Romantic Kuch Nahi Tere Bin (Completed)

[honey boy]

Nice Post

keep reading...

Honey boy mere bhai thoda sa bada update or de deta to tera kya bigadta mere bhai kyun aadhe adhure suspence mein insaan ko maar raha hain?

Ha bhai thoda bda update diya karo

Itna bada update to de raha hu, kyu bachhe ki jaan le rahe ho...

[honey boy]

Update 6

Sahil ko hosh aane laga tha ... Aur idhar shail apni nis-chetna me apni dhundhli yadon me ... Usse dhundla sa ... Maa ka aanchal... Gawn ka ek aangan, bati ko patak kar roti ek ladki .... Ek dhundhli si yaad..........


"Suniye ji, ... Chaliye yahan se, humare liye yahan kuch nahi rakha"

"Maa, maa, khana do naa bhukh lagi hai"...... "Aangan me jakar apni chhoti maa se le le"

"Kamla, ye gawn humara hai, yahan ke log humare hain, swarthi mat bano"

"In khandharon ko aur yahan ke swarti logon ko aap apna bolte hain, log khun ke pyase hain aap ke. Itti si baat samjh me nahi aati".........



__________________________________


"Utho na maa, Babu ji .... Chhoti maa, chhote pa... Inhe kya hua, kahan le ja rahe ho, mujhe bhi jana hai, maaaaaaaaaaaaaaa. Chhoro.. Chhoro mera hath chhoro"......


________________________________



"Chhoti maa bhukh lagi hai khana do na. Pet dukhta hai" ...... "Karmjala ... Tu bhi kyon nahi mar gaya apne maa baap ke sath... Chale gaye mere sir par chhor kar" ...

"Chhoti maa kahan hai meri maa, bahut yaad aati hai, maa hoti to apne hathon se khilati...... Aaaaaaaaaaaaaaaaaaaaaaaaaaaa"


"Hunnnnn unnnnn, hunnnnn unnnnnnnnnn"

"Lo lahe ho bhaiya, tup ho jao" ...... "Jalta hai, chhoti maa ne jala diay"..... "Lao fukkk du... Fuhhhh,fuhhhhhh, main maa te baat nai klungi, malti hai aap ko


________________________________



"Suno, kahin dur pahriyon se gira dena.... Hum kah denge kahin bhag gaya"....... "Thik hai.. Par tu dhyan rakhna, koi dekhe na main isse sath le ja raha hun"

"Chhote pa hum kahan ja rahe hain" .... "Mela dekhne ja rahe hain"...... "Chhutki ko nahi liye chhote pa"

"Bahut andhera hai chhote pa"........ "Aaaaaaaaaaaaaaaa"


___________________________


"Sansen chal rahi hai malik".... "Kiska bacha hai ye"..... "Pata nahi malik, hum jab aaye to ye yahin para tha, sayad raat me rasta bhatak gaya aur itne unchi pahari se gir gaya"

"Lagta hai bhagwan ka koi karisma hai .... Le chalo yahan se"


__________________________________


"Naam kya hai ladkey" .... "Kaun hai tu, kahan se aaya hai"...... "Papa lagta hai gunga hai... Kuch bol nahi sakta"

"Ae ji ab iska kya karenge" .... "Karna kya hai Sumitra, humne iski jaan bachayi, ab hum iske malik huye, ghar aur khet ka kaam dekhega"


________________________________



Yaden kuch jab saaf hui .......

Ek bada sa alishan ghar, ek lambe kad-kathi ka bridhh aadmi... Thakur Mahendr Pratap Singh.. Patni Sumitra Devi, do ladka ... Bada Raghvendr Singh, chhota Arjun Singh, ek ladki Payal Singh jo Raghvendr se chhoti aur Arjun se badi thi .........



Bade robdar awaz me thaur Mahendr Pratap ki awaz gunjti thi iss haweli me, aur unka hukum patthar ki lakiden. Rajasthan me kayi gawan aaj bhi aise the, jahan bade pariwaron ki aaj bhi tuti bolti thi ......


"Chhotu ... Bus stand jakar Raghvendr ko le aana" .... "Papa- Papa, main bhi bhai ko lane jaungi" .. Payal apne pita se badi utsukta me puchhti hui ...


Mahendr Singh.... Thik hai chali jana. Chhotu, Payal ka khyal rakhna ...


Chhotu bina kuch bole haan me sir hila diya... Aur chup-chap kheton par chala gaya apna kaam karne.


Anath bechara.. Kismat ne jispar jarra bhi raham nahi dikhayi thi... Maa baap ko dakuon ne dushmani se maar diya, aur chacha ne jamin ki lalach me pahariyon se fek diya....... Dhundhli yadon me bas itna he tha.. Aur jab hosh aaya to .. Khud ko Thakur Mahendr Singh ke yahan paya.


Ek chhote se kamre me rahta tha, bahri dunia se koi talmel nahi, siaway Payal ke. Payal ke dono bhai bachpan se he bahar sahar me rah kar padh rahe the, Payal thakuron ki ladki thi isliy usse apne se chhote logon se mel-jole ki katai izazat nahi thi, aur gawn ke school me jitni takuron ki ladki thi sab ki sab ghamandi. Jabki Payal me na to ghamand tha aur na he ghamndi log pasand the.


Payal chhotu ko bilkul apne chhote bhai ki tarah manti thi, aur Payal ke dil me chhotu ke liye kaphi mamta aur pyar bhara tha. Chhotu ke liye bhi bahri duniya ka jo ek matr sampark tha wo bas Payal he thi jis se wo thoda bahut baat karta tha... Bankiyon se naa ke barabar he.


Chhotu kheton me pani dalwakar wapas aaya, Payal bahut der se uska intzar kar rahi thi ... Aur kaphi gusse me thi ...


Payal..... Chhotu kahan tha itni der, khane ka dhyan nahi raha tujhe....

Kuchh der shanti rahi ........

Payal.... Ab chup-chap kyon khada hai.. Jaa hath muh dho kar aa.


Khana khane ke baad ... Payal usse apne kamre me le gayi ... Ye chhotu ke padhne ka samay tha, roj khana khane ke baad Payal do ghante usse padhati thi aur kuch task bhi deti thi jo chhotu ko kal iss waqt tak pure kar ke lane hote the. Ye inke roj ke dincharya me tha. Aaj bhi kamre me aate he Payal ne copy par kuch sawal likh kar diye ...


Chhotu usse hal kar ke copy aage badhate huye .... "Ho gaya didi"


Payal khusi se uake sir par hath ferti hui ... Tu to bada hoshiyar hai chhotu, tumhari padhayi dekhte huye ab main tumhe 10th std me promote karti hun ...


Chhotu bas sir hila kar "haan" ka ishara kiya ....


Payal.... Kuch baat bhi kar liya kar mujh se, aisa lagta hai main akeli he bole ja rahi hun.


Chhotu... Kya baat karun didi ?


Payal.... Achha sun, jakar taiyar ho kar aao, chalte hain Raghvendr bhaiya ko lene.


Chhotu.... Kapde to pahne hai maine di.


Payal.... Wo jo maine paint shirt diye the na naye wale wo pahan kar aao, aur haan pahle naha lena.


Chhotu "haan" me sir hilata hua apne kamre me chala gaya. Takriban aadhe ghante baad chhotu taiyar hokar aaya.. Usse dekh kar Payal thodi muskurayi aur kahne lagi ... Hmmm ! Ab hero dikhta hai bilkul, chal...


Chhotu ne car nikali aur chal pade dono gawn ki kachi sadkon se hote huye ....

Payal... Chhotu sun bhaiya ka bus aane me abhi kaphi samay hai, chal Mangla ke ghar pahle.


Car Mangla ke ghar ke aage ruki, aur dono pahunche uske ghar....... Chhotu bahar he khada raha, aur Payal apni saheli Mangla se milne chali gayi. Thodi der baad dono khil-khilati hasi ke sath bahar aayi aur chhotu ko sath liye kheton ki ore chal pari. Raste me jo bhi Payal se mila, sir jhuka kar salam kiya.


Dono ek jhopdi ka najdik pahunche, Payal ne chhotu ko bahar nigrani karne ka bol kar dono ander chali gayi...


Payal... Haan ab bata, baat kya hai ?


Mangla..... Payal tu to janti hai mujhe aage padhna hai, par gharwale mujhe shadi ke chakkar me phasa rahe hain, main kya kroon kuch samjh me nahi aa raha. Upar se rista bhi tere papa ka laya hua hai. Ab unki baat ko kaun na kah sakta hai.


Payal.... Badi gambhir samsya hai. Baat tere papa ki hoti to main apne papa ko bol kar koi chakkar chala leti. Par mere papa ko kaun samjhaye. Waise ladke wale dekhne kab aa rahe hain tujhe.


Mangla.... Char din baad aa rahe hain.


Payal... Thik hai aaj raat kuch sochti hoon, filhaal jane de bhaiya aa rahe hain.

Baat jaldi se samapt kar, Payal bus stand nikal gayi, bus aane me ab bhi thodi der thi. Car se utakar payal ek dukan se pani bottol li aur wahin khadi hokar pine lagi.....


Nukkad par kuch ladkey khadey the jo sayad bahar se aaye the aur thode awara kism ke bhi the.. Un me se ek ne jab Payal ko bottol utha kar pani pite dekha, to uss se raha nahi gaya, aur usne abhadr tippani kar di .....


"Dekh dekh golai, kitni mast hai, aise lag rahe hain jaise do aam kamij me dawa kar ghum rahi hai. Hayy isse dekh kar to aam khane ka mann ho gaya".


Aaj tak kabhi aise mahol me Payal gayi nahi, bus stand pahle bhi kayi baar aa chuki thi, lekin iss se pahle aaj tak kabhi kisi ne aisi abhadr baten nahi ki thi. Payal ko mano jaise rona aa gaya ho, aur dab-dabayi aankhon se wo car ki ore chal di.


Chhotu car ke pass he khada tha, aur Payal ke aanshu uss se chhipe nahi. Payal ke car me baith'te he usne car ka darwaja lock kiya, Payal ko ander he rahne ki hidayat di, aur sidha pahuncha dukandar ke pass.

[honey boy]

Update 7

Dukandar dekhte he samjh gaya Chhotu kyon aa raha hai uske pass. Bina koi sawal ke he usne ungli un ladkon ke ore kar diya. Chhotu ne najar ghuma kar idhar udhar dekha. Dukan me usse ek danda dikha aur chhotu ne ishare se wo danda dukandar se manga.


Danda lekar badi teji se pahuncha, aur bina kuch kahe sune ek danda ek ladke ke sir par de mara. Sir phat gaya aur wo wahin behosh. Khun dekh kar bakiyon ki haalat kharab ho gayi. Wo kuch sochte uss se pahle he sab ke upar dande barsne lage.


Panch ladkey the, aur jabtak koi bhi harkat me aata uss se pahle he chhotu ka danda sab ko par chuka tha. Sab ladke karrah rahe the aur uspar dande baras rahe the. Sukr thi bus stand me police aa gayi.


Police ne chhotu ko pakad kar side kiya aur pachon ladke ki haalat dekhi. Kisi ka sir phata tha, to kisi ke hath paun toote the. Chuki chhotu Mahendr Singh ka aadmi tha isliye police bas usse shant karne me lagi thi, aur un pachon ko jaldi se jeep me bhad kar uss jagah se hataya....


Chhotu ne jab pahle ladkey ko mara tha, ussi waqt Raghvendr ki bus bhi aayi thi. Raghvendr bas khada hokar wahan ka najara dekh raha tha, aur soch raha tha, desh kahan se kahan pahunch gaya aur gawn ab bhi ussi jagah par atka hai.


Char-char police wale lage the chhotu ko sambhalne me, lekin Payal ke aanshu dekh uspar mano khun sawar tha, aur wo kisi ke kabu me nahi aa raha tha. Tabhi Raghvendr uske pass pahuncha aur khinch kar ek tamacha mara chhotu ko...


Tamacha parne ke baad jab chhotu ne marne wale ko dekha to bilkul shant khada ho gaya.


Raghvendr.... Chalen ab, ya tujhe aur mar-pit karni hai.


Chhotu kuch nahi bola aur chup-chap car ke pass aa gaya. Payal car se ye pura tamsa dekh rahu thi, aur pichhe shant baithi thi. Chhotu car lekar ghar ki ore rawana ho gaya.


Ragvendr, Payal ko ek ghari dete huye uss se haal-chal puchne laga. Lekin Payal ne na to ghari dekhi aur naa he apne bhai ke kisi bhi sawal ka jabaw di...


Raghvendr..... Ab tumhe chhotu wali bimari kab se lag gayi. Meri baat ka kuch to jabaw de.


Payal iss baat ko bhi ansuni kar ke bas aage ki ore dekhte rahi. Raghvendr samajh chuka tha ki kyon Payal naraj hai. Koi chhotu ko uske samne kuch ulte sabd bole ya mar de ye Payal kabhi bardast nahi kar sakti thi. Chhotu ko bol kar Raghvendr ne car rukwayi, aur dono ke samne khadey hokar maphi maagi, tab kahin jakar Payal ki narajgi dur hui.


Kuch der me sabko haweli chhorne ke baad Chhotu phir se khet par nikal gaya. Agli subah Raghvndr, Chhotu ke sath bus stand nikla, raste me ek sunsan jagah par car rukwate huye, Raghvendr utra aur cigerattee nikalta hua pine laga.


Do kas sukoon se khinchne ke baad cigerattee Chhotu ki ore badha diya, par Chhotu chup-chap pichhe hath bandhe khada raha aur "naa" me sir hila diya.


Raghvendr.... Abbe O' putle kabhi-kabhi bol bhi liya bhi liya kar. Khair chhor thujh se kahne ka koi fayda nahi. Bas ek he kaam aata hai, chhati chauri kar ke khada rahna. O' bhai main yahan musibat me hun kuch sujh nahi raha hai aur main kitna asahay hun, kisi se kah bhi nahi sakta.

"Mujhe ek ladki se pyar ho gaya hai, aur wo pagal mere pichhe-pichhe yahan tak aa rahi hai. Main kya karoon mujhe kuch samajh me nahi aa raha. Tu sun raha hai na, main bhi kahan patthar se sir pit raha hun. Tujh se kisi baat ki ummid he baimani hai. Do he to kaam aate hain, kheton ko dekhna aur logon ko phodna".


Chhotu.... Didi se baat karo, wo hal bata degi.


Raghvendr pahle apni aankhen miza, usse yakin he nahi ho raha tha ki Chhotu ne uski baton ko samjha bhi aur sath me jabaw bhi de raha hai..... Bade aschraya se dekhte huye...

"Tumne abhi-abhi kya kaha Chhotu" ?


Chhotu ne phir wahi baat dohraya...... Didi se baat karo, wo hal bata degi.


Ragvendr khush hota usse gale laga liya aur Payal ko yahan lekar aane ke liye kaha. Chhotu, Raghvendr ko wahin chhor kar mahal wapas gaya aur Payal ke pass ja kar kada ho gaya....


Payal.... Aa gaya bhaiya ko ghuma kar, par bhaiya kahin dikh nahi rahe.


Chhotu... Aap ko bula rahe hain, bus stand ke raste me khadey hain.


Payal.... Baat kya hai Chhotu, aur tu unhe wahan kyon chhor kar chala aaya.


Chhotu.... Jyada pata nahi, bas padesan the to maine aap se madad mangne ke liye bola aur ab aap ko bula rahe hain.


Payal apni maa ko bata'ti hui Chhotu ke sath chali gayi... Raghvendr wahin sadak ke pass khada tha, uske chehre se uski padesani saaf najar aa rahi thi.


Payal.... Baat kya hai bhaiya, aap thode padesan dikh rahe hain.


Raghvendr.... Payal main bahut badi musibat me hun, please kuch solution batao.


Itna kahne ke baad Raghvendr ne apni prem kahani ki baat suna di, sath me uski premika Veena abhi pahunch rahi hai gawn uss se milne, aur kuch din sath rahne.


Payal apni aankhen badi karti apne bhai ko dekhne lagi...


Raghvendr..... Ab tu please aise to mat dekh, mujhe kuch sujh nahi raha. Upar se jab bhi Veena ki baat sochta hun to papa ka chehra samne aa jata hai. Kuch to madad kar apne bhai ki.


Payal.... Iss mamle me main aap ki madad kar sakti hun aisa socha bhi kaise aap ne.


Raghvendr.... Mujhe to khyal bhi nahi aata, par Chhotu ne idea diya ki tu meri madad kar sakti hai. Bol na karegi na madad apne bhai ki.


Payal, Chhotu se jabaw talab karti..... Chhotu tu janta bhi hai ki bhai kis bare me madad maang rahe hain.


Chhotu.... Ji nahi maloom, khud se baat kar rahe the, thode padesan bhi the, to mujhe laga aap se baat karenge to aap inhe kuch hal bata sakti hain.


Raghvendr...... Dekh ab to yakin hua na, ki mujh se jyada Chhotu ko yakin hai ki tu meri madad kar sakti hai.


Payal... Ji nahi bhaiya. Usse bas aap padesan dikhe, aur wo sayad aap ki bakwas se bore ho gaya tha, isliye usne apna sir dard mujhe de diya.


Raghvendr.... Ye akdu bore bhi hota hai.


Payal.... Kya wo insan nahi, kya usse kuch bhi feel nahi ho sakta. Aise he kal usse bewajah aap thappad mar diye bina jane.


Raghvendr... Meri pyari bahan kal bhi manga tha maafi ab bhi dono se mangta hun. Ab kal kya hua, pados me kya ho raha hai, in sab ki charcha chhor kar kya tum mere samsya par gaur karogi...


Payal..... Huhhh ! Aap ne he Chhotu ko akdu bol kar idhar udhar ki charchayen shuru kiye ?


Raghvendr.... Tu aur tera Chhotu, wahi to bas tera bhai hai na, main to kuch bhi nahi tera.


Payal..... Achha thik hai, rona band karo aur chalo pahle chal kar unhe late hain.


Teeno bus stand pahunche, Veena ki bus pahle he aa chuki thi. Car se utarkar Raghvendr, Veena ke pass pahuncha jo sayad thodi gusse me thi....


"Kitni der laga di, main kab se aap ka intzar kar rahi hun"... Veena apne gusse ka izhar karti barsne lagi. Dabi aankhon se Raghvendr apne dayen bayen ishar kar batane ki kosis me laga hua tha ki..... "aur bhi log hai yahan"


Veena... "Aap mujhe yun-yun ishara kyon kar rahe ho, nahi hoti shant main. Ek to exam khatam ho ne ke baad bina bataye yahan chale aaye, aur main yahan aayi to aap mera pahle se intzar karne ke badle late aaye".

"Aap late kya aaye aisa laga jaise mere armaan ko kisi ne badi berahmi se, apne paun tale raund diya ho. Kaise-kaise khyalaat the, jab main bus me baithi soch rahi thi. Aap mera intzar kar rahe honge, mujhe dekhte he daur kar mere pass aayenge aur mujh se lipat kar I Love You kahne lagenge".

"Par nahi, main he pagal hun jo sapne dekhti hun aur apne bikhre armano par do line bol kya di chup rahne ka ishara kar rahe ho. Ek kaam karo thoda zehar he la do, hamesa ke liye mujhe shant kar do".


Gawn ka bus stand, log he kitne honge, aur upar se ek ladki yun chilla-chilla kar kisi par baras rahi ho to, logon ka dhyan uss ore khichega he. Sare log bas unhi sab ko dekh rahe the.... Payal ne jab ghurte chehre dekhe, tab apni chuppi todti hui Veena se kahne lagi...

"Hello Veena, main hun Payal, inki chhoti bahan"


Veena ne jaise he Payal ke bare me suni, fudak kar uske gale lag gayi, aur phir ek baar fir apna fm on karti hui chillane lagi ....


"Payal bhi aayi hai, pahle nahi bata sakte the. Ab wo kya sochegi, main aap ko bas dant'ti rahti hun, main aap se pyar he nahi karti na. Yun yun aankhen idhar udhar kar sakte ho, muh se bol nahi sakte. Aap to chahte ho mera mazak bane har jagah. Bahut he dust ho, jao mujhe nahi karni koi baat aap se".


Kitna react karti thi har baat par Veena, aur uska yun chilla kar baat karna. Veena ke haw bhaw jab Payal dekhi to apni bhai se najre milati "naa" me sir hila di .... Payal ke chehre ke bhaw aise the jaise kahna chah rahi ho ..... Mujhe mat phasao, papa se tum khud nipto.....

[dpmangla]

Nice One

[honey boy]

Nice One

keep reading...

[honey boy]

2 update ek sath dene ke baad bhi sirf ek hi reply, bahut नाइंसाफी hai...

[virat singh12]

Nice post

[rishiraj]

Pehle updates to de yaar story ki situation ko jara samajhne de fir story par reply dete hain

[honey boy]

Nice post

keep reading...

[honey boy]

Pehle updates to de yaar story ki situation ko jara samajhne de fir story par reply dete hain

Mujhe kaise pata chalega ki tum log ne update pad liya hai... Isliye hi to reply karne ko bol raha hu...