Update -- 86


sare gunde awaak khade dekhte rah gaye … kuchh der ke liye to samjh hi nahi aaya ki kya ho gaya…Ravi abb bhi dard se dohra hua pada tha … lagbhag 10 min lag gaye 2 gotakhor aur ek chhoti boat ko samndar me utarne me…


------------------

in Delhi
-----------------




Dev aur Sid ne Ishan ko jab Raat me tappar ke samne ghatit huyi sari baat batai to Ishan ne uchhalte huye kaha …


Ishan-- yaar kahi wo Romi to nahi tha … kahi aisa to nahi hua ki Anu ko bachane ke chakkar me Romi bhi agwa ho gaya… yaar mamla kuchh jyada hi nahi ulajh chuka hai…


Ishan ki baat se uske dono dost turant hi sahmat ho gaye …



Sid--- ho bhi sakta hai yaar… kya pata Romi bhai hi hamari Anu ko bacha le … kaash aisa hi ho …

Sid ne jab ye line boli to Ishan upset ho gaya…



Ishan-- Sid meri Anu ko kuchh nahi hoga yaar wo hamesha mujhe aise hi tang karti hai… aa jayegi bhagti huyi … gussa hai mujhse par mere bina wo bhi nahi rah sakti hai… aur akeli to bilkul nahi rah sakti hai wo Darpok …

Ishan ne muskurate huye kaha par Aankhein dabdaba uthi thi…


Sid-- haan Ishan bahut jaldi aayegi wo jhalli…



Ishan -- jhalli se yaad aaya Kirru kahan chali gayi hai… mujhe bhool gayi… maine use subah se nahi dekha



Sid-- wo naa bhoolti kisi ko … kirru Roli bhabhi ke sath Goa gayi hai wo hi achanak hi…



Ishan-- ye kya chakkar hai yaar …Aayush bhaiya bhi police team ke sath Goa gaye hain…Aadi aur Vikky pahle se hi Goa me hain… manjra kya hai… Aaakhir Goa me hai kya…

Ishan aur uske dost abhi Goa ki baat kar rahe the ki achank unke kano me ek ladki ki meethi par raubdaar awaaj padi…
" excuse me "
palat kar dekhne par pata chala ki ek female police ins khadi hai jo inn logon ko hi ghoor rahi hai… uske batch par Kusum Sharma likha hua tha aur kandhe par star jagmga raha tha… teekhe tewar aur khoobsurat chehra…



Ishan-- yes mam kahiye …


Kusum -- Ishan ??



Ishan-- ji mai hi hoon Ishan…



Kusum -- mujhe aapse kuchh akele me baat karni hai abhi turant …


Kusum Sharma Ishan ko akele me le gayi aur usne bolna shuru kar diya … har sec ke sath Ishan ke chehre ke rang badal rahe the … aur agle hi pal Ishan Sid aur Dev se bina kucbh kahe hi Kusum Sharma ke sath chalaa gaya…


Kuchh hi der me Ishan airport par tha sath hi Kusum Sharma bhi thi par apni wardi me nahi thi …uski baat Goa police se ho rahi thi kisi GPS ke baawat … Ishan ke chehre par bahut gahra tanaaw tha … Aur haath me thame cell par ek tasweer … Anu ki…





Baadalon ki tarah hi toh
Tune mujhpe saaya kiya hai
Baarishon ki tarah hi toh
Tune khushiyon se bhigaya hai
Aandhiyon ki tarah hi toh
Tune hosh ko udaaya hai

Mera muqaddar sanwara hai yoon
Naya savera jo laaya hai tu
Tere sang hi bitaane hain mujhko
Mere saare janam re

Sanam re, sanam re …sanam re..
Tu mera sanam hua re

Nice One

(14-06-2018, 01:26 AM)dpmangla : Nice One

Thanks bhai dpmangla ji

marvelous story

(17-06-2018, 12:59 AM)rajbr1981 : marvelous story

Thanks bhai rajbr1981

Update -- 87




Kuchh hi der me Ishan airport par tha sath hi Kusum Sharma bhi thi par apni wardi me nahi thi …uski baat Goa police se ho rahi thi kisi GPS ke baawat … Ishan ke chehre par bahut gahra tanaaw tha … Aur haath me thame cell par ek tasweer … Anu ki…




----------------------




Anu ka chehra Ishan ko ek tees de raha tha …uski khushboo , uska sparsh , uski yaadon ne achanak hi aakar buri tarah jakad liya Ishan ko… uski aansu tapak kar Anu ki pic par jaa gira … Ishan ne jaldi se Yu cell ka screen saaf kiya jaise uske aansu se Anu ki pic kharab ho jayegi…



Doston bada hi anokha aur albela hota hai ye pyaar … pyaar ho jaye to premiyon ko ek dooje ke bin kahi chain nahi padta aur judai to uff saja hoti hai… koi jaan lele to utni takleef nahi hoti jitni dil me basne wale ke dard se takleef hoti hai… Yahi beet raha tha Ishan par …



Ishan ne jab apna aansu ponchha to Kusum ne pani ki bottle uski ore badhate huye poonchha…



Kusum -- mr Ishan aap theek to hain ??



Ishan -- ji mai… mai theek hoon…



Kusum -- rlx dear… waise ye tasweer Anu ki hai naa ??



Ishan-- ji wo hi hai… waise aapne uss samay poori baat nahi batayi thi… mam kya abhi batayengi kya…

Ishan ne lagbhag minnat ki …



Kusum-- hanji bilkul… Ishan ji mai Shuruaat se hi iss case ki under cover officer hoon… bahut sir khapane ke baad Ravi ka naam poori tarah benaqaab kar liya hai ham logo ne … Goa me mr Aayush ke dwara diye gaya pate par abb tak chhapa padd chuka hoga par badkismati se koi bhi network me hai hi nahi…

Ishan ko bechaini thi anu ke bare me janne ki … usne Kusum ko beech me hi tok diya …



Ishan-- ye baat nahi mam Anu ke bare me kya bata rahi thi aap …



Kusum-- ji aisa hai Romi ki bike ki chabi shayad uski jeb me hai… usme bhi GPS ki chip lagi huyi hai… ye baat uske pita ne jab batai to ham logo ne use trac karna shuru kiya … location samndar ke bich ki hai wo bhi Goa ki…

Ishan ne wapas tok diya kusum ko…


Ishan-- par isse Anu ke milne ki baat kyu kahi aapne ??



Kusum-- Ishan iske liye aapko meri baat Kam se kam sunni to hogi naa …


Ishan-- sorry mam …



Kusum-- police agar kuchh karna hi chahe to uske tantra bahut tagde hote hain Ishan ji … Uss aria ke Ship wale ka address khoja gaya to pata chal gaya ki kaun kaun se ship pani me utre hain… Goa police ne ship ke ek member se baat ki aur laga liya pata ki ek ladka ladki ko pakda hua hai mafia logo ne … behad jakhmi hai ladki aur hospital ke libas me hai jis par DMC likha hai… mera khayal se itna kafi hai …


Kusum ki baat sun Ishan ki aankhon se aansu ki dhar bah chali
… bas wo apna seena haantho se thame khud ko shayad dahade maar kar rone se rok raha tha… aur kyu naa ho jis Anu ko wo phoolon jaise treat karta tha uska daman aaj kaanton ne chhalni kar diya tha … Ishan ka chehra dekh Kusum jhatt se boli…



Kusum-- sab theek ho jayega Ishan ji … wishvas kijiye uparwale par … himmat rakhiye … iss wakt aapki himmat hi aapki Anu ko wapas la sakti hai… chaliye hamari flight ka time ho gaya hai… bas kuchh der aur uske baad ham Anu ke paas hoonge…





-----------------




samndar ke khare pani ne Anu aur Romi ki aadhi jaan to le hi li thi… poora sharir jakhmo se bara tha aur abb usme namak bhi bhar raha tha … sabse dikkat wali baat ki Anu ko tairna bhi nahi aata tha … charo ore failti halki roshni bhor hone ka sanket de rahi thi …



Romi ka sharir khud hi dard se behal tha uspar Anu ko bhi samhalna tha … Wo apni sari takat laga kar tairne laga … thodi hi der me watavaran me moter boat ki awaaj goonj uthi … saaf pata chal raha tha ki wo log idhar hi aa rahe hain… Anu ghabra kar baar baar Romi ka chehra dekh rahi thi … maut ka khauf uski aankhon me saaf dikh raha tha … achank Anu ne cheekh kar kaha…


" Romi see light house … shayad wo koi tapu hai… ham bach sakte hain…"

Nice Post

(20-06-2018, 01:28 AM)dpmangla : Nice Post

Thanks bhai dpmangla ji

update dedo yyr

Update -- 88



Romi ka sharir khud hi dard se behal tha uspar Anu ko bhi samhalna tha … Wo apni sari takat laga kar tairne laga … thodi hi der me watavaran me moter boat ki awaaj goonj uthi … saaf pata chal raha tha ki wo log idhar hi aa rahe hain… Anu ghabra kar baar baar Romi ka chehra dekh rahi thi … maut ka khauf uski aankhon me saaf dikh raha tha … achank Anu ne cheekh kar kaha…


" Romi see light house … shayad wo koi tapu hai… ham bach sakte hain…"



---------------------------



Anu ka chehra aaj bade dino baad ek baar phir khil utha tha…
Romi ke baah par jahan se goli chhoo kar nikli thi wahan se khoon lagatar ris raha tha … khare pani ki jalan khule ghawon par asahniya ho gayi thi… Romi ke liye behad kathin wakt tha yah…


Anu masoomiyat se Romi ki adhkhuli palkon ko dekh rahi thi… Abb romi me aur haath pair marne ki himmat nahi bachi thi … Anu kabhi Romi ko to kabhi tapu ko dekhti thi… Uski badi badi aankhon ke samne retili jamin subah ki kirno me chamak rahi thi…


Romi ne jab dekha ki tapu par pahunch gaye hain to unse saanson ko samhalte huye Anu se kaha …



Romi-- jao tum safe jagah dekh kar chhip jao Anu … meri himmat abb ek kadam chalne ki bhi nahi bachi hai…

behad thaki awaaj me Romi ne kaha to Anu use manane lagi…



Anushka-- Romi thoda aur himmat kar ko plz…



Romi-- mai koshish kar raha hoon naa … tum jao yahan se… mai aa jaunga…



Anushka --akeli nahi jaungi… sath chalo warna mai bhi yahi baithi rahoongi…

Anu ne jidd dikhai to Romi ne daant diya…



Romi-- Get lost anu … mera peechha chhod do… chali jao mere paas se… jaaoooo… maine kaha jao yahan se…


Romi ki baat sun Anu ko bahut bura laga … wo roti huyi tapu ke ghane jangal ki ore bhag gayi… Anu ko rote dekh Romi ki bhi aankh bhar aayi thi aur abb wo khud ko ek sec aur hosh me naa rakh saka behosh hokar gir gaya… Moter boat ki awaaj lagataar kareeb aa rahi thi… shayad wo log bhi tapu tak pahunch gaye the…



Kuchh samay baad Romi ne halke karaah ke saath apni aankhein kholi … wo ek ghani jhadiyon ki ote me pada hua tha … Uske ghaw me usi ke shirt ke tukde ki patti bandhi huyi thi… use behadd ashcharya hua ki wo yahan kahan se aa gaya lekin agle hi pal uski hasi chhot gayi… use sab samjh bhi aa gaya…



Samne Anu muhh fula kar baithi thi… Haanth me koi fruit liye huye thi shayad aur ek mota sa danda shayad usne hathiyar ke roop me chuna tha … sir par Romi ke shirt ke tukde ki patti baandhe huye poori jagli lag rahi thi … Romi ko uske muhh fulane ke tarike par bada pyaar aaya… Romi ne apne kaan pakad kar haule se sorry bola hi tha ki Anu Romi se lipat kar rone lagi… sath hi bad bad bhi kar rahi thi…



Anushka-- mujhe abb dobara mat bhagana kahi tum … mai akele nahi rah sakti mujhe dar lagta hai… upar se ye to jangal hai… Koi janwar kha gaya mujhe to… mujhe baga kar khud so gaye the naa… mai tumko yahan kitni mushkil se layi hoon… bahut bahari ho tum… motu kahi ke …


Anu bole jaa rahi thi aur Romi behadd pyaar se use ghoore jaa raha tha… Anu ne Romi ko aise dekhte huye dekha to sharma gayi… sharma kar usne apni aankhein band kar li aur khud ko poori tarah Romi ko saump diya… Romi apni kismat par hairaan Anu ke iss roop ko nihar raha tha … aaj Anu ne khud ko saump diya tha…Romi ki aankhon me beinteha muhobbat ki jhalak ko koi bhi bade aasani se dekh sakta tha … Anu aankhe moonde shayad Romi ki pahal ka intjar kar rahi thi …Romi Anu ki ore jhuka aur uske maathe ko chhom kar apne andar ki pavitra bhawna ko uss tak pahuncha diya …



Doston Pyaar hasil karne ka naam nahi hota hai balki ye to in sab bandhno se mukt ek khoobsurat ruhaani ahsaas hai … Romi ka bhi prem pavitra tha … wo samay ki parivartan sheelta se parichit tha aur Anu ki sthiti se bhi … Anu iss wakt ek kora kagaj thi jis par niyati jane anjaane Romi ke pyaar ki ibaarat likh rahi thi … Romi kismton ke faislo ko niyati ke haath chhod chuka tha …