Doston... Ek nayi kahani peshe-khidmad hai. Ye kahani maine nahi likhi hai aur iske author koi aur hai... Author ka maan rakhte hue maine na to kahani ka naam change kiya hai or na hi kahani ke kirdaaro ka... Enjoy

Story ka hero ek ladka hai, naam Vicky. Umr koi 20 saal, kad 5.4-5 inch. Sanwla rang, normal features. Kad chhota hai par jism bahut takatwar hai. Haath Pair bahut mazboot hai, dekhte hee pata chalta hai. Aage peeche koi nahin hai. 7-8 saal pahele tak sab tha, lekin ek train haadse mein sab chala gaya. Maa Baap Bahen, koi nahin bacha. Ye akela rahe gaya.

 
Vicky ke janamdin ki subah ko waapas aana tha, train bahut late ho gayi thee. Subah jab 7 baje tak koi nahin aaya toh Vicky ne TV lagaya waise hee sochte hue ki aur late honi hogi train, aur phir jo news dekhi toh uski duniya tabaah ho gayi thee.
 
Rishtedaaron ne bhi doori bana lee. Vicky ke pitaji ek government servant thhey, isliye isko family pension milti rahi. Mummy private school mein teacher theen, par kuchh nahin mila wahan se siwaye PF wagarah ke. 
 
Is time pe iske dost ke papa ne bahut sahara diya. 12-13 saal ka Vicky ek jhatke mein bada ho gaya thaa. Bhagwan ki daya se inka apna 2bhk flat thaa, toh sar pe chat thee. But aap sochiye Delhi jaise shahar mein kaise guzaara kiya hoga Vicky ne. Dimaag se tez tha but har baar zaalim duniya se saamna karna padta tha. Dheere Dheere ye bhi gur seekhta gaya. “Zindagi har kadm ek nayi jung hai” gaane ka matlab usay tab samajh aaya thaa.
 
Badi minnatte karin dosto ke parents ne Principal se ki Vicky ko special case samajh ke fees maaf kar di jaaye. Par nahin, principal ne ek nahin maani. 1 saal tak iske 3 khaas doston ke parents ne milke iski fees bhi bhari but agle saal fees almost double badhaa di school ne, majboori mein unko haath peechhe kheenchna pada. Vicky ko majboori mein sarkaari school join karna pada. Uske dost tuition jaate aur woh apne ghar mein bartan bhi khud hee maanjta. Ek ek paise ka hisaab rakhta. JNU ke paas Ber Sarai jaa kar purani kitaaben khareedta. Pichhle school ke dost jo tuition se notes laate, apne papa ke office se photocopy karwa ke Vicky ko de dete, badi madad ho jaati thee.
 
Vicky ke dost ke papa bahut achhe astrologer thhey, shaukia taur par practice karte thhey. Ek baar unhone kaha Vicky ko ki agle 4 saal bahut kada sangarsh hai aur phir dekhna agar seedhe rahe toh kaisee kripa hogi bhagwaan ki. Vicky ne woh baat yaad rakkhi. Samay beet ta gaya, private school ka Vicky ke sarkari school mein aa gaya tha. Ladai, gali galauch bahut aam baat ho gayi thee uske liye. Bas kisi tarah woh nashe, sharaab jaise aibon se door raha.

Ek baat bahut achhi hui ki Vicky ke pitaji jaane se pahele Huda aur DDA ke do plot ke liye application kar gaye thhey. Dono draw bahut der se hue par kismet se dono draw unke naam pea aye. Vicky ke dost Manish ke papa ne bahut madad ki aur dono Plots ko ache daam pe bikwa diya aur chup chaap, Vicky ke naam pe 3 dukaane le leen thee aur kiraaye pe chadhaa deen. Jahan dukaane lee theen woh area tab panap raha thaa, dheere dheere Vicky ki dukaano ke rates badhte gaye. Par Vicky ko ab aadat ho gayi thee kam kharche karne ki. 

 
Vicky ke kayi rishtedaar Delhi mein bhi thhey, par sab bhool gaye ussay. Punjab waale bhi door nahin thhey par chup chaap door ho gaye.Yaad karke kaun uska dhyaan rakhta. Na koi Taya na Chacha, Na Maasi Na Maama. Sab Paraye ho gaye. Isiliye Vicky ne bhi kisi ko nahin bataya tha ki uske plots nikal gaye thhey aur ab woh dukaano ka maalik hai. Woh bhool nahin pata tha ki kais eek haadse ne sab kuchh chheen liya. Bomb blast hua tha, train nadi mein giri aur 150 log maare gaye thhey. Sochta raheta ki kaash wo bhi saath gaya hota toh mar hee gaya hota family ke saath. Soch Soch ke rota raheta thaa.
 
Baarwhin ke board exams aaye aur us se 1 mahine pahele Vicky ko Dengue ho gaya, mushkil se jaan bachi. Phir bhi kyonki padhayi mein woh achha tha aur 12 mein commerce mein theek thaak number bhi aa gaye thhey.
 
Ek din woh ghar pe kuchh dekh raha tha toh ussay Papa ka ek purana suitcase mila jisme bahut papers filed thhey. Vicky ne sabko padhna shuru kiya. Aur phir ussay milay share certificates, kul mila ke koi 6000 shares thhey. MRF, Eicher company ke. Vicky ko tab tak pata tha ki dono shares khoob chal rahe hain. Usne hisaab lagaya toh maamla koi 25-30 crore tak pahunch gaya. Phir ussay apne dost ke daddy ki baat yaad aayi ki kaise samay badlega.

Usne phir apne dost ke daddy ko poochha aur phir unki salah se paperwork karke shares demat karne ko de aaya. 3-4 mahine lag ke kaam ho gaya aur shares demat hokar uske naam pe transfer ho gaye. 

 
Kyonki 12th mein marks kam thhey, Delhi ke hisaab se, toh kahin bhi koi college nahin mila. Uski Delhi ki teen dukaano ke liye bahut achhe naye kiraaydaar mil gaye thhey. Ek mein 3 ATM aa gaye aur baaki 2 bhi badi companies ne apne showroom kholne ke liye badhiya kiraya de diya. Pichhle kuchh samay mein Vicky ne 3 plots bhare aur 3 ke 3 nikal aaye. Usne 2 plot toh achhi black mein bech diye aur 1 apne paas rakh liya. Ye plot Chandigarh ke paas Panchkula mein thaa.
 
1000 shares bech ke Vicky ne 4 crore kama liye thhey. Usne note kiya thha ki woh kismet ka bahut dhani ho gaya tha. Shares, plot etc mein jab bhi try maarta that oh shartiya faayda hota tha.Vicky ne apne dost Manish ke daddy se salah ki aur phir woh kuchh samay ke liye Chandigarh pe focus kare. Yahan par commercial space saste thhey aur Vicky ne share se kamaaye hue kuchh paison se Chandigarh se just pahele Zirakpur mein 3 dukaane khareed leen. Phir kismet ka dhani Vicky, sasti dukaane leen aur 1 mahine baad, sarkar ne us purey area ko commercial hub banaane ka faisla kar liya. Waare nyaare ho gaye Vicky ke.
 
Manish ke papa ne salaah di ki Vicky kuchh samay ke liye Chandigarh chala jaaye aur apni nayi investment pe dhyaan de. Vicky, Sharma uncle ko bahut maanta thaa aur phir shift ho gaya. Usne Zirakpur ki ek bahut achhi society mein ek apartment kiraaye pe liya. Ek bada kamra tha, kitchen thee, washroom aur balcony. In short Vicky ke liye bahut. Kamra achha bada thaa toh Vicky ne 2-3 kursiyan, table aur bed lagaya. TV aadi bhi le liye.
 
Vicky ko technical/mechanical cheezen samajh aati theen aur cars mein khaas ruchi thee, isliye usne ek 2nd hand car rakh lee aur society ke gate pe likhwa diya ki woh saste rate pe taxi service de sakta hai. Din mein woh shares mein khelta aur share market band hotay hee taxi requests le leta tha. Uska target tha ki roz woh share market se 3000 Rs kama ke uthega. Upparwaale ke kripa thee ki roz hee 3000 se uppar ho jaata thaa. 
 

Ek cheez nahin badli thee Vicky ke liye, paise beshak aa gaye thhey, wo tha sapna. Uske ma baap bahen ka accident Sunday ko hua thaa, har Sunday ko wohi sapna aata tha ki Uske Maa Baap Bahen uski taraf baahen pasaare madad ke liye bula rahe hain aur wo un tak nahin pahunch paa raha. Wo apne rishtedaaron ko bhool gaya thaa, aur kasam kha lee thee ki jinhone uski madad ki hai unke liye woh sab kuchh karega.

 
Zindagi ne phir raftaar pakad lee thee.
 
Zirakpur mein hee society mein ghar liya. Society bahut badi thee, koi 2000 flats thhey 10 manzial towers thhey, 4,3,2,1 bhk flats thhey aur studio apartments bhi thhey. Society ka ek chakkar koi 2 km ka pad jaata thaa.
 
Zirakpur se logon ko Chandigarh jana hota thaa aur khaaskar aurton ko taxi chahiye hoti thee toh dheere dheere karke Vicky ko roz 1-2 bookings mil jaati theen. Aam taur pe bhale log thhey. Kiraaye ke upar, Vicky ko tip de diya karte thhey. Vicky man hee man muskurata tha aur us tip se gareeb bachchon ko kuchh khila deta.
 

Bahut Achchhi Shuruaat ki hai. Kahani ko aage badhaye. Update rojana de.

Nice Start

(22-04-2018, 11:51 AM)urc4me : Bahut Achchhi Shuruaat ki hai. Kahani ko aage badhaye. Update rojana de.

Thank you. Poori koshish karunga regular updates dene ki... aap se bhi gusarish hai ki isi tarah comments aur likes add karte rahe...shukriya

(22-04-2018, 01:19 PM)dpmangla : Nice Start

Shukriya

Aisee he ek raat woh duty se waapas aa raha thaa toh dekha ek car ka bonut khula pada hai aur aadmi usme torch maarke dekh raha hai, par Vicky ko samajh aa gaya tha ki wo banda sirf dekh raha hai par samajh ussay kuch nahin aa raha tha.

 
Vicky ne car roki aur unke paas gaya.
 
Vicky – sir koi help chahiye
 
Vyakti – kaun ho tum
 
Vicky – mera naam Vicky hai, yahin paas mein raheta hoon, taxi chalata hoon toh thodi bahut samajh hai
 
Vyakti – Main kar loonga, engineer hoon main
 
OK Sir kahe ke Vicky mud jaata hai, itne mein ek bahut meethi aawaaz uske kaan mein padthi hai
 
Mahila– Bhaiya suniye
 
Vicky – ji memsaab
 
Mahila – aap zara dekh lenge, bahut pareshaan ho rahe hain
 
Vicky uski taraf dekhta hai, ab tak wo apni seat se uthkar baahar aa jaati hai. Vicky ussay dekhta rahe jaata hai. 5 ft10 inch ka lamba kad (high heel ki sandal ke sath nahin to kareeb 5ft 6 in), gori chitti, lambe baal, nain naksh achhe, bahut appealing face aur kaatil figure. Dheele suit mein bhi dikh raha tha ki kya kayamat hai.