Romantic Kuch Nahi Tere Bin (Completed)

[honey boy]

Update 82

Ashk..... Bilkul bhi nahi..... Bas jate-jate ek good bye wish karte huye.... Idhar pichhe se pipe kud kar jao....


Drish .... Kyaaaaa ?????????????????????????????


Drish ek baar upar se niche Ashk ko dekha..... "Ashk ab ye kaisi demand hai"


Ashk.... Samjhte kyon nahi, mamma ko lag gaya tha ki koi hai mere kamre me, to wo najar darwaje par he dali hongi....


Drish.... Par wo to apne kamre me hongi, aur bahar jane ka darwaja to unke kamre se dikhta he nahi....


Ashk..... No sawal-jabaw, bas kah di na pipe se niche jao...


Drish.... Filmi scene hai kya, mujhe pipe chadhna nahi aata, gir jaunga....


Ashk..... Huhhh jhoote, bhabhi bata rahi thi tum nariyal ke per par pura upar chadh jate ho, phir to ye pipe hai.... Rahne do tumhe jahan se jana hai jao. Sochi thi apne doston ko, shadi ke baad ghar ke logon ko, phir apne bache aur phir uske bachon ko ye kahani sunati .... Mujh se milne ke liye meri jaan 5 manjile imarat ki pipe chadh kar aate the..... Par...... Jao tum jao ....


Drish..... Puri nautanki hai, oye madam ja raha hun pipe se...


Ashk..... Sachi..... Tum jao main video banaungi..... Arre haan lekin uss se pahle, mera bye-bye wish...


Drish sir par hath rakh kar muskurate huye usse ek chhota sa pyar bhara bye-bye kiss kiya aur khidki khol kar chhaje par chadh gaya..... Ek jhalak dekha, utrne ka pura map dimag me taiyar kiya ... Aur dekhte he dekhte wo niche utar gaya.... Raste bhar khyalon me Ashk ke bare me sochte huye ghar pahuncha....


Khushmayi raat thi dono ke liye... Dono takiye ko apne sine se kas ke dabaye muskurate bas ek dusre ki khyalon me khoye huye so gaye..... Aaj ki subah bhi dono ke liye kaphi khili hui thi.... Good morning ab to jald se jald wish chahte the ek dusre ko.....


Aaj bhi Ashk dur se scooty chalati najar aa rahi thi.. Wahi muskan, wahi khila sa chehra.... Par Drish thoda ukhra-ukhra sa tha..... Ashk ko bhi jab saaf najar aane laga to uska bhi chehra latak gaya...... "Sani ki tarah hain ye Arjun bhaiya ... Humara kuch b good na hone denge lagta hai".


Drish ke pass Arjun khara tha, aur dono apne morning ko good na bana pane ki bhadas Arjun par nikal rahe the. Ashk dono ko good morning kahti Arjun se puchhne lagi....... "Kya aap bhi humare sath college aa rahe hain"


Arjun..... Haan, main bhi aa raha hun sath...


Ashk ..... Par...


Arjun..... Kyon koi paresani hai kya ?


Ashk..... Kuch nahi chaliye.....


Drsih ne car nikali aur teeno chal pare college ki ore..... Ashk apni kewhni thuskati, aankhon ke ishare aur sason si dhimi awaz me puchne lagi..... "Ek ghante pahle nikalte hain college ke liye ye ab sab ko bata do"


Drish.... Arjun bhai kuch nahi kahenge.... Tum tension kyon leti ho.


Ashk.... Arre koi kahta thode he hai... Par ek-ek kar ke sab ko pata chal jata hai, hum ghar se jhoot bol kar nikalte hain ... Huhhh !


Arjun.... Kya hua dono kya aise aapas me baat kar rahe ho, mere aane se koi paresani hui kya...


Ashk..... Nahi Arjun bhai, wo to bas main phuch rahi Drish se .... Disha nahi aayi kya....


Arjun..... Achha par maine to kuch college, aur ek ghante pahle jane jaisi baten suni....


Arjun ne sayad thoda suna aur thode haw-bhaw se kahani jor kar bol diya.... Arjun ki baat sun kar Ashk jhenp gayi...... Kuch dur aage chalne ke baad car ek chaurahe par ruki... Ashk, Drish ko dekhti puchhne lagi "Hum yahan kyon ruke hain".....


Drish..... Wo Disha aa rahi hai yahan, usse yahan se pick kar ke hum college chalenge....


Thodi der baad Disha bhi apne car ke sath pahunchi, usse wahin ek shopping mall ki car parking me khari kar usne bhi sab ko join kar liya.... Car ek baar phir se chal pari....


Disha sab ko ishara karti puchhne lagi.... "To kahan chal rahe hain sab"


Arjun.... Main aur Drish to naye hain yahan par .... Tum he dono bata sakti ho....


Disha..... Yadi hum dono ne he sare kamo ka jimma liya hai phir tum dono kis kaam ke... Ek kaam karo dono utar jao yahin ... Hum dono he aapas me baat kar iss samsya ka samadhan nikal lenge....


Ashk.... Hehe.. Idea bura nahi hai, aap kaho to abhi utar dun Drish ko...


Disha.... Kewal usse he kyon, Arjun ko kyon nahi....


Ashk.... Mera jor jis par chalta hai ussi ko na main kah sakti hun....


Arjun..... Achha, chhotu par ab tumhara jor chalne laga... Achha hai Di ke baad kisi ke kabu me to rahega...


Drish.... Kahan sab idhar udhar ki baton me mudde se bhatak rahe ho.... Pahle jo kaam karne aaye the uss par dhyan do na ....


Disha..... Impressive... Point ki baat ki hai isne, chhoro bhi ye sab phaltu ki baten, hum kal ki baton par discuss karte hai.... Yahan se right le lo, pass me he meri ek dost ka ghar hai wahan chlte hain ......


Sab log Disha ke dost ke ghar pahunche, achnak se itne sare log ko dekh kar Disha ki dost bhi shocked ho gayi. Paresani Disha aur Ashk ka aana nahi tha, lekin mom-dad ke hote kya kahti meri dost apne kisi dost ke sath aayi hai wo bhi apne bf ke sath......


Disha ki dost sidhi sabdon me uss se kahi..... "Disha, tu pagal hai kya, mom dad hain ghar par main unse kya kahungi .... Ye dono unke bf hain.... Jaan he le lenge meri"....


Disha..... Ek min, suno tum dono ... Main aur Ashk apne aster se discuss karte hain aap apne aster se discuss karo humara jab ho jayega tab hum call kar denge..... Phir sath me baith apni-apni baat par discuss kar lenge....


Arjun to maan bhi gaya, lekin Drish ke dil par chhuriyan chalne lagi..... Wo hasrat bhari najron se Ashk ko dekhne laga.... Ashk usse sab se thoda dur le jati kahne lagi...... "Kuch he der ki baat hai Drish manage kar lo please"


Drish, Ashk ki baat manta wahan se Arjun ke sath gari me nikal aaya....... Drish, Arjun se..... "Arjun bhai ab wo dono to soch he rahi hain shadi kaise tora jaye.... Aap to mujhe ye batao ki aap dono mile kaise, Mumbai aane ka palan kaise bana aur ye kaise aap log bina pyar ke he wo sab kar liye".....


Idhar Disha ki dost ne usse apna kamra de diya baat karne ke liye, dono jaise he pahunchi... Aahk, Disha se..... "Disha, ab un dono ko sochne par laga he diya hai, aap to ye bataeye ki aap dono ki mulakat kaise hui.... Aur kya aap sach me unke sath wo sab kiye".....


Idhar Arjun muskura raha tha, udhar Disha.... Idhar Drish aur Ashk apni-apni baton me bas ye jan'ne ko ikchhuk the ki bina pyar ke aakhir ye pre-mariatal sex kaise hua, aakhir iski wajah kya thi. Disha aur Arjun dono ne he ek lambi sanse khinchi.... Aur apne sath huye uss Bhangrah kila, Alwar ki romanchit ghatna suna'ne lage....

[dpmangla]

Nice Post

[honey boy]

Nice Post

keep reading...

[honey boy]

Update 83

Idhar Arjun muskura raha tha, udhar Disha.... Idhar Drish aur Ashk apni-apni baton me bas ye jan'ne ko ikchhuk the ki bina pyar ke aakhir ye pre-mariatal sex kaise hua, aakhir iski wajah kya thi. Disha aur Arjun dono ne he ek lambi sanse khinchi.... Aur apne sath huye uss Bhangrah kila, Alwar ki romanchit ghatna suna'ne lage....


Shuru hui kahani aaj se kuch mahine pahle ki, ye wahi waqt tha jab Payal aur Drish, Jaipur pahunche the aur uske pahuchne ke kuch dino pahle he Arjun Udaypur ghumne nikla tha......


Udaypur jane ki wo ghatna.......


Arjun, Jaipur me para-para bore ho gaya tha.... Zindgi ko khul kar jine ki chah Arjun ki shuru se rahi thi.... Harfanmaula, jo mila uss se ghul-mil gaye. Friendly aisa ki jis kisi se bhi milta bilkul haste huye aur mazakiya andaz me .... Arjun se milte he jaise mahol halka ho jaye....


Lekin Arjun bas apni life he jita tha... Aur uski life kisi bhi ajnabee se ya pahchan wale se milna, hans kar baten, hansi mazak sab karna.... Lekin koi bhi uske close nahi tha... Na to uska koi aisa dost jiske sath ghumna, aur masti karna hota tha, aur na he uski koi gf.


Arjun unhi dino apne Jaipur ke mahol se bore ho gaya tha, isliye bhai Raghuvendr se 1lac rupye aentha aur ghumne ke liye nikal gaya Rajasthan ke alag-alag jaghon par.


Disha, Amrit Shivalker ki beti.... Apne ghar ke mahol se ghut chuki thi. Kisi se baat kar lo to puch-tachh, kisi ko ghar le kar aao to inquiry... Akeli kahin mat jao... Yahan mat ghumo... Uss se baat na karo.... Aannhhh ! Disha bilkul pak chuki thi in sab mahol se..... Usse life ko khul kar jina tha... Kuch shararten karni thi, kuch jindgi ka maza lena tha... Par ghar me uske khul ke jine ke swabhaw ko to jaise daba he diya gaya tha....


Unhi dino Disha ki dost Prachi .... Jiske ghar par abhi Ashk aur Disha thehre hain... Uska call aaya, "yadi ghumne chalna ho to bag pack kar lo hum Rajasthan ghumne ka plan kar rahe hain".


Disha bhi ubb chuki thi apne iss mahol se apna bag pack ki aur apne baba ke pass pahunchi Rajasthan jane ki permission aur paisa lena. Amrit ka phir se wahi chinta shuru ho gayi.... "Akeli kaise jayegi, ek do aadmiyon ko sath le lo".... Par Disha narajgi dikhati kahne lagi.... "Aise jine se to achha hai koi mar he de, baba wo rajasthan hai Mumbai nahi jo wahan aap ke chahne wale mujhe marne ya kidnap karne aa jayenge".


Dono baap-beti me baat chit ka silsila chalne laga aur aakhir kar apni jid ke aage apni baat manwa li... Lekin Amrit ko phir bhi santusti nahi mila, aur Disha ke pichhe bina uski jankri ke do log laga diya....


Disha jhumti hui... Wooohoooo ... Karti .... Nikli apne ghar se Prachi ke ghar..... Wahan se Disha aur Prachi... Sath me uske kuch common friend Mumbai airport par pahunche... Mumbai se Jaipur ki flight liye... Aur Jaipur ke liye rawana.....


Wo mangal raat toofani thi..... Barsaat ka mahina, manglwar ke din, raat ko 10:30pm baje Jaipur railway junction ke plateform number 3 par, Kajuraho-Udaypur express ke aane ka intzar kar rahe the Disha & friends aur Arjun.


Jhama-jham barish ho rahi thi, aur coffee ka luft utha'te huye Arjun apne aas-pass chal rahe logon ki gatividhiyon ko dekh raha tha..... Tabhi Khajuraho express ka annoucement hone laga....


"Yatrigan kripya dhyan de.... Khajuraho se Udaypur ko jane wali Khajuraho-Udaypur express apne nirdharit samay raat ke 11:00pm baje se 2:00 ghante deri se aane ki sambhawna hai. Aap ki hui aswidha ke liye hume khed hai".


Jaise he ye announcement hua, logon me bud-budane ki awaz aani shuru ho gayi.... Ji bhar ke kos aur galiyan de rahe the railway walo ko... Galiyan dene ke katar me Disha bhi thi, jo apne doston ke sath mil kar railway walon ko dil se kos rahi thi....


Arjun muskrata bas logon ki chidh aur unka gali dena sun raha tha. Najren idhar-udhar daura he raha tha ki usse plateform par ek bara sa banner dikha.... Vir-Jawan Band Party. Uss band ke log group me the, sab ek jaise white kapre upar se le kar niche tak aur bahn me lal patti laga jis par likha tha band ka naam.


Arjun ko time pass ka achha bahana mil gaya, sayad kisi bari hasti ko receive karne band wale maujood the plateform no. 3 par... Arjun uske pass gaya, usse kuch paise diye aur desi beat par "Ye desh hai veer jawano ka" bajane ke liye kah diya....


Aur band wale, kya bajte hai ye dhun.... Aahh aisa jhoom ke bajate hain ki bas jise nachna na bhi aata ho wo bhi ek baar thirak he jata hai.... Arjun bhi wahan par mast ho kar nachne laga.... Bhir jama hone lagi...


Bhir me se ek ladke ne jor se pucha.... "Kis ki shadi hai jo itna nach rahe ho"


Arjun.... Hogi kisi ke baap ki shadi aaj ... Uski khusi me nach raha hun. Bhai railway walon ko gali dene se achha hai, nach kar time pass kar lun... Aa tu bhi nach le maza aayega....


Wo ladka bhi kud para dance karne ... Usse dekh kar kuch aur ladkey-ladkiyan, dance-masti ka luft utha'ne lage.... Disha aur uske doston ki bhi najar uss par gayi.... Baki sare uske dost to high-class babu ki tarah kahde ho kar dekh rahe the....


Par sab ko masti me jhoomte dekh Disha ne apna bag Prachi ko thamaya... Aur dance ke liye nikal li.... Disha ke dance floor par aate he jaise mahol ne aur sama bandh diya ho..... Arjun nachte huye piche se disha ki kamar pakar liya aur hath dayen se bayen ore thumko ke isharon me dhaklne laga....


Pichhe ke dance karte ladkon ne bich se jagah bana di ... Aur charo ore se gher kar bas siti aur hooting kar ke utsah badhane lage.... Disha ne bhi mahol ka sath dete huye apna bayen paun ki aeri uthayi, aur panjon ke sahre khadi hui... Ek hath sir par aur ek hath kamar par.... Idhar Arjun ke hath dayen se thumkon ki tal thokhte.... Aur gana bhi bajne laga ..... "Dilwalon ke dil ka karar lutne... Main aayi hoon Up-Bihar lutne"....


All set.... Phir kya tha... Thumkon par thumka.... Nach ka aisa mahol chala ki sab wahan par bhool kar nache. Ek marwari seth aur sethani ne bhi join kiya... Aur unhone to iss nach me char chand lahate huye hathon me ₹500 ke note laraya aur har band wale ko dete chale gaye.....


Shadiyon me pi kar kya jhumenge log, jo iss waqt train ke intzar me sabhi ajnabee ek sath nach rahe the... Lekin unke is umang ka anth tab hua jab jor-jor se police ki sitiyan baji..... Band bajna band.... Aur bajane wale sabhi ek kona pakar liye.....


Log jo nach rahe the aise gayab huye jaise gadhe ke sir se singh.... Bache the char log wahan par.... Do to Arjun aur Disha.... Aur do wo seth aur sethani.... Band band ho chuka tha, log side ho chuke the aur Arjun ab bhi jhumta hua jor-jor se bar-bara raha tha.....


"Kajrare-kahrare tore kare-kare naina"..... Achanak music band huyi to baki ke teen ne to mahol dekh liya aur thirkna band kar ke wahin khare rahe ... Par Arjun aankhen munde nachte jor se chllane laga.... "Arreee bajao re, chahiye to aur extra paise le lena".....


Tabhi ek police wale ka hath pichhe se Arjun ke collor par para aur Arjun "kaun hai be" kahta huye uske hath ko jhatak kar upar dekha..... Samne ka mahol aur khud ko .... Aur sab dekh kar shocked.......

[honey boy]

Update 84

Tabhi ek police wale ka hath pichhe se Arjun ke collor par para aur Arjun "kaun hai be" kahta huye uske hath ko jhatak kar upar dekha..... Samne ka mahol aur khud ko .... Aur sab dekh kar shocked.......


"Bara kajrare-kajrare kar raha hai ye to... Chalo lekar ab aage ka dance udhar karwate hain".... Railway police ke ek adhikari apne raoubdar awaz me bolne laga....


Arjun..... Sir ji, ab nachne par to koi kanoonan jurm to nahi hai na, phir aap aise kyon react kar rahe hain...


Police wala..... Mishra ji, ye kuch law ki baat kar raha hai... Jarra isse samjhao to kaun-kaun se kanoon ka ulanghan hua hai......


Arjun..... Huhhh ! Paresan karna band karo.... Mishra ji kal bhai ke pass chale jana .... Jagmohan uncle ab bas bhi karo... Sorry kah to raha hun.....


Jagmohan.... Railway police adhikari aur Arjun ka parosi......


Jagmohan.... Koi uncle-wancle nahi hun main yahan par.... Tumne public place par hungama kiya aur iss se yatriyon aur rail ke kaam kaaj me badha hui ..... Mishra ji uss seth aur sethani ko dekho umr dhal gayi, pyar phir bhi jawan hai.... Kyon seth ji ye ladka yahan par sabko paresan kar raha tha ki nahi..... Mishra ji na bole to is par bhi charge lagao....


Seth.... Haan-haan sir ji... Ye yahan sab ko paresan kar raha tha.... Isne to train ke bare me kuch sun'ne bhi nahi diya....


Disha wahin khari thi, jab usne ye suna to awak rah gayi..... "Sala budha abhi apni wife ke sath kaise pet hila-hila kar nach raha tha, aur jab phasne ka waqt aaya to bechare ko phansa raha hai"..... Disha Arjun ke bare me soch he rahi thi ki tab tak Jagmohan Arjun ko le jane laga....


Arjun..... Arre yaar budhe chhorte ho ya gulati khane ki kahani main aunty ko bata dun .... Had hoti hai kisi b baat ki ....


Jagmohan...... Kamine blackmail karega..... Ab to bikul nahi chhorta ....


Arjun..... Yaar uncle ab chhoro bhi mujhe ... Kyon natak kar rahe ho....


Jagmohan..... Kyon na natak karun, tu station par aaya to mujh se mila kya... Nahi na... Aaj subah jo maine wo wali video ki demand kiya tha.... Wo laya kya.... Aur to aur kitni mast item ke sath nach raha tha... Uske kamar me hath dal kar... Uss se chipak kar... Mujhe bula nahi sakta tha.... Tune mere liye kuch bhi nahi kiya main bhi ab kuch bhi nahi karunga....


Arjun..... Tharki kahin ke.... Iss umar me ja kar bhajan kirtan karo na.... Porn dekhte dekhte kisi din jyada josh me aaye na to heart attack ho jayega..... Aur sharm karo... Thuuu..... Tumhari beti se kam umr ki hogi wo.... Besharm kahin ke....


Jagmohan..... Budha hoga tu, main to dil se jawan hun.... Chal na do thumke laga kar aate hain... Warna main nahi chhorunga tumhe....


Arjun..... Kaisa tharki hai ye .... Chaloooo .....


Arjun ne band wale ko bulaya, lekin police ko dekh kar wo dara tha, phir jagmohan ke bulane par dobara wo aaya.... Iss baar jagmohan ke pasand ka gana baja tha.... "Aaj rapat jaye to hume na utaeyo".... Pahle to kewal Arjun aur jagmohan nachta raha... Phir dhire-dhire sab ne join kiya.... Takriban 15min tak ye silsila aur chala... Uske baad jagmohan sab band karwa kar wahan se nikal gaya....


Arjun wapas apne saman ke sath baith kar idhar logon ke aapas ki baat ka luft uthane laga. Train aane me ab bhi deri thi.... Idhar Disha jab apne doston ke pass lauti to Prachi uss se kahne lagi....


"Kaise gawaron ki tarah naach rahi thi Disha, aur uss ladkey ne tere kamar me haath lagaya tab bhi tu bas paglon ki tarah thumke lagate rahi.... Bloody cheap, koi chance nahi jane dete hain ye hath lagane ka"


Disha..... Hehe, to mujhe kaun sa bura laga uska hath lagana.... Mujhe to maja aa raha tha, waise bhi yaar niyat me khot nahi thi... Wo to bas mahol ke hisab se masti chal rahi thi.... And what an awesome evening... Sach kahun to usne meri saam bana di....


Prachi..... Hunnnn..... Lagta hai pahli mulakat me he kuch-kuch hone laga.


Disha.... Kitni stupid hai tu, khair tujhe jo sochna hai soch... Waise wo hai kidhar usse thanks to bol aaun, mera ek dream evening banaya hai usne....


Prachi apne hathon ke isharon se Arjun ka pata bata di.... Disha bhi Arjun ko observe karti chal di ussi ki ore .... Arjun ab bhi apne ass-pass chal rahe logon ke baton ka luft utha raha tha, aur bich-bich me apne vichar bhi de raha tha....


"Hi"... Disha usse pichhe se tokti hui boli... Arjun pichhe mur kar dekha.... "Wahi dance wali ladki hai" .... Arjun bhi jabaw me "hello" kah diya.


Disha.... Thanks a lot...


Arjun.... Lekin mujhe ye thanks kyon....


Disha.... Aap ki wajah se maine apna ek dream evening jiya, isliye aap ko thanks a lot....


Arjun.... You welcome miss.... Waise aap dance achha kar leti hain....


Disha..... Nahi, aap dance achha karwa lete hain....


Arjun.... Hehe, aap kahin wo mere hath ko point out nahi kar rahi.... Agar uske liye mujhe datne aayi hain to main kisi virane me chalta hun, kyonki yahan sab mujhe pahchante hain... You know.... Apne he jagah par kisi ladki se bejjat ho jaun to kitna awckward feel hota hai.....


Disha.... Aisa kya, waise yadi iss mamle me koi baat hoti to ab tak aap ko awckward feel ho chuka hota, main ussi waqt jabaw de chuki hoti ....


Arjun..... Ji nahi aisa nahi hota....


Disha.... Aap kaise kah sakte hain itne confidence se....


Arjun..... Do baten hain mohtrma yahan par.... Pahli to ye ki main aap ke pichhe tha, yadi thoda bhi behaviour change samjh me aata to main wahan se nikal leta. Ladki ke hathon gali sun'ne ya mar khane ke liye thode na ruka rahta.... Waise bhi bhir to ladki ka he sath deti, upar se railway plateform jaisi jagah ... Tauba-tauba.... Aishi jaghon pe ek percent bhi doubt ho ladkiyon ke matter me to main nahi ruk sakta....


Disha..... Maan gaye bare dur ki sochte hain, aur dusri wajah kya thi.....


Arjun..... Sorry samne train khari ho gayi, ab mujhe chalna chahiye.... Kismat hui to ye dusri wajah batane ka phir mauka milega.... Take care and have a safe journey....


Arjun, Disha ko wish karte huye wahan se chala gaya, Disha bhi apne doston ke sath apne bearth par pahunchi... 6 logon ka inka group tha... Ek side se lower, middle, aur upper.... Dusre side se ek middle bearth aur wahin ke baju wali side lower aur upper birth inki thi....


Sabhi log apna saman jama kar baithe ek sath... Raat ke takriban 1:10am baje train aayi thi.... Uss coach me picche se bhi yatri safar kar ke aa rahe the... Lekin jahan 6 student ka group ho wahan dusron ki taklif dekhe kaun ....


Ye log lage aapas me chit-chat karne aur sone walon ki taklif shuru hone lagi... Waise train ki bhi ajib class hoti hai.... Jaise-jaise iske class me upgrade hota hai waise waise logon ki pravirti bhi badlti jati hai.... 3rd ac me raat ke ek baje baat karna... Soye huye yatri to complaine karenge he... Majbooran TTE ko bhi aana he para...


Lekin uska aana bhi kya fayda deta, wo sab ko mana kiya par mane kaun.... In logon ka saaf-saaf kahna tha... "Nind nahi aa rahi hai hum baat kar rahe hain... Aur train me kahin bhi aisa nahi likha ki aap baat nahi kar sakte".... Lo ji ab TT aur dusre yatri bhi kya karte....


Uske coach me do extra log the dono bhag gaye apne apna-apna jugar dhundhne.... Sayad dono yatriyon ko koi jaga hua bakra mil gaya tha.... Wo dono jaldi se wapas laut kar aaye apna saman uthaya aur chalte bane.... Thodi der baad un dono ke badle do alag log aaye .... Aur ye Disha aur Arjun ka romanchit safar, destiny ne ek baar phir dono ko aamne-samne la khara kiya ..... Un do logon me ek Arjun bhi tha....

[dpmangla]

Nice Update

[honey boy]

Nice Update

keep reading...

[honey boy]

Update 85

Uske coach me do extra log the dono bhag gaye apne apna-apna jugar dhundhne.... Sayad dono yatriyon ko koi jaga hua bakra mil gaya tha.... Wo dono jaldi se wapas laut kar aaye apna saman uthaya aur chalte bane.... Thodi der baad un dono ke badle do alag log aaye .... Aur ye Disha aur Arjun ka romanchit safar, destiny ne ek baar phir dono ko aamne-samne la khara kiya ..... Un do logon me ek Arjun bhi tha....


Disha ko dekhte he Arjun kahne laga....... Lagta hai dusra karan na bataya isliye dil se mujhe galiyan de rahi thi, tabhi bahgwan ne bhi dusri mulakaat karwa di....


Disha..... Hehe, aisi koi baat nahi hai, lekin haan dil se yaad jaroor kar rahi thi jarra main bhi to sunu ki wo dusra karan kya tha....


Arjun..... Ek min pahle tum ohhh sorry nahi aap...


Disha.... It's ok itni bhi formality ki jaroorat nahi.... "Tum" he kaho ....


Arjun..... Ohk miss, pahle tum ek kaam karo 3 fit ki duriyan bana lo....


Disha.... Lekin wo kyon....


Arjun..... Wo isliye kyonki sach sun'ne ke baad pata nahi kyon log mujhe marne ke liye daurte hain....


Disha.... Ab kaho bhi.... Bura laga to jyada jor se nahi marungi, waise bhi yahan to tumhe koi nahi janta na, jo ladki ke hatho mar khane ke baad bejjati ho jayegi....


Arjun.... Haan kah to sahi rahi ho.... Suno... Itni hasin ladki, iss adaa se mere pass dance kar rahi thi, to mujhe bhi tumhe chune ka mann kiya aur dance pe chance ....


Disha..... How mean .... Youuuuu..... Tum jaan bujh kar mujhe chhu rahe the....


Arjun.... Kachi mitti ki bani ho, jo chhune se toot jaogi....


Disha..... Huhhh ! Tum sab ladkon ki ek he mentality hoti hai....


Arjun..... Achha, bol to aise rahi ho jaise 8/10 ladkon ki mentality kaphi karib se jaanti ho.... Aur tab kahin ja kar ye niskarsh nikala hai....


Disha.... Ji nahi par janti jaroor hun.....


Arjun.... Bilkul nahi janti.... Achha ye batao kitne din ki trip par aayi ho...


Disha.... Iss baat ka bhala ladkon ki mentality se kya lena...


Arjun.... Lena hai na, tum batao to....


Disha.... Ek week...


Arjun.... Thik hai ek week mere sath ghumo Rajasthan, ghumna ka ghumna aur ladkon ke bare jo rai hai wo bhi badal jayega....


Prachi.... Disha kahin nahi jayegi tumhare sath ghumne.... Chalu kahin ka... Achha tarika nikala hai kisi ladki ko fuslane ka....


Arjun.... Oppsss ! Koi na gn, subhratri.... Aap sab ki yatra mangalmay ho.....


Disha.... Hehe, Prachi dekh to bechare ka dil toot gaya... Isse laga iske sath nach kya li, ye mujhe apne sath kahega chalne aur main chal dungi ...... Ohhh ! Kaise-kaise armaan.....


Jhatke ke sayh utha Arjun.... Disha ke chehre ke aage dono hath faila kar ..... "Boommm"


Disha, Prachi ki ore muri baat kar rahi thi, achanak ke iss tarah ke awaz par Disha bilkul he dar gayi...... "Gawar, ullu, jahil kahin ke... Ye kaun sa tarika hai"...


Arjun.... Isse dar kahte hain baby.... Jo mere sath iss trip par feel hoga.... Tumne to yahan ke kile bas dekhne hain, lekin un kilon ke ander ka bhoot-pret aur unka rashya hai wo nahi dekha....


Disha.... Hume jo bhi dekhna hai, hum khud dekh lenge ... Tumhe taklif utha'ne ki jaroorat nahi.....


Arjun..... Tumhe kya lagta hai yadi main tum se ghumne ke liye kah raha hun to kya main mara ja raha hun, tumhare sath chalne ke liye ya tum se baat karne ke liye... Waise thodi der ke liye maan bhi lun ki haan main chahta hun tumhare sath ghumna ... To isme bura kya hai ... Ladka, Ladki ke pichhe nahi jayega to kya ladkey ke piche jayega.... Jane do kisi par viswas na karna to tumhare pariwar ki parmpara hai......


Disha apne pariwar ke bare me ulta sun kar gusse se pagal ho gayi.... Arjun ke baal pakar kar nochne lagi, aur jor-jor se chillane lagi.... "Kamine, kutte... Tumhari itni himmat ki mere pariwar ke bare me ulta sidha bolo..... Tumhe to main jaan se mar dungi"......


Arjun.... Arre chhor jungli... Rawan ke khandan ki hai kya.... Jungli kahin ki....


Arjun kisi tarah uske hath churane ki kosis kar raha tha..... Par hua ye tha ki aaju-baju se uske dost bhi Arjun ko noch rahe the..... Bechara kisi tarah chhuta aur chhut kar laga hafne.... Lekin in sab ghatnakram me uss compratment ka mahol garam kar diya tha......


Yatriyo ki bhir uss jagah par jut chuki thi.... Kuch log ne to daur laga diya..... Aur Crpf ko bulane ja chuke the.... Idhar Disha aur Arjun apni tej sason ko normal karne me lage huye the..... Tabhi bhir me se kisi ne puchha..... "Kya ho gaya yahan"....


Prachi.... Dekhiye na ye ladka badtamiji kar raha hai, aur hum ne jab isse kaha hume tum se koi baat nahi karni to idhar-udhar hath laga raha hai....


Arjun ne jaise he ye baat suna ..... Lapka apne bag par aur ander se chaku nikal kar Disha ke gardan par rakh diya..... Jaise he Disha ke gardan par chaku lagaya.... Uska pichha kar rahe dono aadmi bhir ko chirte huye aaye aur Arjun par gun tan diya.....


Ab to uss compartment me aisa lag raha tha jaise koi crime scene chal raha ho..... Arjun, Disha ke kaan ko apne halke daton se kat'te huye kaha....... "Main utna bhi srif nahi jitna tum sare mitr mandli ne mujhe samjha"....

"Sun oye Amrit shivalkar ke chamche.... Ye gun se usse darana jisne gun na dekhi ho.... Humare yahan ghar me anaj se phle gun aur bullet kharidari ki jati hai... Side hat chamche warna main to kisi tarah bach he jaunga.... Par teri madam nahi bachegi".....


Mahol kaphi serious ho chala tha... Chaku aur pistol dekh kar to bhir kab ka uss compartment ko chhor kar bhagi kisi ko pata bhi nahi chala..... Disha to apne gardan par chaku lagne se he sakte me aa chuki thi, uss par se samne apne papa ke gundon ko dekhi to uska dimag he sunn par gaya.... Nahle par dahla ye tha ki Arjun ke muh se apne papa ka naam sun'na... aisa laga ... "Ki ho na ho ye mere papa ka koi dushman hai"...


Un dono gundon ko bhi yahi laga ki ye koi supari killer hai jo Disha ka pichha kar raha hai, tabhi gun dekh kar nahi dara..... Aur Arjun ke dimag me kya chal raha tha wo to in logon ko samjh me he nahi aane wala tha....


Ab iss mahol me char chand lagane Crpf ki team bhi pahunchi.... Char log aur sath me TT... Par jaise he najar gun aur chaku aur sath me wahan ke mahol par gaya.... Un logon ne bhi apne gun tan diye... Wireless se msg par msg jane laga.....


Mahol kuch aisa ho gaya..... Arjun bikul khidki se laga... Uske aage Disha jo chaku ke nok par thi.... Dare sahme se uske dost jo berth par dubke bas dari najoron se wahan ka mahol dekh rahe the... Do fit ki duri par dono gundey jo tamncha tane khade the.... Aur uske thik pichhe char donali dhari wale Crpf.... Do ki nok unn dono gundon par thi, aur do ki nok Arjun par.......

[honey boy]

Update 86

Mahol kuch aisa ho gaya..... Arjun bikul khidki se laga... Uske aage Disha jo chaku ke nok par thi.... Dare sahme se uske dost jo berth par dubke bas dari najoron se wahan ka mahol dekh rahe the... Do fit ki duri par dono gundey jo tamncha tane khade the.... Aur uske thik pichhe char donali dhari wale Crpf.... Do ki nok unn dono gundon par thi, aur do ki nok Arjun par.......


Shant mahol ko Arjun ki awaz chirti hui...... "Chal hat be, jarra rasta de"


Crpf ka ek jawan.... Dekh, natak abhi band kar de warna in sab ka anjaam bhari parega...


Gunde..... Iss ladke ko pahle kaho chaku hatane.... Warna hume jail he kyon na jana pare, lekin aaj isse saaf kar dunga....


Arjun.... Haramkhoron, tum sab jarra side hato aur rasta do... Aur ye jo gun tan rakhi hai usse niche karo ..... Wada karta hun ... Train se utarte he ye tum sab ke sath hogi..... Warna ye ladki to gayi....


Arjun itna kah kar chaku ka babaw uske gardan par dala.... Sabhi ek pal ke liye sakte me aa gaye..... Crpf aur gundon ne hathiyar niche kiye.... Jaise he un gundon ne apna wepon niche kiya... Pichhe se do jawan lun gundon ko diye 8/10 hath aur turant usse hathkadi laga kar marte huye wahan se le gaye....


Ab bache the do Crpf ke log aur Arjun..... Arjun unhe ankh dikhata jagah banaya..... Ek baar phir Disha ke gale par chaku ka dabaw banate huye kahne laga..... "Chain pull karo... Abhi".... Chain pull hui aur Arjun, Disha ko le kar niche utar gaya....


Arjun..... Dekho pagal ladki tumhari ek nadani ki wajah se kitna hungama ho gaya.... Khair hum bure he sahi... Chahun to tumhe yahan se apne sath le jaun .... Mere pass option hai lekin tumhare pass koi option nahi .... Rahi baat maine tumhare pariwar ke bare me kahne ki to tum khud samjh sakti ho maine aisa kyon kaha .... Ab jao .... Mujhe koi intrest nahi tumhare sath ghumne me..... Good bye...


Arjun wahan se nikal gaya.... Disha, Arjun ki baat par sochti hui apne compartment tak aayi ..... Mahol shant hote he ek baar phir bhir jama ho gayi thi.... Log barbara rahe the... Aapas me abhi ki ghatna par gussa jahir karte railway surkha par sawal kar rahe the aur Crpf walon ko gher kar uss se jabaw talab kar rahe the...


Disha ke pahunchte he logon ne uss se sawal karne shuru kar diye... Par wo sadme me hone ka natak kar ke apne berth par so gayi.... Raat bhar bas uske dimag me yahi khyal aata raha.... "Chahta to mujhe apne sath le ja sakta tha".....


Subah udaypur station pahunchte he...... Crpf ke log station prabandhn aur local police maujood ho gayi .... Policekarmi aur prabandhan ke log pahunche mamla darj karne lekin Disha ne jaise sab ke sath comedy ki ho.....


"Aap sab kis bare me puch rahe hain, mujhe to kuch yaad bhi nahi... Raat soyi thi to abhi jagi... Iss bich itna kuch ho gaya mujhe yaad he nahi"


Jo Crpf ke jawan raat me maujood the usne aankhen dikhate, raat ke ghatna par Disha se aur wahan majood logon se sawal kiya.... Uske doston ne to bata diya... Par Disha sab ko nakarti bas yahi kahti rahi .... "Mujhe kuch yaad nahi"


Har tarah ka hungama ka luft utha chuki thi Disha jab se apne iss trip par pahunchi thi.... Aur ab to police se bhi jhoot bol rahi thi, jabki sare policewale garmaye uspar dabaw dal rahe the ki wo kal raat ki ghatna par apna bayan de......

Disha bhi thehri Amrit shivalkar ki beti, wo bhala police aur uske sawalon se kyon darne lagi.... Thikhe swar me sidha jabaw di.... "Mujhe kuch nahi pata, mere sath jabardasti mat karo".


Disha apni baat kahti wahan se aaram se hotel ke liye nikal gayi.... Haw-bhaw se to aisa lag raha tha jaise kuch hua he na ho. Disha hotel pahunch kar gahri sans leti bas kal raat se ho rahe gahtano ke bare me sochne lagi .... Aur anth me muskura kar khud se kahi ..... "Yahi to excitment chahti thi.... Sukriya bhagwan ek he raat me itne twist dene ka"


Khud me santusti ke bhaw lati wo jaldi se taiyar ho gayi bas ye sochti hui ki aur na jane kitni rochak ghnayen uske sath yahan honi hai.... Sare dost wahan se group bana kar nikle udaypur ghumne.


Sab logon ka, sabse pahle plan bana zipline & ariel adventure park me thodi masti ka.... Park me pahunchte he Disha ka bhi man hua zipline se surfing karne ka.... Halanki unchai dekh kar ander se usse dar bhi lag raha tha... Lekin doston ne itna jyada cheer up kiya ki aakhir Disha raji ho he gayi....

Zipline at a glance

Upar jab usse surksha ke liye belt bandha ja raha tha... Disha niche dekh-dekh .. Bahgwan-ghagwan kar rahi thi.... Lekin niche se uske dost hath hila rahe the isliye wo dari si muskkan deti wo bhi apna hath hila rahi thi....


Tabhi jaise uski aankhen bari ho gayi.... Uske doston ke thik piche Arjun bhi tha... Jo Disha ko hath dikha raha tha.... Disha ko laga iss zipline par baad me jana chahiye pahle Arjun se milna chahiye.... Wo wahan ke guard ko kahne he wali thi, niche utarne, uss se pahle he usse rassi par jhula diya gaya....


Achanak se usse latka diya... Wo to utarne ka soch rahi thi, latkne ka nahi.... Upar se aankhen bhi khuli ... Aur niche dekh kar to uski chinkh nikal gayi....


Arjun upar hath hilata isharon me kaha ... Main bhi sath-sath uss ore tak chal raha hun.... Disha dari sahmi kisi tarah dusri ore pahunch kar upar se niche aayi, idhar Arjun niche pahle se khara tha...


Disha... Hi & sorry...


Arjun.... Hello & sorry ... Biti baten khatam kare.....


Disha.... Nahi, mujhe guilty feel hua... Jo mudda baat karne se aasani se khatam ho jata usse maine badha chadha diya....


Arjun.... Haan wo to hai .... Lekin kaha to jane do.....


Disha.... Huhh ! Aise kaise jane dun ... Pahle to khud guilty feel karwaye aur ab kahte ho jane dun ... Isliye.... a biggg sorry ... From bottom of heart... Aur haan tumne sach me meri rai badal dali ... So can we friends....


Arjun.... Ha ha ha.... Humare yahan bol kar dost nahi bante ... Jinse ban'ne lage wahi humare dost hain....


Disha..... Hehe... Har baat ko ab counter karoge kya


Arjun..... Ohk nahi karta .... Now happy....


Disha..... Haan happy.... Lekin ye batao, tumhe mere papa ka naam kaise pata, aur itne viswas se kaise kah diye meri family ke bare me ki viswas na karna unki parampara nahi....


Arjun.... Jo baat raat ko puchni chahiye thi, wo ab puchne se kya fayda... Pura hungama to karwa di...


Disha.... Main kya karti batao.... Koi anjaan tumhare pariwar ke bare me aisa bolta to kya tumhe bardast hota....


Arjun.... Haan mujhe bhi realize hua tabhi to yahan aaya.... Nahi to itna hone ke baad main kya idhar aata....


Disha.... Hmmm ! Thanks... Ab batao na....


Arjun..... Arre wo dono jo the wo bahut der se tum par najar rakhe the.... Aur jahan main baitha tha wahin wo dono bhi the... To usnki aapas ki baat se sab pata chal gaya.....


Disha..... Hehe.... Matlab tum dusron ki baten sunte rahte ho.....


Arjun..... Haan ye mera source of entertain,ent hai.... Main aise he apna safar enjoy karta hun....


Disha..... Achha bataya, main bhi isse try karungi..... Lekin ek baat kahun.... Raat ko tumne to sach me dara he diya tha, mujhe to laga tum koi contract killer ho...


Arjun.... Kya... O' madam tumhe main kis angel se contract killer lagta hun ... Batana to jarra....


Disha.... Solly, par jis teji se apne bag par lapke aur mujhe chaku ki nok par liya, ab soch to yahi kahegi na.....


Arjun..... Ohkkk fineee...... So ab sare doubt clear ..... Main chala apne trip par, have geat and amezing holiday here....


Disha.... Heyy... Heyyy... Suno to kahan chal diye, ab bhi naraj ho kya... Sorry to kahi....


Arjun..... Arreee bikul bhi nahi, haan raat ko thoda gussa aaya tha par niche safe utarne ke baad socha kuch tumhari galti, kuch meri... Aur yahi soch kar gussa hawa ho gaya....


Disha.... To..........


Arjun..... To kya miss ??????


Disha..... Bhul gaye mujhe ghumane ka offer diya tha....


Arjun..... To kya tum mere sath aa rahi ho....


Disha.... Haannnn.... Irade to aise he hain....


Arjun..... Mohtrma baat kya hai.... Kal raat se gulty feel karte-karte dil to nahi laga li mujh se...


Disha..... Hehe, flirt kar rahe ho.... Dil to nahi lagayi, par mere pass ek bindass offer hai....


Arjun.... Haan ab bol bhi dijiye kya bindass offer hai...


Disha...... Pure trip tum mere bf aur main tumhari gf .... Jitni marji hai utni flirting..... Life goes awesome na...


Arjun...... Aur yadi main kahun ki mere pass already ek gf hai to.....


Disha..... To main kahungi mere pass bhi already ek bf hai.... Manjoor hai to haan kaho nahi to na kaho.... Maine puch liya isliye jyada bhaw khane ki jaroorat nahi....


Arjun..... Main kyon khane laga bhaw, lekin do baten hain.... Pahli ye ki tum to mere bare me thik se janti bhi nahi, aur dusri ki ye summer sale ka offer kya trial basis par, pasand aaya to continue karogi.... Nahi to drop...


Disha..... Tumhe lagta hai ye ladki kahin pagal to nahi.... Aur haan yadi main ye offer kisi aur ladke ko deti to khushi se wo pagal ho jata.... Aur mann me na jane kaise-kaise khyalat bunta.... Rahi baat trial offer wali to sach kahun to aaj tak mera koi raha. Dil ke kisi kone me ye ek life jine ki ikchha hai, lekin apne ghar par ye sambhaw nahi tha aur har kisi ke sath ye ho nahi sakta, kyonki sab ek jaise nahi hote .... Isliye mujhe aaj jine ka mauka mila hai to kyon main isse hath se jane dun....


Arjun..... Smile please .... Lagta hai kaphi bandishen hain tum par .... Koi baat nahi hai .... Tum bhi kya yaad rakhogi, ji lo apni jindgi ......


Disha.... Arre bandishen mujh par to hain.... Lekin pariwar ke mahol ke karan bhi aisa kah sakte ho... Koi pasand aa jaye to main to usse apna bf turant bana leti.... Lekin kahin mere ghar ke logon ko khabar ho jati ... Jo ki honi he hai.... To wo ladka to gaya kaam se ....



Iss waqt disha ko dekh kar Arjun ke dil me bas yahi khyal aa raha tha........


"Log apni he khwaeshon ke karan kisi ko khul kar jine nahi dete.... Jahan galat hai wahan rok lagao na, par kam se kam aazadi se jine to do.... Hmmm ! Chalo apna to kaam hai hasna aur hasana.... Ab to lagta hai maza aayega mujhe bhi ek hafta.... Dekhte hain aur kya naya romanch likha hai iss safar par".....

[dpmangla]

Nice Update