Romantic Kuch Nahi Tere Bin (Completed)

[honey boy]

Update 20

"Kyonki ye class 6 ya uske upar ka fighter hai, bina training ke mujh par bhadi par gaya"..... Aakash ki baat sunkar Amme ka muh khula rah gaya... Aisa jaise kisi ne khadey- khadey Amme ko high-voltage ka shock de diya ho.


Amme..... Par ye kaise ho sakta hai, Aakash tum jaan bhi rahe ho tum kya kah rahe ho.


Aakash.... Meri baton par koi shaq hai kya, filhaal yahan ka kachra saaf karo, iss Diljeet ki lash ko bhi hatana hai yahan se.


Aakash ne apne bag se do spray nikale, frash par lage sare khoon ke daag par wo sprey chhidka, fir Diljeet ki lash ko Aakash apne kandhe par dala, aur chhotu ko Amme ne apne kandhon se sahara diya.


Amme... Kitna bhadi hai ye Aakash, isse boundry se bahar kaise karenge, lagta hai iske niche dab kar kahin main na mar jaun.


Aakash.... Najuk ho gayi ho Amme, lagta hai Diljeet ne tumhe kuch jyada he najo se rakha hai.


Amme.... Hehe, kuchh bhi kaho, tha bahut mast. Aaj to maza de diya isne pura. Par bechara janta nahi tha, wo maza mere liye tha, aaj tak koi bacha hai mere sath maza karne wala jo ye bachega.


Aakash.... Haan, aur tere live show ko usne bhi enjoy kiya jo tumhare kandhe par hai, camre se haalat check ki thi maine, bechara...


Amme.... Ruko, phir main isse goli kyon nahi maar deti, waise bhi to lash ki tarah he hai, pura lash he bana deti hun.


Aakash.... Bakwas band karo, we are not bloody muderers, hum bas apna kaam karte hain, hume aam logon se koi lena-dena nahi, samjh gayi tum.


Amme.... Lekin ab ye aam kahan raha, isne to hume dekh liya hai, ye kyon bhul jate ho.


Aakash..... Wo dekhna mera kaam hai tumhara nahi Amme, ab chalo jaldi karo warna police aati he hogi.


Dono apne-apne kandhe par Diljeet aur chhotu ko tange, usse kamre ke bahar le aaye... Jaise he kamre ke bahar aaye.....


"Meri koi madad to nahi chahiye"... Sniper liye jo bagal ki chhat par tha, wo dono ke pass aate huye.....


Amme.... Zahid isse sambhal, bahut bhadi hai ye.


Zahid.... Amme, najuk to nahi ho gayi, ek ko utha nahi pa rahi.


Aakash.... Zahid, tham le isse, madam aaj kuchh jyada he nakhre kar rahi hai.


Zahid ne chhotu ko apne kandhey se uthaya..... Teeno niche pahunche, pichhe ki boundry se pahle Amme aur Zahid dusri ore gaye, phir rassi ke sahare se, chhotu aur Diljeet ko uss ore kiya.


Dono ko boundry ki dusri ore bhejne ke baad, Aakash wapas aaya, ek baar phir pura check kiya, aur Diljeet wale kamre me aag lagate huye nikal gaya wahan se. Teeno Diljeet ki lash aur chhotu ke sath apne thikane par pahuche.


Aakash.... Zahid tum iss lash ko dispose karo, aur Amme chhotu ko dusre kamre me dalo.


Dono ko instruction dene ke baad Aakash computer par baith gaya, sare files ki scan copy liya aur usse apne boss ko bhej kar, uss file ko jala diya. Thodi der ke baad Aakash ke pass uske boss ka call aaya....


Boss.... Great job my boys, sabhi surkshit to ho na.


Aakash.... Haan boss, hum sab thik hain.


Boss.... Mission ke dauran pichhe kuchh chhor to nahi aaye.


Aakash.... Kah nahi sakta boss, wo to police ki report se pata chalegi, haalanki mere hisab se to sab clear hai.


Boss.... Achha hai, ab tum sab wapas laut aao...


Aakash.... Lekin boss...

Boss... Bolo Aakash...


Aakash.... Boss uss ladkey ke bare me bataya tha na, wo sach me kamaal ka hai, yadi aap usse dekh lete to..


Boss.... Aakash, mere bacche, yadi tum uski itni tarif kar rahe ho to, jaroor kuchh baat hogi, thik hai under observation rakho usse, aur jald se jald wapas aao tum sab.


Aakash... Thik hai boss, yahan se teen din baad hum niklenge.


Baat khatam hone ke baad .. Amme, Aakash se... "Tumne unhe pura sach kyon nahi bataya"


Zahid... Kaisa sach aur ye iss ladkey ki tarif kyon kar raha tha....


Tabhi kamre ke ander ek aur unka sathi dakhil hote huye..... "Sab kar ke chale aao, aur kachra, mujh akele ko saaf karna parta hai"


Aakash.... Tu jinda hai Sawan, maine to boss ko bola blast me dab gaya Sawan.


Sawan.... Tu kya muh dekh rahi hai Amme, ja pani lekar aa na. Dekhti nahi hai tere saajan aaye hain, soch raha hun hum dono kaam se voluntry retirement le kar shadi kar le.


Amme apni gun nikalti, Sawan ke sir ke bich lagati... Tujhe marne ki kyon itni jaldi hai, marna hai to dushmano ke hath mar na, mere hathon se marne ki khwaish kyon rakhta hai...


Sawan, gun ki nully ko apne sine ke bayen hisse se tikata hua.... Janeman marna he hai to, yahan goli maar, baar-baar daga karta hai tujhe dekh kar.


Aakash... Stop it guyes, Sawan tune uss building se sare bullet nikal diya na.


Sawan.... Yaar mujhe ek baat samjh me nahi aaya, teen log ke liye blast kyon kiya, mujhe bol dete main kaam khatam kar deta...


Aakash.... Duffer, time kiske pass tha. Diljeet hosh me aane wala tha aur humare pass do min tha, teen log idhar the hum, tu yadi thoda sa chukta to yahan alarm bajta aur sab fail.


Sawan... Hmmm ! Mujhe nahi pata tha timing ka. Floor he pura gira pada tha, par kaam ho gaya, do bullet thi, nikal le aaya, pipe par bhi nishan pata chalta, isliye usse bhi jala diya.....


Zahid.... Ho gaya na sara kaam, ab Aakash uss ladkey ke bare me kuchh bataoge, jise jinda nikal laye, aur boss se itni tarif kar rahe the...


Aakash.... Tarif ke kabil to hai, uski class he alag hai, ek kaam karo uski body me transmeter eject kar ke bandh do aur sab so jao... Kal baat karte hai...


Chhotu ke janghon me ek micro transmeter eject kar ke sab so gaye, subah jab chhotu utha to bhandha hua tha, wo kamre ke charo ore dekhne laga ki usse kahan le aaya gaya hai.........

[honey boy]

Update 21

Chhotu ke janghon me ek micro transmeter eject kar ke sab so gaye, subah jab chhotu utha to bhandha hua tha, wo kamre ke charo ore dekhne laga ki usse kahan le aaya gaya hai.


Chhotu ne bahut kosis ki khud ko chhurane ki, magar hath-paun bandhe hone ke karan wo a-sahay tha, kuchh der kosis karne ke baad, haar kar apni kosis band kar diya aur najar ghuma kar charo ore dekhne laga.


"Kaise ho master, jaag gaye" Aakash ne chay ka cup badhate huye puchha...


Chhotu bina kuchh bole, bas Aakash ko ghurti najron se dekhta raha. Itne me Amme aur Sawan bhi ander chale aaye.


Amme.... Arre munna ke hath pawn kyon bandhe hain, isse kholo jarra, ye aisi ghurti najron se dekh raha hai, jaise abhi sabko khatam kar dega. Jaraa kholo hath paun, kal isne mere action ka maza liya, aaj main bhi to iska action dekhun.


Sawan..... Action, wo bhi iss bacche ke sath. Chhi-chhi Amme, tu to hawas ki pujaran ho gayi.


Amme.... Hawas iske sath nahi to kya tere sath rakhun. Ye baccha to tera baap hai, aur apne baap ko respect dena sikh.


Sawan.... Juban sambhal kar Amme, mazak ki bhi limit hoti hai.


Aakash.... Shut-up your mouth Sawan. Pahle mazak ki limit tumne cross ki hai. Ab bahas band karo tum dono.


Chhotu, Aaksh ki ore dekhte huye..... Mujhe yahan kyon laye ho.


Aakash.... Ohhh ! Chhotu, cool down, aur thoda dhyan se sun'na. Ye hai, Amme, uske pass wala Sawan, ek abhi yahan nahi hai, market ghumne gaya hai, wo hai Zahid. Iske alawa humra ek aur sathi hai, Rajat, wo nahi aa paya.


Chhotu.... Ye sab mujhe kyon bata rahe ho, mujhe tumhari kahaani me koi dilchaspi nahi, bas hum se dur raho. Tum kya karte ho kya nahi, uss se mujhe koi lena dena nahi.


Amme.... Uffff ! Chhoti si umar me itne tevaar, Aakash tumhe nahi lagta ye kuch jyada he bol gaya.


Aakash, Amme ko aankhen dikhate huye shant rahne ka ishara kiya, aur Sawan se rassi kholne ke liye kaha. Chootu ke hath pawn khulte he, wo ghurte najron se un sab ko ek baar dekha aur wahan se chala aaya.


Amme.... Aakash, itna bhadosa, pahle kabhi nahi dekhi kisi par kartey huye.


Aakash.... Dil ka saaf hai, aur chehre se he pata chalta hai ki kitna sacha hai. Kaphi impress kiya hai isne mujhe.


Chhotu jab wapas lauta to gate par he Payal mil gayi, chehre se kaphi chinta me lag rahi thi. Chhotu jab Payal ko iss haal me dekha, to wo bhi padesan ho gaya....


Chhotu... Di kya hua, aap itni padesan kyon ho ?


Payal... Main marun ya jiyun, iss se tumhe koi parwah thode na hai. Mujhe koi baat nahi karni.


Chhotu..... Aap kyon aisi baat kar rahi ho, kya hua kuchh to kahiye. Koi galti huyi hai to mariye, pitiye, jo karna hai kijiye, par aise naraj na rahiye.


Payal.... Kal raat rokti rahi, par ab tu bada ho gaya hai na, kyon meri baat man'ne laga. Raat bhar main yahan padesan hoti rahi... Kaisa hoga, kis haal me hoga, aur ek tu hai ki mujhe phone bhi nahi kar saka.


Chhotu, apne chehre par masumiyat late huye.... Sorry Di, main to bas uss Aakash ko dekhne gaya tha. Mujhe pata hai, kahin na kahin aap usse pasand karti hain, aur aap jise pasand karti hain wo aap ke pasand ke layak hai ki nahi, iska to mujhe pata lagana he tha. Phir babuji ka kya, wo kabhi taiyar nahi honge aise ristey ke liye jo unke kul aur samaj se hat kar ho.


Payal.... Kitni badi-badi baten karne lag gaya hai, aur tujhe kaise pata, ki main usse pasand karti hun.


Chhotu.... Bachpan se aap ke sath rahta hun di, itna to mujhe pata hoga he.


Payal.... Achha, chhor ye sab, aur ye bata, ki kya aap ki izazat hai, aaj Aakash ke sath ghumne jane ki.


Chhotu.... Di, usse aap bhul jao, mere hisab se wo aap ke layak he nahi hai.


Chhotu ki baat sunkar, Payal thodi mayus ho gayi...... "Chhotu, lekin hua kya tha jo tu aise kah raha hai" ?


Chhotu.... Di, kal raat bahut kuchh ho gaya, wo ek gangster hai, aur kal raat usne kai murder kiye apne team ke sath milkar.


Payal.... Ye kaisi bahki-bahki baten kar raha hai. Tumhe jaroor kuchh galatfehmi hui hai.


Chhotu... Koi galatfehmi nahi hai di, maine jo dekha aur suna wahi kah raha hun.


Itna kahne ke baad, chhotu raat ko hui ghatna ka pura vivran Payal ko suna diya. Haan wo Amme aur Dj ke bich hui raas lila ko gol kar gaya. Chhotu ki baat sun'ne ke baad, Payal apni gahri sason ko chhorti huyi.....


"Chhotu, mann nahi maan raha, kya tu apni di ke liye, ek baar please chal na uss se milne ke liye"


Chhotu sab kuchh sah sakta tha, par Payal ki mayusi nahi. Na chahte huye bhi, chhotu ne Payal ki baat par hami bhar diya, par ye ek chhoti si hami to uske jevan ki aisi kadwi sachai thi, ki yadi ye hami na hota, to sayad khatre me kayi zindgian na hoti.

[dpmangla]

Nice Post

[virat singh12]

Lovely post

[honey boy]

Nice Post

Lovely post

keep reading...

[honey boy]

Update 22

Chhotu sab kuchh sah sakta tha, par Payal ki mayusi nahi. Na chahte huye bhi, chhotu ne Payal ki baat par hami bhar diya, par ye ek chhoti si hami to uske jevan ki aisi kadwi sachai thi, ki yadi ye hami na hota, to sayad khatre me kayi zindgiyan na hoti.


Payal, chhotu ko lekar Jaipur railway station ki ore chal di. Mann me chhipi apni chahat ke sadke me, usse ander se bas yahi khyal aa raha tha, "hey bhagwan, sab kuchh thik karna, Aakash me koi khot na ho"l


Aaj chhotu ki aadat Payal apnaye huye thi, aur gumsum bilkul sidhi dekhti huyi, apne mann me uth rahe vicharon ke sath pahunchi Jaipur railway station. Idhar Aakash ke mann me ye kahin na kahin tha, ki chhotu aur Payal jaroor wahan aayenge, isliye tay samay par Aakash, Amme ke sath pahle se pahuncha hua tha.


Chhotu aur Payal, Aakash ko dhunte huye, mandir ke pass pahunche. Payal ki najar jaise he Aakash par pari, apni najren nichi karti ek pyari si muskaan ke sath uska swagat ki. Aaksh bhi un-dono ko dekh kar kaphi khush ho gaya...


Aakash.... Yakin to nahi tha, par dil me jaroor kahin na kahin tha ki aap aayengi.


Payal.... Ji, aap ne meri jaan bachayi thi, itna to wada nibha he sakti hun.


Aakash... Chalen phir....


Payal.... Kya ?


Aakash.... Chalen ya yahin railway station se mil kar he jane ka irada hai.


Payal.... Ohhh sorry, main samjh nahi payi. Haan-haan, chaliye-chaliye....


Payal ka jaise dil, mann, aur juban ka talmel he khatam ho gaya ho. Ye Payal ke ghar ki parwarish he aisi thi, ki aaj tak kisi bahar ke ladkey se najar utha kar baat tak nahi ki, aur jab se pahli baar Aakash ne Payal ko saparsh kiya tha, Payal ke mann me jaise chhipa koi preet prem jaag gaya ho.


Sab car ki ore badhe, aage jahan Payal baith'ti wahan Anme ja kar baith gayi, aur Payal khushi-khushi Aakash ke sath pichhe baith gayi.


Car aage badhi, par Payal kahan se aage baat badhaye usse kuchh sujh he nahi raha tha. Kabhi apne hatheli ko malti, to kabhi asehjta se apna dupatta thik karti, to kabhi Aakash ki ore mudti kuchh kahne aur bina kuchh kahe apna sir niche jhuka leti. Ghabrayi wo aisi thi Aakash ko dekh kar, ki uske paun bhi hil rahe the...


Aakash...... Aap kuchh ghabrayi si lag rahi hain..


Payal.... Haan, nahi .. Wo .. Aisa kuchh bhi to nahi.


Aakash.... Mujhe pata hai, kal raat ke bade me chhotu ne aap se jaroor kuchh kaha hoga, aur issi wajah se aap padesan dikh rahi hai, soch rahi hain, main achha aadmi hun ya bura....


Payal yahan apne haal-e-dil ki wajah se ghabrayi thi, aur Aakash ko laga, "chhotu ne Payal ko bataya hoga ki hum sab khuni hain, isliye ghabrayi hai". Payal aakhri ki line ... "Achha aadmi hun ya bura"... Wali baat sunkar bahut had-badi me kah gayi.....


"Nahi-nahi, aap to bahut achhe hain, mujhe bahut pasand bhi hain, bhala bina kuchh jane-soche main kaise maan lun ki aap bure hain... Aap to bahut he achhe hain"


Payal ek sans me apni baaten kah gayi, Payal ki baat sunkar, Aakash ko thodi hasi aa gayi, muskura Amme bhi rahi thi. Wahin jab Aakash ko Payal muskurate dekhi to sharma kar apna sir niche kar ke mand-mand wo bhi muskane lagi, aur chhotu bas yahi soch raha tha... "Ye Payal di bhi na, jadda bhi inme akal nahi"


Aakash ko samjh aa gaya ki Payal ki ghabrahat ki wajah kuchh aur he hai, wo apni baat phir se kahne laga....... "To phir kya bataya chhotu ne kal humare bare me aur".......


Abhi Aakash itna he kaha, ki bich me Amme bol pari.... Kya kaha hoga, kal raat mast scene dekh kar aaya, maza aa gaya .... Kyon chhotu yahi bataya tha na apni di ko.


Payal, jab Amme ko dekhi to thodi hairan ho gayi, wo itni khoyi thi Aakash me ki dhyan he nahi de payi, aage kaun baitha.


Payal.... Aap kaun ????


Amme... Hey madam, kahan khoyi thi, main to aap ke samne baithi car me, by the way I am Amme, Aakash ki gf.


Payal jab Amme ke muh se ye sabd suni, to uska mann hua abhi baal pakad kar ghasit'te huye usse car se bahar fek de.....


Aakash... Kya kuchh bhi bolti ho tum Amme, don't forget I am your boss.


Payal.... Boss....

Aakash ki baat sunkar ek baar phir Payal apna dhyan Aakash ki ore ki, Idhar chhotu ghurte huye dhire se Amme ko kaha.... "Di ke samne bakwas ki na, to tera sir mundwa dunga. Muh band kar ke baith, nahi to mujh se bura koi na hoga".


Payal ekdum shocked hoti huyi aage chhotu ko dekhne lagi.... Chhotu tune abhi Amme ko kya kaha ?


Chhotu.... Kuchh bhi to nahi di.


Amme... Payal, isne kaha, main bahut khubsurat lag rahi hun.


Payal, Amme ki baat sunkar ascharya se apna muh khol li.... "Chhotu ne, ..... tum se kaha, .... tum bahut khubsurat ho...


Aakash..... Isme itna shock hone jaisa kya tha, ye to bas ek complement hai


Payal.... Chhotu, aur complement. Ek he raat me bahut badlaw aa gaye isme to.


Chhotu... Aisi koi baat nahi di, main to bas inhe, bloody murderer kah raha tha.


Payal.... Chhotu, koi aise baat karta hai kya....


Aakash.... Rahne dijiye, usne jo dekha wahi kaha. Main batata hun.......


"Hum logon Indian intelligence RAW ke liye kaam karte hain. Halanki, hum kisi bhi soorat me ye raaj nahi bata sakte, lekin aap logon par bhadosa hai, isliye bata raha hun. Desh surkshit rahe, isliye humlog din raat mehnat karte hain, bina kisi par ye jahir kiye, ki hum kaun hain"


"Humara kaam ho sakta hai, aap logon ko pasand nahi aaye, lekin kya kar sakte hain, kai logon ki surksha ke liye hume ye sab karna padta hai. Log hume hausla to dete hain, par apne pariwar ya mitron me samil nahi karte, kyonki humare zindgi ka koi bhadosa nahi".


"Kya lagta hai aap ko, yadi main ye kaam nahi karta, to aaj mere pass bhi apna bahut kuchh hota. Aas pass dost hote, apna ek pariwar hota, par jaise he log sunte hain, ki hum army ke liye kaam karte hain, pata nahi kyon, hum se koi rista nahi jodna chahte. Sabki sahanibhuti he mali hai, kya humara jivan itna dayniya hai ki logon ke sahanubhuti ka mohtaz ho, par log koi rista na jode".


"Humne apni sari urza, sochne ki chhamta, aur apna pura jivan iss desh ko diya hai, aur hum bas issi me khush hain. Mar jayenge sahid kahlayenge, par marte-marte bhi kuchh aisa kar jayenge ki char logn ka bhala he hoga".


Payal khamosi se Aakash ki baten sunti rahi. Aakash ki baat sun'ne ke baad, payal ko khud ke pasand ke upar garv mehsus hone laga, Aakash ke prati uske dil me izzat aur samman aur bhi jyada badh gayi.


Payal.... Main chhotu ki taraph se manphi chahti hun. Jab baat meri hoti hai, to usse kuchh bhi nahi sujhta. Bachpan se he uski puri duniya main he rahi hun, isliye sayad wo bina kuchh jane he, aisa soch aur bol raha hai.


Aakash.... It's ok, koi baat nahi hai. Mujhe to chhotu ko dekh kar kaphi khushi hoti hai, itni kam umr me bhi apne family ke prati kitna responsible hai. Hume aise he responsible logon ki talaash rahti hai, jo apne jimmedariyon ko samjhe. Main to chahta hun ki chhotu bhi hum me samil ho jaye, aur apne aur apne pariwar ka naam raushan kare.


Chhotu.... Achha socha hai, par main apni di ko chhor kar kahin nahi ja sakta.


Payal.... Aakash ji, aap ka prastaw achha hai, lekin chhotu ka mann nahi, isliye main usse kuchh nahi kahungi, haan chhotu ka mann hota, to main khud usse khushi-khushi jane deti.


Amme.... Koi baat nahi hai, hum kisi ko bhi jabardasti apne sath nahi late, yadi kabhi mann badle to jaroor hume yaad karna chhotu. Ab filhaal ghumne chale, jab se aayi hun... Kaam he kaam ki baaten chal rahi hai.....


Sabhi wahan se Hawa-Mahal pahunche. Jaipur me isthit Hawa-Mahal, rajputana sasan ke dwara banaya ek adbhut karigiri thi, jahan darbar lagta tha. Niche darbaar sajta aur sunwaeyan hoti thi, aur upar ke khidki se rani puri sunwai dekhti thi, jabki banawat aisi thi ki upar kisi ko Rani najar nahi aati thi.


Karigiri ka aisa namuna tha, ki upar ki ore bane kamro me jane ke liye sidhiyan nahi thi, ek lift ki tarah snrachna ki gayi thi, jisme khinch-kar upar se niche lane-lejane ki vyawstha thi.


Payal Hawa-Mahal ko dekh kar kaphi khush ho gayi. Usne kayi kahaniyan sun rakhi thi, yahan ke bare me... "Yahan darbaar lagta tha, aurton aur ladkiyon ko kisi bhi ajnabi ke samne aane ki izazat nahi thi, isliye upar se he sab dekha karti thi".


Itna kuchh sun aur padh rakhi thi, ki jaise he ander dakhil hui, Aakash ka hath pakrti, kisi guide ki tarah, wahan ke bade me batane lagi. Chhotu bhi unke pichhe-pichhe jana chahta tha, par Amme ne chhotu ka hath pakad kar...... "Kuchh der akela bhi chhor do unhe, koi bhag nahi jayegi tumhari di, Aakash ke sath. Aur waise bhi tum mere karzdar ho, to chalo abhi mujhe ghumane".


Chhotu, Amme ki baat par gaur karte huye, un-logon ko wahin chhor diya aur Amme ke sath bahar aa gaya. Idhar hawa mahal me, pyar ki hawa chalni shuru ho gayi thi, aur.......

Do dil mil rahe the .... Magar chupke-chupke

[honey boy]

Update 23

Itna kuchh sun aur padh rakhi thi, ki jaise he ander dakhil hui, Aakash ka hath pakrti, kisi guide ki tarah, wahan ke bade me batane lagi. Chhotu bhi unke pichhe-pichhe jana chahta tha, par Amme ne chhotu ka hath pakad kar...... "Kuchh der akela bhi chhor do unhe, koi bhag nahi jayegi tumhari di, Aakash ke sath. Aur waise bhi tum mere karzdar ho, to chalo abhi mujhe ghumane".


Chhotu, Amme ki baat par gaur karte huye, un-logon ko wahin chhor diya aur Amme ke sath bahar aa gaya. Idhar hawa mahal me, pyar ki hawa chalni shuru ho gayi thi, aur.......


Payal aur Aakash aa gaye Hawa mahal me. Payal kisi bacchi ki tarah, Aakash ka hath thame, usse yahan se wahan, aur wahan se yahan le ja rahi thi.


Aakash bhi muskurata hua Payal ke sath, khushi-khushi ghum raha tha. Niche ke darbaar ko dekhne ke baad, Payal aur Aakash, upar aa gaye, jahan rani apne kakchh se daebaar ka sara kaam dekhti thi.


Payal ek khidki ke pass dono hath tika kar niche dekhne lagi, aur Aaksh se batate huye... "Jante hain Aakash, Rani yahan se pure darbaar ka kaam dekh sakti thi, lekin unhe koi nahi dekh pata tha".


Aakash bhi khidki par hath rakh kar, niche dekhne laga. Jagah itni chhoti thi, ki Aaksh ka dayan hath, Payal ke bayen hath ke upar tha, aur jab se ye hath Payal ke upar tha, Payal bas apne pass khadey Aakash ko bade pyar se dekh rahi thi.


Aakash bina jane ki Payal kya kar rahi hai, wo bhi niche darbaar me he dekh raha tha, lekin jo Payal pure waqt baat karti rahi, uska awaz na sunkar apna chehra Payal ki ore more diya.


Jagah itni kam thi ki dono ki sasen ek dusre ke chehre se takrati mehsus ho rahi thi. Najron ne jaise bagawat kar di ho, ek dusre par se na hat pane ki, wo bas ek dusre ko he dekhe ja rahe the. Payal apni palken nichi karti wahan se dur hati, aur aahiste se Aakash se kahi, "Rani yahin se sab dekha karti thi"


Dono kuchh der khamosh, ek dushre ke viprit disha me me dekhte rahe, mahal me kaphi chahal-pahal thi, par kitna khamosh sa sama tha dono ke liye.


Payal idhar udhar dekhti, wahin pass pare ek khanjar ke najdik pahunchi. Bade gaur se dekhne ke baad uss khanjar ko apne hathon me le li. Achanak he Payal ke sason ki raftaar tej ho gayi.


Payal jaise he khanjar utha kar usse dekh rahi thi, Aakash picche se aakar khanjar wale kalaeyon ko apne haton se tham liya. Payal ko jaise he apne jism par Aakash ki chhuan memsus hui, tej sans ander khichti, apne kadam halka aage badha li.


Aakash kano ke pass dhime se bola shiiiiii, Payal ek baar murkar Aakash ko dekhi, aur phir khud ko dhila chhorti hui, bas wahi-wahi steps me apne paun aur hath chalate chali gayi, jaisa-jaisa Aakash usse direct karta chala gaya.


Payal ke ander ki khushi ka kya bayan, jo usse Aakash ke chhune se mil rahi thi, bilkul khili-khili mehsus kar rahi thi. Ek guard ne unhe tokte huye kaha, "yahan ki chijon ko apni jagah rakh dijiye", guard ke tokte he dono alag huye, Payal khanjar ko rakhti huyi, ek baar Aakash ko dekhi, thodi sharmakar apni najren nichi kar li, aur dhime se boli "ab hume chalna chahiye".


Aakash..... Kal phir aaogi kya mujhe ek aur jagah ghumane, kaam ke khyal me aaj tak in sare chijon se itna dur raha ki, log kya hote hain, khushi kya hoti hai, sab bhul he gaya hun.


Payal.... Wo main kaise aa paungi, aur chhotu ko kya kahungi ?


Aakash.... Hmmm ! Kosis karna, main intzar karunga.


Aakash ne Payal ko apna number de diya, dono wahan se bahar nikle. Bahar nikal kar Payal, chhotu ko dekhne lagi, na to chhotu tha na he car thi.


Aakash.... Kise dhund rahi ho ?


Payal.... Chhotu kahin bhi najar nahi aa raha.


Aakash.... Wo Amme ke sath gaya hai, usse bhi bina tumhare rahne ki aadat lagne do, kab tak uske liye chinta karogi.


Payal.... Jab tak jinda hun tabtak chinta karungi, aur usse sayad bina mere rahne ki aadat lag jaye, par main nahi rah sakti uske bina.


Aakash, thoda mazakiya andaz me kahte huye..... To kya shadi ke baad bhi usse apne sath rakhogi.


Payal jis sawal se dur bhagti thi, aakhir Aakash ne wahi sawal puchh liya. Payal thodi mayus ho gayi, aur Aakash ke iss sawal ka koi jabaw nahi di.


Aakash, Payal ka kandha pakrte huye.... Arreee tum to udas ho gayi, main to bas mazak kar raha tha. Par ek baat kahun, kuchh sachai hoti hai, jis se muh nahi mod sakte. Waise tumhare iss khamoshi ka ek hal hai mere pass.


Payal.... Kya ?????


Aakash..... Tum mujh se shadi kar lo, mujhe koi aitraaz nahi yadi chhotu bhi tumhare sath aana chahe to.


Payal ke mayus chehre par aisi muskan aayi shadi ki baat sunkar, jaise kisi ne dil ke taar me wahi raag chher diye ho, jiske dhun par Payal pagal hone ko bekaraar thi. Payal, Aakash ke kandho par halka marti hui... "Hattt" kahne lagi.


Aakash, Payal ki baahn pakre apne sine se laga liya. Payal bhi Aakash ke sine se lag kar kaphi sukun mehsus kar rahi thi. Apne dono bahn more, sir ko sine se chipkaye, wo Aakash se lipti rahi, Payal ye tak bhul gayi ki wo kahan par hai.


Sadak par gardiyon ke horn ne Payal ko ehssas dilaya, ki wo kahan hai. Apne sir par ek hath marti, khud se sorry kahne lagi payal.....


Aakash... Kya ho gaya Payal...


Payal..... Nahi kuchh nahi, mujhe aisa nahi karna chahiye tha. Main apne ghar ke diye sanskaron se dur nikal aayi thi.


Aakash..... Main samjha nahi...


Payal.... Jane do buddhu ho aap. Mujhe yun sabke samne, aise sadak par gale kyon lagaya, koi dekh leta to kya sochta....


Aakash...... Matlab akele me gale lagna chahiye, sorry agli baar se dhyan rakhunga...


Payal.... Hey Ram ! Jao aap bahut chherte ho...


Aakash..... Aji pyar ho gaya hai aap se, banda jab bhi dekhta hai aap ko hosh kho deta hai. Ab jinda rakho ya maar do tumhari marji.....


Payal muskurati wahan se dur ho gayi, teji se chalte Hawa mahal ke ander aa gayi aur bas itna kahi, "ab jana hoga"... Aur apna phone nikal kar... Chhotu ko wapas aane ke liye call karne lagi.


Payal aage-aage muskurati chal rahi thi, aur Aakash pichhe-pichhe....


Aakash.... Azi suniye to madam, mere dil me rog laga kar kahan chal diye yun nirdayi ban kar.


Aakash ki baat sunkar, payal apne muh par hath rakh kar hasi, lagbhag bhagne ke he andaz me char kadam teji se badha liye......


Aakash bhi ek fasla banaye uske pichhe-pichhe chalte huye, apne bilkul naye aur aashiqana andaaz shuru kar diya.....

o meri, o meri, o meri sharmili
aao na tarasaao na
o meri, o meri, o meri sharmili

tera kaajal lekar raat bani, raat bani
teri mehandi lekar din uga, din uga
teri boli sun kar sur jaage, sur jaage
teri khushabu lekar phool khila, phool khila
jaan-e-man tu hai kahaan
o meri.......

Aakash itni jor se gaa raha tha ki Payal usse bade aasani se sun sake, jaise he gana ka pahla antra khatam hua, payal muskurati pichhe dekhi, aur Aakash se kahne lagi..... "Pagal ho gaye hain aap, aise koi karta hai kya, waise bhi hum nahi mil payenge, jab main yahan se jaungi, to aap bas ek khubsurat yaad ban jayenge .... Phir aap ke raste alag aur mere alag".


Payal itna kahti huyi, apne naak ko sikor kar, ungliyan ferti wahin ek side me baith gayi. Aakash bhi uss se lag kar baith gaya... Payal thodi khiski, Aakash bhi thoda khisak kar chipak gaya... Payal muskurati jhat se khadi ho gayi... Ek kadam badhane wali thi, ki Aakash ne kalaeyon ko tham.... Phir se aage gana shuru kar diya.....

teri raahon se guzare jab se ham, jab se ham
mujhe meri dagar tak yaad nahin, yaad nahin
tujhe dekha jab se dil-ruba, dil-ruba
mujhe mera ghar tak yaad nahin, yaad nahin
jaan-e-man tu hai kahaan
o meri..............

Payal hath chhurati kahne lagi..... "Bare besharam ho aap, chhotu ko phone kar di hai, wo kisi bhi waqt aata he hoga, please ye sab band kijiye"


Payal itna kah kar apne khule balon par hath feri, aur dhire-dhire wahan ke diwalon ko chhuti hui chalne lagi..... Aakash ek baar phir shuru ho gaya.....

o neeraj nayana aa zara, aa zara
teri laaj ka ghoonghat khol dun, khol dun
tere aanchal par koi geet likhun, geet likhun
tere honthon men amrit ghol dun, ghol dun
jaan-e-man tu hai kahaan.....

Payal muskurati hui apni jagah khadi ho gayi, aur Aakash pichhe se uska bahn pakad kar apni ore ghuma liya. Aakash bahen pakde khada Payal ke chehre ko dekh raha tha, Payal halki si muskurahton ke sath, kabhi najren upar kar ke Aakash ko dekhti aur phir shrama kar leti ...... Dono kissi butt (putla) ki tarah ek he jagah, ek dusre ko dekhne me kho gaye the....


"Aakashhhhhhhhhhhh"...... Chhotu ke tej garrahat bhadi awaz dono ke kano me gayi, Payal ghabrakar pichhe hati, aur chhotu ko aise dekhne lagi jaise uski chori chhotu ne pakal li ho. Aur wo najren nichi kar jamin ko dekhne lagi..... Teeno khade.............

[dpmangla]

Nice Post

[Optimas prime 2001]

nice post tohda lumba updet de

[honey boy]

Nice Post

nice post tohda lumba updet de

friends keep reading...