Romantic Kuch Nahi Tere Bin (Completed)

[dpmangla]

Lovely Post
One More Update 4 Today

[honey boy]

Lovely Post
One More Update 4 Today

keep reading...

Sorry bro kal time nahi mila aaj try karunga ki raat me bhi ek update de saku...

[honey boy]

Update 65

Kuch der Payal aur Chandrika devi ki baten chalti rahi... Payal ne Drish ke bahar bhejne par sawal bhi ki .. To Chandrika devi majakiya andaz me kahne lagi...


"Iski joru kah kar nikli thi apne ghar se .. Aap ko baat samjh me nahi aayegi.... Bas aati he hogi abhi wo bhi ... Usse to kuch jyade achhe se samjhana hai ... Kyonki uss bhole se Drish ko iss sharti ladki ne pata nahi kyon itne dino tak tarpayi.....


Idhar Jo ka kya karna hai iski zimmedari Hasan aur Saurav par chhor kar hospital se hawa hui Ashk..... Dil me anginat tamanna aur chehre par dher sare bhaw .... Iss waqt to uske bacground me sangit bhi baj raha tha...

Aaj madhosh hua jaye re, Mera mann, mera mann, mera mann
Bina hi baat muskuraye re, Mera mann, mera mann, mera mann
Aaj madhosh hua jaye re.....


Rom rom bahe sur dhara, Ang ang baje shehnayi
Jeevan saara mila ek pal mein, Jaane kaisi ghadi yeh aayi
Chhu liya aaj maine saara gagan ho, Naache mann aaj mora chhum chhanan ho
Aaj madhosh hua jaye re, Mera mann, mera mann, mera mann

Aaj to bas Drish se milne, apni tarap batane aur uske sath jine-marne ke kiye nikal pari thi. Rah-rah kar jaise ander armaan bekabu ho rahe the. Aisa lag raha tha sine ke ander kuch gud-guda raha hai.... Hasti-gati geet gun-gunati Ashk pahunchi Aakash ke ghar....


Jhatke se hall me kadam rakhi aur kadam ek dum se ruk gaye..... Samne he Payal aur Chandrika devi dono batem kar rahi thi......


"Ye mamma yahan kya kar rahi hai, batayi bhi nahi yahan aa rahu hai.... Pata hota to Drish ko he phone kar ke bula leti"... Gate par khadey ho kar he Ashk ye sab soch rahi thi ... Tabhi Payal usse awaz deti bula li....


Ashk un dono ke pass pahunchte he apni maa se kahne lagi..... "Aap yahan kya kar rahi hain"


Chandrika devi.... Tum yahan kya kar rahi ho....


Aahk.... Main Drish se milne aayi thi, usse thanks kahne aur uss se notes lene ....


Payal.... Lekin chhotu to yahan nahi hai....


Aahk.... To kahan gaya hai Drish


Payal.... Koi kirti hai uske college me ussi ke sath kahin gaya hai.... Bol raha tha raat tak aayega...


Ashk.... Kyaaaa ???????


Chandrika devi... Tujhe kya hua, isme chaukne jaisa kya tha...


Ashk.... Kuch nahi mamma.... Thik hai bhabhi chalti hun...


Kitne armaan dil me sajaye the Ashk ne, lekin yahan aa kar to ek he pal me jal gaye armaan. Uski soorat rone jaise ho gayi thi, aur aankhen aanshuon se dabdaba gayi.... Wo aankhon me askon ko kisi tarah smet idhar udhar dekhti apni baat kahi, aur jaldi se piche mur kar bahar jane lagi....


Payal ko bahut bura laga.... Wo minnat bhare najron se Chandrika devi ki ore dekhne lagi... Chandrika devi samajh gayi ki Payal ab iss khel ko khatam karna chah rahi hai, par hatho ke ishare se usse shant baithne ko kahi.....


Jab Ashk chali gayi tab Payal sikayat bhare sabdon me kahne lagi.... "Rula diya na bechari ko, itna bhi tarpana kisi ko thik nahi"...


Chandrika devi.... Rona to uska main bhi nahi dekh sakti, lekin thoda dard usse bhi utha lene de. Jabtak khone ka dar nahi hoga, pane ka maza nahi aayega... Main bhi chalti hun... Aaj lado ko samay de dun... Aur haan jitna kaha hai utna karna ....


Payal "haan" me sir hilati chup-chap baat maan li Chandrika devi ka. Idhar Ashk jaldi se ghar lauti, uske aanshu the ki thamne ka naam he nahi le rahe the... Hichkiyan le kar bas khud se itna he kah rahi thi .... "Meri galti hai, mujhe manph kar do Drish par laut aao"....


Phone band rahe to kam se kam tasalli rahti hai, lekin wahi jab phone chalu rahe aur call ki koi partikirya na aaye to najar andaz karne jaisa lagta hai. Drsih iss waqt wahi kar raha tha Ashk ko najar andaz, aur ye nazar andaz karne jaise jab kisi ko mehsus hota hai dil me aag si lag jati hai. Lagatar call par call laga rahi thi, par uss call ka koi respond na aane se uski bechaini aur badh'ti he ja rahi thi.


Chandrika devi jaise he ghar pahunchi, chup-chap Ashk ko dekhne uske kamre ke darwaje tak gayi... Wo ro rahi thi.... Chandrika devi darwaje se pichhe hati... Aur Ashk ko aawaz deti uske kamre ki ore badh gayi. Ashk ne jaldi se apne aanshu pochhe, aur shant ho kar baith gayi... Chandrika devi uske kamre me aati he kahne lagi....


"Sanivar aur Raviwar, Aakash ne ghumne ka plan banaya hai... Sab packing kar lena kal hum sub ghumne jayenge."


Ashk ko iss pal to kuch bhi achha nahi lag raha tha, lekin apni maa ki baat par "haan" me sir hilati raji ho gayi... Dil me khyal aaya..... "Kal Drish to sath he hoga... Phir uss se baat kar lungi... Par yadi wo na mana to". Khone ka dar bhi kitne khyalat mann me le aate hain....


Agle din subah-subah, Ashk aur Chandrika devi taiayar ho kar Intzar me the. Ashk ke aankhon ke niche ki silwaten bata rahi thi ki wo raat bhar soyi nahi hai. Drish ke khone ka dar ab pura uske dil me baith chuka tha aur puri raat Ashk phone lagati rahi, lekin Drish ne phone nahi uthaya.


Subah se he Ashk taiyar ho kar balcony me khari thi. Drish ki ek jhalak pane ke liye na jane kab se tarap rahi thi... Uss se baat karne ke liye vyakul ho rahi thi... Subah bhi kayi call laga chuki thi, par koi respond nahi.... Rah-rah kar Ashk ke mann me bas yahi khyal aa raha tha....


"Aisa to nahi hai ki tumne mera call dekha nahi hoga Drish, phir bhi kyon jaan bujh kar nahi utha rahe phone... Please ek baar baat to kar lo, main sab samjha dungi.... Par mujhe aise najar andaz kyon kar rahe ho.... Kyon-kyon-kyon"....

"Kal to mere liye aaye bhi the, phir uske baad aisa kya ho gaya... Kuch to batao, kuch batoge nahi to main kaise samjhun ki kya ho gaya.... Sath nahi aane ko kaha iss baat se naraj ho, ya phir Kirti".......


Contact ho kar bhi contact na kar pana. Khud ko najar andaz kiya jana... Ye ek aisi feeling hai jisme armaan sisak kar rah jate hain, marne jaisi haalat hoti hai par mar bhi nahi sakte kyonki unse baat karne ka jarya abhi hai, aur ek raham ki aas dil me hoti hai.... Ab kahin baat ho jaye.


Azib si kas m kas hoti hai. Mann maan leta hai, ab usse meri koi parwah nahi, par dil samjhne ko taiyar nahi... Wo to rah-rah kar bas yahi kahta hai..... "Sirf ek baar baat to kar lo"... Ehsaason ke ek bure daur se gaujar rahi thi Ashk


Aakash ki car jab aprtment ke campus ke ander aayi tab Drish ko dekhne ke khyal se ek pyari si muskaan Ashk ke chehre par bhi aayi. Car ka gate khula.... Aakash aur Payal bahar aaye..... Najren didar ko tak-taki lagaye, ab Drish bhi dikhega par car se kewal wahi dono nikle, Drish to nikla he nahi.


Wo Drish ko car se utrne ka intzar he karti rah gayi, idhar tab-tak dono upar bhi chale aaye... Chandrika devi Ashk ko aawaj deti kahne lagi..... "Chal lado, ab kya wahin khari rahegi".


Mayusi phir se Ashk ke chehre par aa gayi thi ..... "Kitna rula rahe ho mujhe duffer, satane me mujhe achha lagta hai tumhe. Dekh sako to dekh lo, tumhari Ashk ro rahi hai".... Apne aanshu pochhti Ashk wahan se aayi....


Payal ne jab usse dekha to wo chauk gayi........ "Ye kya haal bana rakha hai Ashk, tum royi thi"


Payal ki baat jaise dil chir gayi ho, tarpte armano ko hawa de gayi jaise. Lekin khud par kabu rakhti Ashk kahne lagi..... "Nahi bhabhi royi nahi, kal raat so nahi payi"


Payal.... Par lado tum soyi kyon nahi....


Ashk.... Kuch nahi bahut dino se padhi nahi. Isliye kal raat bhar padhti rah gayi...


Payal.... Lado padhna jaroori hai, par swasthy kharab ho jayega to kharab haalat me kaise padhogi.. Dono ko balance karo. Aaram karna bhi jaroori hai. Dekho kaise murjhaya hai chehra...



Ashk..... Sorry bhabhi, aage se dhyan rakhungi... Lekin ye Drish kahan hai, nahi aaya...


Aakash.... Nahi, wo humare sath nahi aa payega... Darasal ya to Drish aa sakta tha ya main. Ghar me kuch fencing aur renovation hona tha aaj to, mujhe rukna tha. Pahle maine mana kar diya aur Drish ko kaha sab ko ghuma laye. Lekin Payal ki jid aap nahi jaoge to main bhi nahi jaungi.... To Drish ruk gaya.


Chandrika devi.... Ab chalo bhi, bahut din ho gaye mujhe bhi ghume huye, aaj kai barshon baad main bhi kahin ghumne jaungi... Thanks beta ye sab plan kar ne ke liye....


Aakash.... Kya maa aap thanks na kaho, ye sab to maine waise Ashk ke liye plan kiya hai. Kaam ki wajah se kisi ko samay he nahi de paya... To uss din Ashk ne he mujhe ye idea diya, phir kya tha maine bhi plan kar liya.

Chandrika devi.... Thik hai samjh gayi sab apni bahan ke liye kiye.... Ab tu kya khari-khari soch rahi hai lado, chal bag le aa chalna nahi hai kya...


Ashk chup-chap ander ja kar bag le aayi aur khud me he khoyi-khoyi ja kar chup-chap car me baith gayi... Do din aur ab nahi mil payegi, "do din aur"... Soch-soch kar ander se Ashk ro rahi thi......

[honey boy]

Update 66

Ashk chup-chap ander ja kar bag le aayi aur khud me he khoyi-khoyi ja kar chup-chap car me baith gayi... Do din aur ab nahi mil payegi, "do din aur"... Soch-soch kar ander se Ashk ro rahi thi.....


Ashk ki dil par jo biti kal se wo Ashk he jane, par haalat Drish ke to kal se kuch alag he the. Payal aur Chandrika devi ki baat maan kar Drish chala to gaya wahan se lekin jaye to jaye kahan, na to usse ghumne ka koi sauk tha aur na he koi dost jiske sath time pass karta.


Pahle to car ko sadkon par idhar udhar beman daurata raha.... Phir mumbai local se lekar BEST service ki bus tak me safar kiya. Chaukane wala pal tab uske liye tha jab Ashk ka call uske mobile par aaya.... Uske mann me bas yahi khyal aaya..... "Lagta hai in sab ne Ashk ko sab bata diya hai jo bhi maine kaha tabhi wo mujhe call kar rahi hai".


Pahla call bajne diya... Phir dusra... Phir teesra... Lagatar call aate chale gaye. Mann to kiya Drish ka ki call utha kar sab bata de.... "Jo bhi hua wo jabardasti hua, main kabhi nahi karta aisi baat lekin Di aur aunty ne uksa diya to main bhi bol gaya, I Am Sorry"... Lekin majboor tha, call pick up nahi kar sakta tha....


Ghumte-ghumte saam ho gayi lekin phone aana band nahi hua..... Ab Drish kare bhi to kya kare.... Wo to apni aur Ashk ki mulakaat ke bare me soch raha gha..... Jab wo Ashk se milega tab dono baton ke liye .... "Ek to ghar par jo kah aaya wo aur dusra uske baad phone nahi utha raha".... Pata na Ashk uska kya haal karegi.... Upar se sabne do din ka ghumne ka plan bhi banaya hai...


Bechara Drish phone hath me liye Ashk ke lagatar call ko dekh kar ghabraya-ghabraya sa ghum raha tha..... Saam ke waqt public transport ko alvida kah jab apni car le kar laut raha tha, tab usse aisa mehsus hua ki koi uska pichha kar raha hai....


Drish ko sidha jana tha, usne car ko dusri ore mor liya, thoda aage badha to iss baat ki pusti ho gayi, uska pichha kiya ja raha hai.... Drish car ko teji se aage badhaya, aur ek sunsan se flyover par ek dum se speed dhime kar diya....


Car ki speed dhime hote he Drish ko phir se wahi car pichhe se aati hui najar aa rahi thi. Drish ko lag gaya ye wahi log pichha kar rahe honge jinki pitayi aaj subah kiya tha..... Drish car me wapas baitha aur un se pichha chhurane ki kosis karne laga.....


Andhera jab hua tab Drish ne car ko ek per ke niche khara kar uski light off kar diya... Takriban 10 min ke baad Drish wapas pichhe mura aur chal diya..... Pichha karne wale log to bhatak chuke the, aur uske sath-sath Drish bhi rasta bhatak chuka tha...


Bandra ka pata puchhte-puchhte kisi tarah pahuncha Drish. Wapas laut'ne me Drish ko kaphi der bhi ho chuki thi upar se phone silent me tha to Payal ke bhi call ka pata na chala.... Jaise he Drish ghar ke ander kadam rakha...... "Chhotu laparwahi ki bhi had hoti hai, main kab se paresan hun, aur tum mera phone kyon nahi utha rahe the"


Drish..... Sorry di wo phone silent me tha isliye pata nahi chala...


Payal.... Kya pata nahi chala, yahan main kitni paresan ho gayi pata bhi hai tujhe.... Utni der se bahar hai, ek baar call he kar deta. Lekin nahi aaj kal to tumhe mujhe paresan karne me achha lagta hai na...


Drish kaan pakar kar chup-chap uthak-biathak lagane laga..... Payal jab Drish ko aisa karte dekhi to muskurati hui kahne lagi... "Bas-bas.... Ja hath muh dho kar aa tab tak main khana lagati hun"...


Drish wahan se apne kamre me chala aaya aur jaise he ander aaya to sabse pahle mobile nikal kar dekha.... Payal ke 3 call the.... Drish gum hota sochne laga.... "3 miss call me di ne itna suna diya, Ashk ke to 300 se jyada caal hain... Hey bhagwan bacha lena mujhe"


Hath muh do kar wapas aaya, Payal khana laga chuki thi... Kahte huye he Drish puchhne laga..... "Di 3 call kar ke he aap itni paresan ho gayi"


Payal.... Chhotu baat 3 call ki nahi thi... Main paresan ho rahi thi aur tu hai ki ring puri ho rahi hai aur phone nahi utha raha.... Gussa to aayega he na... Busy raho to phone utha kar itna bhi to kah he sakhte ho na .... Abhi samay lag jayega thodi der se aata hun, baat karta hun... Kuch bhi aisa. Proper msg rahne par dil me taslli hoti hai...


Drish.... Hmmm samajh gaya.....


Khana kha kar apne kamre me gaya aur sochne laga..... "Pata nahi Ashk kis chinta me phone ki thi, ya mujh se gussa ho kar bhagwan jane ... Lekin Di aur Aunty ne to mujhe phansa diya"


Subah ghar me jab sab taiyar ho rahe the, Drish bas apne aur Ashk ke bare me he soch raha tha.... "Jab wo samne hogi kya kahunga uss se aur wahan to ye log bhi honge... Ek kaam karta hun ... Main jata he nahi hun ... Aur somwar ko Ashk jab college me milegi to do char baten uski sun kar bata dunga ... Di aur aunty ne mana kiya tha call nhi uthane"


Abhi khayali pulaw paka he raha tha ki Payak ki awaz aayi.... "Chhotu kya kar raha hai, jaldi se taiyar ho kar bahar aao"


Drish bina taiyar huye he bahar aa kar kahne laga..... "Di mera mann nahi kar raha jane ka"


Payal bari si aankhe dikhati hui kahne lagi.... "10 min me taiyar ho kar aao"


Bechara chup ho gaya... Aur ja kar taiyar ho kar wapas aaya..... Aakash aur Payal bhi taiyar ho kar Drish ka he intzar kar rahe the...


Aakash..... Drish ek kaam karo Amby Valley City tum pahle chale jao, aur wahan ja kar hotel book kar ke sara arrengement dekh lena ....


Drish.... Jiju kahan bhej rahe ho, mujhe to rasta bhi pata nahi hai.....


Aakash... Drish jyada muskil nahi hai.. Bas yahan se khandala ka highway lena aur bilkul sidhe ussi raste par hai. Waise bhi nayi jagah ka rasta thode na kisi ko pata hota hai... Sab aise he jate hain... Pata puchhte huye ...


Drish haami bharta wahan se pahle nikal gaya... Aur uske jane ke aadhe ghante baad Payal aur Aakash nikle Chandrika devi aur Ashk ko pick karne....


Ye sara plan Chandrika devi ka tha.... Drish ko pahle wahan bhejna, aur uske baad yahan se sab ka nikalna... Taki Ashk ko ye ehsaas ho jaye ki iss safar me wo akeli ja rahi hai... Aur jab wo dono wahan achanak se samne ho phir kya hota hai.....


Drish pahle nikal gaya.... Aur idhar Aakash sab ko lekar baad me nikla.... Drish pahle nikla tha to pahle pahuncha.... Raste ki khubsurti aur Amby Citi Vally ka najara dekh kar Drish ke mann me bas yahi aaya.....

Amby Valley City

"Kaash iss jagah par main aur Ashk dono sath bahon me bahen dal ghumte. Lekin ek to Ashk pata nahi mujh se kyon dur ho gayi... Upar se kal khud he phone lagayi aur maine jabaw tak nahi diya.... Ab to pata nahi samne ho to mera kya haal kare".


Ajib si dwidha me the dono, aur ek dusre ke liye viprit soch rahe the... Jab ki sachai ye thi dono he vyakul the ek dusre se milne ke liye par dono ko manodasa alag-alag.


Hotel book kar ke Drish ek kamre me apni uljhano ke sath leta hua tha.... Idhar kuch der baad wo log bhi pahunch gaye. Aakash teeno ko bitha kar reception par pahuncha aur apni booking ke bare me confirm karne laga...


Reception se call Drish ke kamre me gaya... Aur usse jankari dete huye puchhne lage .... Kya karna hai, rooms key inhe deni hai ya nahi..... Drish ne confirm karte huye haan kaha aur phir se bistar par ja kar let gaya...


Dharkne ye soch-soch kar tej hui ja rahi thi.... Jab Ashk samne hogi to kya karunga.... Aur idhar Ashk to bejan pari thi.... Usse to koi matlab he nahi tha iss trip se ... Bas sab ke sath thi.....


Aakash ne sabhi room keys liya ... Aur sab ke pass pahuncha.... Ek room ki key Ashk ko dete huye kahne laga..... "Room number 1012". Room key dete he Payal ek baar najar utha kar Aakash ko dekhi, Aakash samjh gaya Payal ke isharon ko aur sahmati dete huye apne palken mund liya.


Ashk chabi li, aur khoyi si chal di.... "Kah dungi tabiyat thik nahi, kyon ye log mujhe yahan le aaye. Wahan hoti to apne Drish ko mana leti.... Kya hua usse... Mera phone bhi nahi utha raha"


Ashk khyalon me dubi kamre ki ore ja rahi thi.... Wahin Drish bhi alag he khyalon me tha.... "Ye log aa gaye hain, thodi der baad ghumne jayenge ... Msg kar deta hun main ghumne nikal gaya, aur phone off kar deta hun"


Drish kamra number 1012 me ... Aur Aahk bhi ussi kamre ki ore ... Drish, Ashk ko apni shakal nahi dikhane ke irade se.... Aur Ashk ko koi ummid he nahi ki Drish yahan hai.... Drish room ke ander iss waqt masg type karte huye.... Aur "khat-khut" ki awaz ke sath gate khula......


Drish ki najar gate par.... Aur hathon se mobile niche gir gaya.... Aahk ki mari si dasa me jaise he najar Drish par gayi aankhen bari ho gayi.... Dono aamne-samne, apni jagah khare bas ek dusre ko dekh rahe the.......

[dpmangla]

Lovely Updates

[honey boy]

Lovely Updates

keep reading...

[honey boy]

Update 67

Drish ki najar gate par.... Aur hathon se mobile niche gir gaya.... Aahk ki mari si dasa me jaise he najar Drish par gayi aankhen bari ho gayi.... Dono aamne-samne, apni jagah khare bas ek dusre ko dekh rahe the.......


"Najron ke samne Drish .... Drish he hai na.... Woooo hooooo .... Thank you... Thank youuu... Thank youu bhagwan ji..... Ab main tumhe kahin nahi jane dungi.... Lekin pahle apni jaan se unke ruthne ki wajah puchh lun"...


"Jaroor isse Di ya aunty ne bheja hoga, meri khabar lene ke liye, ye kaise chup-chap khari ho kar dekh rahi hai, lagta hai aaj to gaya main... Sun leta hun... Jyada se jyada sunayegi he na.... Waise bhi isne to sath he chhor diya tha college me .... Naraj he sahi milne to aayi"


Dono shant khare bas ek dusre ke bare me soch rahe the. Achanak se dono sath bol pare.... "Aahk-Drish"


Ek dusre ka naam liye phir chup .... Ek chhote se viram ke baad Ashk apni bhauyen chadhati puchhne lagi..... "Kya"


Drish.... Kuch nahi sunao kya suna rahi ho....


Drish socha Ashk ab usse kuch sunayegi he kal ke bare me isliye wo aise he puchh liya... Par Ashk ko laga Drish mujh se naraj ho kar aise ukhra sa bol raha hai....


Phir se thodi der ki khamoshi dono ke bich chhayi rahi.... Ashk he pahle bolne ka jahmat utha'ti hui kahne lagi..... "Kuch to kaho aise chup kyon ho Drishhh" !


Thodi mayusi, thodi thodi uljhe se swar the..... Drish ko hairani hui, ye jhagra karne ke badle mujh se aise minnaten kyon kar rahi hai... Kitni bujhi si bol rahi hai ... Kya hua isse ....... "Kya hua tumhe Ashk, tum itni mayus bilkul bhi achhi nahi lagti.... Tum gusse aur shararat me achhi lagti ho"...


Ashk ko laga Drish naraj hai aur tane me ye sab kah raha hai.... Ashk roti hui uske sine par apna haat marti kahne lagi...... "Rula lo jitna rulana hai, par please mujhe maaf kar do, main tum se dur nahi rah sakti... Please, please, please Drishhhh"......


Aahh si uthi ho jaise Drish ke sine me..... Apne hathon se Ashk ke aanshu pochhte-pochhte kahne laga.... "Ashk, please tum rona band karo, main tumhara rona bardast nahi kra paunga..... Mujhe kuch samjh me he nahi aa raha ... Please rona band kar ke batao to baat kya hai".


Ashk aur jor se apne hath Drish ke sine par patkti roti hui kahne lagi.... "Tum mujh se dur ja rahe ho. Kal se mujhe ignore kar rahe ho... Uss kirti ke sath aaj-kal ghum rahe ho, batao kyon na roun main ... Haan"


Drish.... Pagal kahin ki, kuch bhi bolti ho. Us din canteen me jo mila uske baad kabhi Kirti se mila bhi nahi aur na he milne ki koi ikchha hai. Ulta tum bina baat ke mujh se dur ho gayi. Janti bhi ho kya gujri hai mere dil par jab tum mujhe college me ignore kar rahi thi, aur to aur upar se bata bhi nahi rahi thi ki kis baat par naraj ho.... Phir ye ghar ke log.......


Drish kahte-kahte chup ho gaya. "Drish to kah raha hai Kirti se mila bhi nahi, phir bhabhi mujh se jhoot kyon boli".... Ashk apne chehre par aaye bikhre balon ko upar ki ... Aur apne chehre ko upar utha kar sawaliya najron se Drish ko dekhne lagi....


Drish uska chehra apne dono hathon me tham liya... Uske aanshu pochhe aur kahne laga.... "Kitni pyari lagti ho, par iss pyare se chehre par muskaan jyada achhi lagti hai, na ki ye aanshu".


Ashk subkti hui.... Main nahi roti kabhi, chaho to mamma se puch lo...


"Haan Drish beta, lado sach kah rahi hai, wo nahi roti".... "Ohhhh ! Maa ji, bich me kyon bol diye"


Jhatke se apna hath Ashk ke chehre se khincha Drish aur harbara kar dono do fit ki duri par alag huye... Ashk aur Drish apne gile-sikwe me khoye the, aur idhar inke emotional-romantic drama ka luft bahar Payal, Aakash aur Chandrika devi utha rahi thi.


Chandrika devi ke bolne par inka dhyan bahar ki ore gaya ... Aur dono jhatke kha gaye.... Isthi'ti kaphi rochak thi... Bahar teeno hans rahe the aur ander abhi Ashk ka rona band bhi nahi hua tha ki in logon par najar gayi... Aur bas dono bijli ke jhatke lagne se jaise alag hote hain waise alag huye ... Aur kisi butt ki tarah khare ho kar un teeno ko tak-taki lagaye dekh rahe the...


Kya kahe kuch samjh me he nahi aa raha tha... Butt bane khare the... Aisa lag raha tha Chandrika devi kahar barsane ka kasam kha kar aayi ho.... Jab se paresan karne ka thani thi, tab se bas dono par bijli he gira rahi thi...


Uss isthiti ki kalpna aap kya kar skte hain, jab aap karib ho apne mohabbat ke aur pichhe kahre ho ghar wale. Kya bole dono bechare kuch sujh he nahi raha tha... Aur idhar ye teeno bas unko dekh kar hase he ja rahe the.... Aakhir Aakash se he raha nahi gaya aur dono ki dwidha ko bhanpte huye kahne laga.... "Drsih-Ashk, jao dono kahin bahar ghum aao"


Ab ghar walon ke samne jab sab dono ko dekh liye ho, phir kaise himmat ho jane ki. Dono khare bas sunte rahe.... Aakash ko laga sayad dono himmat nahi juta pa rahe kahin jane ki... Aakash ne Payal ko ishara kiya, aur Payal, Chandrika devi ka hath pakar kar wahan se le gayi.... Unke jate he...


Aahk.... Bata nahi sakte the pichhe sab khare hain... Gate ke he ore mure the aur sab ko dekh bhi nahi paye... Huhh !!!


Drish... Main kaise dekhta, tum ro rahi thi to meri najar tum se hati he nahi....


Ashk.... "Ullu, duffer .. Huhhh" ! Kahti hui Ashk jane lagi...


Drish puchhe se tokte huye kahne laga.... "Ashk waise main ek baat bata dun, sab jante hain humare bare me"


Ashk.... "Sab jante hain humare bare me"... iska kya matlab Drish....


Drish.... Kuch nahi tum jao... Main iss se jyada nahi bata sakta ...


Ashk.... Ab bologe ya main tumhara sir phor dun...


Drsih.... Sir he phor do, par mujh se kaha na jayega....


Ashk ander se thodi muskurati hui .... "Kahna to pahle tumhe he parega Drish, lekin pahle jara in logon se nipat lun, aakhir kya khichdi pakai hai, jo kal in logon ne mujh se jhoot kaha. Aisa lagta tha jaise humari iss meeting ko inho ne he fix kiye ho kaise sab bahar khare hans rahe the" ...


Ashk, Drish ki baat sun kar apne mann me vichar ki, aur uski baton ka tedha jabaw deti ... "Nahi batao, main chali" kahte huye wahan se nikal kar sidha sab ke pass pahunch gayi..... Iss waqt sab bagal wale kamre me he the....


Ashk sab ke pass pahunch'ti he gusse se puchhne lagi.... "Aap sab chhip kar kya kar rahe the, aur sab ke sab hans kyon rahe the"


Chandrika devi..... "Tum nahi samjogi mamma"... To mamma bas samjhne ki kosis kar rahi thi beta....


Ashk.... Hmmm ! Aur kisi ko kuch kahna hai....


Aakash.... Haan mujhe kuch kahna hai....


Ashk... Ji bhaiya kahiye....


Aakash..... Rula lo jitna rulana hai, par please mujhe maaf kar do, main tum se dur nahi rah sakti... Please, please, please Drish....


Ashk naki dhunte huye "bhabhi-bhabhi" karne lagi.... Payal usse apne gale se laga kar uske sar par hath ferti gusse se Aakash ko kahne lagi.... "Ab bas bhi karo aap sab, kab se isse chher rahe ho"...


Ashk, Payal se lipti hui he kahne lagi... "Bhabhi aap sab ko meri kasam, baat kya hai khul kar bataeye. Kuch na kuch to khichdi pakayi ja rahi hai".


Payal... Pagli, baat kya hogi, teri aur Drish ki baten to dono ke chehre se pata chalti thi, jab bhi dono sath hote the... Hum to bas tum dono ko thoda tarpa rahe the....


Payal ki baat sun kar Ashk mare sharma ke pani-pani ho gayi, ek baar najren utha kar apni maa ki ore dekhi, aur unhe dekhte he mare laaj ke mar gayi ho jaise.... Maa ke samne iss tarh ki baten sun kar jaise laaj se wahin kahin jamin me na gar jaye.... Dharkane tej thi Ashk ki, aur juban par jaise uske taala lag gaya tha.....


Chandrika devi bhanp gayi Aahk ke dil ki haalat ko.... Wo samjh chuki thi ki Ashk mare sharm ke kuch kah nahi pa rahi hai... Isliye khud he kahne lagi..... "Tujh se to achha mera damaad hai... Jo sab ke ke samne kabool kiya tha"


Ashk ki aankhen aasharya se phat gayi... Ek dum se uski aankhen bari ho gayi aur ek baar najren apni maa par gayi aur phir niche..... Ajib sa mahol tha.... Ghar wale he unke pyar par mohar laga rahe the... Aur Chandrika devi to ander he ander khush ho rahi thi....


Kyonki parwarish bhale he uske aise mahol me hua ho jahan ladkey-ladkiyan khul kar apne maa-pita ke samne apne bf/gf ki baten karte ho. Wahin Ashk ki sharm aur laaj bilkul waisi he thi jaisi ki ek bhartiya ladki ki honi chahiye..... Iss maamle me ab tak wo apni maa ka dil jit chuki thi...


Chandrika devi apni beti ko dekh kar to jaise rahat ka sans le rahi thi... Bhale he iss waqt Ashk ka dil bechain he kyon na ho.... Tabhi Aakash bol para.... "Ye assembly me dusra mulzim kahin najar nahi aa raha... Ye Drish kahan hai".... Lo ji mamala Drish-Ashk ke bich ka aapas me kya suljhta... Baith gaye the pura khaandaan bina izhar ke pyar par dono ko sharminda aur bejjat karne...

[honey boy]

Update 68

Chandrika devi apni beti ko dekh kar to jaise rahat ka sans le rahi thi... Bhale he iss waqt Ashk ka dil bechain he kyon na ho.... Tabhi Aakash bol para.... "Ye assembly me dusra mulzim kahin najar nahi aa raha... Ye Drish kahan hai".... Lo ji mamala Drish-Ashk ke bich ka aapas me kya suljhta... Baith gaye the pura khaandaan bina izhar ke pyar par dono ko sharminda aur bejjat karne...


Drish ka naam aate he Ashk ander se thodi si muskurai, sochne lagi ab ... "Ab kahan jayega, ab to sab ke samne kahega he, jo pahle bhi kah chuka hai, woohoo"


Idhar jab Aakash ne Drish ka naam liya, to Payal aur Chandrika devi bhi haan me haan milate kahne lage ... "Haan usse bhi yahan bulaya jaye, aaj sab ki maujudgi me sab ke samne faisla hoga"


Lekin yahan thode na kisi ko pata tha, Ashk ke jate he Drish khisak liya tha hotel se. Usne socha "pahle he mujhe Di aur aunty itna tang kar chuki hai, jabardasti dil ka haal bulwaya... Ab phir se wahi..... Na na abhi to Ashk bhi hogi, main himmat nahi juta paunga"..... Aur bas fir kya tha mauka dekh kar khisak liya....


Ashk jab usse bulane gayi to Drish to nahi mila par uska ek note jaroor mila..... "Enjoy paglon ka family drama... Sab kisak gaye ho isliye main bhi khisak raha hun. Jyada jor kiye to yahan se bhi chala jaunga ... Isliye jab tak main wapas aa raha hun... Sare drama khatam kar lena".....


Ashk wapas aa kar sab ko wo note dikhayi... Sab jor-jor se hasne lage. Ashk ka muh chhota sa ho gaya.... Bechari... Sochi thi sab ke lapete me Drish bhi aayega par phasa nahi... Aur Drish ke bhagne ki chalaki aur Ashk ke yahan sab ke pass aa kar sawal-jabaw ki murkhta par sab hans rahe the....


Ashk ander he ander ab chidh rahi rahi thi... "Bas bhi karo aap sab nahi to main bhi yahan se chali jaungi"


Aakash.... Haan ab kyon rukegi, Drish ke sath bahar jo jana hai...


Ashk phir se naki dhunte "bhabhi" karne lagi.... Iss se pahle ki Payal kuch sunati, Aakash apne muh par ungli rakhte sorry kahne laga.


Payal, Ashk se kahne lagi.... Jaa lado ghum aa, nahi to ye sab aise he tumhe paresan karte rahenge...


Ashk.... Jaungi, par mere mann me kuch sawal hai, please aap sab sach-sach batana...


Sab ek sath Ashk ki ore dekhne lage....


Ashk.... Pahli baat to ye ki kal Drish ke bare me kyon jhoot kaha gaya, ki wo Kirti se milne gaya hai ? Dusri ye ki aap sab ko kaise pata Kirti ke bare me aur uss se bhi bari baat ye ki mujh se jikr kyon kiye.... Hum par najar rakhe huye the kya aap sab ?


Payal, Ashk ke sawalon ka jabaw deti kahne lagi..... Suno lado, baat najar rakhne ki nahi hai... Aur itna jo kuch bhi hua hai wo nahi hua hota yadi tum log thode samjhdar hote. Dekho ab tum dono bare ho rahe ho aur chijon ko samjhna, aapas me baat ko suljhana tumhara aapas ka kaam hai.

Baat yadi nahi sulajh rahi hai to baron se vichar lena, pariwar me sab se uss mudde par baat karna, ye samjhdari ki nishani hoti hai. Jarra pichhe ja kar yaad karogi... Jab tum Drish se chidhi thi to maa ji kaise pesh aayi thi.... Tum apne ander ki khunnas ko hum masum nirdoson par nikal rahi thi.

Akeli tum nahi, Chhotu bhi wahi kar raha tha. Ab jo tum se pyar karte hain un se he tum log chidhe the. Ye kya jayaj tha. Haan humne najar rakhi tum par. Hume sab pata tha... Kya chal raha hai... Tumhare aur chhotu ke bich uss Kirti ko lekar.

"Lekin iss ka bhi apna ek sahi udesay tha. Tum bas apni he soch ko aage badha rahe the, baat karne ke bajay ulta uljha rahe the usko. Tab hume majbooran bich me aana para. Ummid karti hun aage se yadi tum dono ke bich koi baat ho to baith kar baat kar ke suljha logi ya hum se uss bare me charcha karogi... Aakhir pariwar hota kisliye hai".


Ashk ke dimag me puri tasveer saaf ho gayi thi. Khud ke kiye par sharminda hoti wo sab se manphi mangne lagi... Sath me Drish ke liye bhi kahi.... "Uski koi galti nahi main he Kirti ko le kar thoda insequre ho gayi thi.. Sari baton ke liye main he jimmedar hun mujhe manpf kar dijiye"


Hansi-khushi ke bhaw the sab ke..... "Koi baat nahi hai, bas achhe se raho pyar se raho" sab yahi samjha rahe the... Thodi der sab ke pass ruk ne ke baad Ashk khari hoti , bare he jordar sabdon me boli....


"Sari baten to aap sab ki samjh gayi, par meri bhi baat sun lo... Mere aur Drish ke bich koi tane nahi marega. Samjhte nahi ho aap sab kitni sharm aati hai, jab ye lagta hai ki aap sab humare bare jante ho. Jante ho to apne tak rakho na... Baar-baar bol kar.... Huhhh ! Sharminda karte rahte ho ... Aur wo to bhag he gaya ... Milne do usse to main batati hun... Samjh gaye to thik warna dekh lena dobara Drish ko le kar mujhe chhera to main bhag jaungi"....


Aakash.... Bhag kar kahan mere ghar he na aayegi koi baat nahi....


Ek baar phir Ashk "bhabhi" karne lagi ... Iss baar to Payal bhi bol di ..... "Kya bhabhi-bhabhi kar rahi hai.... Thoda mazak he to kar rahe hain"...


Ashk... "Huhh koi nahi sudhrne wala... Main he jati hun".... Pair-hath patkte bhagi.... Pichhe se Payal bhi kahne lagi..... "Lado chhorna mat uss chhotu ko, tumhe akela yahan chhor kar chala kaise gaya... Aur tu ladki hai... Usse tumhare nakhre uthane honge ye baat yaad rakhna"


Ashk, Payal ki baat sun kar mukurane lagi..... Ab to bas bari thi Drish par barsne ki. Aaj to Ashk ka pakka irada tha juban se Drish ke upar aur katil adaa se uske dil par barsegi.... Ashk naha-dho kar bilkul taza ho kar bahar nikli. Apne chehre par halki lali-powder lagayi jo uske roop ko aur tej bana raha tha.


Apne dress collection se lal rang ka pridhan nikali, aur usse pahan kar taiyar ho gayi. Ye paridhan to sach me katal karne wala tha. Taiyar hone ke baad Drish ko call lagayi.......


Drish phone utha'te he kahne laga..... "Kuch bhi kah lo lekin main nahi aaunga"


Ashk.... Mat aao, hotel ke bahar tak to aa sakte ho, mujhe ghumne jana hai... Itna to kar he sakte ho mere liye.


Drish.... "Ji sukriya, khushi-khushi karunga"... Aur phone rakh kar kahta hai ... "Pagal tumhe pata bhi nahi tumhare liye kya-kya kar sakta hun".


Drish hotel ke bahar, car ke gate se tik kar khada ho gaya aur Ashk ke aane ka intzar karne laga. Jaise he lobby area me Ashk ki pahli jhalak mili, Drish ka dil joron se dhak-dhak karne laga..... Aisa laga jaise sine se dil he na bahar aa jaye.



Ek to upar wale ne pahle se itna man-mohak roop diya tha, upar se jo paridhan the wo aise pahne thi ki uske khile yoban ki puri nikhar bahar la rahi thi. Gore chehre par halki lali aur chehre par ek katil muskaan aisa lag raha tha jaise Ashk ko dekh dil he na bahar aa jaye.


Lal rang ke paridhan me Ashk ka roop aur khil raha tha. Upar se kaprey ki banawat.... Gale ke 5 inch niche se sine se lekar kandon tak ka wo khula hissa, najren bharma rahi thi. Upar se Ashk ke paun. Ahhh ... Bilkul safed sangmarmar ki tange ho .... Gori aur chamkili. Sath me high hills par jab wo adaa se chal rahi .... "Aaahhhhhhh mann maa emotions jage reeeeeeeeeeeeee"


Bharkile laal rang, ati khubsoorat sa chehra, najuk se badan ki ye banawat.... Aur laal rang ki cham-chamahat ke bich jhankte badan ke khule hisse.... Drish ki najren bhi confuse ho gayi... Ek baar me apni aankhon se kya-kya samete....


Drish ke dharkane to aaj bagawat par utar aayi thi... Kah rahi thi isse sine se he bahar nikal do.... Mujhe khul kar dharkna hai.... Palkon ke jhapkne ke system me jaise kharabi aa gayi ho wo to jhapkna he bhul gayi thi....


Drish to aaj lattu ho kar dekh raha tha..... Uske to armaan bahar aa rahe the. Aur idhar Ashk jab Drish ko khud ko yun niharte huye dekhi to ander se wo aur khil gayi.... Jaise koi jadu bhara ho Drish ki najron me. Ashk ko lag raha tha jaise uske sine me kuch gud-guda raha hai.


Najron ke teer aise the ki Ashk ki dharkano me bhi hulchal machi thi.... Chehre par khusi ke bhaw the... Drish itna pyara pahle kabhi nahi laga jitna aaj wo lag raha tha.... Ashk ka dil machal utha... Mann gale lagane aur chumne ko jaise tarap gaya ho...


Dono ke dil me umang bhar rahe the... Ek manchla tarang umar raha tha.... Ashk jaise he Drsih ke pass pahunchi, Drish ke dil me aisa ehsaason ka sagar umra ki wo usme khote huye Ashk ko gale he laga liya....


A perfect passionatly hug..... Drish, Ashk ko apne bahon me samete tha... Ashk bhi to yahi chati thi.... Wo bhi to bas liptna chahti thi.... Dono hotel ke gate ke bahar ek dusre se aise lipte the jaise kab se ek dusre se aise liptne ke liye betab ho. Dono uss pal kho se gaye.... Kahan the kya karna hai... Koi soch nahi ... Bas lipte ek dusre se achha lag raha tha... Har bit'te pal me dono ke bajuon ki pakar aur majboot ho rahi thi...


Bahar ki hulchal se Drish aur Ashk apne khoye mahol se bahar aaye... Ashk ki najren jab khuli to bahar khula mahol tha... Kuch ajnabee se chehre unhe he ghur rahe the... Ashk ka chehra to sharm se laal ho gaya... Jaldi se bahg kar wo gari me baithi...


Gari me baith kar abhi ke huye iss pyari si mulakaat ko soch kar ander se Ashk khil rahi thi, tabhi mobile par sms ki beep baji aur ye Payal ka msg tha.... Ashk usse dekhne lagi....


"Thoda nakhre jyada pyar... Dono sath rahna ... Aur haan tumhe akela chhor diya iss baat ka hisab pahle pura lena".... Ashk mukurati uss msg ko dekhi... Aur Payal ko jabaw me dhire se kahi.... "Jane do bhabhi, aaj Drish itna pyara lag raha hai ki sayad main chah kar bhi gussa na karun... Hayy kitna cute lag raha hai wo"


Ashk ke chhor kar jane ke baad to Drish jaise ander se nach raha tha... Wo to sayad abhi pure khumari se nikla bhi nahi tha.... Khoye-khoye se kadam gari ke driving seat tak ja pahuncha.... Car me baith'te huye ek baar Ashk ko dekha aur phir chal pare dono.....


Ajab si kasis thi dono ke bich... Bas najren ghuma kar ek dusre ko dekhte aur musurane lagte... Kamosi sayad jyada baten kar rahi thi.... Aur juban se jo bayan nahi kar pa rahe the wo najren kar rahi thi... Ek gajab ka pyar bhara mahol paida ho gaya tha dono ke bich......


Kuch dur aage jane ke baad car ek side scene ki jagah ruki... Ashk charo ore najren ghuma kar dekhi... Pahar ki choti .. Hare bhare peron se ladi thi... Puri jagah ko ek najar ghuma kar dekhne ke baad .. Ek baar phir Drish ko dekhi....


Drish to deewana bas Ashk ko he dekh raha tha.... Aur muskura raha tha... Ashk bhi muskurati puchhne lagi ... "Kya hua"....


Drish.... Kuch nahi chale ghumne ....


Ashk ne apne dono hathon se Drish ka baju pakri aur sir ko kandhe se tikate .... "Hun chalo"... Aur bas ussi awastha me dono kadam badha diye....


Bilkul shant mahol tha... Panchhiyon ki awaz ek surmayi sngit ghol rahi thi, aur dono iss mahol me khoye ek dusre ka hath tham bas chal rahe the......


Drish..... Ashk ek baat kahun..


Ashk lachri si awaz me.... "Hunnn"


Drish.... Aaj tum bahut pyari lag rahi ho, ji karta hai tumhe bas dekhta he rahun.....


Dhime chalte huye Ashk ke kadam wahin thehr gaye, Drish bhi ruka... Ashk, Drish ke bilkul samne khari ho kar kahi... "Dekh lo na, aaj tumhare dekhna mujhe bahut pyara lag raha hai".... Itna kah kar Ashk apni palken jhuka li....


Drish, Ashk ke dono bahen tham.. Uske chehre ko niharne laga... Najre jhukate Ashk musukari hui bas wahin khari rahi..... Ashk itni pyari lag rahi thi ki Drish ka hath khud wa khud uske chehre ki ore badh gaye... Aur bare he saumyta ke sath... Uske pure chehre par apna hath fira diya...


Drish ka hath jab Ashk apne chehre par mehsus ki to uska rom-rom khil utha.... Apni najren utha kar Drish ko dekhne lagi... Dono ki najren jaise ek dusre jur gayi ho... Hatne ka naam he nahi le rahi thi....


In khamosh mahol me najron ne aise pyar ki dhun chheri... Ki dhire-dhire Drish ka chehra Ashk ke chehre ke samip badhne laga .... Karib aur karib aate chale gaye.... Dono ki garm sasen ek dusre ke chehre par takrane lagi....


Ashk ki aankhen jaise bojhil ho gayi ho.... Uski najron ne jaise koi bhaw prakat kiye ho aur teji se sans ander khinchti apne aankhon ko band kar ke apna chehra halka upar kar di.... Pyar me jaise khud he samparpan ke bhaw aa gaye ho....


Drish, Ashk ke chehre ko ab bhi nihar raha tha... Uski band palken, galon par ek ajab si lali ka tej... Hoth ki wo banawat ... Aur aankhen munde jab apne sir ko upar ki thi... To itne pass aane ke baad Drish khud ko rok nahi paya.....


Drish ke hoth khud w khud Ashk ke hothon par chale gaye.... Aankhen dono ke band thi aur hoth par hoth rakhe jaise jam gaye the.... Bahar se sarir me koi hulchal nahi ... Par ander ka haal behal tha...


Saumyta se Ashk ke hoton ko jab Drish ne apne hoton se chuya ... To ander ek jhatka laga ho jaise.... Pahli cumban ka ye ehsaas .... Madhosh kar jane wala tha... Sama to uske liye tham chuka tha... Wahi haal Ashk ka bhi tha... Jaise he apne hoton par Ashk ke hoton ki chuan mehsus ki ... Ang tarang me ek romanch bhar gaya....


Hoth ko chuye he rahe na to hoton me koi hulchal thi... Aur na he sarir me... Kuch der ander se romanch mehsus karne ke baad ... Drish ne apne hont Ashk ke hoton se hata liye.... Drish ke chhorne ke baad bhi Ashk aankhen munde kuch chhan ussi mudra me rahi...


Kuch pal ke baad apni aankhen kholti Ashk ek pyari si mukaan apne chehre par lati huyi... Najron ko thoda niche karti ... Drish se kahne lagi.... "Achha lag raha tha"....


Drish, Ashk ka chehra apne hathon se upar kiya... Dono ki najren mili aur ... Phir nahi ruke... Iss baar to jaise ander ki sari khumari ek dusre ko chum kar nikal rahe the....


Bari siddat se dono ek dusre ke hoth chum rahe the ... Drish apne dono hoton ke bich Ashk ke kabhi upri to kaphi niche ko hothon ko jakar kar chum raha tha.... Dharkane tej ho gayi thi, dono ki sasen chadh aayi thi... Par cumban ka ye ehsaas aisa tha ki hoth jaise madhusala me ho ... Jo ek baar chumna shuru kiye to hatne ka naam na le rahe the...


Bari siddat se ek dusre ke hoth chum rahe the...... Bari teji se Ashk aur Drish ke hoth ek dusre ko chumte huye... Pith par ek dusre ke hath fer rahe rahe the.... Umar ki dasa bhi aisi thi ki ander se dono thode kamuk mehsus kar rahe the ....

[dpmangla]

Lovely Posts

[honey boy]

Update 69

Bari siddat se ek dusre ke hoth chum rahe the...... Bari teji se Ashk aur Drish ke hoth ek dusre ko chumte huye... Pith par ek dusre ke hath fer rahe rahe the.... Umar ki dasa bhi aisi thi ki ander se dono thode kamuk mehsus kar rahe the ....


Sansen chadhi thi, ehsaas bahke the aur mahul tarngmay tha. Pahle cumban ka ehsaas rome-rome me ek masti ki sihran paida kar rahi thi, aur dono bas ander se khile huye the. Hothon se hont aise jakre huye the, ki iss chumban ke eshsaas me dono na jane kab se sans lena bhul chuke the, ab wo vyakulta se dastak dene lagi thi.....


"Haaahhhhh haaahhhhh" .... Hafte huye dono ek dusre ke hoton ko chhor alag huye, aur dhire-dhire apni sanson ko, aur udham machate ander ke jazbaton ko kabu karne lage. Kuch der dono ke sason ki aawaz bas gunjti rahi, phir dhire-dhire wo bhi khamosi me tabdil ho gayi.


Najren ek baar phir ek dusre ko nihar rahi thi, aur dono ek dusre ko dekhte huye khili hui muskaan de rahe the.... Ladkpan ke chanchal mann.... Ek dusre ka sath pa kar bara he magan ho raha tha....


Ashk thodi si ruth'ti hui sikayat ke lahje me bare pyar se Drish se puchhne lagi.... "Sab ke pass mujhe akele kyon chhor aaye the, kitna bura laga mujhe... Sab mera mazak urra rahe the"


Drish apni ek bahen faila kar apne bayen ore se Ashk ko samet liya, Ashk bhi apna chehra uske sine se tika kar dobara puchhne lagi.... "Batao na chale kyon aaye wahan se"


Drish... Tumhe sach me bura laga..... Arre wo sab ke sab ye kabool karo .. Ye kaho wo kaho... Aise kahne lagte.. Aur mujhe bahut sharm aati hai sab ke samne aise baat karne me isliye wahan se chala aaya...


Ashk.... Achha ji, aur ye bhi na khyal aaya ki main wahan akeli thi, kya koi apni.....


Bechari bolne wali thi... Kya koi apni gf ko aise bich me phasa chhor aata hai, par kahte-kahte ruk gayi... Par adhuri baat ko pura samjhte huye Drish shararti muskaan apne chehre par late puchhne laga.... "Kya kah rahi thi, jo chup ho gayi.... Kya koi apni"...


Ashk bhi Drish ki bhawnao ko samjhti, uska kadar karti hui... Uss se alag hui aur ghurti najron se dekhte huye kahne lagi.... Huhhhh ! Main nahi batati kuch bhi... Jitna bolna tha bol di. Ab to jabaw tumhe dene hai mere sawalon ka....


Drish.... Puchho kya puchhna hai...


Ashk.... Main kya police hun jo tum se sawal jabaw karungi..... Aise baat kyon kar rahe ho...


Drish.... Abhi khud he to kahi, mujhe jabaw dena hai... Ussi par to maine bhi bas kaha tha ... Puchho kya puchhna hai....


Ashk.... Par kitna rude ho kar kahe, thode pyar se bhi to bol sakte ho....


Drish thoda sa mayus ho gaya.... Apna sir jhuka kar kahne laga.... "Sorry Ashk, sayad mujhe bolna he nahi aata. Kaise baat karni hai, sayad main janta he nahi.... Ammy bhi mujh se baar-baar yahi kah rahi thi... Kaise baat karne ka tarika hai tumhara.... Par Di ko kabhi koi sikayat nahi rahi.... Sayad unhi se kewal baat karta hun, to wo janti hai mere baat karne ka tarika".....


Ashk ko khud ki kahi baat par thora pachtawa hone laga... Lekin agle he pal..... "Arree, ab ye please rone jaisi soorat nahi.... Mujhe manph kar do ... Main he duffer hun, mujhe pata honi chahiye thi, ye baten.... Lo ab apne kahe par manphi mangti hui kaan bhi pakri. .. Ab to muskura do ... Pleaseeeee"


Drish muskurate huye uske dono hath hataya... Aur iss baar bare pyar se aur ek surmayi tarike se puchha.... "Ashk ab chalo tum bhi muskura kar sawal puchho"


Ashk.... Ohh haan... Par muskura kar kyon puchun ... Kaam to gussa dilane wala kiye ho.... (Banawti gusse ka bhaw lati Ashk apni najren chamkati Drish se kah rahi thi)


Drish.... Ab maine kya kar diya....


Ashk.... Kya kar diya nahi... Kaho maine kya kah diya....


Drish sawliya najron se Ashk ko dekhte huye.... "Kya kah diya maine"....


Ashk.... Wahi to tum batao, kya kahe the kal, mamma aur bhabhi ke pass jo mamma tumhe sab ke samne apna damad kah rahi thi.....


"Ye tumhari mamma aur meri Di dono phute dhol hain, ek to jabardasti tumhe uss Jo ke sath jor kar mera khun khaula di, mujh se sab kuch ugalwa liya, aur tumhe bhi bata diya"


Ashk.... Ufff O' !! Ye kya peron ko dekh kar khud se baat kar rahe ho, batao kya kabool kiya tha mamma aur bhabhi ke samne....


Ashk andera se khil kar muskura rahi thi, "ab kahan jayega... Kaan taras rahe hain ... Say na janu... I Love U Ashk". Aur bahar se banawti gusse ka bhaw apnaye thi...


Drish.... Jab sab pata he hai to kya kahun, samjh jao na...


Ashk.... Kya samjhna hai, meri samjh gayi tel lene... Apne muh se kaho... Kya kahe the kal...


Drish.... Thik hai, tum udhar ghum jao, phir main kahunga.... Tumhe dekh kar himmat nahi hogi....


Aahk.... Wahhh ji... Jis se himmat se kahna chahiye, uske samne bolne me phat rahi hai... Aur gharwalon se baat log chhipate hain to wahan dhindhora pit aaye.... Upar se kal jo tum sab ne mil kar mere sath kiya hai.. Uska to hisab abhi baki hai... Wo to main baad me dekhungi... Lekin pahle ... Abhi mere aankhon me dekh kar kaho... Kal kya kahe the....


Jabaw kya de Drish wo to sharm se he mara ja raha tha.... Bare he vichitr bhaw the Drish ke chehre par... Bilkul kisi gawn ki ladki ki shadi ki baat chher diye ho ghar walon ne... Aur wo apni ek ungli gaal par rakh kar... Haat ko diwal se tikaye ulti ghum kar ... Apne chehre ko dayen bayen ghumate sharmati hai ....


Thik waise he Drish apne galon par ungliyan rakhe ... Ek per ki aar se hath tika liya aur Ashk ke thik ulte ho kar, apne chehre ko dayen-bayen halka ghumate huye kahne laga.... "Mujh se nahi hoga.... Mujhe sharm aati hai"


Ashk bagal se, uske chehre par aaye ye asamanya bhaw dekh kar chidh gayi... Upar se uska aise sharmna... "Gharwalon ke samne sab kuch kabool kar ke mera tamasa banaya... Aur main wahin mari ja rahi hun sun'ne ke liye to phat rahi hai. Khali iski himmat mar pit me he aati hai... Batati hun isse to"...


Pure gusse me Ashk, Drish ke pichhe pahunchi. Uske kandhe ko jhakte huye apni ore mori aur bare he gusse se kahne lagi..... "Itne natak se to ladkiyan bhi aaj kal nahi sharmati... Huhhh ! Phattu kahin ke... Sab ke samne kaboola aur mujhe se kahne me sharm aati hai.... Jab tak tum kahte nahi... Humare bich koi baat nahi hogi... Good byeeee".... Aur hant-paun patkte Ashk teji se mur kar nikli....


Pichhe se Drish chillata raha.... "Suno to, Ashk... Arre ruko to kyon gusse me ja rahi ho... Kahna kya hai jab sab janti he ho... Samjhti kyon nahi, mujhe sharm aati hai"....


Drish ki baten sun kar Ashk ko aur gussa aa gaya.... Chalte-chate he kahne lagi.... "Sharmate raho, ab jab tak tum mere samne kabool nahi karte tab tak koi baat nahi hogi"...


"Huhhhh ! Sharm aati hai sharm... Kiss karte waqt nahi sharmaya, gahr walon se kabool karte nahi sharmaya... Mujhe dekh kar I Love U kahne me sharm aati hai.... Raho sharmate".... Ashk bar-barate gusse me chali ja rahi thi aur bechara Drish mayusi se usse jate dekh raha tha.



Gawn ke mahol me pala badha... Jahan ladkey-ladkiyon ke baat karne par kai sawal hote hain... Aise mahol jahan ladkiyon se baat tak karne me hichak aati hai... Waise mahol me pala badha ladkey ko samne se purpose karna tha... Ghor widambna... Bechara sharmaye nahi to kya kare..... Aur Ashk thi ki kuch sun'na he nahi chahti thi siway uske I Love U ke.


Drish gahri sans lete upar aasmano me dekh kar kahne laga.... "Kahan phasa diya"


Idhar Ashk jab wapas hotel lauti to sab ke samne se bina baat kiye huye nikal gayi... Aur kamre me ja kar jhatke se darwaja band kar di..... Payal aur Chandrika devi mamlen ko samjhne ke vicahe se uske darwaje ki bell baar-baar bajane lagi ...


Ashk apne gusse ko ... Tej sans khinch kar aur usse dhime chhorti ... Kuch normal ki... Darwaja kholi... Gate ke side se apna sir bahar nikalti kahne lagi... "Sorry abhi thoda upset hun, kahin koi galti na ho jaye isliye main akeli rahna chahti hunn.. Pleaseee"....

Bilkul shant ho kar aur minnaton wale swar me Ashk ne apni baat rakhi... Sab bina kuch bole darwaje se hat gaye.... Thodi der baad Drish bhi hotel pahuncha... Sab log jahan the wahan pahunch kar chup-chap bas idhar udhar najar daurane laga....


Wahan maujood sare log bina ek sabd bole ... Apne hathon ka ishara Ashk ke kamre ki ore kar diye... Drish kamre ke gate par pahunch kar.. Ek baar bell bajata aur mundi side kar ke pass ke kamre me sab ko apni banawti mukaan se dekhta.. Sab usse he dekh rahe hote hain... Aur Drish ke mskaan ka jabaw wo bhi muskura kar de rahe the....


Najren pass ke kamre me baithe logon par aur ungli bell par.... Wo sab ko dekhte huye... Har 5 sec par ek baar bell bajata.... Sabhi log jor se haste huye... Hathon se ander jane ka ishara karne lage.... Drsih jab samne dekha to kamre ka gate khula hua tha...


Danton tale jibh dab gayi ... Ashk to darwaja khol kar kab ka ja chuki thi.. Aur bistar par tik kar baithi... Bas samne gate ki ore dekh rahi thi...


Drish ne jaise he pahla kadam gate se ander rakha... Ashk gusse me kahne lagi.... "Bakwas karne aaye ho to mujhe distrub na karo.... Jo main sun'na chahti hun wo kahne aaye ho to he aage badhna"....


Drish... Ek kadam aage badhata... "Suno to, samjho bhi... Tum to jid par utar aayi ho Ashk"....,


"Chaannnn ... Khattt" aur hath me jo aaya usse Drish ki ore marti hui Ashk khari ho gayi... Uske pass aayi aur usse darwaje se bahar karti hui... Kamre ka darwja jhatke se band kar di....


Iss baar utra sa chehra le kar pass ke room me dekh raha tha... Sab ne hath ke ishare se usse apne pass bulaya.....


Aakash.... Kya hua, Ashk tum par itna bharki kyon hai... Jhagra hua kya tum dono ke bich...


Drish... Nahi


Payal.... Phir baat kya hai jo naraj hai....


Drish.... Pata nahi...


Chandrika devi... Pata nahi ya batana nahi chahte... Dono ko dekh kar to lag raha hai ki koi vivad hua hai.....


Drish mayusi se kahne laga.... "Haan ajib si jid le kar baith gayi hai... Aap sab please usse samjhao na"...


Sab ki najren Drish par... Jis mayusi ke sath kah raha tha sabke chehre par chinta ki ek lakir, aur mann me jigyasa ... Kaisi ajib si jid... Kya chahti hai Ashk... Sabhi bas dekh rahe the Drish ko he .... Ek saat sabhi kahne lage... "Bolo to kya ajib si jid hai"


Drish.... Wo chahti hai main bolun... Usse... (Aur itna kah kar shant ho gaya)


Payal gusse me kahne lagi... "Chhotu... Puri baat to batao... Kya bolne kah rahi thi"


Drish ussi vichitr mudra me phir se sharmate huye bara dhire se bola.... "Wahi bolne kah rahi thi, jo kal maine aap dono ke pass bola tha"


Sab ka dimag ghum gaya.... Itna serious mahol bana kar isse yahi kahna tha... Alag alag sabdon me par sab yahi soch rahe the.... "Pyar ka izhar karna hai aur ye ulluon ki tarah sahrma raha hai.... Thik kar rahi hai lado, iss ko hum bhi chhor dete hain, khud he nipatne do"....


Sabse pahle Payal he boli.... To, hume kya karna hai, ye tum dono ki baat hai... Kahna tumhe hai I Love U aur sun'na usse hai.. Isme main kya karun...


Chandrika devi... Waise bhi tumhe sharm nahi aati ghar ke baron ke pass aise ishq mohabbat ki baat karte ... Chhi... Tum dono ka mamla alag... Aur ghar ka mamla alag... Aage se yaad rahe dono baton ke bich parda hona chahiye ... Warna samjh lena ....


Aakash.... Khud he nipto Drish, ab isme hum kuch thode na kar sakte hain....


Drish to ulluon ki tarah sab ko dekh raha tha.... "Kaise dramebaaj hain sab ke sab... Ye Di ne to palla he jhar liya... Aur jarra dekho is nautanki aunty ko... Kal mujh se khud kahlwaya... Aaj khud he Drish ko sari baten bhi bata di.. Tab parda nahi tha... Maine madad ki ummid kya kiya isne to parda ki diwar he bana di... Aur ye jiju to ehsaan framosh nikla.... Iski shadi meri wajah se he hui ... Aur ye aise kah raha hai"...,


"Koi na iska badla to main jaroor lunga... Par abhi ka kya karun ... Main uss ke pass ja kar bol to dun... Par uske samne jate he pata nahi himmat kahan chali jati hai... Koi to madad karo reee"