Romantic Kuch Nahi Tere Bin (Completed)

[honey boy]

Nice Update

keep reading...

[honey boy]

Update 87

"Log apni he khwaeshon ke karan kisi ko khul kar jine nahi dete.... Jahan galat hai wahan rok lagao na, par kam se kam aazadi se jine to do.... Hmmm ! Chalo apna to kaam hai hasna aur hasana.... Ab to lagta hai maza aayega mujhe bhi ek hafta.... Dekhte hain aur kya naya romanch likha hai iss safar par".....


Disha, Arjun ko hotel tak sath chalne aur wahan se saman uthane ki baat karne lagi, lekin Arjun uski baton ko kat'te huye kahne laga..... "Bf hun tumhara, itna to kharch utha he sakta hun"....


Disha.... Hehe, lekin mere dost mera intzar karenge uska kya....


Arjun.... Unhe bhi thoda paresan hone do, hum chalte hain my so called 6 days remaning love....


Disha..... Yess my love, chalo chalte hain, par next side scene me kahin unse mulakat ho gayi to...


Arjun... Nahi aisa sambhaw nahi hai, kyonki wo aaj Udaypur me rahenge aur hum yahan se dur gawon se ghumte huye jodhpur .... Tum bas chalo... Baki mujh par chhoro....


Disha, Arjun ke gale lagti.... Usse aankh marti kahi.... "To der kis baat ki hai partner, chalo chalte hain"....


Dono wahan se nikle ... Udaypur sahar ko ghumna jitna rochak nahi tha, uss se kahin jyada maza to uske gawn me tha.... Unt ki sawari, to kahin par Rajasthan ke parampragat lok geet..... To kahin par bari si pagri bandhe log bailgari khinchte.....


Udaypur se Jodhpur tak ka safar sadkon se he tay hua.... Disha ki dimag tab satak gayi jab ek he auto me 30 se upar sawari latke the.... Pahle the na-nukur karne lagi.... Lekin jab aadha kilometer chalna para, aur dhup dimag par lagi to sara na-nukur band ho gaya...


Log ke upar log chadhe the ... Aur inch bhar ki jagah me Disha asjust ki hui thi khud ko.... Khud ko kosti bas yahi soch rahi thi..... "Ye safar to dimag ki aisi ki taisi kar diya" .... Lekin jab auto se utri to apni kuch der pahle ki manodasa par khud he hans rahi thi...


Dhup kaphi tej thi .... Ghumte-firte dono ko raat ho gayi Jodhpur pahunchte pahunchte.... Thak kar pure chur ho chuke the..... Disha ne jaldi me apne liye kuch jaroori shopping ki aur dono hotel pahunche......


Yahan Arjun do kamre book kar raha tha, lekin Disha usse mana karti room share karne ko kahi aur ek he room liya.... Reception counter se hat kar aakhir Arjun ne puchh he liya..... "O' madam irade kya hain"


Disha.... Chup chap sath chalo... And no bakwas .... Warna main apne bf ke sir phorne se pichhe nahi hatungi.....


Arjun phir kuch bolne se raha, bechara chup chap chal diya bas ye sochte.... "Mujhe kya, jo hoga dekha jayega".....


Disha room me pahunchti he sabse pahle to fresh hone chali gayi.... Din bhar ki thakawat hot sawer lete he mit gayi.... Arjun bhi fresh ho kar jaldi se bahar aaya..... Iss waqt to dono ko bas ek he khyal aa raha tha pet puja......


Dono hotel me na khate huye... Wahan ke local dhabe ki ore jana pasand kiye.... Rajasthan ka desi khana jo khana tha.... Khane ke order me Arjun ne to apne hisab se order de diya aur jab Disha se puchha gaya..... "Bulkul spicy, Rajasthan ka bikul jaykedar aisa khana khilao ki bas yaad rahe tumhara ye dhaba"....


Kya order di thi.... Order lekar jab wo ladka ye order apne bawarchi ko bataya, to wo bhi apna prem masala kut-kut kar dalte huye Disha ke liye apne sabse apecial desi dish praos diya.... Jaise he pahla niwala Disha ne muh me dali... Khansti hui usse thuki .... Aankhon me pani aa gaya.... Aur pani pite-pite paresan ....


"Kis nalayak ne ye khana banaya hai samne aao, boli kuch spicy special khilao to mich he paros diye ho jaise.... Kisne banaya ye, samne kyon nahi aata".... Disha wahin par chillane lagi.... Arjun hasta hua usse bitaya aur dhabe walo ko hath dikhate kahne laga .... "Kuch nahi hua, aap apna kaam karo"


Disha.... Huhhhh ! Special khana boli to itna tikha paros diya aur tum kahte ho kuch nahi hua..


Arjun..... Ohk baba cool down lady hunter .... Tum mera khana kha lo... Main wo kha leta hun...


Disha thunkti hui Arjun ki thali se apna thali badal li..... Disha pahla niwala leti he kahi.... "Wow Arjun iska test to wakai lajabaw hai, mere liye bhi ye order kyon nahi kiye"


Arjun.... Sayad tumhare nasib ki thi isliye kha rahi ho...


Disha... Baap re, mera to nasib thik hai par tum itna tikha kiase kha rahe ho Arjun. Kha tum rahe ho mirchi mujhe lag raha hai....


Arjun..... Ye wakai best khana hai yahan ka Disha... Haan thoda tikha hota hai par maza aata hai ... Shuuu-shuuu karte itne spicy khane ko khane me....


Rajasthan ke local khane ka luft uthane ke baad Disha hotel aate he apni dono bahen failati besudh late gayi.... Aur sukoon ki ek sans leti Arjun se kahne lagi.... "Yahan hona kisi sapney ki tarah lagta hai.... Aisa lag raha hai jaise main ab bhi sapna he dekh rahi hun"


Arjun.... Par ye hakiquat hai Disha.... Tum iss pal ko ji rahi ho....


Disha apne chehre ko hatheli par tikati Arjun ki ore mur gayi aur usse aabhar prakat karne wali najron se dekhte kahne lagi....


"Haan janti hun main apne yadgar pal ko ji rahi hun... Aur sab tumhari wajah se hai. Trip par doston ke sath aati ... Unke sath waqt bitati, enjoy karti aur wapas chali jati.... Sayad wo bhi mere liye yadgar he hota ... Par har yadgar pal kuch salon ke mehman hote hai... Waqt ke satn mit jata hai".


"Lekin abhi jo ho raha hai wo sab jaise mere dil aur dimag me download ho raha hai.... Main sahi kar rahi hun ya galat mujhe pata nahi... Par main bas jina chahti hun.... Chhoti-chhoti khwaieshen hain ... Ji lene do jarra".


"Ek baat batati hun, par sab sidha-sidha samjhna koi bhi matlab nahi nikalna. Mujhe na bas thodi dilcahspi thi ki ek ladka, ek ladki aur puri raat dono kamre me .... Yun kah lo, kisi ke bare me sunti thi ki dono akele kamre me the to meri bhi jigyasa hoti... Thik waise he bf ki bhi thi.... Haan bf to tumhe bana li, par tun to bf jaise karte he nahi.. Sab formal lagta hai"


Arjun jatke se uth kar baitha.... Aur aankhen bari karte huye kahne laga.... "Abhi iss baat ka matlab"


Disha thodi jhenp gayi .... "Had hai, abhi kahi na kisi bhi baat ka matlab nahi nikalna. Mera bas kahna tha... Treat me like gf, tum to formality jaise kar rahe ho, na to haq jataya aur na he koi sawal jabaw.... Dusre ladkiyon ko dekhti hun... Uske bf to har aadhe ghante par ... Ek ghante tak sawal par sawal he puchhte rah jate hain"


Arjun..... Hehe, tum bhi to mujhe bf ki tarah treat nahi ki.... Main bhi dekhta hun gf kaise sawal jabaw karti hai, gussa, jhagra, pyar .. Nok-jhonk ... Mujhe laga tumhe sab formal achha lag raha hai, isliye main bhi formal he raha....


Disha.... Offf O' ... Maine purposal diya hai, to kya har chij pahle main he karun....


Arjun.... Ohk baba thik hai, par jo bhi hoga wo apne style ka hoga....


Disha.... Nahi humare apne-apne style ka....


Arjun.... Ohk ji, jaisa aap kahen .... Itna kah kar Arjun ne loud music bajaya......

kitna pyara hai yeh pyaar pyara pyara
hua hai pahli bar hota hai ek bar fir naa hoga yeh dobara
haye mera dil chura ke le gaya churane wala mera katil
haye mera dil chura ke le gayi churane wali meri katil

Aur bistar se utar kar apna hath aage badha diya.... Disha bhi mukurati utri, Arjun ki ungli pakri aur roll karne lagi... Dance karte rahe... Ek dusre ke bare baten share karne lage aur dono ek dusre se baten karte-karte kab soye pata he nahi chala... Subah-subah Arjun uth kar sara saman pahle se pack kar chuka tha... Aur bahar tahlne nikal gaya....


Disha ek sukhmayi angrai leti jagi... Jaise ek manmohak subah ki surwat ho.... Arjun ko nahi pa kar wo najar ghuma kar idhar-udhar dekhne lagi... Uske pass Arjun ka ek note mila....


"Jaag gayi kumbhkaran to jaldi se taiyar ho jao.... Aaj tumhe brain storming trip par chalna hai ready rahna".... Disha uss note ko padhne ke baad muskurati kahne lagi..... "Brain storming trip hoga ya tumhare liye brain teasing wo to tumhe khud he pata chal jayega.... Chalo to sahi"

[honey boy]

Update 88

"Jaag gayi kumbhkaran to jaldi se taiyar ho jao.... Aaj tumhe brain storming trip par chalna hai ready rahna".... Disha uss note ko padhne ke baad muskurati kahne lagi..... "Brain storming trip hoga ya tumhare liye brain teasing wo to tumhe khud he pata chal jayega.... Chalo to sahi"


Disha taiyar ho kar room ko ek baar phir se check ki.... Kahin kuch rah to nahi gaya.... Thodi der baithi he thi ki room ki bell baji... Darwaja kholi to ek room servent bahar darwaje par tray me nasta liye, hathon me guldasta aur sath me ek kapron ka set bhi tha....


Sara saman le kar disha ander aayi ... Guldaste ke sath phir ek note likha tha......


"Muahhhh.... To my sweet love.... Hope kal ke kapdey tumhe boring lag rahe honge.. Isliye tumhare liye Rajasthan ke traditional kapdey ... Thode faishionable desine me bhej raha hun.... Packing ho gayi hai ... Nasta karo... Niche check out kar ke bahar aa jana ... Bas itna he karna hai.... Love u Disha .. Jaldi aana, intzar kar raha hun"


Note ko padhte he Disha muskurati hui kahne lagi..... "Bande ho bahut romantic, bas thode serious nahi warna marriege material ho.... Hats off... Lagta hai kahin tum se pyar he na ho jaye"


Disha sara kaam khatam kar ke taiyar ho gayi... Wakai Arjun ke choice ki bikul deewani ho gayi Disha, aur kya arrengement kiya tha... Kapdon ke sath sab kuch maching bhijwaya tha... Jaise ki chudiyan, ear rings, nail polish... Ityadi-ityadi.... Disha jab niche aayi to har kisi ki najar bas ussi par thi... Iss paridhan me to Disha gajab dha rahi thi...



Hotel se check out karne ke baad Disha jaise he bahar nikli... Do logon ne ek sahi baggi ki ore ishara kiya aur kahne lage.... "Madam aap isme baith jaeye.. Arjun sir ne aap ke liye bhijwaya hai".


Disha ke haw-bhaw to dekhne layak tha... Khili si mukaan chehre par bani hui... Aur muskurati wo baith gayi baggi me.... Baggi ja kar sidha ruki mehrangrah fort ke teesre gate par... Jahan deewar ki aad me Arjun khada tha... Arjun ne bhi aaj rajasthani traditional paridhan pahne huye tha... Jise dekh kar ek baar to Disha ki najren bhi thehar he gayi....



Dono aamne samne the... Disha ko dekh kar Arjun muskurata hua uske pass gaya aur usse bahon me bhar kar kahne laga.... "Tum husn pari, tum jane jahan... Yun khili-khili yun sawar-sawar chali kahan".


Disha hasti hui kahne lagi.... "Ye meri tarif kar rahe ho ya nirma sabun ka advetisement. Waise khub fayda uthaya ja raha bf hone ka".


Arjun.... Ab jo samjho, waise tum gf nahi bhi hoti to bhi tumhe iss katilana roop me dekh kar liptne ka jaroor mann karta.


Disha.... Hehe, ye kuch jyada nahi ho gaya... Waise tum abhi jaise ho bilkul uss waqt bhi waise he hote to main bhi lipat'ne se mana nahi karti....


Arjun ki aankhon me jaise dil utar aaya ho..... "Kya baat hai kya, main wakai me tumhara dream boy lag raha hun"


Disha.... Bas-bas compliment di hun... Achha to mujhe sahrukh sir bhi lagte hain, aa kar lipat bhi sakte hain, iska kya matlab....


Arjun chhota sa muh banate.... "Jalim dil tor kr haste sharm bhi nahi aati, jhoota he sahi dil rakhne ke liye he haan kah deti".


Disha.... Na baba na, mere jhoot ko kahin sach maan kar mere pichhe par gaye to...


Arjun.... Achha to bf bana hun usse sach maan kar pichhe par gaya to... Iss bare me nahi sochi...


Disha.... Par jao pichhe mujhe kya... Main bas apni taraf se clear rahna chahti hun... Maine koi aise sabd to nahi bole jis se tumhare dil ke armaan jage ho... Yadi aisa hua to main galat ho jaungi... Phir to tum daru ke nashe me kahoge.... "Bewaffa dagabaaj... Jab dil he nahi lagana tha to mere bare me aisi-aisi baat kyon boli... Jo tum uss waqt boli wo sach bol rahi thi wo sab sach tha jhoot nahi tha... Bal-bla-bla"... Isliye apni ore se koi galti na ho ... Baki koi ladka mera pichha kar raha hai karne do ... Kya fark parta hai....


Arjun.... Achha ji, itni clear baten lagta hai sprite pi kar aayi ho...


Disha.... Ab mujhe chhoroge bhi, ya aise he bahon me liye-liye baten karte rahoge...


Arjun.... Khud he kahti ho treat me like gf, aur khud he tab se feel karane me lagi ho ki hum koi gf-bf nahi ... Abhi clear karo kya karna hai phir main waise he kaam karun....


Disha hasti hui.... Jab tak mera mann karega tab tak tum mere bf, aur jab nhi karega to mere dost, simple si to baat hai....


Disha dusri ore dekhti hui, tirchi najron se Arjun ka reaction bhapne lagi.... Arjun bas khara ho kar yahi soch raha tha.... "Lagta hai ye mujh par bhari parne wali hai".... Phir kuch sochte huye Disha kahne laga....


"Tumhara ye bhaw khana ho gaya ho to, ye attitude wala pose se hat kar jarra mujhe bataogi ki kaise mujhe pata chalega ki kis waqt mujhe kaun sa role adaa karna hai.


Disha muskurati uske pass pahunchi aur uske galon par ek chhota sa kiss jaldi se ki aur teji se bhagti hui kahne lagi...... "Wo main pata chala dungi, jyada sochne ki jaroorat nahi. Jab tak mere sath ho, mere gulaam ho... Main jo chahun karun tum kuch nahi kar sakte"


Disha khil-khilati hasti hui bhagne lagi... Arjun bhi uske pichhe kahte huye bahgne laga.... "Ruk abhi tumhe batata hun... Gulaam ki malkin"


Khatti mitthi nok-jhok dono ke bich chalti rahi, aur dono bahon me bahen dal kisi gf-bf ki tarah Jodhpur ghumne ka pura luft utha'te rahe.... Dono mehrangrah fort se nikal kar local market aaye... Whan Disha ne hand craft ki shop se bahut sari kharidariyan bhi ki....


Jodhpur ki yaden jaise dil me basti ja rahi ho Disha ke ... Ghumte-ghumte andhera bhi ho gaya, Disha kahne lagi... "Arjun, tum sach me bahut bare joker ho... Thanks meri har chhoti-bari nadani me sath dene ke liye".


Arjun.... Arre nahi ji, aap ke sath to maza aa raha hai... Issi bahane kam se kam kissi to mil rahi hai... Aayyy hayyy bas ab lip kiss ho jaye....


Disha.... Huhhh ! Tum se to achhe se baat karna he bekar hai... Strict ban kar raho to he achha hai...


Arjun.... Strict ban kar he lip lock kar do naaaa...


Disha.... Chal hat, hawa aane de... Achha suno-suno ek baat..


Arjun... Haan sunao-sunao ek baat....


Disha.... Wo tum ne brain storming trip kyon likha tha.... Yahan to sab shant shant he raha.... Heee heee...


Arjun.... Hans lo hans lo... Yahi pal hai tumhare hasne ke kyonki trip to shuru ho gaya hai... Dhire-dhire pata chal jayega....


Disha.... Haan sahi kaha dhire-dhire pata chalega... Khair, hotel se to check out ho gaya... Ab kya, raat to yahin Jodhpur me he ho gayi....


Arjun.... Haan raat jodhpur me hui hai... Par subah Jaipur me hogi, aur kal ki raat hogi bhangarh me...


Disha.... Night journey karwaoge... Apni gf ko paresan karoge....


Arjun... My love raat ki journey par aise reaction de rahi ho jaise ki tum raat ki journey karti he nahi ho...


Disha.... Karti hun, lekin tum by road le jaoge mujhe... Dhakka-mukki karate huye... Jo ki mujhe jarra bhi nahi pasand.... Aur raat ko sote kisi ne mere badan ko kahin par hath laga diya to ... Tumne ye jarra bhi nahi socha...


Arjun... Haan kah to sahi rahi ho sari baten... Main jaunga to by road he... Par wada raha tumhe mere siwa koi aur hath nahi laga sakta....


Disha.... Haynnnn ?


Arjun.... Nautanki kahin ki... Guru ko he emotional blackmail kar rahi hai... Arre baba chalo to sahi pahle, yadi tumhe jarra bhi lage ki safar me paresani hogi to hum yahin stay karenge...


Disha haan me sir hilati Arjun ke sath chal di. Dono wapas aa kar hotel se saman uthaye aur Arjun, Disha ko le kar hotel ke pichhe ki ore chane laga... Jaise-jaise Disha aage badh rahi thi, waise waise hotel ki light kam aur andhera jyada hota ja raha tha...


Disha.... Arjun, yahan sunsan me kyon ja rahe ho, mujhe dar lag raha hai...


Arjun.... Main hun na sath me phir kyon dar rahi ho, ya phir mujh se he dar rahi ho...


Disha... Tum se to koi bacha bhi na dare, aur chale mujhe darane...


Arjun.... To phir kyon dar lag raha hai darpok.....


Disha.... Raat ke andhere me ... Udhar aage kisi jagah par 8/10 tapori honge, hum jaise he unke pass se gujrenge, tumhe wo mar kar fenk denge, aur mere sath...... Noo noo nooo ... Samjh gaye isliye dar rahi hun...


Arjun.... Itne bare don ki beti ho kar dar rahi ho chhi-chhi.... Wo bhi waisi baton se jo filmon me kewal hota hai....


Disha.... Huhhh ! Filmon me nahi real me hota hai... Delhi ki khabron me to aaye din yahi sun'ne ko milta hai... Aur main kis ki beti hun, ye kya mere mathe par likha hai.... Mera ** kar ke mujge mar diya to... Phir mere bapu he kya kar lenge... Unse badla le kar bhi kya mere sath jo hua wo reverse ho jayega....


Arjun apne dono hath jorte huye kahne laga..... "Aap ke charan kahan hai mate, usse asparsh kar ke main dhany ho jaun.... Ab chalo nahi to yahin akele chhor dunga... Jo ghatna kuch dur aage hona hai, sayad tumhe akela dekh yahin na ho jaye"...


Disha.... Arreee ruko-ruko main bhi aa rahi hun..... Kahan tum bhi chhoti-chhoti baton par gussa ho jate ho.


Disha, Arjun ka hath jor se pakre uske sath chalti rahi, thodi dur aage aayi to wakai usse 4/5 log group me dikh gaye... Disha hischkiyan leti bolne lagi.... "Arjun wahan dekho".


Arjun..... Pagal darna band karo, ussi ke pass ja rahe hain, sab pahchan wale hain...


Disha aur Arjun dono iss waqt hotel ke parking me the... 4/5 log wahan jo baithe the wo travel agents the, jinka jamawra raat ko parking me hota tha... Arjun ne wahan se ek car uthaya.... Aur dono Jaipur ke liye nikal pare.....

[dpmangla]

Nice Updates

[rajbr1981]

bohat vadhiya update

[honey boy]

Nice Updates

keep reading...

bohat vadhiya update

Shukriya paaji

[honey boy]

Update 89

Disha aur Arjun dono iss waqt hotel ke parking me the... 4/5 log wahan jo baithe the wo travel agents the, jinka jamawra raat ko parking me hota tha... Arjun ne wahan se ek car uthaya.... Aur dono Jaipur ke liye nikal pare.....


Dono nikal pare Jodhpur se Jaipur ke safar ke liye. Aadha ghanta chalne ke baad Disha thodi si thunakti hui kahne lagi.... "Ab kya bhukhe Jaipur tak le jane ka irada hai"


Arjun.... Ji maim saab abhi rokta hun gari... Bas 10 min aur chalo, aage raste par ek jaiykedar dhaba hai, wahin khayenge.... Waise aaj bhi kal ki tarah he order dogi khane ka ya main apne tarapf se koi order de dun...


Disha.... Urra lo mazak, kabhi mera bhi waqt aayega....


Arjun.... Bina waqt ke to zulm-o-sitam dhaye ja rahi ho, waqt aane par kya jaan le logi....


Disha aankhen gurrati.... "Maine kaun sa julm kiya tum par, jhutey kahin ke"


Arjun.... Chalo aa gaya dhaba, jaldi se khana khila dun warna bukh lagne par aisi chirchiri ho jati hai ki mujhe he na kahin kha jaye...


Disha.... Kya kaha...


Arjun.... Kuch nahi, chalna nahi kya... Ab bhukh nahi lagi....


Dono dhabe par pahunche ... Kha pi kar apni journey aage badhane lage.... Par khana khane ke baad Disha par nini rani hawi hone lagi aur wo jhapkiyan lene lagi. Japkiyan lete-lete wo Arjun ke kandhe se tik jati.... Halanki Arjun ko iss se koi paresani nahi thi, lekin phir bhi jaan bujh kar usse jaga deta aur gusse me kahne lagta..... "Huhhh ! Main yahan jaag raha hun aur tum kumbhkaran so raho ho, chalo jag jao"...


Disha... Jamhaiyan leti "sorry" kahti aur aankhe mijti aur samne dekhne lagti.... Aur phir kuch der baad japkiyan shuru..... Do teen baar Arjun ne usse jagaya... Lekin Chauthi baar uske dimag me saithan jaga... Gari ko road ki side roka... Disha ke chehre ko aahiste se thama aur uske hoton par apne hoth rakh kar jordar lip lock kar diya....


Jhatke se Disha ki aankhen khuli.... Aankhen bari.. Dono hateli khuli aur hath hawa me ... Ummmmm, ummmmm, ummmmmm.... Arjun phir bhi hoth ko kuch der tak jakre raha.. Phir usse chhorte kahne laga ... "Nind urri"


Disha pahle to phati aankhon se dekhti rahi, phir jaise koi bhoot sawar hua ho uss par, chikhti-chillati pass ek hand bag para tha, usse utha kar marna shuru ki...... Kisi tarah mamla shant hua... Gari chal rahi thi, aur dono kisi ajnabee ki tarah sidhe baithe the....


Arjun.... Disaha waise ek baat batao...


Disha... Ek dum chup, nahi to khoon kar dungi tumhara jungli....


Arjun.... Kaha to sorry baba, apni bhi galti maan liya karo kabhi...


Disha.... Galti mani thi, bhul gaye kya... Ab pachtawa ho raha hai...


Arjun.... Achha baba sorry ...


Disha... Chup ho jao, mera gussa ab tak shant nahi hua hai...


Arjun... Arre seriously ek baat puchhni thi...


Disha.... Puchho...


Arjun.... Sach batana.. Kaisa laga kiss...


Disha... Youuuuuu, tum aise nahi manoge....


Ek kiss kya ho gaya Disha ki nind he urr gayi. Dono larte-jhagrte Jaipur pahunche. Jaipur phunch kar Disha ne pahle aaram karne ki ikchha jahir ki, der raat tak jaag kar aayi kaphi thak chuki thi.... Arjun ne bhi uski isthi'ti ko samjhte usse aaram karne diya aur Jaipur me mastiyan bikhrne apne doston ke pass chala gaya....


Saam char baje karib Disha ka call aaya... Wo taiayar thi nikalne ke liye.... Arjun apne doston ko bye bol kar Disha ke pass pahuncha.... Disha itni khubsurat lag rahi thi abhi ki usse dekh kar Arjun ko raha nahi gaya aur usne Disha ko apne bahon me bhar liya..


Disha.... Har waqt mujhe chhune ki he kosis karte rahte ho, kuch to distance maintain kiya karo..


Arjun.... Oops ! Sorry....


Disha.... Arre ab chhor kar kahan bhage... Ab gale lag he gaye ho to kuch der aur ruk lo... Kya tumhe he liptne ka mann karta hai mera mann nahi hota.....


Arjun phir se uss se jor se dabochte huye..... "Aahhh thandak par gayi sine me"


Disha.... Haan kyon nahi pure chipka kar maje jo le rahe ho, thandak to parni he thi....


Arjun.... Hat pagal, tumhara screw to dhila nahi hai Disha....


Disha.... Rahne do, rahne do... Sab samjhti hun main... Gale milte ho to kaise pith par he picche se hath ka dabaw rahta hai....


Arjun.... Achha, sab samjhti ho hoshiyar.... Chalo thik hai jaisa soch rahi ho ussi ki chahat me tumhe kas ke sine se lagaya.... To tumhe bura laga to tum mana kar deti....


Disha.... Main kyon mana karne lagi... Main to pure maze bhi lungi aur jhagra bhi karungi... "Kyon tumne aisa kiya"... Attitude darling it's girl attitude.... Hume tumhara chuna achha bhi lagega to bhi attitude...


Arjun..... Achha ji, matlab kuch achha laga to tab tak karne do jab tak tumhe maza milta rahe .. Aur uske baad toot paro uss bechare par.... Jaan sakta hun aisa Attitude kyon bhala.


Disha..... Hehe, bilkul sahi kahe ho. Wo kya hai na dare-sahme se jab dhoke ke bahane chhune ki kosis kiya jata hai ho to us chhuan ki baat he kuch aur hai... Yadi comprision kare pure haq se dikha ke khul kar milne ki to....


Arjun.... Bari besharam hai... Lo baba main pichhe hat gaya.... Tum se to baat bhi karna bekar hai.... Chalo chala jaye sari attitude bhangrah me dikhana....


Disha.... Bhangrah me kya hoga so....


Arjun.... Chalo jaipur ghumate guumate sari baten batata hun...


Dono pink city ghumne ke liye nikle.... Arjun kisi guide ki tarah usse ghuma raha tha.... Ghumte-ghumte andhera ho gaya.... Arjun ne gari ko highway se Alwar ke raston par le liya....


Disha.... Tharki, aaj phir kiss karne ka soche ho na, jo raat ke safar par nikle....


Arjun.... Tum bhi na, dimag phir gaya hai tumhara.... Bataya to tha Bhangrah ja rahe hain....


Disha.... Arre haan Jaipur ghumne ke bich main bhul he gayi ... To wahan kis planning ke tahat ja rahe ho...


Arjun.... Bhut dikhane le ja raha hun. Googal par search karo most hunted place in India...


Disha ne search kiya... Bhangrah kila ka naam sabse pahle number par tha. Uski jigyasa badhi aur wo uske bare me padhne lagi... Padh kar jor-jor se hasne lagi.... "Bhut pret... Ha ha ha.... Living human races se bhi koi bara bhut-pret hota hai kya, jo maro me viswas karte ho. Net ke likhi baton par to main waise bhi viswas nahi karti".


Arjun.... Tum to pakka tapak jaogi udhar aaj raat ko, lagta hai mujhe gari wapas morna chahiye... Kyonki wahan subah jane ka plan tha aur wahan se aage nikalte...


Disha.... Chal jhoote... Mujhe tum aisa isliye kah rahe ho na taki main abhi jane ki jid karun... Sochne wali baat hai, safar 2 ghante ka hai to raat me kyon nikle jab subah-subah he usse dekhna tha... Challenge karna hai to sidhe-sidhe karo na... Ye ghuma phira kar kyon baten kar rahe ho...


Arjun.... Wahh ri meri samjhdar chhabili... Haan main tumhe haunted ke bare me bata kar thoda darana chahta tha, par tum bhut pret me viswas nahi karti isliye main tumhe wahan le jane ka risk nahi le sakta...


Disha arri jid par... Usse ab to wo jagah raat me he dekhna tha.... Arjun kisi bhi tarah se raji nahi tha raat ko Bhangrah kila ghumne ke liye... Jid aur haan-naa itti badh gayi ki Disha anth me bol di ... "Yadi wo wapas jane ki jid kiya to abhi gari se utar kar koi dushra shadhan dekh legi Bhangrah tak jane ka".... Ajib duwidha me phansa Arjun... Chhota sa mazak karne ja raha tha... Ulta khud he phas gaya....


Wakai kayi kisse the Bhangrah kile ke. Archeological department walon ka board kile ke entry par he laga hai... Sunset ke baad kile me kisi ka bhi jana allowed nahi... Aur Disha ke jo haw-bhaw the wo bina gaye nahi man'ne wali thi.... Usse chhor bhi nahi sakta tha... Aur sath me raat ko Bhangrah jana... Uski to haalat kharab ho gayi.....

[honey boy]

Update 90

Wakai kayi kisse the Bhangrah kile ke. Archeological department walon ka board kile ke entry par he laga hai... Sunset ke baad kile me kisi ka bhi jana allowed nahi... Aur Disha ke jo haw-bhaw the wo bina gaye nahi man'ne wali thi.... Usse chhor bhi nahi sakta tha... Aur sath me raat ko Bhangrah jana... Uski to haalat kharab ho gayi.....


Kya kare Arjun, ussi ne Disha ko ghumane ka plan banaya tha, ab phasa... Raji to hona he tha, so chal diya ussi raste par... Takriban ek ghante baad Bhangarh pahunch kar unki gari ruki..... Bhangrah chhota sa ilaka tha, ek hotel me kamra liya aur dono saman rakhne pahunche upar....


Arjun..... Disha main ab bhi kah raha hun baat maan lo uss jagah par kayi ghatnayen ho chuki hain...


Disha..... Achha, tum to aise bol rahe ho jaise tumhare sath ye sari ghatnayen hui hai...


Arjun..... Ab bahut si history ki baten hai jo humne padhi hai, to kya hum us par viswas nahi karte...


Disha.... Koi logic nahi chalega bachu, kah do tumhari fat gayi hai, to main akeli chali jati hun ....


Arjun.... Haan meri fat gayi, akeli he jana, main nahi jaunga sath me.


Disha.... Thik hai mujhe rasta nahi pata, wo bataoge ya usse batane me bhi fat rahi hai...


Arjun.... Main niche ja kar kisi se rasta puch leta hun ... Tab tak tum change kar lo...


Arjun niche chala aaya aur Disha change karne chali gayi... Kuch der baad wo ek budhe aadmi ke sath upar lauta, Dsiha tab tak change kar ke Arjun ka intzar he kar rahi thi....


Disha.... Kitna samay laga diye... Kab se intzar kar rahi hun...


Arjun.... Jao inke sath chali jao, ye pahle bhi tum jaise sarfiron ko ander tak chhor kar aa chuke hain, tumhe bhi chhor denge...


Disha.... Thik hai fattu... Tum raho yahin main tab tak bhooton se mil kar aati hun... Chaliye uncle hum chalte hain... Waise ek baat bataeye aap wahan kai logon ko chhor aaye hain... Kya kabhi aap ne koi bhootni dekha hai wahan....


Disha uske sath-sath chate huye puchhne lagi.... Wo aadmi haste huye kahne laga.... "Pata nahi, main to bas uske boundry se thodi dur piche rahta hun, aur ander jane ka rasta bata kar wapas chala aata hun. Aaj tak maine raat me kabhi uske boundry tak ko chhune ki himmat nahi kiya.


Dono ab chalte huye baat kar rahe the..... Disha hasti hui puhne lagi.... "Kya baat kar rahe ho aap, mujhe to laga aap raat me ja rahe ho to aap ko bhi bhoot-pret par yakin nahi hoga"


Budha.... Haan jawani ke dino me nahi tha, jab yahan naya naya kaam karne aaya tha. Pahli baar ek videsi tourist ke kahne par main raat me le kar aaya tha aur usse ander jane ka rasta bata kar wapas chala aay... Lekin agle din wo hotel he nahi aaya. Uske group walon ne usse bahut dhunda lekin wo nahi mila.


Disha..... To wo gaya kahan...


Budha..... Kahte hain mahal ne nigal liya.


Disha.... Hehe, mahal koi ajgar hai jo nigal lega....


Budha.... Beta mujhe bhi nayi pata kya hai, kya nahi. Aap to ja he rahi hain sayad aap pahli ho jo kal aa kar mujhe ye bata de ki mahal koi ajgar hai ya mahal, mahal he hai.


Disha.... Pahli kahne se aap ka matlab...


Budha..... Itne salon me maine raat me bahut se logon ko wahan chhora, lekin subah koi bhi wapas mere pass nahi aaya....


Disha..... Aap mujhe dara rahe hain...


Budha.... Dara nahi raha sach bata raha hun, meri salah mano to aap itni raat wahan mat jao, pata nahi ander kya hota hai.... Jo bhi gaya aaj tak nahi lauta...


Disha..... Hehe aap ko kya lagta hai main wapas aaungi ki nahi...


Budha.... Bhagwan aap ki raksha kare.. Pahunch gaye hum. Ye piche ka hissa hai, wo dekhiye wahan ki boundry thodi tooti hai aap wahan se ander ja sakti hain...


Budhe ne tourch se wo toota hissa dikhaya, aur Disha ko tourch dete huye phir se kahne laga.... "Yadi wapas chalna ho to chalo, baki aap ki marji"


Disha.... Yahan tak aa gayi hun to thodi jaan pahchan kar he lun bhooton se.... Aap jao, aur uss fattu se kah dena main nahi darti kisi bhoot-pret se....


Budha kuch der khara rah kar Disha ko aage jate dekhta raha.... Disha boundry ke uss toote hisse se ander chali gayi, aur wo budha man me "bhagwan uski raksha kare" kahte huye wapas laut aaya....


Pura mahal andhera tha... Hawa bilkul shant si thi, tourch ki raushni he ek matr raushni ka jariya tha.... Disha boundry se ander ghus kar tourch charo ore dikha kar mahal ka jayja lene lagi.... Mahal kaphi uncha aur purana lag raha tha.... Disha raste par tourch dikhati hui dhire-dhire aage badne lagi.....


Char kadam aage badhi he thi ki jaise kisi ne uska paun niche se pakar liya ho. Disha ka pura badan kanp gaya... Tourch hath se chhut kar niche gir gaya.... Halak me jaise awaz phans kar rah gayi ho, wo bahar he nahi nikli....


Dar se Disha ka sarir kapne laga..... Thar-tharati wo kisi tarah niche baithi, aur tourch ko apne hatho me li aur dekhne lagi.... Jab usne niche dekha to muskura di aur uske jaan me jaan aayi...


Disha ka long skirt ka kinara ek jhar me phansa tha... Khud me thoda muskurati Disha sochne lagi.... "Ye log bhi na, kisi kahani ki boundry aise bana dete hain, ki koi natural chijen bhi ho to logon ko lagta bhoot ne he kiya hai... Heart fail karwa de ye log, ek pal ke liye to jaan he bahar aa gayi thi".


Disha apne skirt ka kinara chhura kar aage badhi... Mahal ke picche ki diwar aur gate ko dekhne lagi.... Pichhe ke darwaje se lag kar ek khidki thi jis se ander jaya ja sakta tha... Disha apne skirt ko niche se smeti aur chhlang laga kar khodki se ander prawes ki...


Jaise he wo mahal ke ander kudi waise he laga jaise uske kaan ke niche kisi ne funka ho, Disha jhatke se pichhe muri, tabhi chamgadar ki ek toli uske sir ke pass se baal ko chhuti hui nikal gayi.... Disha ka dil phir se joron se dharkne laga .... "Aaaaaaaaaaaa" kar ke chillayi aur dar ke mare kab jamin par loti usse pata he nahi chala....


Dharkne kaphi tej thi, aur dil joron se dharak raha tha.... Kuch der jamin par leti Disha kanpti rahi. Disha ki ab himmat nahi bachi aage kuch dekhne ki, har aahat par jaise uake ander ka dar dharkne ban kar bari teji se dharkne lagta aur hath-paun kapne lagte.


Disha yahin se wapas jane ka mann bana li, kisi tarah himmat kar ke uthi, tourch uthayi aur khidki ke pass gayi.... "Dhakkkkkkk" .... Khidki ke pass pahunch kar jaise Disha ke upar ki sans upar aur niche ki sans niche rah gayi ho..... Dar ke mare harbara kar Disha fir se jamin par gir gayi....


Disha ne jaise he khidki ko dekha, wo Khidki pack thi aur nikalne ka koi rasta nahi.... Dar ke mare Disha ki dharkane ander se bahar nikal jane ko jaise taiyar thi... Dar puri tarah se hawi ho gaya ho gaya th uss par ....


Tabhi jaise koi bartan ke girne ki awaz aayi ... Disha bilkul chauk gayi, aur awaz ki ore dekhne lagi... Jaise he awaz ki ore gardan ki, shant hawa me jaise hulchal machi ho aur aandhi ka ek jonka utha jo Disha ke baal urrate chale gaye...... Un jhokon ke bich usse halki chamkti rausni dur se uske pass hoti najar aayi aur hawa ke sath uss ke ko chhuti pichhe urr chali....


"Aaaaaaaaaaaaaaaaaaaaaaaaaaaaaaaaaa" ... Bari lambi aur tej chinkh thi Disha ki. Dimag sun par gaya tha... Sine par apna kapte hath rakh kar dharkano ko shant karne ki nakamyab kosis karne lagi..... Aur kisi pagal ki tarah wo charo ore najren ghuma-ghuma kar dekhne lagi.....


Charo ore andhera he andhera. Raat ke sayon ne jaise usse nigalne ka tay kar liya tha.... Disha dari-sahmi si jamin par baithi bas charo ore dekh rahi thi... Dar se pura badan pasine-pasine ho gaya tha.... Dar jo hosh urra chuka tha Disha tha, soch jo isthul par chuki thi, aur har pal dharkane jaise bekabu ho rahi thi....


Achanak he Disha ki najar dur kahin se aati rauhni par gayi.... Parde hawa ke jhokon se hil rahe the aur uss se raushni ander aa rahi thi... Disha ki jaan me jaise thodi si jaan wapas aayi ho.... Thodi si himmat jutayi... Aur tourch ko hathon me tham teji se dur laga di raushni ki ore.



Hosh gawaye, hath paun hawa me chhor pure joron se Disha ne daur laga di. Kaphi tej wo daur rahi thi aur tabhi daurte huye uska paun kisi chij me phasa aur wo girte huye jor se chilla di....... "Aaaaaaaaaaaaaaaaaaaaaa" .... Lekin Disha jmain par girte-girte rah gayi.... Usse jaise kisi ne apne bahon me tham liya tha....


Dhak-dhak.... Dhak-dhak..... Pura mahol bikul shant, dharkane jaise 1000mph ki raftaar se dharak rahi hon..... Khamosh wo bikul thar-thrane lagi..... Disha kisi murti ki tarah shant si ho gayi aur bas kanp rahi thi.... "Ye kisne tham liya"


Kanpte hathon se dhire-dhire tourch upar karti thamne wale ke chehre tak le jane lagi...... "Aaaaaaaaaaaaaaaa.... Aaaaaaaaaaaaaaaa... Aaaaaaaaaaaaaaaaa...... Aaaaaaaaaaaaaaa"..... Chinken itni tej ki kaan phar de..... Hath paun aise farfara rahe the jaise unse pran bahar aane ke liye vyakul ho.... Aur chikhte-chikhte Disha behosh ho gayi.....

[dpmangla]

Lovely Post
Superb Description

[dpmangla]

One More 4 Today