Romantic Dil, Dosti & Masti.......

[Play Boy of Rajasthan]

aaj se ek saal pahle…
_______________________


Date -31 Dec ( party at medical clg )
Time --10 :30 pm


Mauka tha naye saal ke swaagat Ke jashn ka…haal Sunahre sapno ko aankhon me sajaye baawre , bhawi Dr se bhara pada tha jinhone jawaani ki dahleez par kadam rakha tha aur masti karne ki azadi mil gayi thi… inn logon ne jee todd mehnat ki thi yahan tak aane ke liye …abb selection ke baad sare pagalon ki tarah jashn ke rang me sarabor the…



Ishan,Kiran,Vikky,Aadi aur Anu ye paancho bhi beete saal ko bye bye karne aur naye saal ko welcome karne ki party me ghar se aaj hostel me hi rukne ki permission lekar aaye the…irada sari raat masti karne ka tha…


Vikky sabse khurafati tha… wo Aadi ko kone me le gaya aur usse bola…


Vikky--Aadi chal thoda thoda sa lal pari piya jaaye…


Aditya--pagal hai kya… kisi ko pata chal gaya to…aur maine kabhi pi nahi hai pahle…

Aadi bindak utha Vikky ki baat sun kar…



Vikky--sab kuchh pahle pahli baar hi kiya jata hai …waise darpok ye bata ki pata kaise chalega bol jara…

Vikky ne Aadi ko daant lagaayi…


Aditya--Ishan kabhi bhi taiyar nahi hoga drink karne ke liye aur uss moti chudail ko pata pada to sab ko bol degi…phir baapu dhulaayi kar denge…

Aadi bechare ne safai di…



Vikky-- so simple yaar … ek - ek dhakkan unn dono piddiyon ko bhi pila dete hain…kaisa hai mera idea…



Aditya-- " Radical idia " hai mere bhai… Aakhir laate kahan se ho aise ghatiya idea… kahan hain tere pair…

Aadi ne gussa dikhaya…


Vikky-- jutte me hain … utarun kya?

Vikky ne daant fadte huye reply kiya…


Aditya-- thand rakh saale… waise ye laal pari hoti kya hai ?aur laya kahan se…


Vikky-- laal pari bole to red wine… mild hoti hai yaa … badi mahngi bhi hoti hai …do bottle ka jugaad kiya hai…lets try yaar… aur Ishan ko bina bataye de dete hain naa ek can red bull ka khali to kar… aur dekh mera magic…

Vikky chal pada ek khatarnaak idea ko anjaam dene…



Aditya-- bhai chal chakh hi lete hain…bas fasana nahi…


Vikky aur Aadi ne pahle andar room me jakar ek bottle mast drink kiya uske baad dusri bottle se red bull ke can me palat liya aur bacha hua cold drink ki bottle me bhar kar Aadi ki bag me rakh diya… red bull ke can Ishan ne bhi khali kar diya …



jab teeno bachi huyi wine pine room me aaye to wo hua jo logically nahi hona chahiye tha… room me Kirru badi tanmayta se aalmaari ke upar baith kar yoga kar rahi thi aur Anushka cold drink ki khali Bottle se spoon me last drops nikal kar peene ki koshish kar rahi thi… Aadi ki to cheekh nikal gayi… Anu ne jab upar ki taraf dekha to uski aankh dekh kar Vikky ne sir pert liya …



Surkh laal aankhein aur haath me exra wali wine se bhari cold drink ki bottle jo abb poori tarah khali thi…aur ek chammach jo Anu ne bade pyaar se pakda hua tha …jab nasha chadha to hamesha bhai ke darr se kone me dubki rahne wali Anu ka alag hi rang samne aa gaya…bindas girl ban chuki thi woh…Kirru ko ghaseet ti Anu jaa pahunchi dance karne…



Bas aaj ki raat hai
Kal se wohi siyaape hain
Jee bhar ke naach lo
Na ghar waale na maape hain
Arey abhi toh party shuru hui hai..

Sab pe apna raaz hai
Darne ki kya baat hai
Yeh toh bas shuruaat hai
Yeh toh bas shuruaat hai
Arey abhi toh party shuru hui hai..

Masti hai mahaul mein
Chaayi ek khumaari hai
Saare thak ke baith gaye, par
Apni party jaari hai …
Arey abhi toh party shuru hui hai..





dance floor par jalwa kayam karne ke baad Anu aur Ishan be bhidant ho gayi… Kirru Anu ki side thi jabki Aadi aur Vikky Ishan ki side the…aur matter tha …

" why should boys have all the fun "

[Play Boy of Rajasthan]

Update--22
______________




dance floor par jalwa kayam karne ke baad Anu aur Ishan me bhidant ho gayi… Kirru Anu ki side thi jabki Aadi aur Vikky Ishan ki side the…aur matter tha …

" why should boys have all the fun "




_______________



Nasha hote hi Anu ka aatm vishwaas over ho gaya tha aur usme gajjab ka tewar aa gaya tha…wo Kirru ke kandhon ko jhinjhod kar cheekh kar boli …


Anushka-- bolo naa Kirru… Why should boys have all the fun…hum kyu nii…

Anu ne baar baar Kirru se ladkhadati awaaj me poonchha to Kirru apna sir khujaate huye boli…



Kiran-- hainnn aei to mainu bhi nahi pata… ekk kaam kar Aadi ko poonchhein kya… wo boy hai usko pata hoga…

Kiran aur Anushka ne jabb Aadi se poonchha to Aadi ka jawaab bhi waisa hi tha…


Aditya-- mujhe kya pata… tu bhi kar ke dekh le naa… tujhe kisne roka hai ?

Aadi ne bhi jhoomte huye reply kiya…par Anu ko jawaab pasand naa aya…



Anushka-- tum gande ho… ek bhi kaam dhang se nahi karte… Kuchh bhi pata nahi hota tumko… mai tumhare papa ko bol doongi … tumko wo peet denge… le tili lili…

Anu ne angutha dikhate huye jeebh chidhayi to Aadi ko bhi gussa aa gaya…



Aditya-- mai tumko jaan se maar doonga moti chudail …abb tujhe mujhse koi nahi bacha sakta…

Aadi Anu ko dhakka dene ke liye aage badha hi tha ki galti se uska pair fisal gaya aur uska haath Anu ke pet me lag gaya…Anu ki jordaar cheekh nikal gayi… Aadi ka to nasha hi aadha ho gaya… Anu ne apna pet pakad liya aur dard se karaah uthi…


nasha sabhi ko jordaar chadha hua tha par Anu ki ye halat sabhi ko pareshan karne lagi…Ishan ne ladkhadati awaaj me poonchha…


Ishan-- Tujhe kya hua Anu… chot lagi kya…dard ho raha kya…


Anushka-- nahi to ( rote huye )…


Ishan--To ro kyu rahi hai meri amma…


Anushka-- kyu ki mujhe bhookh lagi hai…jor se bhookh lagi hai… mujhe new wala aur bada wala silk khana hai…

Anu foot foot kar rone lagi…Ishan ne apni bag me silk nikalne ke liye haath dala hi tha ki Vikky bola…



Vikky-- Ishan use meetha bilkul mat dena bhai…

Par Vikky ki baat sunn Aadi chhekh pada…



Aditya-- Khabar daar se Vikky jo moti ko kuchh bhi khane se roka roka…mujhse bura koi nahi hoga…

itna kah kar Aadi ne Ishan se silk le kar Anu ko de di …sabke sir chadh kar Nasha bol raha tha…Udhar Kirru aur Ishan ne Bike race ki shart laga li .… jo jeeta wo best…



Anu shart ko bade dhyan se sun rahi thi…nashe ki wajah se wo Silk kha kam rahi thi gir jyada jaa raha tha… Anu Ke haanthon aur face par chocolate hi chocolate lag gayi thi… shart ke baare me sunte hi Anushka ne Ishan ki gaadi ki chabhi aur helmet maanga…Race Vikky aur Anu ke beech thi…baaki ke teeno ( Kirru , Aditya , Ishan ) Kirru ki gadi se Peechhe aane wale the…


Nasha sabhi ko kaafi tha par Anu ko kaafi jyada tha… Anu ne helmet pahna aur Aage ke khatre se anjaan bike badha di jabki Vikky ki bike hi start naa huyi… aur Kirru cheekh kar boli " race kahan tak ki hai"…


Vikky bike start naa hota dekh Kirru ki gaadi me baith gaya aur Kirru se Anu ki bike ka peechha karne ko Kaha… Kirru ko samjh hi nahi aa raha tha ki kis taraf jaaye… Jabki doosri taraf Anu ne Bike city ke bahar ki taraf dauda di…


Railway crossing tak hi pahunchi thi Anu ki bike tabhi kahi se ek ladki ke cheekhne ki jordaar awaaj aayi aur Anu chaunk kar charon taraf dekhne lagi…use awaaj ki disha ka koi andaja nahi ho paa raha tha ki tabhi Anu kuchh dekh kar buri tarah hadbda gayi…

[Play Boy of Rajasthan]

Update--23
______________


Anu chaunk kar charon taraf dekhne lagi…use awaaj ki disha ka koi andaja nahi ho paa raha tha ki tabhi Anu kuchh dekh kar buri tarah hadbda gayi…




____________





Anu ko road ke kinare sthit jhadiyon ki ote se jangal taraf koi halchal halchal si dikhi …Anu ko kuchh bhi samjh me nahi aa raha tha…Nashe ki wajah se waise bhi bhi dimag aur haath pair sunn pade jaa rahe the…Nasha to tagda tha par itna jarur samjh aa gaya tha ki cheekhne wali kisi musibat me hai…




Anu ne charo taraf najar ghumayi to ikka dukka logon ke alaawa kuchh naa tha charo taraf… lajimi hai sab happy new year ki party me busy honge…waise bhi thand ki raston me kaun sadak par ghoomta hai…



Anu ne ladkhdate kadmo se bike ko jhadiyon ke paas khadi karne ki koshish ki par bike gir gayi…Anu bina bike dhyan diye jhadiyon se hoti huyi jangal ki taraf chal di… darr ki wajah se maathe par paseene ki boonde chamak uthi thi… kyu ki usne ye bhi suna tha ki jangal me kale bhoot rahte hain par jane kyu wo khud ko rok nahi paa rahi thi…helmet usne nahi utara tha…



Udhar Kirru nashe me dhutt hone ki wajah se car ko nahi chala paa rahi thi…Anu se thoda jyada hi pi thi Kirru ne…Vikky ne Kirru ko peechhe baithne ka bol diya aur khud driving seat samhali… anhoni ke darr se Aadi ka to sara nasha hi utar gaya tha…Anu ko kuchh ho na jaye iss dar se uska khoon hi sookh chala tha jabki Ishan nashe me tunn chupchap sadak dekh raha tha…



Charon taraf police ki gadiyan petroling kar rahi thi… Vikky baar baar Aadi se bol raha tha ki kahi police ke dwara nashe ki jaanch naa shuru ho jaye…Kirru nashe me baar baar request kar rahi thi ki Anu ko khojne jangal side chalo… tabhi Ishan ne bola ki meri bike me gps laga hai aur apne cell se trace karne laga…Kirru ka andaja sahi tha… Bike ki last location railway crossing ke paas ka jungle tha…



Anu jab kafi andar pahunchi to usne dekha ki ek ladke ne ek ladki ko dabocha hua hai…ladke ne kaale kapde pahne huye the… Ladki ke haath bike me bandhe huye the aur muh me kapda thoosa hua tha… ladke ke irade theek nahi lag rahe the wo lagatar ladki ko molest kar raha tha…awaaj se saaf pata chal raha tha ki wo nashe me hai…



Anu ko jyada kuchh samajh me nahi aa raha tha ki kaise bachaye uss ladki ko… Anu ne apne jeb se cell phone nikala par network nahi tha… par Anu ne jaldi se pic click kar li ladke ki aur Police HQ emergency no dial kar diya…jisse location trace ho jaaye aur HELP msg chala jaye…



Anushka ladkhadate kadmo se ladke ki ore badh chali… atyadhik tanaaw ki wajah se nasha kuchh kam ho gaya tha…Anu ne helmet nahi utara tha…uss ladki ne Anu ko apni ore aata dekh liya tha…uss ladki ke chehre par aur bhi jyada darr dikhne laga tha …




Anu ne chaaron taraf dekha par jabb hathiyaar jaisa kuchh naa dikha to ladke ke ghutne ke peechhe taraf joint par ek jordaar kick jadd di… ladka ladkhada kar gir gaya.… Anu ne aaw dekha naa taaw uske biological point par tabad todd waar kar diye par wo ladka koi kacha khiladi nahi tha…uss ne palak jhapake hi Anu ko utha kar jameen par patak diya…Anu dard se karaah uthi… helmet Aadi ka tha jis ki wajah se dheela tha to Anu se door jaa gira…



Apne samne ek ladki ko giri huyi dekh kar wo ladka joron se hasne laga…wo paglon ki tarah taali baja kar khush ho raha tha… usne aage badh kar Anu ko daboch liya… Anu ne bachne ki bahut koshish ki par uss ladke ne Anu ko jordaar do thappad laga diya usne jisse Anu jameen par wapas jaa giri… hooth bhi chotil ho gaye jisse hoothon se khoon nikalne laga …



Wo ladka Anu ke upar gande irade se jhuka to Anu peechhe hatne lagi… usne thahaka lagaya aur bola abb mai pahle tera happy New Year karunga…wo wapas Anu ki ore lapka … peechhe hote hote Anu ke haath me achank helmet aa gaya…aur Anu ne poori taakat se helmet ka ek jordaar waar kar diya uss ladke ke sir par… wo pal bhar me hi Jameen par dher ho gaya aur khoon ki tej dhaar uske chehre ko bhigati chali gayi…

[dpmangla]

Nice Update

[Play Boy of Rajasthan]

Nice Update

Thanks bhai

[Play Boy of Rajasthan]

Update--24
______________




Wo ladka Anu ke upar gande irade se jhuka to Anu peechhe hatne lagi… usne thahaka lagaya aur bola abb mai pahle tera happy New Year karunga…wo wapas Anu ki ore lapka … peechhe hote hote Anu ke haath me achank helmet aa gaya…aur Anu ne poori taakat se helmet ka ek jordaar waar kar diya uss ladke ke sir par… wo pal bhar me hi Jameen par dher ho gaya aur khoon ki tej dhaar uske chehre ko bhigati chali gayi…




_____________





uss ladke ke behosh hote hi Anu ne fauran uthh kar ladki ka haanth bike se khola … uss ladki ke kapde kayi jagah se fat gaye the… Anu ne usse abhi kuchh bhi poonchhna munasib nahi samjha aur Anu khud bhi dari aur ghabraayi huyi thi …





Anu ne apni jacket utari aur uss ladki ke jism ko dhank diya… jate jate usne helmet uthaya aur apni bike ki taraf uss ladki ke sath chal di…Anu ka nasha kahi aur hi duniya me jaa chuka tha aur sharir thappad aur fenke jane ke dard se dohra hua jaa raha tha…iss Molest hone ya sexual assaultion ke dar ko Anu ne hamesha news paper aur Tv par dekha tha jabki aaj khud samne dekh kar aur khuchh hadd tak jhel kar bahut buri tarah darr gayi thi…ye ek behad khaufnaak anubhaw tha uske liye…



Udhar GPS ki help se Vikky aur sare dost crossing tak pahunch gaye the… wo bechare jhadiyon me hi Anu ko khoj rahe the kyu ki bike wahi giri padi thi… Kirru ka to ro ro kar bura haal ho gaya tha… use poora yakeen tha ki Anu ko kuchh ho gaya hai … jabki Aadi betahasha idhar udhar bhaag raha tha…



Waise to ye ilaaka ek dam hi sunsaan rahta tha par iss wakt kuchh aate jaate car waale log tamasha dekhne ki garaj se jama ho gaye the aur mauke ka jayja le rahe the…Anu jab sadak ki taraf pahunchi to itni bheed dekh usko apne chehre par lagi chot yaad aa gayi… usne jhatt se helmet pahan liya aur doosri ladki ne jacket ki hoody chadha li…itna kafi tha dono ka chehra chhipane ke liye…



Anu ne Kirru aur car ko dekh liya tha to uss ladki ko lekar teji se Car ki ore badhi … Car me pahunchte hi Anu kirru se lipat kar rone lagi aur Vikky ko jald wahan se nikalne ko boli…Anu ka helmet utarte hi uske chehre ke ghaw dekh sare doston ki hawai udd gayi… jaise hi inn logon ki car wahan se nikli usi wakt 4 -5 Bikes aa kar khadi huyi…unki bechaini se saaf jahir tha ki wo log bhi kisi ko khoj rahe the…



Aadi ne Anu ki giri huyi bike uthayi aur Start kar car ke peechhe chal diya… ek pal ke liye ye sab aamne samne aaye par agle hi pal kirru ki car wahan se hawa ho gayi… Vikky ne car outer me hi ek restro ke samne roki jahan jyada bheed bhaad nahi thi…to Kiran ne poonchha…



Kiran-- Vikky yahan kyu rok di car ?

Kiran ko achambha hua Vikky ki harkat par kyu ki uss wakt bas yahan se door jana chahti thi Anu ko lekar…



Vikky-- inn dono ka huliya theek karwaao wash room le jakar… ghar nahi le jaa sakte aise Anu ko warna Aayush sir aag laga denge …

Vikky ki awaaj me chinta thi…


Anushka -- haan Kirru … bhaiya ko pata naa chale kuchh bhi… bachaale please…jaan se maar denge wo…

Anu ka to rona hi nahi ruk raha tha…


par restro ke samne utarte hi Kirru ko uss ladki ne apna naam Ritu bataya … aur wahi se aanan fanan me taxi lekar chali gayi… Anu ko usne apna no diya .…koi jyada baat karne ki haalat me wo nahi thi…

[Play Boy of Rajasthan]

Anu ne chehra chhipane ke liye wapas Helmet pahan liya aur jald baji me restro ke andar jaa hi rahi thi ki afra tafri me achank ek ladke se buri tarike se takra gayi…wo ladka bhi hadbadaya sa andar se baahar aa raha tha…agar wo ladka naa samhalta to Anu buri tarah gir jaati… Wo ladka tha Romi aur wo cell par baukhlaya sa kisi se baat kar raha tha …Romi ne Anu ko majbooti se khud se chipka liya jo ki sirf ittefaaq tha… par abb jane kyu helmet ke andar uska chehra dekhne ki koshish karne laga… shayad andaja ho gaya tha ki ye ek ladki hai…



Anu Romi se alag hona chahti thi par Romi muhh fade bas helmet me kaid aankhon ko dekh kar poora chehra dekhne ke liye Anu ke helmet ko utarne laga par jaise hi usne helmet chhua Aadi ke majboot haanth uski kalaai par kaste chale gaye…Aadi ne Anu ka haath pakda aur restro me lekar chala gaya … iss poori gatiwidhi ke dauraan Aadi ki najar Romi aur Romi ki najar Aadi par thi…


________________


At Madical clg canteen --



Kiran ne Anu ke kandhon ko hilaaya to Anu apne darawne ateet ke gahre soch se vartmaan me laut aayi… chehre par darr aur gahri Nirasha ke bhaaw the… Anu ne Kirru se wapas wahi sawaal kiya…



Anushka-- wo jinda to hoga naa Kirru… bol naa kahi maine kisi ki jaan to nahi le li… kya bhaiya se bata doon jo bhi hua…

Anu ki baat ka jawaab Kirru se pahle Ishan ne de diya…


Ishan-- Anu pahle ek baar pata lagane do ki aakhir wo kaun tha aur uska hua kya… Ritu ko ho sakta hai pata ho ki wo kaun tha…ok.… waise bhi paper me to uss dauran kuchh bhi nahi aaya tha yaad hai naa to sambhawtah wo jinda ho aur apna kalank khud hi chhipa raha ho… samjhi naa…



Anushka-- hmm…

Abhi Ishan aur Anu baat hi kar rahe ki Anu samne Romi ko dekh buri tarah chaunk jaati hai… use yaad nahi aa raha tha ki ise kahan dekha hai … dimaag par jor dene par jo yaad aaya usse Anu ke hosh ek baar phir udd gaye…

[dpmangla]

Nice Update

[Play Boy of Rajasthan]

Nice Update

Thanks

[Play Boy of Rajasthan]

Update--25
______________



Abhi Ishan aur Anu baat hi kar rahe ki Anu samne Romi ko dekh buri tarah chaunk jaati hai… use yaad nahi aa raha tha ki ise kahan dekha hai … dimaag par jor dene par jo yaad aaya usse Anu ke hosh ek baar phir udd gaye…



________________




Anu ne Ishan ki peeth ke peechhe chipte huye darte darte haule se Ishan se kaha ki …

Anushka--" ye to wahi ladka hai jo mujhe restro ke bahar mila tha aur mujhe ghoor ghoor kar dekh raha tha…"

Anu ki awaaj se uski ghabrahat saaf pata chal rahi thi…



Ishan-- are you sure…

Ishan ne Romi ko ghoorte huye kaha…



Anushka-- hmm…100% sure yaar…


Ishan-- to isme itna darne ki kya baat hai… Ghabaraa kyu rahi hai itna…

Ishan ko sach me kuchh samjh nahi aa raha tha…



Anushka-- abhi baahar bhi yahi aaya tha car ke paas Aadi ko ghoorne…

Anu ne poore vishwaas ke sath kaha…




Ishan-- par tum itna yakeen ke saath kaise kah sakti ho… uss ladke ne to helmet pahan rakha tha naa…mujhe to samjh nahi aaya chera…

Ishan ka sawaal jaayaj tha…



Anushka-- Ishan… Ishan… Please understand my condition yaar …mai unn aankhon ko nahi bhool sakti … Kabhi nahi bhool sakti… unn aankhon ko kya uss samay ki koi baat mere dimaag se nahi nikal rahi hai…

Anu ki awaaj se pata chal raha tha ki wo abb kheej rahi hai…



Ishan-- ok baba … Gussa mat ye ho… ye wahi hai bas … par isse ye to sabit nahi hua naa ki ye uss raat waale gunde ka sathi hai…

Ishan ne bahut sahi point Anushka ke samne rakh diya…



Anushka-- nahi…par restro me wo mujhe aise ghoor kyu raha tha… aur chhod bhi nahi raha tha … aur to aur helmet bhi nikalna chahta tha mera…

Anu ne sare shaq udel diye Ishan ke samne…



Ishan-- Anushka Singh tum ek behadd khobsurat ladki ho … aur har doosra ladka tumko ghoorta hai…to iska matlab ye to bilkul nahi hai naa ki iska relation usi raat wali ghtna se hai…ya wo kisi so called gang ka gurga ( gunda ) hai…

Anushka soch me padd gayi…Ishan ke itna sir maarne ka natija ye nikla ki Anu ne apne aansu ponchh liye…aur chehre ki ghabrahat bhi kuchh hadd tak kam ho gayi thi…


Udhar Romi ek aur Uska dost jise wo Vishu kah kar bula raha tha ke sath canteen ke counter par pahunch gaya…yahi nahi counter boy se Dr Rajesh ke bare me poonchhne laga…Ishan aur Anu kaan lagaye Romi ki baatein sun rahe the…tabhi Vishu bola…


Vishu-- waise ye DDM ke bache kahan milenge…

Vishu ka lahja behadd majjak udane wala tha…


C.boy-- sir wo log abhi to yahi par the shayad chale gaye hain…



Romi-- achha dude ek baat to bata… uss bhoori aankhon wale ladke ka naam kya hai …

Romi kafi utsuk tha janne ke liye…


c.boy -- wo to Aadi sir hain…


Vishu-- jo bhi ho… iss wakt kahan milenge aapke Aadi sir…

Vishu aur Romi dono ne thahaka lagate huye poonchha…

c.boy ne sir khujaate huye kaha ki abhi to yahi the… wo dekhiye unke dost abhi bhi baithe huye hain shayad …


Anushka ne apni aur Ishan ki ore ishara hote huye dekha to jhat se apna bag utha kar baahar ki ore chal padi…Ishan bhi Anushka ko bulata hua uske peechhe ho liya jabki Romi ko Anushka ki ek halki si jhalak hi mil payi…


Anushka lagbhag bhagte huye Ishan ki gadi tak pahunchi…wo buri tarah apna pet pakad kar haaf rahi thi… chehra aur aankhein surkh laal ho gaye the…behad buri haalat me thi to…



Ishan-- Anu ho kya gaya hai tujhe… pagal ho gayi hai kya… wo DDM aur Aadi ke baare me poonchh raha tha… tere baare me nahi… may be Aadi se koi tashann ho… ham log dekh lenge use…