All In One Shivam part- 2(The Owner Of Red Eyes)

[rishiraj]

tum taiyar ho..."pilot ne Shivam ki taraf dekha...is samay plane aasman me badal ki oot me tha...Shivam ne haar me sar hilaya to pilot ne plane ko Lake ke plane ke upar upar udane laga....
"thoda aur neeche..."
Pilot ne plane ko aur neeche kiya...Shivam ne ek baar apni aankhe band ki aur neeli roshani ko apni dahini hath me samet kar , plane ka gate khola....
"tum ab wapas jao, aur sabko baa dena ki main Lake ko rokte hue mara gaya...."
ye Sunkar Pilot kuch der tak Shivam ko dekhta raha , aur phhir all the best kaha....
"good bye..."itna bolkar Shivam agle pal seedhe neeche ,Lake ki plane par kood gaya...aur ek zordar mukka plane par de mara, jisse waha ,Lake ke plane ke upari hisse me ek hole ban gaya...hole banne ke karan plane ka balance bigadne laga....
"bahut ho chuka ,Lake..."andar aakar Shivam bola....
"tum thik kaise hue..."Shivam ko dekhkar Lake chauk padi...use jaise yakin hee na ho raha ho ki Shivam jungle se nikal gaya....
"ek buri khabar hai ,tumhare liye..."Shivam bola"Neuron ne Aoron ko maar diya hai..."
Lake ne jaise hee ye suna, usne plane par se apna control chhod diya aur daant cheebh kar chillayi"ye kya bakwas kar rahe ho...how is it possible,..."
"Yehi sach hai, Lake....aur MidNight me tum nahi thi ,ye bhi maloom chal gaya...tumhari location bhi trace ho chuki hai...aur ab tumhare bachne ka koyi rasta nahi hai...."
Lake ki aankhe gusse se laal ho chuki thi, uski halat par kate pankshi ki tarah thi, jo sirf fadfada sakti thi,lekin udd nahi sakti.....
"Midland aur Shadowmoor towns me failta virus jald hee sari duniya ko apni chapet me le lega....."banawati hansi late hue Lake boli"aur is kaam me jaldi aaye, isliye main is plane ke missilies me bhare khatarnak virus se Midland par attack karungi...wo bhi tumhare aankhe ke samne...."
"tumne Rose ko kyun zinda rakkha...aur tum Rose jaisi kab se dikhne lagi..."
"To tumne Rose ko bhi bacha liya...bahut pyar karte ho usse....lekin tumhara ek aur pyar Shweta ka kya haal hai..."
"pahale maine jo puchha ,uska jawab do..."Shivam thode gusse se bola...
"well....2072 ke sciece ka istemaal karke maine apna face Rose ke face me badal liya aur phhir usko kidnap karke uski jagah aa gayi...kyunki tum par nazar rakhne ka sabse badhiya tareeka wahi tha....aur tumhare liye bhi ek buri khabar hai..."
Shivam chup hee raha aur intezaar karne laga us manhoos khabar ka...jo Lake sunane wali thi...
"aur wo buri khabar ye hai ki, tumhari pyari, bholi,meethi -meethi baate karne wali Rose ne tumse kabhi pyar nahi kiya...even kahi wo tumhe bhool na chuki ho....tum yakin nahi karoge par main tumhare sath Lightshine ke bomb dhamake se hoon, aur tumhare aur Rose ke beech ,pyar bhari takrar to uske baad hee hui thi....right..."
"main tum par yakin nahi karta..."Shivam ne Lake ka gardan pakad liya..."mujhe pura yakin hai ki wo rose hee thi ,jisne mere andar wo feelings jagayi...kyunki tum jaisi selfish ladki ke andar Rose ki masoomiyat kabhi nahi aa sakti...aur waise bhi maine tumhe Us raat,jis raat tumne Albion ko mara tha, tumhe tumhari shakal me dekha tha...."
"yadi mujh par yakin nahi hai to ,khud Jakar Rose se puchh lena, jab wo hosh me aa jaye to..."Shivam ke hath ko apne gardan se hatate hue Rose boli"aur jis raat ki baat tum kar rahe ho, us raat ya uske pahle jab bhi tumne mujhe dekha...mere chehre me meri shakal ka mask laga hua tha,..Shivam,maine Midland ke har us khoobi ka istemaal Midland ke khilaf hee kiya,jiske dam par ye udte the...."
"to iska matlab...."Shivam ka dil ek baar phhir toota,lekin aawaz is baar bhi nahi aayi...bhokanp ek baar phhir se utha,lekin nuksan sirf use hee hua....sunami ne Pure shahar ka doboya,lekin uske aksh ka namo-nishan tak mita diya......
"iska matlab yahi hai, ki Rose tumhe thik se janti tak nahi....aur tum jis ladki se yaha pyar kar baithe the, wo main hoon...Rose nahi...."
Shivam ke andar ab aur sunne ki shakti nahi thi...wo peechhe ki taraf mud gaya...Plane ka balance lagatar bigad raha tha...lekin is taraf na to Shivam ka dhyan tha aur na hee Lake ka....
"jante ho ,Shivam...main apni puri zindagi me kise nahi dekhna chahti...."
Shivam ,peechhe jakar baith gaya, wo sun to sab raha tha,lekin samajh kuch bhi nahi raha tha....Lake ne bolna jaari rakkha....
"wo tum ho, jab se main tumse mili , thi usi samay se mujhe tumse chidh ho gayi thi...aur MidNight hotal me humare beech jo kuch bhi hua, wo meri zindagi ka sabse ghinouna pal tha, kyunki us din hum dono ke opposite nature wale portion mile , tum pagal hone lage the uske baad aur main thik thi...lekin baad me ek bahut hee khatarnak sach se mera samna hua,jisne mujhe puri tarah tod diya...wo sach ye tha ki, defensive power hone ke karan tum to bach gaye...lekin mera portion ,tumhari power ko sah nahi paya...aur wo khatm ho gaya....main ab ek normal insaan ki tarah hoon....ab ,main tumhe jab bhi dekhti hoon to mujhe mere pita Aoron ki nakami ke sath sath meri barbadi hee dikhayi deti hai..aur aaj ab tumhe dekhkar mujhe unki maut dikhayi deti hai.....aur unki maut ka jurmana ye duniya bharegi, main tumhari aankho ke samne hee sabko khatm kar dungi aur tum dekhne ke siwa kuch nahi kar paoge...tum ye dekhoge ki kaise Lake ne bina portion ke bhi tumhe hara diya...yaad hai maine ek baar kaha tha ki Midland me is raat ki kabhi subah nahi hogi..."
"andhera kitna bhi gahra kyun na ho, diye ki ek lau jaha jaha padti hai...andhera waha se hat jata hai...badal kitna bhi gahra kyun na ho,Suraj ki ek kiran hee use bhed deti hai....Midland me subah kal bhi thi ,Subah aaj bhi hui thi , aur Subah kal bhi hogi...tum kabhi kuch nahi kar paogi..."
"to tum mujhe rokoge..."Lake Shivam par hasne lagi..."tum mujhe sirf ek shart par rok sakte ho, aur wo shart ye hai ki tumhe mujhe marna padega...lekin ab,jabki tumhe maloom chal chuka hai ki , Tumhe Rose se nahi mujhse pyar hua tha to mujhe pura bharosha hai ki tum mujhe nahi maroge..."
Lake waha se samne ki taraf gayi aur virus wali missiles ko Midlans me chhodne ki taiyari karne lagi....Shivam ne apni revolver nikali aur trigger par ungaliya rakkhi....
"Shivam, ye tu kya kar raha hai...tu Lake se pyar karta hai...bhool gaya, tum dono ki wo pyar bhari jhadap...tera Lake ke liye fikar karna....."Shivam ka dil chillaya...
Shivam ne apni aankhe band ki aur trigger daba diya...jitni baar Shivam ki revolver se goli nikali ,utni hee cheekh pure plane me gunji...jisne Shivam ka kaleja berahmi se faad diya...goliya Lake ke jism me dhansi thi,lekin lahoo se seena Shivam ka chhalli hua tha.....
"Shivvvvammm...."ek dard bhari pukar Shivam ke kano ko phhadne lagi...Shivam ne apne kano me hath rakh liye...lekin phhir bhi wo Lake ke karahne ki aawaz uske kano me ghuskar use dard de rahi thi....jab Shivam se control nahi hua to wo ,Lake ki taraf badha....Lake khoon se sani hui...ek taraf padi thi...
"dusaro ka khoon bahate samay unki jo halat tumne ki thi,wahi halat aaj tumhari bhi hai ,Lake..."Lake ke najdeek baith kar Shivam bola...Plane teji se neeche ki taraf Samundar me gir raha tha...
"ajeeb khel khelte ho Shivam...goli tumne mujhe mari,lekin dard tumhe ho raha hai...main tumhari aankho me dekh sakti hoon..."
"Mujhe dard nahi hota..."Shivam ne Lake ke chehre ko chhu kar bola aur khada ho gaya...wo nahi chahta tha ki,Lake wapas kabhi bhi is shahar aur uski zindagi me aaye...isliye Shivam ne bhare dil se plane ki chair ko ukhada aur dusari taraf dekhte hue , Lake ke gardan par nishana banakar..............................
uske baad sirf ek cheekh gunji, jo Lake ki thi....Plane samundar me girta usse pahle hee Shivam plane se bahar kood gaya aur Lake ko hamesha ke liye Samundar me dafan kar diya..............

[rishiraj]

MidNight hotal se bachaye gaye logo ko hospital me admit kar diya gaya tha, jaha sabhi ki halat me sudhar ho raha tha....Shivam bheegta hua ,hospital me pahucha...pahle Shivam Sanjana se mila...jiski halat ab thik thi...Waha Pawan aur Zunair bhi maujood thi...
"Pawan...." jis room me Sanjana admit thi, waha se bahar jate hue Shivam bola....
Pawan , Shivam ke sath waha se bahar aaya aur is tarah use bulane ka reason puchha....
"Shruti , ko call karke bata de ki ,Rose zinda hai...aur Lake ne......"Shivam bolte bolte rook gaya...ye sach tha ki Shivam ne Lake ko maar diya tha,lekin ye bhi sach tha ki ,Shivam apni puri zindagi me Lake ko nahi bhool payega....
"kya hua, tu rook kyun gaya..."
"kuch nahi...Shruti ko bol de ki ,Rose zinda hai...wo uske pariwar walo ko bhi iski khabar de de...pareshan ho rahe honge humare goli maar dunga uncle..."
"abhi karta hoon, isse to Shruti aur bhi jyada impress ho jayegi..."Pawan machalta hua bola...
"pyar karta hai kya usse..."
"pata nahi yaar ,par ye ladki seedhe dil pe lagi hai...fikar hoti hai iski...iske muskurate chehre ki..."
"Vijay kaha hai..."Shivam ne baat badal kar kaha,...
"kaun...wo taxi wala..."
"haan ,wahi...kaha hai wo..."
"maloom nahi,lekin usne tujhe thanks kaha hai...wo bol raha tha ki apne shahar ke liye kuch karke use achchha laga..."
"Vikrant ki koyi khabar...."
"mere pass hai, Vikrant ki khabar..."Zunair peechhe se bola"wo hitler ab thik hai , aur apne ghar me hai...hosh me aate hee tere hee baare me puchh raha tha..."
"chal thik hai...baad me milta hoon..."Shivam waha se bahar nikal gaya....
.
Midland ke sath sath Sadowmoor towns ko bhi us jaanlewa virus se mukt kar diya gaya tha, jo yuddh ke dauran faila tha....Midland ki army ke pass Lake ke fighter plane aur Shivam ki koyi information nahi thi ki wo dono kaha gaye...
"how are you...."Rose ke room me ghuste hee Shivam bola...
Shivam ko kuch der tak Rose dekhti rahi,jaise ki wo pahchanne ki koshish kar rahi thi...
"maine tumhe kahi dekha hai, par yaad nahi..."
Phhir wahi massomiyat, wahi pyari aawaz.....
"main yaha ,is hospital me kaam karta hoon..."Shivam bola"bas aise hee haal chal puchhne aa gaya, main chalta hoon..take care..."
Shivam waha se nikla to bahar nikalte hee uski takkar Vinay se hui...jo teji se andar ja raha tha.....
"kaha ja raha hai...Rose se ab door rahna..."
"Shivam...mujhe tumse hee baat karni thi...ek min."
Shivam ,thoda hairan hua Vinay ke is lahze se...
"Shivam....mere dad hamesha ayyashi karte rahe, jiski vajah se ghar par aksar mom aur unke beech ladayi hoti thi...main kharab mahol me pala bada,isliye aisa ho gaya...Koyi bhi insaan janm se hee doodh se dhula ya atank ki bandook lekar paida nahi hota...use uske halat mazboor karte hai aur main wahi galti nahi karunga,jo mere dad ne ki...mujhe ahsaas ho gaya hai ki zindagi bahut lambi hoti hai...jawani to tum ayyashi me guzar sakte ho,lekin phhir ek waqt aata hai, jisme tumhe sirf aur sirf pyar ki jaroorat hoti hai...Rose hamesha se hee mujhse pyar karti rahi,lekin maine use hawas ke najariye se dekha....aur aaj main apni galti sudharna chahta hoon,...main Rose ko aaj sab kuch bata dunga...aur last me use kahunga ki main usse pyar karta hoon,kya wo ab bhi....."
"Rose andar hai, jao..."
"thank you...Shivam..."
Vinay tej kadmo ke sath andar gaya, jaha Rose leti hui thi...Rose ke pass jakar Vinay ne uska hath thama , aur bahut der tak baate karta raha....Shivam door khada tha, isliye wo sirf unhe dekh sakta tha....ek pal ke liye Rose ki aankho me aansu aaye,aur dusare pal khushi se uski aankhe chhalak uthi....
"yahi hai sala ,apni life ka emotional atyachar....sab chutiyapa hai apni zindagi me...."khud se baate karta hua Shivam Fom se bahar aaya, aur Midland me ab bah rahi sukoon aur shanti ki hawa ko apne andar mahsoos karne laga.....
"sir ji...aapko breaking news maloom chali..."is aawaz ne Shivam ko uske khayalato se bahar kheencha...
"Vijay...."
"devilstrife ne khud ko, Midland ke hawale kar diya hai...wo pagalo ki tarah bak raha hai ki ,Lake use maar dalegi...use bacha le koyi..."
"tumhe kaise pata..."
Samne ki building ki taraf ishara karte hue Vijay bola"wo dekho,waha news chal rahi hai...."
Shivam ne dekha ki devilstrife jail me kaid hai aur buri tarah kanp raha hai....ye vedio city news channel par live ho raha tha....
"ye city news wale bahut tej hai ,sir ji...jaha dekho pahuch jate hai...."
"city News Channel..."ye sunkar Shivam ko sirf ek khayal aaya wo ye ki"Jasmine.....aur uski aankho ke samne Jasmine ki maut..."
"taxi khali hai..."
"haan..."
"chalo Devilstrife bhaiya se kuch gappe ladayi jaye..."
Vijay ne taxi ghoomayi , aur teji se us jail ki taraf jane laga,jaha Devilstrife kaid tha....aaj Vijay bhi sukoon se apni taxi chala raha tha, kyunki use maloom tha ki ab sab kuch thik ho chuka hai....
.
"heee.. Tum andar kaise aaye..."
"DTS holder hoon main aur main apna DTS wapas lene aaya hoon..."
"oo..Sorry sir..."police wale ne apna sharir taan kar salute marte hue bola"aap baithiye,hum wo suit lekar aate hai..."
"mujhe, devilstrife se milna hai..."
"wait...."Us Policewale ne apne neeche kaam karne wale do police walo ko bulaya aur Shivam ke sath devilstrife ke pass jane ke liye kaha...
"khud ki maut ko nazdeek dekhkar , ahsaas hua ki kisi ki zindagi ke kya mayne hai..."
Devilstrife kisi bheegi billi ki tarah kanp raha tha, uski aankho me maut ka rang chadha hua tha....
"main tumhe sirf ek shart par bacha sakta hoon aur wo ye ki, tum mujhe ye batao ki , tumhare aur Lake ke beech me aisa kya ho gaya...jo tum usse dar rahe ho..."
Iske baad devilstrife ne sab kuch Shivam ko bata diya....jo wo janta tha aur jis baat se use dar tha....
"bas itna hee hai...ya aur bhi kuch..."
"bas itna hee..."
"information dene ke liye shukriya..."Shivam ne apne sath aaye police walo ki bhari bharkam gun apne hath me le li aur Devilstrife ki taraf nishana sadha....
"ye kya kar rahe ho...tumhare kahe anusar maine tumhe sab kuch bata diya..."
"Midland ne bhi tumhare kahne par Shadowmoor towns par attack kiya tha,lekin uske baad bhi tumne President aur councillor ko maar diya...yaad hai ya yaad dilau..."
Devilstrife ke pass ab bolne ko kuch nahi tha, uske agle hee pal waha machine guns se goliyo aur un goliyo me gunjati devilstrife ki cheekhe sunayi di........

[rishiraj]

Thanks Vijay, ab tum jao..."Us jail se bahar nikal kar Shivam ne Vijay ko jane ke liye kaha....
"aap kaha tak jaoge, chhod deta hoon wahi..."
"rahne do, main apne ek dost ke yaha jaa raha hoon, kya pata wahi rukna pad jaye..."
"ok, bye...good night Sir ji..."
"good night..."Shivam ne time dekha, raat ke 2 baj chuke the....Vijay kl bye kahne ke baad Shivam seedha Vikrant ke ghar gaya....daru peene walo ki kya subah aur kya raat,...raat ko 2 baje bhi Vikrant ke ghar ka darwaja khula hua tha...
"Vikrant..."andar ghuste hee Shivam ne aawaz di,...
"idhar..."
Jis taraf se aawaz aayi thi, Shivam usi taraf gaya, waha Vikrant apne samne daru ki kayi botale khali kar raha tha...Shivam ko waa dekhkar Vikrant ne Shivam ko baithne ke liye kaha....
"ab tabiyat kaisi hai teri..."Vikrant ke samne wali chair par baithkar Shivam bola"sina hai ,tune Parliyament se seedhe neeche jump maar di...."
"ab thik hoon main..."aur phhir daru ke ek botal ko hath me pakad kar Shivam ko dikhate hue bola"ye sharab ,har zakhm ki dawa hai....tu baith ,main abhi aaya..."
Vikrant ke waha se jane ke baad, Shivam ne pure ghar ko dekha...Vikrant ka ghar bahut hee alishan tha...
"mujhe maaf karna, Shivam..."Vikrant peeche se bola , Shivam kuch samajh pata, ya kuch karta ,uske pahle hee Vikrant ne ek syringe peechhe se hee Shivam ke kandhe me ghusa di....
"Vikrant..."Shivam chauk gaya, Vikrant ki is harkat par...
"is syringe me maloom kaun si dawa hai..."ladkhadate hue kadmo ke sath Vikrant samne ki taraf aaya, aur Shivam ki taraf dekhkar bola"ye wahi medicine hai, jo Lake ne tujhe jungle me di thi...."
Vikrant ne dekha ki, Shivam ka chehra sookhta ja raha hai...to wo samajh gaya ki medicine ne apna asar dikhana chalu kar diya hai....Vikrant ne pass ki table se daru ki ek botal uthayi aur use Shivam ke sar par fodte hue bola"sale tune meri jeene ki aakhiri ummid bhi tod di....Lake ko maar kar..."
"tu Lake ke sath tha..."
"bilkul...kyunki Lake ne mujhse kaha tha ki yadi main uska sath doon to wo meri bimari ka ilaaz kar sakti hai....ek bahut purani kahawat hai Shivam ki everthing is fear in Love and war....lekin mere liye ,everything is fear for my life...."
"tune Apne shahar ki hee dhajjiya udane me , Lake ka sath diya..."Shivam ki aawaz me bharipan padne laga tha...
"haan ,diya aine sath...to , kuch bura nahi kiya,...maine hamesha se Midland ke liye bahut kuch kiya...lekin tu janta hai uske badle me mujhe kya mila....ye Fom wale apne har mission ke baad laat maar ke nikal dete the...aur Midland ki janta bhi mujhe bhool jati thi...tab maine socha ki ek din main kuch aisa karunga...jisse ye log mujhe bhoolenge nahi....aur waise bhi Lake ka sath dekar main Midland ki bhalayi hee kar raha tha, mere cancer ko yadi Lake thik kar deti to isse Midland ka hee bhala hota..."
"Midland ko khatm karke tu kaun si bhalayi kar raha tha..."Shivam ki aawaz rukne lagi...
"chup sale bilkul chup..."Vikrant ne ek aur botal Shivam ke sar par fodte hue bola"har kisi ke pass Portion ki Power nahi hoti, Shivam...jo sab kuch hone ke baad bhi zinda bach jaye...main cancer se mar raha tha, us samay mera Lake ke siwa kisi aur ne sath nahi diya...."
"Lake ka sath dete hue tu ye bhi bhool gaya ki , Lake ne hee teri wife Anjali ko mara tha...."
"maine kaha na Everything is fear for my life....tujhe yaad hee hoga , maine tujhe ek kahani sunayi thi ki ek baar do bhaiyo ko kuch gunde pakad kar le gaye the, aur unhone un dono ke samne ek shart rakkhi thi ki jo bhi gun uthakar apne bhai ko marega ,use zinda jane diya jayega....janta hai uske baad kya hua, un do bhaiyo me se ek ne kaha ki wo aisa kabhi karenge...lekin dusare wale ne ,pass ki table se Gun uthayi aur apne bhai par goli chala di...uska bhai, usi ki aankho ke samne tadap tadap kar mar gaya....."
"tu kahna kya chahta hai..."
"jisne gun uthakar apne bhai ko mara tha, wo main hee tha, aue ye ,koyi kahani nahi balki meri zindagi ka ek kadwa sach hai....main janta tha ki yadi hum me se koyi ek nahi mara to wo gunde hum dono ko mar denge, isliye maine wo Gun uthayi aur apne bhai ko maar diya aur uske baad maine un gundo ko maar diya, jisne mujhse ye kaam karwaya tha......"
"devilstrife se tune kya kaha tha...un do shabdo ka kya matlab hai..."
"wo do shabd..."Vikrant hasne laga...aur haste hue hee bola ki"Marquas me un do shabdo ka matlab hota hai ki tum jiske liye kaam kar rahe ho, wo hee tumhe marega...Lake ,devilstrife ko marne wali thi, isliye wo Parkiyament se bhag gaya..."
"lekin kyun,..Devilstrife to Lake ke liye hee kaam kar raha tha..."
"Kyunki, Lake ko dar tha ki kahi devilstrife uske khilaf na ho jaye, use devilstrife par bharosha nahi tha...hum ek ek karke sabko marne wale the...Carner ko bhi aur Shweta ko bhi...."
"thank you..."Shivam bola...
"kya..."Vikrant ,Shivam se thank you sunkar ,thoda hairan hua...
"maine andar DTS pahna hua hai , aur teri syringe DTS ko nahi bhed payi, aur sari medicine neeche zameen par gir gayi..."Shivam khade hote hue bola...."yakin na ho to , jakar dekh le...puri medicine zameen me padi hai..."
"ye nahi ho sakta..."Vikrant ka gala sookh gaya,....jis chair par Shivam baitha tha, usne waha jakar dekha...aur Shivam ke kahe anusar medicine sach me zameen me faili hui thi....
"lekin teri aawaz ka rukna...wo sab kya tha..."
"acting...karne me mahir hoon main..."
Jo haal kuch der pahle , Shivam ka Vikrant ne dekha tha, wo haal ab Vikrant ka tha...ab gala Shivam ka nahi Vikrant ka sookh raha tha.....
"Vikrant...mujhe devilstrife ne pahle hee bata diya tha ki, Tu uske sath mila hua tha...usne sath me ye bhi bataya ki Carner aur Lake ki DNA ki jhoothi report tune hee banayi thi..jisse hume ye yakin ho gaya tha ki wo dono mar chuke hai....teri vajah se Mieland me kitne logo ki jaan gayi, iska zara bhi andaza hai tujhe..."
"abey chup...ab tu mujhe seekhayega...dusaro ke girebaan me jhakne se pahle khud ko dekh ,sala tu bhi kam nahi hai....Sabse pahle tere dosto ki maut teri vajah se hui, phhir teri vajah se Anish ,Shweta aur Fom ke doctor ki....yadi main gunehgaar hoon to tu bhi kuch kam nahi hai....Kabhi janne ki koshish ki hai ki Neha ne tujhe kyun chhoda tha...."
"Neha..."Neha ka naam sunte hee Shivam ke aankho ke smne Neha ka chehra ghoomane laga...."tu ,Neha ko kaise janta hai..."
"jisse muqabala ho, uske baare me puri details le leni chahiye...maine incomplete intention padhi,jaha reason bataya gaya ki Neha ka S.P. Baap tujhse nafrat karta tha, aur jab S.P. Ko maloom chala ki ,Neha bhi tujhse pyar karne lagi hai to, usne Neha ko jaanbuchkar ek letter likhne ke liye kaha,jisme Wo tujhse nafrat karti hai,ye likhna tha.....Neha kya karti, usne waisa hee kiya..."
Shivam , ne table par rakkhi sarab ki botal uthayi aur puri ki puri botal gatak gaya....aaj use maloom chala ki uske sath jo kuch hua, uska pura jimmedar wo khud tha...na hee wo S.P. Se badtimizi karta aur na hee S.P. Usse nafrat.........Vikrant ne bolna jaari rakkha.
"itna sab kuch hone ke bawjood tu zinda hai,kyunki tere pass Portion hai,...tu galti karega aur bach ke nikal jayega....lekin ek normal aadmi ,jisse yadi galti ho jaye to use seedhe saza...seedhe maut...ye niyam galat hai....yadi mujhe Midland ke khilaf kaam karne ki saza di jayegi to tujhe bhi Fom ke doctor ke khoon ke iljaam me fansi honi chahiye...."
"jhoothi buniyaad par tike pedo par fal nahi lagte Vikrant....."
"Fal har ped me lagte hai,...bas fal ko dekh sakne ki kshamta honi chahiye...."
"tune jo kuch bhi kiya ,kya tujhe uska afsoos hai...."
"nahi..."
"to sun, maine jo kuch bhi kiya, mujhse jo kuch bhi galat hua...main kabhi nahi chahta tha ki waisa kuch ho...wo sab meri galti thi...lekin tune jo kuch bhi kiya wo tune jaanbuchkar galat kiya...aur mujhe meri galtiyo ka ahsaas ke sath sath pachhtawa bhi hai,lekin tujhe nahi hai...."Shivam ne apne jeb se revolver nikali....
"tu mujhe marega,sale...maar...maar mujhe....."Vikrant chillane laga.....
" Alwida........."uske baad sirf goli chalne ki aawaz aayi....
.
.
Midland phhir se chain ki saans le raha tha, uske andar se atank ka namo nishan tak mit gaya tha, aur is atank ko mitane ke liye jin logo ne apni kurbani di thi...unke samman ke liye, ek shok shaba aayojit ki gayi thi....Sanjana aur Rose ki halat ab bilkul thik thi, Councillor ki death ke baad ,Sanjana ko Fom ka Councillor aur ek naye shaks ko jo ki Army me kisi uche post par tha, use Fom ka head bana diya tha....taki Fom aur Midland ki army hamesha ek dusare se judi rahi....
"chal ,aaja be kutte..."jani pahchani shaili me Zunair ne Pawan ko aawaz di....
"wooohooooo....new bike.."
"Fom se mili hai,chal aaja..."
"lift milegi..."compartment se bahar nikalte hue Shivam ne kaha.."ek shok shabha me jana hai...waha tak chhod de..."
"chal, chhod deta hoon..."Zunair ne shaan se kaha aur bike start ki....kuch der ke baad wo teeno waha the ,jaha shok shabaha ka aayojan ho raha tha...
"Shivam....nice to see you again..."Sanjana ne ,Shivam se hath milaya...wo ab bilkul thik thi, Sanjana jaise bas kuch hee log the, jo ye jante the ki Midland ko bachane ke chakkar me Shivam ne kya khoya...aur uski is muskan ke peechhe ki asliyat kya hai....
"councillor ban gayi ho, tum...Carner ke baare me sunkar thoda bura laga tha..."
"chalo, aao...main tumhe colonel se milwati hoon...."
"na...rahne do..."Shivam ne apna hath chhudaya aur bola"Sanjana main ye shahar chhod kar ja raha hoon...aur shayad hee kabhi wapas aaun..."
"kya..."
"Sanjana, Midland par yadi kabhi musibat aaye to use Midland me rahne walo se mat chhipana...kyunki yadi unhe sach maloom rahega to wo pahle se taiyar rahenge...unhe jhootha yakin dilana ki unka shahar sahi salamat hai ,ye galat hai....Midland ke logo ko sab maloom chalna chahiye ki, yaha pichhale kuch mahino se kya hua...."
"i can't...."
"you can..."Shivam beech me bola"dheere dheere hee sahi,lekin batana jaroor...ab main nikalta hoon..."
Sanjana ,Shivam ko jate hue dekhti rahi...Shivam , Zunair ke pass gaya aur usse uske bike ka code puchha....pahle to Zunair ne batane se mana kiya,lekin jab Shivam ne cigarette ka bahana mara to, wo razi ho gaya...East Park se bahar nikalte hue Shivam ne Rose ko dekha, jo bilkul kisi pari tarah dikh rahi thi , Shivam usse baat karna chahta tha,lekin phhir Vinay ko , rose ke sath dekhkar Shivam bina baat kiye hee waha se nikal gaya............
andar Fom ke head ko kuch kahne ke liye bulaya gaya tha...Fom ke head ko kya kahna tha, ye Sanjana ne abhi abhi hee badal diya tha...jo ki usne Shivam ko dhyanme rakhkar likha tha, jo ki is shahar se door ja raha tha....

Kabhi-kabhi ek chingari pure shahar ko jala deti hai aur jab tak wo aag bujhati hai ,sab kuch tabah ho chuka hota hai...hum sab soch me pad jate hai ki aisa kyun hua, kisne kiya aur kyun....lekin kuch sawal aise bhi hote hai ,jinka jawab hee nahi hota, aur yadi un sawalo ke jawab hote bhi hai to bataye nahi jate....humara ye Midland shahar humesha Lake ko yaad rakhega, aur sath me us shaks ko bhi ,jisne ise tabah hone bachaya...hum hamesha un logo ko yaad rakhenge, jinhone jung me apni jaan de di hume bachane ke liye....unme se kuch ko shayad hum sabhi jante hai, Kuch ko bahut kam log honge jo jante honge, lekin duniya ke kisi kone me aisa bhi koyi maujood hain ,jisne apana sab kuch kho diya Wo bhi isliye taki hum sahi-salamat rahe, humara ye pyara shahar sahi-salamat rahe....main kal ke ugane wale Suraj ko aaj se , abhi se hee dekh raha hoon, jo apne sath na jaane kitani ummide lekar aayega...lekin phhir jaise - jaise samay beetata jayega, hum sab kuch bhoolte jayenge aur phhir ek din hum un sabhi yoddhao ki kurbani ko bhool jayenge ,jinhone is shahar ko bachane ke liye apni kurbani di...unki kabro par dhool jama hone lagegi lekin us dhool ko un mahan shaks ki kabro se hatane wala koyi nahi hoga....lekin mujhe ye bhi yakin hain ki hum unhe puri tarah nahi bhoolenge aur mujhe ye bhi pata hain ki humare dil aur dimag ke kisi hisse me wo hamesha zinda rahenge........Midland ki galiyo, sadko unko hamesha yaad karegi....
.
"oye, ye kya , teri bike kidhar gayi..."Pawan ne kaha...
"chal bahar chal ke dekhte hai, Parking me khadi karke cigarette pee raha hoga ,Shivam...."
dono East Park se bahar aaye....Pawan ka mobile bajne laga....
"hello...."
"Shivam, bol raha hoon..."
"Shivam hai..."Pawan ne Zunair se kaha...
"loudspeaker on kar..."
Sorry, Zunair..."Shivam bola"teri bike maine chori kar li hai, ab ye shayad hee tujhe kahi mili...."
Zunair ki to duniya hee loot gayi jaise...Pawan aur Zunair gala phhad ke chillaye..."Shivam...........sala chor"
*****THE END*****

[rajbr1981]

+20

[dpmangla]

Lovely Story
Superb Ending