All In One Shatranj

[rishiraj]

Hello friends starting a new story agar pehle bhi story padhi ho to sorry agar nahi to iss story ka maza le or apni advice jarrur de
Dosto aapne apni life mein shatranj ka khel yaani ki chess to jarrur khela hoga par kya aap logo ne kabhi iss par koi kahani suni hain agar nahi to chaliye aaj aapko chess par ek kahani sunate hain ye kahani teen chaptero mein chalegi pehli mein pyada dusri mein wazeer or teesre mein raaja aap sab log ye soch rahe honge ki bhala chess to khelte hain to iss par kya sotry banayi hogi par dosto iss story ko nazarandaz mat kijiyega padhiyega jarrur

[rishiraj]

Chapter 1 (Pyada)

Main ap se koi karz nahi mang raha hon jo bhi mang raha hon apne haq ka mang raha hon" .... Hamesha ke tarhan woh unke office main un se ulajh raha tha

"Aur main tumhain kitne dafa bata chuka hon ke ab halat waise nahi rahe, main tumhare ye ayashiyan bardasht nahi kar sakta" .... Unhon ne bhi hamesha ke tarhan use wohi jawab dya jo pichle 6 mahinay se daite aa rahe the

"Ohh come on! , main koi jahil nahi hon jise ap ye karobar ke nuqsan ka suna kar ullu bana sakte hain, sab janta hon main, etna hi agar nuqsan ho raha ha tu ye alishan office, ye aish-o-aram se bhari zindagi es sab ka kharcha kahan se pura ho raha ha" .... Us ne unki baat chutkiyon main ura di

"Dekho Aditiya main tumhain kayi dafa ye baat samjha chuka hon ke ab business waisa nahi raha jaise kabhi tha, adhi se zyada property bank ke pas girhvi pari ha, Chohan Group of Industries ab woh nahi rahi jo tumhare Papa ke maut se pehlay thi, aur tum achi tarhan jante ho ke business main jo humain etna bara nuqsan huwa tha usi ke ghum main tumhare Papa ko heart attack huwa jin se unki jaan chali gayi" .... Vikram Chohan ne apne bhatijay Aditiya Chohan ko kayi dafa ke sunayi huwe kahani aik baar fir se sunayi

"Tu kya ab etna bura haal ho gaya ha ke muje 1,1 rupay ke lye ap se behas karni pare gi" ... Aditiya ne tanziya lahzay main kaha

"1,1 rupay ??, tumhain kya lagta ha paisay pair pe ugte hain?, tumhain har mahinay lakhon ka cheque milta ha woh bhi kam ha tumhare lye, tumhain agar har mahinay main 1 crore bhi don tab bhi tum mujh se aur paisay mango ge" ... Ab ki baar Vikram Chohan ke awaz main ghusa tha

"Main koi bucha nahi hon jise aap har mahinay jaib kharch de kar azad ho jate hai" ... Aditiya pe unke ghusay ka zara bhi asar nahi huwa tha

"Tu tum bhi ye baat jaan lo ke tumhare Papa ka jitna share es property main tha us hisab se tumhain zyada hi milta ha kam nahi" ... Unhon ne bhi usi ke lahzay main jawab dya

"Uncle try to understand, mujhe paise zaroorat hain ese lye tu mang raha hon" ... Ab ki baar Aditiya ke awaz main tanz se zyada khushamad thi

"Dekho main tumhain 5 lakh se zyada nahi de sakta, main pehle hi etne mamlon main uljha huwa hon aur tum bajaye office aa kar mere parshaniyan bantane ke bajaye barhane aa jate ho" ... Vikram Chohan ka lahza es baar thaka thaka sa tha

"Theekh ha 5 lakh day dijiye baki ka entazam main kahin aur se kar lon ga, aur apko pata ha ye business waghera mere bus ka rog nahi ha, ap Ankit bhaya ko wapas bula lijiye na" ... Us ne jaise jaan churayi

"Woh bhi tu tumhara hi bhai ha bus fark ye ha ke woh mera beta ha aur tum mere bhatijay ho, use london parhne ke lye bhaija tha laiken aisa gaya ha ke fir wapas ane ka naam hi nahi leta, uska MBA tu kab ka pura ho chuka ha laiken jab bhi wapsi ki baat krta hon taal jata ha" ... Vikram Chohan ke awaz main dukh saaf jhalak raha tha

"Acha aap udas mat hoye, main ghar pe chakar lagayon ga jald hi" ... Us ne jaisa unko khush karne ki koshish ki

"Aik tu mujhe tumhare akelay rahne ki samajh nahi aati, etna bara ghar ha wahan pe main aur tumhare Aunty akelay hote hain aur tum ho ke akelay apne bunglow pe rahte ho" ... Unhain aik aur shikayat yaad aa gayi

"Uncle aapko pata tu ha mera, mere ghar anay jane ka koi time nahi hota, bus ap logon ko disturb nahi karna chahte main, acha woh manager se paison ka kah dijiye mujhe ab nikalna ha" ... Us ne akhir main apne matlab ki baat karte huwe kaha

"Acha theekh ha, ja ke lay lo main use kah deta hon" ... Aditiya ne uth kar un se hath milaya aur fir unke office se bahar nikal gaya

Vikram Chohan ne phone pe apne manager ko use 5 lakh daine ka kaha aur fir apne seat ke sath apna sir tika dya, unke chahre pe soch ke gahray bhaav saaf daikhe ja sakte the


************************************************************

"Dekho main sirf doctor hi nahi tumhara dost bhi hon, tumhain apni sharab kam karni hogi, tumhara lever din ba din kamzor ho raha aur mujhe dar ha ke ankarib tumhare lye ye sharab maut ka parwana na ban jaye" .... Doctor Suri ne apne samne bethay huwe apne bachpan ke dost Ankit Chohan ko samjhate huwe kaha

"Kya karon yaar, koshish tu karta hon laiken bus ye sali sharab hi mujhe chorne ko tyaar nahi hoti" ... Us ne muskurate huwe jawab dya

"Ankit main mazak nahi kar raha, tumhara lever waqayi main buhut kamzor ho gaya ha aur jitne sharab tum pee rahe ho agar ese hisab se peetay rahe tu tumhare lye buhut khatarnak sabit hoga" ...

"Ok baba! theekh ha main ab sharab kam pyon ga, ab khush ? " ... Ankit ne hath utha ke kaha jaise woh qasam kha raha ho

"Main tumhain kuch medicines likh ke de raha hon, ye bhi shuru kar do sath main, tum agar ehtiyat karo ge tu abhi kuch bigra nahi ha" ...

"Theekh ha my Lord ! jaisa apka hukam, acha suno Sunday ko Bhabi se kahna kuch acha sa pakaye buhut din ho gaye kuch desi khana khaye" ... Ankit ne uske hath se medicines wala kaghaz laite huwe kaha

"Tu tum india kyun nahi chale jate? , kab se uncle tumhain bula rahe hain" ... Doctor Suri ne ulta sawal kar dya

"Yaar wahan pe Papa mujhe business main laga dain ge aur tujhe pata ha mujh se business nahi hota" ... Us ne uktaye huwe lahzay main kaha

"Acha main chalta hon ab Sunday ko ayon ga ghar pe" ... Ankit ne us se hath milate huwe kaha

Jaise hi woh clinic se bahar nikla london ke sard huwayon ne usko suwagat kya, us ne apne hath coat ke ander ghusa dye

"Lagta ha aj kisi gori chamri ko dhundan hi pare ga khud ko garam karne ke lye" .... Us ne apne aap se kaha aur fir apni hi baat pe muskura dya, ab uske payon taiz taiz apne pasandida nite club ke taraf barh rahe tha jahan pe use kisi gori chamri ke milne ka pura vishwas tha


************************************************************

Mobile musalsal baj raha tha, us ne mazid nahane ka programe khatam karte huwe shower band kya aur apne jism pe toliya lapait ke bathroom se bahar aa gaya, apne mobile ki screen pe call karne wale ka naam dekh kar uske chahre pe muskurahat aa gayi

"Hello!, sorry main zara naha raha tha" .... Us ne call receive kar ke kisi sawal se pehlay hi phone dair se uthane ki waja bata di

"Han aj kuch thakawat se ho gayi thi, tum tu jante ho mere job kaisi ha, bus es papi pait ke lye sab karna parta ha" ... Aur fir aik zordar qahqa lagaya shayad apne kahi huwe baat ka jawab use pasand aaya tha

"Han main tumhare kaam kar raha hon tum fiker na karo, 1,2 din main tumhain green signal hi mile ga mere taraf se" ... Ab ki baar uska lahza sanjeeda tha

"Mere elawa aur koi nahi aa sakta wahan pe, es baat ka pura bandobast kar lya ha maine, bus tum apne kaam pe dhiyan do" ... Us ne phone karne wale ko tasali di

"Theekh ha jaise hi yahan pe kaam pura hota ha, main tumhain phone kar ke bata don ga" .... Us ne ye kah kar phone band kar dya

Us ne ghari pe time dekha tu 9 baj rahe the, mera khayal ha dinner ker lena chahye, us ne mann hi mann main khud se kaha, aur fir kapray pehan ke apni gari ke chabi utha ke woh apne flat se bahar aa gaya. Flat ke khoobsurat nameplate us main rahne wale ka pata bata rahi thi, Inspector Ranveer Singh

[rishiraj]

Dosto ye iss story ka chota sa itnro hain taaki aap log confuse na ho

Chohan Group Of Industries ko chalane wale do bhai jiname se ek ki mout ho chuki hai..or doosara bhai vikram chohan.
ek partner bhai ki mout ke baad C.G.P really ghate me jaa rahi hai ya aisa sirf dikhaaya jaa rahaa hai wo to aage story me pataa chalega..

Aditya chohan ki anadar wo sabhi khubiyaan hai jo ek bade baap ki bigadi hui aulad me hoti hain...wo ayaash hai jisake upar wo lakhon rupaye udaa deta hai...isko apana karobaar sambhaalne me koi intrest nahin hai..

vikram chohan ka beta ankit chouhan....london se M.B.A.

[rishiraj]

Yaar tum kabhi kabhaar hi ate ho, dekho na tumhari aunty bhi bore hote rahte hain aur tumhare anay se mujhe bhi Ankit ke kami etni mehsoos nahi hoti" .... Aditiya aj Vikram Chohan ke ghar aya huwa tha aur wahan lawn main bethe woh log chaye pee rahe the

"Bus uncle apko tu pata ha mera kuch pata nahi hota kabhi yahan kabhi wahan" .... Us ne aunty wali baat ko jan bhooj ke un-suna karte huwe baki baat ka jawab dya. Ab aise khoobsurat aur jawan larki jo umer main Aditiya se bhi 2 saal choti thi usko aunty kahne ka kis ko dil karta hoga bhala. Akasha Chohan dusri patni thi Vikram Chohan ki, uski pehli patni ki cancer ki waja se maut ho chuki thi jiske baad us ne Akasha se shadi kar li. Akasha aur Aditiya ke apas main kabhi ache taulaqat nahi rahe the jiske waja ye thi ke Akasha ko lagta tha ke Aditiya ko bajaye muft ki rotiyan torne ke business main uske pati ka hath batana chahye

"Ankit bhi hamesha yahi bahana banata ha ke masroof hon, aa jayon ga pata nahi kon se masrufiat ha tum logon ki jo khatam nahi ho rahi" .... Vikram Chohan ne jaib se cig ka packet nikalte huwe kaha

"Doctor ne mana kya ha na" .... Akasha unhain cig nikalte dekh kar tokay bina na rah saki

"Kuch nahi hota doctor tu aise hi apne dukan chamkane ko sab bolte hain unka bus chale tu humare sans laine per bhi pabandi laga dain" ... Vikram Chohan ne muskurate huwe kaha

"Aditiya woh tum mujhe apne girlfriend se milane wale the shayad" ... Vikram ko jaise kuch yaad aa gaya

"Uncle etni jaldi bhi kya ha, abhi humain mile 3,4 mahinay he tu huwe hain, kuch samay lage ga aur agar hum ne faisla kar lya shadi ka tu sab se pehle ap se hi milane lay ke ayon ga" ... Aditiya ne tafseel se bataya

"Acha ha jitni jaldi ho sake shadi kar lo, waise bhi woh larki mujhe pasand ayi ha, tumhare lye theekh rahe gi" ... Vikram ne kuch yaad karte huwe kaha

"Han shayad es tarhan tumhain business main koi interest paida ho jaye" ... Akasha ne tanz karte huwe kaha

"Us main tu mera lagayo ha hi, kyun woh mere baap aur chacha ka business ha" ... Aditiya ne Akasha ke ankhon main akhain dalte huwe jawab, uski ankhon main baraf ki si sardi thi

"Acha uncle ab main chalta hon, aik dost ke pas jana tha mujhe" ... Aditiya ne Vikram se ejazat laite huwe kaha

"Ok ! magar chakar lagate raha karo es tarhan kuch humara waqt bhi acha guzar jata ha" ... Vikram ne pyaar se Aditiya ke gaal pe aik chapair lagayi

"Ap ke laad pyaar ne hi ese bigaad dya ha" ... Aditiya ke jate hi Akasha ne jaise un se shikayat ki

"Darling, abhi jawani ka naya naya josh ha karne do jo karta hai, ahista ahista theekh ho jaye ga" ... Vikram ne apne khoobsurat patni ke gaal choote huwe kaha aur unki es ada pe Akasha muskura ke rah gayi, laiken uski ankhon main Aditiya ke lye sakhti abhi bhi saaf nazar aa rahi thi


************************************************************

Uski ankh khuli tu 12 bajne wale the, woh jaldi se bistar se nikal kar khara ho gaya, aj sunday tha aur use apne dost Doctor Suri ke ghar lunch pe jana tha. Us ne apne bistar pe soyi angraiz larki ko bhi uthaya

"Hey Baby ! get up i have to go, my friend is waiting for me " ... Us ne larki ke bums pe aik chamat lagate huwe use uthaya

Larki ko utha ke use paise daine ke baad us ne jaldi jaldi kapray change kye aur Doctor Suri ke ghar ki taraf chal pada. Suri aur woh college se dost the aur woh dono aik sath hi london aye the balkay aisa kahna chahye ke Suri ko london lane main Ankit ka kafi bara hath tha use financial support sari Ankit ne he ki thi. Suri ko london se etni mohabbat ho gayi ke MBBS karne ke bad us ne apne patni ko bhi yahin bula lya aur ab Ankit aksar uske ghar jata tha Sundays ko desi khane ka anand laine

"Bhabi such main apka khana kha kar maza aa jata ha, warna sara hafta ye fast food kha kha ke mere tu watt lag jati ha" ... Us ne khana kha kar khane ke tareef ki

"Tu kis ne kaha ha fast food khane ko, ya tu shadi kar lay ya fir india chala ja" ... Suri ne hamesha ke tarhan use samjhaya

"Abay yaar, etne ache khane ke baad ab tu bore mat kar" ... Us ne jaise Suri ko chup karaya

"Main ap logon ke lye coffee bana ke lati hon" ... Suri ki patni unhain kah kar kitchen main chali gayi

"Ok yaar ab main chalta hon, thanx bhabi etne ache lunch ke lye" ... Coffee peenay ke baad Ankit jane ko tyaar ho gaya

"Ankit woh tumhare reports sari mane bhijwa de hain" ... Jaise hi woh jane laga, Doctor Suri ne use bataya

"Thanks yaar! koi gad bad tu nahi ha na?" ... Ankit ne ajeeb se lahzay main sawal kya

"Nahi maine khud check kya ha, record main sab kuch aa chuka ha" ... Doctor Suri ne use yaqeen dilaya

"Outstanding, ok ab main chalta hon" ... Ankit ne muskurate huwe dono ko bye bola aur ghar se thora door jane ke bad us ne apna mobile nikal kar aik number milane laga


************************************************************

Phone ke musalsal bajti huwe ghanti ne use neend per se uthne per majboor kar dya. Us ne side lamp jala kar ghar main tima dekha tu raat ke 4 baj rahe the, fir us ne phone uthaya

"Hello!" .... Us ne neend main doobi huwe awaz main kaha

"Inspector Ranveer" ... Dusri taraf se jaise poocha gaya

"Speaking" ... Us ne apne jamayi rokte huwe jawab dya

"Sir! ... main Pyarelal bol raha hon, ap foran Vikram Chohan ke ghar aa jaye" ... Dusri taraf se kaha gaya

"Kyun bhai?, etne raat ko uske ghar kya party ha jo main phunch jayon" ... Woh abhi tak neend main hi tha

"Nahi Sir! , Vikram Chohan ke maut ho gayi ha" ... Inspector Ranveer ko laga jaise kisi ne use bijli ka jhatka de dya ho

"Kab?, Kaise? " ... Uske neend ud chuki thi

"Sir ye tu abhi mujhe bhi pata nahi, main yahan pe abhi phuncha hon" ...

"Ok! theekh ha, main phunch raha hon abhi" ... Us ne phone rakh kar jaldi se kapray tabdeel kye, halanki abhi tu use sirf yahe pata chala tha ke Vikram Chohan ke maut ho gayi ha laiken uske sixth sense pata nahi kyun use bar bar eshara kar rahi thi ke kuch gar bar ha. Us ne flat se bahar aa kar apna flat lock kya, ab uske gari Vikram Chohan ke bunglow ke taraf dorti jaa rahi thi

[Optimas prime 2001]

nice story keep updeting bro

[rishiraj]

Inspector Ranveer Vikram Chauhan ke bunglow phunch kar jaise hi gari se utra, Hawaldar Pyarelal bhaga bhaga uske pas phunch gaya, aur gari se utarte hi us ne Pyarelal se poocha

"Pyarelal tum yahan kis time phunche the" ...

"Sir lag bhag 4 baje ke karib" ... Us ne jawab dya

"Police station kis ne phone kya tha ? " ...

"Sir yahin se kisi Shiva naam ke shaks ne phone kya tha" ... Pyarelal ne jawab dya

"Commissioner sahab ne hidayat di thi ke ye case buhut sangeen ho sakta ha, media pe khabar abhi se chalna shuru ho gayi ha ese lye unhon ne kaha ke

Crime Branch se aap es case ko handle karo ge" .... Pyarelal ne uske bolne se pehlay hi use bata dya, shayad woh uska agla sawal pehlay se hi samajh chuka tha

"Theekh ha! ayo chalte hain ander,ab lash uth kar bahar aa kar tu humain kuch batane nahi wali" ... Inspector Ranveer ne jaib se cig nikalte huwe use ander anay ka eshara kya

Jaise hi woh drawing main dakhil huwa, woh uske shan-o-shokat ki daad dye beghair na rah saka. Drawing room ke aik taraf sofa para tha jis ke samne deewar pe aik bara laga huwa tha aur dusri taraf dinning table thi aur beech main se seerhiyan uper ke taraf ja rahe thein, wahan pe rakhi her cheez apne nadir(antique) hone ke gawahi de rahi thi. Jaise hi woh thoda sa agay barha tu use dinning table ke sath aik bara sa kapra dikhayi dya jaise use kise cheez pe dala gaya ho chupane ke lye, use samajh nahi aayi aur jaise hi woh uske karib phuncha tu use pata laga ke woh kapra Vikram Chauhan ke lash pe dala gaya aur sab se hairankun baat ye thi ke us woh lash ulti aik sheeshay ke table pe giri huwi thi aur neechay har taraf khoon he khoon tha. Us ne mud kar Pyarelal ko hairangi se dekha

"Ye lash yahan pe kaise phunchi aur ye eske neechay sheeshay ka table?, ye sab kya ha?" ... Ins.Ranveer ke awaz main hairangi saaf mehsoos ki ja sakti thi

"Sir main jab aya tu tab bhi ye lash aisi hi padi thi ... main bus apke anay ka entazar kar raha tha es lye maine bhi abhi tak kisi se kuch nahi poocha"...

"Tu bulayo na fir, koi aur bhi ha es etne bare bunglow main ya sirf tum aur main hi hain" ... Ins.Ranveer ne use kaha

"Main yahin hon, bus apke anay ka entazar kar raha tha" ... Es se pehle ke Pyarelal kuch bolta, unhain uper se awaz ayi. Dono ne gardan utha kar dekha tu aik uper kamray ke darwaze pe aik 30,32 saal ka shaks unhain khada nazar aya aur use dekh kar lagta tha jaise woh purane waqton ka koi jallad ho.Woh ab seerhyan utar kar neechay aa chuka tha

"Tum kon ?? " ...Woh jaise he unke karib phuncha Ins.Ranveer ne saval kya

"Mera naam Shiva ha, maine he police station phone kya tha" ... Us ne jawab dya

"Tum yahan kya karte ho ??" ...

"Ji main Vikram sahab ka driver bhi hon aur yahan ghar ke kaam waghera bhi main he karta hon" ...

"Tu etne bare ghar main tum akelay he noker ho ??, aur mujhe bahar bunglow ke darwaje pe koi guard bhi najar nahi aya ??" ... Ins.Ranveer ke awaj main shak saaf mehsoos kya ja sakta tha

"Ji yahan pe subha ke waqt kaam kaaj ke lye noker ate hain, laiken raat ko sirf main he hota hon aur guard bhi hota ha laiken aj raat uske gayon se koi aadmi aaya tha ke uski patni ke tabiyat achanak kharab ho gayi ha es lye use jana pada woh Vikram Sahab se ejazat lay kar gaya tha, kyun ki raat buhut ho chuki thi, es lye kise dusre guard ka bandobast karna sambhav na tha" .... Shiva ne tafseel se jawab dya

"Hmmm .. kahani achi bana laite ho" ... Ins.Ranveer ne muskurate huwe kaha

"Ji main kuch samjha nahi ??" ... Us ne hairangi se jawab dya

"Sab samajh jayo ge, abhi tu main aya hon buhut waqt pada ha mujhe samajhne ke lye" ....

"Tumhain kab pata chala Vikram Sahab ke mawt ka aur enke patni kahan pe hain ?? " ... Ins.Ranveer ab wahin lash ke karib beth chuka tha

"Ji main lag bhag 3:30 baje ghar ke ander aya tha mera kamra udher bahar ha gate ke sath, meri neend aik dhamake ke awaz se khuli aur jab main ander drawing room main phuncha tu mujhe Vikram Sahab yahan es table pe ultay gire huwe nazar aye" .... Shiva ne jawab dya

"Jab tum aye tu Vikram Sahab zinda the ya ... "

"Ji nahi jab main phuncha tu unke sansain nahi chal rahe thein" ... Shiva ne jawab dya. Uska jawab sun kar Ins.Ranveer ne jaise he Vikram Chauhan ke lash per se kapra uthaya aur fir foran he dobara kapra lash pe daal dya. Lash ka chahra kanch ke table pe girne ke waja se etne buri tarhan bigar chuka tha ke dekhne ke kabil bhi nahi raha tha

"Lash ke halat tu buhut buri ha " ... Ins.Ranveer jaise khud se bola

"Ye etna kuch huwa tum bahar se ander aa gaye, tu enke patni kahan thein es sare samay main ??, Kya woh bhi aj chuti per hain ?? ... Ins.Ranveer ke awaz main tanj tha

"Ji woh neend ke goliyan kha kar soti hain, aur etne asani se unke ankh nahi khulti, jab main ander aya tab es awaj se woh bhi uth chuki thein laiken goliyon ke asar ke waja se unhain jyada kuch samajh nahi aa raha tha, es samay woh uper apne kamray main hain, lash ko aise dekh kar unke halat bhi " .... Shiva ne baat ko beech main he chod dya

"Tum aadmi bare kaam ke ho, har sawal ka jawab foran daite ho" ... Ins.Ranveer ne jaib se aik aur cig nikal ke sulgaya

"Chalo Pyarelal, ab humain he uper jana pade ga, Mrs.Vikram tu ab neechay anay se rahen" ... Woh sab log uper ja he rahe the ke aik awaz ne sab ke qadam rok lye

"Hello Sir! Kya aap Ins.Ranveer Sing hain ?? " ... Un sab ne mud kar dekha tu unhain drawing room ke darwaje pe aik larki khari nazar aayi,woh 25,26 saal ke larki the, jis ne jeans aur t-shirt pehan rakhi thi

"Ji main Ins.Ranveer Singh hon, per ap kon aur police ne apko ander kaise anay dya ??" ...

"I m Ins.Deepika Modi, es case main apke assistant ke tor per mujhe bhaija gaya ha" ... Us larki ne apna pariche karaya

"Ohhhh ... " ... Ins.Ranveer ke hont aise sukad gaye jaise woh seeti bajane laga ho

"Aye fir aap bhi shamil ho jaye, kyun ki abhi tak hum bhi andhaire main rasta talash kar rahe hain, ho sakta ha apke anay se qismat ke devi hum pe meharban ho jaye" ... Ins.Ranveer ne muskurate huwe kaha

Ins.Deepika bhi muskurate huwe unke karib aa gayi, Ins.Ranveer ne use ab tak pata lagne wali sare jankari de aur fir woh sab uper Mrs.Chauhan ke kamre ke taraf jane lage. Ins.Ranveer ko ab bhi ye samajh nahi aaye thi ke akhir Vikram Chauhan ke lash kamre se nikal kar drawing room ke table pe kaise phunchi aur shayad Mrsn.Chauhan es paheli ko suljhane main uske madad kar sakti ho


************************************************************

"Ankit dekho, bhagwan ke yahi marji ha, marna tu hum sab ko he ha aik din, tum himat se kaam lo" ... Doctor Soori Ankit ko samjha raha tha woh es samay airport per bethe the aur kuch samay baad hi Ankit ke flight the India ke lye, us ne Vikram Chauhan ke mawt ke kharab milte he ticket book kara li the

"Bus afsoos es baat ka ha ke Papa mujhe bulate rahe aur main nahi gaya aur ab woh khud he chale gaye mujhe chod kar" ... Ankit ke awaz se lag raha tha jaise woh apne ansoo rokna chahta ho

Es se pehlay ke Doc.Soori kuch bolta Ankit ke flight ke announcement ho gayi aur woh uth khade huwe. Doc.Soori ne use gala lagay aur india phunch kar phone karne ka bol kar wahan se chala gaya. Doc. Soori ke jate he Ankit ne apna mobile nikala aur aik number milane laga


************************************************************

"Main tum se kab se kah rahe thi ke shadi kar laite hain ap dekh lya anjaam" .... Woh Aditya pe pichle adhe ghante se cheekh rahe thi

"Pallavi main tumhain kitne dafa bata chuka hon ke agar mujhe pata hota ke woh budha etne jaldi mar jaye ga tu main foran shadi kar leta tum se" ... Aditiya bhi pichle adhe ghante se use yahe aik he jawab bar bar de raha tha

"Ab beth ke royo apne qismat ko, pata nahi woh kya vasiyat likh kar gaya ha" ... Pallavi jo Aditiya ke Girlfriend the sir pakad kar beth gayi

"Mujhe kya pata tha, mujhe tu woh bar bar kahta tha ke shadi kar lo, main tu soch raha tha ke jitna ho sake us se maal nikalwa lon fir shadi kar ke acha khaasa hisa lay loon ga, laiken ab tu woh bitch Akasha, pata nahi uske naam kitne property kar gaya ha sala tharki budha" ... Aditiya ke awaj main ghusa tha

"Business ka tu waise he bura haal ha aur Ankit bhaya bhi mere tarhan hain balke mujh se bhi bure unhain tu kuch pata he nahi, sab kuch ab us Akasha ke hath main hoga aur jitne woh mujh se nafrat karti ha uske koshish hoge ke mujhe kuch bhi na mile" ... Aditiya ke awz main ghusa tha

"Ab mere bat ghor se suno, Ankit bhaya ke 2 he shoq hain sharab aur larki, baap ke tarhan woh bhi buhut bara tharki ha, ab jaise he woh india aye tum ne uske qarib hona ha warna sab kuch hamare hath se nikal jaye ga, Ankit bhaya ko kuch nahi pata ke tumhare aur mera kya rishta ha aur na he Akasha tum se mili ha" ... Aditiya ne use samjhate huwe kaha

"Ab mere baat ghor se suno ke tumhain kya karna ha" ... Aditiya ne Pallavi ke karib hote huwe use agay ka plan samjhane laga. Shatranj ke khail ke shuruwat ho chuki the aur ab har koi apne apne chaal chalne ko tyaar tha, jaise sab he Vikram Chauhan ke mawt ke entajar main the

[rishiraj]

Vikram ko sans ke takleef thi aur aj kal business main ghatay ke waja se unki tabiyat zyada kharab rahne lage thi aur aksar raat ko unhain attack ho jata tha aur unhe inhaler ke jaroorat padti thi raat ko sote huve kise samay bhi unhain sans ke taklif shuru ho jati thi, kyun ki mujhe goli khaye begair neend nahi aati es lye woh inhaler ko apne side table main rakhte the take unhain dikat na ho raat ko dhundane main, raat bhi shayad unhain sans ke taklif huve laiken shayad woh sone se pehle inhaler ko janchna bhool gaye" ... Akasha unhain bata rahi thi aur woh sab uske kahani sun rahe the

"Janchna bhool gaye main apki baat samjha nahi Mrs.Vikram" ... Ins Ranveer ne uske baat kaat di

"Woh dekhiye darwaje ke sath inhaler pada ha, main jab kamre main wapas aayi tu maine use dekha shayad woh inhaler khali ho chuka tha aur ese kaaran woh kamre se bahar gaye, laiken woh neechay kaise gir gaye ye baat mere samajh se bahar ha" ...

"Ap ne dekha ha use woh inhaler khali ha kya ??" ... Ins.Ranveer ne poocha

"Nahi main use uthane lage thi laiken Shiva ne kaha ke us ne police ko phone kya ha abhi kisi cheez ko hath nahi lagana chahye humain" ... Akasha ne jawab dya

"Kamal ke aadmi ho yaar tum, aisa crime scene agar humain har case main milay humara tu kaam he asan ho jaye, lagta ha pehle bhi 3,4 murder case sanbhal chuke ho tum" ... Ins.Ranveer ne aik baar fir se Shiva ke taraf dekhte huwe kaha uske chahre pe tanjiya muskurahat thi. Deepika ne ja ke woh inhaler utha lya aur voh vakayi khali tha

"Muje jo theekh laga maine tu bus wohe kya" ... Shiva ne jawab dya

"Mrs.Vikram aik baat muje samajh nahi aayi ke woh apko uthane ke bajaye kamre se bahar kyun gaye ?? " ... Ins.Ranveer ne saval kya

"Maine bataya na aap ko main neend ke goli lay kar soti hon tu mera uthna thoda mushkil hota ha aur darwaje ke bahar apko aik button najar aye ga ye button dabane se Shiva ke kamre ke ghanti bajti ha, shayad ese lye woh bahar gaye" ... Akasha ne javab dya

"Aik baat tu ha ke jis ne bhi planning ke ha kamal ka planner ha" .... Ins.Ranveer ne muskurate huwe kaha

"Ji main samjhi nahi " ... Akasha ke awaj main hairangi thi

"Meri batain aksar logon ko samajh nahi aate, khair ho sakta ha woh bahar gaye hon aur tabiat kharab hone ke waja se khud ko sambhal na sake hon aur neechay gir gaye hon" ... Ins.Ranveer ne bolte huwe gor se Akasha aur Shiva ko dekha

"Main kya kah sakte hon es bare main ?? " ... Akasha ne javab dya

"Kyun Shiva Sahab ap kya kahte hain ??, akhir apke jahanat ka humain bhi tu kuch faida ho" ... Ins.Ranveer ne es baar Shiva se saval kya

"Sahab main kya kah sakta hon, ho sakta ha apke baat theekh ho" ... Shiva ne javab dya

"Theekh ha filhaal tu kuch bhi kahna mushkil ha, fihaal tu andaje he laga sakte hain hum, khair ap aram kijiye Mrs.Vikram hum dekhte hain filhal Vikram Sahab ke lash apke huwale nahi kar sakte hum" ... Ins.Ranveer ne baat khatam karte huwe kaha aur Deepika ko eshara kya bahar ane ka

"Deepkia aisa karo ke lash ko DNA test ke lye bhaij do, chahra tu etna bigad chuka ha ke pehchana nahi ja raha, kanch ke table pe girne se sare jism main kanch laga huwa ha aur chahre per bhi kanch hi kanch ha, aur muje theekh time chahye jab Vikram Chauhan ke mawt huvi, Shiva ne kaha woh 3:30 baje ander aya, ye aadmi muje buhut gad bad lagta ha eske baat pe muje 1% bhi yaqeen nahi ha" ... Ins.Ranveer ne Deepika ko tafseel se samjhaya

"Yes Sir ! samajh gayi" ... Ins.Deepika ne sari baat ka chota sa javab dya

"Sir na kaho, i like woman on top" ... Ins.Ranveer ne muskurate huve Deepika ko dekha, uske lahzay se lag raha tha ke uske baat ka kya matlab ha

"Sir maine tu suna tha ke aap kafi sakht kisam ke officer hain laiken ap se mil kar aisa lag nahi raha" ... Deepika unke baat ka matlab samajhte huve muskura ke boli

"Ye tu dushman hain jo afwah uda daite hain, warna main tu buhut naram dil ka ensan hon khas kar aik khoobsurat ladki ka sath ho tu kis kafir ka dil sakht rahe ga" ... Ins.Ranveer ke baton se lag raha tha ke woh Deepika pe pura chance laina chah raha ha

"Sir ab kuch kaam kar lain, kaam ke samay muje kaam karna hi pasand ha" ... Ins.Deepika ne baat badalte huve kaha

"Matlab jab kaam na ho tu fir tumhain kaam ke elava bake sab pasand ha ?? " ... Ins.Ranveer pe Deepika ke baat ka jara bhi asar nahi huva

"Khair ab tu tumhara aur mera sath rahe ga batain tu hote rahan ge, tum ne aik aur kaam bhi karna ha muje Vikram Chauhan ke business ke halat ka pure report aur sath main aur kya kya kuch ha uske property main ye sari jankari chahye" ... Ins.Ranveer ne es baar sanjeeda lahzay main kaha

"Ok Sir, main kal tak sare jankari ekhata karti hon" ...

Ins.Ranveer bhi bahar aa gaya us ne jaib se aik aur cig nikal ke sulgayi, uska dimagh musalsal chal raha tha abhi tak sara case uljha huva tha aur abhi tak uske 2 aur eham logon se baat bhi nahi huve the, Ankit aur Aditiya se milne ke baad he woh kuch andaja laga sakta tha aur abhi tak vasiyat bhi nahi khuli thi jis se andaja ho ke kis kis ko kya kya milna tha. Shatranj ke khail main sab se bada masla yahe hota ha ke kaye bar jo chaal chali jati ha voh chalne wale ne kya soch kar chali ha eska pata lagana mushkil hota ha


************************************************************

"Aditiya ye sab kaise ho gaya, main soch bhi nahi sakta tha ke Papa muje chod jayen ge" ... Ankit es samay apne ghar main apne kamre main betha tha aur Aditya aur Pallavi uske sath bethe the

"Ankit bhaya muje bhi samajh nahi aa rahi ke achanak kya huva, muje tu vishwas he nahi ho raha Uncle humain chod kar ja chuke hain" ... Aditya ke awaj main dukh tha

"Mumy ke tabiat bhi kharab ha, un se bhi jyada kuch pooch nahi sakta main aur dead body police ke pas ha, muje tu kuch samajh nahi aa rahi" ... Ankit ke awaj main dukh he dukh tha

"Ankit bhaya police ko shak ha ke shayad uncle ke mawt ke peechay kise ka hath ha" ... Aditiya ne javab dya

"Tumhain kaise pata es baat ka?? " ... Ankit ke awaj main hairangi thi

"Aj mujh se milne Ins.Ranveer aya tha, aur uske baton se lag raha tha ke use shak ha ke Uncle ke mawt ke peechay kise ka hath ha" ... Aditiya ne uske saval ka jawab dya

"Aur aj vasiyat bhi uske anay ke baad sunaye jaye gi" ...

"Aik tu Papa ke mawt ka ghum ha uper se ye sab masla" ... Ankit ke awaj main ghum aur ghusa dono the

"Ap pareshan mat hon sab kuch theekh ho jaye ga" ... Pallavi ne pehli dafa us se baat ki

"Tum ne ab tak mera pariche he nahi karaya en se, tumhare girlfreind ?? " ... Ankit ne savaliya andaaj main kaha

"Nahi nahi meri dost ha Pallavi, ese pata laga tu apke pas afsoos karne aa gayi mere sath" ... Aditiya ne jaldi se javab dya jaise kahin thodi se bhi dair ho gayi tu koi nuqsan ho jaye ga

"Ohhh , so nice of you " ... Ankit ne Pallavi ko dekhte huve kaha

"Nahi ye tu mer farz tha aur vaise bhi es samay tu apnon ke sath ke jaroorat hoti he ha" ... Pallavi ne lagavat bhare lahze main kaha

Aditiya un dono ko apas main baat karte dekhe tu uske chahre pe aik shaitani muskurahat aa gayi jaisa woh chah raha tha waise he Ankit Pallavi main dilchaspi lay raha tha, us ne dono ko batain karte dekha aur fir wahin paas rakhe guldan (vase) pe hath phaira jaise woh us main rakhe phoolon pe hath phair raha ho, Ankit aur Pallavi dono ka dhiyan uske taraf nahi tha ke us ne kya harkat ki ha, aur phir woh dono ke sath batan karne laga laiken uske chahre se saaf pata lag raha tha ke jo woh karne aya tha woh kar chuka ha


************************************************************

"Sir, Vikram Chauhan ke adhi se jyada property es samay bank ke pas girhvi padi ha, aur baki property main kis ko kya mila ha ye tu vasiyat ane ke baad hi pata lage ga" ... Ins.Deepika es samay Ins.Ranveer ke office main khadi thi

"Hmm , eske elava aur koi khaas baat ha" ... Ins.Ranveer apne kursi se uth khada huva

"Sir, jo sab se eham baat ha woh ye ha ke Vikram Chauhan ke naam 100 million ke insurance policy bhi ha, jo uske marne ke baad uski patni aur betay ko milay gi" ... Ins.Deepika ne jaise dhamaka kya

"Thats it, yahi tu woh baat thi jiske muje talash thi, eska matlab ha ke ye such much murder case hi ha, kyun ki jis ne bhi ye sab kya ha use property ka nahi en paison ke fiker thi" ... Ins.Ranveer ke awaj main josh tha

"Laiken Sir bhala uske patni ya beta aisa kyun kare ga ?? " ... Ins.Deepika ke awaj main hairat thi

"Jahan pe paise ke baat aa jaye wahan pe log apna dharam, rishte, pyaar sab bhool jate hain Deepika Ji, when there is big money involve kuch bhi ho sakta ha fir" ... Ins.Ranveer ne muskrate huve Deepika ke kamar pe hath rakha

"Mera dil nahi manta Sir, paise ke lye koi apne baap ya pati ko bhi mar sakta ha bhala" ... Deepkia ke awaj main ab bhi hairangi thi

"Abhi tu khail shuru huwa kya pata kis ka kaam ha ye, ya ho sakta ha jo hum soch rahe hain aisa kuch bhi na ho, sab kuch mumkin ha" ... Ins.Ranveer ka hath ab ahista ahista Deepkia ke kamar se neeche ja raha tha

"Sir khail bhi shuru huva aur jahan apka hath phunch chuka ha wahan se mere bums bhi shuru ho gaye hain" ... Ins.Deepika ne muskurate huwe Ins.Ranveer ko dekha

"Ohhh ... Sorry muje pata nahi laga" ... Ins.Ranveer ke awaj main shararat thi, uske bartav se saaf lag raha tha ke use Deepika main kafi dilchaspi ho chuki ha

"Chalo chalte hain ab Vakeel ke kahani bhi sun lain ke kis kis murgi ko kya kya sonay ka anda mila ha" ... Ins.Ranveer ne Deepika se kaha aur woh dono office se bahar aa gaye. Ins.Ranveer ke gari ab Chauhan House ke taraf dawdi ja rahi thi.

[rishiraj]

Vikram Chauhan ke vaseeyat ke anusaar property ke 50% ke malik unke betay Ankit Chauhan hain, 25% ke malikan unke patni Aakasha Chauhan aur baki ke 25% malik unke bhatijya Aditiya Chauhan hain" ... Vikram Chauhan ka vakeel vaseeyat padh kar suna raha tha aur drawing room main es waqt sare he bethe vaseeyat sun rahe the

Vakeel tu vaseeyat suna kar chala gaya uske baad Ins.Ranveer aur Deepika ne Ankit ko aik alag kamre main anay ko kaha kyun ki abhi tak sirf vohi tha jis se unhon ne saval jawab nahi kye the

"Mr.Ankit apko kya lagta ha apke pita ki hatya ke peechay kon ha ?? " ... Ins.Ranveer ka pehla saval sun kar hi Ankit ko jhatka laga

"Ins Sahab, pehli baat tu ye ke muje nahi pata ye hatya ha jahan tak mere jankari ha mera khayal ha ye natural mawt ha koi hatya nahi aur agar ha bhi tu muje kya pata ye tu apka kaam ha pata lagane ka" .... Ankit ne khud ko sanbhalte huve jawab dya

"Vaise aik baat ha es ghar ke sare prani buhut aqalmand hain, har koi kamal ke javab daita hai , kyun Isn.Deepika apka kya khayal ha es bare main ?? " ... Ins.Ranveer ke awaj main tanj saaf tha

"Yes Sir! , ye baat tu apki bilkul theekh ha" ... Isn.Deepika ne bhi muskurate huve jawab dya

"Ap kahna kya chahte hain Ins. Ranveer? " ... Ab ki baar Ankit ke awaj main ghusa tha

"Kuch nahi main tu sirf tareef kar raha hon sab ki" ....

"Waise kya ye such ha ke ap pichle 4 saal se london main rah rahe hain aur aik baar bhi india nahi aye ?? " .... Ins.Ranveer ne agla saval kya

"Ji ye bilkul sach ha" ...

"Tu kya apki apne pita ke sath koi ladayi chal rahe thi jis ke waja se ap ghar nahi ana chahte the ?? " ...

"Ye ap se kis ne kaha?, meri apne pita ke sath koi ladayi nahi thi, main london MBA ke lye gaya tha aur fir muje woh jaga etne pasand aayi ke mera dil wapas ane ko nahi kya" ... Ankit ne jawab dya

"Halanki apke pita ko apki kafi jaroorat thi unka business kafi nuqsan main chal raha tha aur ye baat tu apko pata hi hogi " ... Ins.Ranveer ne khojti huve awaj main poocha

"Ji muje pata tha, laiken mere ane se bhi koi chamatkar hone wala nahi tha aur muje business ka experience bhi nahi ha, main Papa ko kayi baar ye baat bata chuka tha" ....

"Tu jab aap ko business main nahi ana tha tu MBA karne ka kya faida ?? " ... Pehli baar Ins.Deepika ne sawal kya aur uska sawal sun kar Ins.Ranveer ne daad daite huve andaaj main use dekha

"Ye bhi Papa ke kahne per kya tha warna main MBA nahi karna chahta tha, mera lagav painting main tha aur ab bhi ha, laiken Papa ke kahne per muje MBA karna pada" ... Ankit ne Deepkia ko dekhte huwe kaha

"Tu eska matlab ha ke apke apne pita ke sath kayi bat pe ekhtilaaf chal rahe the" ... Ins.Ranveer ne use janchte huve najron se dekha

"Ye choti choti batain har ghar main hoti hain, es main kya badi baat ha" ... Ankit ne javab dya

"Mana ke ye choti baat ha laiken us 100 million ke insurance policy ka tu apko jaroor khayal aya hoga kabhi na kabhi" ... Ins.Ranveer ke chahre pe shaitani muskurahat thi

"Dekhain ap be-tuki aur ghatiya batain kar rahe hain ab, ap jis ke bare main baat kar rahe hain woh mera baap tha aur sotaila nahi saga baap, aur ap mujh se musalsal aise saval kye ja rahe hain jaise main apka prime suspect hon" ... Ankit ko akhir kaar ghusa aa gaya

"Woh tu har koi ha aur mere sawalon se apko taklif huwe ho tu maafi chahta hon laiken ye mera kaam ha, ese baat ke tu paise daiti ha Sarkar har mahine" ... Ins.Ranveer ka lahza ab bhi thanda tha

"Woh apka masla ha mera nahi, main abhi apne Papa ke mawt ke ghum se bahar nahi aya aur ap property, aur insurance aur pata nahi kahan kahan phunch chuke hain jab ke muje tu kuch pata hi nahi main tu abhi tak office he nahi gaya" ....

"Main muskura ke baat kar raha hon tu ap muje ullu tu nahi samajh rahe ??, khair abhi ke lye etna hi bad main agar jaroorat padi tu apko fir se takleef dain ge" ... Ins.Ranveer ne ye kah kar Ankit se hath milaya aur fir woh aur Deepika kamre se bahar aa gaye. Jaise he woh Chauhan House se bahar aye Ins.Ranveer ne Deepika se kaha

"3,4 aadmi en sab ke pechay laga do, muje har aik ke pal pal ki khabar chahye " ....

"Yes Sir! " ... Ins.Deepika ne javab dya aur fir woh dono gadi main beth gaye ab gadi police station ke taraf dawdi ja rahi thi


************************************************************

"Ab tak tu plan bilkul humare marji ka chal raha ha, ab bus tum ese tarhan Ankit ko funsati jayo tu dekhna sab kuch humare hath main hoga" ... Aditiya ne Pallavi ke balon se khailte huve kaha. Woh dono es samay Aditiya ke bedroom main the

"Ye tu kafi asaan shikaar nikla, abhi se deewana ho gaya ha mera" ... Pallavi ne etra kar kaha

"Jan-e-man tumhare agay tu bade badon ke chuti ho jati ha, aur ye tu sala tharki baap ka tharki beta ha es ne tu latoo hona hi tha" ... Aditiya ne Pallavi ke honton ko choomte huve uske tareef ki

"Laiken muje tu ab tak ye samajh nahi aaye ke humain Ankit ko funsa ke kya mile ga ?? " ... Pallavi ne poocha, uske baat sun kar Aditiya ne apne bed ke side table main se aik file nikali aur Pallavi ko pakra di

"Ese khol ke padho" ...Aditiya ke kahte hi Pallavi ne file khol kar padhna shuru kar di

"Ab kuch samajh aayi ??, Ankit 50 million ka malik ban gaya ha aur 50% property bhi uske naam ha, aur aik baar woh humare jaal main funs gaya tu tumhare uske sath shadi hote hi samjho es paise ke malik hum ban gaye" ... Aditiya ne shaitani awaj main kaha

"Aur ye file padh ke tumhain ye pata tu lag gaya hoga ke sharab uske lye kitna bada khatra ha aur ab eske baad tumhain aur kuch samjhane ke jaroorat nahi pade gi tumhare jahanat ka he tu main deewana huwa tha" ... Aditiya ne muskurate huve kaha

"Laiken tumhain nahi lagta ke aisa karne se hum per bhi shak ja sakta ha" ... Pallavi ne poocha

"Woh bhi soch rakha ha maine, waqt anay per woh chaal bhi chalan ge, filhaal pehli chaal tu kamyab ho jaye" ...

"Woh tu samjho ho gayi, kuch hafton ke baat ha fir dekhna, Ankit ko mere siva kuch najar nahi aye ga" ... Pallavi ne kaha

"Bus tu fir ese khushi main pyaar ka aik aur round ho jaye" ... Ye kahte he Aditiya ne Pallavi ko apne banhon main jakad lya aur bed pe pyaar ka khail shuru ho gaya


************************************************************

"Sir ye rahi Vikram Chauhan ke DNA reports " ... Ins.Deepika ne aik file Ranveer ke table per rakhte huve kaha

"Tum ne puri tasali kar le ha na" ... Ins.Ranveer ne file ko padhte huve poocha

"Yes Sir !, ye report mere hote huve tyaar ke gayi ha aur 3 dafa test lya gaya ha, woh lash Vikram Chauhan ke hi ha" ... Ins.Deepika ne javab dya

"Sir aik aur jaroori baat voh ye ha ke Vikram Chauhan ke mawt lag bhag 3:20 pe huve aur Doctors ne ye bhi kaha ha ke shayad use asthma ke waja se heart attack bhi huva, aur agar Mrs.Vikram ke kahani ko es se joda jaye tu waqayi ho sakta ha ke jab woh kamre se bahar balcony main aya tu use heart attack huva es lye woh neechay ja gira" ... Ins.Deepika ke baton se uske zahanat ka andaja lagaya ja sakta tha

"Hmm, waqayi agar report yahi kah rahi hain, tu fir tu shak nahi banta kise pe, laiken agar ye bhi ho sakta ha ke woh kamre se bahar jaroor aya ho laiken balcony se neechay use giraya gaya ho" ... Ins.Ranveer ne sochte huve awaj main kaha

"Khair ye tu humain khojna ha, abhi tu tasveer ke tukde milna shuru huve hain abhi tu buhut kaam bakiha, fir bhi good work pehle muje kafi hairangi huve thi ke aik junior inspector ko etne eham case per mera assistant bana ke bhaija gaya laiken ab ahista ahista muje tumhare qabliyat dekh kar pata lag raha ha ke tumhain kyun bhaija gaya, aksar tu muje aise assistants milte hain ke sab kaam muje khud he karna padta ha laiken es baar tumhare hone se kam az kam en kamon se tu mere jaan choot gayi ha" ... Ins.Ranveer ke awaj main tareef thi

"Thank you Sir ! main tu apke sath kaam karne ke lye kab se betaab thi bus mawqe ka entajar tha, aur ab mawqa mila ha tu ese zaya nahi karna chahti" ...

"Aaaahh, muje pehle pata hota tu main khud he tumhare sifarish kar deta, tumhare jaisi qabil aur khoobsurat Inspector ko tu main hamesha apne paas rakhna chahon ga" ... Ins.Ranveer fir patdi se utarne laga

"Waise tumhara koi boyfriend, mangater type cheez ha kya ?? " ...

"Ji Sir ! Boyfriend tha but humara break-up ho gaya, ap tu jante hain humare duty kaise hoti ha, use muj se shikayat hone lagi aur humara sath chalna sanbhav na tha tu raste alag kar lye" ... Ins.Deepika ne dard bhari muskurahat se kaha

"Aik Inspector ka dard tu aik Inspector he samajh sakta ha" .... Ins.Ranveer ne Deepika ko dekha

"Waise agar tum kal free ho tu dinner pe chalo gi mere sath ?? " ...

"Sir ye kuch jald baji nahi hogi, abhi tu hum aik dusre ko ache se jante bhi nahi " ... Deepika ne javab dya

"Jaan pehchaan bhi ho jaye gi aur dinner bhi, kal tum tyaar rahna main 8 baje tumhain pick kar lon ga tumhare flat se" ... Ins.Ranveer ne baat samait di

"Ok Sir " ... Ins.Deepika ne muskurate huve kaha, shayad woh bhi ab akelay rah rah ke tang aa chuki thi aur kise ke sath ke talash main thi

[rishiraj]

Shiva mera yahan pe dum ghut raha ha, Vikram ke beghair yahan pe kuch acha nahi lag raha" ... Akasha ke awaj main dukh tha

"Madam, Vikram sahab ke kami tu hum sab ko khil rahe ha" ... Shiva ne javab dya

"Laiken muje unke begair ye bunglow katne laga ha, main kuch din yahan se door jana chahti hon" ....

"Hukam karan Madam, kahan jana chahte hain aap, main bandobast kar deta hon apke jane ka" ... Shiva ne foran kaha

"Tum aisa karo Delhi vale bunglow pe phone kar ke bata do, main kuch din ke lye Delhi jana chahti hon, ye police pooch-taach, aur Vikram ke judai muje en sab ne tod kar rakh dya ha" .... Akasha ke awaj ghum main doobi huve the

"Ji Madam, main aj hi phone kar deta hon, aur ticker bhi book kara deta hon" ....

"Nahi ticket book karane ke jaroorat nahi, driver ko kah do main gadi pe jayon gi" ...

"Gadi pe hi jana ha tu main lay chalta hon aap ko" ... Shiva ne javab dya

"Nahi tum yahin pe raho, Ankit ko tumhare jaroorat hogi, Police bhi tu bar bar aa rahi ha aise main tumhara uske sath hona buhut jaroori ha, main bhi 3,4 din main wapas aa jayon gi, waise bhi Ankit ko business ke etne samajh nahi aur woh Aditiya pe muje waise bhi bharosa nahi ha, agar tum bhi chale gaye tu pata nahi woh Ankit ko kya pati padha de" ... Akasha ne tafseel se javab dya

"Theekh ha Madam, jaisa apko theekh lage" ... Shive ne sir hilate huve kaha

"Main Ankit se baat karon ge ke mere jane ke baad woh Aditiya ke baton main na aa jaye" ... Akasha ne jaise khud se kaha

"Madam, Aditiya Sahab bhi tu bhai he hain woh bhala koi galat salah kyun dan ge ?? " ...

"Tum jante ho na Aditiya ko use sirf paise se matlab ha chahe uske lye use kisi ke bhi qurbani daine pade" .... Akasha ke awaj main nafrat thi

"Tum mere jane ka bandobast karo, main Ankit se baat karti hon" ... Akasha ne Shiva se kaha

Shiva ne Akasha ke baat pe sir hila dya aur Akasha ke kamre se bahar aa gaya, aur bahar aate hi aik ajeeb se muskurahat uske chahre pe aa gayi jaise us ne abhi abhi Akasha se huvi baton ka anand lya ho


************************************************************

"Pallavi Papa muje chod kar kyun chale gaye ?? " ... Ankit aur Pallavi es samay Ankit ke bedroom main bethe aur Ankit Vikram Chauhan ke mawt ke ghum main nidhaal tha us ne aik hath main sharab ka glass thama huva tha aur dusre hath se Pallavi ke hath ko

"Ankit, Uncle ke mawt ka ghum tu hum sab ko ha, laiken ab tumhain himmat se kaam lena ha" ... Pallavi ne use samjhaya

"Kahan se layon himmat?, aik taraf woh police ka chakar aur dusri taraf doobta business, main ye sab nahi sanbhal sakta" ... Ankit ke awaj main thakan thi

"Main janti hon ye sab tumhare lye mushkil ha laiken agar tum ne himmat haar di tu sab kuch bikhar jaye ga" ....

"Tu bikhar jane do, main ye sab kuch baich kar london chala jayon ga, ye sab mere bus se bahar ha" ... Ankit ne ye kah kar sharab ka glass moun se laga dya

"Theekh ha laiken filhaal tumhain hosh se kaam lena ha aur sharab tumhare lye theekh nahi ha" ... Pallavi ne ye kahte huwe uska glass fir se sharab se bhar dya

"Pallavi agar tumhara sath muje na milta yahan pe tu main tu ab tak wapas bhag gaya hota london" ... Ankit ne pyaar bhari najron se use dekha

"Main tu hamesha tumhare sath hon, kuch he dinon main tum mere dil ke kitne qareeb aa chuke hon tumhain andaja bhi nahi ha" ... Pallavi ne uske kareeb hote huve kaha

"Aur mera haal tu aisa ha ke muje tumhare siva ab kuch dikhta he nahi ha" ... Ankit ne ye kahte huve apne hont Pallavi ke honton pe rakh dye

"Acha ab bus buhut sharab ho gayi, jante ho na sharab tumhare lye theekh nahi" ... Pallavi ne uske hath se glass tu lay lya laiken sharab ke botal uske agay kar di

"Mat roko muje aj tu peenay do, vada kal se sharab nahi pyon ga" ... Ankit ne uske hath se sharab ke botal laite huve kaha

"Acha theekh ha laiken sirf aaj ok ??" ... Pallavi ne shaitani muskurahat se kaha

Ankit ne sharab ke botal ko moun se laga lya aur pure botal khatam kar di, aur fir wahin Pallavi ke gawd main ludhak gaya

"Janu ye vada tu tumhain roj karna ha ab" ... Pallavi ne aik tanjiya muskurahat ke sath Ankit ko dekha


************************************************************

"Ranveer tumhain nahi lagta hum ne es sab main buhut jald baji kar di ha" ... Ins.Ranveer aur Deepika es samay Raveer ke bedroom main the

"Deepika kabhi kabhi dil ke baat bhi sun laine chahye, mana ke hum police walon ka kaam dimagh ka ha laiken dil tu humare paas bhi ha na" ... Ranveer ne Deepika ko apne bahon main laite huve kaha

"Maine tu socha bhi nahi tha ke etne jaldi hum aik dusre ke etne kareeb ho jayen ge" ... Deepika ne apna sir Ranveer ke chati pe tika dya

"Maine tu jab pehli baar dekha tha tab ye soch lya tha" ... Ranveer ke awaj main shararat thi

"Acha kya soch lya tha ?? " ...

"Yahi ke tum kapdon ke beghair jyada sundar dikho ge" ... Ranveer ne hanste huve kaha

"Ohh, aik Inspector se aise batain sun kar kafi ajeeb lag raha ha" ... Deepika ne bhi hanste huve kaha

"Inspector ke pas bhi tu dil hota ha na Madam, har waqt murder case aur lashon ke sath rah rah ke dil bhar gaya ha mera" ...

Es se pehle ke Deepika uske baat ka javab daite achanak Ranveer ka mobile bajne laga us ne number dekh kar call pick kar li

"Hello ! Ins.Ranveer speaking" ...

"Acha theekh ha, main phunchta hon abhi" ... Us ne dusri taraf se baat sun kar javab dya

"Kis ka phone tha" ... Deepika ne poocha

"Police Station se tha, chalo humain police station jana hoga" ...

"Es waqt, kya koi khas baat ?" ... Deepika ne hairangi se kaha

"Han, jo report tum ne magaye thein, woh aa gaye hain, ab pata chal jaye ga ke jo kahani Mrs.Vikram ne humain sunayi ha us main kitna such ha" ...

Ins.Ranveer ne ye kaha aur dono kapde pehan kar flat se bahar aa gaye. Shayad agle kuch pal Akasha Chauhan ke lye buhut eham the

[rishiraj]

End of chapter 1