All In One Pyar Mein Aisa Kyun Hota Hain?

[rishiraj]

Sahil ko hosh aa chuka tha jabki aarti abhi bhi behosh thi......aarti hospital me thi ........sahil didi ke sath whi bahar gumsum sa baitha tha..............kuchh bhi nahi bol raha tha..............



Didi ne pyar se uske kandhe par hath rakh diya..............





“sahil tumhe kuchh batana hai........mai is sthiti me to nahi hu lekin agar aaj nhi bata payi to shayad kabhi nhi bata paungi...........tumhara ye jan na bahut jaroori hai..............” didi ke aankhe bhari thi aur wo dheere dheere bol rahi thi.....jeeja kahi gaye the aur juhi cottage me thi...........





“sahil yad hai jab tum apne interview ke bad ghar gaye the.............uske dusre teesre din hi dheeraj aur varsha wala case hua ......tumhare jeeja bahut gusse me the aur unhone ne bahut kuchh kaha dheeraj ko bhi aur tumhe bhi........us din aarti poori rat roti rahi ......dusre din bhi usne kuchh nhi khaya aur apni papa se bat bhi nahi kar rhi thi........usi din tumhara call aaya aur usne tumse thik se bat nhi ki.......gussa to wo kisi aur parr thi....lekin jaisa ki hamesa hota aaya tha, nikla ek bar fir se wo tum par.................





“Uske kuchh do din bad aarti achanak behosh ho gyi aur uski nak se blood aane laga.....hm use hospital lekar gaye..................hme laga ki use koi chhoti moti problem hogi lekin use...............”didi itna kahkar rone lagi.........sahil chuchap unki or dekh raha tha................





“hamne aarti ko har jagah dikhaya ...AIIMS ke chief doctor ne bhi dekha lekin sabka yhi kahna tha ki iska koi ilaaz nhi hai..........aarti se hmne chhupana chaha lekin jane kaise wo jaan gayi..............aur fir ek din wo rat me mere kamre me aayi..................”





Didi batate huye ateet ki dhundhali yado me kho gayi..............





“mummy ,aap soye nahi........”aarti ne room me aakar didi ko pichhe se gale lagate huye kaha....





“haan beta wo neend nahi aa rhi.......aa baith “ ...didi aarti ko lekar apne bed par baith gayi.




Aarti ne didi ke god me sar rakh liya.....didi dheere dheere uska sar sahlane lagi ....anayas hi unki aankhe bhar aayi...................




“mummy ,” aarti ki aawaz me bahut dard tha.





“haan meri jaan”didi lakh kosis ke bad bhi apne aansu na rok saki.




“mai marne wali hu na mummy............” aarti ne bahut mayoosi se kaha, didi ka kaleja fat gya uski bat par.





“nhi meri jannnnnnnnnnn......kuchh nhi hoga tujhe meri bachchi........tu bilkul thik ho jayegi...bilkul thik....aisa kabhi mat kahna .....mummy kaise jiyengi tujhe kuchh ho gaya to .....haan???” didi ne jor se use apne seene se laga liya aur foot footkar rone lagi.




“mummy kuchh kahna hai aapse.............”




“haan bol na meri jaan”


“mummy mai kisi se pyar karti hun...” aarti ka chehra bilkul shant tha.



Didi ek pal ko chakit ho gayi,



“kis se “ didi ne kaha


“sahil se” aarti ne bade garv se kaha.




“kaun sahil.........kahi apna sahillllll to...........” didi ko is bat ka gumaan to pahle se hi tha ,bas aaj us bat ki pushti ho rahi thi.





“haa mummy,mere sahil se, aapke sahil se..........mujhe pata hai ye sahi nahi hai..........lekin ho gaya mummy.....maaf kar dijiye.........” aarti ki aankhe bhar aayi.





Didi is samay use kya samjhati....chup rahi...........aur use ek bar fir gale se laga liya..............





“sahil hai pyar karne ke layak , mujhe naaj hai teri pasand par.......lekin beta duniya samaj ........aur fir tere papa........... aur kya sahil bhi...” didi ne dil ki bat kahi.





“haan mummy sahil bhi mujhe se beintaha pyar karte hain.......lekin iski shuruwat maine ki thi....sahil ko maine propose kiya tha...............sahil ki koi galti nhi hai mummy..........” aarti aaj bhi apne sahil ko bacha rhi thi.




“galti to teri bhi nhi hai meri jaan.............”mummy bas itna hi bol payi.




“mummy kitna waqt hai mere pas............”aarti ka sara dard uski un jheel si kali aankho me utar aaya tha................aur didi se wo dard bardasht nhi ho raha tha............





“ kaisi baten kar rahi hai aarti......tu thik ho jayegi beta......bilkul thik....aur fir mai tujhe tere sahil se mila dungi........chahe duniya kuchh bhi kahe.......aur agar koi nahi mana to mai tum dono ko yha se door bhej dungi........mera yakeen kar................” didi apne lado ke laad me bole ja rahi thi...........jabki unhe achchhi tarah se pata tha ki aarti ab kabhi bhi normal life nhi jee payegi.





“plss mummy sach bataiye na........mujhe sab pata hai mom...........kitna waqt hai mere pas............aapko meri kasam ............bahut jaroori hai ye jan na mere liye .................pls.........”




Didi rone lagi aarti ki bat sunkar......aur rote rote hi kaha.........




“doctor ne kaha hai ek do sal ya fir maximum 5-6 sal ...severety par depend karta hai.....meri jaan tujhe kuchh nhi hoga.........mujhse kabhi mat puchhna ab..........tu thik ho jayegi beta.........sabkuchh doctor hi to nhi hote..............bhagwan bhi to hota hai na kuchh..............dekhna tu thik ho jayegi.............” didi ki aankhe baras rahi thi aur unhone aarti ko gale se lagaye huye uske gal choom liye.





“haan mummy mai thik ho jaungi...........mummy aapse kuchh mangu.............” aarti boli.




“kya beta???? ...mummy se mangne ke liye ijajat mangte hain koi........” did boli.






“mummy, sahil ko ye bat kabhi pata nhi chalni chahiye................plss...aapko meri kasam .........meri aakhiri tamnna samjh lijiye ise...........wo bardasht nhi kar payenge...........bahut jyada chahte hain sahil mujhe...........un aankho ke sapne tut jayenge...........mujhe bahut dard ho raha hai mummy.....maine apne sahil se bewafai kar di............mai “ BEWAFA “ ho gayi mummy.........mai bahut buri hu..........mera sahil bahut masoom hai......kaise bardasht karenge wo.........mujhe jeena hai mummy ...........mai marna nahi chahti............mujhe bacha lijiye maa....pls...........boliye na apne bhagwan se.......plss mummy bacha lijiye apni aarti ko...........” pahli bar aarti tutkar royi thi apni maa ki bahon me.......did bhi buri tarah se ro rahi thi , kitna majboor kar diya tha kissmat ne aaj us maa ko.






Didi bata rahi thi aur sahil patthar ki moorat bane sun raha tha.........didi ro rahi thi lekin wo chup tha.........





“sahil uske bad aarti ne jo kuchh kiya wo sirf ek natak tha ....wo tumhe khud se door karna chahti thi..........wo shadi ka card jo dekh kar tumne suicide attempt kiya ,aur fir wo jhoothi shadi........jo kabhi huyi hi nahi.”






“jante ho ,jis din maine tumhe phone kiya ki aarti ki shadi tay ho gayi hai aur tumhe aana hai us din aarti mere bagal me baithi thi ....us samay juhi tumhare pas pahuchi hogi aur usne tumhe yha shadi me aane se mna kiya hoga........kyuki aarti ne use wha bheja tha........ ...use dar tha ki tum fir se aisa kuchh na kro .....lekin juhi ko wajah nhi pata thi ....use bas ye pata tha ki aarti ki shadi ho rahi hai ...........aur tumhe sambhalane ke liye use bhej rahi hai aarti.”





har bat par sahil ka dil ro raha tha ...........kya kay nahi kiya tha aarti ne uske liye aur kya kya nahi saha tha us masoom ne.





“sahil shayad tumhe pata nhi hoga..........jab tum yha se gaye to aarti saye ki tarah tumhare pichhe thi ....tumhara jis institute me hua tha wha tumhara resume aarti ne send kiya tha.......wo uske kisi dost ke uncle the jo wha ke director the..............usne tumhe akela nhi chhoda tha sahil kabhi bhi............lekin uske bad aarti ki tabiyat jyada kharab ho gayi aur wo shimla chali gayi....wha se usne MBBS bhi kiya aur jeevan-vatika me uska ilaaj bhi hota raha.......”





Didi yad karke ek ek bat sahil ko bata rahi thi ...jaise ki apni beti ka case lad rahi ho....au dar ho ki kahi wo case haar na jayen.........






“yad hai jis din tum hame mall me mile the , jab ham kapde aur lahnga kharid rahe the ............sahil wo aarti nahi kharid rahi thi ................uski ek dost ki shadi thi jo us samay sath hi thi................. aarti kahi bahar nhi aati jati thi isliye us din ham sab use jabdasti bahar le gaye the ...aur wha tum aur juhi mil gaye...........”





“sahil aarti bahut ghut ghut ki jee hai ye 6 sal ....ek ek bat mujhse kahti thi aur har rat sone se pahle tumse maafi mangti hai ...aaj bhi ..........”






Didi sab kuchh bata kar chup ho gayi thi...........itane me jeeja bhi aa gaye.........wo bhi wahi aakar baith gaye aur sahil ki or dekhne lage.




Sahil ki or dekhte dekhte achanak foor foot kar rone lage............





“meri aarti ko bacha lo sahil........plss....tumne to use har mushkil se nikala hai.......har kadam par uska saaya bane rahe ..........aaj ek aakhiri bar........pls............apni muhabbat ko bacha lo sahil...............plssssss............mai har gunaah ki maafi mangta hu.............bas use bacha lo..............kuchh bhi kar ke............” jeeje jaise majboot insaan ko is kadar toot kar rote dekh sahil ka dil bhi dahal gaya.......dil to pahle se hi tar tar ho chukka tha............ unki baton se saf lag raha tha ki unhe bhi sab pata hai dono ki muhabbat ke bare me.......





Wah ri muhabbat ! wah ri kismat! Aaj jab sabne unka pyar sweekar kar liya tha to unka pyar chand sanso ka mohtaj ho gaya tha






“sahil doctor ne kaha hai ki bas kuchh din bache hai meri beti ke pas...........plsss..sahil .......bacha lo apni aarti ko ...bacha lo..........” jeeja sahil ka hath apni aankho se laga kar ro rahe the.




Piche aakar khadi juhi dhamm se farsh par gir gayi.......uske pair kaanp rahe the ye sab sunkar ......use ab pata chal tha ki aarti itnai jyada bimar hai...........sahil ne fauran use uthakar apne pas bitha liya aur uska sar apne kandhe par rakh liya.............




Juhi sooni sooni aankho se sabki or dekh rahi thi.............





“ Mai dua karoongi ki tumhe muhabbat ki ek boond bhi naseeb na ho............” aarti ko usne yahi baddua di thi ...................aur aaj uski baddua use ek gali lag rahi thi khud ke liye...........





Juhi chuchap baithi rahi.............use khud se nafarat ho rahi thi......kya nahi kaha tha usne aarti ko ........kitna bar beafwa kahkar gali di thi .....ek ek khusi ke liye tarasane ki baddua di thi .....aur aaj uski har bat uske kaleje ko chher rahi thi .





juhi ne jo kuchh kiya halat ne karwaya tha us se ..........uska koi, koi dosh nhi tha lekin wo fir bhi khud ko gunahgar maan baithi thi.......uski aankho me ek kabhi na jane wali virani dikh rahi thi..........aansu nahi the.....................kyuki jo dard is samay uske seene me uth raha tha use bayaan kar pana aansuo ke bas me nahi tha.........






“juhi plss sambhalo khud ko beta........” didi ne uske sar par hath phera aur juhi unke gale lag kar rone lagi...........





“I m sorry didi, mai bahut buri hu...........maaf kar dijiye.............” sahil chup tha ....kuchh nhi kah raha tha......tabhi ward boy ne aakar kaha..........






“patient ko hosh aa gya...........aap chahe to mil sakte hai” sab ek sath uthe aur ward ki ro chal diye......bas sahil pichhe rah gya..........aur uske sath the jeeja................






“sahil doctor ne kaha hai aarti ke pass bas kuchh din hain.............plsss use bacha lo sahil.....meri beti ko bacha lo..............” jeeja aaj bahut dard me the ..............beti ki muhabbat ne unhe sab kuchh bhoola diya tha....duniya-samaj ,parmapara-maryada.....kuchh bhi yad nhi tha........bas aaj unhe unki beti yad thi.





“use kuchh nhi hoga.........mai jane nahi dunga use .....chahe kuchh bhi ho jaye......” sahil ki aawaz me ek majbooti thi ,ek sakhti thi aur ek jid thi.





Sab log aarti ke pas the.....rohan bhi aa gya tha..........bas juhi andar nhi gayi thi ...uski himmat nhi ho rahi thi aarti ko face kar pane ki .............sahil chuchap ek kone me khada tha.........aarti leti huyi mummy papa se kuchh kuchh bol rahi thi aur kabhi kabhi halke se has deti.......lekin uski nazre sahil par tiki huyi thi.................






Sahil bhi uski or dekh raha tha.....sari duniya se naraz-naraz sahil aarti ko bahut pyara lag raha tha..........ek tees uth rahi thi uske dil me.............kash wo sahil ko mana leti........us chhote se bachche ke jaise naraz tha wo jiska koi pasndida khilona chhin gya tha us se........sahil ke chehre par saadiyon ki udasi thi lekin un aankho me ek jid thi .........





wo aankhe bol rahi thi--

“aaj sari duniya se takaraa jaunga ,lekin tujhe jane nahi dunga.”





Aaj kismat ka takraw hona tha muhabbat se,aur unki muhabbat ke liye shayad qayamat ka din aa gya tha.

[rishiraj]

Sahil chuchap kone me khada aarti ki or chor nazro se dekh raha tha.....mano us se sadiyon se naraz ho aur us se kah raha ho ki mana lo mujhe nhi to fir kabhi nhi milunga..........aarti bat to mummy papa se kar rahi thi lekin nazren uski sahil par bar bar ja rahi thi.................



Dheere dheere sab log bahar chale gaye aur sahil aur aarti room me rah gaye..............aarti ne ishare se sahil ko apne pas bulaya.............




Sahil chalta hua uske bed ke pas pahucha aur chupchap uske karib baith gya........bahut jyada narazgi thi uske chehre par..............




“sahil” uffffffffffffff! Itana pyar tha us sahil lafz me ............sahil ke andar ki sari narazagi hawa ho gayi.......wo chuchap uski aankho me dekhta raha................



“naraz ho mujh se..............”aarti ne apna ek hath badhakar uske gaal par rakhte huye kaha.




Sahil kitna bardasht karta...............tut gaya..........




Jor se aarti ko gale laga liya...............





“koi kuchh bhi kahe mai tumhe kuchh nahi hone dunga..........kuchh bhi nahi.....tum meri ho.....meri gudiya ho tum....koi kaise le sakta hai tumhari zindagi ke faisle ............sirf mujhe hai ye haq......sirf mujhe.” Sahil ka har lafz sukoon pahucha raha tha aarti ko.




“uffff.............muhabbat ka ye kaun sa rang hai sahil jo itana gahra hai........kya kya nahi kiya maine is rang ko chhudane ke liye , lekin ye rang chhutta kyu nahi sahil........ Kyu itana chahte ho mujhe ....kyu...........” aarti aaj wo sawal puchh rahi thi jo pichhle 6 salo se uske dil me uth raha tha.....aur sahil ne jawab me wo sawal puchha jo uske dil me bhi pichhle 6 sal se tha..............






“kisne de diya tumhe ye haq aarti????????....kisne diya ye hak ki mere pyar ka rang chhudawo tum...............kya khata hai meri........ye ki mai deewano ki tarah tumhe chahta hu ya fir ye ki maine bachpan se lekar aaj tak sirf tumhari khusi chahi.............bolo aarti..........kya muhabbat karte samya ye wada liya tha maine ki jab tak tum aisi hi rahogi tab tak hi muhabbat karunga.............kya meri muhabbat bas achchhe dino ke liye thi............kya meri muhabbat par yakeen nahi tha tumhe ??? ......bolo.......kya tum me koi kami aayi, tumhari muhabbat me koi kami aayi.............. muhabbat to tab kamjor ho jati jab in aankho me kisi aur ka aksh nazar aa jata...........lekin in me to aaj bhi meri muhabbat aabad hai.........fir kyu mujhe khud se door kiya...........kyu di mujhe ye saja.......jo bhi hota uska samnaa hum sath sath karte ..........apni muhabbat ki taakat se us se ladte............lekin tumne to mujhe itana haq bhi nahi diya...........ye galat kiy aarti......ye galat kiya.” sahil kahte kahte rone laga..






“nahi jaan .............plss..........aapki aarti itani samjhdar nahi thi..........usne to aapko is dard se bachana chaha...........ek nakam si kosis ki...........bhool gayi ki aarti ki rooh to sahil se judi hai fir kaise us se kuchh chhupa sakti hai...........sahil maf kar do apni aarti ko ........mere antim palo ki khatir please.................”aarti bhi rone lagi.





“nahi aarti, ye kabhi mat kahna............tumhare antim pal mai aane nahi dunga........aarti chahe kuchh bhi ho jaye, mai tumhe kuchh nahi hone dunga............kuchh bhi nahi....” sahil aur aarti aaj barso bad ekdusre ke seene se lage huye ,ek dusre ki rooh ko sukoon pahucha rahe the......aarti ko aaj bhi sahil ki masoomiyat par pyar aa raha tha............kismat se ladane chala tha uska sahil.





Aarti ko wapas cottage me laya ja chuka tha.........wo normal to nahi thi lekin fir bhi wo apna jyadatar samay hospital ki Kothari se bahar apno ke bich bitana chahati thi..............shayad use ahsaas tha ki uske pas kuchh pal hi bachen hain aur har ek pal me wo ek zindagi jeena chahati thi............




sahil ka dil tadap raha tha lekin kuchh kar nahi paa raha tha ....usne abhi tak ek sakhti ka mukhouta pahan rakha tha jo sirf ek hi aawaz bol raha tha.........




“ chahe kuchh bhi ho jaye ,mai use jane nahi dunga”





Uska dil dimag par bahut jyada hawi ho gya tha....aur wo kuchh sochane samjhane ki halat me nahi tha........sab log sahil ki is halat se wakif the lekin koi kuchh bol nahi raha tha..........sahil ki deewanagai pagalpan ka roop le rahi thi...........





Aur ek thi juhi ! mason juhi ! kya nahi kiya usne sahil ke liye........apna sabkuchh ,sabkuchh uske nam kar diya..........aur aaj bhi uski muhabbat me uske sath yha tak aa gayi thi........lekin aaj sahil ki halat dekhkar use dukh ho raha tha.............koi nahi ye soch raha tha ki juhi kaun hai , kya hai...........kitna kuchh kurban kiya hai usne sahil ke liye............aur wo masoom bhi khud ko gunahgaar man baithi thi.............use ab ye bhi lagne laga tha ki wo sahil aur aarti ke bich aa gyi............ye bhool gayi thi wo pari ki agar wo na hoti to aaj sahil bhi na hota.............






Juhi chup chup si ,khoyi khoyi si idhar udhar rahti.......na sahil ke samne jyada jati na aarti ke samne..............sabse badi saja de rahi thi wo khud ko....jabki uske hisse me koi jurm to tha hi nahi.........usne to bas muhabbat ki thi ............sahil se............aur aaj sahil bhi shayad use bhool gaya tha..........lekin koi aisa tha jise juhi nahi bhool thi, jise ahsaas tha ki juhi kaun hai, jise ahsaas th ki aaj sahil hai , kyuki uske sath kal juhi thi........aur wo thi aarti.aarti ko juhi ka yu gumsum aur us se door door rahna bahut khal raha tha..........





6 din beet gaye , sahil ne apna poora dam laga diya is bich aarti ka ilaaz karwane me..........3 foreign doctor aaye .......lekin sab ki report yahi thi ki is type wale blood cancer aaj ki advanced medical science me bhi la-ilaaz hai.................kuchh nahi kiya ja sakta tha...........kisi ne ye ummeed bhi nahi dilayi ki kahi foreign le jaye to kuchh ho sakta hai..........lekin ye baten aarti se chhupayi ja rahi thi.........





( friends blood cancer 3 type ka hota hai, first 2 ka kuchh had tak ilaaj sambhav hai lekin leukaemia ka nahi )






sahil ka dil buri tarah se toot chuka tha lekin abhi bhi usne ek jhoothi aas ka daman tham rakha tha .......is sach ko wo kabhi accept kar hi nahi sakata tha ...........kyuki ye sach ek bahut bhayanak sach tha ......itna bhayanak ki sahil sochta bhi nahi tha uske bare me..........chehre ki sakhti dil ke jakhmo par parda dale huye thi.........lekin ye sakhti jaan lewa hoti ja rahi thi...............aur iska ahsaas sabko ho raha tha......sirf sahil ko nahi..........is sakhti ka tootna bahut jaroori ho gya tha.





Gaon se renu rahul , sahil ke mummy papa ......sab log aa chuke the..


Shayad jeeja ne bulaya tha.......unke hatho se ab umeed ka daman chhut raha tha .




Aaj subah se hi aarti bahut khus thi..............usne aaj juhi ko bulawaya tha mummy se kahkar.................




Juhi chuchap ek mujarim ki tarah uske pass jakar khadi ho gayi...........usne nazre jhuka rakhi thi......mano kah rahi ho bahut sharminda hu mai.....room me aur koi nahi tha.aarti ne us se akele milna chaha tha.




“juhi pass aao na............”aarti bade pyar se boli.



Juhi jakar uske pas baith gayi............aarti leti huyi thi.



“juhi ,kitna pyar karti ho sahil se” aarti ne puchha.



“pta nahi, par aapke jitna to nahi..........mujhe maaf kar dijiye .......please” juhi khud ko doshi maan rahi thi aur aarti ki halat use aur rula rahi thi.




“juhi , tumhari jaisi muhabbat to koi kar hi nahi sakta .........mujhe pata hai mere pas waqt jyada nahi hai.........suno......” juhi ne aarti ke muh par hath rakh diya.



“nhi,plss aisa mat kahe....aapko kuchh nahi hoga..........”




“kah lene do juhi .........bahut jaroori hai ye kahna............sahil meri aatma se jude hain ..........wo chah kar bhi khud ko mujhse alag nahi kar paye.............aur na mai unhe khud se door kar payi...........hamari muhabbat hmare har faisle par bhari padi........hum kuchh nahi kar paye...majboor ho gaye.”





“lekin juhi tumhari muhabbat............mai apne sahil ki kasam khati hu, bahut mahaan lagti ho tum mujhe................agr zindagi ne sath diya hota to hum dono ek sath bahan bankar rahte ...........sahil par tumhara mujhse jyada hak hai juhi.....bahut jyada..........janti ho jab mai sahil ko dusri bar mili to mai unke samne khus rahti lekin akele me roti thi.......har pal yahi sochti kya hoga sahil ka mere bad...........lekin fir rab jee ne tumhe bhej diya........jis din mai tumse mili aur tumhari tadap dekhi usi din dil ko sukoon aa gya.....haan juhi, mujhe tum mil gayi ,jo mere sahil ko tutne se bacha legi.........ab mai sukoon se mar sakti hu.................”





Aarti bol rahi thi aur uska dil baith raha tha........juhi chupchap sun rahi thi aur aansu uske gallon ko bhiga rahe the....................






“juhi tumne mere sahil ko nayi zindagi di..........ye mat sochana ki sahil ki muhabbat koi khairat hai.............sahil ki muhabbat tumhara haq hai............tum se jyada muhabbat use koi kar hi nahi sakata............juhi mere bad mere sahil ko sambhal lena...........please........use kabhi rone mat dena..........bahut bhola hai wo juhi........tum to janti ho na............bas use ahsaas dila dena ki juhi uski aarti hi hai...............juhi tum ho ,ab mai sukoon se mar sakungi......thank u juhi.........agle janam me bahan banungi tumhari.........” aarti itna kahte kahte rone lagi aur juhi ko gale se laga liya...........juhi bhi bilakh bilakh kar ro rahi thi..................





Aarti aur juhi ek dusre se lage roti rahi ...aaj dono ke dilo me ek dusre ke liye maan tha, ijjat thi aur ek dusre ki muhabbat ki shiddat ke liye nadamat thi.




Sab log aarti ke room me the ...wo sab se baten kar rhi thi .........sab ki aankhe nam thi............bas ek sahil tha jo ek dam shant tha......mano kuchh hua hi na ho..........

[rishiraj]

Aarti sabse mil rahi thi...........jaane kya ahsaas hua tha use..............




Sab log whi room me hi the jab sahil chuchap aaya aur ek kone me khada ho gya...................




“mummy ......”aarti ne maa ki ro dekhte huye bas itna hi kaha aur mummy sabko lekar bahar chali gayi..........kisi ke pas koi sawal nahi tha aur aarti aur sahil ko ab koi fark bhi nahi panda tha ....




Sahil aur aarti rah gaye the room me ...................



Sahil chupchap jakar aarti ke pas baith gya ...........aur uska hath apne hatho me le liya...............




Sahil ne apne jeb se ek chhot sa packet nikala........usme chudiyaan thi..............ek ek karke usne aarti ke dono hatho me wo hari hari chudiyaan pahna di aur uske hath ko choom liya...........aarti kea ankh se ek aansu nikal gya jise usne jaldi se saf kar liya................





“bahut pyari lag rahi hain,,,,hai naa???” sahil ke chehre par bachcho jaisi khusi thi, lekin dil ke andar ek jwalamukhi dhadhak rahi thi.




Aarti kuchh nahi boli................





“kya hua jaan......achchhi nahi lagi...........” sahil ne ek bar fir badi masoomiyat se puchha.




Aarti ko uski halat se dar lagne laga tha....................



“sahil,mujhe maaf karna jaan..............” aarti ki aankhe dabdaba aayi...........


“are tum ro kyu rahi ho.............oh...in sab logo ki baten sun kar.....pagal hain sab ....kuchh nahi hoga tumhe...........mai thodi na tumhe kuchh hone dunga..............aarti chahe
kuchh bhi ho jaye, mai apni gudiya ko kuchh nahi hone dunga........”sahil abhi bhi zid par ada tha ....khud ko juhthi tassalli de raha tha............




“sahil mujhe dar lag raha hai..........”aarti ke ye sabd sahil ke dilo dimag ko jhakjhor gaye the..........uski upar ki sakhti tutne lagi thi.............





“aarti mai pass hu tumhare fir kis bat ka dar.......... daro mat .....mai hu jaan..........aarti kuchh gao aaj mere liye .......please ....bahut waqt ho gya tumhare geet sune...........gao na kuchh...........” sahil ne aarti ka man bahlane ke liye kaha tha........lekin aarti ne sach me gaya...............apne dil ke dard ko sangeet ki jubaan de di..............




Ek nazar sahil pa dali ,uska hath apne hatho me liya.........aur uski aankho me dekhte huye gane lagi....................






तेरा मेरा प्यार अमर, फिर क्यों मुझको लगता है डर,
मेरे जीवन साथी बता, क्यों दिल धड़के रह-रह कर
क्या कहा है चाँद ने, जिसको सुनके चाँदनी
हर लहर पे झूमके, क्यों ये नाचने लगी
चाहत का है हरसू असर, फिर क्यों मुझको लगता है डर
तेरा मेरा प्यार अमर....
कह रहा है मेरा दिल, अब ये रात न ढले
खुशियों का ये सिलसिला, ऐसे ही चला चले
तुझको देखूँ, देखूँ जिधर, फिर क्यों मुझको लगता है डर
तेरा मेरा प्यार अमर.....
है शबाब पर उमंग, हर खुशी जवान है
मेरी दोनों बाहों में, जैसे आस्मान है
चलती हूँ मैं तारों पर, फिर क्यों मुझको लगता है डर
तेरा मेरा प्यार अमर.......





Sahil aarti ke aawaj ko apne dil ki gahrayi me mahsoos kar rha tha ....gate gate aarti ki aankho se aansu bahane lage .........usne jor se sahil ka hath daba diya aur jor jor se saanse lene lagi........




Sahil ek tak uski or dekhta raha aur fir jor se chillaya.................”aartiiii”




Sab log bhag kar room me aa chuke the...............aarti ko turant ICU me le jaya gya..........uski saanse ukhad rahi thi ..................lekin koi fayda nahi tha.............kuchh
ghanton bad hi doctor ne jawab de diya............aarti ke pas sab log the .......sab ro rahe the .......aur sabse buri tarah se tadap rahi thi uski mummy............ek taraf mummy aur dusri taraf sahil............sahil ki aankhe ek dam laal ho gayi thi............




“aarti “usne bulaya.........aarti chuchap sahil ki or dekhne lagi....saanse niyantrit thi uski lekin hath pair thande ho rahe the................






“ye cheating hai aarti............mai har bar tumse haar jata tha kyuki tumse haarne me meri jeet thi ....lekin aaj mat harao mujhe kyuki aaj mai haar gaya to tumhe haar jaunga..........plssss....ek bar to jeet lene do.............plsssssssss.....aarti mai kiske sath un kheton ki pagdandiyon par daudunga....kisko sataunga ....kiske sath nadi ki un kanaron par jaunga...........nahi aarti plsssssssssssss.............aisa mat karo....bas ek bar mujhe jeet jane do......... didi bolo na ise ...dekho hmesa mujhe rulati hai...aisa kya kar diya ki aise dhokha de rahi hai..........mai nahi jane dunga ............nahi jane dunga tumhe..........” sahil jor jor se ro raha tha aur aarti ki aankho se bhi aansu bah rhe the ..................




“aarti , mai kabhi nhi jaunga tumhe chhod kar , tumhe tang bhi nahi karunga.....mai sabkuchh thik kar dunga....bas mujhe chhodkar mat jao plsss.................”sahil ka dil tadap raha tha aur wo aarti ka ek hath pakde cheekh cheekh kar ro rha tha..........





Lekin aarti nishturata ki moorat ban gayi thi..............uski aankho se bhi aansu bah rahe the............lekin aaj wo fir se sahil ko harane wali thi .




Aarti ne mummy ko ishare se kuchh kaha ........mummy ne ek bag me se kuchh nikala aur aarti ke hatho me rakh diya.................





Aarti ne sahil ke hatho me rakh diya.................ek dark red colour ki diary thi ....jiske front page par sunahare sabdon me likha tha.....................







“TUNE MERE JANA, KABHI NAHI JANA”









Aarti ne pas khadi juhi ko ishare se bulaya aur uska hath sahil ke hatho me de diya..............sahil ki or ishara kiya wo uski or jhuk gaya ..............aarti ne pyar se uske mathe ko choom liya...........aur fir apne dono hath jod diye uske samne ..........





Mummy ke samne bhi waise hi hath jode aur papa ke samne bhi.................aur aarti chali gayi apne antim safar par...........b**** ki do ultiyaan huyi aur wo sahil ke hisse me ek aur haar dalkar hamesa hamesa ke liye chali gayi............aaj sahil sach much haar gya tha........ek aisi haar jiska bojh poori zindagi uthana tha use.






Sahil juhi ka hath pakde pakde hi cheekh utha ............aur behosh hokar juhi ki bahon me gir gaya................





Sab log cheekh rahe the....................sab tadap rahe the...........lekin sahil ki tadap ko samjhane wali use tadapta chhodakr chali gayi thi.







Sahil behoshi ke aalam me apni aarti ke sath gaon ke rang birange kheto me daud raha tha.... use pakad raha tha us se lad raha tha, use mna raha tha............lekin ab uske ek hath me aarti ki nishani wo diary thi aur dusre me uski pari ka meharbaan hath, jisme aaj bhi ek maan tha..............





“mai tumhe tutne nahi dungi sahil”




Jate jate bhi aarti sahil ko akela nahi chhod gayi thi ........uske dono hatho me kuchh dekar gayi thi.




Aur juhi !! uske pas fir se ek tuta hua sahil bacha tha..........fir se use sambhalan tha ...use sawarana tha......... wo ek pari thi, fir se whi farz nibhana tha use.






Muhabbat ki bazi haskar haarne wala sahil,aaj apni zindagi ki sabse badi baji haar gaya tha........lekin fir bhi uske hatho me kuchh aisa de gyi thi thi uski muhabbat jiske bharose ek nayi suruwat honi thi,........par dil ki duniya ka ek kona to hmesa ke liye veeran ho hi gaya tha.....wha ab kabhi khusiyon ka phool nahi khilna tha.





Ek hi daulat bachi thi in sab muhabbat walo ke pas – WAFA KI DAULAT.





Muhabbat ho jaye , to nibha dijiyega dosto.........,sahil aur aarti ki muhabbat ke naam, juhi ki kurabni ke naam , kisi pari ke farz ke nam, kisi aarti ke wafa ke nam aur kisi sahil ki badnaseebi ke nam.



Kash muhabbat ki kismat aashikon ke hath hoti !








THE END

[dpmangla]

Very Lovely n Emotional Story
Touched My Heart
Superb Ending Dear
Hat's Off 2 d Original Writer

[rajbr1981]

yaar kahani achi hai

[Jittu029]

Ek no story