Romantic Kuch Nahi Tere Bin (Completed)

[honey boy]

Update 49

Agle din jab Drish college pahuncha, aur jaise he Rachna ki class attend karne ja raha tha, Ashk uska hath pakrti class ke dusre ore le aayi. Wahan 6/7 ladkey ladkiyon ka jamawra tha... Ashk "shiiiiiiiiiii" karti hui Drish se kahne lagi ...... "Aaj uss madam ko sabak sikhana hai... Isliye tum class ke bahar he raho"


Drish.... Par mujhe class ke bahar kar ke kya fayda... Badla madam se lena hai ya mujh se...


"Kaun hai ye" .... "Humare sath kya kar raha hai" ...... "Isse kisne bulaya yahan".... Naye ko group me dekh kar baki ke sare log Ashk aur Saurav se puchhne lage....


Aksk.... Arre jahilon chup bhi karo, jaan-pahchan karwa dungi Drish se tum sab ka. Lekin abhi uss madam par to dhyan do....


Joya..... Intzaam to uss madam ka pura ho gaya hai, chinta kyon karti hai, par ye handsome kaun hai, jarra mujhe bhi to milwa....


Ashk.... Dur hat, dur hat iss se. Bhaga degi kya apni harkaton se.... Chalo team shuru karte hain madam se badla.....


Saurav.... Ansh, chuhon ko chhor do..... Aaj uss madam se kabaddi khilwayenge....


Pure class me chij aur butter chhipa diye gaye the... Madam jahan par ghum-ghum ke padhati thi, uss jagah ka khas khyal rakha gaya tha.... Gate par ek farsh ke rang ka wire band diya gaya tha... Aur farsh par puri kalikh bikher di gayi thi.....


Chuhe jaise he chhore gaye, sabse pahle madam uchhal kar bahar bhagi... Aur wire me paun phasne se ... Dharam... Farsh par giri.... Kapre se lekar badan ke hisse me kalikh put gayi madam ki...


Sab se funny tha... Unka chehra jo aadha kala aur aadha safed dikh raha tha..... Aur ye sari ander ke funny moment ka video bhi record ho raha tha... Kaam hote he Ashk ki puri team nikal gayi....


Ashk... Chalo bhi, yahan ruk kar kya kar rahe ho...


Drish... Par hum to class attend karne aaye hai na...


Ashk.... Buddhu, aaj nahi kal se aatend karenge class... Aaj dil ko sukoon mila hai... Party karenge...


Drish.... Tum jao apne doston ke sath main college me he rahunga...


Ashk wahan se thodi dur hat gayi, aur phone par kisi ke baat karne lagi, phone jab kati to badi he akad ke sath hasti hui Drish ko dekhne lagi. Drish uske in isharon ka matlab samjhta uss se pahle he Payal ka phone aa gaya...


Drish.... Haan di..


Payal.... Lado ke sath jao, usse kuch kaam hai, uska kaam kar dena, aur laut'te waqt ghar le aana... Mujhe uss se milna hai...


Drish... "Lekin didi sunoooo"..... Phone cut


Drish ghurte huye dekhne laga Ashk ko aur Ashk apne kaan pakar kar usse hasti hui kahne lagi.... "Soooo sorry"


Drish muskurate huye bas yahi khud se kaha ..... "Ye ladki bhi na pure pagal hai". Dono chal diye aaj ghumne. Kal Rachna se badla lene ke karan dono nahi ghum paye... Lekin kal ka mauka aaj bhuna rahe the dono....


Drish ka ajib sa aakarshan tha Ashk ko lekar. Yadi Kisi aur ne Payal se kah kar Drish se apna kaam karwaya hota, to Drish us ka kaam karne ke baad phir dobara kabhi usse dekhta nahi.


Wahin Payal ko bhi kahin na kahin lagaw tha Ashk se. Kyonki yadi koi aur Drish se kaam karwane ki sifarish Payal se karta to Payal saaf mana kar deti. Uska bas yahi kahna tha... "Chhotu se kaam hai to ussi se kaho, kuch bhi ho jaye, main uss se nahi kahne wali".


Lekin Ashk ke case me dono bhai-bahan ka najriya saaf ulta tha.... Ya yun kahe to Payal sayad Drish ke dil ki awaz mehsus kar sakti thi.


Dono car se nikle, sabse pahle pahunche multiplex. 2005 ki relese movie Salaam namste dekhne. Pahle he gana jo beach par chalta hai, aur jisme Saif kapdey utar kar nachne chala jata hai... Uss scene par Ashk ke muh se...


"Woooo hoooo" ki hooting nikalta hai.. "Wow kya body hai" kahti hui Saif ke liye taliyan bhi bajati hai... Wahin bechara Drish, Ashk ke sath hone ki wajah se bikni me nachti ladki ko dekh, kaphi asahj mehsus karta hai...


Drish chup-chap picture dekh raha tha, lekin Ashk... Wo to jaise he koi scene achha laga uski hooting aur taliyan dono shuru ho jati. Drish picture kam aur Ashk ko jyada dekh raha tha... Uski alhar si bewak adaa jaise Drish ke dil me utar rahi ho.


Movie khatam hone ke baad dono nikale... Car parking se car nikalte huye Drish ne puchha "ab kahan chalna hai"


Ashk.... Ab, ruko sochne do...


Drish.... Kya.. Sochne do, phir chalo ghar he chalte hain...


Ashk.... Arree-arree abhi nahi jana ghar Drish please kahin aur chalte hain.


Drish... Par kahan batao to sahi...


Ashk... Mujhe pani puri khane ki ikchha ho rahi hai..


"Ye ladki bhi na" ... Aur dono chal diye pani puri khane. Ashk bhi pani puri khana wahi jagah pahunchi, jahan ke traffic signal par kal Drish phasa tha.... Drish ko dekhte he aaj phir sare bacchon ne usse gher liya...


Ashk un garib bacchon ko dekh kar unke sir par hath feri aur sab ko wahan pani puri khilayi. Aaj to jaise dil me basti ja rahi thi Ashk... "Jitni sunder hai, utna saaf mann bhi hai iska"


"Kya hua kahan kho gaye".... Drish ko apni ore khoye dekh Ashk puchhne lagi...


Drsih.... Nahi kuch nahi... Tumhara khana ho gaya ho to chalen yahan se..


Aahk... Jhootey, phir mujhe he dekh rahe the na...


Drsih.... Na, nahi... Main to in bacchon ke bare me soch raha tha...


Ashk... Khud bhi to abhi ek bacche he ho, thik se jhoot bhi bolna nahi aata Mr. Drish. Mujhe he dekh rahe the bahi... Ye main janti hun.


Drish... Kaha na nahi ... Kuch bhi bolti ho..


Itna kah kar palat gaya pichhe aur car me jakar baith gaya.... Thode dur car chali hogi ki Ashk ek baar phir Drish ko chherti hui puchhne lagi.... "Achha batao kya achha lagta hai mujh me jo mujhe ghurte rahte ho"...


Drish.... Band karo na baba... Sach me tumhe nahi dekh raha tha...


Ashk... Achha aisi baat hai to phir khao meri kasam... Mujhe nahi dekh rahe the...


Drish.... Samne dekh lun, nahi to accidient ho jayega... Waise jana kahan hai abhi...


Ashk.... Mere ghar...


Drish.... Ab tumhare ghar kyon...


Ashk... Had hai... Bahut der ho gaye main apni mamma se nahi mili... Unko tang nahi ki, to pahle ghar mamma se milungi, phir unhe bata dungi bhabhi ke pass ja rahi hun saam ko aaungi...


Maa ka naam sunte he Drish ka chehra utar gaya. Uske jahanme phir se wahi yaden taza ho gayi.... "Aakhir main kaun hun, aur mera astitw kya hai"

[honey boy]

Update 50

Maa ka naam sunte he Drish ka chehra utar gaya. Uske jahan me phir se wahi yaden taza ho gayi.... "Aakhir main kaun hun, aur mera astitw kya hai"


Ashk.... Kya hua Drish itne mayus kyon ho gaye. Iss akdu se chehre par khamosi aur gussa achha lagta hai, mayusi nahi...


Ashk ki baat sun kar Drish muskuraye bina nahi raha saka....


Drish... Achha tumhe ghar jana tha na, batao gari kidhar leni hai..


Ashk... Sahi direction hai Drish, bas chalte raho.


Drish... Kya tum bandra me rahti ho...


Ashk.... Kya se kya matlab.... Drish ab ye mat kahna ki tum bhi bandra me rahte ho...


Drish haan me sir hila kar ishara kiya.... "Had hoti hai cheating ki... Pahle Mumbai, phir same college same subject, ab jagah bhi ek.. Huhh"


Drish.... Ab isme meri kya galti hai...


Ashk.... Haan sahi kahe, isme tumhari kya galti hai. Waise ek baat puchhun Drish..


Drish.... Kya ?


Ashk.... Drish mujhe ek baat samajh me nahi aa rahi... Aakhir mujh me aisa kya hai jo itna pichha kar ke yahan tak pahunch gaye... Ab to lagne laga hai, road number aur makan number na match kar jaye...


"Aannhhh ! Ye phir shuru ho gayi"...... Ashk jaldi batao jana kidhar hai...


Ashk.... 26 number road par Drish....


Drish chup-chap gari uske gali me le liya.... Ek apartment me ja kar ruki gari.... Ashk Drish ko lekar pahunchi apne ghar.....


Do baar ghar ki bell bajayi... Darwaja nahi khula to Ashk kaphi jor -jor se bell bajane lagi.... "Lado, kyon paresan kar rahi hai, dekh maar kha jayegi"......


Ashk ki mom Chandrika devi darwaja kholte huye bol rahi thi, aur jaise he kisi ajnabee ko dekhi, aadhe bol kar he chup ho gayi..... Pahli najar Drish par pari, aur Chandrika Devi usse gaur se dekhne lagi....

Chandrika Devi.... Kya naam hai beta tumhara..


Drish..... Ji mera naam Drish hai...


Chandrika Devi.... Tumhe dekh kar aisa kyon lagta hai main tumhe bahut karib se janti hun. Tumhare mammi-papa ka kya naam hai.


Drish.... "Ji aunty, wo main anath hun".... Aur itna kah kar Drish khamosh ho gaya...


Ashk.... Ufff O' Maama... Tum bhi na kisi ko bhi gate par he khari kar deti ho, ab ander bhi aane dogi, ya yahin se wapas chale jaye.


Chandrika devi bare gaur se usse dekhti hui ander gayi aur Drish ke liye juice le kar aayi, tab tak Ashk bhi change karne chali gayi thi....


Chandrika devi Drish ko juice deti puchhne lagi..... "Beta to tum yahan kiske sath rahte ho"


Drish.... Aunty main apne didi aur jiju ke sath rahta hun...


Chandrika Devi.... Lagta hai tumhari didi tum se bahut pyar karti hain..


Drish bari hairani se dekhte huye puchhne laga..... "Aap ko kaise pata"


Chandrika devi... Jab tum bol rahe the to tumhari muskan se pata chal gaya.... Waise beta tum aur Aksh dono sath padhte ho...


Itne me Ashk bhi chali aayi..... "Haan sath to padhte hain mamma par main Drish ko pahle se janti hun"


Chandrika devi..... Tu pahle se kaise janti hai kabhi batayi nahi....


Ashk bilkul Drish tarifon ke pull bandhte uski aur apni pahli mulakat bata di..... Chandrika devi ko bari hairani hui... Itta chhota baccha utne logon se bhir gaya.... Ashk bhi koi kami nahi chhor rahi thi, har scene ko bariki se bata rahi thi.


Teeno aapas me kuch der baaten karne ke baad Ashk apni maa se boli.... "Mamma, bhabhi mujhe bulayi hai, aati hun unse milkar".


Chandrika devi.... Thik hai beta achhe se jana... Ek min Drish jara yahan aao...


Drish jab uske karib gaya, to Chandrika devi pyar se uske sir par hath rakhti kahne lagi.... "Beta yahan aate rahna, aur iss pagal ke baat me jyada mat parna... Padhai me dhyan dena aur ye kuch galti kare to mujhe bata dena"...


Drish.... Galti Aunty, wo to aaj he ki hai. Aaj college chhor kar movie gayi thi dekhne...


Chandrika devi .... "Kya" .... Idhar Ashk teji se bahar bhagti hui kahne lagi.... "Drish aa rahe ho ki nahi... Ya bhabhi ko phone kar ke kahun main gum gayi mujhe aakar pick kar le"...


Chandrika devi hasti hui boli.... "Jao Drish, aur khyal rakhna dono apna"... Drish jab bahar aaya to Ashk gusse se lal aankhen kiye bas usse he ghur rahi thi....


Drish... Kya, pahle kabhi nahi dekhi kya mujhe...


Ashk apna hath-paun patkti naak se kahne lagi.... "Pagal ho gaye the kya... Mamma ko bata diye main movie gayi thi, akal hai ki nahi tum me".


Drish.... Tum bhi to sikayat ki thi na mera didi se isliye main tumhari sikayt kar diya aunty se, hisab barabar....


Ashk..... Aaannnnhhhhh ! Buddhu ho pure... Huhhh ... Tum me mujh me anter hai Drish. Main har baat apne ghar me nahi bata sakti.
..

Drish... Ghar me nahi bata sakti iska matlab wo galat baat hai... Koi galti hui hai jise chhipa rahi ho...


Ashk.... Drish bahut he sidhe ho tum, lagta hai duniya ke mahol se he ab tak be-khabar ho. Par jaise bhi ho pyare ho. Chalo chalte hain bhabhi se mil lun jarra main.


Ashk aur Drish dono pahunche Payal ke pass. Payal Ashk ko dekh kar kaphi khush ho gayi, Aakash bhi kaam khatam kar ke ghar par he tha.....


Ashk... Kaise hain Aakash bhaiya, kaisi hain Payal bhabhi.


Payal.... Achhi hun lado. Tumhe dekh kar bari khushi hui, tum dono sath me kitne achhe lagte ho.


Aahk.... Haynnn kya matlab bhabhi...


Payal.... Arre mere kahne ka matlab hai, tum yahan ki rahne wali, aur ye to siway mujhe iss duniya me kisi ko janta he nahi, isliye tum sath rahogi to thoda isse bhi bahar ka gyan hoga.


Aahk... Ek baat kahun bhabhi, Drish jaisa bhi hai bahut achha hai. Kam se kam un logon ki tarah to nahi hai jinke juban pe kuch aur dil me kuch aur hota hai....


Aakash..... Lagta hai kam samay me dono ek dusre ko achhe se jaan gaye ho. Waise mere pass tum dono ke liye kuch hai...


Itna kah kar Aakash apna bag kholta hai... Bag na khula ho jaise chaukane ka saman khula ho. Drish to phir bhi normal tha, lekin Ashk usse dekh kar hairan he rah gayi.

[dpmangla]

Nice Update

[honey boy]

Update 51

Itna kah kar Aakash apna bag kholta hai... Bag na khula ho jaise chaukane ka saman khula ho. Drish to phir bhi normal tha, lekin Ashk usse dekh kar hairan he rah gayi.


Bag se sabse pahle nikla ek key jo Drish ke liye tha.... "Ye kya hai jiju"


Aakash..... Tumhare naye car ki chabi..


Drish..... Kya... Par ye naya car kyon. Ghar me to pahle se do-teen car hain.


Aakash...... Lo had hai tumhara bhai bhi Payal, isse car gift kar raha hun to kahta hai iski kya jaroorat hqi.


Payal.... Dekho mere bhai ke bare me kuch bola to aap ka khana band kar dungi.


Aakash.... Dekh rahi ho na Ashk, ye aur iska bhai, dono jab sath hote hain to main he out ho jata hun...


Itna kah kar Aakash ne apne bag se ek dabba nikala, aur Ashk ki ore badhate huye kaha ... Ye meri bahna ke liye....


Ashk... Isme kya hai Aakash bhaiya...


Aakash... Khol kar to dekho...


Ashk dibbe ko kholte he.... Wowwwww bhaiya, ye amezing hai, kaphi mahnga lagta hai....


Aakash..... Arre pagal bhai boli hai to itna to haq banta hai...


Aahk.... Huhhh phir to aap baiman bhai ho... Biwi ke bhai ke liye car, aur apni bahan ke liye mobile phone bas...


Aakash.... Hehe, sukhi gristh jeevan ka mul mantr hai... Sari khudai ek taraph aur joru ka bhai ek taraph...


Aakash ki baat sun kar Ashk jor-jor se hasne lagi... Payal apna muh banati hui..... "Wapas kar de chhotu car ki chabhi inhe, dil se gift nahi diya hai, bas apne logic ke karan gift laye hain"....


Drish car ki chabi Aakash ko chup-chap wapas kar diya..... Aakash ulluon ki tarah dekhne laga ye ho kya gaya....


Aakash.... Pagal ho kya tum dono, kya hum mazak bhi nahi kar sakte....


Payal.... Par main serious hun ....


Aakash, Drish aur Ashk teeno Payal ki baat sun kar uski ore dekhne lage, chehra wakai he gambhir tha, wo sach me apni baat ko gambhirta se kah rahi thi.


Aakash.... Kya hua mere love ko. Azi kahiye to main apni iss khata ke liye aap ke paun me gir jaun....


Aur Aakash itna kahte he Payal ke paun me gir gaya.... Payal .. "Uffff O' kya kar rahe ho, chhotu aur lado dono dekh rahe hain"


Ashk.... Bhaiya aap lage raho hum dono nahi dekh rahe...


Aakash.... Na nahi chhorunga.... Isse to main chum lunga...


Aur itna kahte uske paun chum liya.... Payal... "Bare besharm ho aap, hato to baat to puri karne do, mujhe achha nahi lag raha, aap paun chhoro mera nahi to main apne maa ke pass chali jaungi"


Aakash apna chhota sa muh banate huye kahne laga..... "Mar dalo par bhagwan ke liye aisi baaten na karo. Aise jhatke mat diya karo".


Payal.... Ab hatiye bhi, aur suniye to main kya kah rahi hun...


Drish.... Chalo Ashk, in dono ko aapas me he baat karne do...


Aakash.... Arree-aarre... Mere bullet sale sahab har waqt fire kyon hote ho... Lo hat gaya... Aur main kya ji, aap sunaeye to, aap ka ye gulaam ek paun par khare rah kar puri umr aap ki he sunega....


Payal.... Main chahti hun aap ye car Ashk ko gift kar dijiye....


Aahk.... Bhabhi aap ye kaisi baten kar rahi hain. Jo lene wali chij tho wo maine le li, par ye car. Koi aise thode na kisi ko gift kar deta hai.


Payal.... Tum chup karo. Tum nahi janti tumne humari family complete kar di. Ab se tum hamare pariwar ka he hissa ho.


Aakash bare hairani se Payal ko dekh raha tha. Aaksh ko yun apni ore dekhte Payal kahne lagi.... "Dekhiye aap ko har waqt ye malal rahta tha na ... Aap ko apna kahne wala koi nahi, aaj aap ke pass pura pariwar hai. Ab muskuraoge ya aise khare-khare dekhte rahoge.


Ashk.... Bhabhi wo to main hun he pariwar ka hissa par kuch bhi ho jaye main ye gift nahi le sakti.


Payal.... Thik hai, chalo kahin chalte hain ghumne.....


Aakash.... Yun achanak, hum ja kaha rahe hain....


Payal.... "Lado ke ghar aunty se milne".... Payal, Aakash ko aankh marti hui kahi....


Aakash.... Haan kyon nahi mujhe bhi apni maa se milna hai... Chalo chalte hain..


Sab taiayr ho gaye Ashk ke ghar jane ke liye. Ashk bhi apni mamma ko phone kar ke bata di sab aa rahe hain.... Car chal di, Drish aur Aakash aage baithe the, aur Aakash mirror ko adjust kar ke baar-baar Payal ko he dekh raha tha....


Ashk..... Shadi hone ke baad bhi aise bhabhi ko dekh rahe ho jaise pahli baar dekha ho.


Ashk ki baat sun kar Payal thodi muskura di, aur Aakash jabaw dete kahne laga.... "Ashk, kya karoon, dil hai ki manta nahi. Ji karta hai bas samne bitha kar din raat Payal ko he dekhta rahun. Dil he nahi bharta mera to.


Payal..... Hato besharm, bacchen hain kuch to sharam karo.


Ashk.... Aap bhi na bhabhi, how romantic bhaiya carry on, carry on.


Car ruk gayi phir se ussi apartment ke samne...


Aakash.... Car kyon rok diye Drish ...


Drish... Jiju utro, aa gaya ghar.


Aakash.... Lo mujhe laga 10-15 km ki long drive with family drive milegi, ye to ghar ke pichhe he ghar nikla....


Sab chal diye ghar ki ore, Aakash char kadam chala hoga... Phir sab ko aage badha diya aur wapas gate tak aaya. Gate ke left aur right dekha aur wapas chala aaya.....


Poora family jamawra laga hua tha.... Aaj to Ashk ka ghar bhi full house tha. Chandrika devi sabke aate he sabko juice di aur baith gayi wahin sab ke sath.


Aakash sab se aakhri me aaya, aur chandrika devi ke sidha paun me gir kar usse pranam karne laga.....


Chandra devi.... Arre aap ye kya kar rahe hain...


Aakash.... Aap nahi kaho maa, tum kahiye, tu kahiye... Main aaj se aap ke ghar ka bara beta... Ye hai aap ki bahu... Haan iska mann thoda badh gaya hai, saas nahi thi to khub man-mani karti hai. Ab aap jab iss par sasan karegi tab ise hosh thikane aayenge. Ye hai mera sala... Drish... Aur meri bahan se parichay karane ki to jaroorat he nahi Ashk ko to janti he hain aap....


Chandrika devi hairani se bas Aakash ko dekh rahi thi. Uske jivan ka ye pahla aisa parichay hoga jisme kisi ne aisa kiya tha. Sayad ye kabhi-kabhi he aisa kisi ke sath hota ho....


Chandrika devi iss se pahle ki kuch kahti Aakash khara hua aur kahne laga... "2 min ruko maa... Main abhi aaya"


Lo sabse late aaya, aur koi abhi tak kisi se kuch bola bhi nahi tha, Aakash apni baat kaha aur jaldi se bahar nikal gaya.... Payal pichhe se rokti bhi rahi ... Suno ji, kahan ja rahe ho par Aakash ruka nahi.


Ghar ke bahar aate he, niche dekha... Uska shaq sahi tha. Aakash bacony ke reling se hath tikaye anjaano ki tarah cahari ore dekh raha tha... Ek min se bhi kam samay tak ruka aur ek msg katrte huye wapas aa gaya.....

[honey boy]

Update 52

Ghar ke bahar aate he, niche dekha... Uska shaq sahi tha. Aakash bacony ke reling se hath tikaye anjaano ki tarah cahari ore dekh raha tha... Ek min se bhi kam samay tak ruka aur ek msg katrte huye wapas aa gaya.....


Payal... Kya hai koi aise karta hai kya kisi ke yahan aakar.


Aakash.... Chup karo... Main kisi ke yahan nahi apne maa ke gahr me hun...


Chandrika devi.... Koi baat nahi hai beta, waise aap sab ko yahan dekh kar mujhe bhi kaphi khushi hui.


Ashk.... Maa yahi hain wo dono jinke bare me papa ne bhabhi ke papa se kah diya tha.


Chandrika devi.... Chup kar, aur jakar in logon ke liye nasta laga. Main janti hun batane ki jaroorat nahi, manpf kar dijiyega abhi bacchi hai, thoda bolti jyada hai, par kya kare abhi umar he kya hai aur kitni sanjida baton ki ummid kar sakte hain lado se.


Payal.... Arre nahi maa ji, lado to bahut pyari aur achhi hai.


Chandrika devi... Haan pahli baar jo milta hai yahi kahta hai, baki log to har roj iski sikayten he lekar aate hain.


Aakash.... Rahne dijiye ab ye sab baten, abhi he to din hai iske masti ke.


Chandrika devi.... Achha laga waise aap sab ko dekh kar, kahne ko to iss flat ne main pichhle 12 sal se rah rahi hun, par yahan ke log, sab ke sab swarthi. Marte raho to bhi kaam nahi aate.


Aakash.... Kya hua aap ko, lagta hai kisi ne paresan kiya hai.


Chandrika devi..... Nahi kai baar dekh chuki hun isliye kah rahi hun.


Payal..... Ab se aap ko aisa sochne ki bhi jaroorat nahi hai, aap ki bahu hai na aap ki sewa ke liye. Bas ek phone kar dijiyega aur main hajir.


Chandrika devi... Arre beta tum khare kyon ho baith jao, aur itne shant-shant kyon ho.


Chandrika devi Drish ki ore dekhti hui kahi. Ek baar phir se wahi "shant-shant" wale sabd sun kar Payal ke dil me chot laga ho jaise. Jo koi bhi milta bas yahi kahta Drish se "itne sahnt-shant kyon ho".


Issi bich Ashk sab ke liye nasta lagati kahne lagi..... Maa, Drish shant nahi hai, bas aap ko dekh kar sahrma raha hai.


Drish.... Main sahrmata nahi bas aap sab ki baten sun raha tha....


Ashk.... Jhoot, jhoot hai ye, ye sahrmata hai main khud dekhi hun.


Chandrika devi.... Haan samjh gayi sahrmata hai bas. Waise bhi tere sath rahega to kuch din me wo bhi chhor dega.


Payal.... Haan mujhe bhi yahi lagta hai....


Aakash.... Aap sab baten karo mujhe thoda kaam aa gaya hai main ghar par he milta hun.


Payal.... Lekin suniye to, ghar par to kah rahe the koi kaam nahi hai...


Aakash.... Haan koi kaam nahi tha, lekin boss ne ek aadhe ghante ki meetimg bulayi hai urgent jana hai. Iss sunday hum sab family ghumne chalenge na promice.


Itna kah kar Aakash wahan se nikal gaya.... Payal.... "Ye aur inka kaam, shadi se pahle to pura samay sath he rahte hain aur shadi ke baad chutti ke dino me bhi kaam aa jata hai". Payal thodi chidhti hui kahne lagi....


Ashk.... Koi nahi bhabhi, aap bhaiya ko ghar par aaram se dekh lijiyega...


Chandrika devi... Chup kar badmas. Sach Payal beta aap sab lag he nahi rahe ho ki paraye ho. Aur Drish ki aanken to mujhe kisi ki yaad dila deti hai. Isse to dekh kar aisa laga tha jaise barson se isse janti hun.


Payal chandrika devi ki baat sunkar mukurane lagi, aur apne bag me pari car ki key nikalte huye Chandrika devi ke hath me de di.


Chandrika devi... Ye kya hai beti...


Ashk.... Mat lena maa, ye hume Drish ki car gift kar rahi hain. Ab samjhi to aap ka achanak plan kaise hua yahan aane ka. Maine mana kar di to aap yahan aayi hain mamma ko patane.


Chandrika devi... Ye sab kya hai beta, aur ye car kyon

Payal.... Ye car Aakash apni bahan ko gift kar raha hai... Ab ye to ghar me apne ko he diya ja raha hai na. Ab kya Aakash apni maa aur bahan ke liye itna bhi nahi kar sakta. Ya phir kewal baton ke liye apne hain.


Chandrika devi hasti hui kahne lagi... Thik hai de do car, le le Lado bhabhi ke hathon se car ki chabi. Waise beta ek baat batao, ye car chalayega kaun.


Payal.... Lado chalayegi, aap chalaeyega....


Dono maa beti hasti hui kahne lagi.... Par hume to car chalani aati he nahi.


Payal ka muh chhota sa ho gaya... Aur wo muh banati niche dekhne lagi.....


Chandrika devi... Suno beta tum ne mujhe saas ka darja diya hai to uss riste ke nate meri ek baat mano, ye car hume nahi chaiye. Aur haan Drish ko bhi car dene ki koi jaroorat nahi hai... Kal se dono lado ki scooty se he college jayenge. Aur bas baat khatam iske baad koi baat nahi is par.


Chandrika devi ki baat manti hui Payal ne hami bhar di, kuch der tak wahan baten karte rahe uske baad Drish aur Payal wapas aa gaye.


Idhar jab se car me Aakash baitha tha, usse shaq ho gaya tha ki koi uska pichha kar raha hai, apartment ke bahar aakar bhi wo yahi bas check kara raha tha....


Jaise he uska shaq sahi nikla, usne apne team ko active kiya aur uss aadmi ko pakrne ka jaal bichha'ne laga. Aakash niche utar kar ek paan ki gomti par gaya aur wahan cigerattee ke do kas marte bas mahol ko dekhne laga....


Haidar ki hidayat par ye Goldee he tha jo Drish ka pichha kar raha tha. Goldee, Aakash ke saksiyat se wakif nahi tha aur be-fikr ho kar bas taak lagaye tha. Sayad aaj uska kuch karne ka plan bhi tha, kyonki 3-4 log uske sath the. Jaise he Aakash ki team pahunchi, Aakash ne sab ko target ki ore ishara kar diya.


Bare safai se sabne Goldee aur uske sathiyon ko utha liya.... Aakash apne team ko Goldee se raaj uglwane ka kaam saunp kar wahan se apne ghar nikal gaya... Tab tak Drish aur Payal bhi ghar pahunch chuke the.


Jaise he Aakash ne ghar me kadam rakha Payal barsne lagi us par.... Aur Payal ki har baat muskurate huye sun kar, Aakash ne usko apne gale laga liya....


Payal.... Hato chhoriye bhi, aaj main aaj kisi bhi tarah se man'ne wali nahi. Bhala koi kisi ke yahan jata hai to aise bich me uth kar aata hai kya...


Aakash koi jabaw na dete huye... Bas Payal ke honth chum liya... Payal gusse me aur laal hoti hui, Aakash ko dhakka dekar khud se alag ki....


Aakash... Darling, aaj na jane kyon tumhe bahut pyar karne ko dil kar raha hai, chalen bedroom...


Aaksh ne jaise Payal ke gusse ko hawa di ho... Pure saam Payal Aakash se bina baat kiye huye apna kaam karti rahi, aur raat ko to jaise sitam he ho gaya... Aakash ko bedroom se bahar ka rasta dikha di...


Subah-subah he Ashk ki awaz gunjne lagi Aakash ke ghar me. Drish aur Aakash dono bahar hall me aaye.....


Ashk.... Kya hai ye Drish abhi tak taiyar bhi nahi huye... Aalsi kahin ke tabhi tumhe college der hoti hai pahunchne me.


"Mujhe to bas parso der hui thi, wo bhi traffic signal par un bacchon ki wajah se, par ye itne der pahle nikal kar bhi late pahunchti hai"...... Drish ki hasi nikal gayi ye sochte huye aur wo Ashk se kahne laga.... "Lekin Ashk abhi to".....


Ashk ko sayad yaad aaya ho college ki timing, aur wo chillati hui bich me he Drish ki baat kat'ti kahne lagi.... "Bas bi kro excuse dena aur jao jaldi se taiyar ho kar aa jao tabtak main bhaiya se baat karti hun".


Drish chup-chap chala gaya taiyar hone, isse bich Ashk apne kayi tarah ke sawalon se Aakash ka bheja khati rahi. Ek to Aakash ka dhyan Payal par he tha kyonki naraj chal rahi thi upar se Ashk ke sawal... Bechara ander se to pura chir-chira ho gaya tha.


Kuchh der aur baten hoti to sayad Aakash phat jata, par uss se pahle he Drish taiyar ho kar aa gaya... Dono Aakash ko bye bolte huye nikal gaye college...


Ghar ke gate se nikalti he Ashk kahne lagi.... Kaan khol kar sun lo Drish humare college ka time yahi hai, aur raste me jo kuch bhi hoga yadi uska jikr kisi se kiya to tumne humare team ko dekha hai... Tumhara yahan rahna muskil kar denge... Ab chup-chap chalo ... Aur apne aadat anusar kuch bhi ho chup he rahna....

[dpmangla]

Nice Post

[rajbr1981]

Fantastic updates bhai

[honey boy]

Nice Post

Fantastic updates bhai

keep reading...

[honey boy]

Update 53

Ghar ke gate se nikalti he Ashk kahne lagi.... Kaan khol kar sun lo Drish humare college ka time yahi hai, aur raste me jo kuch bhi hoga yadi uska jikr kisi se kiya to tumne humare team ko dekha hai... Tumhara yahan rahna muskil kar denge... Ab chup-chap chalo ... Aur apne aadat anusar kuch bhi ho chup he rahna....


Drish ke mann ki baat ho gayi, usse kya pari thi kisi se baat karne ki. Scooty main road ke badle gali pakrti hui ek bare se bane godown tak aa kar ruki. Dono utre, Ashk scooty se apna bag nikalti ander pahunch gayi..... Drish ko jyada intrest nahi tha isliye wo bahar he khara raha.


Kuchh der baad he uss godown ke ander se kaphi tej music ke beat ki awaz aane lagi aur logon ke hooting ki bhi. Ashk darasal yahan roj dance ki practics karne aati thi. Ashk kuch der ander practics ki hogi, par Drish jab usse nahi dikha to wo bahar chali aayi usse bulane.


Drish wahin pass me he tha, uske sath ek chhota sa ladka tha jis se wo baith kar baat kar raha tha. Ashk ko bahut he aschrya hua, jo ladka kisi se baat nahi karta wo ek bacche se baat kar raha tha. Ashk gaur se usse dekh rahi thi. Drish ki aankhon me uss bacche ke liye kaphi sahanibhuti najar aa rahi thi.


Ashk, Drish ko pukarne lagi.... Drish palat kar dekha aur hathon se "kya" ka ishara kiya. Ashk bhi isharon me usse apne pass bulane lagi.....


"Tum ander kyon nahi aaye Drish"..... "Tum he to kahi main kuch bhi karun kisi se kuch kahna nahi, aur chup-chap rahna, to maine socha main bahar he rahun ander jane ki kya jaroorat hai"...... "Had hai Drish, sare baten sahi hai, par kuch bhi ho rahna tumhe mere sath he hai".... "Kya koi jabardasti hai Ashk"...... "Jo bhi samjho, par ab chalo ander".


Drish, Ashk ke sath ander gaya... Ander Ashk ki wahi gange khari thi jisne kal madam ka haal behaal kiya thi... Drish ko dekhte he Joya uske pass aayi aur uske pet par ek hath marti kahne lagi... "Hi hendsome"


Drish ne koi jabaw na dete huye chup-chap jakar ek kone me khara ho gaya.... Tabhi pichhe se ek ladkey ki awaz aayi.... "Kaun hai ye Ashk, kal bhi isse apne team ke sath mila li aur aaj yahan le kar chali aayi"


Baat karte-karte wo ladka Drish ke pass aa gaya.... Aur usse gurte huye Ashk ki ore dekhne laga...


Aahk.... Ye mera dost hai Drish, hum Jaipur me mile the... Aur kuch kisi ko jan'na hai.


Wahi ladka.... Ye tumhara dost hai na, par yahan aane ki apni bhi ek requirement hai, tumhe to pata hona chahiye....


Ashk.... Oye Jo requirement ki baat na karo, mamma ne hume sath college jane ke liye kaha hai, ab isse bahar to nahi chhor sakti na.


Tabhi ek aur ladka bol para..... Rule is rule Ashk, hum wo kisi ke liye nahi badal sakte....


Ashk.... Par Hasan meri baat to suno...


Itne me pichhe se Saurav bhi Jo ka samrthan karne laga... Wahan maujood ek ladki aur do ladkey aur the wo bhi inhi logon ka samarthan dene lage....


Drsih, Ashk ko kamar se pakrte pichhe kiya ...... "Kya rule hai"...


Jo sina tan kar uske samne khara hua aur ghurta kahne laga..... "Yahan aane walon ki ek he reqirement hai, usse dance karna parta hai.... Music....


Jo music bol kar apne dono hath faila diya... Sab pichhe hat gaye.... Ashk, Drish ka hath thame usse dhire se kahne lagi, "mat karo kuch bhi"...


Drish muskurata hua kaha.... "Jane do Ashk, tumhe to yahin in sab ke sath rahna hai, kar deta hun main dance jo Payal di ki shadi me kiya tha".... Aur isharon me usse dur khade rahne ke liye kaha...


Drish apna desi dance karna shuru kiya.... Wahan maujood log hans-hans kar lot-pot ho gaye. Dancing floor par aise paun patak raha tha jaise usse aaj tor he dega.... Sab hasne lage... Kuch der ke dance ke baad Drish side ho gaya... Aur kahne laga....


"Ho gaya ya aur karna hai".... Jo uske pass aate kahne laga.... "Bas dost aaj ki itni comedy kaphi hai, baki hum kal dekh lenge, back to your step guys... Chalo-chalo, practics me lag jao"


Drish ki bejjati dekh kar Ashk ander se chidh gayi Jo par, uska to mann kiya ki muh noch le Jo ka par baat ko aage badhawa na dene ke chalte chup rahi.


Sab dance karna shuru kiye, Drish to bas Ashk ko he dance karte dekh raha tha.... Jab wo sab kuch bhul kar apna dhyan nachne me lagati thi, to kitni pyari dikhti thi, najar tik jaye.


Sab professional dancers the wahan, aur ek se badh kar ek step kar rahe the. Dance ke dauran rassioyon se slide kar ke upar se niche aane ka ek step tha, jise Ashk perform kar rahi thi... 20fit ki unchayi se slide karna tha.


Unchayi kaphi thi, par Ashk himmat karti upar se niche aayi.... Pahla successful slide hua, aur sab log tali bajane lage. Ashk ki saflta dekh Drish bhi tali bajane laga. Ashk, Drish ko yun apne liye tali bajate dekh... Annohon ko band kar ke uske tali ka abhiwadan ki aur dobara taiayr ho gayi wahi step karne.


Ek chuk ho gayi, upar ki bandhi rassi khul gayi, niche siment ka bana floor tha. jaldi-jaldi step karne ke chakkar me niche floor par protection dena bhi bhul gaye the.... Rassi khuli aur sabke muh bhi khul gaye... Dharkane tej thi sabki.... Sabne aankhon ko lagbhag mund he liya tha....


Ashk bhi apni aankhen mund chuki thi, par jab aankhen khuli to khud ko Drish ke gode me payi. Jaise he rassi khuli, Drish ke dil me khatre ka andaja ho gaya.... Ghutno ke bal wo bhi floor par kaphi teji se slide karta pahunch gaya, aur Ashk ko girne se bacha liya.


Ashk aankhen kholi to khud ko Drish ke gode me payi. Wo khud bhi hairan thi ki aakhir bach kaise gayi. Dono ek dushre ko dekh rahe the..... Tabhi pichhe se talyan bajne lagi...


Drsih.... Tum thik to ho Ashk...


Ashk... Haan thik hun, ab gode se utaro bhi ya yun he gode me liye rahoge...


Drish haste huye usse utara aur khara ho gaya.... Ashk ke pass aate sab uska haal puchhne lage.. Tabhi Ashk Jo se boli....


"Jo tumhe achha dance karna aata hai to iska matlab ye nahi ki tum har kisi ka mazak urrao. Mazak he urrana hai to apne kisi pratidwandi ka mazak urrao, aur haan sab me kuch khas baten hoti hai. Aur mere Drish me to bahut sari khubiyan hai, ek din tum jaroor jaan jaoge"


Aakhirkar apne dil ki bhadas nikalti, Ashk bare garv se Drish ke bare me Jo ko suna kar wahan se nikal gayi. Raste me....


Drish.... Tum bahut badhiya dance karti ho Ashk, phir ghar se chhipane ki baat...

Aahk.... Hehe, chhipungi nahi to mamma ka emotional drama shuru ho jayega...


Drsih... Main samjha nahi Ashk, tum kya kahna chah rahi ho.


Aahk... Abhi jo accidient dekhe na, jarra socho tum na hote to kya hota... Bas aisa he kuch sal bhar pahlr hua tha. Mera hath toot gaya tha, paun toot gaya... Aur main looli langri ho kar ghar me baithi rahi kai mahino. Bas fir kya tha, mamma tab se jab bhi dance ka naam sunti hai to unka para chadh jata hai....


Ashk baat karte karte scooty phir ek jagah roki. Iss baar Drish bhi sath gaya... Ander ... Eahhhahhhh hoooooo wooooo wooooo..... Krate ki practics chal rahi thi. Drish hase bina nahi rah saka.... "Ye Ashk ke bhi na kaise kaise sauk hain"


Wahan se aadhe ghante baad nikle dono... Raste me ek baar phir Drish puchhne laga... "Ab yahan ki kya kahani hai, ya iske bare janti hain aunty".


Ashk... Nahi nahi, dance ke jikr se ek baar bach bhi jaungi, par yahan ka jikr hua to mamma mujh se baat bhi nahi karegi...


Drish... Haynn aisa kya hua tha, jo mamma baat bhi nahi karegi...


Aahk... Meri ek dost ko ek ladka chher raha tha, aur maine apni team bulwa kar pitwa di, par actually maine galat ladkey ko pitwa di... Uss ladkey ne pahle meri dost ke ghar sikayat kiya. Wahan ki sikayat mere ghar par, aur dance group ko bachane ke liye maine sara ilzam judo par laga diya....


Drish haste-haste pahuncha college. Lekin college ke gate par he Saurav pasine se tar-batar mila. Scooty rukwate huye kaha... "Ashk yahan bhi syappa.... Lagta hai aaj tumhari mamma pakka tumhe maregi".....

Ashk.... Par hua kya Saurav...

"Ashk wahi hua jo har 2-3 mahine par ek baar hota hai tumhare sath, aur iss baar to mamla pahle se bhi jyada gambhir hai"

[honey boy]

Update 54

Drish haste-haste pahuncha college. Lekin college ke gate par he Saurav pasine se tar-batar mila. Scooty rukwate huye kaha... "Ashk yahan bhi syappa.... Lagta hai aaj tumhari mamma pakka tumhe maregi".....

Ashk.... Par hua kya Saurav...

"Ashk wahi hua jo har 2-3 mahine par ek baar hota hai tumhare sath, aur iss baar to mamla pahle se bhi jyada gambhir hai"


Aahk.... Saurav hua kya hai ye to batao...


Saurav.... Kal jo kand kiya tha, uska pura sahq tum dono par he aaya hai... Wo madam ne to notice board par tum dono ka naam bhi likhwa diya hai...


Aahk.... Ab bore mat kar, ye to excitment wali baat hai, aakhir usse bhi pata chalna chahiye kisne kiya uske sath ye sab, taki agli baar kisi student ko padesan karne se pahle dus baar soche.


Ashk, Drish ke sath chal di apne class ki ore. Class me dono sath baith gaye. Class ke bahar he ek bara sa notice laga tha.... "Drish and Ashk inform to principal office". Dono ne dekha, Drish jane ke liye taiyar bhi ho gaya tha, par Ashk uska hath pakrti apne sath class me le aayi....


Thodi der baad Rachna aayi aur dono ko dekh kar jala bujha sa expression deti hui kahne lagi.... "Bahar notice board padha nahi tum dono ne"


Iss se pahle Ashk kuch bolti Drish kahne kaga..... "Madam class ka time ho raha tha, maine socha pahle class kar liya jaye phir principle office jayen"


Madam.... Bhaut smart bante ho dono, waise bhi aaj ke baad tum dono ko class ki koi jaroorat nahi hogi....


Drish.... Wo bhi dekh lenge madam, mere rahte Ashk ko kaun college se nikal sakta hai. Jab tak uski marji nahi hogi, tabtak usse kahin se koi nahi nikal sakta ye mera wada hai.

Drish ke itne visawas bhari baat sun kar Ashk kabhi khush ho gayi. Wo bas Drish ki aankhon me apne liye ek ajib se ehsaas ko mehsus kar sakti thi. Ashk, Drish ka hath thamti hui kahne lagi... "Chalen Drish principle office" .... Aur dono chal diye....


Principle office..... "May I come in sir"


Principle.... Haan aao...


Ashk.... Sir aap ne hume bulaya...


Principle..... Kaun ho tum dono...


Ashk.... Sir main hum Ashk, aur ye hai Drish..


Principle..... Kaun se class se ho tum dono..


Ashk.... Sir hum computer science first year se...


Itne me Rachna, Principle office me pahunchti hui.... "Sir ye dono wahi hain jinhone kal mere sath badsaluki kiya tha".


Principle haste huye... Waise Rachna aap kal kaphi funny lag rahi thi, to yahi hain wo dono...


Rachna.... Kamal hai sir, in logon ne rule tore hain upar se ye to ek tarah ka crime kiya tha...


Principle..... Haan thoda funny crime tha. To tum dono ne aisa kyon kiya batao mujhe.


Ashk aschrya se apna bara sa muh banati hui, aisa jaise abhi he kuch anhoni ghatna sun rahi ho..... "Sir kya hua tha aur humne kya kiya".


Rachna.... Jarra dekho to iss ladki ko aise react kar rahi hai jaise isse kuch pata he na ho.


Principle..... Kya tum dono ko pata nahi, ye baat to pura college janta hai, ruko dikhata hun...


Itna kah kar principle ne wo recorded video sab ko dikha diya.... Drish jo pure mamle me chup baitha hua tha, wo bhi dekh kar hasne laga, idhar prinaiple aur Ashk to hans he rahe the...


Ashk.... Ohhh teri kisne humari madam ka muh kala kar diya....


Principle.... Rachna ji ye to first year student hain, abhi-abhi college me aaye hain, aur dekho to kitni pyari hai ye ladki, mujhe nahi lagta ye aisa kuch kar sakti hai... Kyon beta sach-sach bata do kya tum dono ne ye kiya hai...


Ashk.... Madam ki kasam sir, hum ne kuch nahi kiya... Kal Drish ka pet mar gaya... Ussi ka kriya-kram me gaye the. Dekho bechara itna dukhi hai ki ab tak ussi ke sok me hai, kisi se baat bhi nahi kar raha.


Ashk, shararat bhari najron se Drish ko dekhti usse aankh maar kar kah rahi thi. Drish mukurata hua sochne laga.... "Kitni jhoot bolti hai, ye to jhoot ka pitara hai"


Pronciple..... Haan main bhi wahi soch raha tha, ye itna chup-chup kyon hai. Koi nahi beta bhagwan usse tumhara baccha bana kar iss duniya me bhejega.... Rote nahi. Rachna madam mujhe lagta hai hai aap bewajah do masoomo par shaq kar rahi hain.


Ashk aur principle ki baat sunkar kaphi gusse me Rachna kahne lagi.... "Sir, jisne bhi ye kiya hai usse to main yahan iss college me rula dungi" Rachna boltey waqt Ashk aur Drish ko he ghur rahi thi, dono ko ghurti hui apni baat kahi aur wahan se chali gayi.....


Rachna ke jate he Ashk bhi principle se jane ki izazat lene lagi, lekin principle dono ko rokte huye kahne laga.....


"Ye tum dono ne he kiya hai main janta hun... Par jo bhi kiya hai kamal ka kiya hai. Iss teacher ki harkaton se main bhi paresan hun. Beta kal jo tum dono ke sath badsaluki hui mujhe pata hai. In fact, ye kai student ke sath kar chuki hai, par tumne achha sabak sikhaya.... Par dhyan rahe aaienda ye sab nahi ho....


"Koi baat kisi ki sahi nahi lage mere pass aao, main uski class lunga... Tum log khud he faisle karne lagoge to college ke decipline ka kya hoga.... Meri baat dhyan rakhna, aage se koi sikayat nahi, aur iss tarah ki koi harkat nahi".


Dono apna sir "haan" me hilaye aur principle office se bahar nikle. College me to jaise ye video viral ho gaya tha. Jab bhi madam kisi ke pass se gujrti, har koi apne andaz me chher deta.....


"Muh kala karwa liya" "Ufff kya giri thi, mujhe to giri hui lagti hai".... Wo log to aur jyada maza le tahe the jinko bhi madan ne teachers room me bula kar bejjat kiya tha.... Drish aur Ashk to college ke teesre din he famous ho gaye. Sabko pata chal gaya inhi dono ne ye kand karwaya tha.....


Suhane dino ki surwaat bhi kya khub hui thi.... Do ajnabee jinki chhoti-chhoti sirf do mulakaten Jaipur me hui thi, kismat ne unhe Mumbai me milwaya, aur kya mile, laga he nahi sirf do mulakat pahle hui thi. Dono ke bich ek aakarsha sa tha jo hamesa ek dusre ke sath ko pasand karte the.


College ke din dono ek dusre ke sath pyar se bit rahe the. Subah ki masti se lekar college aur phir saam ko dono ka ghumna, sath padhai karna. Drish ko kuch dost bhi mile, Saurav aur Hasan in do logon se thodi baten bhi shuru ho chuki thi.


Lekin in sab ke bich ek ke dil ka haal koi nahi jaan paya tha. Nafrat sayad chahat par bhari thi. Jo anedr he ander Ashk ki khubsurti aur adaa par mar mita tha, lekin bite kuch dino se Drish ki najdiki uss se bardast nahi ho pa rahi thi.


Pahle din se he Drish khatak gaya tha Jo ki najron me. Ashk uski junoon thi, aur usse ab lagne laga tha Drish, Ashk ko uss se dur kar raha hai.... Takriban do hafte ke baad ki baat hogi, din raviwar, ek jaal bichha tha Ashk aur Drish ke liye .... Jo ne bichhaya...


Dono ko ek he waqt par phone gaya aur ek he waqt par dono ko alag-alag jagon par bulaya gaya... Dono nikale.....