Romantic Kuch Nahi Tere Bin (Completed)

[honey boy]

Update 59

Aaj bhi Ashk se milne se pahle he Kirti & friends mil gayi. Aaj lambi baten hui unki par Aahk ne koi rection nahi dikhaya... Aisa lag raha tha jaise Ashk ne uss se sare ristey khatam kar diye ho, par ye dil ki baten dil he jane... Ander se to chidh ho he rahi thi Ashk ko... Lekin phir bhi Ashk apna dhyan kahin aur lagaye apna kaam karti rahi....


Drish bahut der nahi ruka wahan, Kirti aur uski dost lagatar comment karti rahi aur Drish chup-chap se sabko sun'ne ke baad wahan se uth kar chala aaya...


2:30pm baje inki classes over hoti hain... Ghumte phirte dono 3:30pm tak pahunch he jate the ghar. Aaj jab class khatam hui to Ashk baad me nikli aur Drish pahle nikal aaya.

Ashk jaan bujh kar thoda late pahunchi, taki Drish ko ye samjh me aa jaye ki main uske sath nahi jana chahti... Par jab apne scooty ke pass pahunchi to Drish wahan nahi tha... Kuch der tak intzar ki, phir jab Drish nahi aaya to gahri sans leti sochi chalo achha hai samjh gaya main uske sath nahi jana chahti.


Ashk apne ghar chali aayi aur apne kaam me lag gayi. Saam karib sadhe panch baje Payal, Ashk ko phone lagati Drish ke bare me puchne lagi... "Chhotu uske sath to nahi"


Ashk.... Nahi bhabhi Drish mere sath nahi hai.


Payal.... Pata nahi kahan gaya, phone bhi laga rahi hun to mobile switch off aa raha hai...


Ashk.... Apne naye doston ke sath kahin ghumne chala gaya hoga bhabhi.... Aap chinta nahi kijiye aa jayega...


Payal..... Nahi re Ashk wo ghume-phire uss baat ki chinta nahi hai, bas bata deta na ek baar. Khair koi baat nahi, lagta hai nayi-nayi aadten usme aa rahi hai. Thik hai phone rakhti hun....


"Ye ladka bhi na, phone band kar ke kahan chala gaya, jaroor uss Kirti ke sath gaya hoga... Huhhh"


Ashk ek ghante tak apna kaam karti rahi, par rah-rah kar dhyan Drish par he chala jata, kabhi usse lagta "Kirti ke sath hoga" ... Aur ye baat soch kar usse gussa aa jata. To kabhi usse lagta... "kahin koi paresani me to nahi, ye sahar bhi naya hai.. Aur yahan ke logon ko thik se janta bhi nahi". Jab bhi Ashk ko ye khyal aata, wo chinta me dub jati.


Ek ghantey baad khud he Payal ko phone ki, pata karne Drish pahuncha ki nahi pahuncha... Lekin jabaw wahi tha, nahi Drish ab tak nahi aaya. Ashk ander se thoda gussa bhi ho gayi... "Kud ko samjhta kya hai, phone band kar ke gayab ho gaya hai"... Aur ussi waqt Drish ko dhundne nikal gayi.


Ashk ke jate he, Chandrika devi Payal ko turant phone lagayi....


Payal.... Haan lado


Chandrika devi..... Lado nahi lado ki mamma bol rahi hun.... Lado tum se baat ki aur pata nahi kitni harbari me thi, table se apne phone ke badla mera phone utha kar le gayi.... Ye lado tum se baat kar ke itni harbari me kahan gayi ?


Payal Drish ke ghar naa aane wali baat bata di aur puchhne lagi "kya hua so"... Chandrika devi kahi.... "Kuch nahi nikal gayi hai usse he sayad dhundne"


Payal.... Maa ji, dimag nahi hai kya usse, itne bare sahar me usse kahan dhundegi...


Chandrika devi.... Tum ab bhi nahi samji, jahan dil laga ho wahan dimag ka koi kaam nahi hota. Mujhe to lagta hai dono ek dusre ko pasand karte hain.


Payal.... Laga to mujhe bhi tha lekin aap Ashk ki maa hain, isliye main toda hichak rahi thi ye baat kahne se. Drish ko dekh kar mujhe bahut pahle he aisa laga tha.

Chandrika devi.... Haan maa to hun, kuch-kuch jamane ke hisab se bhi sochti hun beta. Aaj kal ka to faishion ho gaya hai love, main jitna mana karungi bache utna he wahi kaam karenge. Janti ho ek achhe gardian ka kya kaam hota hai, ye dekhte rahna ki uske bache kisi galat aadmi ke sangat me to nahi... Bas main bhi wahi dekh rahi hun... Drish mujhe bhi achha lagta hai, haan par iske papa ka nahi kah sakti... Unhe Drish pasand aaye ki na aaye... Dekh lenge unhe bhi, abhi to dono ki shadi me barson lagenge.


Payal.... Barson kyon lage'ge. Aap kaho to dono ki shadi kisi achhe muhrat par issi saal karwa dete hain..


Chandrika devi... Nahi-nahi, abhi mujhe budhi nahi hona. Beti ki shadi ho gayi to log mujhe bhudhi samjhne lagenge. Abhi to pahle dono ko sabak sikaho, ki aapas ke jhagre me hum se kyon ruthe rahte hain.


Payal.... Iss bare me jald he phone karti hun. Par pahle Ashk ko call kar dun chhotu aa gaya hai.


Chandrika devi.... Aa gaya wo... Puchna jarra kahan rah gaya tha.


Payal.... Puchna kya hai, apne samay se to ghar aa gaya tha, par jab se aaya chup-chap apne kamre me para bas kitaben ulta raha hai..


Chandrika devi.... Hehe, to tumne jhoot bola lado se...

Payal.... Haan thodi masti, aap he to kahi sabak sikhane... Par ab phone kar deti hun Drish aa gaya wapas.

Chandrika devi.... Koi jaroorat nahi hai, jab main phone karungi tab usse batana.... Abhi humara turn hai unhe paresan karne ka....


Payal.... Thik hai maa ji, jaisa aap kahe...


Itna kah kar Chandrika devi ne phone cut kar diya aur Drish ko call lagayi..... Par Drish ka phone band aa raha tha isliye wo wapas Payal ko call lagayi....


Payal.... Kya hua maa ji, lado ko phone kar dun wapas aane kya wapas aane ke liye.


Chandrika devi... 5 min me hriday pariwartan nahi hota, mujhe to Drish se baat karni thi, par uska phone band tha to tumhe call ki.


Payal.... Oh wo... Maine he uska phone switch off kar ke chhipa diya hai, taki lado usse phone karti to phone switch off aata.


Chandrika devi.... Achha dimag lagayi... Ab jarra usse phone de. Tumne jo paresani lado ko di, wahi main jara Drish ko bhi de dun.... Payal Chandrika devi ki baat par hans di, aur jakar phone Drish ko thama di....


Drish.... Namaste Aunty


Chandrika devi thodi chinta bhare swar me baat karti hui puchhne lagi.... Drish beta lado tumhare sath hai kya...


Drish..... Nahi mere sath to nahi hai. Kya ab tak wo ghar nahi aayi...


Chandrika devi..... Nahi ab tak ghar kahan pahunchi hai. Dono sath aate ho na, to phir wo ab tak ghar kyon nahi aayi.


Drish.... Nahi aunty wo aaj main pahle chala aaya tha sorry. Main jata hun usse dhundne.


Chandrika devi.... Rahne de beta aa jayegi wo. Pata nahi kahan gayi hogi... Khana bhi khayi hogi ki nahi....


Drish ne phone cut kiya aur apne bistar par idhar-udhar dekhne laga..... "Diiiiiii... Diiii" .... "Haan chhotu kya hua"..... "Di mera mobile nahi mil raha kahan hai"...... "Mujhe kya pata kahan hai, ruk main dhund deti hun"...


Payal bhi Drish ke room me aakar mobile dhundne me madad karne lagi, aur idhar Drish mobile bhi dhund raha tha aur Payal ke mobile se Ashk ko call bhi laga raha tha... Ek ring hua phir phone cut gaya. Dobara lagaya to switch off.


Drish harbari me apne kamre se nikla... Payal usse pichhe se tokti hui... Kahan ja raha hai chhotu itni teji me aur ye phone kise laga raha tha....


Drish... Didi, wo Ashk ab tak college se ghar nahi pahunchi... Ussi ko dhundne ja raha hun...


Payal.... Pagal hai kya, wo to issi sahar ki rahne wali hai, aa jayegi... Par tu usse kahan dhundega....


Drish.... Di meri chinta nahi karo, main ja raha hun....


Payal.... Achha sun mera phone leta ja, tumhe der hui to main tumhe kahan dhundungi.....


Drish, Payal ka phone le kar nikal gaya..... Ashk aur Drish dono paresan ek dusre ko dhundne nikle sadkon par.... Kabhi dono ek dusre par gussa hote, to kabhi chinta me khokar dhund rahe hote.


Saam ke 7 se raat 9:30 ho gaye dhund'te-dhunt'te par mumbai jaise shahar me kisi ko dhund'na... 2:30 ghante nahi 2:30 mahine bhi kam par jayenge.... Par kahten hain chahten mila he deti hai kisi na kisi tarah......

[honey boy]

Update 60

Saam ke 7 se raat 9:30 ho gaye dhund'te-dhunt'te par mumbai jaise shahar me kisi ko dhund'na... 2:30 ghante nahi 2:30 mahine bhi kam par jayenge.... Par kahten hain chahten mila he deti hai kisi na kisi tarah......


Par sayad dono apni chahton me aise khoye the ki samne hokar bhi andekha kar gaye. Dhund'te-dhund'te kai baar dono ko aisa laga ki "to ye yahan hai". Dur se dekha to wahi najar aaya, par jab pass gaye to koi aur kahara/khari thi.


Bahuton ko pichhe se dekh kar Drish ko laga ki ye Ashk hai, aur pichhe se toka bhi... Kaiyon se bechara bejjat bhi hua. Aisa he kuch anubhaw Ashk ke sath bhi hua, kuch ladkon ne dilaksh tippni kiya Ashk par to kuch hath-paun dho kar pichhe par gaye.


Aise uljhe the ek dusre ki chinta me ki dimag itna na kaam kar saka ek baar ghar ke number par call kar lete. Jab ki dono he ghar ka he phone utha laye the. Dono mile bhi apne ghar ke pass wale local market me aur dur se ek dusre ko dekhe bhi, par apna pichhla anubhaw yaad karte huye... Matr ek bharam maan kar andekha kar chalte bane apne apne ghar.


Thake-hare bechare raat 10:30 baje pahunche ghar. Payal jab Drish ko paresan haalat me dekhi to ander se khush hoti sochne lagi.... "Kitni chahta hai chhotu ko lado ki."


Bilkul thik yahi aalam Chandrika devi ke dil me bhi tha, lekin na to Payal, Drish se Ashk ke bare me puchhi... "Ki wo mili ki nahi" aur na he Chandrika devi ne Ashk se. Bas dono he Ashk aur Drish ki tarap ka maza le rahe the.


Idhar jab ye dono ek dusre ko dhund rahe the tab tak ghar par Aakash bhi apni report pesh kar chuka tha. Aakash subah se he kabhi khud to kabhi apne logon se najar rakhe huye tha.


Baat samne aa chuki thi, Drsih kisi aur ladki ke sath tha aur issi wajah se Ashk naraj thi uss se. Lekin sayad Drish ko to pata bhi nahi tha ki Ashk uss se naraj kyon hai, wo bas itna janta tha Ashk uss se naraj hai.... Aisa Aakash ka maan'na tha.....


Payal ne inko aur sabak sikhane ke irade se teen din aur dur rakhne ka plan banayi..... Payal iss bare me Chandrika devi se charcha ki. Chandrika devi kahi... "Lado college na jaye aisa ho nahi sakta hai. Main lakh mana kar lungi par wo jayegi he"


Payal, Chandrika devi ki iss baat par aschrya karti puchhne lagi.... "Lekin aisa kyon"


Tab Chandrika devi uss se kahi..... "Roj subah lado apne dance aur judo ki practics me jati hai... Aur wo usse miss nahi karna chahegi kabhi. Hallanki usse mana kar chuki hun dono jagah jane se, phir bhi ye jiddi ladki, janti hai maa naraj hogi to mujh se chhipa kar jati hai..... Yadi main uss se kahi kal se college nahi jana hai to mujh se 100 sawal karegi".

"Main usse yadi ye kah bhi dun, kahin bahar jana hai teen dino ke liye... To apne college aur padhai ka rona le kar baith jayegi... Wo to yahan tak kah degi, aap ko jana hai to jao main nahi aaungi. Aur sabse bari baat, aaj jis tarah se maine usse Drish ke liye paresan dekha hai, wo kal bina usse dekhe nahi man'ne wali.... Ab jhagra hua hai to sidhe ghar par to nahi he mil sakti, tab ek he jagah bachta hai .... College"


Payal... Lekin maa ji, lado aap se chhip kar kyon ye sab karti hai. Dance aur judo to art hai phir aap kyon usse mana karti hain....


Chandrika devi.... Mana nahi karungi to kal ko pura sahar uski sikayat le kar aa jayega. Ek he to bacchi hai meri upar se uski wo dance karne ki chahat.... Janti ho pahle to roj kahin na kahin chot lagwa kar aati thi, ek din to dance ke chakkar me upar se gir gayi aur apne hath paun turwa li. Ab tum he batao kaise main usse iss bure haal me dekh lun.


Payal.... Hmmm ! Aap ka bhi kahna sahi hai... Dance ka to samjh gayi par ye judo ki kya kahani hai.


Chandrika devi.... Judo, naam mat lo iska. Judo sikh kar gundi ban'ne ka sauk. Mujh se ek din kahti hai... Mamma jab se judo sikh rahi hun na, mujhe aisa lagta hai koi mile jise main tor fodh kar apne sare paitre aajma lun.... Ek baar to apne gudey-gundiyon ke gange ke sath kisi ki pitai bhi kar di thi....


Payal.... Ha ha ha... Achha to aap najar rakhti hain lado par ki wo kya karti hai kya nahi....


Chandrika devi ek gahri sans leti kahne lagi.... Hmmm ! Najar rakhna kah lo ya uss se pyar. Har waqt bas yahi chinta rahti hai, apne sharton ki wajah se koi musibat me na par jaye. Khair main tujhe kyon bata rahi hun ... Kuch din me jab tumhara nanha saitan aayega tab tum khud he samjh jaogi..... Waise main dadi kab ban rahi hun...


Payal..... Aisi koi baat nahi hai maa ji, main ab bhi samjh sakti hun aap kya mehsus karti hain. Aisa na samjhiye mera pas koi santan nahi. Chhotu hai na.. Wo hai mera baccha... Janam nahi di to kya hua, par maa hun main uski.


Chandrika devi... Haan main to bhul he gayi thi, bara pyara hai Drish. Kabhi-kabhi uski aankhon me dekhti hun to kitna apnapan najar aata hai. Janti hai wo bhi tum se utna he pyar karta hai jitna tu uss se.


Payal.... Nahi maa ji... Wo mujhe jyada pyar karta hai... Wo mujhe bina dekhe bhi mere khushi aur gum bhap leta hai...


Chandrika devi.... Arreee Payal tum bhi na kahan baton me uljha di... Ab un dono ke bare me kuch karna hai ki nahi.... Ya tu aise he pyar jaga de dono par... To maya me main sab kuch bata dungi...


Payal.... Ha ha ha... Teen din na, chhotu ko main kah dungi wo teen din mere he pass rahe... bina sawal kiye wo maan jayega... Waise ek baat bataeye... Kab se soch rahi hun puchne ka... Lado yadi aap se chhip kar dance sikhne jati hai to aap ko pata kaise chalta hai...


Chandrika devi... Jaise chhotu kuch chhip kar karta hai to tumhe pahle sahq hota hai baad me najren ussi sach ko pata karne me lagi rahti hai. Kitni bhi hoshiyar ye bacche kyon na ho jaye par ek baat bhul jate hain, humare samne he bare huye. Janti hai lado jab subah nikalti hai to apne dance aur judo wale kapre le kar nikalti hai, aur usse lagta hai hai, maa ko kuch pata he nahi...


Payal... Hehe, maa ji aap to pakki maa hain... Rakhti hun phone ab to dono ki mulakat sunday ko he karwaungi ye wada hai....


Dono sas bahu ek lambi vartalaap ke baad phone rakh di... Dono Ashk aur Drish ke liye muskura bhi rahi thi, aur usnki tarap ko dekh kar afsos bhi kar rahi the....


Agli subah Drish taiyar ho kar college ja raha tha, tabhi Payal usse college na jane ka kah kar apne sath dr ke pass chalne ke liye kahne lagi... Payal ki baat maan kar Drish college nahi gaya.


Ashk jab subah taiyar ho kar ghar se nikli to Drish ke bare me he soch rahi thi... Kal raat se paresan thi uske liye, aur ek wo tha ki ek call tak nahi kiya. Aadten... Gahre khyal me itna dubi thi ki scooty Aakash ke ghar ki ore he badh rahi thi... Achanak usne rasta dekha aur wapas mur gayi apne raste.


Dil me chinta bhi tha aur mann me nafrat kayam.... Khud se kahne lagi... "Bhala main kyon paresan houn uss dagabaaj ke liye" ... Dimag me nafrat paida karti Ashk chal di dance sikhne.


Drish ke dil ka bhi yahi aalam tha, Ashk ki chinta usse sataye ja rahi thi. Ashk ko kewal dekhne ke khyal se, Drish bhi uske dance parctics karne ki jagah pahunch gaya.... Bina kisi ke najar aaye godown ke pichhe gaya aur choron ki tarah tak jhank karne laga.....


Panch fil ki unchayi par ek khidki thi, jis se ander jhanka ja sakta tha. Drish uss khidki se ander dekhne laga. Sabhi practice kar rahe the siway Ashk ke. Ashk bas shant baithi thi. Kuch der baad music band hua aur Jo, Ashk ke pass aate kahne laga.... "Ab bhi uss Drish ke bare me he soch rahi ho".


Aahk apne chehre par gusse ke bhaw lati hui kahne lagi.... Jo kuch din pahle mile ladkey ke bare me main kyon sochne lagi.... Kaun lagta hai wo mera jo main sochne lagi...


Jo... To phir tumhare paun me mehndi lagi hai jo tum dance practics me nahi aa rahi.. Waise bhi aaj romantic theme karna hai... joya tumhare liye outfit le aayi hai, change kar ke jaldi se aa jao....


Ashk chali gayi change karne, idhar Drish, Ashk ki baten sun kar mayus ho gaya.... Udas bas socta he raha.... "Iss duniya me Di ke siwa mera koi nahi" ... Tabhi jor ke ek music ne Drish ka dhyan khincha aur najren ander khari Ashk par gayi... Jo thik iss waqt khidki samne se thodi tirchi khari thi....



Drish, Ashk ko jab dekha to najren jaisi thehar si gayi ho. Bala ke khubsurat se chehre par halka kiya make-up, upar se kale kapdon wala ye western paridhan .... Dharkane na kahin bahar aa jaye Drish ki, uska dil itne joron se dharka....


Lekin agle he pal, jab Jo uske pass aa kar apni najren thode uski khule sine par dal kar kaha.... "Woooo you are looking gorgeous, really hot & sexy Ashk" tab to mano Drish ke sine me aag lag gayi ho.... Aur uss aag me petrol ka kaam kiya Ashk ka thoda msukura kar "thanks" kahna....


Drish to jal bhun gaya, aur kuch der aur ruk kar apni jalan ko badhane laga... Kyonki dance ke dauran Jo, Aahk ko tightly apne bahon me bhar leta. Ashk ka pura badan jab wo Jo se chipka dekhta to uske sine me jwalamukhi phatne lagta....


Jab Drish se nahi bardast hua to wahan se chala aaya.... Ashk ko bhi aaj pata nahi kya hua... Wo free style par dance jyada karti thi... Par aaj to wo Jo ke sath romantic theme par nach rahi thi...


Yun to usse kuch feel na hota, par dancing step ke dauran Ashk jo ke hathon me besudh jhul rahi thi. Jo usse apne ek hath se kamar ko pakre tha, aur dusra hath uske chhatiyon ke upari hisse me dhire se fira diya....

Dil me jaise sihran si uthi ho, aur ajib sa ek feeling aaya usse..... Par wahi step Jo dobara karne laga to Ashk uss se dur ho gayi... Haalanki hathon ka asparsh usse bhi bahut achha laga par Ashk ko Jo ka hath apne badan par katai bardast na tha.


Bahana bana kar Ashk nikli wahan se. Mann to lag nahi raha tha, kisi tarah time bita kar college pahunchi, aur sirf Drish ko dekhne ke khayal se class ki ore jaldi bhagi.... Par Drish class me nahi tha... Usse dhun'ti hui canteen, play ground, office... Har jagah gayi....... Lekin Drish college me ho tab na mile.


Drish se na mil pane ki wajah se Ashk ko apne ander bara he ajeeb si mayusi mehsus ho rahi thi... Pure din class me mayus firne ke baad ghar chali aayi. Wahin Drish jaise toota hua sa tha. Usse rah-rah kar Askh ki baten yaad aa rahi thi jo usne godown me kahi ... Aur chipak kar Jo ke sath dance karna.


Mayusi ke sath dono ek dusre ke chinta me dub kar yaad kar rahe the..... Par sitam ye ishq ka dur hota nahi uss se pahle he kuch aur karwi sachai bahar aa jati hai.

[dpmangla]

Nice Posts

[honey boy]

Nice Posts

keep reading...

[honey boy]

Update 61

Mayusi ke sath dono ek dusre ke chinta me dub kar yaad kar rahe the..... Par sitam ye ishq ka dur hota nahi uss se pahle he kuch aur karwi sachai bahar aa jati hai.


Ek to ye ki dono ka tajurba kam upar se sitam ye dimag ka, jisme "Drish dagabaj hai" ghar kar gaya tha, aur dil tha ki maan he nahi raha tha. Wo to bas tarap raha tha apne dil ke chain ko ek jhalak dekhne ke liye. Upar se Drish aaj bhi college nahi aaya... Ashk ke aankhon me Drish ke liye gusse aur tarap ka mila jula mishran tha.


Gumsum akeli chup-chap bas najren didar ko tarap rahi thi. Class khatam hone ke baad Ashk canteen me aa kar cuhup-chap baith gayi. Uske thik pados me Kirti aur uske dost bhi baithe the.


Kirti kal se he notice kar rahi thi, Drish aur Ashk ke bich kuch to an-ban hai. Kal bhi Ashk akeli baithi thi aur aaj bhi. Kirti, Ashk ko aur chidhane ke irade se usse suna kar kahne lagi... "Hay wo mera majnu Drish kahan bhag gaya, lagta hai parso ground par usse kuch jyada he over does mil gaya tha"


Uski ek dost hasti hui puchne lagi.... "Aisa kya kr diya uss garib ke sath"


Kirti... Bas tennis ke bahane us se pichhe se chipak gayi, aage se uske pasine aa rahe the...


Kirti ki baat sun kar uski saheliyan jor-jor se hasne lagi, par Ashk uski baat sun kar gusse me pagal ho gayi.... Tabhi uski ek saheli hasti hui kahne lagi.... "Haan pichhe se chipak kar tumhe alag he tennis ka maza usse de diya, tabhi wo kal se dikha nahi. Lagta hai ghar par tumhare he rangeen sapney dekh raha hoga tabhi nahi aaya" ... Heee heee hee..


Sabhi jor se hasne lagi. Kirti apni baat suna kar wahan se uth kar chali gayi. Jate-jate Ashk ke chehre ke bhaw bhi dekhti gayi, kya gusse se lal-pila chehra tha.


Kirti aur uske dost chale gaye par Ashk wahin baithi Drish ke bare me sochti hui gussa hone lagi.... Gusse se to pagak hui ja rahi thi. Tabhi ek anjaan ladka uski table par aa kar baitha... "Hi, main hun Varun, ye samjh lo tumhara aashiq Varun".....


Ashk uski baton ka bina koi jabaw diye chup-chap wahan se uth kar dusri table par gaith gayi, wo ladka bhi wahan se uth kar dusri table par baith gaya.... "Tumhara naam kya hai janeman"


Ashk to pahle se gusse me thi upar se ye badtamij usse paresan karne laga tha....


Ashk.... Dekho mujh se dur he raho, warna main tumhara kya haal karungi tumhe pata bhi nahi chalega....


Varun.... Kya katil adaa hai tumhe dekh kar to kha jane ka mann karta hai......


Itna kah kar Varun apan muh ko kiss pose me banaya aur "muahh" kiya. Uske pichhe se ek awaz aayi.... "Aur Varun bhai tere sath ye patakha kaun hai, kaphi hari-bhari dikh rahi hai"


Varun.... Kaminey aise ladki se baat ki jati hai, dekhiye main uski tarapf se sorry kahta hun... Wo aise he thoda muh-phat hai. Waise kaha to usne sahi he hai... Tum ho he itni hot ki kisi ke bhi arman bekabu ho jaye.


Inki jab baten chal rahi thi tabhi Saurav aa chuka tha. Wo janta tha Varun ko, isliye usse jab Ashk ke sath dekha tabhi Jo ko phone laga diya.... Jo ne jab Varun ka naam suna to Saurav ko samjhate huye kaha.....


"Pagal hai kya jo ladki ke liye jaan gawaun, wo thodi chher-chhar kar ke chala jayega na, uske liye tu kyon paresan hai, meri maan to tu side ho ja"


Saurav ne turant phone cut kiya aur call Hasan ko laga diya.... Hasan ko sari baat bataya Saurav ne. Hasan, Ashk ka dhyan rakhne ke liye kaha, tab tak wo sab ko le kar pahunchta hai. Saurav ke phone karte he Hasan nikal gaya aur raste se sabko call karne laga raha tha.


Lekin jisne bhi Varun shiwalkar ka naam suna, bahane bana kar kalti ho gaya. Varun shiwalkar son of Amrit shivalkar, mumbai ka bahut bara hasti aur namchihn don, jiske ishare par mumbai nachta tha.


Saurav phone cut kar ke Ashk ke pass pahuncha, idhar abhi Varun apni baat puri he kar raha tha, ki Saurav uske table ke pass khara ho gaya....


Tabhi wo pichhe wala ladka Saurav ke kandhe par hath rakh kar kahne laga.... "Ab tu kaun hai be, dekhta nahi yahan apni apni-rash bhari se baat kar raha hai"


Ashk se dobara uss ladkey ne badtamiji se baat kiya, iss baar Ashk se bardast nahi hua aur wo pass para coffee ke mug ko utha kar khinch kar mari suke sir par.... Mug takraya aur uss ladkey ka sir phut gaya...


Wo ladka gusse me pagal hote Varun se kahne laga.... "Bhai ye haramjadi marti hai, chal isse aaj iski aukaat dikha dete hain"


Varun..... Ab itni badtamiji se ladki se baat karega to aisa he hoga na, waise ek baat to tum ne sach kahi, janeman hai to rash-bhari, bilkul makkhan...


Varun thora sa mur kar uss ladkey se baat kar raha tha, Ashk ka para to pahle se he chadha tha upar se dobara Varun ki bhi badtamiji.... Chataaakkkkk ... Khinch kar ek thappar mari Ashk.. Thappar aisa laga ki uske kaan bajne lage....


Varun taish me aa kar Ashk ka gala pakar liya aur usse jor se do tappar lagaya.... "Hath paun tere jyada chalte hain, sala yahan sarafat se baith kar baat kar raha tha, par sarafat raas nahi aati na tum logon ko ruk dikhata hun tujhe ye Varun kaun hai..... Aslam gari me dal isse aaj iski sari akad nikalte hain"....


Saurav teji se kuda unke bich aur Varun ko dhakka de kar Ashk ka hath pakra aur usse le kar bhaga.... Jab tak Varun aur uska dost sambhlta tab tak Ashk aur Saurav canteen se bhagte huye bahar nikal aaye....


Ashk kaphi dari hui si thi. Ye achanak he aisa sab kuch hoga usne socha bhi na tha. Kaun hai, kyon kar raha hai, kisliye kar raha hai kuch pata nahi... Par uske vahsipan ne Ashk ke dil me dar paida kar diya tha....


Bhag kar college se nikal kar kuch he dur aaye honge ki aage se 6/7 tapori dikhne wale ladkey usse gher liye .... Ashk sahmi si Saurav ke pichhe chhip gayi. Tabhi piche se Varun pahuncha aur Ashk ke bal khinch kar usse Saurav se alag kiya, aur Saurav ke upar 7/8 hath parne lage...


Saurav ki haalat jab puri tarah kharab ho gayi to usse utha kar side fek diya gaya.... Ab bari thi Ashk ki... Aahk ko charo ore se gher liya gaya.... Kabhi ek ladka uss se lipt'ta aur uske badn par hath ferta Ashk ko dhakka de kar dusre ke pass pahuncha deta, aur dusra bhi yahi karta....


Ashk itni ghabrayi thi ki wo jor-jor se chilla rahi thi, aur sare ladkey hans kar uske sath apna khel jari rakhe the.....


Tabhi Ashk ki sahmi si najar me thodi rahat dikhi, samne se daurta huye usse Drish najar aa raha tha.... Drish daurta hua Ashk ke pass pahunch raha tha... Jaise he Drish uske Karib aaya... Ashk do ladkon ko dhakka deti daur kar Drish se lipat gayi.


Kitni sukoon aur kitni rahat mehsus kar rahi thi Ashk khud me iss waqt. Tej-tej sansen leti kas ke sine se lagi hui thi Drish ke

[honey boy]

Update 62

Kitni sukoon aur kitni rahat mehsus kar rahi thi Ashk khud me iss waqt. Tej-tej sansen leti kas ke sine se lagi hui thi Drish ke.


Varun ka ishara hua aur do ladkey Ashk ka kandha pakar kar usse khinchne lage. Wo jitna jor lagate Ashk ustni he jor se Drish ko pakar rahi thi.


Varun ne dono ladkon se pichhe hatne ke liye kaha aur khud Drish ke samne khara hokar kahne laga..... "Arre jarra dekho to lagta hai iss ladka ka ye bf hai ... Ha ha ha... Tu bina jane bachane aa gaya ki main kaun hun... Ek kaam kar isse kuch ghantey humare pass chhor de, phir sari umar iss se chipke rahna"...


Drish shant khara charo ore dekha, Ashk ki haalat ka jayja liya... Wo samjh chuka tha Ashk kaphi dari hui hai.


Drish..... Jitna paresan karna tha kar liye, ab please hame jane do....


Varun ka ek chamcha.... Tujhe samjh me nahi aa raha, bhai kya bol rahe hain...


Drish Ashk ko khud se hata kar apne pichhe karte huye bolne laga.... "Man'na na man'na tumhari marji"

Aur itna kah kar Varun ke sine par ek laat jama diya.... War itna jor ka tha ki Varun dharam se niche gira... Uske aadmi Varun ko uthane me lage the, tab tak Drish, Ashk ka hath pakra aur kahne laga......

"Darne ki koi baat nahi hai, tum ja kar Saurav ko dekho, bahut khun nikal raha hai uska"


Ashk sahmi si hati Drish ke pass se aur Saurav ke pass gayi, jisse abhi abhi in logon ne mara tha. Drish ne idhar-udhar najar dauraya, pass ke ek ghar ki boundry me ladki se fancing kiya gaya tha...

Drish daur kar wahan gaya aur teen char dande nikal laya...... Tab tak Varun bhi khara ho gaya tha... Do chamche daure Drish ki ore.... Kya teji se danda ghumaya.... Satakk-satak... Raftaar sayad 1000/kph ho... Aur danda dono ke paun me laga.


Idhar dnada toota aur udhar dono ke paun toote. Dono ke dono jamin par. Drish ne niche pare do aur dande utha liya. Teji se jhapta bakiyon par... Aaj to pura garba khelne ke mood se tha...


Ek hath se Varun ka collor pakra taki bhag na jaye, aur baki jo bhi uski ore aata uska swagat Drish dusre hath ke dande se karta.... Unki speed 50/kmph ki hoti to Drish ki 500/kmph ki. Jabtak wo action me aate us se pahle he Drish unhe maar kar gira chuka hota....


Minute bhar lage honge usse aisa karne me. Ashk, Saurav aur Hasan kuch palon ka ye high voltage action dekh kar apni aankhen miz rahe the.


Hasan..... Ye kaun hai yaar.... Bhut-pret hai ya insan hai...


Saurav karrate huye kaha...... Ye to Ashk he bata sakti hai.... Hum sab ka baap nikla ye...


Varun ke chamche karrah rahe the niche jamin me pare, aur Drish bas Varun ko pakre kaphi gusse me dekh raha tha..... Darna lajmi tha aur Varun ki to dar se paint gili ho rahi thi... Phir bhi kahte hain na rassi jal gayi bal nahi gaya.....


Varun.... Daaaa... Dekho tum jante nahi ho main kaun hun... Tumhare khandan ko saaf kar dunga...


Drish.... "Chup, bilkul chup. Kahin mujhe ye lag gaya ki tum mere pariwar ko nuksan pahuncha sakte ho to abhi maar dunga.... Isliye chup".... Itna kah kar Drish chilla kar Ashk ko apne pass bulaya.... Ashk jab uske pass aayi .....


Drish ek thappar Varun ko marta hua kahne laga.... "Ghutno ke bal baith, abhi"


Dara wo bechara ghutno par baith gaya... Drish najren Ashk ki ore karta kaha... "Maro isse abhi"


Aahk bhi teji se sans khinchi.... Jaise apne ander gusse ko bhar rahi hai.... Apne danton ko pisi .. Aur pahle dono hathon se uska baal pakar kar uske sir ko nachayi.... Phir jaldi-jaldi do-teen thappar mari dialogue ke sath.... Kutte, kamine, haramjade....


Gussa itna tha ki anth me sandle nikali aur char panch sandel di ghuma kar uske sir par, chehre par... Body par... Iski haalat to Ashk ne he kharab kar di.


Mamla shant ho gaya, Ashk tej-tej sansen leti Drish ko bare gaur se dekh rahi thi. Dil se muskurai.. Kitna pyara lag raha tha abhi wo.... Ashk, Drish ko dekhne me khoyi thi aur Drish uska hath pakrte parking ki ore badhte huye kahne laga.... "Ghar chali jao abhi". Ashk bas Drish ko he dekhti ja rahi thi....


Hasan.... Yaar ye abhi humne kya dekha...


Saurav.... Kamine hospital chal poora toota-foot hun.... Bahut mara re... Aur tu sabko le kar aane wala tha, wo log kahan mar gaye...


Hasan.... Sab harami, Shivalkar ka naam sun kar apni maa ke aanchal me chhip gaye..


Saurav.... Phir iska number kahan se mila....


Hasan..... Mujhe kya pata, koi nahi aa raha tha to maine Ashk ki mamma ko call kar diya, sab kuch nahi bataya... Bas itna kaha ki Ashk college me paresan hai aap jaldi chale aaeye...


Saurav karrhte huye kahne laga.... Kamine aunty kahin aa jati aur ye sab dekhti to kya hota..


Hasan.... Pagal wo anubhawi hain, gardian hai.... Wo baat se mamla hal kar sakti thi yahi soch kar call kar diya... Mujhe kya pata wo marpit se bhi mamla hal kar sakti hain.....


Sab nikal gaye wahan se. Pahle Ashk nikli apni scooty se... Phir Hasan aur Saurav ko Drish hospital chhorte huye ghar chala aaya.... Drish ko baar baar Ashk ka gale lagna yaad aa raha tha.... Wo uska dara hua masoom chehra he yaad kar raha tha....

Aur Ashk ... Jab se lauti thi ... Usse kya hua ... Usse khud bhi pata nahi ....

[dpmangla]

Nice Update

[honey boy]

Nice Update

keep reading...

[honey boy]

Update 63

Ashk ... Jab se lauti thi ... Usse kya hua ... Usse khud bhi pata nahi ....


Ashk scooty chalate pure raste bas Drish ke bare me he sochti rahi. Ghar bahut he badhaal si haalat me pahunchi thi. Chandrika devi jab apni beti ki aisi haalat dekhi to usse rona aa gaya. Ashk ko lekar dil ki thodi kamjor thi, aur chhoti-chhoti baton me bhawuk ho jati thi.


Ashk apni maa ko rota dekh usse chup karati hui kahne lagi ... "Kuchh nahi hua"... Aahk bol to di kuch nahi hua par uska dil he janta tha, us par kya biti thi.... Chandrika devi roti hui Ashk ka hath apne sir par rakh kar kasam khane ke liye kahi....


Ashk chup ho gayi... Maa ke jor dene par Ashk ne puri kahani bata di... Hasan ki phone par ki gayi baat aur Ashk ki baton me bahut anter tha. Usne Ashk musibat me hai aisa hint to kar diya, apni baton se ek gardian ko ye to feel karwa diya ki uske bacche ko uski jaroorat hai par baat itni bari hogi ye jahir nahi hone diya.


Chandrika devi dil se sukriya ki Hasan ka jisne iss samsya ko ek gardian tak pahunchaya.... Aur Drish ko to wo ab jamai he maan chuki thi apna... Mann me bas muskurati hui Drish ke bare me itna he sochi .... "Wakai tum meri beti ki jimmedari uthane ke kabil ho"


Kuch der Chandrika devi apni beti ko sine se lagaye usse kuch der dular karti rahi ... Baad me usse fresh ho kar jaldi aane ke liye kahi.... Kyon ki ek surprise intzar kar raha tha uske liye...


Surprise ka naam sunte he Ashk jid par pakar li ... "Nahi pahle surprise batao phir main jaungi".... Par Chandrika devi Ashk ko mana karti boli..... "Pahli baar puchhi kya hua to jhoot bata di, isliye ab tumhari saza hai pahle fresh ho kar aao, phir main surprise batati hun"...


Ashk roni surat bhi banayi par maa ne kuch nahi bataya.... Ashk thoda gussa dikhati wahan se chali gayi. Ashk jab batroom me apne shirt ke button khol rahi thi, tab usse wo drisay yaad aaya... Jab Drish usse sine par apna hath rakha tha aur usse apne pichhe liya...


Usse aisa laga jaise drish ka hath ab bhi uske sine par hai aur wo thodi sharma gayi... Jab wo naha rahi thi aur hath apne pith par le gayi to usse wo wakya yaad aa gaya... Jab wo sukun se sine se lagi thi... Aur Drish uski pith par hath thap-thapa raha tha....


Ek gahri sans li aur apne ander wo sukoon phir se mehsus karne lagi. Sama thama tha aur dil me jaise payr umar raha tha... Chehre par khili si muskaan thi.....


"Ohhhh my loveee... Muahhh, muahhh, muahhh ... Ab main tumhe ek pal ke liye bhi khud se alag nahi hone dungi... Par thode se manchale ho... Uss Kirti ke sath kaise chipak gaye... Ab se chipkna ho to ... Sirf mujh se"...


"Chipakna ho to to sirf mujh se" sochte he Ashk ishhh karti apni aankhen mund li, aur dono hathon ko apne sine se laga kar muskurati gol ghum gayi.....


"Dhammm, tann.. Tookkk .... Aaaaaaaaa".....


"Ye ladki bhi na.... Lado tu batroom me aadhe ghante se kya kar rahi hai... Aur ander kya saman sab patak rahi hai"


Drish khyalon me khoyi kuch jyada jor se roll kar gayi, jis karan se paun fisal gaya aur khud ko bachane ke liye samne ke rack ko pakar li, natija Ashk ke sath pura saman bhi gira...


Ander se jab aawaz aayi kuch girne ki to Chandrika devi muskurati bas yahi socne lagi, jaroor ye Drish ke khyalon me he khoyi hogi ... Koi na beta khoyi raho... Mujhe bahut pasand hai wo.


Idhar Ashk apne kamar par hatn rakhti ... Karrahte huye uthi..... "Drish tumhe yaad karna to jyada dard de raha hai"


Ashk jaldi se taiyar ho kar apni maa ke pass pahunchi..... "Ander kya saman gira rahi thi"


Ashk.... Mamma wo saman wala pura rack gir gaya hai, please usse thik kar dena..


Chandrika devi.... Aur jarra batayegi kis khushi me wo saman girayi..


Ashk... Mamma aankhon par sabun laga tha... Rack se sampoo le rahi thi to gir gaya..


"Haan bol le jhoot apni maa se. Kabhi main bhi teri umar ki he thi"... "Kuch kaha kya aap ne mamma"


Chandrika devi... Haan kahi na.. Pura kachra karo tum aur saaf karun main. Sasural jayegi to pata chalega...


Ashk jhatke me boli... Wo sab Drish........


Chandrika devi... Kya Drish... Kya bol rahi thi tu abhi, baat puri kar....


Ashk... Wo Drish... Wo... Haan ... Usne mujhe to bacha liya par Saurav bhi bechara mar kha gaya mujhe bachane me ... Bahut mara usse, bechara hospital me hai... Aati hun usse main dekh kar.


"Phir jhoot, bolti rah jhoot par maa hun teri, tere dil ki haalat achhe se janti hun".... "Mamma ye bich-bich me aap kya khud se baten karne lagti ho"


Chandrika devi... Kuch nahi, ja tu ja mil aa Saurav se. Kah to Drish ko phone kar dun wo sath chala jaye tere.


"Yess mamma, kar do.. Kar do jaldi se phone kar do.. Main mari ja rahi hun usse dekhne ke liye, usse main pichhle kai dino se sata rahi hun"..... "Ab tu kya khud se baten karne lag gayi"


Ashk..... Kuch nahi aap nahi samjhogi, main chali....


Chandrika devi mukurate huye apni beti ko jate huye dekh rahi thi aur hasti hui kahne lagi... "Ab tu samjhayegi, tere dil me kya chal raha hai... Aa tu Payal ke ghar main wahin samjhati hun ki main kya samjhi"...


Ashk ghar se nikalte he khud ke sir par hath marne lagi.... "Ullu, pagal, jhalli... Jarra bhi tujh me dimag nahi, excitment me kuch bhi bol jati hai"... Khud ko he kosti hui Hasan ko phone lagayi.... Hasan ne usse hospital ka pata bata diya aur wo chal di uss se milne ke liye....


Kaphi chot aayi thi Saurav ko, hospital ke ward me para hua tha... Ashk, Saurav ke pass jate he usse dhanywaad kahne lagi. Apna aabhar prakat ki jo bhi usne uske muskil ke waqt me kiya. Lekin Saurav aur Hasan dono Ashk se manphi mangne lage....


Ashk... Ab ye maphi kyon mang rahe ho dono, kya ho gaya....


Hasan... Hum uss Jo ki baton me aa kar tumhe aur Drish ko alag kar rahe the ussi baat ki maafi.


Aahk..... "Drish se alag kar rahe the. Mere Drish se mujhe alag karne ki sajis..... Khun kar dungi main tum dono ka, aur uss Jo ko to main jinda he jala dungi... Ja rahi hun main ab dobara kabhi tum dono se baat bhi nahi karungi"


Hasan usse do min ruk kar puri baat sun kar jane ke liye kahne laga... Ashk ruki aur gusse se dono ko dekh rahi thi.


Hasan.... Isme hamari kya galti hai Ashk, tum khud to Jo ki baat par bharosa kar gayi thi na phir hum se he gussa kyon... Ab jaisi tumhari marji, chaho to hum se baat karo ya chaho to humse naraj raho.


Ashk.... Sorry, main thoda over react kar gayi bina baat sune...


Saurav..... Chal swarthi kahin ki, khud par baat aayi to tone change ho gaya. Hasan jane ke liye bol de isse, ab hume baat iss se koi baat nahi karni.


Hasan.... Ab tum dono shuru mat ho jao... Ashk ko hum kya kahen ye to janti bhi nahi thi ki jaal bichhaya gaya hai, par hum to jante the na sab plan kiya gaya hai.


Aahk.... Saurav bed par leta hai isliye chhor rahi hun, nahi to abhi tera sir phor deti. Mujhe puri baat batao Hasan aur ye sab team meeting aur planning kar ke hua tha na...


Hasan.... Haan Ashk. Jo ne team meeting bulayi thi, tumhare absence me. Ro kar aur girgira kar kaha tha....


Ashk.... Chup kyon ho gaye batao na...


Hasan.... Usne kaha ki tum log sab shuru se jante ho ki Ashk meri gf hai phir bhi ek dagabaj usse dhokhe se phasa liya hai aur tum sab uss se hans-hans kar baten karte ho...


Ashk... Kamina kahin ka, dil me kuch aur mann me kuch aur, aur ulta Drish ko dagabaaj kaha...


Hasan.... Haan wo Drish ki baat kar raha tha. Phir ussi ne kaha ki tum sab mera sath do, main uss Drish ko dagabaaj sabit kar dunga, aur meri Ashk mere pass wapas chali aayegi.... Mere aur Ashk ke liye tum sab dost itna nahi kar sakte....


Aahk.... Aur tum sab ne milkar ek bhole bhale ko phasane ka pura plan bana liye. Kamino tumhare chakkar me kaisa gaya ye mera pura hafta tumhe pata bhi hai... Upar se wo flirty Drish, wo bhi aisa lagta tha jaise mujhe he jala raha hai.... Ja kar chipak gaya uss Kirti se...


Hasan.... Ab bhi wahi baat... Drish nahi chipak raha tha, ulta Kirti chipak rahi thi. Kirti aur Jo ke bich deal thi... Yadi Drish ko wo phansa leti hai aur ye sabit kar deti hai ki wo ladka bas ladki dekhi nahi ki dilfek aashiq ho jata hai, to usse uski pasand ki dress gift karega.


Ashk.... Hmmm ! Aur ye Kirti ko kaun kamina le kar aaya tha.


Saurav... Main kamina, mere paros me rahti hai, mujhe wo tere takkar ki dikhi isliye uss se maine he baat kiya tha.

Ashk.... Galti meri he hai jo main uss Jo ki baton me aa gayi... Ek pura hafta Drish se an-ban raha hai. Waise ek baat batao abhi kis khushi me ye baat mujhe bata rahe ho.


Saurav subah ki hui ghatna ko bata diya. Saurav aur Hasan dono ko afsos tha ki ek sath hum itne salon se dost hain. School se lekar college tak sath hain, phir bhi musibat ke waqt usne apna aise rang dikha diya. Kai logon ne sath nahi diya, koi afsos nahi. Par Jo to bachpan se sath raha hai ... Phir bhi... Uske aise sabd the.


Ashk.... Ab se wo humara dost nahi.... Uss gaddar ka kya karna hai tum dono socho, main chali apne Drish ke pass....


Saurav..... Sun to Ashk ...


Ashk..... Kya ...


Saurav.... Tere liye maine bhi mar khayi hai yaar... Usse to tu he puri mil gayi kam se kam mujhe ek consolation kiss to deti ja...


Ashk..... Achha, thik hai Drish ke sath aati hun... Aur main uss se puch kar ussi ke samne kiss dungi ... Chalega.


Saurav.... Ja chhori ja, main tyag karta hun tera.... Koi na mila to ye Hasan ki he chummi le lunga...


Hasan aur Saurav me wahin dwand chalne laga, aur Ashk jab se sach suni tab se bilkul vyakul ho uthi Drish se milne ke liye. Bahut afsos ho raha tha Ashk ko, wo kyon nahi samjh payi Jo ki chal ko. Lekin abhi to wo bas jaldi se jald Drish se milna chah rahi thi, uss se liptna chah rahi thi .... Uss se mil kar maafi bhi mangna chah rahi thi....

[honey boy]

Update 64

Hasan aur Saurav me wahin dwand chalne laga, aur Ashk jab se sach suni tab se bilkul vyakul ho uthi Drish se milne ke liye. Bahut afsos ho raha tha Ashk ko, wo kyon nahi samjh payi Jo ki chal ko. Lekin abhi to wo bas jaldi se jald Drish se milna chah rahi thi, uss se liptna chah rahi thi .... Uss se mil kar maafi bhi mangna chah rahi thi....


Idhar jab Drish wapas aaya Saurav ko hospital chhor kar, aate he Payal ghabra kar puchhne lagi.... Chhotu kya hua tha lado ko, aur tere t-shirt par ye khun ke nishan kaise, bata na ... Bata na kya hua tha...


Drish.... Kuch nahi Di, wo Ashk ko kuch ladkey chher rahe the to Saurav usse bachane gaya tha, to un logon ne Saurav ko bahut mara.


Payal..... Kutte kahin ke, lado ko to kuch nahi hua na.....


Drish..... Nahi usse kuch nahi hua....


Payal.... Chal thik hai, hath muh dho le nasta laga deti hun...


Drish chala gaya, jab fresh ho kar wapas lauta to hall me Chandrika devi aur Payal dono baith kar baten kar rahi thi. Jaise he Drish dikha, Chandrika devi uske gale lag kar uske mathe par hath ferne lagi aur kaan me dhire se kahi..... "Tumhara sukriya beta, aaj jo tumne kiya hai wo log apno ke liye bhi nahi karte".


Drsih.... Kaisi baten karti hain aunty, Ashk ke liye main kuch bhi kar sakta hun.


Drish yun to jyada bolta nahi tha, par wo jo bhi bollta tha kabhi hichak kar nahi bolta. Drish ke liye ye ek samnya baat thi, par sun'ne walon ke liye ye samnya baat nahi thi .... Candrika devi aur Payal dono ko jaise Drish ki baat ka jaise jhatka laga ho.... Kuchh der ke viram ke baad Payal aankhen dikhati kahne lagi.....


"Chhotu tujhe jara bhi sharm nahi aati, yahan hum sab baithe hain, aur tum aisi baten kar rahe ho"


Drish.... Kaisi baten kiya maine Di, jo bhi kaha sach he kaha hai. Koi mere pariwar ki ore aankhen utha kar dekhe to main usko bilkul nahi chhorne wala....


Chandrika devi..... Hmmm ! To beta jarra batana lado tera pariwar kaise hui....


Ab jhatka khane ki bari Drish ki thi. Achhe achhe phanse pariwar me phir Drish kya tha.......


Drish.... Di mujhe kuch kaam hai wo main bajar se aata hun...


Payal.... Chhotu aise bare kuch puchh rahe hain, unki baat ka na jabaw de kar tum ja rahe ho, ye achhi aadat nahi....


"Main apna muh khola he kyon, ab kya kahun kaise mera pariwar hai Aahk, ya pichle kai dino se kaise main uske bina tarap raha hun"......


Chandrika devi.... Putla ban kar diwal kyon dekh rahe ho beta, kya hua tum ne ab tak bataya nahi...


Drish thoda gambhir ho kar kahne laga..... "Mujhe manph kar dijiye aunty. Aap Ashk ki maa hain aur main anjaane me aap ke samne kuch bhi bol gaya... Main samjha nahi pa raha hun ki main kya kahna chah raha tha... Bas aise maan lijiye ki wo mujhe apno ki tarah lagti hai"


Bari he uljhi si baaten kar raha tha Drish... Kya kahna chah raha tha... Kya samjhana chah raha tha, usse kuch samjh me he nahi aa raha tha... Usse bas Payal aur Aakash ki kahani yaad aa gayi.... Ek gardian ke dil par kya bit'ti hai jab unhe pata chalta hai koi ladka uski beti se pyar kar raha hai....


Drish ko khud ki chinta nahi thi, par do baton ko jahan me rakh kar mayus ho gaya... Ek to Ashk uss se nafrat karti thi aur dusri uski baat ki wajah se kahin Ashk ko aunty bura bhala nahi kahe aur college na chhurwa de.


Chandrika devi Drish ko khare kisi chintn me dekh rahi thi, unhe sayad Drish ki ulhan ka aabhas hua ho.... "Honge to Payal ke sanskar he na Drish me"... Chandrika devi sochne lagi ... "Payal bhi hichak rahi thi Drish aur Lado ki baat kahne me mujh se, ho na ho mujhe dekh kar ye thod asmanjas me hoga"....


Chandrika devi msukurati hui Drish ke pass baith gayi aur apne muh ko uske kaan ke pass le ja kar phir dhire se kahi..... "Lado ko tum pasand karte ho"....


Drsih ke dimag tak jaise he ye baat pahunchi .... Aankhen, lalat ke sath puri upar tak gayi... Aaschrya se fati hui aankhen, aur dhire se bayen gardan ghuma kar Drish ne Chandrika devi ko apni phaili aankhon ke dekha ... Mann me abhi yahi chal raha tha..... "Gawn me to ab tak talwaren chal jati, par yanhan to aunty khud samne se kah rahi hai"....


Chandrika devi.... Dekh Payal tere bhai ko meri beti pasand nahi, jane de iss baat ko aage nahi badha'te hain... Main Jo ke ghar he rista final kar dungi...


Drsih.... Arrree aiseee kaise (high pich volume se bolte-bolte slow hua) rista tay kar dengi...


Chandrika devi... Bolo bolo, aaj apne dil ki baat khul kar bolo, kuch puchna ya jan'na hai to abhi kah do, dobara phir kabhi mauka mile ki na mile...


Drish apne baal nochte "ye ho kya raha hai yahan, ye kaisi maa hai jo apni beti se pyar karne wale ko thappar marne ke bajay, uss se aur ulta puch rahi hai... Sath me dhamki bhi de rahi hai... Nahi bataya to kahin Jo se... Jo yakk uss se lakh guna achha to main hun.. Uske to shakal par kamina likha hai... Kya karun ye aunty to pichhe he par gayi".... Sochte huye Drish mayusi se Payal ko dekhne laga....


Payal.... Mujhe aisi roni soorat se kyon dekh raha hai... Maa ji ne tum se sidha sawal puchha ... Kya tum Ashk ko chahte ho... Haan to abhi kaho warna ek ladka taiyar baitha hai"


Drish.... Aise kaise taiyar baitha hai, kya Ashk ki marji nahi puchoge, usse koi aur pasand hua to.


Chandrika devi gusse me aankhen dikhati hui kahne lagi.... "Thakuron ke khandaan se hun, meri beti apni marji se ladka chunegi to kat dungi usse. Ladka maine chuna hai... Pahle apni pahli pasand ke ladke se puchh rahi hun ... Haan to thik warna main kahin aur rista dekhun....


"Hushhh ! Ab dikhaya na asli rang.... Par Ashk mujhe nahi pasand karti uska kya".


Payal.... Chhotu ab bhi chup rahega to tera kych na hone wala hai...


Drish iss mamle par chuppi torte huye kahne laga...... "Ashk mujhe bahut pasand hai. Meri chahat hai ki hum sab ek pariwar ki tarah rahe.... Bahut chahta hun usse... Par wo mujhe nahi chahti. Pata nahi kya hua hai hafte din se ... Mujh se baat nahi karti, meri sakal bhi dekhna nahi pasand hai usse... Kyon naraj hai pata nahi par uski narjgi bardast nahi hoti ab mujh se ... Lagta hai khud he kuch kar lun.... Bahut chahta hun main usse .. Phir bhi wo kyon nahi samjhti...... Kyon khud se mujhe dur rakhti hai"....


Masoom sa chehra banaye jo dil me aaya bol diya Drish... Drish ki baten sun kar Payal aur Chandrika devi dono ko ye ehsaas hua ki kitna chahta hai Drish usse. Ek hafte ki tarap jis soorat me bata raha tha, Drish ka dard un dono ko bhi mehsus hua... Aur dono khamosi se uske ore bas dekhe ja rahe the.....


Sab ko chup dekh kar Drish ko laga kahin baat bigar to nahi gayi .... Drish dhire se kaha... "Aap sab ne force kiya to kah diya.. Sorry aunty Ashk ko kuch nahi kahiyega ... Wo to mujh se dur he rahti hai"


Chandrika devi... "Aa idhar aa" ... Drish uske pass gaya.... Drish ke sir par hath ferti kahne lagi.... "Bhola hai bilkul, achha sun Ashk tujhe chahiye to jaisa main kahti hun waisa he kar"


Drish.... Hmmm ! Kahiye aunty...


Chandrika devi..... Ek kaam kar abhi yahan se jao aur raat tak mat aana....


Drish.... Par raat tak main bahar karunga kya....


Chandrka devi... Payal tum ne na isse ghar ka bana diya hai ... Tum he kaho tumhari he sunega...


Payal.... Chhotu jaisa maa ji kah rahi hain karo...


Drish "haan" me sir hilata bahar jane laga...... "Drish suno ... Lado ka phone aaye to kat dena ya phone silent me rakhna, par uthana mat nahi to mujh se bura koi na hoga"


Drish ko Chandrika dev ki baat samjh me to nahi aayi ... Wo kyon aur kisliye aisa kahi... Lekin "thik hai" kahta hua nikal gaya ghar se.....


Kuch der Payal aur Chandrika devi ki baten chalti rahi... Payal ne Drish ke bahar bhejne par sawal bhi ki .. To Chandrika devi majakiya andaz me kahne lagi...


"Iski joru kah kar nikli thi apne ghar se .. Aap ko baat samjh me nahi aayegi.... Bas aati he hogi abhi wo bhi ... Usse to kuch jyade achhe se samjhana hai ... Kyonki uss bhole se Drish ko iss sharti ladki ne pata nahi kyon itne dino tak tarpayi.....