Romantic Kuch Nahi Tere Bin (Completed)

[honey boy]

Update 154

Dono ne call disconnect kiya aur teji se pahunche wahan..... Lekin jab tak pahunche mamla kya se kya ho chuka tha.....


Wahan ka mahol ajib he tha. Drish aur chandrika devi dono ko laga tha koi lafra ho gaya restaurent me, lekin yahan to puri gangue niche floor par baithe the, aur sath me niche baithe the Rana ji.


Few moment back


Jaise he Appu ne beer Rana ji ke upar giraya, Rana ji ne Appu ka color pakad liya. Appu ke color pakdey dekh sare log daur pare.


Rana ji .... Teri to, sari beer mere coat ko pila diya, mera din kharab kar diya...


Appu..... Uncle marna hai to mar lo, lekin aap ye bata do, aaj aap ki din khas kaise hogi..... Kyonki aaj apne bhai ke shadi fix hone ki celebration hai, aur humari wajah se kisi ka din kharab nahi hoga.


Rana ji, Appu ka color chhor kar niche floor par baith gaye...... "Haan to mujhe bhi celebration karna hai, magwao beer, aaj meri bhi beti ki shadi tay hone wali hai, aur kai salon baad apni biwi se mila hun"....


Turant beer order hua.... Aur sab niche baith kar ghunt lagane lage.... Tabhi Rana ji jor se chillaye.... "Shant ho jao sab"


Yahi chillana chandrika devi suni thi, jo bhag kar aayi thi..... Jab tak wo kadam restaurent ki ore badha rahi thi, tab tak Rana ji apni baat aage badhate huye kahne laga..... "Jab meri biwi ander aaye to tum sab mere liye ek gana gana .... Chaudhwi ka chand ho ya aftab ho...


Bas issi baat par puri gangue ne.... Hooting laga diya, jise sun kar Drish bhi bhaga-bhaga aaya tha...


Current situation ....


Rana ji beer ki bottol hathon me liye, niche floor par baithe the, sath me uske Appu bhi baitha tha. Jaise he najar anpni patni yani ki chandrika devi par gayi, beer ki ek lambi ghunt piya aur Appu ke kandhe par hath rakh kar kaha..... "Wo dekho, mere dil ki raani, meri eklouti prem kahani, meri hitlarni wife"


Appu pichhe gardan ghuma kar dekha, najron ke samne chandrika devi, aur Appu shocked se khada ho gaya..... Tab tak Rana ji ke sath sabhi ne gana shuru kar chuke the......


Chaudwee kaa chand ho ya aaftab ho
Jo bhee ho tum khuda kee kasam lajawab ho

Julfe hain jaise kandhe pe badal jhuke huye
Aankhe hain jaise may key pyale bhare huye
Mastee hai jisme pyar kee tum woh sharab ho
Chaudwee kaa chand ho.........


Drish bhi wahan pahuncha..... Jab wo pahuncha, niche Rana ji aur uske dost aakhen munde mast ho kar gana ga rahe the, Appu khada chandrika devi ko he dekh raha tha.... Aur chandrika devi wahan ke puri mahfil ko......


Chandrika devi jor se chillati hui.... "Band karo ye nautanki sab ke sab"... Ab sab logon ka dhyan ussi ore gaya ....


Rana ji.... Arre dekha meri hitlarni apna pyar bhi gusse me dikhati hai...


Chandrika devi.... Aap ko sharm nahi aati, bachon ke sath baith kar aisi harkaten karte huye... Aur tum dono ko to Payal batayegi, main to tang aa gayi tum dono ki nautanki se.


Rana ji.... Arre ye chhotu bhi yahan hai, kya phir se marne ka irada to nahi. Ye yahan kya kar raha hai...


Appu.... Ji inhi ki to shadi tay honi hai....


Rana ji.... Ha ha ha ha.... Achha joke tha, kis ladki ki kismat phut gayi jo iss se shadi kar rahi hai.


Chandrika devi.... Bhago tum sab ab yahan se.... Kuch to sharm karo beti ki shadi tay karne aaye ho, aur aisi harkaten kar rahe ho. Chalo utho, chalo yahan se warna main chali jaungi.


Itna kah kar chandrika devi nikal gayi uss rastaurent se. Uske pichhe-pichhe Rana ji bhi kahte nikla.... "Bye-bye bachon, aur chhotu best of luck"


Dono ke wahan se nikalte he Drish, Appu ki ore ghura..... "Bhai mujhe thode na pata tha, aap ke sasur ji hain wo, ab jane bhi do, ek dum mast aadmi hai, aap ki to shadi fix ho he gayi samjho"


Drish.... Haramkhoron, suna nahi meri hitlar saas ko, aur jo karamat tum logon ne dikhaye hain, uss se to ye sasur bhi bhadak jayega.


Drish ne turant wahan ki sabha tori aur Appu ko ghar bhej diya, Payal ko sambhalne. Chandrika devi ka koi bharosa nahi tha, pata nahi kya chugli kar de Payal se. Appu ko ghar wapas bhej kar Drish ne turant call lagaya Ashk ko aur usse milne ke liye bulaya.


Ashk, aate he Drish ke gale se lag gayi, aur usse hug karti dhire se kano me kahi...... "Ohhh, love kabhi-kabhi mere bina bhi rah liya karo"


Drish ye sunte he Ashk ko aur joron se pakar liya, aur kahne laga..... "Cuteeee, abhi ye sab nahi please, ahh kitna sukoon mil raha hai"


Ashk.... Mujhe bhi love, lekin baat kya ho gayi jo itna urgently bulaya... Sab thik to hai na.


Drish ne phir pure restaurent ki ghatna Ashk ko bata diya.... Ashk sari baten sun'ne ke baad jor-jor se hasne lagi....


Drish.... Kya hua tum aise hans kyon rahi ho...


Ashk.... Aap bhi na, bahut jaldi tension me aa jate ho. Arre aap ke doston ne jo kiya wo to mere papa ne bhi kiya, phir isme ghabrane jaisa kya hai... Chhoti-chhoti baat par tension lete ho... Ab chhoro bhi isse...


Drish.... Ohhh cuteee phir kisse pakdun ....


Ashk..... Achha yadi ye bhi batana pare to mujhe doubt hai.


Drish... Kaisa doubt cuteeee


Ashk.... Yahi ki aap me kuch kami hai, jo itni khubsurat apni lover ke samne rahte puchh rahe ho kisse pakrun.


Drish.... Kami ki bachi, tane mujhe deti ho.... Abhi batata hun ....


Apni baat kahte huye he Drish ne Ashk ko jor se gale laga liya, aur gardan ke pass nak laga kar teji se sans khichnte huye kaha..... "Uffff tumhare badan ki khusbu, deewana bana deti hai"


Ashk.... Huhhh ! Matlab main kuch nahi hun, bas mere zism ko dekh kar deewane ho jate ho. To badho aage kar lo apni hasraten puri, ye zism he sab kuch hai, main to kuch bhi nahi.


Drish, Ashk ko chhorte bare he vichitr dhang se sawaliya najron se dekha, aur sir khujane laga.... "Ye isko aaj hua kya hai, kaisi baten kar rahi hai"


Ashk.... Kahan kho gaye love, lo samne he to khadi hun, lut lo zism ko. Bhog lo isse... Bas jo hai zism he hai, main to kuch bhi nahi.


Drish, Ashk ke sir par hath laga kar puchne laga.... "Cuteeee, baby ye tumhe kya hua hai ... Ye tum kaisi baten kar rahi ho"


Ashk.... Aur nahi to kya, jab bhi milti hun, bas chumte ho, idhar-udhar hath lagate ho, mere zism ki baat karte ho, to main aur kya kahun .... Mujhme bas aap ko ye zism he achha lagta hai, to yahi sahi.


Mayus sa chehra banaye Ashk, Drish ki ore dekhne lagi.... Drish ke dil me jaisi baat chubhi ho. Ander se khud me kafi guilty feel karne laga.... Khud ko he dhikkarne laga... Chhota sa muh bane kahne laga .... "Tum sahi ho cuteee, Sorry,... Ab se aisa nahi hoga".


Ashk.... Kya nahi hoga love.


Drish.... Main ab physical nahi hounga kabhi...


Ashk.... Ohh ! To jab aap mujh se milenge to kya honge ... Chemical ..


Drish... Nahi baba, tum itni mayus kyon ho, dil dukhta hai. Bas tumhari baten karun, tumhe dekhunga... Aur tum he tum bas ....


Ashk.... Wooowww ! Sachi. Acha hun to abhi samne, ab kaho bhi na...


Drish.... Abhi thoda achha nahi lag raha, chalen hum ghar Ashk....


Ashk, Drish ko dhakke de kar diwal se chipka di, uske hoton par apne hont dal kar uss par jibh phirayi, aur dhire-dhire lambi si kiss karti hui, kaan pakad kar kahi .... "Solly... Smile plz love"...


Drish, thoda sa muskurate.... "Tum serious nahi thi"...


Ashk..... Buddhu, kuch jyada he sochne lagte ho, aap nahi hath lagao to main to sukhi rah jaungi... Hehehe... Loveee, loveee


Drish.... Haan kaho na....


Ashk.... Bura laga mera tokna...


Drish.... Hmmm ! Nahi, laga mujh se kuch aisa ho gaya jis se tum mujh se dur na kahin chali jao, isliye dil bechain ho gaya... Kuch bhi achha nahi lag raha tab se...


Ashk.... Aap bhi na, kuch bhi sochte ho... Ab chalo jaldi se mujhe ek passionatly kiss do, thoda idhar udhar hant lagao, aaj jarra mera mud to banao....


Drish... Ha ha ha, pagal kahin ki, kitna ghabraya tha main ... Aaj ab kuch bhi nahi... Jao saam ki taiyari karo...


Ashk, chhota sa muh banati.... "To kya bina mood banaye he jaun... Sachi chali jaun"


Drish.... Cuteeee, sharee pahn'na wo bhi thoda low west se, aur thode make-up ke sath ... Kan me bari-bari baliya.... Aaj aise taiyar ho kar aana ki dil dharak jaye.....


Ashk, hasti hui kahi.... Ab to pura mood bana diya, main chali taiyar hone... Pahli baar to kuch aap ne farmaiesh ki hain .... Saam ko milti hun love ... Aap bhi cool dude ban kar aana...


Ashk chali gayi... Drish bas muskurate uski natkhat adaon ke bare me soch kar khud me muskura raha tha.... "Oooooo, my sweetheart, my love... Cuteeeee"


Drish, Ashk ke khyaon me dooba tha... Tabhi Appu ka call aaya, aur usne jaldi se Drish ko ghar aane kaha. Appu ke awaz me itni chinta thi, ki Drish bina bhagte-bhagte aaya...


Jab pahuncha gate par to chandrika devi, aur Rana ji dono apni car se ja rahe the. Drish ko mamla samjh me aa gaya... Jaroor hitlarni saas ne koi chugli kiya hai. Drish jaldi se ghar me pahuncha...


Hall me jab pahuncha tab Payal niche farsh par baith kar ro rahi thi, Appu usse chup karane ki kosis kar raha tha. Drish ke aankhon ke samne jaise he Payal ka rona dikhaya ... Wo jor se chilla diya... "Kisne rulaya meri di ko"


Payal, Drish ki awaz sun kar, apna sir upar ki ... Usse samne dekh kar, daur kar aa kar uss se lipat gayi.... Drish usse chup karata raha ... Thodi der lipat kar rone ke baad Payal siskiyan leti kahne lagi.... "Chhotu tum mayus mat hona, tumhari di hai na sab thik kar degi"


Drish bare aschrya se Payal ko dekha, phir Appu se puchne laga ... "Kya hua tha yahan"


"Bhai, di ne bahut samjhane ki kosis ki, yahan tak ki Rana ji ke paun bhi pare, lekin unhone aap ke aur bhabhi ke riste ko thukra kar iss shadi se inkar kar ke chale gaye".

Mujhse hi aaj mujhko mila de
Dekhoon aadaton mein, tu hai ki nahi
Har saans se pooch ke bataa de
Inke faaslon mein, tu hai ki nahi
Inke faaslon mein, tu hai ki nahi

Main aas-paas tere aur mere paas..
Tu hai ki nahi
Tu hai ki nahi
Tu hai ki nahi
Tu hai ki nahi…

[dpmangla]

Nice Updates
Congrats on Completing 150 Posts

[honey boy]

Nice Updates
Congrats on Completing 150 Posts

so much for your love and support.....

[honey boy]

Update 155

"Bhai, di ne bahut samjhane ki kosis ki, yahan tak ki Rana ji ke paun bhi pare, lekin unhone aap ke aur bhabhi ke riste ko thukra kar iss shadi se inkar kar ke chale gaye".


Drish..... Di ab aap chup hongi, aur kya jaroorat thi kisi ke paun parne ki. Ho gaya chalo koi baat nahi.


Payal.... Drish tujhe meri kasam hai, jo iss baat ko le kar Rana uncle se jhagra kiya to.


Drish..... Kitni baar kaha hai Di aap mujhe kasam mat diya karo. Waise bhi main to normal he hun...


Patal..... Chhotu, kyon mujhe aur rulana chahta hai, kya main tujhe nahi janti. Jitna bola hai utna he karna warna soch lena. Main baad me baat karti hun ....



Payal apni baat kah kar wahan se chali gayi, ghar me puri shanti si he chhayi rahi jaise matam ka mahol ho. Aakash bhi ghar pahuncha, usse bhi sari baten pata chali, usse bhi aschrya hua... Jab sab raji hain phir Rana ji ke sath kya samsya hui.


Sab log bas issi baat par chintan kar rahe the, tabhi thakur Mahendr singh bhi aa pahunche, aur uske sath Arjun, Veena aur Raghuvendr bhi sath me pahunche.


Sab apne-apne kamron me the, ghar me chhaye iss sannate ko dekhte huye, Arjun chillane laga..... "Mumbaiya ho gaye kya sab ke sab, hum logon ke bare me aane ka sun kar, sab ke sab ghar chhor kar gayab ho gaye".


Arjun ka chillana sun kar sabhi log bahar aaye. Sab ke chehre utre the. Sab ke chehre isliye nahi utre the ki Drish ka shadi cancel ho gayi thi, balki sab ke chehre isliye utre the, kyonki Payal ne iss baat ko kaphi seriously le liya, thik ussi tarah jaise kaphi wo Aakash se na mil pane ke dard ko sahi thi.


Sab log Payal ko dekh kar ascharya karne lage. Pura pariwar ek sath jama tha, aur sab ki chaheti Payal ko iss haal me dekhna, kisi ko bhi gawara nahi tha.... Mamle ko phir se dohraya gaya... Sabhi logon ne Payal ko samjhaya.... "Ye koi bari baat nahi hai, shadi-vivah me archane aate rahti hain"


Lekin Payal thi ki ek he rat lagayi hui thi.... "Nahi mujhe kuch dar sa lag raha hai. Mere bhai masoom hai, bahut kam he khusiyan to usse zindgi me mili hai, lado ko uss se dur mat karo"


Payal ki haalat kaphi dayniya thi, sayad Drish ke prati uske pyar ne use iss haal me jane par majboor kar diya tha...


Mahendr singh ..... Sab shant, saam ko hum sabhi to mil he rahe hain, phir abhi se iss baat ki chinta kyon.


Payal.... Lekin papa, wo to ghar aa kar mana kar gaye, phir kya wo dobara aayenge...


Mahendr Singh.... Payal, hum sab aaj milne wale the aur usse aana he hoga.


Mahendr singh ne apne bare bete Raghuvendr singh ko ishara kiya, air Raghuvendr ne bhi Rana ji ko call kar ke usse kah diya.... "Papa ke sath aaj aap ki beti ki shadi ko le kar meeting thi, papa chahte hain aap apne time se pahunche"


Rana ji ne pahle to mana kiya, par Mahendr Singh ke dab-dabe ke aage Rana ji ko hami bharne he pari. Saam ke waqt, 6:30pm baje sab log ikatthe the. Pura pariwar maujood tha.... Payal ka pura pariwar, sath me Ashk aur Disha ka bhi.


Mahendr singh.... Rana, humne suna hai ki tum wade se mukad gaye....


Rana..... Thakur sahab, jab aap ka call aaya to mujhe laga, aap apne chhote bete Arjun ki shadi ki baat kar rahe hain, mujhe nahi pata tha aap ek naukar ke sath aap meri beti ka rista jor rahe hain.


Naukar wali baat par kya hone wala tha Payal ka reaction ye sab ko pata tha.... Lekin Drish ne hath tham liya aur Payal ko shant rahne ke liye kaha.... Idhar Mahendr singh....


"Rana ye tumhe kis angel se naukar lag raha hai, aur jab tumhari patni ko iss riste me koi burai nahi lagi, to phir tumhe aitraj kyon ho raha hai".


Rana..... Aitraz kyon na ho. Dono ko abhi bahar ka mahol nahi pata, abhi duniyadari dekhi he kitni hai...


Mahendr Singh, apne hath ki chhari se ek gupti nikal kar Rana ke gardan par laga diya..... "Rana, tumhari patni 12 sal se akeli yahan rah rahi hai, aur sab kuch achhe se sambhal bhi rahi hai... Aur tum kahte ho ki isse duniyadari ka gyan nahi. Ab yadi tum ne sach-sach nahi bataya to main ye gupti tumhare gale me ghuser dunga"......


Chandrika devi..... Thakur sahab, aap hathiyar ke jor par kisi ko aise nahi kar sakte, yahan shadi ki baat ho rahi hai, na ki dushmani ki. Yadi mere pati ko bejjat karne yahan bulaya gaya hai to behtar hoga ki hum yahan se chale jaye.


Mahendr singh ne apna gupti hata liya, kuch der ke liye wahan ka mahol bilkul shant ho gaya.....


Appu.... Sorry aap bare logon ke bich me bol raha hun ...


Sab logon ka dhyan ek dum se Appu ki ore gaya, Drish usse chup karane he wala tha ki Payal ne uska hath tham li, aur aakhon ke ishare se shant khadey rahne ko kahi. Drish shant ho gaya...


Amrit Shivalkar (Disha father) .... Kya kahna hai tumhe beta.


Appu..... Dekhiye sir, yahan problem ke upar discuss ho raha hai, solution ke liye nahi.


Sab logon ne ab apna dhyan kendrit kiya Appu par....


Mahendr singh ..... Kahne ka kya matlab hai


Appu.... Batata hun uncle.... (Rana ji ko kahte huye) to uncle bataeye aap ko iss shadi se kya paresani hai. Wo sab paresaniyan kah dijiye, jo bhi aap ko lagta hai...


Mahendr singh.... Hmmm ! Ladke ne sahi kaha, bata Rana aakhir sab ke raji hone ke bawjood tumhare mana karne ki wajah kya hai.


Rana ji, pahle to charo ore dekhe, phir kahne laga..... "Mujhe apni beti ki shadi, ek naukar se karna manjoor nahi. Main ek bandhua majdoor ko, jo kisi ki chaukhat ka kutta hai, jiske pass apna kuch nahi, jiske kul-khandan ka koi pata nahi, waise ladkey se main apni beti ki shadi nahi karwaunga".


Mahendr singh chillaye... "Koi kuch nahi bolega" ... Mahendr singh ki awaz sun kar taish me aayi Payal aur Ashk don khoon ka ghumt pi kar rah gayi....


Appu.... (Rana ji se) Aur koi samsya hai uncle ya ye final hai...


Rana ji.... Nahi, bas yahi baat hai...


Rana ji ki baat sun kar Payal bol pari..... "Haan to uncle ji thik hai, aap apni sampatti ka byora bataeye, Aakash apni sampatti me se hissa dega. Har ladki ka pita chahta hai ki uski beti ka rista apne se unche gharane me ho, to ye gharana Chhotu ko swikar karta hai".


Rana ji.... Manf kijiyega thakur saab, Payal beta tum sahi kahi, har ladki ke pita ka sapna hota hai apne se unche gharane me shadi karna, lekin mujhe batao tumhara gharana kaun sa hai, kya tumhe tumhare pati ka gharana pata bhi hai. Sanskar kahan se aayenge unche gharane ke.


Payal..... Uncle !!!! Khabrdar jo mere bhai ke parwrish par koi sawal uthaya to, isse maine apne bache ki tarah pala hai, aur aaj tak kisi ne ungli nahi uthayi iski parwarih par.


Rana ji.... Beta sach baat hamesa karwi hoti hai, yadi itna he lagao hai chhotu se to thakur saab kyon nahi usse apna lete. Wo kyon nahi aage aaye, chhotu ko apna naam aur apni jaydad me se hissa dene... Rahne do sach baat hamesa karwi he hoti hai.


Ashk... Papa, kis jamane ki baat aap kar rahe hain, aur jarra khud ko jhank kar dekhiye, aap kaun sa kaam karte hain... Mujh se nahi bulwaeye.... Itne he bare thakur the to kyon nahi mamma ko apne sath rakha, kyon hume akela rahne diya. Pariwar ke liye farz nibhana kya thakuron ka kaam nahi hota. Ya phir main thakuron ke zulm aur aaiyashiyon ki kahaniya bataun, ki humare purwaz kis tarah se sosan kiya karte the logon ka.


Ashk jo ab tak khamosh ander he ander ghut rahi thi, uske sabr ka bandh toot gaya tha, aur aawes me aa kar usne jo dil me aaya kah gayi. Chatak ki ek gunj hui, aur thappad ki awaz uss mahol me gunj gayi. Rana ji ne apni beti par hath utha diya.


Drish ke najron ke samne koi Ashk ko mar de.... Drish gusse se pagal ho kar chillata hua Rana ji ke color pakar liya. Mamla ne naya roop le liya. Sab Drish ko pakrne daure. Bich bachao me sabhi log uth gaye. Thodi der baad jab mamla shant hua tab Rana ji kahne lage.....


"Ye hai sanskaar, kyon thakur saab, ghar bula kar bejjati karwa rahe ho, naukron se girewan pakarwate ho."


Mahendr singh.... Main sharminda hun, tumhe jo sahi faisla lage wo karo. Aakhir khun kiska hai ye to hume bhi nahi pata.


Thakur Mahendr singh ka itna kahna tha, ki mahol me jaise pura sannata chha gaya. Hum kitne bhi khud ko modern kyon nahi kah le, lekin shadiyon ke mamle me baat ghum par ussi sadi me chali jati hai jis sadi me log gulaam hua karte the.....

Lekin chandrika devi jo itni der tak shant sari vivad sun rahi thi, wo achanak se khadi hui.... Khadi ho kar, ja kar Drish ke pass pahunch gayi aur uska haath pakad kar bolne bare taish me kahne lagi.....


"Khandaan... Khun ... Kyon thakur Dhannjay singh rana... Kyon thakur Mahendr singh yahi kaha tha na.... Ab dhyan se suno dono.... Ye Disha ke pita Amrit Shivalkar isne aap ke bete Arjun ko mar diya hota, yadi ye bina gharane ka ladka nahi hota... Aap kya sun'na chahte hain Rana ji... Khud he to kahe sachi baat karwi lagti hai... Jab khud ki beti ne aap ko aaena dhikhaya to khud ki tasveer dekh kar itna ghabra gaye ki beti par hath utha diya...... Tab kahan the jab iss ki izzat par ban aayi thi, aur uss waqt yahi bina kul-khandan ka ladka aap ki beti ki izzat bachayi thi, aur haan bata dun main.. Uss waqt Drish lado ko kewal janta tha"


Kuch der shant rahi.... Thodi sason ko Chandrika devi sameti .. Phir chillate hui kahi ....


"Ehsaan faramosh logon... Jarra iski aankhen dekho... Iski aankhen bata degi ye kis khandaan ka hai... Aur uss se bhi nahi samjh me aa raha to suno .... Drish ussi khandan ka chirag hai jiski chaukhat par jate waqt aap apni pagri uske darwaje par chhor jate the.... Haan ... Sahi suna ... Drish ... Thakur Vir Pratap aur Kanchan Singh ka beta hai"

Mujhse hi aaj mujhko mila de
Dekhoon aadaton mein, tu hai ki nahi
Har saans se pooch ke bataa de
Inke faaslon mein, tu hai ki nahi
Inke faaslon mein, tu hai ki nahi

Main aas-paas tere aur mere paas..
Tu hai ki nahi
Tu hai ki nahi
Tu hai ki nahi
Tu hai ki nahi…

[honey boy]

Update 156

"Ehsaan faramosh logon... Jarra iski aankhen dekho... Iski aankhen bata degi ye kis khandaan ka hai... Aur uss se bhi nahi samjh me aa raha to suno .... Drish ussi khandan ka chirag hai jiski chaukhat par jate waqt aap apni pagri uske darwaje par chhor jate the.... Haan ... Sahi suna ... Drish ... Thakur Vir Pratap aur Kanchan Singh ka beta hai"


Jaise koi bara sa bomb phuta ho. Sab ke chehre dekhne layak tha. Sab ke chehre par ascharya ke kai bhaw aa gaye the, mahol me aisi shanti chhayi thi, ki ghari ke kanton ki tik-tik tak sunayi de rahi thi.... Tik-tik ... Tik-tik.....


Drish bari hairani se Chandrika devi ki ore dekhne laga, jaise nigahon me kayi sare sawal umar rahe ho. Aankhon se khud-w-khud aanshu aane lage. Jab se dr santanu se apne mata-pita ke astitw ka pata chala tha, tabhi se Drish kitna pagal tha unhe dhundhne ke liye, ye baat kisi se chhipi nahi thi.


Drish ke ek ore Payal to dusri ore Ashk khari ho gayi usse sahara dene ke liye... Nam aakhon se Drish, apne dard bhari pukar me puchhne laga.....


"Kahan hain mere mata-pita, aap pahle se janti thi, to ye baat chhipayi kyon.... Kyon chhipaya" ????... Laga jaise Drish toot sa gaya ho, aur apne ghutne par baith gaya. Ek pal me he wahan ka badla-badla sa mahol ho gaya tha.


Thakur Mahendr singh aur Rana ji dono wahan se bahar ja kar, aapas me kuch baten karne lage, tabhi Payal ko aankhon se ishara karte huye, Aakash bhi unke pichhe jane ko kaha.


Aakash.... Kya hua aap dono ko, aur ye ye Vir Pratap aur Kanchan kaun hai.


Mahendr Singh... Thakur Vir Pratap singh bahut bari hastiyon me se ek hain Rajasthan ke. Rajaon ke kul hai unka.... Virwanshi. Ek sach ke surviron ka kul, jisne humesa dusron ke liye kiya, kewal Raja Sumer singh ko chhor kar. Hume laga tha virwanshi ke kul ka koi jinda nahi bacha, yadi sach me chhotu rajkumar Sahil hai to virwanshiyon ka chirag laut aaya hai.


Idhar ander Drish aur wahan khadey sabhi logon ke man me chal rahe kai sawalon ko viram deti chandrika devi ne ek gahri sans leti, 22 sal pahle shuru hui ek kahani kahna shuru ki.........



22 saal pahle......


Main aur Kanchan dono mauseri bahne thi. Thakuron ke gharane me paida hone ka hume ye sila mila tha ki hum he ek dusre ka he sahara tha. Ek pakke dost ki tarah. Sari maan-maryada aur ijjat ka tokra humare sir par bandh diya gaya tha....


Main ghar ke tano se hamesa chidhi rahti thi, itni pawandi jaise koi jail me rah rahi hun.... Par Kanchan in sab se pare, wo sab ki chup-chap sun leti thi, aur apne man se enjoy kiya karti thi. Bilkul alag he duniya thi. Hume mana kiya jata chote logon se baat karne ke liye, aur wo college me baith kar unhi logon ke sath hasi mazak karti, yahan tak ki sath baith kar khana bhi khati.


Usse har baat ki jigyasa hoti, aur jab tak wo kar nahi leti, uska dil nahi manta. Hukke, cigeratte, aur sarab jigyasa me sab try kar chuki thi. Hume anjaan logon se baat karne ki manahi thi, lekin usse jab bhi mauka milta, wo ladkon ko chher deti..... Uss din bhi hum dono college ke liye ghar se nikal rahe the.


Kanchan..... Chandru, chal na kitni der kar rahi hai. Ek college ka he to sahara jo hum thoda bahut bahar aa ja sakte hain, ab usme bhi der kar rahi hai.


Chandrika..... Kanchan kitni baar kaha hai, mujhe chandru, chandru mat pukara kar. Bakwas sa lamba-chaura naam de diya hai sabne.


Kanchan...... Acha ab to chaliye miss Nilu, kyon itna gussa kar rahi hai......


Ghar par sab mujhe Nilu kah kar he bulate the...


Hum dono car me college ke liye nikal pare. Ajib he din tha wo. Kanchan hamesa ki tarah chanchal aur chulbuli baten kar rahi thi. Bas yahi to uska ek pyara sath tha, jo mere chehre par khushi ki muskan le aata. Main bhi uske lay me aati, hum hasi mazak karte ja rahe the.


Tabhi raste me ek band pari car khadi thi, aur ek khubsurat sa nawjawan hath dikha raha tha. Wakai kaphi dilkas thi uski pahli jhalak. Roop aisa tha ki man moh le.


Uss waqt mere ander, ghar, izzat, maan-maryada sab chal raha tha, isliye uski madad na karne ki sochi.


Kanchan..... Nilu, dekh ek baka-chhabila rajkumar madad ke liye hume pukar raha hai...


Nilu..... Kanchan, kisi anjaan ladkey ko car me bithana sahi nahi hai. Kuch kiya usne aur ghar walon ko pata chala, to iska jo hona hai wo hoga he, par uss se jyada durgati humari ho jayegi.


Kanchan...... Iska bhi alag maza hoga Nilu.... Ek baar ye risk bhi utha lete hain.


Mere lakh mana karne ke bawjood, Kanchan ne akhir car rukwa he di. Kaphi ajib thi wo mulakat. Pahli mulakat thakur Vir-Pratap Singh ke sath. Tab hume pata nahi tha wo kaun hain aur kya hain. Car me baith'te he usne humara sukriya ada kiya, aur humare bare me puchne lage....


Main to chhota sa muh banaye bas ander he ander darre ja rahi thi, lekin Kanchan us se bare aaram se baten kar rahi thi, aisa laga jaise dono ek dusre ko kai dino se jante ho. Wo bich raste me he utar kar chala gaya, aur hum dono college aa gaye.


Ek chhoti si mulakat thi Kanchan ki, lekin Kanchan ussi ke bare me pura din kahti rahi. Usse dekh kar saaf pata chal raha tha ki Kanchan usse pahli mulakat me he chahne lagi thi, lekin main usse ye soch kar tal gayi... "Kaun tha kahan se aaya, kahan gaya kise pata... Khush ho lene do Kanchan ko"


Lekin sasen tab tham gayi, jab agle din bhi Vir Pratap ussi jagah ussi waqt khadey the. Dekhte he samjh me aa gaya tha, Kanchan ki chahat ek tarfa nahi thi.... Kanchan ki wo masoom si najar jab mujh par pari, aisa lag raha tha jaise bare bholepan se mujh se puch rahi ho..... "Nilu please iss se milne se mat rokna"....


Kanchan ke dil ka haal uske aankhen aur chehra bata rahi thi, main chah kar bhi usse ye nahi kah payi ki.... "Nahi Kanchan ye sab galat hai. Iske parinam bhayank honge, ye tumhe bhi pata hona chahiye"...


Par main ye nahi kah payi. Aane wala parinam hum dono he jante the, par sab jante huye bhi maine Kanchan ko uss ke man ki karne di.... Kash uss waqt mana kar di hoti ... To Kanchan aaj mere sath hoti.


Kuch bataon ka dard hamesa rahta hain .... Ye "Kash" sabd .... Kash .... Meri zindgi ka hi ek "kash".... "Kash uss din ka wo wakya maine nahi hone diya hota.... To aaj meri bahan, meri dost, mere sath hoti".


Meri chuppi ke karan, dono ka pyar panpa. Dono ko dekh kar main bahut khush hoti, kaphi pyare the dono. Kanchan ko to bachpan se janti thi, uske jitni bhi tarif karun kam tha, lekin Vir Pratap wo bhi kabil-e-tarif the. Unka roop, unki baten aur tahzib kisi ko apni ore aakarshit kar de.


"Sach kahun to mujhe bhi kabhi-kabhi jalan si ho jati Kanchan se"..... Ye baat kahte-kahte chandrika devi ke chehre par ek pyari si muskkan aa jati hai.... Do ghunt pani pine ke baad phir se kahna shuru ki....


Kaphi pyare lagte the dono ek dusre ke sath ... Dono ka pyar mere aankhon ke samne he panpa... Lekin iss pyar ka bhawisya kya hoga iski fikr kiye bina dono apne pyar me dub chuke the.


Takribn ek sal se upar, dono chhip-chhip kar milte rahe. Lekin bijli tab giri jab humara college khatam hua... Gudde-gudiyon ki sahdi ki tarah humari bhi shadi kab ki ho chuki thi.... Aur humare gaune ke liye din ban'na shuru ho gaya tha.....


Aaj bhi wo din yaad hai jab hum haste huye college se ghar pahunche, aur hum se kaha gaya tha.... 10 din ke baad humra gauna hai aur hume sasural jana hoga....


Kanchan par to jaise bijliyan gir gayi ho. Wo to apne pyar me ye bhi bhul chuki thi ki uski shadi ho chuki hai.... Bahut bhari the wo teen din... Jab wo ghut'ti rahi aur bas sochti rahi ab kya kare.


Sayad main hoti to kabhi himmat nahi juta pati sab se apne pyar ke bare me kahne ke liye... Lekin Kanchan ne kisi tarah himmat kar ke ye baat aakhir apne maa se kah di. Kanchan jab apne sahmi si dharkte armaan ke sath ye baat bata rahi thi to usse aisa laga, sayad kahin koi gunjaesh bachi ho... Sayad pariwar uske bhawna ko samjh sake.....


Lekin aisa hua nahi.... Maa ne Kanchan ko bahut samjhya, bhul jao us ladkey ko aur ye baat kisi ko pata nahi chalni chahiye.... Lekin kahte hai na ... Pyar aur nafrat kisi ke chhipaye nahi chhipte, aur thik waisa he hua. Gaune se teen din pahle ye baat sab ko pata chal gayi.....


Aage jo Kanchan ke sath hua usse sahne ki chhamta sayad he kisi me ho ...... Aur phir jab ye baat Vir Pratap ke kano tak pahunchi to ek baar phir thakuron ka khuni jung suru ho gaya tha......

Mujhse hi aaj mujhko mila de
Dekhoon aadaton mein, tu hai ki nahi
Har saans se pooch ke bataa de
Inke faaslon mein, tu hai ki nahi
Inke faaslon mein, tu hai ki nahi

Main aas-paas tere aur mere paas..
Tu hai ki nahi
Tu hai ki nahi
Tu hai ki nahi
Tu hai ki nahi…

[dpmangla]

Nice Post

[honey boy]

Nice Post

keep reading...

[honey boy]

Update 157

Aage jo Kanchan ke sath hua usse sahne ki chhamta sayad he kisi me ho ...... Aur phir jab ye baat Vir Pratap ke kano tak pahunchi to ek baar phir thakuron ka khuni jung suru ho gaya tha......


Pahle do din Kanchan ke sath kisi gulaam jaisa suluk kiya gaya. Bhukha rakha gaya, kode barse, aur andheri kothri me kisi kaidi ki tarah rakha gaya. Uske pita ne kaisi haalat kar di thi uski. Aisa lag raha tha mano Kanchan uski beti na ho kar koi janwar ho, koi raham nahi koi daya nahi.


Pata nahi ye uske zulm sahne ki saririk chhamta thi, ya uske pyar ka junoon jo itna kuch hone ke baad bhi muskura he rahi thi. Halanki Kanchan apne mata-pita ke khilaf nahi gayi, wo kahti rahi, "jahan aap bandh do main chali jaungi, lekin jab aap sab ko ye baat pata chal he gayi hai to ek baat main kah dete hun.... Main unhe kabhi bhula nahi sakti".


Kaise nirdayi log the, Kanchan ne shadi swikar bhi kar liya, lekin uske pita ko ye lagta raha "kahin ye baat sab ko pata chal gayi to samaj me uski naak kat jayegi". Jaise ki unki kafi saan-o-saukat ki izzat ho. Raat din to logon ka khun pi kar bara bane the.... Aur izzat ki baat aise karte jaise hindustan ke ek matr izzatdar wahi bache hain.


Jab koi bhi zulm Kanchan ko Vir se bhulne ke liye majboor nahi kar saki, phir to inki darndgi ki had ho gayi. Uske pita ne anth me usse zahar dene ka faisla kar liya. Baap ka dil bhale patthar ka ho jaye, par ek maa kaise ye sahan kar sakti thi.


Roti hui jab Kanchan ki maa ne mujh se sab kuch kaha to mere bhi dil dahal gaya. Iss jahan me mere liye Kanchan se badh kar koi nahi tha, aur sayad jitna mere dil me Kanchan ke liye pyar tha uss se kahin jyada uske dil me mere liye tha.... Isliye to usne apne kasam se mujhe bandh rakha tha..... Aur mujhe bich me parne se saaf mana kar chuki thi.


Par baat ab uske jaan par ban aayi thi. Mujhe pata tha pichhle 9 din se jab mulakat nahi ho payi ho to Vir Pratap mujhe kahan milenge. Main kisi tarah chhupte-chhipate Vir se mili .... Aur usse Kanchan ki haalat bataya.....


Bahut he ajib tha wo pal. Kanchan ke upar huye atyachar ko jab main bayan kar rahi thi, Vir ke chehre par jarra bhi chinta ki sikan nahi aayi. Usne mujhe bas itna kaha .... "Sukriya Nilu ji, ab se Kanchan ki sari chintayen meri"


Mujhe kuch samjh me nahi aaya main uske iss baat aur chehre ke bhaw par kya pratikirya dun. Bas uss pal aisa laga, mere hath me yadi banduk hoti to main Vir ko goli maar deti. Khair meri baat sun'ne ke baad wo wahan se chale gaye, aur main Kanchan ki kismat par roti wahan se chali aayi.


Uss din to pal-pal aisa lag raha tha jaise ek sadiyon ke barabar bit rahi ho. Meri himmat nahi ho pa rahi thi Kanchan ke pass jane ki.... Jiske sirf naam ko le kar wo mar rahi thi, usse to Kanchan ki haalat par jarra bhi sikan nahi tha.


Lekin thodi he der me meri sari mayusi hawa ho gayi. Kitna kuch galat soch liya tha maine Vir ke bare me. Saam ki pahli prahar thi, lagbhag 5 baje honge, jab darwaje par aakar 2 gariyan ruki.


Ek me se akela Veer Pratap nikle aur dusre gari se 5 log.... Koi kuch nahi janta tha tab tak, jab tak ki Vir Pratap ne bataya nahi ki wo kyon yahan aaya hai... Lekin baat jaise he pata chali, phir to wahan ka mahol jung jaisa ho gaya.


Vir ka mansa jante he, sab usse marne ke liye taiyar ho gaye the. Kya najara dikhaya tha uss waqt uss akele mard ne aur uske sath aaye un 5 logon ne. Vir ki ore uthne wale har hath, har hathiyar shant se ho gaye.


Vir Pratap bilkul apne naam ki tarah wakai veer tha. Bas koi lash nahi giri, par wahan khud ko mard samjhne wale har mard ki aukaat bas 6 logon ne dikha diya. Pura sama chikh-pukar se gunjne laga, par ye log shant nahi huye.


Shant aur shalin sa dikhne wala Vir, Kanchan ke liye itna violent tha ye mujhe ab dikh raha tha. Uski ore har Uth'ti juban aur hath, sab ko Vir shant karte ja rahe the. Kisi sher ki tarah daharte wo kahne lage......


"Kanchan meri zindgi hai, aur meri zindgi ko jis kisi ne ab chhune ki kosis kiya usse main jinda dafan kar dunga jamin me. Kanchan ko marna to dur ki baat hai ab koi usse chhu kar dikha de."


Baat kafi badh gayi. Itne drame huye uss waqt ki aisa lagne laga aaj to ab lashon ka bhi khel suru ho he jayega, par ab mahol me garmi aur badh gayi jab raja sahab ki car humare darwaje aa kar ruki. Bilkul shant aur sahma sa mahol ho gaya unhe dekh kar.


Raja Bhanu Pratap Singh apne bhai Ronak Singh ke sath humare ghar pahunche. Unhe dekh kar to sab ke pasine chhutne lage. Aur phir jab sab ko pata chala Vir Pratap raja Bhanu Pratap Singh ke bete hain, phir kya tha.... Wahan par usse marne ko pyase log aise tharr-tharr kanpe jaise unki maut samne khadi ho.


Ek mamla to inke rutbe ne shant kar diya, lekin Kanchan ki isthiti ab bhi waisi he thi, kyonki niyam se pare to wahan ka koi raja bhi nahi tha. Shanti se sare mamle ki sunwai hone lagi. Bahut bari panchayat baithi thi. Sare niyamon ke thekedar wahan baithe the. Aur bas ek he charcha ka visay tha.... Aakhir pahle se vivahit kisi ladki ko kaise dusri shadi karwayi jaye.


Teen din ki panchayat chali thi. Sabhi baton par charcha hui, lekin natija kisi bhi surat me Vir aur Kanchan ke haq me nahi aa raha tha. Anth me Raja sahab ko bhi panchayat ke faisle ko man'ne par majboor the, lekin Vir jante the, ab yadi Kanchan kisi aur ghar jati hai to uski bali sirf isliye chadha di jayegi ki usne pyar kiya tha.


Vir, kisi bhi surat me Kanchan ko nahi chhor sakte the bhale he usse apne samaj aur panchayat ke khilaf kyon na jana pare. Wo panchyat ka aakhiri din tha, jab panchayat apna faisla sunati, aur tab Vir Pratap ki dahar garji. Faisle ke thik pahle Vir Pratap ne bolna suru kiya......


"Sabhi panchon ka mera namskar. Pichhle kai dino se main aap sab ke sunwayi ko dekh raha hun. Iss se pahle ki aap koi faisla len, mujhe mere ek sawalon ke jabaw chahiye".


Yun to jo aaropi hote hain unhe panchyat ke kaam-kaaj me bolne ki izazat nahi hoti, par Vir ki aankhon ke dahkte angare se sab samjh gaye the yahan yadi iski nahi suni to sayad baad me Vir usse kuch aur he na din dikha de.... Sab ne hami bhar diya....


Vir Pratap ne apna sawal rakha.......


"Kya mujhe panchayat ye bata sakti hai.... Kya adhikar hai uss mata-pita ka apne bachon par jo usse zahar de kar mar dena chahti thi ??? Mana ki Kanchan ki sadi kar di gayi ho, par kya ho, yadi jis se shadi hui ho wo he ye shadi torne ko taiyar ho jaye ??? Aap sab aapas me vichar kar ke mere sawalon ka jabaw dijiye" ???


Vir Pratap ki mansa saaf thi, aur sab log ishare samjh chuke the. Sayad Vir ne iski taiyari pahle se kar chuke the. Panchayat ne Vir ki baat ki pusti ke liye uss ladkey aur uske pariwar ko bhi bulwaya, jiske ghar Kanchan ki shadi hui thi.... Sab ne sidha pucha.... "Kya wo Kanchan se apne rista tor rahe hain" ???? Bhari panchayat me khadey ho kar uss ladke aur uske pariwar ne saaf kah diya, "haan wo ye shadi tor rahe hain"....


Kya dimag lagaya tha. Puri panchayat ko phasa diya. Kisi ke pass koi chara nahi tha ab to Vir ki baat man'ne ke alawa. Khushi ke wo pal the jab Kanchan aur Vir ki shadi hui thi.


Lekin humare samaj me har jagah ladkiyon ko he pariksha deni parti hai. Aur ajib widambna ye hoti hai, ek aurat he dusri aurat ko ane baton se jillate bhare tane deti hain. Sausral se le kar mayke tak, har din har pal, har kisi ne Kanchan ko uske kiye ki tane dete rahe.


Lekin Kanchan bhi ajib thi, wo bas muskura kar sab ki sun leti, aur jab dard jyada badh jata to mere pass aa kar ro leti thi. Kabhi usne Vir se bhi in baton ki charcha nahi ki. Ek din meri he himmat toot gayi aur maine Vir ko sab kuch bata diya. Fir kya tha Vir, Kanchan ko le kar uss mahol se bahut he dur England le kar chale gaye.


Lekin koi aisa din nahi hota jab meri un-dono se baat nahi hoti. Ussi dauran mujhe unke rutwe ka bhi pata chala jab Rana ji aur thakur Mahendr ji dono apne kai kamo ke liye Raja sahab se milne jate the. Inki akdi si gardan unke darwaje par ja kar jhuk jati. Kabhi himmat nahi hui inki sir utha kar baat kar le.


Kitni khush thi jab usne mujhe bataya wo garvwati hai. Uski khushi dekhte banti thi. Jab Drish paida hua ussi ke kuch din baad he Ashk bhi paida hui thi, aur tabhi Kanchan ne dono ki shadi tay ki thi....


Maine uss waqt usse tane bhi diye.... "Kahin aisa na ho jaye, teri shadi ki tarah he in dono ke bachpan ki shadi na ho. Pata chala dono me se koi ek raah bhatak jaye"


Kitne hase the hum dono iss baat ko le kar. Tabhi Kanchan kahi thi mujhe.... "Chinta na kar ye to humare zindgi ka sahil hai, sab ko kinare yahi lagayega". Bari dur ki baat kahi thi Kanchan ne uss waqt. Usse viswas tha ki uska jo mayka aur sasural jo chhut gaya hai, usse Sahil ke nanhe kadam wapas lautayega.... Ek man ki ikchha jo kai salon baad uske dil se nikli thi.


Phir ek khushi ki lahar, 5 sal baad unke wapas lautne ki khabar aayi thi. Raja sahab ka mahal to dulhan ki tarah saz gaya tha. Ye Sahil, yani Drish ka teesra janmdin tha, jab unke dada ki jid par unhe wapas aana para tha.


Main to kaphi khush thi. Unki wapas aane ki he khabar mere liye khusiyon ki lahar thi, lekin sayad ye manhus khusi thi. Dono wahan se wapas he kyon aaye. Main apne dono bachon... Ashk se pahle mera ek bara beta bhi tha, phir Ashk, dono ko le kar main pahunchi thi Kanchan se milne....


Wo khuni saam, jab pura mahal khusiyon me duba tha. Achanak he humla ho gaya tha uss din. Ye humla kyon hua kisi ko samjh me nahi aaya, par uss din jo hua uske baad se aaj tak main kabhi himmat nahi juta payi wahan jane ki.


Iss khel ko roka bhi ja sakta tha, lekin jaan bujh kar Rana ji aur Mahendr ji ne kosis nahi ki kiye. Kisi ki sazison ne uss din mujh se mera sab kuch chhin liya aur main aaj tak himmat nahi juta payi wahan wapas jane ki.

[honey boy]

Update 158

Iss khel ko roka bhi ja sakta tha, lekin jaan bujh kar Rana ji aur Mahendr ji ne kosis nahi ki kiye. Kisi ki sazison ne uss din mujh se mera sab kuch chhin liya aur main aaj tak himmat nahi juta payi wahan wapas jane ki.


Drish ke muh se ek jordar chinkh nikal pari...... "Kay hua tha uss din"


Chandrika devi.... Uss din koi bhi nahi bacha Drish, sab log mare gaye the.


Drish ki ankhon se aanshu chhalkne lage lage.... Rote huye wo puchne laga ... "Kya Rana ji aur Thakur sahab bhi samil the unke mata pita ke hatya ke sajis me"


Drish ke iss sawal par Mahendr singh kahne lage.... "Nahi, iss sajis ke piche hum dono me se koi nahi tha. Hum dono to raja sahab ke ander kaam karte the. Tumhare papa Vir-Paratap tab England me padhai karte the, aur mere pita ke ander raja sahab ki kai sari factories thi jo unke dekh-rekh me thi. Babuji ke gujar jane ke baad wo sari factories ka jimma mere upar tha, jise main aur Rana mil kar dekhte the... Aur hum dono ka raja sahab ke yahan aana jana to tumhare mom-dad ke milne se kai salon pahle se tha.


Drish chillate huye kaha..... "Phir uss din hua kya tha"....


Rana ji.... Beta uss din hum bhi nikle the raja sahab ki haweli jane, lekin raste me jab main aur thakur sab baith kar pine lage. Wahin par kuch hathiyarband log pahuche the jo haweli ka rasta puch rahe the. Hum ne unhe pahle kabhi nahi dekha tha iss ilake me, isliye shaq ki sui ek baar humari ghumi jaroor thi, par hume laga itni bari haweli se pata nahi kis-kis ko nimtran mila hoga isliye hum ne iss baat ko najarandaz kar diya. Aur jab tak hum wahan pahunche tab tak haweli ki haalat kuch aur he thi.


Chandrika devi..... Nahi ye dono jhoot bol rahe hain. In dono ko pahle se pata tha ki tumhare chaha Sumer singh kuch karne wale hain, lekin phir bhi ye dono chup rahe.... Aur inki chuppi ki wajah se uss din mera beta bhi mara gaya.....


Chandrika devi ke aakhon se lagatar aashu bah rahe the. Uss hatyakand ke rajdar kahin na kahin Rana ji aur Thakur Mahendr Singh the aisa Chandrika devi kahti rahi, lekin wo dono bas yahi kahte rahe, nahi Sumer singh aur unke bich koi baat-chit nahi hui.


Tabhi Aakash ne Drish ka hath thama, aur usse le kar chhat par chala aaya.....


Aakash..... Bas bahut hua, ab khud ko jarra shant karo...


Drish.... Par unlogon ne mom-dad ko marne ke liye chhor diya.... Main kisi ko jinda nahi chhorunga ... Sab ko mar dunga...


Aakash..... Shant ho jao bilkul, kabu rakho khud par....


Drish.... Wo mere mom-dad the, unki hatya ka sun kar bhi main khud par kabu rakhun.... Aap hat jaeye mere samne se. In dono ko le kar main apne ghar jaunga.... Aur sahi galat ka faisla wahin kar dunga....


Tabhi pichhe se Amme aa jati hai, aur Drish ko khinch kar ek thappad marti hai..... "Jao, abhi chale jao, ruke kyon ho. Tumhare liye itne sare log mar gaye.... Do char aur bhi mar jayenge, tumhe kya fark parega.... Aakhir tumhe kya fark parega... Yadi main mar gayi, Aakash mar gaya, Payal mar gayi.... Ashk mar gayi... Tum to bas jaoo... Niklo abhi yahan se aur jaooooo"


Amme ke tewar dekh kar wahan kuch pal shanti he chhayi rahi .... Phir Aakash ne bolna shuru kiya....


"Drish, sochne wali baat hai, rajaon ki haweli me wo bhi jis din uske ghar me koi function ho, uss din kaun humla karega. Aur jaisa maa ji bata rahi thi, sidha humla hua tha, tumhe ab bhi samjh nahi aa raha ki kaun hoga iske piche"


"Thodi to akal lagao, wahan wo humla sirf tumhe le jane ke liye hua tha.... Haan sahi suna... Ye kaam syndicate ke log he kar sakte hain, warna kisi hasti walon ke ghar ja kar kisi ko marne, tum khud samjhdar ho samjh sakte ho. Ye tum the jiske piche pura syndicate para tha... Jarra uss dr ki baat ko yaad karo tumhe sab samjh me aa jayega"


Itna kahne ke baad Aakash ne Drish ko akela chhor diya aur Amme ko sath le kar upar se niche chala aaya. Bahut der tak khud se Drish joojhta raha aur anth me wo bhi niche aaya.... Uske chehre par halki si mukaan thi, aur niche aa kar jor se kahne laga.....


"To kya ab bhi koi discussion hoga mere anath hone par, ya ab ye magni fix ho jani chahiye. Jis kaam ke liye hum sab jama huye hain"


Payal aschrya se Drish ko dekhne lagi.... Drish bhi bare aaram se apni palken jhukaya jaise Payal se kah raha ho chinta ki koi baat nahi hai. Muskurate huye he wo Payal ke pass pahuncha, aur kahne laga....


"Jane do di, jaise kismat ne s aaj mom-dad se milwa diya, ek din insaaf bhi karwa dega... Ab itni saal bit gaye us baat ko, aaj he thode na insaaf ho jayega.... Ek to khushi ki baat hui, main kam se kam unka chehra to dekh paunga. Dekhna di meri maa aur aap ki, dono ki shakal ek jaisi hogi. Aakhir dono to maa he ho na".


Payal, Drish se lipat kar rone lagi, aur jor se kahi.... "Kya ab bhi kisi ko aitraaaj hai mere bhai ki magni se to abhi kah de, kyonki ab koi raji ho ki nahi, na main puchne wali hun aur na Drish puchhega".


Sab log jor-jor se hasne lage. Kal ke liye magni ki samay diya gaya.... Sab log hans bol rahe the lekin unke bich se kab Drish uth kar wahan se chala gaya kisi ko pata he nahi chala. Kewal wahan maujood Ashk ne apne love ko jate dekha.


Pahle to Ashk ne Drish ko akela he chhorne ka faisla kiya, lekin jab kafi waqt bitne ke baad bhi Drish wapas nahi aaya to Ashk bhi chup-chhap chhat par chali gayi....


Dhire-dhire kadam badhate wo pahunch rahi thi. Jab wo chhat par pahunchi, Drish ek kone me baitha tha. Halki nam aakhen thi aur hath me sharab ka glass liye, pura glass ek baar me khali kar raha tha. Jab tak Ashk uske pass pahunchi, Drish tab tak 3 pak khali kar chuka tha.


Ashk thik uske samne ja kar khadi ho gayi. Ashk ko samne dekh kar Drish ke juban se bas sorry nikla, aur wo wahan se jane laga... Ashk ke pass se jaise he Drish ek kadam aage badha, Ashk ne uska hath tham kar usse rok li.....


Drish.... Sorry cutee wo thoda main ....


Ashk......

Ek jaam in aankhon ke bhi pite jao
Najren humari bhi madusala hain
Dub jane de khud ko iss pal me
Phir zindgi kabhi itti hasi ho ya na ho


Drish, Ashk ki iss ada par thoda muskuraya, aur usse gour se dekhne laga.... Ashk Drish ka hath chhor kar, sarab ki bottol aur glass ko dekhne lagi... Phir apni pyar bhari najron se Drish ko dekhti kahne lagi.... "Aaj jarra main bhi to chakhun, lovee kis chij ko pi kar apna gum dur kar rahe the"


Itna kah kar Ashk bari teji se glass me sharab dali aur usse pi gayi.... Pi to gayi lekin agle he pal wyakk-wayakk karne lagi. Bewkoof, na to sarab me soda milayi aur na he pani, nit hi mar li, Drish ko dikhane ke chakkar me. Usse aisa laga jaise uska sina jalne laga ho....


Drish..... Cuteeeee, ye kya ki, had hai yaar....


Ashk se iss baat ka jabaw bhi nahi diya gaya. Uska to sir pura ghum gaya. Sine me aisi jalan mehsus hui jaise aag lagi ho. Drish ne usse thanda pani pilaya, thode nibu slice nichode uske muh me. Kuch der wo shant apni jagah baithi rahi........

Kuch der tak dono sath baithe rahe... Bikul khamosh... Phir Ashk dhire se Kahne lagi..... "Ab yun chup to na raho, kuch to kaho".


Drish lambi sans ander khincha, aur kahne laga......


"Cutee, achanak se he itna kuch ho gaya ki mujhe kuch samjh me he nahi aa raha. Mere mom-dad ka astitw hai. Aunty mere mom-dad dono ko janti thi, lekin dil jal raha hai cutee.... Jab wo mere bare me sab janti thi, phir kyon mujh se sab chhipaye rakhi... Mujhe sari baten pahle kyon nahi bata diya"......

[dpmangla]

Nice One