07-02-2018, 02:27 AM (This post was last modified: 07-02-2018, 02:10 PM by honey boy.)
Lagta hai kisi ko kahani pasand nahi aarahi hai... Har Update ke baad ek hi reply aata hai... Fir to mera 20dbs points dene ka bhi koi fayeda nahi... Isliye mai points dena cancel karta hu... Baki to kahani jari rahegi...
Dono ko ek he waqt par phone gaya aur ek he waqt par dono ko alag-alag jagon par bulaya gaya... Dono nikale.....
Drish ke pass Saurav ka phone aaya, usse kal ke college ke spports team me uske participation ke liye discuss karna tha, to idhar Joya, Ashk ko naye dance theme samjhane ke liye bula rahi thi.....
Saurav aur Drish dono ki mulakaat Saurav ke ghar par hui.....
Saurav.... Drish college me alag-alag khelon ke liye sports team announce ho rahi hai, hum chahte hain tum bhi isme participate karo...
Drish... Hum se kya matlab hai Saurav.
Saurav...... Mere sath college ki ek ladki hai Kirti wo mere pados me he rahti hai, aur usse ek team mate ki jaroorat hai. Ussi ne mujhe tumhara naam suggest ki, aur tum se puchh ne ke liye kahi thi....
Drish.... Par wo mujhe kaise janti hai...
Saurav.... Jo kand uss madam ke sath hua, uske baad tumhe aur Ashk ko pura college janta hai... Usse bhi bulaya hai, wo bhi aati he hogi....
Drish..... Par yaar mujhe kheti-bari ka anubhaw hai. Koi iss tarah ka game ho to batana....
Tabhi ... Khat-khat... Khat-khat.... High hills par bajti khatar-pitar ki awaz ne un dono ka dhyan gate ki ore khincha.... Gate se ek ati khubsurat bala.... Bilkul mirgnayni..... Sundrta ki murat.... Jise dekh har ladkon ka dil dhraka.... Gora badan.... Chanchal chitwan... Bikul mohini thi mohini... Upar se uske har waqt istamaal kiye jane wale tang kapdey.... Aur uss se najar aati uski kaya ki aakarshit drishay .... Uffff dil koi kyon na hatheli par le kar ghume uske liye....
Usse dekh kar he Saurav to thandi aahen lene lagta tha, kahin na kahin uske dil me basi thi wo.... Kirti undono ke pass aati kahne lagi.... "Wake up guys ... Ya mujhe dekh kar sapno me kho gaye"
Itna kah kar wo samne sofe par baith gayi... Saurav, dono ka ek dusre se intro karwate huye bola... Drish ye hai Kirti... B.tech kar rahi hai apne college se... Aur Kirti ye hai Drish... Mere sath B.sc computer science se....
Kirti Drish ko muskurati hui "Hi" kahi jabaw me Drish ne bhi usse "Hello" kaha.....
Kirti.... Yaar Saurav tumhara dost to ladkiyon ki tarah sharmata hai, ye to najren niche kar ke baat karta hai....
Saurav.... Jo najren mila kar baat kar raha hai, usse to dekhti bhi nahi, aur jo nahi dekh raha hai uski najron ki bari fikr ho rahi hai....
Kirti.... Lalluon ki ghurti najron se mujhe kya lena... Mujhe to hajaron dekhte hain to unka main kya karoon...
Drish.... Saurav mujhe yahan kyon bulaya tha....
Kirti, Drish ki thuddi apne ungliyon se pakrti hui uska chehra upar ki aur kahne lagi.... Ji maine bulwaya tha, mujhe kuchh help chahiye ... Karoge naaa....
Drish.... "Kaisi help chahiye" ... Iss baar Drish bhi uske aankhon me jhankta hua bola....
Kirti.... Mujhe tennis ke mixed double ke liye ek strong partener chahiye aur pure college me sab ke deh-dasha dekhne ke baad tum he sabse fit aaye.
Drish.... Par mujhe ye khel nahi aata hai isliye sorry main nahi help kar sakta....
Kirti.... To kya hua, hum kis marj ki dawa hain, sab sikha dungi....
Drish.... Sorry miss, Saurav inko kah do main help nahi kar sakta, chance unko milna chahiye jo iss khel ko khelte aaye hon. Game partrner ground se dhunde na ki apne choice se select kare...
Apni baat kah kar Drish uth gaya, aur wahan se jane laga. Pichhe se tane marti Kirti kahne lagi.... "Yadi yahi baat tumhari wo gf Ashk bolti to tum bina sawal ke usse haan kahte. Main puchh li to tumhe dar ho gaya, kahin mujh jaise khubsurat dilkas hasina ke sath tumhe Ashk ne dekh liya to tumhara break-up na ho jaye.... Bane raho ussi ke punchh... Dum hilate ussi ke aage pichhe karna apni life mat jina".
Drish kaphi gusse se wapas lauta aur ghurti najron se Kirti ko dekhte huye kahne laga..... "Haan yadi Ashk hoti to main uski madad jaroor karta, aur Ashk ki baat mat karna... Tum Ashk nahi ho samjhi. Aur jise jo samjhna hai samjhe, wo meri dost hai aur main uske har sahi ya galat faisle me sath khara rahunga, good bye"......
Kirti, Drish ki baat par muskurati hui kahne lagi..... Suno Drish, baat jo kuch bhi ho, lekin tumhe bas ussi dar hai ki kahin wo naraj na ho jaye isliye tum mere sath nahi aana chahte...
Saurav..... Aisa nahi hai, Ashk in sab baton ko kyon mind karne lagi, aur koi ladka-ladki close hain iska ye matlab to nahi ki wo bf-gf hain...
Kirti.... Then show me, proof it....
Drish ka to para chadh raha tha Kirti ki baat sun kar, aur Ashk ke bare me shaq wali baat sun kar to wo aur bhi gusse me aa gaya... Uske dimag me bas yahi aaya..... "Ashk mujhe achhe se janti hai, phir bhala iske sath khelun ya kisi aur ke sath ... Wo kyon bura man'ne lagi".
Apne khayalaton ko aur majboot banate huye anth me usne Kirti ki madad karne ke liye haan kah diya aur wahan se wapas chala aaya.
Ashk pahunchi Joya se milne apni dance pratics karne wale godown me. Wahan Joya ke sath group ki ek aur ladki Aasi bhi thi, aur sath me Jo tha.
Ashk.... Kya naya scene hai doston jo mujhe aise yun achanak se bulwa liya....
Joya.... Kuch nahi hum sab ne socha hai iss baar apni crew reality show me perform kare isliye humne teen char naye theme par pratics ki sochi hai.... Bilkul naya aur innovative theme hai...
Joya, Aasi aur Jo ... Teeno milkar Ashk ko theme samjhane lage, aur Ashk se do theme me lead role me kaam karne ke liye kahne lage....
Ashk sab ki baat talti hui kahne lagi.... Dance karna mera passion hai, isliye main yahan sikhne aati hun. Lekin mera dance mamma se badh kar nahi, unhe nahi pasand ki main dance karun aur jab wo mujhe tv par dekhegi to unka dil he toot jayega, isliye best of luck doston... Mera support tumhare sath hai .... Bilkul rock karna wahan"
Jo.... Mamma se to main prmission bhi dilwa dun Ashk lekin uske baad bhi tum taiyar nahi hogi...
Ashk kha jane wali najron se ghurti hui Jo ko upar se niche tak dekhi aur bolne lagi.... "Khul kar kaho jo bhi kahna hai Jo, tumhari baton me mujhe kaminepqn ki jhalak najar aa raha hai".....
Jo.... Ohhh to aaj main kamina ho gaya aur wo sala Drish tumhare liye sab kuch. Tum apne naye bf se dur na ho jao sirf isliye itne bare offer ko mana kar rahi ho na...
Ashk ka para pura chadh gaya..... Juban ko lagam do Jo, Drish ke bare me kuch bhi ulta bole to main tumhara khun pi jaungi. Aur kya kaha tumne uss se dur ho jaungi, issi dar se main crew ke sath nahi aa rahi... To sun lo.... Main raji bhi ho gayi aur mere dance ko lekar mamma ne mana bhi kar diya to wo akela sab ko mana lega mere liye... Mere har sahi aur galat faisle me wo mera sath dega itna viswas hai mujhe ... Aur haan sahi kaha Jo uss se dur na rahna pare isliye main nahi aana chahti crew ke sath...
Ashk ki baat sunkar Jo hasne laga, aur jor-jor se hasta hua kahne laga.... Jis Drish ko tum apna kah rahi ho wo to kuch he dino me Kirti ka ho jayega...
Ashk phir se Jo ko ghurti hui puchhne lagi.... "Ab ye Kirti kaun hai"
Jo.... Tumhare college ke b.tech ki ek student ... Jiske roop me sare ladkey mohit ho jate hain.... Phir kisi ki ikchha ho ya na ho lekin wo jise phasana chahe wo phas he jata hai...
Ashk.... Huhhh ! Tum kuch bhi kaho main tumhare baat me nahi aane wali... Aur na he dance ko haan kahungi... Aur rahi baat uss chudail ki... To usse bhi kar lene do kosis.... Drish mera hai aur mera he rahega.....
Itna kah kar Ashk uth gayi aur wapas jane ke liye do kadam badhayi he thi... Jo usse jate-jate he suna'ne laga.....
"Ashk pahli kamyabi to pa he gayi hogi... "Tennis sath me khelne ke liye raji kar li hogi, jabki uss gawar ko tennis ka "T" bhi nahi pata hoga. Baki ka kaam wo tennis racket pakrte hain ye sikhate-sikhate kar degi.....
Ashk uski baton par "whatever" kahti hui ansuna karne ka natak karne lagi. Par Drish uss se dur ho raha hai, bas iss khyal se he uske dil me tis paida hone lagi.... Mann me bas yahi khyal aaya ki Drish ko jo khel nahi aata hai uss khel ke liye kisi ko haan nahi kahega, aur waise bhi wo kisi ajnabee se baat bhi nahi karta to phir uske sath khelne ka sawal he paida nahi leta.
Dono lagbhag ek he waqt me apne-apne jagah se, ek dusre ke liye apne-apne viswas ke sath nikle... Jahan ek ore Drish iss viswas me tha, "main kisi ki madad karun iss se Ashk ko koi paresani nahi hogi"....
Wahin Ashk ko viswas tha... "Bhala jo khel Drish ko nahi aata hai uske liye wo kisi ajnabee ko haan kabhi nahi kahega, bhale he menka ya urwasi he kyon na aa jaye. Mera Drish kisi ajnabee se mel-jol nahi badhata"
Dono lagbhag ek he waqt me apne-apne jagah se, ek dusre ke liye apne-apne viswas ke sath nikle... Jahan ek ore Drish iss viswas me tha, "main kisi ki madad karun iss se Ashk ko koi paresani nahi hogi"....
Wahin Ashk ko viswas tha... "Bhala jo khel Drish ko nahi aata hai uske liye wo kisi ajnabee ko haan kabhi nahi kahega, bhale he menka ya urwasi he kyon na aa jaye. Mera Drish kisi ajnabee se mel-jol nahi badhata"
Somwar subah Ashk aur Drish ki mulakaat..... Drish ke ghar....
Drish..... Ashk kal kahan rah gayi thi pure din, mili bhi nahi ek baar bhi...
Ashk... Kuch nahi bas yun he kal mann nahi lag raha tha...
Drish.... Kya hua Ashk, sab thik to hai na...
Ashk.... Ab college chalo bhi bore mat karo..
Drish me apna bag uthaya aur Ashk ke pichhe tang kar chal diya..... Ashk apne dance practics ki jagah par scooty rok di...
Drish.... Ashk chabi do scooty ki jab tumhari dance practics khatam ho jaye to call kar dena main aa jaunga..
Ashk.... Par tum ja kahan rahe ho...
Drish.... Maine wo sports me hissa liya hun, wahi sikhne ja raha hun...
Ashk aschrya se Drish ko dekhti hui kahne lagi.... Kya?????
Drish.... Isme shocking jaisa kya tha Ashk....
Ashk.... Kuch nahi Drish, aaj dance ka mood nahi chalo main bhi tumhare sath chalti hun....
Sports ka naam sun kar he Ashk ko jhatka laga, lekin wo sidhe puchh bhi nahi payi kiske sath aur kaun se sport me participate kar raha hai... Pata to Ashk ko kal he ho gaya tha, lekin wo khud he jakar dekhna chahti thi aakhir wahan hota kya hai...
Ashk bhi Drish ke sath nikli.... Godown se thodi he duri par tennis court tha.... Dono pahunche.... Kirti, Drish ko dur se he dekhti hath hilane lagi....
Aahk pahli jhalak Kirti ki dekhi aur ascharya se pare apna muh khol kar bas yahi kahi.... "Iske sath participate kar rahe ho"
Ashk...... "Kuch nahi"... Aur Kirti ko dekh kar bas gusse me yahi sochne lagi..... "Ye kaise kapre pahan kar aayi hai. Ye to puri menka bankar mere Drish ko phasane aayi hai..... Pura badan to dikha rahi hai kamini".... Kirti ko kosti hui Ashk, Drish ke sath chal rahi thi....
Kirti.... Hi Drish... Hi Ashk..
Ashk mann me sochti..... "Isse mera naam kaise pata"..... Idhar tab tak Drish ne apne hath ke ishare se usse "Hi" kaha.....
Kirti.... Hello, kahan khoyi ho Ashk. Tum jarra upar ja kar baitho, hum thodi practics kar lete hain...
Ashk ghurte huye Kirti ko dekhi aur aur tennis court ke bahar audience ki tarah baith gayi. Kirti bhi Ashk ko dikhati hui Drish ko tennis ki basics batane lagi. Uske hath me tennis ka racket thama di, aur Kirti khud, Drish ke pichhe aati uske hathon par apna hath dalkar tennis ke racket ko pakrna kaise hai wo bata rahi thi...
Kirti to bata rahi thi, par Ashk ne jab dono ke badan se badan chipke dekhe to uska para chadh gaya, aur wo wahan se uth kar chali gayi. Aahk college jaldi pahunch gayi aur itni subah koi class bhi nahi thi, wo idhar-udhar karne lagi aur bas Drish ko kose ja rahi thi....
"Pagal kahin ka, kitne garv se kaha maine, kitne viswas ke sath kahi.... Drish kisi ajnabee se baat tak nahi karta.... Aur yahan to uss kalmuhi ke sath chipak-chipak kar tennis sikh raha hai. Sach hai in ladkon ka jarra bhi bharosa nahi. Jahan ladki dekhi nahi wahin chance marne laga gaya... Aanhhh kamina Drish, isko to main bataungi, phase to pahle".
Abhi kos he rahi thi ki dur se ek he scooty par Drish aur Kirti sath aate huye najar aaye... Tabhi Scooty ka agla pahiya ek gaddhe me ghusa, aur Drish unbalance hokar apna hath Kirti ke kamar me dal diya.....
Kirti ke kamar me Drish hath kya dala.... Ashk ke najron ke samne ye drisy jaise slow motion me chalne lag gaya ho... Drish ke hath dhire-dhire kamar ki taraph badh rahe hain... Aur dono panjon se kamar ke dono ore jaise..... Jor se pakar liya ho. Aur wo Kirti ke chehre ke bhaw bhi najar aa rahe the.... Jaise he hath kamar par gaya.... Kirti halki Aahhh karne ke andaj me apna muh banati najar aa rahi thi.....
"Kahan khoyi ho Ashk, aur ground se chali kyon aayi" ... Ashk ka dhyan jaise toota ho aur samne Drish khara tha..... "Meri marji main apni scooty lekar kahin bhi aaun ya jaun tumhe iss se kya, hatto rasta chhoro mera"
Gusse ke sath apni baat kahti Ashk "huhhhh" karti, pichhe se apne khule baal urrati, wahan se chali gayi..... "Ye Ashk itne gusse me kyon gayi, college me kisi ne to kuch nahi kah diya"... Ashk ke iss bharke rawaiyye ko dekh kar Drish ke mann me bas yahi khyal aaya, "lagta hai college me kisi ne isse chhera hai tabhi itne gusse me hai"....
Ab Drish ko kya pata, wahi to hai jo Ashk ko chher raha hai aaj subah se. Aaj class me bhi bari chup-chup baithi thi. Class jab khatam hui to Ashk chup-chap canteen nikal gayi akele. Drish bhi Ashk ko dhundte huye canteen pahuncha.
Lekin iss se pahle ki Ashk tak pahunchta uska rasta rokte huye Kirti khari ho gayi..... "Doston in me milo, ye hain Drish mere tennis ke naye partener"
Phir kya tha... Ek-ek kar ke sari ladkiyan uspar comment karne lagi......
"Hi hansome"
"Ohhhh he is so cuteeeeeee"
"Hat isse cute nahi kahte, he is too hot"
"Yaar Kirti iss baar tere takkar ka partener mila hai"
Ashk wahin pass me baithi sab sun rahi thi, bechari jali bhuni si.. Sara gussa table par para menu card ke chithre urrate huye nikal rahi thi. Ashk ko jab gussa bardast nahi hua apni jagah se uthi aur sab ke bich se Drish ka hath pakrti usse bahar le aayi.
Kirti ki ek dost uss se puchhne lagi..... "Yaar ye ladki kaun thi, jo tere samne se tere parterner ko le gayi"
Kirti.... Aaj dari thi mujh se to mere samne se hath pakar kar le gayi wo, lekin wada hai tum sab se kal ko wahi ladka apna hath uss se chhura kar mere pass aayega... Chal chal kar coffee pite hain.
Kirti and friends apne coffee me lag gaye aur idhar Drish ko bahar akele me le jakar Ashk lagi us par barsne....
"Khud ko kya hero samjhte ho..... too hot, so cute, ye sab kya tha... Aur tumhe bhi sun'ne me khub maza aa raha tha kyon... Ab bolte kyon nahi, jabaw do.. Jabaw do mujhe"
Drish.... Ashk kya ho gaya tumhe, main subah se dekh raha hun, itni ukhri-ukhri kyon ho.
Ashk.... Pagal ho gayi hun main, chalo ghar, mera mann nahi ab class karne ka...
Drish... Lekin Ashk humari classes...
Ashk.... Classes gayi bhar me, chal rahe ho ya nahi saaf-saaf batao.
Drish shanti se "haan" kahta tang gaya uske scooty se, aur chup-chap chal diye dono ghar ke liye. Yun to Drish bachpan se he shant tha, par Payal ke liye kabhi shant nahi raha... Lekin aaj Ashk ke iss chir-chirepan ne usse chinta me dal diya tha....
Drish ko ander se jaise kuch bhi achha nahi lag raha ho.... Payal ki baton ka bhi thik se jabaw nahi de pa raha tha, bas "haan.. Hunn" kar raha tha....
Ashk bhi jab ghar pahunchi to aaj apni maa se kaphi chidh kar baat kar rahi thi. Usse ander se kaphi gussa aa raha tha.... Din bhar Ashk ke samne wo tennis court par dono ke chipke badan aur scooty par wo kamar me hath dalne wala wakya yaad aa raha tha....
Baat kuch bhi ho par Ashk aur Drish dono ek dusre ke bare me he soch rahe the.... Lekin Ashk gusse se yaad kar rahi thi aur Drish chinta me ... Kahte hain gusse me insan aksar galtiyan he karta hai... Kacchi umar uspar se itna gussa ... Saam hote-hote aakhir ek chuk ho he gayi Ashk se......
Baat kuch bhi ho par Ashk aur Drish dono ek dusre ke bare me he soch rahe the.... Lekin Ask gusse me aur Drish chinta me ... Kahte hain gusse me insan aksar galtiyan he karta hai... Kachi umar uspar se itna gussa ... Saam hote hote aakhir ek chuk ho he gayi Ashk se......
Saam ka waqt ..... Ashk apne kamre me thi... Mamma uske kamre aate he kahne lagi.... "Lado jarra Drish ko call laga"
Ashk.... Kya kam hai uss se...
Mamma.... Tu itne gusse me kyon bol rahi hai... Aaram se bhi bol sakti ye baat. Usse call laga mujhe jo kaam hai wo main ussi se kahungi...
Ashk.... Aap ke pass bhi phone hai aur phone me uska no., aap khud kyon nahi call laga leti...
Mamma.... Lado tujhe din se dekh rahi hun, tum aise baat kyon kar rahi ho beta, kya hua batana to jarra...
Ashk.... Main pagal ho gayi hun, mujhe pagalkhane bhej do...
Mamma.... Arre mera baccha, ye tu kaisi baten kah rahi hai, kisi ne kuch kaha kya... Drish se tera jhagra hua hai kya ?
Ashk.... Kaun hai, kaun hai ye Drish... Wo jiye ya mare mujhe uski kyon chinta hone lagi...
Mamma.... Ashk, pyar se kahne ka ye matlab nahi ki tum jo mann me aaye bako.... Bacche ho bacche ki tarah baat karo.
Ashk.... Aap jao abhi mamma yahan se, mera dimag kharab hai, main kuch ulta bol dungi to phir roti rahna....
Mamma wahan se utha kar chali gayi.... Gusse me Ashk ne chilla kar bol diya.... Chandrika devi apni beti ki baton se mayus ho kar wahan se uth kar chali aayi....
Chandrika Devi jab pass ke local market me sabji le rahi thi, tabhi unki mulakat Drish aur Payal se ho gayo... Payal, Chandrika devi ko tokti hui kahne lagi .... "Namste maa ji kaisi hain"...
Chandrika devi... Achhi hun, tum dono kaise ho....
Drish.... Hum dono bhi achhe hain aunty, par aap ka chehra kuch utra hua sa hai, baat kya hai...
Chadrika devi baat ko tal'ti hui kahne lagi.... "Tumhe bahut fikar hai meri, kabhi to haal puchhta nahi mera aur baat karta hai... Meri Payal bitiya he thik hai, kam se kam din me do baar baat to kar leti hai"....
Payal... Chhotu tu ek kaam kar ye sabji le ja ghar. Main aur maa ji gappe larate huye aate hain ...
Drish ke jane ke baad..... "Kya hua maa ji, aap wakai me kaphi chinta me hai"
Chandrika devi.... Chal kahin baith kar baten karte hai, thak gayi main to ye paidal bajar karte-karte...
Dono wahin bajar ke madir ki side me bane baith'ne wale chabutre par baith gayi....
Payal.... Maa ji kya hua.... Aap paresan kyon hai...
Chandrika devi.... Kuch nahi Payal, Lado se paresan hun... Kya karegi kaise rahegi wo, har pal yahi chinta satati hai....
Payal, Chandrika devi ke kandhe par hath rakhti hui puchhne lagi.... "Kya hua hai maa ji"
Chandrika devi..... Payal beta ye bacche kab samjhenge pata nahi..... Bina baap ke pali hai, maa hun usse kuch kah bhi nahi pati... Mere he lad pyar ne usse jiddi aur gussel bana diya...
Ek gahri sans leti Chandrika devi mayus hote huye apni baat kahi.....
Payal.... Umar ke sath uska gussa bhi chala jayega maa ji, bahut pyari hai Lado... Aur phir umar he kya hai jo uss se aap apni tarah samjhdari ki ummid karti hain... Ab aap batyengi kiya kya usne..
Chandrika devi... Kisi par sayad subah se gussa hai, aaj college ki class bhi chhor di, aur pura din chidhi-chidhi si baten kar rahi hai...
Payal... Hmmm ! To ye baat hai... Jaroor ye chhotu aur lado ke bich kuch hua hai ... Ye chhotu bhi aaj ghar par bas khoya-khoya sa "haan-hun" me jabaw diya hai....
Chandrika devi... In dono ki to, Jhagra aapas me karenge aur gussa hum par nikalenge ... Payal in dono ko sabak sikhna parega .... Taki ye aapas ke jhagre ka gussa hum par na nikale...
Payal ... Sahi kaha maa ji ... Par ye karenge kaise...
Chandrika devi.... Mujhe kya pata, bas tumhe kaam diya hai tum karo... Waise bhi bahuyen kaam karti hain aur saas aaram ...
Payal... Hehe... Thik hai.. Main dekhti hun main kya kar sakti hun ... Ab aap to ye mayusi chhoriye aur lado abhi bacchi hai... Kya aap bhi, uski baton ko dil se laga liya...
Chandrika devi... Aur tu dadi... Chal hath de utha mujhe, aur dono ko nahi sabak sikhaya to main tumhe babati hun....
Dono wapas ghar chale aaye... Payal ko kuch sujha nahi ki kaise pata kiya jaye ye chhotu aur Lado lar kyon rahe hain .... Ek do baar ghuma phira kar kar chhotu se jan'ne ki kosis bhi ki par chhotu... "Kuch bahi.. Pata nahi"... Kah kar talta he chala gaya....
Raat ko Aakash jab kamre me aaya..... Bare armano ke sath romance ke liye jaise he Payal ki ore badha... Payal apna laal dupatta dikhati hui kahne lagi.... "Aaj hartal hai .... Bekar me apne armano ko nahi jagaeye"....
Aakash chhota sa muh banate..... 5 din se to tumhare periods ke karan hartaal he jhel raha hun... Ab kya jaan logi meri...
Payal.... Ye aap bhi na kaise ulti sidhi baten karte ho.... Hume kisi ki jasusi karwani hai... Pahle bolo mera kaam karoge ... Phir main aap ke bare me sochungi....
Aakash.... Azi aap ko mujh se koi kaam karwane ke liye kya kisi shart ki jaroorat paregi... Pagal kahin ki.... Batao mujhe kya karna hoga...
Payal saam ko hui apni aur Chandrika devi ki sari baat bata'te huye kahne lagi.... "Samjh gaye na aap, kya karna hai"
Aakash.... Payal tum bhi na puri pagal ho. Ghar me koi jasusi karta hai kya ? Nahi ye galat hai main nahi karunga....
Payal.... Huhh ! Main kya boli aur aap kya samjhe... Dekhiye dono abhi bacche hain, main nahi chahti larakpan ke inke jhagre jyada badhe... Dono bas pyar se rahe, isliye kah rahi hun...
Aakash... Pyar se rahe se tumhara kya matlab hai Payal.. Kahin bhabhi to nahi banane ka irada hai....
Aakash ki baat sun kar paya hasti hui "haan" me sir jor-jor se hilayi aur kahne lagi... "Jab bhi dono ko sath dekhti hun to lagta hai ek duje ke liye bane hain.... Chhotu ko pahli baar kisi ke sath itna khush dekh rahi hun"....
Aakash .... Ohhh ! To ye ek love story ko family support diya ja raha hai... Achha hai, achha hai.. Par mujhe to Drish ne mara tha... Heyy bhagwan kya koi Ashk ka bhai nahi jo usse pit-pit kar mera badla le sake....
Payal jor-jor se hasti hui kahne lagi.... "Aap he ho Ashk ke bhai" ...
Aakash.... Haan janta hun, par main sachi kahun to, meri hummat aur nahi bachi uss se mar khane ki....
Payal... Mazak chhoriye na, kahiye na kar denge ye kaam...
Aakash.... Ji bilkul, hum to joru ke gulaam hain .... Jaisa aap ne kaha... Dono ko aisa sabak sikhana hai ki dono agli baar jhagra kare to gussa family par na utare... Yahi naa...
Payal... Haan, aur ye bhi ki dono har samay pyar se he rahe....
Aakash.... Wo to aane wale waqt ki baat hai... Par abhi to filhaal tumhe dekh kar aahen bhar raha hun... Abhi hum dono ko apna ye waqt pyar se gujarna chahiye...
Payal hasti hui kahne lagi... "Aap ko tarpte dekhne ka maja he kuch aur hai.... Aaj to aise he tarpo"...
Puri raat chuhe-billi ka khel chalta raha Payal aur Aakash ke bich.... Waise to Aakash jab apne ghar par rahta hai tab subah utna he paap hota hai uske liye... Lekin biwi ke dar se aaj wo bhi subah-subah uth kar kaam par lag gaya .... Nikal para Ashk aur Drish ki khabar lene....
Puri raat chuhe-billi ka khel chalta raha Payal aur Aakash ke bich.... Waise to Aakash jab apne ghar par rahta hai tab subah utna he paap hota hai uske liye... Lekin biwi ke dar se aaj wo bhi subah-subah uth kar kaam par lag gaya .... Nikal para Ashk aur Drish ki khabar lene....
Subah-subah Ashk pahunchi... Aaj aschrya ho gaya uske liye, Aakash ghar par pahli baar jaga mil gaya.... Aakash, Ashk ko tokte huye....
"Kaisi ho Ashk, kya sab chal raha hai. Tum to jaise bhul he gayi... Na baat he karti hai aur na he milne aati hai"
Ashk.... Main achhi hun bhaiya, aap kaise ho...
Aakash.... Main always fit and fine, par jabaw nahi di mere sawalon ka...
Ashk.... Wo college shuru hai na bhaiya, isliye waqt ki thori tangi hai... Par aap bhi to baat kar sakte hai na, aap ne bhi kahan yaad kiya...
Aakash... Hmmm ! Kahna to tumhara bhi sahi hai, thik hai teen din baad sunday hai, banate hain kuch programe...
Aahk.... Ok bhaiya, main intzar karungi. Drish taiyar nahi hua kya.. Usse college nahi jana kya...
Itne me Drish bhi bahar aa gaya... Ashk, Aakash ko bye bolti wahan se college ke liye nikal gayi.... Aakash bhi unke jane ke 10 min baad nikla .....
Aaj Aahk Drish ke sath na ja kar apni dance practics ke liye ander godown me chali gayi, aur Drish scooty lekar wahan se nikal gaya.....
Ashk jaise he ander aayi, Jo usse dekhte huye kahne laga..... "Ashk, ajnabiyon par bharosa kiya, aur wahi ajnabi sath chhor diya na. Hum tumhare dost hain pagal koi dushman nahi. Haan ek baat aur Kirti se maine he ye shart rakha tha, ki yadi wo Drish ko apni ore aakarshit kar le to jit me usse jo chahiye milega"....
Ashk.... Kya kaha tum ne, tum ye sab plan kiya sirf isliye ki Drish mujh se dur ho jaye...
Jo... Ashk ye plan nahi tha... Main bas tumhe dikhana chahta tha jiske sath tum rahti ho aur jisse tum apna bf maan chuki ho, wo sayad tumhare layak nahi. Aaj Kirti ne usse apna jalwa dikhaya to wo Kirti ka ho gaya, aur kal ko Kirti se bhi koi sunder mil jayegi to wo Kirti ko bhi chhor dega...
Ashk ke dimag me jaise ye baat ghus gayi bilkul. Usse Jo ki baton me sachai aur Drish farebi najar aane laga.... Mood off ho gaya bechari ka, dance bhi nahi ki aur baithe-baithe bas gahri soch me dub gayi. Drish usse dhokebaaj najar aane laga....
Idhar scooty lekar Drish ground pahunch gaya.... Aaj bhi Kirti bilkul chhote se skirt aur upar ek tight t-shart pahni hui thi.... Badan ke har ang jaise kapron ke upar se jhalak rahe ho..
Kachi umar, najar ek baar to Drish ki bhi gayi Kirti ke badan par. Sexy legs aur v-shape ki t-shart se halke aate cleavase ka look, kuch najren Drish ki thahri kuch der uske badan par. Kirti ne bhi ye baat notice ki, Drish uske badan ko dekh raha hai....
Dono jab pass aaye to Drish ki najren thodi bahak gayi, rah-rah kar najren uske sexy look ko niharti. Kirti bhanp gayi iss chij ko aur Drish se mazakiya andaz me kahne lagi .... "Hun na bilkul hot, kya kahte ho Drish iss figure ko dekh kar"
Kirti apne badan par hath ghumati hui Drish se puchhne lagi.... Drish, Kirti ke iss sawal par jaise harbara gaya aur kahne laga.... "Wo tennis kuch sikh le"
Drish ki baat sun kar Kirti muskurati hui kahne lagi "haan kyon nahi" ... Aur itna kah kar Kirti ne uske hath me racket thama di. Racket ko uske hath me de kar khud uske pichhe chali gayi.
Drish ke pith se chipakti uske dono hathon ko apne hath se pakri... Aisa karte waqt Kirti ka agla hisaa pura Drish ke pith se chipka hua tha.... Drish ke ander jaise kuch-kuch ho raha ho.
Kirti apni pakar ko aur tight karti, Drish ke bayen hath me tennis ki ball di. Dono hath ko pakre upar ki ore le gayi, aur ball aur racket ko service karne ke postion me le aayi....
Drish ka dhyan service karne me kya hoga, usse to apni pith par Kirti ki dabi chhatiyan feel ho rahi thi, aur aage se uske pasine chhut rahe the. Kirti usse hathon ke postion aur marna kaise hai samjha kar uss se alag ho gayi.
Aadhe ghante tak yahi sab chalta raha, Kirti bhanp chuki thi Drish ki haalat aur wo har 10 min me kuch na kuch batane ke liye uss se chipkati rahti, aur Drish ki tarapti haalat ka maze leti.
Aadhe ghante baad Kirti ke mobile par Jo ka call aaya.... Jo ne uss se kah diya.... "Mera kaam ho gaya hai, Ashk ka brain wash kar diya maine... Meri ore se free ho, aage kya krna hai tum dekh lo"... "Thik hai" kah kar Kirti ne bhi phone cut kar diya...
Kirti apne mann me bas yahi sochi... "Canteen me iska hath pakar kar uss ladki ne apna jor iss par dikhaya tha na, ab main apna jor dikhati hun"
Kirti, Drish ke pass aati hui kahne lagi.... "Drish mujhe lagta hai main tumhe kha-m-kha tennis me ghasit rahi hun, main koi apna dusra parterner dhund leti hun".
Drish.... Hmmm ! Thik hai...
Itna kah kar Drish uske pass se jane laga..... "Ajeeb ladka hai, abhi to mujh se chipak kar maze le raha tha, boli sath nahi khelungi to chup-chap jane he laga. Koi prati uttar bhi nahi diya, na he kaha main sikh lunga mujhe mat hatao. Kahin bura to nahi maan gaya".... Kirti, Drish ko rokti hui kahne lagi...
"Arre ruko to, kah di sath tennis nahi khel sakte to chhor kar he tum to chal diye"
Drish.... Hmmm ! Bataeye
Kirti apna hath aage badhati hui kahi...... Hum sath khel nahi sakte to kya hua, par dost to ban he sakte hain...
Drish bhi us se hath milata hua kahne laga.... "Thik hai" ... Aur wahan se wapas dance practics ki jagah aa gaya.... Aahk wahan chup-chap he baithi thi, lagbhag uss jagah se nikalne ka samay bhi ho gaya tha... Drish ke sath Ashk nikal gayi apni judo class aur wahan se college.
Ashk ki majboori thi isliye Drish ko pichhe bitaye thi, college pahunchte he Ashk ne Drish se saaf kah diya... "Kal se wo khud college chala aaye, usse paresani ho rahi hai scooty le kar wo tennis court chala jata hai".
Drish.... Nahi, kal se nahi hoga aisa. Kirti ne koi partner dhund liya hai.
Ashk ye baat sun kar jaise ander se kitna sukoon mehsus ki thi.... "Thik kiya usne tum jaise dhokebaj ke sath"... Itna soch kar kaphi itminan se wo muskurai aur kahne lagi...
"Phir bhi Drish, bahut paresani ho jati hai, main apne routein ko follow karti hun, aur tum apne. Isliye kal se hum sath nahi aayege"
Drish ne sayad pahli baar kisi ke kuch kaha tha, aur uspar bhi jabaw naa me aaya, Drish ko thoda bura laga lekin dobara usne kuch nahi bola. College pahunchte he kal se alag aana kya kahi, Ashk ne wo to college me bhi usse alag rahna sikha diya.
Aate he sidha Saurav se mili, aur ussi ke sath class me bhi baith gayi, canteen time bhi yahi hua... Aaj bhi Ashk ne puchha tak nahi, lekin phir bhi itne din jiske sath rahe dil to usse dhundta he hai.. Ashk ke liye wo ek bar fir Drish canteen gaya.
Aaj bhi Ashk se milne se pahle he Kirti & friends mil gayi. Aaj lambi baten hui unki par Aahk ne koi rection nahi dikhaya... Aisa lag raha tha jaise Ashk ne uss se sare ristey khatam kar diye ho, par ye dil ki baten dil he jane... Ander se to chidh ho he rahi thi Ashk ko... Lekin phir bhi Ashk apna dhyan kahin aur lagaye apna kaam karti rahi....
HOME 
AWARDS 
Romantic Kuch Nahi Tere Bin (Completed)
keep reading...
