Abb to ye roj ka kissa ho gaya… hello kissi aur bye kissi… Maya study karti aur mai usme dooba rahta tha… Doston meri padhai ki to lag gayi thi … after kiss n all Maya ne mujhe dosto se thoda door to kar hi diya tha …par mere dost bhi kam sanki nahi the… pahle to mera padhne me mann naa lagne ki wajah poonchhi par mai to Mayamay ho gaya tha… sabb chhipa le gaya… par dost mere subah ke do ghante mere ghar par hi jane kya kya mujhe gutti pilate rahte… par mujhe abb Maya ka sath achha lagne laga tha … uske aage baki sab baki sab feeka…




par jaane kaun sa suroor sawaar tha exam ke 15 din pahle maya par.… mujhe jaldi bulaya usne… jab mai uske kamre me pahuncha to pata chala ki uska b'day tha… mai usse gussa bhi hua ki agar wo batati to mai koi party karta but usne bola ki mai uske sath hoon yahi uski party hai… hamne khoob dhammal kiya… par tabhi baahar gaadi aakar khadi ho gayi… Maya ka to chehra safedd pagg gaya… aur meri to fa** hi gayi thi …ye koi aur nahi uske bhaiya the… Dr Rajesh… jinhe maine uss din pahli baar dekha tha…



Maya ne mujhe wardrobe me chhipa diya… mai apni kismat ko kos raha tha ki agar aaj pakda gaya to meri band jarur bajni thi… bahut kharab nikli kismat uss din… Maya ke bhaiya ne b'day ke karan shaam ka off liya hua tha… Maya ko bhi coaching nahi jane diya… pizza order hua… wo bhai bahan hall me aur mai maya ke kamre me akela… thanks to Maya ki mujhe bhi pizza de gayi warna bhookh se hi mar jane wala tha mai to… abb bahar to jaa nahi sakta tha… ghar par msg kar ke ye bata diya ke dost ke ghar rukunga…




Raat ke kareeb 10 baje jab Maya aayi to mujhse baar baar sorry bolne lagi… uski bhi kya galti thi… buri tarah fans chuka tha mai… aur ant me koi bhi tarkeeb kaam naa aayi to Maya ne mujhe uske sath uske room me hi rukne ka offer diya… mere paas aur koi option bhi nahi tha…ek taraf Maya ke bhai se pitne ka darr to doosri taraf ek ajeeb si feeling thi ye bhi ki mai Maya ke sath akela hoon uske room me …

Nice Post

Thanks bhai support or encourage karne ke liye abhi kahani jaari hai

Update--11


Raat ke kareeb 10 baje jab Maya aayi to mujhse baar baar sorry bolne lagi… uski bhi kya galti thi… buri tarah fans chuka tha mai… aur ant me koi bhi tarkeeb kaam naa aayi to Maya ne mujhe uske sath uske room me hi rukne ka offer diya… mere paas aur koi option bhi nahi tha…ek taraf Maya ke bhai se pitne ka darr to doosri taraf ek ajeeb si feeling thi ye bhi ki mai Maya ke sath akela hoon uske room me …



______________




Maya ke chehre par dar aur chinta saaf ki lakeerein jhalak rahi thi… Room ka aur balcony ka door band karke wo room me hi bechaini se idhar - udhar kafi der tak tahlti rahi aur mai use ghoorta raha…sach kahoon to uska ruaansa chehra mujhe bahut takleef de raha tha… mai apni soch me gum tha tabhi Maya boli…



Maya-- Aadi aap so jaiye… mai kuchh sochti hoon…jo bhi karna hoga mai bataungi …



Aditya-- kyu tumko neend nahi aa rahi hai ??



Maya-- kammal karte ho Aadi aisi halat me kisi ullu ko hi neend aati hogi… mujhe bahut darr lag raha hai… agar pakde gaye to jane kya kya soch lenge bhaiya… aur bahut pitayi padegi wo alag se



Aditya-- darr to mujhe bhi bahut lag raha hai Maya yaar… agar tere bhaiya ne dekh liya to mujhe jinda nahi chhondege…shayad isi room me gaad denge aur agar mere papa ko pata padd gaya to baki ki life mujhe murga ban kar kaatni padegi…



Maya-- mujhe bhi bhi bahut ghabrahat ho rahi hai Aadi …


Aditya--Ek baat bata Maya to kya Bhaiya ko nahi pata tha ki mai study karne aata hoon…


Maya-- nahi…


Maya ka jawaab sunn to maine apna sir dhun liya…par uska darr aur rona dekh meri haalat aur bhi kharab ho gayi… maine room ki lights off kar ke baahar dekha to koi bhi aisi jugat na bhidti dikhi jiske sahare neeche utar kar mai jaan bacha sakta…



Naa jane kyu mujhe aisa lag raha tha ki agar thodi maar kha bhi jaun to koi baat nahi par Maya ke sath maine sari raat ek kamre me gujari hai ye baat kuchh jyada hi katarnaak asar rakegi… bahut sochne ke baad maine Maya ko bol diya ki mai tumhare bhai ke sone ke baad chala jaunga yahan se…



Maya dari huyi to thi par meri baat se uske chehre par santushti dikh rahi thi… mai bhi bhagwaan se lagataar prarthna kar raha tha ki iss baar jaan bach jaye bas… phir to tauba hai aisi group study se… khair abb kam se kam Maya ke chehre par thodi rahat to dikh rahi thi…mujhe achambha bhi laga jab Maya ne ek bhi baar ye naa poonchha ki mai kaise manage karunga…

Doston pyaar karne waalon me ek baat to hoti ki khud chahe laakh takleef me ho par apne priya ke chehre par muskan dekhne ke liye kuchh bhi kar jate hain…wahi haal mera tha… mai sach kahoon to dil ke kisi kone me tha ki Maya mujhse kahe ki " Aadi aap raat me ruk jao mai subah bhaiya ko jaldi hospital bhej doongi"… par Maya to bas apna hi soch rahi thi… yaar mai bike bhi nahi laaya tha… Maya ke ghar se itni raat ko taxi khoj kar phir apne ghar… laat padni to done thi…



Raat ke kareeb do baje jab mai chair par baith oongh raha tha to uss patthar dil ne mujhe jor se hila kar jagaya aur boli ke bhiya so gaye hain… maine main door khol diya hai… tum dabe paaw chale jaao mai bhaiya ke door ke paas khadi ho jaati hoon… dekha jaaye to idea Maya ke hisaab se to perfect tha kyu ki mere ghar se kadam nikalte hi use to raahat mil jani thi… baaki mera baahar jo bhi ho use isse kya…



Maya ke ishara karne par mai dabe pair Maya ke room se nikal kar haal se hote huye main door tak pahuncha hi tha ki mera pair kaleen me ulajh kar phisal gaya… mai bechara jordaar awaaj ke saath on the floor… Maya ne apne sir par apne haath ko de mara aur bhaag kar apne room me chali gayi… uske bhaiya ke kamre ki lights on ho chuki thi… par mai bhi thahra sher dil… chot ki parwaah kiye bina girta padta bhaag kar baahar jaa pahuncha… gate ke baahar hi jaakar saans li maine…



mujhe Maya par bahut gussa aa raha tha… usi ke kahne par bike nahi le aaya tha mai… khair pair ki taraf dekh hosh ude hi the ki kutton ne alag se mere sang race karne ki thaan li… meri to wahi halat ho gayi thi ki " dhobi ka kutta , naa ghar ka naa ghat ka " … ek kutta to meri tashreef tak pahunch bhi gaya tha par meri tashreef ki kismat mujhse achhi thi… wo bach gayi…kutton se jaan bachate bachate pata hi naa chala kab gashti police wala mere peeche daudne laga .… abb to tay ho chuka tha ki meri khatiya khadi hone se koi nahi bacha sakta tha…

Update--12



maine jab palat kar dekha to wo police wala mujhe rukne ka ishara karte karte thak gaya tha to usne Apana duty danda fenk ke meri taango par de mara… dard ka ahsaas bada hi bhayankar tha … par mai bhi kya karta … kutte jyada khatarnaak the par police wale se to wo bhi dar kar bhag gaye… mere rukte hi police wale ne machine gun ki tarah mujh par questions daag diye…wo bhi rapid fire



police-- kaun hai be tu aur itni raat ko ye kya rayeta faila rakha hai beech sadak par … kahan se chori kar ke aa raha hai…aur saale sunayi nahi padta hai kya kab se gala faad kar chilla raha hoon … chal thane sari hekadi nikalta hoon…jad dande padenge to sari charbi pighal jayegi…



Abb Police wale ko kya batata loot kar to nahi par haan lut kar jaroor aa raha hoon … jaise taise gali khakar , jitne bhi paas me rupye the wo sab nyochhawar karke jaan to bach gayi par ghar tak pahunchne layak paise bhi naa pache aur kutton ke chakkar me coaching bag jane kahan tapak gaya…sare notes chath gaye group study ke chadhave par…



Ola cab app ki help se book kar ke jaise taise Behad khatarnaak b'day mana kar aa raha tha mai apne ghar… par abb ghar ke paas jaise jaise pahunch raha tha ye fikra khaye jaa rahi thi ki andar kya bol kar jaaunga… itna gussa aa raha tha khud par ki kah nahi sakta…le de ke itne salon ki imandari ko maa baap ke samne group study ne naash peet diya tha…Kul mila kar " khaya piya kuchh nahi… glass toda 12 aane…"



Colony me ghuste hi colony ke gate par baithe guard ka sawaal hajir …


Guard-- Aadi baba aap aisi haalat me kahan se aa rahe hain… aur ye pair me kya ho gaya hai…

Maine guard ko koi reply nahi diya aur dimaag me ye sochta raha ki mere ma papa ko kya reply karunga jab wo log ye sare sawaal poonchhenge…kyu ki pair mere dard se fate jaa rahe the… aaj poori tarah samjh aa gaya tha ki log kyu kahte hain ki …" yeh ishq nahi aasan , bas itni samjh lijiye , aag ka dariya hai aur doob kar jaana hai…



khair jab ghar pahuncha to pata chala ki aaj papa out of station hain… maa ne mujhe danta … par meri halat dekh kar wo daantna bhool dawa vagaira me jut gayin…doosre din Chot ki vajah se mai coaching nahi jaa paya…mere dost bechare mere ghar aa kar meri halat par dukhi baithe the…



Do din baad coaching pahuncha Ishan ke sath kyu ki khud se bike chalane me asmarth tha… Maya ko dekhne ke liye aankhein taras rahi thi… Maya thodi hi der me aa gayi par mujhe Ishan aur Anu ke beech baitha dekha opposite row me jakar baith gayi… uska tunkna dekh mujhe hasi aa gayi jisne aag me ghee ka kaam kar diya… Maya aag baboola ho gayi… aur coaching over hone par teji se baahar nikal gayi… mere pair ki chot ki wajah se mai daud to nahi sakta tha…mujhe bahut bura laga Maya ka vyohaar…



Coaching ka last day bhi aa gaya par Maya ne mujhse baat nahi ki… Vaise hi muh fulaye apne kaam se kaam… mai bahut pareshan tha … Notes to Anu se mil gaye the par Maya ki mansha bhi saaf ho gayi thi… Bada thaga sa mahsoos kar raha tha…samjh aa gya tha Maya ne sab notes aur support ke liye kiya tha…par ye kambakht dil ne bhi hadtaal kar rakhi thi…bilkul mann nahi lag raha tha padhne me… jo padha tha wo bhi dobara naa dekh paya…



Exam ke reasult dekh kar to hosh hi udd gaye the…mera kahi bhi nahi hua tha… Ishan aur Anu ka dental me aur Maya ka to mbbs nikal gaya tha… mera saal kharaab… ghar me haha kaar mach gaya tha… papa ka gussa to satve aasmaan par pahunch chuka tha… maa ki baatein bhi chubh rahi thi…


Maya ne to bin poochhe hi ye kah diya ki " aur karo dosti… maine bahut samhalne ki koshish ki tumko par tum to apne jahil doston ke sath ho - halla me hi magan rahe… ".… Maya ki baaton ka nashtar yun chubha seene me ki aaj tak ghaaw nahi bhar paya hai…dhokha utna gahra nahi tha jitna wakt ke sath badta chala gaya…


Vartmaan me:--
_______________


Aadi abhi aur bhi kuchh batana chahta tha par peechhe khade apne bhai Karan ko dekh buri tarah chaunk gaya…Karan ki aankhon me kayi sawaal tair rahe the…

Nice One

(02-03-2018, 04:14 PM)dpmangla : Nice One

"dpmangla" ji thanks for support

Update--13
_______________


Aadi abhi aur bhi kuchh batana chahta tha par peechhe khade apne bhai Karan ko dekh buri tarah chaunk gaya…Karan ki aankhon me kayi sawaal tair rahe the…


_________________


Aditya-- K…karan tu ?? Tu yahan kab se khada hai…aise kyu dekh raha hai…

Karan ko dekhte hi Aadi ki aankhein jaane kis dar se chaudi ho gayi…



Karan-- aage kya hua Bhaiya ??

Karan ke shabdon me jwaala mukhi dhadhak raha tha…



Aditya-- kab aage kya hua ?? are pagle mai to iss rotadu moti ko chup karane ke liye yun hi kahani thonk raha tha…jab dekho tab aansu bahati rahti hai…

Aadi ne baat ko samhalne ki koshish ki…



Karan-- Bacha nahi raha abb bada ho gaya hoon mai… aapki nigaah me aapka best friend nahi hoon mai to kya hua aapko to maine hamesha apna sabse achha dost hi mana hai bhaiya…

Karan ne Aadi ke gale lag kar kaha… Uska gala rundh gaya tha…



Aditya-- are mai majjaq kar raha tha mere bhai …

Aadi najre chhupane laga Karan se …


Karan-- ladki ki photo lekar aur aankh me aansu bhare aap majjak kar rahe ho… bhai bada ho gaya hoon mai… sach aur jhooth ke beech fark kar sakta hoon…mai janna chahta hoon ki uss vamp ne kya kiya aage…

Aavesh me Karan gaali par utar aaya…



Aditya-- please dont abuse her Karan…please… wo bahut buri hai par bahut chaha tha use maine… jaane kitni raatein jala di hain uski yaadon ko raushan karne ke liye… mai kisi aur ke muhh se aaj bhi uske khilaaf ek shabd nahi sun sakta hoon Karan…kisi aur ko haq nahi diya maine… use pyaar maine kiya tha to saza dene ka haq bhi sirf mai rakhta hoon…

Aadi ka ye roop bilkul naya tha… chot khaya hua aashiq…



Anushka-- Aadi emotions par cntrl kar yaar…Karan tu chup kar bhai do min… uski haalat to dekho koi… Ishan samhalo yaar ise…

Anu Aadi aur Karan ke beech aakar khadi ho gayi… Ishan aur Anu ke chehre par bhi bahut sare sawaal the par dono abhi sirf Aadi ko samhalna chahte the… aur kuchh bhi nahi…



Aditya-- Anu yaar chup kara rahi hai yaa aur rula rahi hai mujhe…

Anu ko roti dekh ek baar phir Aadi use hasane ki koshish karne laga…par Karan apni dhun me tha…



Karan-- bhai aage kya hua… aap fail huye the aur ye dono paas lekin ye dono aap ki class me kaise hain…

Karan ki jigyasa theek bhi thi…sawaal lajimi tha…


Anushka-- Karan bhai tu chup kar jaa yaar warna pitega tu… ham poonchh lenge baad me…

Anu kabhi Aadi kabhi karan ko dekhti huyi boli…



Aditya--bolne de use Anu… Karan Maya ke dwara buri tarah ignore kiye jane par mai buri tarah toot gaya tha… Maya ne meri asflta ka theekra meri masoom dosti par fod diya tha… usne mbbs me dakhila le liya aur meri taraf kabhi palat kar nahi dekha… main buri tarah toot gaya tha…Yahan tak ki jaan dene ka bhi socne laga tha kyu ki asflta aur bewafayi ka bojh sath me nahi jhel paa raha tha…dost poonchhte the kya hua par doston se kabhi kuchh bataya hi nahi tha to abb kis muh se batata… par mere doston ne jo kiya wo shayad mere liye mera saga bhi nahi karta…



" Mere dono doston ne mere dukh ko bin kahe samjh liya tha… Ishan ne bhi join nahi kiya … ghar par bol diya ki mbbs ke liye ek chance aur chahta hoon… waise Ishan ke ghar wale to bina khas naa nukur ke taiyaar ho gaye the… par iss moti ne to bhaiya se hi yuddh kar liya tha… chhod diya isne bhi… isse bahut problem huyi thi… bhaiya ne ek thappad bhi jad diya tha aur bole abb nahi karni taiyari… chahe dental karo ya to bsc… ham sab darr gaye the par ye moti sirf hamari dost nahi papa ki ' pari ' bhi to hai… mil gaya ek chance… aur jiske aise dost hon wo kaise haar sakta hai… ek baar phir ham sath ho gaye…bas mai bhi purana Aadi ban gaya…agli chance me teeno ne mbbs ke liye qualify kar dala…sab bhool chuka tha par aaj Ishan ki baaton se wo naa jane kyu yaad aa gayi…


Apni baat poori kar Adi sir neeche kiye kuchh sochne laga par Karan ne Maya ki pic dekhi aur behadd jahreele tarike se bola " Maya Arora ".… koi aur naa sun paya par Anu ne sun liya aur ye sochne lagi ki aakhir ise poora naam kaise pata…

Nice Update