.... "Aakhir kitna aur gussa rahogi cuteee"


Ashk.... Bhar me jao....


Drish.... Pata bata do plz abhi chala jaunga....


Ashk.... Mujhe koi baat nahi karni, mera rasta chhoro Drish....


Drish apne dono kaan pakrte.... "Sooo sorry cuteee, dekho jo hua wo bas ek dimagi upaj thi, aur galti se ho gaya"...


Bhare bajar me khadey ho kar Drish kaan pakre huye tha, aur dil me bejjati jaise Ashk ko mehsus hone lagi thi...... "Drish, please bas bhi karo, kaan se hath hatao apne, achha nahi lag raha"


Drish chup ... Bas khada raha..... "Hata bhi lo hath, achha nahi lag raha"


Drish phir bhi chup..... "Tum kya sochte ho aise kaan pakar kar khade rahoge to main pighal jaungi" ... Ashk chehre se gusse dikhati apna muh pher li, aur sochte huye apne kadam aahiste-aahiste badhane lagi.... Char kadan chali hogi, ki phir se pichhe mur gayi..... "Nahi manoge"


Drish ab bhi chup.... Ashk teji se uske pass pahunchi aur uske kano se hath ko hata'ti hui kahne lagi..... "Tum aise he mujhe paresan karte rahte ho. Tumhare jo dil me aaya kar diye, jarra bhi tumhe ye khyal nahi aaya ki main bhi wahan baithi hun... Tumhare aise karne par mujh par kya bitegi..... Main nahi dekh sakti tumhe kisi aur ke sath... Jalta hai dil mera... Sune tum"


Gusse me haal-e-din bayan karte Ashk ka wo pyara sa chehra..... Drish uss ke chehre par hath ferte huye kahne laga...... "I Love You"


Ashk kuch bolne wali thi lekin bolte-bolte rah gayi, Drish ko dekhte huye wo bhi bilkul shant khari ho gayi. Wo Drish ke aankhon me khud se duriyon ki tarap saaf dekh rahi thi. Tarap se to dono he gujar rahe the iss baat ka ehsaas Drish ko bhi tha....


Waqt jaise tham sa gaya ho, dono khadey ho kar bas ek dusre ko he dekh rahe the. Aisa maloom par raha tha jaise iss bhir-bhar wale mahol me bas wahi dono hain, aur koi teesra nahi.... Najron se najren mili, aur dil ke armano se armaan.... Khade bas ek dusre ko dekh he rahe the... Na janae kahan se khud-w-khud dono ke hoton par muskaan tair gayi....


Pass he khade the, lekin ek dusre ko dekhte huye... Karib, aur karib hote chale gaye. Drish dono bahen faila kar khada ho gaya.... Ashk uske sine par apna sir rakh kar dono bajuon se usse kas kar jakar li. Ashk ke sine se lagte he Drish ne bhi uske pith par apni pakar banayi, aur dono ne ek sath ek gahri sans lete huye... Ek dusre ko apne ander mehsus karne lage......


"Nalayak, chori karta hai, aaj to bhare bajar me tera julus nikalwaungi.... Tu bas dekhte rahna. Yahan tujhe aisi maar paregi ki aaj ke baad tu chori karna bhul jayega.... Muh kala kar ke gadhe par bitha na di to Chandrika devi naam nahi mera".... "Haan-haan maro isse"..... "Nahi isse police ke hawale kar dete hain"


Aahhh ! Dono kis kadar khoye the.... Kitne din baad kitne sukoon se mile the. Lekin jis jagah mile the, wo jagah kahan sukoon dene wali thi jyada der. Bajar me chal rahe gahma-gahmi ki awaz sun kar dono apne aanand bhare mahol se wapas aaye.


Wakai uss jagah par Drish aur Ashk akele he the.... Kyonki pura bajar to bhir lagaye ikattha tha..... "Wahan kya ho raha hai Drish".... Ashk ne jigyasa se puchha.....


Dono hathon me hath dale, bhir ko side karte ander dekhna lage...... "Drish ye to Appu hai"


Appu jamin par pair more baitha tha, Chandrika devi uska kaan pakar kar marore rahi thi, aur puri bhir gussayi me khadi usse dekh rahi thi..... "Aaj to lagta hai ye gaya kaam se"

[dpmangla]

Thanks 4 Double Dhamaal

[rajbr1981]

जबाब नहीं आपकी लेखनी और सोच का

[rishiraj]

Dusre ke phatte mein taang adayega to aisa hi hoga