Romantic Kuch Nahi Tere Bin (Completed)

[honey boy]

Rachna Madam khan Gayin

Rachna madam ki bhi baari aayegi...

[honey boy]

Doston abhi kahani thodi complicated chal rahi hai... Jise sayad aapko kuch characters samaj me nahi... Par chinta ki koi baat nahi aage ke Updates me sare douts clear hojayega...

[dpmangla]

Honey Boy, It Seems I m Right in my Imagination of d Story

[rishiraj]

Sahil, Drish hai...
Doctor Anu, Varsha hai...
Jo aage ke Updates me pata chal jayega...

Ab ye varsha kon hain?

[honey boy]

Ab ye varsha kon hain?

Varsha ka character abhi tak aaya nahi hai... Aayega to pata chal jaayega...

[honey boy]

Honey Boy, It Seems I m Right in my Imagination of d Story

I think so...

[honey boy]

Update 113

"To ye tay raha ..... Kal uss Rasul ka kali nagri se jane ka ticket katwa kar rahenge".....

18 sep 2005 ... Rasul ke ghar shadi wale din ......


"Ya khuda kuch to raham kar, ek kasai ke ghar se vida kar ke dusre kasai ke ghar bhej rahe ho. Kya tumhe mujh par jarra bhi raham nahi aaya.... Kya nek dil mohabbat karne walon ka dil yun he kaiseyon ke jid ke aage bali chadh jayegi..... Ya allah yadi tu hai to apne bandon par nemat kar.... Kuch to raham kar... Kuch to raham kar"


Rasul ki beti bulbul ko jabardasti iss shadi ki beriyon me jakra ja raha tha..... Ladka dubai ke kisi don ka beta tha, aur Rasul apni beti ke shadi ke jariye khud ko internationally launch karna chahta tha.....


Rafiq aur Nadir dono sab se pahle pahunche Rasul ke ghar .... Robin ne un dono ko ghar ke gate par khadey ho kar mehmano ka swagat karne ke liye kah diya...... Uske baad pahunche Hasan aur Appu, jise wahan khane-khilane ki jimedari mili.


Sare log apne tay kaam ko anjaam dene lage.... Chhipte-chhipate sare samiyane ko flamable banane me jut gaye.... Kaam jab khatam hua to Appu ghumte-gumte Robin ke pass pahuncha aur apne phone se baat karne laga......


Appu.... Yaar Drish mujhe nahi lagta ye shadi ho payegi.....


Jaise he Appu ke muh se ye baat nikli.... Waise he Robin ke kaan khadey ho gaye..... Dusre ore ki awaz usse nahi sunayi pari, lekin wo Appu ki baton ko dhyan se sun'ne laga.....


Appu.... Hume kya karna hai, Robin bhai ka nimantran tha to aa gaye, warna to main aata bhi nahi .... Chal bhai tum bhi aa jao, yahan thodi boriyat ho rahi hai....


Appu ne jaise he phone kata, Robin jhat se uske pass aa gaya...... "Kyon be ye shadi kyon nahi hogi, kya janta hai tu, jaldi se bata"


Appu.... Bhai main bahut chhota hun in sab mamlo ke liye, aap bare-bare logon ke bich me mujhe mat ghasito....


Robin..... Ab tu batayega, ya yahin thok dun .....


Appu..... Main bata dunga lekin aap wada karo ki mujhe in sab jhamelo me nahi phasoge....


Robin... Thik hai sochunga, ab bata jaldi se....


Appu..... Mujhe lagta hai dulhan apne kamre me nahi hai, wo kab ka nikal chuki hai, bulbul ko maine subah-subah market me kisi ke sath car se jate dekha tha....


Robin, Appu ka collor pakrte huye..... "Tu janta bhi hai tu kya kah raha hai, agar teri ye baat jhoot nikli to tere khun ko sagun bana kar aaj ye shadi hogi".......


Robin ne apne teen char aadmiyon ko Appu ke pass chhor kar sidha Rasul ke pass pahuncha..... Rasul se Robin ne jaise he sari baat batayi.... Waise he Rasul ne Robin ka collor pakar liya...... "Haramjade, kuch der main apni beti se mil kar aaya hun, aur tu kah raha hai wo bazar me kisi ke sath bhag gayi".


Drish, unke pass pahunchte huye..... "Salam bhai, aakhir aap ko samjh me aa he gaya ki aap ne gadhe pal rakhe hain"....


Rasul.... Dimag ki maa bahan mat kar tu yahan par.... Ae ladkey tu apna kaam kar, aur Robin teri baat jhoot nikli to teri lash uthegi aaj yahan se....


Drish..... Bhai, ye aap ke gangue ka mamla nahi, shadi ka mamla hai.... Aap thoda samjhdari dikhao. Ghar mehmano se bhara para hai, aur aap bich aangan me aise tamasa kar rahe ho, chup-chap ja kar dekh kyon nahi lete aakhir mamla kya hai....


Rasul.... Iss kutte ke bache ko yahin pakar kar rakho..... Ae tum ladkey (Drish) chalo mere sath.....


Rasul, apni biwi ke pass pahuncha aur puchhne laga...... "Bulbul iss waqt kahan hai"


Rasul ko biwi..... Kya hua, aise chinta me kyon lag rahe ho....


Rasul.... Teri beti ....


Drish, ne bich me he Rasul ki baat kat'te huye bola...... "Aaj wo bida ho kar chali jayegi, isliye bhai unhe bahut miss kar rahe hain.... Unhe milna hai iss waqt, isliye aap ke pass aaye hain, dekho thik se bhai bol bhi nahi pa rahe".....


Rasul ki biwi..... Pyar jatana to aata he nahi inhe, chaliye.....


Rasul apni biwi ke pichhe chalte huye Drish se puchhne laga..... "Ye sab kya hai"


Drish ne dhire se jabaw kiya..... "Aap bhi na bhai gusse me sab kuch bak dete, aur kahin aap ki beti ghar me hoti to, dusron ki baat par yakin kar badnami karwa lete... Aaram se pahle confirm karte hain"


Drish aur Rashul dulhan ke kamre me ghuse.... Wahan bulbul pahle se thi, usse dekh kar Rasul samjh gaya ki Robin jhoot bol raha tha.... Wo bulbul ko dekh kar chup-chap niche aane laga ... Tabhi bulbul kahne lagi....


"Ammi-Abbu, do min ruk jao, mujhe aap se baat karni hai". Dono ruk gaye, Drish kamre se bahar chala aaya..... Idhar kamre me jaise he bulbul ne Rasul ko rukne ka ishara kiya, udhar Drish ne apna ek signal Rafiq aur Nadir ke pass bheja ....


Idhar kamre ke ander bilbul ek letter dikhate kahne lagi.... "Abbu ye kisi ne khidki se feka"....


Rasul aur uski biwi dono wo letter dekhne lage....... "Teri ye shadi nahi ho sakti, tu dusron ke ghar barbaad kar ke kya sochta hai, apna ghar aabad kar lega.... Jaise he baraat darwaje par aayegi, tujhe teri aukaat pata chal jayegi Rasul, hum mard hain aur tum hijdon ki aukaat aaj bata kar jayenge"


Letter dekhte he gahma, gahmi mach gayi.. Rasul ko kuch sujhe he na... Wo bhagta hua Robin ke pass aaya, aur usse side me le ja kar do thappad mara......


Drish.... Bhai ye aap kya kar rahe ho....


Rasul.... Iss haramjade ne jhooti khabar diya, meri beti to apne kamre thi, par ye kisi aur ke liye kaam karne laga hai.... Dekho ye letter.....


Drish letter ko jaldi se padh kar jala diya, aur Rasul ke kano me kahne laga..... "Bhai gusse me aap ka dimag kaam nahi kar raha, Robin kisi se mila hota to wo thode na aa kar aap se kuch kahta. Aur jarra socho kya sach me bulbul bhag gayi hoti to..... Viswas jagao apne aadmiyon par.... Aur haan shadi ka mahol hai, pahle hume ye shadi karwani hai.... Phir baad me hum dhundenge ye sab kiya kisne.....


Rasul.... Hmmm ! Tum thik kahte ho, to ab hume karna kya chahiye.....


Drish.... Bhai iss me jo koi bhi hai, wo aap ke ghar ke bare me, aur iss jagah ke bare me sab janta hai.... Shadi hum hotel se karenge.....


Rasul..... Nahi, yadi aisa maine kiya to log kahenge main dar kar bhag gaya.....


Drish.... Arre bhai aap bhi na, pata kise hai iss letter ke bare me. Bhai suno, pahle hume shadi karwani hai, yadi shadi me kuch unch-nich ho gayi to aap ka rutwa waise bhi khatam .... Kyonki tab to log yahi kahnge Rasul bhai ke ghar se uski beti ko utha le gaye....


Rasul aur Robin dono ek sath chillate huye..... "Kiski itni mazal"


Drish.... Thik hai aap logon ko jo karna hai karo... Mujhe jo thik laga maine kah diya... Waise bhi ye jagah aisi hai ki, yadi maine plan kiya hota to dulhan ko do min me bhaga le jata....


Rasul.... Khul kar kaho.....


Drish.... Kahna kya hai.... Jarra iss jagah ko dekho.... Charo ore se khula, 400/500 logon ke bhir hogi.... Samiyane me kabhi bhi aag lag jayegi.... Aur mujhe to pura shaq hai samiyan ke kapdey kisi flamable liquid me duba hai ... Kyonki plan karne walon ko iss se perfect kuch nahi dikhega.... Aag laga do aur bhagdar ka sahara le kar duhan ko gayab kar do .... Sir ji taqat he sab kuch nahi hota.....


Rasul thodi der tak sochta raha...... "Hmmmm thik kah rahe ho, par iss waqt kaun sa hotel me shadi ka pura arrengement hoga".....


Drish.... Wo sab mujh par chhor dijiye.... Aap bas sab ko yahan se le jane ki taiyari kijiye....


Rasul.... Lekin hum kahenge kya, kyon ye jagah shift kar rahe hain....


Drish.... Aap bas jab dulhan ka sara saman smet len tab bataeyega.... Shift karne ka karan bhi main bata dunga.....


Thodi der baad ..... "Haan Drish sab ready hai"..... "Thik hai Rasul bhai, yahan se nikalne ka karan bhi ready hai" ...... Itna kah kar Drish ne samiyan me aag lagwa diya...... Dekhte he dekhte samiyana me charo ore se aag pakar liya....


Drish, gate par khadey ho kar sab logon se shant rahne aur aaram se nikalne ki salaah dene laga.... Sab log wahan se nikal gaye.... Aakhri gari jab Rasul ki ja rahi thi, tab Rasul ne Drish ko bhi sath chalne ko kaha....


Drish.... Bhai, yahan main in ladkon ke sath (Drish ke sare dost)... Aag ko control karwate hain, aur aap ke ghar ki dekh-rekh.... Yahan se baki sab ko le jaeye.... Aur haan baad me aane wale mehmano ko nayi jagah ka bhi to pata dena hoga.....


Rasul apni sahmati dete huye, shadi me ab tak pahunch chuke kuch mehmaan aur apne pariwar ko le kar hotel ke liye nikal gaya.... Aur uski gariyan najron se ojhal hote he..... Idhar Drish aur gangue patakhe jala kar nachne lage..... "Doston chipkao jarra notice, Rasul ki beti ko uske aashiq bhaga kar le gaya.... Isliye muh chhipate phir raha hai"

[honey boy]

Update 114

Rasul apni sahmati dete huye, shadi me ab tak pahunch chuke kuch mehmaan aur apne pariwar ko le kar hotel ke liye nikal gaya.... Aur uski gariyan najron se ojhal hote he..... Idhar Drish aur gangue patakhe jala kar nachne lage..... "Doston chipkao jarra notice, Rasul ki beti ko uske aashiq bhaga kar le gaya.... Isliye muh chhipate phir raha hai"


Appu.... Bhai, kya ghumaya hai iss Rasul ko, par aag aur bhagdar ka idea jyada sahi tha, phir ye hotel ka jhamela kyon.


Drish.... Baat aisi hai ki, hum sab kisi ki najron me nahi aayen....... Chalo yahan se nikalne ka waqt ho gaya....


Ek chhota sa wahan par dhamaka hua, aur pahle se pass lagi ek ambulence turant wahan pahunchi aur sare log uss ambulence me sawar ho kar nikal gaye...... Sab ke sab pahunch gaye ussi hospital me jahan Drish ko Aakash ne admit karwaya tha......


Chhoti-moti khud se lagayi choton ka ilaz karwane me jut gaye sabhi.... Takriban aadhe ghante ke baad Appu ka mobile baja, aur Drish ne call pick-up kiya.....


Rasul.... Kutte ke pille, to ye sab tum sab ka kiya dhara hai.... Haramjade sab ko chun-chun kar marunga....


Drish..... Rasul bhai, juban ko lagam do, aira gaira samjha hai kya.... Ek to uss khuni mahol me hum sab khadey the upar se aap hume suna rahe ho.....


Rasul.... Haramjade tujhe to main dekh lunga.....


Drish.... Haan to hospital aa kar dekh lo, aap ke dushmani ke wajah se hum sab hospital me hain.... Ek to aap kedushman hume bomb se urrane ki kosis karte hain, upar se aap ki aisi baten .... Jo karna hai kar lena....


Phone kat gaya..... Kuch der baad Robin bhi uss hospital me pahuncha..... Wahan ka jayja liya aur Rasul ko call karne laga...... "Bhai ye sare chhokron ko bahut chot aayi hai, sab ke sab hospital me hain"


Rasul..... Hmmm ! Lagta hai koi aur hai, kaun sala ye khel-khel raha hai mujhe to samjh me nahi aa raha.... Ek baa mil jaye to uss harami ki kabar khod dun... Tu uss ladkey Drish se baat kara meri....


Drish..... Confirm karne isse bheja hai kya Rasul bhai....


Rasul.... Kya karun, apna dhandha he kuch aisa hai... Kisi par viswas karna muskil hota hai... Gate par ek notice dekh kar, logon ke phone ne paresan kar diya tha, aur tum sab wahin the to mujge laga....


Drish.... Itni akal nahi aap ko Raaul bhai.... Hum khud he wahan rukne ka kah gaye, aur khud he aisa karenge..... Dekhiye ye jo koi bhi hai chahta hai aap paresan ho, aur koi ulte sidhe kadam uthaye... Uska maksad iss shadi ko rokna hai... Isliye sab baton ko darkinar kar ke filhaal shadi me dhyan dijiye... Aur sab kuch bhul jaeye.....


Rasul..... Hmmm ! Thik kahte ho... Robin ko phone do...


Rasul phir Robin se kahne laga.... 30/40 ladkon ko le kar hotel aa jao.... Pahle shadi se nipat'te hain... Phir aage dekhenge.....


Robin wahan se chala gaya.... Phir se sare dost ek sath hasne lage ..... "Ab jarra iss Rasul ko police tourcher diya jaye.... Appu laga kar aao jarra police controle room phone"


Appu.... Police station call laga kar suchna dene laga..... "Sir hotel imperial me hathiyarband gundey usse hijack karne wale hain"


Controle room ka officer.... "Tumhe kaise pata, kaun ho tum"


Appu.... Sir kyon gundon ke bich phasa rahe ho, ek achha sahri hone ke nate call kar diya... Aage aap ki marji... Jai hind.....


Police mahkme se jald he mumbai sp office call gaya.... Local thane ko muyana karne ka aadesh mila..... Local thanedar wahan ki hulchal dekh kar turant sp ko suchna diya..... "Sir bare paimane par yahan gundey jut rahe hain".


Local inspector ka ye sandesh, aur police turant action me aayi.... Upper level se clearence milte he police ki 6 tukri turant pahunchi hotel..... Ek-ek ko hotel ke ander bahar se ghasit-ghasit kar police bahar nikali.... Apne aadmiyon ke support ke chakkar me Rasul aur Robin bhi chale police ke hatthe chadh gaye....


Rasul kahta raha "ye shadi ki sequirity hai", aur police un gundon ko dande marti kahne lagi.... "Sab ko ek jagah bula kar ye karne kya wale the.... Ye gundaraaj hai kya"...


Thane me mahol garam ho gaya.... Dhamki par dhamki dene laga Rasul.... Rasul se police aur police se Rasul achhi tarah wakiff the..... Dono ne sp se baat kiya..... Sp turant uss thane me pahuncha aur mahol ki sanjidgi ko batate huye shadi ke ground par Rasul aur Robin ko chhor diya lekin bakiyon ko nahi chhora.....


Idhar jab police sab ko utha kar le ja rahi thi, Drish ne apna final game khel diya.... Hospital se bina kisi ki najron me aaye kaise nikalna hai wo sab ko pata tha... Sare log badan se chipke kala libas pahne hotel tak pahunche.....

Drish ne hotel ka arrengement apne hisab se kiya tha.... Aur Drish hotel ke pichhe aakar .... Pipe ke sahare pahunch gaya Bulbul ke kamre tak.... Jo hotel ke teesri manzil par thi. Police ki gahma gahmi ko dekhne bulbul ke room se sare log gayab the aur ye achha mauka tha....


Drish uske room me pahuncha.... Bulbul ko behosh kiya.... Aur rassiyon ke sahare usse bari safai se niche bheja.... Niche pahle se lagi ek van me Appu aur Hasan the.... Dono ne bulbul ko utara.... Lekin din ka samay logon ki najren kaise na in sab harkaton par pare.....


Bulbul ko van me load karte huye hotel ke ek karmchari ne dekh liya..... Aur Jor-jor se chillane laga.... Drish ne turant unhe wahan se nikalne ke liye..... Hasan lekin Drish ko chhor kar jane ko taiyar nahi tha.... Tabhi Appu bolne laga.... "Hasa bhai, unki chinta mat karo... Lekin hum phas gaye to sara mamla bigar jayega"....


Drish ne bhi force kiya... Aur gari full acceleter ke sath nikli.... Lekin tak aate-aate wo bhi atak gaye.... main gate band ho chuka tha.....


Appu.... Bhai ab kya karen... Gari hotel ke main gate par gol-gol ghum rahi hai... Jaldi kuch karo nahi to hum sab phas jayenge.....


Idhar, Rasul aur Robin chhut kar nikal he rahe the uss local thane se tabhi police station me hotel se ek apharn ka complaine bhi aa gaya.....


Ab to Rasul ne sp ka collor pakar liya.... Turant wahan se bhi do jeep police load ho kar nikli....


Idhar Rasul gari bina roke gol-gol chakkar laga raha tha.... Drish rassiyon ke sahare turant niche aaya.... Jaise he Drish niche utra kuch sequrity walo ne usse gher liya... Drish jaise 200mile/hr se daura ho... Apne hath ko ek limited force me ghumate.... Kyonki wo wahan ke logon ko chot nahi pahuchana chahta tha....


Jo bhi raste me aata gaya, wo jaise patton ki tarah jamin par girte huye bichh rahe the.... Drish ke speed ke aage koi uske pass ak nahi pahunch pa raha tha, aur Drish unke pass pahunch kar un sab ko jmin par lita'te huye aage badh raha tha.....


Takriban 24/25 logon ko apne speed se dharasyi karte huye Drish main gate tak pahuncha .... Lekin gate tala kundi wala ho to na... Wo to electronic lock tha.....


Drish..... Uttari disha me pahuncho.... Inke sare aadmi gir chuke hain ... Thoda waqt milega hume boundry se kudne ka.... "Rafiq, Nadir... Tum dono gari satart kar ke ready raho"


Sab hotel ke north boundry par thi.... Gari bilkul boundry se lagi.... Aur bonnet se gari ki chhat aur gari ki chhat se hote huye Appu aur Hasan boundry kud kar dusri ore bahar nikal gaye, jahan Rafiq aur Nadir dono pahle se gari start kar unka intzar kar rahe the..... Ab bari thi Drish ki ... Sab ne mana kiya Drish ko... "Pahle khud ko dekho, Rasul ko kabhi bhi pakra ja sakta hai".....


Lekin un me se koi ye nahi janta tha ki iss waqt Drish ke dimag me kya chal raha hai. Usse to jitni jaldi ho Dr ke maut ki gutthi suljhani thi..... "Mauka milta nahi banana parta hai" bas issi tarj par usne aakhir risk lene ki thani....


Bulbul ko van se nikala.... Behosh thi wo aur Drish par puri ladi.... Drish ab bulbul ko le kar... Bonnet par chadha.... Tabhi achanak se pichhe se ek firing hui.... Goli, Drish ke pichhe jangh par lagi .... Aur larkhrata wo bulbul ko liye bonnet se niche gir gaya.....


Appu.... Kya hua bhai.... Kya hua.....


Drish.... Tum sab niklo yahan se jaldi .... Abhi ke abhi... Jitna kaha utna suno.... Main nikal aaunga.... Meri chinta mat karo ...


Lekin wahan se koi jane ko taiyar he nahi tha.... Idhar Drish jab niche gira to wo sequrity gurad daur kar uske pass pahuncha.... Usse laga Drish behosh ho gaya hai.... Par jaise he wo uske pass pahuncha ... Drish uske do nali ko pakrte huye niche khincha... Aur pure gusse me ek hath de mara..... Wo wahin behosh ho gaya.....


Drish.... Tum sab niklo..... Police hotel ke gate par hai aur wo darwaja khol rahe hain ... Main ye wale van le ke nikalta hun....


Drish ne sara calculation kiya.... Police ki jeep ke liye main gate khul raha tha.... Drish ne bulbul ko load kiya van me aur pure speed se gari darwaje par le liya.... Jab tak wo log ye tay karte ki gate band karna hai tb tak van bahar thi hotel ke.....


Police jeep bhi turan uske pichhe muri ... Sath he me wireless..... Pile rang ki ek van .... Mh-23-8487 ... Kale masked me ek ladka.... Jogeswari west ki ore .....


Khabar milte he uss raste par jagah jagah police jeep tainat.... Sath me mumbai ki traffic..... Gari ek signal se dusre signal ke bich ka safar 5 min me to tay kar le lekin ... Signal par aate he .... Ab to fasna lagbhag tay he tha.....

[dpmangla]

Nice Post, Par Adhura, Aaj ke Update ke Hisab seh

[honey boy]

Nice Post, Par Adhura, Aaj ke Update ke Hisab seh

Update pura tha, khali suspense create karna chahta tha....
keep reading...