Romantic Pyaar-Gum yaa khusi (part 2) Complete

[rajbr1981]

"Sach to ye hai ki uska gussa ab bhi utna hi hai, wo hum me se kisi se milna nahi chahta. Yadi hum us jagah tak pahunch bhi gaye tab bhi use wapas nahi la payenge kyonki humari bhanak milte hi wo gayab ho jayega"

Mrina.... Didi kyon na kare bhaiya aisa ek karan batao aap, kuch chhora tha kya aap logon ne jo ab bhaiya use bachane ki kosis kare. Unka bachha mar gaya phir bhi nahi kisi ka dil pighla. Kyon bhabhi aap sab ke pas wapas aaye, girgirayi thi mom ke pas, ki akeli hain wo, girgirati rahi unka nahi to kam se kam uske bache ka khyal kijiye, tab bhi nahi mane aap sab."

"Kaun sa ehsaan bayenge aur kaun si khusi di hai aap logon ne. Galti man lene se aap sab ke paap nahi kam hone wale. Aur kiya kisi ne bhugat to main rahi hun, mili nahi apne bhai se kai salon se. Bhabhi ke pas jao to hamesa muskurati rahti hai bechari bhaiya ke inzar me, ro deti hun unka dard chhipaye yun muskurate huye.

Sangita..... Bas ker chhoti, kya tu bhi nahi manph karegi, aur kitne din ehsaas dilate rahegi ess baat ka, ab to is karam ke sath jina bhi muskil lag raha kai bar sochi mar hi jaun, par jab tak dono milte nahi mar ke bhi kya karoongi, bas ek bar phir ashan sa rasta lekar dono ko dard de jaungi.

Arpit.... Woooooo, wooooo please aap sab family drama band karenge, kyonki hum yanha ummid lekar aaye hain, past ki baton per ye pahli bar nahi hai, dekho phir sab ke sab rone baithe ho, kaam ki baat karo abhi.

Arpit ki baton ne sabke sawal-jabaw par lagam si laga di, sabne apne bahte aansu aur baton per lagam lagaya.

Anjali..... Hammm ! Dekhiye pata to hai mere pas Rahul ka, aap sab wanha kyon nahi chale jate, wanha aap ko dr Sobha milegi jo aap ki madad jaroor karengi.

Mrinal..... Nahi Anjali, in sab me se koi bhi gaya to mere bhai ko phir se wo sab yaad aayega jo in logon ne kiya unke saath, phir wo dobara nahi milenge. Main, Sonal aur bhabhi hum teeno to jane se rahe, kyonki unhone kaha tha wo khud aayenge aur hum unke aane ka intzar karenge, kuch bhi ho hum nahi jane wale.

Anjali.... Aap ne hi sari baten kah di, to phir Rahul sir aayenge kaise. Maine dekha hai unki haalat, wo kisi bhi surat me wapas nahi lautne wale. To phir bataeye kya kiya jaye.

Arpit.... Mere pas ek idea hai, yadi aap sab mane to.

Sabki jigyasa bhari najren bilkul Arpit ki ore ghum gayi, hall me baitha har koi Rahul ki wapsi chahta tha, har koi chahta tha ki Rahul, Pari aur pura pariwar phir se ek ho jaye.

Arpit.... Bap re, ghuro mat sab aise nahi to main kuch bol nahi paunga, ye sala jiju bhi kitna bara nautanki hai khud to phansa gaya sabko aur uske wapas lane ki baat kiya to sab aise ghoore ki yadi mera master plan fail hua to mujhe kacha chaba jayenge.

Mohit.... Aise hi samjh lena. Ab jaldi batao ki kya hai tumhare pas idea.

Arpit.... Kuch khas nahi inlogon ke sath main jata hun wanha janha jiju rahte hain aur unhe lekar aata hun simple.

Ranjana.... Ye achha hai beta, tu jaroor jana aur Rahul ko liye bagair nahi lutna.

Anjali..... Dekhiye bahut hi kharnak jagah hai, main dubara wanha jane ki koi ikchha nahi rakhti, lekin aap sab ke viswas ko dekhte huye main dobara jane ke liye taiyar hun. Bap re pichhli bar 6 log ghumne gaye the, do log kam ho gaye the un me se.

Riti.... Darpok kanhi ki, teri jaan bachane ka ahsaan utar de, chal main bhi chalungi aur Ujjawal ko bhi sath le lenge.

Anjali... Haan main to jaan hi rahi thi ki tu us Ujjawal ke sath jarur jana chahegi, ye kyon nahi kahti ki dono picnic per jane ka plan bana rahi ho.

Arpit.... Are aap dono jhagriye nahi, nahi to hum topic se bhatak jayenge.

Anjali..... Dekha usse bhi pata chal gaya ki tu hamesa phaltu ki baton se topic se bhatka deti hai.

Riti.... Chup ker ullu nahi to galat pata ka gussa abhi thama nahi hai, yanhi sir phod dungi. Kisne Ujjawal ke nam per phaltu ke comment pas kiya aur mujhe kahti hai main topic se bhatka rahi hun.

Anjali Riti ka gussa dekh charo ore dekh rahi thi, sare log bas dono ke jhagre ko hi dekhne me lage the .....

Anjali.... Thik hai hum baad me baat karte hain Riti, abhi ghar per kayi log hain jinhe aur bhi kuch sun'na hai. Suniye, humari bhi dil se ikchha hai ki dono mil jaye isliye hum sab Rahul sir ko lane ki ek bar kosis karenge, lekin abhi Rahul sir Kaligpoga me nahi hai. Sobha madam boli thi ki Rahul sir jab lautege to call karegi, tabtak hame intzar kerna parega.


Sari baton per sahmti ho gayi. Anjali ke call ke baad Arpit ko unke sath Kaligpoga niklna tha, aur usse kisi bhi tarah se apne jiju yanni Rahul ko wapas lana tha. Sab log phir un dono se bida liye aur apne jagah wapas laut aaye.

Din bit'te gaye, Anjali aur Riti ke pas roj ye jan'ne ke liye phone aane lage, ki kya aaj koi khabar hai. Anjali aur Riti se mile sabko 6 mahine bit chuke the, in 6 mahino me koi aisa din nahi gaya jab Anjali ya Riti me se kisi ke pas inka phone na aaya ho.

Phir ek din raat ke takriban 12:00am baje Anjali ke pas Sobha ka phone aaya, Rahul laut aaya hai. Anjali ne turant ye khabar dono pariwaron ko de di, sab khusi ka izhar phone per hi karne lage, tay baat ke mutabik Arpit ko ab aage ka kam dekhna tha, aur Anjali ke sath use Kaligpoga jana tha.

Agli subah phir wahi hua, blkul subah-subah Arpit Riti ke ghar par tha, lekin Riti ess bar subah subah hi jag chuki thi, 9am baje inhe lucknow se Kolkata aur Kolkata se aage ka rasta tay karna tha.

Riti.... Aao ander, aaj koi nahi aaya tumhe drop karne.

Arpit.... Aap kya taunt kar rahi hain, us din achanak se hamara poora pariwar aap ke yanha chala aaya isliye kya ?

Riti.... Hehe, kya baat hai ladke tum to kaphi samjhdar nikle, haan thoda sa taunt hi samjho, waise pura chiriyaghar hai tumhara pariwar.

Arpit aankh gurrate..... Aap ye kya kah rahi hain mere family ke bare me

Riti.... Arre gussa kyon hota hai, dekh Pari meri di jaisi hain, aur tum mere bhai jaise, ab meri bhi to family hi huyi na.

Arpit..... Hmmmm ! Achha logic hai, chalen Riti di, ya aur kuch banki hai.

Riti.... 8am baje tak niklna hai, sab log aate hi honge uske baad hum niklenge yanha se

7:30am baje tak Anjali aur Ujjawal bhi pahunche Riti ke ghar, wanha se sab phir nikale Kolkata ki ore....

Ujjawal..... Yaar hum ja to rahe hain, lekin wo wapas nahi laute to

Anjali.... Subah subah panauti wali baten, yadi Rahul sir nahi laute to tumhe wanhi chhor denge, ess shart ke sath ki jabtak wo wapas nahi aate tumhe bhi wanhi rahana hai.

Riti..... Aisa kya, phir to mujhe bhi us junglon aur paharon me rahna hoga.

Arpit.... Nahi aisa nahi hoga, kyonki ye saza to mujhe mili hai, jiju ko liye bagair lautna nahi. Jiju na laute to meri Gfs ka kya hoga.

Arpit ka itna bolna tha ki teeno uski ore mur ker apni aankhen bari karte huye..... Hunnnnnn ! Gfs

Arpit..... Isme socking jaisa kya hai, na hoti to socking ki baat hoti hai. Mere kya kya plan the ess weekend ke, Pihu ke sath saturday ka pura din ka promise tha, evening ko chitra ke sath, aur pura sunday my sweetheart Kanik ke sath.

Riti aankhen gurrati huyi..... Ye sab kya hai, tumhari abhi umar hi kya hai aur ye 3-3 larkiyan, lagta hai Pari di se batana parega.

Arpit..... Riti di meri umr 18 ho chuki hai, aur main best option ki talaash me hun, isliye teen option le kar chal raha hun. Waise bhi I am too smart.

Ujjawal.... Bhai kuch mujhe bhi traning de de, main yanha ek ko sambhal nahi pa raha aur tum teet teen

Riti.... Shut-up ujjawal, nahi to mujh se bura koi na hoga.

Arpit.... Hmmmm ! To Riti di hain aap ki GF. Suno O' hone wale jiju, unhe maine didi kaha hai, main pahle hi ek jija se padesan hun, yadi tumne koi padesani ki to soch lena, bister per hanth paun bandh ker, body per chees ke tukre dal ker chuhe chhor dunga.

Ujjawal.... Hushhhhh ! Ye naye naye ladke pata nahi kya kya jante hain, bhai khud ke liye koi niyam nahi aur mere liye saza.

Arpit.... Suno O' jiju main kuch bhi karoon wo meri GF ke bhai ka matter hai usse samjhne do, aur koi meri sis ko rulaye to ye uske bhai yani mera matter hai, ummid hai baat samjh me aa gayi hogi, nahi to phir ilaz to ready hi hai.

Arpit bilkul batuni sa sabka entertain karwate huye pahunch gaya Kaligpoga. Charon sabse pahle Sobha ko inform ker ke uske ghar pahunche.

Sobha ko pahle se pata tha isliye hospital ka kam jaldi nipta ker ghar per hi unka intzar ker rahi thi. Charo pahunche, fresh huye, chay nasta kiya, aur baith gaye Sibha ke sath baten karne. Sobha bhi aakhirkar roo-baroo huyi us dard bari dastan se jo Rahul apne sine me chhipa yanha aaya tha.

Dard aisa, jisne bhi suna viswas bhi nahi hua aisa kyon hua in dono ke sath. Sobha ne ek thandi sans leti huyi kahne lagi.... Jo hua usse to badla nahi ja sakta, par jo hum ker sakte hain wo karenge. Dono mil jay bas itni si dua hai.

[rajbr1981]

Dard aisa, jisne bhi suna viswas bhi nahi hua aisa kyon hua in dono ke sath. Sobha ne ek thandi sans leti huyi kahne lagi.... Jo hua usse to badla nahi ja sakta, par jo hum ker sakte hain wo karenge. Dono mil jay bas itni si dua hai.

Arpit.... Aap sab sath hain to ye bhi jaroor kamyab hoga. Bas mere dimag me kuch hai, yadi aap sab kahe to main bolun.

Riti ne Arpit ke kan pakrte huye boli ... Jaise Rahul sir, Pari di waise hi tum bhi ho, bilkul filmy. Hum sab yanha kyon aayen hai bhajan karne, ab jaldi se bolo.

Arpit ne phir apna plan un-sab ko bataya. Plan sun ker sab ke chehre per muskan aa gayi, aur sabne Arpit ke plan ko follow karne ka mann bana liya.

Plan ka pahla part ko follow karti Sobha ne Rahul ko phone lagaya....

"Haan Sobha bioliye"

"Rahul aaj aap ka khana mere yanha hai, hum sath dinner karenge"

"Sobha tum to janti ho ki main raat ko kanhi bahar nahi jana chahta, kyon na kal lunch ka programme rakhe"

"Main sochi hum sath dinner karenge, par yadi aap ki ikchha nahi to koi baat nahi"

"Sorry, aaj nahi aa pane ke liye, kal lunch par milte hain"

"Thik hai, kal lunch per milte hain"

Arpit..... Sobha di, aap thoda jid kerti to jiju jaroor maan jate.

Sobha... Nahi wo manta nahi ulta aage ka kraykram dekh ker shaq ker leta, aur phir us aadmi ko sambhalna kisi ke bas ki baat nahi.

Arpit.... Thik hai chaliye koi baat nahi, waise bhi hume kaun sa aaj hi le jana hai.

Sobha ke kahe anusar charon phir kanhi nahi nikle kyonki jagah chhoti thi aur Rahul ko pata chalna hi tha ki Anjali dobara yanha aayi hai, isliye Sobha ne sabko ghar se bahar aane se mana ker diya tha.

Agle din sunbah Sobha ne ek reminder call di Rahul ko aur lunch ke bare me yaad dila di Rahul ko. Ess baar Rahul ne mana nahi kiya aur 2:00 pm baje pahunchne ka bol ker phone rakh diya.

Thik 2:00pm baje Rahul sobha ke ghar me ghusa aur ander aate hi dang rah gaya. Charo ore deewar per Pari ki tasveer tangi thi. Gate se pahla kadam ander tha, aur ussi jagah thehar gaya Rahul. Najren ghuma ker charo ore dekhne laga.

Dhime kadmo se Rahul deewar ke pas pahuncha, kaphi der tak khara raha, phir ek tasveer per hanth ferne laga. Tasveer ke upar kuch yun hanth tha Rahul ka jaise mano usse chhu ker mehsus karne ki kosis ker raha ho.

Sobha pichhe se Rahul ke kandhe per hanth rakhti huyi.... Areee kanha kho gaye aap.

Rahul jab pichhe mura to uske aankhon me aanshu the, aur bari hi bhari aawaz me sobha se puchhne laga .... Ye tasveeren kanha se aayi tumhare pass.

Sobha.... Kya hua aap ko, aap aise kyon puchh rahe hain. Sab thik to hai na ?

Rahul apni aankhon ko pochhte huye bina koi jabaw diye chala gaya wanha se. Sobha pichhe se kai bar awaz bhi lagati rahi lekin Rahul ruka nahi. Rahul ke jate hi charo upar se niche aaye...

Riti.... Ye to bina kuch bole chale gaye

Sobha.... Jane do Riti, abhi hum uski tarap ko nahi samjh sakte hain, jab kisi se itna pyar ho aur usse yun achanak najron ke samne tasveeron me dekhna, tum samajh bhi nahi sakti ki abhi uske dil me kya chal raha hoga.

Arpit.... Di dil me kya chal raha hoga pata nahi, lekin in jaise paglon ka ek hi ilaj hoga, kanhi baith ker daru pi rahe honge.

Arpit ki baton per sabhi logon ne gusse se bhara reaction diya ...

Anjali.... Chhota muh aur bari baat, Arpit odd manner, tumhe aisa nahi bolna chahiye.

Arpit.. Anjali di, aap bhi daba do meri awaz lekin jo sach hai wo sach hai. Aage ka kaam bhi yanhi se shuru karo, der nahi karo

Arpit ki baton per kaun sa reaction de kisi ko samjh nahi aa raha tha, kah sach hi raha tha lekin sayad jis najariye se banki sab dekh rahe the uss hisab se Arpit nahi soch pa raha tha. Khair banki baten ansuni ker ke Sobha aage ki yojna ko safal bna'ne me lag gayi.

Riti ko khas taur per bilkul Rahul ke jindgi se juri ussi khas libas se sajaya gaya, jisme Pari aksar Rahul se milti thi. Unke pyar ki dress code wahi lanhga. Riti ko taiyar karne ke baad, Sobha Riti ke sath Rahul ke ghar ki ore nikal gayi.

Dureti wanhi ghar ke bahar mil gaya, un dono ko intzar kerne ka bol ker chal diya ussi pahar ki tarapf janha Rahul baith ker pi raha tha. Sobha darwaje par hi khari dur raste per dekh rahi thi, aur Rahul ke aane ka intzar ker rahi thi.

Riti thodi chinta me dikh rahi thi, uske chehre par saaf likha tha wo kitni nervous feel kar rahi thi. Sobha ka dhyan jab Riti ko ore gaya to muskurate huye Sobha puchhne lagi....

"Itni dari huyi kyon ho, kya ho gaya"

Riti..... Ji wo Rahul sir nashe me honge, aur mujhe Pari di ki dress in logon ne pahna diya hai ... Aap samajh rahi hain na, kanhi kuch wo jabrdasti.......

Sobha hansti huyi jabaw dene lagi .... Haan ho bhi sakta hai, aur Rahul ko rokne ki himmat ess pure ilaka me koi nahi ker sakta.

Sobha ki baat sun ker Riti ke mathe par darr ka pasina saf dikh raha tha, Riti ki ghbrahat uske chere per thi. Apne pasine ko saf karti huyi Riti, Sobha se kahne lagi....

"Dekhiye mujhe ye kuch thik nahi lag raha, aap please yanha se chaliye"

Sobha jor se hasti huyi kahne lagi..... Tumhara darr jayaj hai, lekin daro mat kuch nahi hoga, main hun na viswas rakho. Ab tum jao aur deewar ki ore ghum ker khari ho jao, Rahul aata hi hoga.

Riti, Sobha ki baat manti huyi, apne thode se dare chehre per ek phinki muskan ke sath jakar deewar ki ore muh ker ke khari ho gayi. Kuch samay baad Rahul bhi dur se aata najar aa gaya, Sobha ne Riti ko ishara kiya, taiyar rahne ka Rahul aa raha hai.

Sobha gate per hi khari rahi, Rahul jab najdik aaya to sobha se kahne laga..... Sorry kuch kam yaad aa gaya tha isliye sath lunch ker nahi paye.

Rahul itna bolte huye ander ki ore badha aur jaise hi pichhe se najar Riti par pari, Rahul ekdum shock ho gaya. Wo kisi murti ki tarah khara hoker bas Riti ko hi dekh raha tha. Aankhen bilkul bari si thi Rahul ke, aur chehre par kayi bhaw...

Sobha... Rahul kanha kho gaye, oh wo .. Wo meri cousine hai Paridhi

Rahul ke kan me ye nam parte hi dhire se apni gardan ghuma ek bar sobha ko dekha aur apni dhimi chal se Riti ki ore badhne laga. Rahul ki dharkne saf suni ja sakti thi, paun kanp rahe the chalte samay, kisi tarah wo Riti ke pas pahuncha aur piche se uske kandhe per hanth rakh diya.

Riti bhi thodi dari si najar aa rahi thi, chehre per sikan ke sath Riti pichhe muri, Riti ka chehra jab Rahul ne dekha to anayas hi uske hath Riti ke kandhe se hat gaye, Riti pichhe murte hi Rahul se "hello" kahne lagi.

Rahul ko aaj jhatke pe jhatka mil raha tha. Rahul ke pass is hello ka koi jabaw nahi tha, wo bina kuch bole Sobha ke pass pahuncha aur kahne laga...

"Sobha, mujhe kuch kam hai main baad me milta hun"

Itna kah teji se Rahul nikla, raste se phir ek wishkey ki bottol liya aur ussi pahar ki choti per pahunch gaya, janha wo aksar baith ker piya kerta tha.

Us jagah per Dureti, aur uske sath kaam karne wale kayi log baith ker mehfil sajaye the din me hi. Rahul ke aate hi sab uth khare huye ...

Rahul..... Dureti tum sab niche jao aur kisi ko yanha mat aane dena.

Dureti bina sawal kiye sab ke sath niche chala gaya. Dureti ke ojhal hote hi Rahul ne jhatke me bottol khola aur jaldi jaldi teen ghunt piya, phir jamin per besudh girta hua bas rone laga....

"Kanha ho Pari ...... Pariiiiiiiiiii"

Rahul ko sabne milkar aaj us dard se samna karwa diya jise wo kayi salon se apne ander quaid rakha tha. Rota chillata, Rahul bas Pari naam hi le raha tha. Khud ko daru se itna jalaya ki wo wanhi behosh ho gaya.

Jab se Rahul, Sobha ke ghar se nikla tha bas piye hi ja raha tha, usse ye tak hosh nahi raha ki kanha gira wo. Sobha, Dureti aur logon ki madad se Rahul ko uske ghar le aayi.

Raat ke 11pm baje ek halki si chetna Rahul ko aaya, dhundhli najron se usne kuch log dekhe aur Sobha ki awaz uske kano me par rahi thi. Lekin ab bhi usse hosh kanha tha, bas ussi aalam ne ek baar phir Pari, Pari kerta let gaya.

Jab Rahul ki aankhen khuli to sab log usse ghere the. Rahul ne najren ghuma ker sabke chehre dekhe, apne kamre ko dekha, pure kamre me kai moment uske atit ke deewar par tange the. Mahol bikul shant sa tha.

Rahul..... Kaise ho Lal

Arpit..... Jiju, aap ne mujhe pahchan liya.

Rahul...... Pari kaisi hai ???

Arpit.... Main kya bataun, bas muskurati rahti hai aur aap ka intzar ker rahi hai.

Rahul..... Tumhe yanha nahi aana chahiye tha ... Anjali ye sab tum ne kiya

Anjali.... Rahul sir, ye akele maine nahi hum sab ne kiya, dekha hai hum sab ne Pari di ko, aaj bhi aap ke lautne ka intzar kar rahi hai. Ab to unhe ess intzar se mukti de dijiye.

Rahul..... Sayad hum dono roj marte hain aur roj ek dusre se milne ki aas me ji jate hain. Jab wo rista hi apna nahi raha jisne ess duniya me mujhe laye, to main kis muh se aage ke riston ko nibhaun.

Arpit..... Jiju wo ek daur tha galtfehmi ka, ab khatam ho chuka hai, aap ab bhi ussi baat ko dil se lagaye baithe hain.

Rahul..... Mujhe sab pata hai Lal, par meri himmat nahi bachi ab unka samna karne ki, dil toot chuaka hai, wo to mujhe Pari ko mukurate dekhne tha isliye main jinda hun nahi to ab jine ki ikchha bhi nahi.

Riti.... Kya intzar me dubi Pari di ko hum ye bata de ki aap ki koi chah nahi unse milne ki.

Rahul gusse se aankhen dikhate huye ..... Kaun Pari ke intzar me nahi hai, ek wahi to hai aur kya bacha hai mere pass.

Arpit..... Aate waqt Mrinal aur Sonal di roti najron se bheji mujhe ye bol ker, mere bhai ko lete aana.

Dab-dabayi aankhon se Rahul bas sabki baton ko sunta gaya. Itne salon baad sabki khabar pa ker uska dil me jaise tarap jaag uthi ho, lekin bite dino ke chand yadon me jab bhi usse apne papa ki baat yaad aati bas apna sar pakar ker baith jata.

[rajbr1981]

Dab-dabayi aankhon se Rahul bas sabki baton ko sunta gaya. Itne salon baad sabki khabar pa ker uska dil me jaise tarap jaag uthi ho, lekin bite dino ke chand yadon me jab bhi usse apne papa ki baat yaad aati bas apna sar pakar ker baith jata.

Sobha, Rahul ke hanth ko thamte huye bolne lagi....

"Rahul ab bas, tumhare intzar me kayi jindgiyan hai, hum apne liye kuch bhi kare ess se koi fark nahi perta lekin jin se humari khusiyan juri hain hum unke liye kya kerte hain ye ek bara sawal hai. Pahle hi tumne unko dard de chuke ho jinka koi kasoor nahi tha, phir kya anter hua unme jinhone tumhe galatfehmi me chhor diya, aur tum ne kaiyon ko jan bujh ker jhonk diya intzar me."

"Tumhe rulane aur alag karne walon ke liye to galatfehmi ek aishi wajah thi jise manph kiya ja sakta hai, per unke kiye ki saza tum ne jan bujh ker unhe di jinka koi kasoor nahi, to kya tum khud ko manpf kar sakoge unka gunahgar banker. Aaj waqt ne mauka diya hai Rahul tham lo hath aur laut jao"

Dil se rula diya sobha ki baton ne Rahul ko, bhari aawaz me Rahul ne sabko wanha se chale jane ko kaha, Rahul kuch der akela rahna chahta tha. Waqt ki najakat ko dekhti huyi Sobha sabko le kar wanha se chali gayi, jate jate bas itna bol ker gayi ... "Hum sab tumhare haan ka inzar ker rahe hain"

Sobha sako sath lekar apne ghar pahunch gayi. Sabke liye khane pine ka intzam ker, Sobha jaldi se hospital ke liye nikli. Aaj Sobha ke liye bhi bahut bhari din tha kyonki eklouta Rahul hi tha ess pure jagah me jo uska dost, humdard, ek pariwar jaisa tha.

Idhar Rahul sabke jane ke baad bas apne bister me para roye hi ja raha tha. Aaj dil me tarap itni thi ki usse Pari ki kami khal rahi thi. Kaphi himmat jutane ke baad apne kanpte hanthon se Rahul ne phone ka no. lagaya......

"Hello kaun" dusri ore se Pari ki awaz thi. Aaj kayi salon baad Rahul ne Pari ki awaz suni thi. Wahi pyari si, mithi si awaz, koi jabaw nahi de paya Rahul, bas pari ki awaz sunker rota raha.

Sanson ne jaise dusri ore ki shanti ko mehsus ker liya ho, Pari ne bhi aaj kayi salon baad apne jaan ki sason ko mehsus ki, aankhen uski bhi dabdaba gayi, dono ke juban se ek sabd nahi nikle bas phone ko sine se lagaye rote rahe.

Pari ne phir se ek sabd bole.... Aap ro rahe hain na

Rahul... Nahi to bas tumhe mehsus ker raha tha, kaisi ho tum ????

Bas itni si baat ke baat ke baad phir se dono rone lage. Har sabd me jaise kai dard chhipe ho. Baat ker pana bhi muskil tha dono ke liye. Kisi tarah Rahul ne Pari se bas itna bol paya...

"Pari ab aur intzar nahi, rakhta hun baat nahi kiya ja raha"

"Thik hai jaan"

Call to cut ho gaya, per dono phone ko sine se lagaye rote rahe.

Idhar ghar me Riti, Arpit, Anjali aur Ujjawal apni baton me lage the .....

Ujjawal.... Ye chhota to bilkul kamal ker gaya, kya idea lagaya, kamal ka idea tha, bilkul dil tak pahunchi baat Rahul sir ke.

Arpit..... Aakhir bhai kiska hun, apni di ka. Mrinal di batati hain meri di ke dimag ka koi jabaw nahi tha.

Riti.... Arpit unke dil ka bhi koi jabaw nahi hai, kya lagta hai Rahul sir ka man badlega.

Anjali..... Haan bilkul ! Sobha di ne jo unhe kaha wo bilkul sahi tha, mujhe lagta hai ab tak to mann bana chuke honge. Ab bas intzar hi karo.

Kya hoga kya nahi sabhi essi baat per charcha ker rahe the, Sobha bhi apna kam khatam ker jaldi ghar wapas laut aayi. Ab bas intzar tha to Rahul ka.

Karib 3:00pm baje Rahul bhi pahuncha Sobha ke ghar. Usse dekh ker hi sabko samjh me aa gaya ki Rahul ne wapas lautne ka mann bana liya hai. Khila sa chehra tha, chehre per muskan, aur bilkul fresh dikh rahe the...

Sobha..... To kab ja rahe ho Rahul

Rahul.... Aap ko kaise pata ki main wapas ja raha hun.

Ujjawal.... Sir, wo aap ke chehre per likha hai

Rahul.... Tum kaun

Anjali.... Koi bhi to nahi hai hum aap ke.

Anjali ki baat sunker Rahul ne ek muskan diya aur un sab ke bich aakar baith gaya...

Rahul.... Aap hain miss Anjali jisne chaku se mera hanth kat diya tha.

Anjali.... Aree Rahul sir aap ab bhi wo baat yaad rakhe hain

Rahul.... Tumhara ehshaan-mand hun, jo bhi tumne kiya, jaroor ye sab tumhare dost honge jinko tumne mere bare me bataya, aur ye gadha Lal kanha se mila tum logon ko.

Anjali.... Yes, bilkul sahi ye hai Riti, meri dost aur wo hai uska BF Ujjalwal, actually main to aap ko bura bhala kah ker chali gayi thi, phir aap ko kaise pata ki ye sab humara kiya hai.

Rahul..... Anubhaw Anjali, maine tumhe wanhi tak bataya tha janha tak tumhe lage ki main bura hun, taki tumhe koi khoj na rahe. Bawjood uske tum dobara pahunchi, matlab tum ne sab pata ker liya.

Anjali muskurate huye phir poora wakya bayan ki Rahul ko .... Ki kaise usse pyar ke naam se chidh hone lagi, Riti aur Ujjawal ko dekh ker insequirity, aur phir Riti ka viswas ki aisa nahi ho sakta. Phir unki khoj ki dastan aur Sobha ka madad karna, Arpit ka yanha aana.

Rahul sari baat sun'ne ke baad apni aankhen bari karte huye bolne laga.... Itni mehnat, dhanywad tum sab ka.

Arpit.... Jiju mera koi dhanywad nahi, jo main itni risk utha ker yanha aaya.

Rahul.... Hunnn hunnnn ! Thik hai to risk continue ker deta hun, ruk jao yanhi tum ab, kyonki main nahi ja raha.

Arpit... Aise kaise nahi jaoge, mujh jaise abodh balak per aisa zulm. Main strike karoonga. Waise jiju ek baat batao, aap ne mujhe pahchana kaise.

Rahul..... Tumhe pahchana kaun sa kathin tha Lal, tum me to apne mom-dad ki parchhyi hai, aur jo art gallery tumne Pari ki sajayi thi, wo koi ghar ka sadsya hi la sakta tha, aur tumhari umr ko dekhte huye wanha ek hi banda ess umar ka hoga, bas simple tha.

Arpit.... Hmmmmm ! Dekho aap 2min kya mere sath rahe kitna dimag chalne laga. Ab der na kro jiju, sab wanha aap ka intzar ker rahe hain.

Rahul..... Nahi, main abhi nahi aa sakta, ess jagah ke bahut ehsaan hai mujh per, aur main bilkul waisa hi lautna pasand karunga jaise main aaya tha. Tum ye letter lo, Pari ko de dena, aur main thik ek mahine baad essi tarikh ko, swarndham train se, Chandigarh phunchunga. Ab koi sawal nahi, na koi baat, gari ready hai tum sab niklo yanha se.

Finally, Rahul ki baat sab log mante huye wanha se wapas laut aaye. Un teeno ko Lucknow chhorte huye Arpit sidha Chandigrah wapas aaya, sab logon ko pahle se Arpit ne inform ker diya tha, sabhi Rahul ke ghar yani yogesh ji ke yanha intzar ker rahe the.

Arpit ne Rahul se milne tak se lekar wapas lautne tak ki puri ghatna ko bataya. Sabke liye aaj to jaise tyohar ka din ho. Ek khusi ki lahar pure priwar me daur gayi thi.

Wanha sabse baat kerne ke baad Arpit, Pari ke pass pahuncha. Pari jab Arpit ko dekhi to apne bhai ke gale lag gayi ....

Pari.... Mil aaya apne jiju se

Arpit... Di aap ko Mrinal ya Sonal di ne sab bata diya.

Pari.... Nahi, un dono ne to abhi bataya, per us se pahle hi jaan ka phone aa gaya tha.

Arpit.... Ohhhh ! To aap se baat bhi huyi aur unhone bataya tak nahi, thik hai jab unhone apni baat nahi batayi, to main unka koi sandesa tumhe nahi dunga.

Pari.... Mera raja bhaiya, ab tang na karo apni di ko, chalo jaldi se batao kya kaha jaan ne.

Arpit muskurate huye Rahul ka sandesa Pari ke hanthon me thama deta hai. Pari, Rahul ki chitthi ko dekh bilkul khil jati hai. Bina ruke wo bhagti huyi bilkul apne kamre ki taraph badh jati hai.

Pichhe se Arpit jor se awaz bhi lagata, "aree di hume bhi to dikhati jao kya kaha jiju ne", lekin Pari kanha rukne wali thi. Arpit ke chillane se upar bachon ke sath khel rahi Mrinal aur Sonal bhi niche aa jati hai. Dono bas Pari ko apne kamre me jate aur darwaja lagate huye dekhti hai.

Mrinal aur Sonal, Arpit ko dekh kaphi khush ho jati hai aur wo dono bhi Arpit ke pass apne bhai ka haal jan'ne pahunch ti hai. Arpit phir dono ko bhi wahi khush khabri sunata hai jo sabko sunate aa raha tha. Mrinal aur Sonal apni num aankhon se muskura deti hain.

Apni jaan ka chitthi lekar sidha Pari apne bistar per let jati hai aur chitthi ko chumti huyi kahne lagti hai .... "Bare nisthur ho jaan, khud nahi aa sakte the, aur kuch din baad hi aana tha to bata kyon diya, waise bhi intzar hi to ker rahi thi."

"O'oooo kitna mukil hoga jaan , aap ke aane ka intzar karna. Aap to sara kaam niptane me khud ko busy rakhoge, main yanha kanhi aap ke aane ki khusi me, intzar karte karte nipat na jaun. Chalo dekhti hun kya likha hai aap ne"

Pari chitthi kholti huyi padhne lagi, intzar me jiske liye itne saal Pari akele gujar di, uski har chhoti si khabar bhi aaj dil me hulchal machane wali thi.......


"Kya likh dun kya nahi, main khusi se pagal ho raha hun"

Jhoota, itni khusi thi to khud aa jate.....

"Arpit ko bol to diya ki main ek mahine baad, swarndham train se 23 tarikh ko pahunch jaunga. Par sach kahoon to mera dil bahar nikal raha hai, lagta hai abhi urr ker chala aaun. Kaise bitenge ab ye aane wale din, soch ker hi kanp raha hun"

Unnnnn ahhhhh ! Same here jaan, jab aisi baat thi to chale aate na, wanha jo bhi pending tha hum sath me milker karte

"Chalo ab main chalta hun, kuch karz ess jagah ka hai usse jalad se jald utar dun, apna khyal rakhna, aur bas hum apne dress code me milenge"

"I love you"

I love you too jaan. Bolte bolte ek baar phir aanshu nikal aaye Pari ke. Kuch der us chhithi ko hanth me pakre apne bite dino ko yaad ker ke kabhi Pari ke chehre par muskurahat to kabhi aankho me nami aa jati.

[rajbr1981]

I love you too jaan. Bolte bolte ek baar phir aanshu nikal aaye Pari ke. Kuch der us chhithi ko hanth me pakre apne bite dino ko yaad ker ke kabhi Pari ke chehre par muskurahat to kabhi aankho me nami aa jati.

Khatte-mitthe palon ko yaad karne ke baad Pari bilkul nachti huyi bahar aayi, bahar Mrinal aur Sonal dono baithi thi, teji se Pari aayi aur ek jor dar music beat lagati huyi dno ko utha ker alhar ki tarah nachne lagi.

Dono bhi to khush thi, tal se tal milati huyi, wo dono bhi apne khusi ka izhar karne lagi. Arpit, Mahi aur Piya ko kuch kahne ki jaroorat bhi nahi huyi. Teeno bhi unke sath samil ho gaye. Aaj pahli baar ess ghar me koi khusi ki dhun baj rahi thi.

Gate waise hi khula tha, ghar ke sare naukar dekh rahe the sabko nachte huye, kuch der baad inki khusi me samil hone Aarif bhai Salma bhabhi bhi pahunche. Pari to aaj kisi ko bolne hi nahi de rahi thi, jo mila sabko nacha rahi thi aur khud bhi khusi se jhum rahi thi.

Dhire-Dhire sabko pata chal chuka tha, Pari aur Rahul dubara mil rahe hain. Tay waqt pahle se sunischit hone ke karan unke jitne bhi jan ne wale dost mitr the, aur unke dost mitron ki juban se jin sab ne dono ki kahnai suni thi, wo sab bhi inki khusi me sarik hone ka plan ker rahe the.

Thode din baad aakhir kar poore pariwar ek bar phir Pari ke darwaje tak pahuncha. Apni ladli ko manane aur usse wapas le jane. Sayad kosis hi kamyab hoti hai. Pari ne sabka swagat khule dil se kiya. Pari ki baton aur vywhar se koi bhi malal bite dino ke liye jahir nahi hua aur na hi usne kisi ko charcha karne di, ki unke atit me kya bita.

Sab se waisi hi mili jaise sab pahle sath rahte the. 15 min gujarane ke baad sab kuch waise hi normal tha, aur aapas ki baten waise hi pyar bhari nok jhonk se paripurn. Aaj pura pariwar ek chhat ke niche apni khusiyan bant raha tha. Kayi saal bit gaye ess manjar ko aane me par jab aaya to sab bina kisi sikayat ke iska swagat ker rahe the.

Anth me baat aayi Pari ke wapas chalne ki, tab Pari ne bari ada se kaha sab se ... Aap yun samjhna ki aap ki bahu pahli baat shadi ke baad aa rahi hai, jo armaan banki rah gaye the bas usse pura ker dena.

Sabne ne Pari ko gale laga liya, jate jate Mrinal bhi bol ke hi gayi, bhabhi ye bhi to kah deti .. Nati pote gift me sath la rahi hun.

Hansi ke sath sab alag huye wanha se ... Intzar bhi kitna lamba hota hai, itne salon ka intzar kabhi bhari nahi para, jo in dino Rahul aur Pari mehsus ker rahe the.

Rahul ka bhi haal kuch Pari se kam nahi tha. Wo bhi jhum, nach ga raha tha. Poore Kaligpoga me Rahul khusiyan bant raha tha. Itne salon tak chup rahne wala aaj sabse baat ker raha tha. Us chhote se jagah me to samaroh sa mahol tha.

Rahul ke kahne per poore jagah ko bilkul saja sa diya gaya tha. Lagbhag har raaat wanha lok nirty hota aur Rahul usme sarik hota.

Us jagah se lautne se pahle Rahul ne Dureti ko pura kaam samjha diya. Company ke 20% share ek trust foundation banaker us jagah ke naam ker diya jo un logon ke liye kharch kiye jane the. Ess trust ka director Sobha huyi aur seceratary Dureti.

Jane se pahle Rahul ne us ghar ko naman kiya jiska saya bure daur me uske sar par para. Aur phir wo din bhi aaya jab Rahul ne Kaligpoga se, wanha ke logon se aur Dr. Sobha se bidai li.

23 july din ke 12:00 pm

Dekhne walon ko laga jaise koi mahan hasti aa rahe ho. Station ke bahar sabse aage pura pariwar, phir dost yaar, unki family, aur wo log jo kisi na kisi se inki kahani se roo-baroo huye ho. Do pyar karne walon ka milan dekhne aisa lag raha tha pura Chandigarh khule dil se swagat kar raha ho.

Logon ke hatho me love symbol ke banner aur gubbare the. Bilkul kisi party ke mahol jaisa wo jagah saz gayi thi. Dekhne wale bas is ranga-rang mahol ko dekhne ke liye ruk jate. Jigyasa jinki hoti wo puchh lete ki kaun aa raha hai, aur jin se bhi puchhte wo apne hisab se dono ki kahani batane lagte.

Kuch logon ki aur jigyasa badti aur wo bhi Rahul ka intzar karne lagte, to kuch log time waste samjh ker nikal jate.

Thik 12:30 baje train ruki Chandigarh station per, lekin train aane ka sunker bhi koi nahi gaya ander sab bas gate per Rahul ka intzar ker rahe the. Rahul bilkul dhime se apna paun Chandigarh station per rakha, us ne sabse pahle apni matribhumi ko chhu ker usse naman kiya.

Jaise hi bahar aaya, wanha ka mahol dekh ker uske kadam ruk gaye. Apne bete ko samne dekh
Unke maata pita aur pure pariwar ki aankhen num ho gayi. Sab daurte huye Rahul ke pas pahunche. Maa pane bete se lipat ker rone lagi, use chumne lagi.

Kitni nafrat le ker gaya tha Rahul yanha se per jab lauta to sab chhor ker lauta tha. Wo bhi maa se lipat ker rone laga. Sabse gale mila rote huye. Sab kewal aapas me milne ka anubhaw ker rahe the. Unki khamosi me bhi ek khusi thi aur aankhon ki nami is baat ki gawah thi, ki ab bhi sabke dilon me besumar pyar hai.

Num aankhon se dhundli huyi drishy me Rahul khara hokar ab bas apni jaan ko dhund raha tha. Sabne jab Rahul ko charo ore najren daurate dekha to hanton se aakhir tak jane ka ishara karne lage. Rahul bhir ke bicho bich se chalta gaya. Har koi Rahul ko dekh raha tha, koi uske gale lagta to koi hanth milata.

Muskurate huye Rahul sabse milte huye bhir ke bich se dhire dhire aage badh raha tha. Itne me jor ki barish shuru ho gayi. Log wanha se hatne lage. Rahul ab bhi bhingte huye bas aage badh raha tha. Jise janha jagha mili bas apna sar chhipa raha tha.

Dharkan badh si gayi aur sanson ne jaise koi dhun chhera ho. Pari bilkul ussi lal lanhge me khari thi jaise dono ki mulakate hoti thi. Pari ke jaan bhi aaj ussi paridhan me pahunche the jaisa ye log aksar pahnte hain.

Tej dhrakano aur sanson ke sath dono ek-ek kadam badhate aage badh rahe the. Inke milan par aaj megh bhi nacha raha tha. Dono kuch dur jab the to Pari khud ko rok nahi payi aur apne ghutno par aati huyi niche baith gayi.

Rahul teji se uske pas pahuncha aur wo bhi apne ghutno per aa gaya. Sar jhukaye pari ke aankhon me aanshu the, Rahul ne dhire se uska chehra upar kiya aur uske aanshu poche phir pichhe halke se uska gardan per Rahul ne hanth rakha, apne sar ko Pari ke sar se jorte huye wo bhi rone laga.

Dono itne salon ka gum bhulane me lage the, tapti birha ke baad ye sukoon ke aanshu. Rahul ne Pari ko khara kiya, ek khamosi si dono ke bich chhayi rahi. Dil in khamosiyon ko sun raha tha, har wo lamha jo abhi chal raha tha dono ke ek hone ki gawahi thi.

Dono aishe mile ki har dekhne walon ke aankhon me aanshun the. Pyar me dube dono, ek dusre ki aankhon me base pyar ko jhankane lage aur ek dushre ke gale lag gaye. Barish me bhingte dono ek dusre ke gale lage rahe.

Dono ko koi suddh nahi tha ki kanha hai, bas dono itne barson ka pyar ek dushre se jahir ker rahe the. Aaj bas inke pyar ke gawah bane the log, koi bhi dono ko na to wanha se hatane aur na hi unhe kuch kahna chah raha tna.

Ess pyari khamosi ko Pari torti huyi rahul se kahne lagi ....

"Aap to jaan bilkul nahi badle"

"Pari tum aaj bhi utni hi sunder lag rahi ho jitni pahle thi"

"Jaan aaj bas hum tum aur koi nahi, chalen kanhi"

Itna bolti huyi Pari ne us car ki ore ishara ker di jo inke pyar ke kayi pal ki nishani thi. Dono me phir koi baat nahi huyi sidha dilon me pyar liye, pyar ki raah par apne us nishani ke sath nikal gaye.

Sab log bas unhe jata dekh apna hanth hila rahe the. Dono ne jate samay ek bar pichhe murker un bye-bye karte hanton ko dekha phir dono ek dushre ko dekhe aur khil-khilaker hanste huye dono ne pichhe se hi sabko bye-bye kah diya.

Pyar ki raah me kisi manjil adhuri rahi to kisi ne par ker liya. Aaj ek baar phir se sab ek the. Itna lamba judai ka arsa katne ke baad jab sab mile to aapas ka pyar aur gahra ho gaya. Aaj pura pariwar ek hai aur yanha kisi ke khaw khud ke nahi balki sab ke hote hai.

Kabhi hum na ho to humare nisan is jagah se mil jayenge ....... Issi ke sath ... Ek aakhri alvida kahe
"Pyar- Gum Ya khusi"

[rajbr1981]

The end

[rajbr1981]

नये पाठक के लिए , आप लोगो से अनुरोध है की कहानी को पढ़ के भरपूर मनोरंजन करे

[rajbr1981]

Pyar-Gum Ya Khushi - Part One Padhne ke Liye Yaha Click Kare