Romantic Kuch Nahi Tere Bin (Completed)

[honey boy]

Update 8

Kitna react karti thi har baat par Veena, aur uska yun chilla kar baat karna. Veena ke haw bhaw jab Payal dekhi to apni bhai se najre milati "naa" me sir hila di .... Payal ke chehre ke bhaw aise the jaise kahna chah rahi ho ..... Mujhe mat phasao, papa se tum khud nipto.....


Payal aage jakar car me baith gayi, Payal ke jate he, Raghvendr ne bhi Veena ko chalne ka ishara kiya, aur dono aakar car ki pichhli seat par baith gaye.... Chhotu car ko ghar ki ore le chala.


Veena.... Kitna chhota driver rakha hai, iska driving licence to hai na.


Raghvendr...... Iska licence, I'D card ata-pata sab Thakur Mahendr Pratap hain, yani ki mere pita. Bas iss ilake me unka naam he kaphi hai.


Veena.... Par ye to illegal hai.


Payal.... Aap ke pass hai kya bhabhi driving licence.


Veena.... Hayy ! Payal ne mujhe bhabhi kahi, mare khusi ke kahin main mar na jaun. Suniye ji ab to main apne sasuraal me he rahungi, kahin nahi jaungi.


Veena ki baat sunkar Payal ke muh se hasi chhut gayi.. Haste huye Payal kahne lagi.....


"Aisa to bas shadi ke baad he sambhaw hai. Meri rai mano to aap agli bus se wapas chali jao, nahi to papa ko pata chala ki aap shadi se pahle bhaiya se milne aayi ho, to aap ka patta saaf".


Veena..... Arre aise kaise patta saaf ho jayega. Aap kuch kahte kyon nahi.


Raghvendr..... Main kya kahun, tum aur tumhari jid hum dono ko le dubegi. Mana bhi kiya tha ki yahan ka mahol sahar ke mahol se pura ulta hai, par tumhe to har jagah ek si lagti hai. Aur kya kahi thi, hum 21th sentury me hain, aur desh ka koi gawn itna pichhda nahi.


Veena... Main kya karti jaan, tumhe na dekhti thi to rona aata tha, main tumhe ek pal ke liye bhi dur nahi dekh sakti. Manti hun thodi alhad hun, par main nahi rah sakti aap ke bina. Mujhe khud se dur mat karo, jo bologe wo karoongi, jaise kahoge waise rah lungi, par please mujhe jane ke liye mat kaho.


Payal..... Heee heee heee, jaan. Waise ek baat bata dun ki aap dono ki he jaan nikalne wali hai, kyonki jaise he ye baat pata chala ki bhaiya apni masooka ko yahan le aaye hain, ussi pal mere aashiq bhai ki jaan to gayi samjho.


Raghvendr..... To tu kis din kaam aayegi, kuch soch na payal, apne bhai ka itna khyal nahi rakh sakti.


Payal..... Dimag par jor dalne ka mujhe kya inaam milega, pahle ye batao


Raghvendr..... Tujhe kya chahiye.


Payal...... Mujhe sahar ghumna hai, bolo manjoor hai to kuch sochti hun.


Raghvendr.... Bas itti si baat, pagal tujhe sahar ghumna tha to pahle kyon nahi batayi, uske liye tujhe kya puchhna padega, thik hai main wada karta hun ki tumhe pura sahar ghumaunga.


Payal....... Thik hai ruko kuch sochti hun...


Kuch der ki khamosi ke baad, Payal kahne lagi..... Ek kaam karo bhaiya, main isse apni dost bana leti hun jo kuch din yahin gawn me padhi, phir sahar chali gayi padhne. Aaj lauti hai aur mujh se milne aayi.


Raghvendr.... Not bad idea Payal, par dost hai to milkar chali bhi jayegi na, thode na 10 din rukegi.


Payal..... Kya, 10 din, na baba mujhe nahi parna iss jhamele me, mujhe laga 1,2 din ki baat hai. 10 din me pata nahi kahin ye bhed khul gaya to aap ko to thoda bahut dant padegi, par "main jante huye bhi sab kuch papa se jhoot boli", iss baat ke liye to wo mujhe kala pani ki he saza de denge.


Veena.... Main to kab se inhe apna pati maan chuki hun, ab batao bina inke main kaise rahun. Mera to dard samjho na Payal, please. Kaho to main tumhari paun parti hun, par mera sahara ban jao. Koi to tarkib batao humare sath rahne ki.


Chhotu chup-chap shant sun raha tha, usne dhire se kuch baat kiya, Payal muskurati huyi uska gaal khinch li.


Raghvendr..... Kya ??????? Koi mujhe bhi kuch batayega, ya aapas me he muskurate rahoge.


Payal.... Chhotu kah raha tha, bhabhi kabhi sunder hain, aur aap se bahut pyar karti hai.


Veena ka chehra dekh kar he, Raghvendr ne apna hath utha diya aur kahne laga .... "Chup, abhi koi over react nahi, aur shant baitho thodi der".... Phir Payal ki ore dekhta hua.... "Chhotu, aur ye kaha, isse samjh me bhi aata hai ki pyar kya hota hai"


Payal apni aankhen dikhati hui.... Huhhh ! Aap bahut samjhdar ho na bhaiya, achhi baat hai, par dusron ka mazak to mat urraya karo. Rahi baat samjhdari ki to sahi kaha aapne chhotu ne mujhe wo baat nahi kahi, balki usne kaha..... "Inhe aap sahar se aayi koi survey wali bana dijiye, jaise kabhi kabhi sahar se log aate hain. Babuji to unhe apne ghar he thahrate hai na"... Sun liya samjhdari bhi.


Payal phir aaj chhotu ko lekar gussa ho gayi thi, Payal ko gusse me dekh Chhotu ne apne aankh sikod kar Payal ko dekha aur "naa" me gardan hilane laga. Payal uska ye natkiya dhang dekh kar hasne lagi. Sab log fir plan ko aur pukhta karte huye ghar pahunch gaye.


Ghar par thakur sahab nahi the, maa ne nayi ladki ko dekhte huye Payal se puchhne lagi... "Ye kaun hai beta"


Payal kuch bolti, uss se pahle he Veena aage badh gayi, Sumitra devi ke paun chhuti hui kahne lagi.... Maa ji main yahan ke khet ki mitti ke upjaupan par research aur survey karne aayi hun.


Sumitra devi ne pyar se uske galon par hath ferti.... Tum to bahut pyari ho beta. Kya naam hai tumhara.


Veena.... Ji Veena


Sumitra devi.... Sun chhotu, jabtak inka kaam nahi ho jata, inko koi padesani na ho, aur ye mehmaan hain humari, dekhna koi taklif na ho.


Raghvendr.... Ye to humari mehmaan hai maa, main hun na, inko koi padesani nahi aane dunga.


Sumitra devi.... Tu kya gaun ka chappa chappa janta hain, suna nahi inhe kheton aur mittiyon ka kaam hai, tu rahne de chhotu dekh lega. Waise bhi thode din ke liye aaya hai, maa ke pass rahega ya ab bhi mujh se he dur.


Niras sa muh lekar, chhotu aur Payal ki ore dekh raha tha Raghvendr, mano abhi ro dega, pass ho kar bhi ye duriyan. Chhotu apne kaam par chala gaya, aur idhar Raghvendr tukur-tukur bas jab mauka milta chori se Veena ko he dekhta rahta.


Chhotu din me khana khane aaya, aur apne dincharya ke hisab se padh kar phir wapas kheton ke kaam par jane laga, par Payal usse tokti hui, "chhotu Veena ji ko bhi leta ja, unhe kuch kaam hoga, tum bagiche ke aage wali khet dikha dena". Chhotu haan me sir hilata hua wahin khada ho gaya.


Jab Raghvendr ne Veena ka naam suna to uske kaan khadey ho gaye. Wo bhi jaldi se apne kamre se bahar aaya aur mansa aisi thi ki wo bhi chhotu ke sath khet dekhne jana chahta hai. Payal ne ek sharart karti hui bol uthi... "Maa bhaiya kab se aaye hain, aur pura din ghar me akele rahte hain. Ab unse baith kar kuch baten bhi karogi ya rasoi me he rahogi. Mujhe to sahar ki kahani sun'ni hai".


Sumitra devi.... Raghvendr kahin bahar ja raha hai kya, roko usse subah se ghum raha hai. Paun me to jaise pahiye lage ho. Arre ruk beta gajar ka halwa banaya hai.


Itna kah kar Sumitra devi jaldi se bahar aayi, aur apne bete ka hath pakad kar bitati hui, gajar ka halwa pdos di. Baki sab logon ko bhi Sumitra devi ne gajar ka halwa khilaya. Khate waqt bhi Raghvendr bas chor najron se Veena ko dekh raha tha, aur dekh kar apne najron se pyar bikher raha tha.


Kha kar chhotu ne Veena ko "chalne" ke liye bol kar aage badh gaya. Veena mayus najron se Raghvendr ko ek baar dekh kar chhotu ke pichhe-pichhe chal di. Idhar wahin baith kar Payal aur maa dono ne sahar ki baat chher di, par Raghvendr ka mann kahan lag raha tha ab baton me, Payal ne unhe mila kar bhi tarpa rahi thi.


Raste me chhotu chup chap aage chal raha tha, aur Veena pichhe-pichhe. Veena teji se do kadam aage badhi aur chhotu ke sath ho gayi.... To chhotu ji kuch hume bhi iss gawn ki kahani bataeye.


Chhotu.... Main bas apna kaam karta hun, mujhe nahi pata yahan kya hota hai.


Veena.... Par aap ki umar ke ladkey to ghumte firte, aur mauj masti karte hain.


Chhotu bina koi jabaw diye aage chalta raha, Veena ko bada ajib laga. Veena chalte huye bas usse observe karne lagi. Yahi koi 200 meter sath chale honge, ek gawn wale khada tha, chhotu uske pass gaya, apne jeb se usse kuch paise diye aur wo chala gaya.


Kuch dur aage badhi to dekhi, chhotu ek ghar ke pass ruka, bahar ek maa apne bache ke sath thi, uske pass gaya, bache ke sir par hath fera, aur bas ek line bola, "kitne majdoor the"... Usne 20 kahi, aur wo usse paise nikal kar de diya.


Kheton ke pass pahunche dono, tab ek ladki pichhe se jor se boli.... Chhotu, idhar bhi dekhta ja ek najar, chhotu uski baat bhi ansuni kar ke chala gaya. Khet ke pass khadey hokar ek jhalak charo ore dekha aur aage badh gaya.


Kuch der wahan rukne ke baad aam ke bagiche wale khet ki ore chal diya. Thodi he der me dono bagiche ke pass wali khet me the. Thodi der rukne ke baad...


Chhotu.... Chalen wapas.


Veena.... Suno tum itne chup-chup kyon rahte ho.


Chhotu... Nahi, baat to karta hun.


Veena... Par ye normal baten thode na hui, tum bas kaam ki baten karte ho aur phir chup. Tumhara koi dost ya gf to nahi.


Chhotu..... Nahi kabhi jaroorat mehsus nahi hui...


Itna kah kar chhotu aage badh chala, Veena ko laga ki iski umar aisi hai ki isse jaroor kisi se pyar hua hoga, aur wo ladki isko dhoka dekar chali gayi hogi, kachi umar hai bechara ye sadma bardaast nahi kar paya hoga, aur sab se kata-kata rahta hai.

[rajbr1981]

बहुत ही उम्दा लिख रहे हो

[honey boy]

बहुत ही उम्दा लिख रहे हो

keep reading...

[honey boy]

Update 9

Itna kah kar chhotu aage badh chala, Veena ko laga ki iski umar aisi hai ki isse jaroor kisi se pyar hua hoga, aur wo ladki isko dhoka dekar chali gayi hogi, kachi umar hai bechara ye sadma bardaast nahi kar paya hoga, aur sab se kata-kata rahta hai.


Dono ghar pahuche, maa-beti, yani ki Sumitra devi aur Payal ab bhi ghere thi Raghuvendr ko, Raghvendr bujha sa chehra liye bas unki baton me "haan, hunn" kar raha tha. Gate se aati kadmon ki aahat se sab Veena aur chhotu ki ore mud gaye, Veena jab Raghvendrki haalat dekhi to thodi muskura di, aur apne mehmaan khane me jane lagi.


Sumitra devi.... Yahan aao beti, thodi der humare sath bhi baith lo.


Veena unke pass badi khusi se baith gayi, aur baith'ti bhi kyon nahi, aakhir saas, nanad aur patidev jo wahan baithe the.


Payal.... Bhiaya achha ye batao, aap aur Veena ji ek he sahar ke ho kya kabhi aap dono wahan pahle mile ho.


Payal ki baat sun kar to Raghvendr shocked ho gaya...... "kahan ye hum dono ko milane layi hai, aur kahan ye he humara bhanda phod alag karne ki chahat rakhti hai". Wahin dusri ore Veena pyari si muskan ke sath sochne lagi... "Achha hai Payal, sab ko pata chal jaye to humari shadi jald ho jayegi"


Raghvendr habrata hua pani pite huye kahne laga.... Sahar bahut bada hota hai, mujhe nahi lagta hum pahle kabhi mile hain.


Veena.... Par main to mil chuki hun Jaipur city me aap se.


Raghvendr ko aisa laga jhatka laga mano shocked hokar behosh ho jayega... Sumitra devi Raghvendrko ghurti hui kahne lagi..... "Kyon beta, tum to kah rahe the koi mulakaat nahi hui, par Veena to kah rahi hai dono mil chuke ho, baat kya hai, aur tum itne ghabra kyon rahe ho".


Raghuvendr .... Haaa haa, haaa ... Main kab ghbraya maa, aap bhi na kuch bhi kahti hain, aur mujhe nahi lagta ki hum pahle kabhi mile bhi hain, aur mile bhi ho to yaad nahi.


Payal.... Achha, aap koi Jaipur ke raajkumar ho ki aap se milne walon ki line lagi rahti hai daily. Huhhhh ! Mila bhi hun to yaad nahi, aap se to baat he karna bekar hai. Veena ji aap batao kaise mile.


Raghuvendr ..... Maine kah diya na ki hum nahi mile, phir iss baat par tul dene ka kya matlab hai.


Raghvendrki baton se kahin na kahin ek chir-chirapan hone ke bhaw jhalak rahe the.


Payal.... Aap se thode na puchhi bhaiya, jis se puchhi usko jabaw dene dijiye na.


Sumitra devi..... Haan Payal sahi kah rahi hai, tum bolo beta.


Veena.... Heee heee, main to bas inka reaction dekh rahi thi, maine jhoot kaha tha, hum nahi mile kabhi pahle. Waise ek baat puchh sakti hun kya ?


Sawaliya najron se iss baar Raghvendrne ghura, aise jaise kahna chah raha ho, "meri maa koi gul mat khila dena"


Sumitra devi... Haan beta puchho na.


Veena.... Ye chhotu aap ka naukar hai kya ? Aur wo itna chup kyon rahta hai ?


Payal ko naukar wali baat bilkul achhin nahi lagi, wo thodi mayus ho gayi, par Veena ko kuch kah bhi nahi sakti thi, isliye chup he rahi.


Sumitra devi.... Bahut chhota tha, jab thakur sahab isse lekar aaye the. Dekhne walon ka apna najriya hai, lekin humne isse naukar kabhi nahi samjha. Rahi baat chup rahne ki, to iski guru Payal hai wo he bata sakti hai kyon ye itna chup-chup rahta hai.


Payal..... Aap bhi na maa, guru nahi hun uski bahan hun main. Mere bhai jaisa hai wo. Wo bas nahi baat karna chahta kisi se. Lekin sabse samjhdar aur hoshiyar hai wo.


Raghuvendr .... Mujh se bhi jyada samjhdar hai kya ?


Payal.... Maine comapair nahi ki bhaiya. Bas itna kahi ki samjhdar hai.


Raghuvendr .... Haan main dekhi hai samjhdari, bhondu guru ki kam akal sagird. Ha ha ha ha.


Payal.... Maaaaa, bhaiya aise bolenge to main chali jaungi.


Sumitra devi..... Wo to bas mazak kar raha hai payal, tujhe chidha raha hai.


Raghuvendr...... Haan sach kadwa hota hai maa, koi nahi sun sakta.


Apni baat kah kar, Ragvendr hasne laga. Mahol thoda serious ho gaya tha, kyonki Payal ko ek aankh na bhaya, apne bhai ka iss tarah se kahna, aur wo kamoshi ke sath wahan se uthi, aur apne kamre ki ore chal di. Thik ussi waqt Takur Mhendr singh ki gari aakar ruki. Apne boot ke tej thpon ke sath wo ander aaye.


Sabko ek jagah baitha dekh kar wo bhi wahin baith gaye, ek jhalak sab ko dekhe aur Sumitra devi se sawal karte huye.... Sumitra, Sab yahan hai, Payal kahan hai ?


Sumitra devi... Ji wo abhi gayi hai yahan se, abhi bulati hun... Payal, Payal


Mahendr Singh .... Raghvendr kab aaye aur ye ladki kaun hai ?


Raghuvendr .... Papa main to kal he aaya, aur ye koi survey department se hai, aaj aayi hain yahan.


Mahendr Singh ..... Ohhh ! Aap survey karne aayi hain. Waise kis baat ka survey kar rahi hain.


Veena.... Uncle main mitti ke upjaupan ka test aur uski report lene aayi hun...


Mahendr Singh..... Chhotu yahan aao...


Chhotu jo ek kone me chu-chap khada tha, wo bhi wahan aa gaya, pichhe se Payal bhi wahan pahunch gayi, apne papa ko dekh, wo wahin chup-chap baith gayi.


Mahendr Singh .... Chhotu ye le cheq kal bank chale jana, aur jitne paise chahiye iss mahine ke liye nikal kar le aana. Ruko, ye do cheq aur rakho, ek kaam karna, jitne paise lagne hain iss mahine, uss se kuch jyada nikal lena, aur do cheq apne pass rakhna, ye pura mahina main bahar rahunga, to jaisa bhi jaroorat ho nikal lena.


Chhotu "ji babuji" kahta hua wo cheq liya aur phir se ek kone me jakar khada ho gaya....


Mahendr Singh .... Payal sab yahan hain, ghar me ek mehmaan aaye huye hain, phir bhi tum apne kamre me kya kar rahi thi.


Payal.... Abhi he gayi thi papa, main to yahin baithi thi.


Mahendr Singh .... Hmmm ! Thik hai, suno inka khyal rakhna tumhara kaam hai, inko jo bhi jaroorat ho sab puri kar dena.


Payal.... Ji papa.


Mahendr Singh .... Beti tumhe yahan koi taklif to nahi.


Veena... Ji nahi uncle, aap sab bahut achhe hain, ek paraya jisko aap jante bhi nahi, uske liye itna kar rahe hain.


Mahendr Singh .... Hum bhi to paraye hain beta tumhare liye, phir tum kyon iss gawn me survey ke liye aayi, koi bhi report govt. ko de deti. Tum jo yahan ke bare me likhogi, govt. ki yojna ussi anusar hogi, jab tum humare gawn ke liye itna kar rahi ho to humara bhi kuch to farz banta hai.


Veena.... Kaash sab aap jaisa sochte uncle.


Mahendr Singh .... Baat soch ki nahi hai, yadi isse fayde aur nuksaan ke taraju me bhi dekhen to iss gawn ka fayda matlab sidha meta fayda, to kisi bhi hisab se socho, par kuch achha ho raha hai to hone do.


Veena... Kya baat hai uncle, aap ko to business management par article likhna chahiye.


Mahendr Singh ... Wo to padhe likhon ka kaam hai beta, tabhi to Raghvendr aur Arjun ko bheja hai padhne. Ye kuch naya sikh kar aayega aur humare business ko aage lekar jayega. Kyon beta ?


Raghuvendr .... Ji bilkul papa.


Mahendr Singh ... Wahan sab kaise hain Raghuvendr, aur Arjun ko nahi aaya.


Raghuvendr .... Papa uske exam shuru hone wale hain, wo agle mahine aayega. Waise papa ek baat main kab se puchhna chah raha tha.


Mahendr Singh .... Kaun si baat ?


Raghuvendr .... Papa chhotu ko itni badi jimmedari, sign kiya hua blank cheq de rahe hain ?


Mahendr Singh apni gusse bhadi aankhen dikhate huye.... Main normal hokar baat kar raha hun iska matlab ye nahi ki tum apni tahzib bhul jao. Tumhari bhasa chhotu ke prati ek virodh ki bhawna darsati hai. Kise kya dena hai aur nahi mujhe achhi tarah se samjh hai.


Sumitra... Shant ho jaeye ji, wo rahta he kitna hai jo yahan ke bare me pata ho.


Mahendr Singh ... To samjhao apne ladle ko, yahan ke faisle main he karta hun aur us faisle me mujhe kisi ka sawal-jabaw pasand nahi.


Gusse ke sath Mahendr Singh chale gaye, unke jate he wahan ka mahol bilkul sunn par gaya, sab ne apni-apni jagah chhor diya, aur apne-apne kamre me chale gaye.


Raat ke takriban 9 baje, Veena niche bagiche me tahal rahi thi, tahlte-tahlte wo pichhe ki ore chali gayi, wahan pahle se Raghvendr baitha tha aur cigerattee ke kas khinch raha tha. Veena ke liye ye ek sunhara awsar tha Raghvendrse se akele me milne ka. Dabe paun wo uske pichhe gayi, aur kano me "bhuhhhh" ka ek tej awaz ki.


Raghvendr chauk gaya, ek najar Veena ko dekha aur phir se cigerattee ki kas khinchne laga. Veena, Raghvendrke pass baith'ti hui, uske kandhe par apna sir tikaye kahne lagi..... Kya hua mere babu ko aaj inka mood itna upset kyon hai, jo mujhe dekh kar bhi andekha kiye ja rahe hain.


Raghuvendr .... Kuch nahi Veena, bas aise he. Mujhe yahan ghutan si ho rahi hai, hum kal he wapas chale jayenge.


Veena.... Aap bhi na, chhoti-chhoti baton ko dil se laga lete hain.


Raghuvendr .... Tum suni nahi kya mere hitlar baap ki baten, ek sawal he to puchha tha, aisa react kiye jaise aasman toot para ho.


Veena aankhen dikhati hui.... Hone wale sasur hain mere, huhhhh ! Badon ke faislon ka aadar kijiye.


Raghuvendr .... Ab tum bhi mat shuru ho jao please, aur ye sab tumhara kiya dhara hai.


Veena.... Main to aap ki dasi hun ji, mujh abhagan par itta bada ilzam kyon ?


Raghuvendr..... Kya jaroorat thi tumhe yahan mere pass ho kar bhi mujh se dur rahne ki. Janti ho mujh par kya bit rahi thi ?


Veena.... Achha ji, waise kya bit rahi thi jarra hum to sun le.


Raghuvendr ek shararti muskan ke sath aage badha... Aur usse bahon me lene ke irade se hath badhaya he tha, ki Veena usse rokti hui kahne lagi.... "Upar dekhiye, Payal hai. Hume he dekh rahi hai"


Raghuvendr harbadi me pichhe muda, aur Veena uss se dur bhag gayi.....


Raghuvendr.... Yahan mera dil tarap raha hai, aur tum mujhe Payal ke naam par dara rahi ho. Ruk abhi batata hun.


Veena hasti hui bagiche me daurne lagi, aur Raguvendr uske pichhe-pichhe daurta raha. Thodi he der me Veena, Raghuvendr ki bahon me thi. Dono hanf rahe the... Veena aur Raghuvendr dono bagiche me lage pattar par baith gaye.


Ab sayad Raghuvendr ko duri bardast nahi thi, aur usne Veena ko badi betabi se apni bahon me bhar liya....


Veena.... Ruko, ruko jaan, ek chhota sa doubt hai.


Natkiya andaz me latka sa muh lekar Raghuvendr kahne laga.... Ji ye romance break ka sawal jaldi puchh lijiye, warna kewal break he rahega aur romance gayab.


Veena.... Jaan mujhe lagta hai chhotu ki koi prem kahani thi, aur uss ladki ke sath chhotu ka break-up ho gaya aur tabhi se wo aise chup-chup hai.


Badi si aankhen kar Raghuvendr ne ek baar Veena ko dekha, phir aakash ko dekha... Aur apne sir par marte huye sochne laga.....


"Bhagwan iss ladki ke dimag me ye kaise-kaise logic dal dete ho, aur uss chhotu ke bache ko to main kal batata hun. Do baar maphi mangwaya kal se, meri gf ko ghumane le gaya, Payal se jhagra, papa se dant, aur kitni minnaton ke baad thoda akele milne ka mauka mila tha Veena se, ab yahan bhi chhotuuuuu. Tu to gaya ab beta, dekh kal tere sath kya karta hun".

[dpmangla]

Nice Posts

[virat singh12]

Nice post

[virat singh12]

Keep update

[rishiraj]

Yaar or updates to de de raat ke din mein kyun diye?

[honey boy]

Nice Posts

Nice post

Keep update

friends keep reading...

[honey boy]

Yaar or updates to de de raat ke din mein kyun diye?

Bhai jab time milega tab hi update dunga na...