Update--14
_______________



Apni baat poori kar Adi sir neeche kiye kuchh sochne laga par Karan ne Maya ki pic dekhi aur behadd jahreele tarike se bola " Maya Arora ".… koi aur naa sun paya par Anu ne sun liya aur ye sochne lagi ki aakhir ise poora naam kaise pata…


__________




Anu ne uss wakt Aditya aur Ishan se Karan ke bare me baat karna uchit naa samjha … Karan thodi der baith kar coffee banane chala gaya…Anu uske peechhe peechhe uski help karne ka bol kar rasoi taraf chal di … uss wakt Ishan aur Adi akele ho gaye to Ishan ne Aadi ke kandhe par haath rakh kar kaha…



Ishan :-- Adi please mujhe maaf kar de yaar … meri wajah se tu unn purani yaadon me wapas se fas gaya…mujhe bilkul idea nahi tha warna mai aisa kabhi kuchh kahta hi nahi…



Aditya-- nahi Ishan maafi to mujhe maangni thi tum dono se yaar… bahut badi baat chipayi thi maine… shayd bata deta to aisa naa hota… tune aaj ye baat chhed kar mujhe mauka de diya galti sudharne ka…thanks and sorry doston…

Aadi aur Ishan ne ek doosre ko doston wali jhappi di…par Ishan ke man me jo sawaal the use wo chhipa nahi paya…




Ishan-- waise rahti kahan hai ye Maya… aur kahi wo Apne Dr Rajesh sir ki bahan to nahi hai ?




Aditya-- hmm unki hi bahan hai …tu kya karega jaan kar ki kahan rahti hai… dekh koi matlab nahi hai abb mera usse… behtar yahi hai ki topic yahi par chhod diya jaye…



Ishan-- waah Re bhagwaan… bhai itna achha aur bahan ' man eater'… ohh sorry Aadi but …



Aditya-- its ok yaar…kya kar sakte hain… abb aisa hai to hai…jo bhi hai just leave the past …

Aadi kaise bhi karke bas matter closed karna chahta tha but wo galat tha kyu ki abb to ye topic burinning issue ban chuka tha…



Ishan-- to uske baad Maya se kabhi nahi mila tu…mera matlab hai ki after tere mbbs joining wo dikhi nahi kahi…



Aditya-- Naa dikhi tak nahi kabhi…



Ishan-- kahi aur chali gayi kya…

Ishan ki jigyasayein khatm hone ka naam nahi le rahi thi…


Aditya-- koi idea nahi hai mujhe uske baare me …



Ishan-- Aadi kya tu abb bhi pyar karta hai usse ?


Aditya--bilkul bhi nahi… abb bas bhi karega ya ' Chiya ' ki tarah tera ye rapid fire chalta hi rahega…


Udhar Anushka rasoi me pahunch gayi Karan ki help karne… Aadi aur Karan ke mammi papa out of station the… iss liye coffee banane Karan aaya tha…



Anushka--he Karan mai help karti hoon…

rasoi ke door par pahunch kar Anu ne Karan se poonchha…


Karan-- nahi di its ok…



Anushka--mood off hai ??

Anu ne Karan ko bade lagaw se poonchha…



karan-- hmm…

Karan bolne me bhi parhej kar raha tha…


Anushka-- rlx Karan… abb waise sab theek ho gaya hai… Aadi bhi theek hai to please ye sab apni mom se mat kahna please…

Anu ne request ki…


Karan-- dont worry di… nahi bolunga kisi ko bhi … but kuchh bhi Theek hua nahi hai par abb theek ho jayega…

Karan ne daant bheench kar reply kiya…


Anushka-- mere khayal se janta hai tu use…

Anu ne abb Karan se poonchh lena hi uchit samjha…


Karan-- shayad Di…



Anushka -- Tu kaise janta hai mujhe to bata bhai ??

Anu ne uchhalte huye kaha…



Karan-- mutual friend ki padosan hai… ladkon ko sab pata hota hai di…abb tak sirf suna tha iss naam ke baare me abb to dekhna bhi padega…



Anushka--wo kya bahut buri hai aur tu kya karne wala hai ?



Karan-- mila nahi hoon usse kabhi… ab mai Maya memsaab ki jasoosi karunga …



Anushka-- sirf itni request karti hoon ki ek ladki ke sath aisa kuchh bhi mat karna jo galat ho…




Karan-- to usne mere bro ke sath jo kiya kya wo sahi tha…ladki hone ka kitna fayeda legi wo…



Anushka-- mai to isliye kah rahi hoon ki usne to bewafai ke jakhm de hi diye hi hain Aadi ko… agar tu Aadi se pyar karta hai to kuchh bhi galat karke Aadi ko wapas se ghaaw mat dena…tune suna nahi tha usne kaise dukhi hokar kaha tha ki " use koi kuchh kahe mujh pasand nahi…"


Karan Anu ki baton par bas kutil muskan bikherta raha… jane kya chal raha tha uske dimag me…

Update--15
_______________



Anushka-- mai to isliye kah rahi hoon ki usne to bewafai ke jakhm de hi diye hi hain Aadi ko… agar tu Aadi se pyar karta hai to kuchh bhi galat karke Aadi ko wapas se ghaaw mat dena…tune suna nahi tha usne kaise dukhi hokar kaha tha ki " use koi kuchh kahe mujh pasand nahi…"


Karan Anu ki baton par bas kutil muskan bikherta raha… jane kya chal raha tha uske dimag me…



____________



Karan Anu ki baton par bas kutil muskan bikherta raha… jane kya chal raha tha uske dimag me…jise Anu ne dekh to liya par bhamp nahi paayi ki aakhir manjra kya hai… khair coffee peekar sab apne apne raste chal diye…



Anu ke ghar ke paas tak Ishan bhi aaya… Anu abhi tak Aadi aur Maya ke bare me soch rahi thi… Ishan ko yun ghoorta dekh use wapas Ishan ki karistani yaad aa gayi jo subah medical clg me kar raha tha…Anu ko khisiya si gayi…



Anushka-- ye kya ho gaya hai tujhe Ishan… subah se behaya kyu bann gaya hai…naa aas paas ki parwaah naa koi sharm…

Anu ne gusse se tilmilaate huye kaha…


Ishan-- ohh sorry Anu … abb sab ke samne nahi ghoorunga…

Ishan ne madhoshi me jawab diya…


Anushka-- Have you gone mad Ishan…

Anu ne thoda tej swar me bola to Ishan chaunk kar sapno ki duniya se seedhe jwalamukhi bani Anu ke samne tapak gaya…bolti band ho chuki thi abb mr aashiq ki…



Anushka-- dhyan se sun ye ghoorna shoorna chhod de ok warna tu mujhe janta hai naa… aur ek baat bata…

Anu ne daant peeste huye poochha…



Ishan-- kya ??


Anushka-- ho kya gaya hai achanak se tumko… aise kyu dekh rahe ho mujhe…

Anu ka sawaal sun Ishan ke paseene chhot gaye… uske paas shabd hi nahi the ki wo kahe kya anu se… usi pal Ishan ko ye bhi samjh aa gaya ki pyaar karna asaan hai par uska ijhaar karna behad mushkil hota hai… Ishan ka dara hua chehra dekh Anu apna sir khujane lagi… tabhi Anu ke gahar ke gate par uski bhabhi Roli ( jo ki ek doctor bhi thi) aakar khadi ho gayi… unko dekh Ishan ne rahat ki sans li aur unse aupcharik baat karte huye wahan se nikal liya…Ishan ke jaane ke baad Roni ne Anu se poonchha…


Roli-- kahan rah gayi thi Anu tere bhaiya poonchh rahe the tujhe…



Anushka-- aa to gayi thi babhi time par lekin Aadi thoda upset tha to mai Ishan udhar par hi the… coffee pi rahi thi…aunty aur uncle out off station hai…


Roli-- hehe kya majjak kar rahi hai tu… Aadi aur upset…koi naya drama hoga uska…

Roli ne hasna chalu kar diya…


Anushka-- hmm yahi soch kar to peechhe gayi thi but kabhi kabhi itna dard chhipa hota hai naa insan ke andar … khair… aaj aap aur bhaiya jaldi aa gaye…

Anu ne bhed khulte dekh jaldi se baat badal di…



Roli-- naa tu late hai… ham dono to time par hi hain…sun Aadi aur Karan ko dinner yahi karne ka bol de okk…



Anushka-- ohh thats good idea… mai abhi call kar deti hoon…

Anu ne apna cell nikala hi tha ki tabhi Roli boli…


Roli-- sun tu rahne de mai kar deti hoon …

Iske baad Roli aur Anu andar chale gaye…Ishan apne room ki window se bade pyaar se Anu ko jaate dekh raha tha … tabhi Ishan je kani me ek behad khaufnak aawaj goonji…

" Tya tal laye ho aap ?? "


ye awaaj Aayush aur Roli ki beti Chiya ki thi … Wo aksar yahan Ishan ki dadi ke paas khelne aati hai… iss wakt kamar par haath rakhe apni totli jabaan me Ishan ke sath baahar dekane ki nakaam koshish kar rahi thi…use dekh kar Ishan ne use apni godd me utha liya aur bola…


Ishan-- angel dekh raha hoon chiya…


Chiya-- aap melle ko ullu chhamajhte ho tya yaal… angel neeche nai upal sky me lahti hai… abhi dadi ko bolti hoon te Ichhan jhoot bolta hai…

Chiya ki baat sun Ishan bas samne Anu ke ghar ki taraf dekh kar bebsi aah bhar kar rah gaya kuchh bola nahi…

Update--16
_______________


Chiya ki baat sun Ishan bas samne Anu ke ghar ki taraf dekh kar bebsi aah bhar kar rah gaya kuchh bola nahi…



_______________



Roli ne Aditya aur Karan ko dinner par aane ko bol diya aur dinner ki taiyari karne lagi…jabki Anu abb bhi Maya aur Aadi ke love and break up ke beech uljhi huyi thi…



Anushka ka dimaag abb bhi Maya ke raviye ird gird hi tahal raha tha… kyu ki Anu ka mann ye manne ko taiyaar hi nahi tha ki koi ladki itni stone hearted bhi ho sakti hai ki itne masoom pyaar ke sath yun khel jaaye…agar Aadi ki taraf se dekhein to chhala tha Maya ne …


Ishan aur Aadi ka ghar bilkul agal bagal hi tha jabki Anu ka ghar samne tha … abhi Anu apne khayalon me gum hi thi ki guitar ki awaaj kaanon me padi… bahut hi badhiya play kiya jaa raha tha… Anu turant samjh gayi ki ye aur koi nahi balki Aadi tha… wo garden me khada apne dhun me magan aasmaan ki ore dekhta hua bas sara junoon guitar ke taaron par utaar raha tha…


Anu uss ore khinchti si chali gayi … aur jaane kab jaakar Aadi ke peechhe khadi ho gayi… Aadi apni dhun me magan tha aur Anu uske sur me khoyi huyi thi…jabki Ishan apne room ki window se dono ko dekh raha tha…



koi aur din hota to shayad Ishan bhi kood kar pahunch jata par aaj ke din ne bahut kuchh badal diya tha unn logon ke beech…aisa bilkul nahi tha ki unko ek doosre se koi problem thi balki ek naya najriya mil gaya tha ek doosre ko dekhne ka… shaitaan Aadi ke andar itna dard chhipa hua tha… aur Ishan ko pahle pyaar ki pahli bebsi sata rahi thi…jabki Anu Maya ki berukhi aur bewfayi ke wajah ko talaashne ki koshish me thi…



Roli ke awaaj dene par Aadi aur Anu khana khane ke liye andar chale gaye… Karan pahle se baitha hua tha…Anu ne jab apne bhaiya ko nahi delha to boli…



Anushka-- bhaiya aur chiya Khana nahi khayenge kya bhabhi…


Roli-- nahi yaar… tum log khao naa… wo thake jyada the to so gaye…chiya bhi unhi ke sath thi…koi naa mai hoon naa…


Anushka-- hnmm… sone hi dijiye… waise bhi uthenge to phir kaam me hi doob jayenge…

Anu ne udaas ma nn se kaha to Roli ne turant baat badal dali…


Roli-- waise aaj 30 Dec hai aur tum logon ka koi naya tamasha nahi hua ? are shaitaan chaukdi bhool gayi kya ki new year tum logon ke ho halla ke bina nahi aayegaa…


Aditya-- Tamasha hua hai naa …wo bhi possitive waala… aap yakeen nahi karogi…


Aadi ne Selection aur DDM ke creation baare me sari baat batayi…


Roli-- wow great yaar … wakai me tum logon ka group to best hai hi… mai bhi dhekne aaungi tum logon ka show…

Roli chahkte huye boli kyu ki usko bhi music ka achha khasa shauk tha…



Aditya-- bilkul bhabhi most welcome… par kya Anu ke liye bhaiya raji honge… i mean kya aap help karogi iss baar please unhe manane me… kyu ki uncle bhi bahar gaye huye hain…



Roli-- mushkil hai… par Anu tum peechhe mat hatna … mai hoon naa…aur pareshan mat ho tab ka tab dekha jayega…

Roli ne green signal de diya…


Anushka-- ohh bhabhi how sweet of you…muaaahhhh…


Roli-- are waah … chal ek aur surprise deti hoon…( door ki taraf dekhte huye) Ishan aa jao bhai kab tak bahar khade rahoge…

Roli ne awaaj dete huye Ishan ko andar bulaya to Anu ne chaunk kar kaha…


Anushka-- Kya bhabhi aap bhi…ye surprise thode hi hai…ye to shock hai … mujhe to laga ki aap aaj mujhe ek aur good news dogi…

Anu ne aankhon ko ghumakar ek teer se do shikaar karte huye kaha…


Roli-- kya hua tum dono ki phir se ladayi huyi hai naa… isi liye bulaya maine Ishan ko … bechara akela khada tum dono ko dekh raha tha…jaane kab kamm hongi Anu teri sharartein…

abhi Roli ne Anu ko daantna shuru ki kiya tha ki Ishan ne tonk diya…


Ishan-- nahi bhabhi koi ladaayi nahi huyi hai hamaari… mai to bas aise hi dekh raha tha apne doston ko…

Itna kah kar Ishan ne bade lagaaw se Anu ki taraf dekha par Anu to aise dekh rahi thi jaise Ishan koi awaanchhniya tatwa hai jiski baaton ko Anu jhel hi nahi paa rahi ho…aur mauka milte hi khoon pi jayegi…

Nice Updates

(03-03-2018, 04:37 PM)dpmangla : Nice Updates

Thanks bro

Update--17
_______________



Itna kah kar Ishan ne bade lagaaw se Anu ki taraf dekha par Anu to aise dekh rahi thi jaise Ishan koi awaanchhniya tatwa hai jiski baaton ko Anu jhel hi nahi paa rahi ho…aur mauka milte hi khoon pi jayegi…



___________________




Ishan ke aane ke baad Anu ki bolti hi band ho gayi thi… wo bas apni naak bhaun sikod kar Ishan ko kha jane wali najron se dekh rahi thi…isi bahane sabhi ne shanti se khana khaya… khana khane ke baad Aadi bola…


Aditya-- Ishan iss baar ham 31dec kahan celebrete karenge ? Kyu Anu batao ?

Aadi ne poonchha hi tha ki Ishan aur Anu ek doosre ki taraf aise dekhne lage jaise Aadi ne majjaq kiya ho …bechara Aadi apna dukh dard bhool kar Ishan aur Anu ka beech bachaaw karne laga…



Wahi city ke doosre hisse me Thand ki thithurti shaam me …jahan har taraf ka najara kuchh doodhiya kuchh barfeela sa ho raha tha … hawaaon me thand ki khushboo ko saaf mahsoos kiya ja sakta tha …aise me sunsan lambhi sadak aur ghane pedon ka jamghat ka najara behad darawna lag raha tha … ye city ka outer lag raha tha…
kuhre ne shaam ko apne aagosh me bhar liya tha aur sarsaraati hawaayein jism me sihran paida kar de rhi thi…



Chaudi si sadak me door se aati car achanak hi sadak ke kinare ki ore mud gayi… gupp andhere me jahan naa koi rasta tha naa hi aage jane ki gunjaaish…car aisi hi jagah par ruk gayi… car ke andar driving seat par ek godd looking sa ladka baitha tha jo bagal ki seat bar baithi ladki ko bas ghoore jaa raha tha…



Ladki samne dekh rahi thi… dikhne me behad khoobsurat aur modern thi… uske chehre par jo bhaaw the wo aasani se dikha de rahe the ki wo bade baap ki bigdi huyi aulaad hai jo roop garvita bhi hai…Ladka kafi der tak yun hi ghoorta raha ladki ko aur achanak usne ladki ka haanth pakda aur apni ore kheench liya… ladki iske liye taiyaar nahi thi to hadbada kar jhatka tej hone hi vajah se ladke godd me ja baithi… aur karaah kar boli…



Ladki-- ye kya tarika hua Romi… koi aise karta hai kya… see mujhe chot lag gayi…

Ladki ki meethi awaaj me ghamnd aur attitude koot koot kar bhara hua tha…



Romi-- Jenni jaruri to nahi hai ki jaisa sabhi karein vaisa mai bhi karoon…so please …

Romi ki awaaj kafi suljhi huyi thi…


Jenni -- aah tumko samjhane se behtar hai ki…

jenni itna hi bol kar chup ho gayi…


Romi--chup kyu ho gayi… bolo na kya behtar hai…


Itna sunna ki Ek jhatke se Jenni khisak kar uthi aur car se bahar aakar khadi ho gayi… use aise bahar khada dekh Romi bhi baahar aaya… aur teji se Jenni ke paas pahuncha… jaane kya ho gaya tha dono ko… agle hi pal Jenni Romi ki baahon me jhool rahi thi aur Romi paglon jaise uske shareer ko choom raha tha jaise ki uske badan me khuchh khoj raha ho…

Honthon se honth takraate hi jismo ka sara chhatptana ruk gaya aur uss khamosh manjar me inn done ke smooch ki awaaj ko door se hi suna jaa sakta tha… naa koi dar naa hi koi laaj… Jenni ko khud me samete Romi uske honthon ki narmahat ko choosta jaa raha tha… jab saans ukhdne lagi tab kahi jaakar dono alag huye…sard mausam me dono ka chehra paseene se tarr ho gaye…



Jenni bahut bade ghar se talluk rakhti thi aur Romi aur Jenni ke papa achhe dost hone ke sath sath partner bhi the… Romi aur Jenni ne aaj hi apne rishte ko naya mod diya… ye kissJenni ki taraf se gift tha Romi ko kyu ki Romi ka band " The Stars " aaj final list me aa chuka tha…


Romi sirf dikhne me hi hero nahi balki bahut achha guitar player tha sath hi singer bhi … wo alag baat hai ki Jenni ko music thoda bhi pasand nahi tha… isi liye thodi der pahle ladd rahi thi…lekin use Romi pasand tha aur Romi ki jaan music thi…


Jangal me mangal karne ke bad ( thoda sa ) Thodi hi der me Romi aur Jenni ek alishan ghar ke andar the… ye Romi ka ghar tha jahan The stars ki chhoti si meeting rakhi gayi thi… total 5 members the…( jinke baare me Wakt aane par pata padega )…Romi ne sabhi ko congrats kiya…



Romi-- friends sabse pahle to ek baar phir sabhi ko congrats… iss baar Engineers karenge rock…khair The stars se DDM ka tagda mukabla hai baaki ke to yun hi hain bhoonkne wale…unse koi dikkat nahi hai…




maine DDM walas ka status lene apne do bando ko bheja tha medical clg… unhone jo baatein batayi uss hissab se to wo bache hain ham logo ke samne … aur unki singer ka to gharwalon se bhi koi issue fas raha hai… matlab ye ki sab baal leela hai…to thodi si mehnat aur jeet hamari pakki…


Romi ne apne doston ko DDM ki jasoosi wali baat batayi tabhi Jenni ne cell par DDM walon ki kuchh photos dikhai jisme se ek photo dekh kar Romi bilkul chup sa ho gaya … jaise koi jhatka laga ho…

Nice Post

(03-03-2018, 06:55 PM)dpmangla : Nice Post

Thank you so much mere bhai

Update--18
_______________



Romi ne apne doston ko DDM ki jasoosi wali baat batayi tabhi Jenni ne cell par DDM walon ki kuchh photos dikhai jisme se ek photo dekh kar Romi bilkul chup sa ho gaya … jaise koi jhatka laga ho…



___________




Romi ke chehre ke teji se badlte rang ko Jenni ne bhamp liya aur pareshan hokar boli…


Jenni-- what happend Romi… koi khas baat hai ya iss photo me…kya sochne lage tum…

Par Romi ko kahan sunai padi Jenni ki baatein… Uske mathe par paseena aa gaya tha…wo turant utha aur doston aur jenni ko pareshan chhod sabhi ko bye bol apne room me chala gaya… sab ke sab pareshan ki aakhir achanak baat kya ho gayi hai… kya dekh liya uss photo me Romi ne…



Agli subah Ishan aur Aadi roj ki apeksha thodi der se jab clg ke liye Anu ko lene pahunche to Anu gusse me tamtamaai baahar hi baithi thi…lag to badi cute rahi thi par sirf dekhne me … inn dono ko dekhte hi poori takat se gusse me cheekh padi…


Anushka-- ho gayi subah Jay and Veeru ki… agar koi aur saaj shringaar bacha ho to wo bhi kar lo… ladkiyon ki line lagi hai wahan tum dono ke deedar ke liye… yaar tum logon ka roj roj late karna jaruri hai kya…Anatomy ki class aaj bhi mis ho jayegi…



Aditya-- par yaar Dr Rajesh ne to bola tha ki ham logon ko show practice ke karan ek mahine ki chhoot hai class se…

Ishan to chup hi raha par Aadi ne diya Anu ki baat ka jawaab…


Anushka-- to bhaiya se same yahi baat bol doon jakar…wo poochh rahe the ki nahi jana kya aaj clg…

Anushka ne awaaj dheere kar di par gussa jyon ka tyon tha…Anu ka ishara samjh gaya Aadi…


Aditya-- ooh so sorry Anu yaar.… bhaiya ko to mai bhool hi gaya tha … …aage se aisa nahi hoga please abhi nikalte hain idhar se…


Anu ne car me baithte hue ek jhalak khamosh Ishan par dali… par boli kuchh nahi…Ishan bhi chup chap Anu ko hi dekh raha tha… aaj naa hi roj wali sharartein thi dono ke beech naa hi koi leg pulling… bas ek khamoshi pasari huyi thi dono ke darmiyaan…Anu ke peechhe baithte hi Ishan ne mirror uske face par set kar liya…par Anu isse anjaan thi… clg ke raste sabhi khamosh the …Aadi ne khamoshi todte huye kaha…




Aditya-- party ka socha kuchh tum dono ne…kahan karni hai… kaise karni hai…


Anushka-- akele thodi sochna hai… clg chalo… Kiru aur baki ke sare wait kar rahe honge… wahi par discuss karenge…

Anu ka jawaab sateek tha…



Aditya-- Ishan tu kyu chup hai bhai… ye ho kya gaya hai tum dono ko… mujhe aise kyu lag raha hai ki tum dono aapas me baat nahi kar rahe ho…mai pagal ho jaunga akele baat karte huye …

Aadi ne gurrate huye kaha…


Ishan-- kyu uchhal raha hai be… kuchh naa hua hai…Thodi der chup baith…

Ishan ke baad Anu ne bhi Aadi ko suna diya…


Anushka-- pagal mat ho ghamandi Aadi … chill maar…


Aditya-- chill ki bachi chudail ek tu chill marti hai aur ek teri chiya…Kyu itna chup hai… hmm… baat kya hai bol…

abhi Adi ki baat jari hi thi ki Ishan ke cell par Kirru ka msg aaya…Ishan ne bataya ki kirru ne song bheja hai practice ke liye… uske baad gunguna kar usne song sunaya aur sath hi tirchhi najron se Anu ko bhi dekhta jaa raha tha…


Ikk kudi jida naam mohabbat
Ghum hai…ghum hai…ghum hai…

Ho…saad muradi, sohni phabbat
Ghum hai…ghum hai…ghum hai…

Ho…surat osdi pariyaan wargi
Sirat di oh, mariyam lagdi
Hasdi hai taan, phul jhadd de ne
Turdi hai taan, gazal hai lagdi

Lamm se lammi saru de kadd di..haye
Umra aje hai, marke agg di
Par naina di, gal samajh di

Ikk kudi jida naam mohabbat
Ghum hai…ghum hai…ghum hai…

Ho…saad muradi, sohni phabbat
Ghum hai…ghum hai…ghum hai…


Aadi aur Anu bade pyaar se Ishan ka song sun rahe the… pata hi nahi chala ki kab rasta kat gaya aur medical clg ke gate se enter kar gaye… par jaise hi ye log parking par pahunche usi wakt takreeban 5 bikes ek sath aakar khadi ho gayi… shayad koi bikers ka gang tha…Ishan aur Aadi chaunk kar unn logon ko ghoor rahe the aur wo log bhi helmet ki ote se dekh rahe the…