HOME 
AWARDS 
30-06-2013, 11:46 AM
Charo taraf ek ajeeb si khamoshi chhayi hui thi .. door tak nigaah daudaane par kuchh gharo se dhuanbhi nikalta dikhayi pad raha tha .. main ek ghar ke darwaaze par pahuncha , aur dheere se band darwaze ko dhakela .. halki si charmarahat ki awaaz huyi aur darwaaza andar ki taraf ko khulta chala gaya .. main 2 kadam aur aagebadha , sar ko aage nikaal kar andar jhanka .. andar bhi wahi nazaara tha , kahin kisi insaan ka naam-o-nishan bhi dikhayi nahi padraha tha
Uske aage jaane par bhi wahi manzar dikhayi pad raha tha ..sunsaan pade huye ghar , kuchh kedarwaazo par taale pade huye they aur kuchh aise hi lawaris they ..ek ajeeb si murdangi charo taraf chhayi huyi thi
Main iss samay apne shahar Delhi sekareeb 500 km door , yahan Raj nagar mein maujod tha… main ek chhoti si political party ka leader tha aur pehle ek patrakaar bhi reh chukka tha … Rajnagar ki sabse badi khasiyat ( ya yun kahiye ki dur-bhagya ) thi aaye-din yahan hone waale sampryadayik dange ( communal riots) jo yahan ek aam baat thi…poore desh mein kahin bhi, koyi bhi baat hoti thi , aur uska asar yahan hota tha … yahan dono dharm ke logo ki 50-50% ki abaadi thi aur yeh bhi dango ki ek wajah thi …iss baar jab yeh dange huye they to baar-baar yahi kaha jaa raha tha ki yahan ki state government aur police ek vishesh dharm ke logo ka saath de rahi hai …aur iski jaanch ke liye hi Human right commission aur kuchh politicians ka ek group yahan aaya tha , jismein main bhi shaamil tha
Hum sab log shahar ka daura karne ke liye nikle they .... Mere saath ke baki log peechhe hi reh gaye they , lekin main unse alag hokar kuchh aage ko nikal aaya tha ..jaanboojh kar , kuchh masala ikattha karne ke liye ..aur kab main kuchh jyada hi aage ko nikal aaya , aur ek muhalle se doosre muhalle mein pahunch gaya , mujhe maloom hi nahi pada ..mere bodyguard mujhe baar-baar rokte rahe , aur main apne paas maujood camera se tasveere nikaalta raha ..wahan faili barbaadike manzar ki tasveerein
Achanak …ek tez dhamake ki awaaz huyi aur poori gali dhuen ke gubaar mein doobti chali gayi …Mere kadam pehle ladkhadaye , fir main neeche gir pada aur meri aankho ke samne kuchh palo ke liye andhera sa chha gaya … fir jaisemujhe hosh aaya aur maine uth kar ek taraf ko daud laga di
Gali se baahar nikal kar main ek toote-foote khandahar numa ghar ki aad mein chhup gaya …Meri saanse bahut tez chal rahi thi aur dilki dhadkane poori rafter se daud rahi thi …maine sar ko jara sa baahar nikaal kar gali mein jhaanka ..ab fir se wahan sannaata chha gaya tha…fir mera dhyaan apne bodyguards ki taraf gaya , dono hi dhamaake ke baad se wahan se gaayab they
Aur fir achanak apne peechhe mujhe kuchh aahat si sunayi padi … Jahan maine khada tha , woh ek doosri gali ka aakhiri sira tha ….maine peechhe gali mein dekha aur mujhe aisa mehsoos hua ki gali mein maujood gharo mein se mujhedekha ja raha hai …kuchh hi seconds baad mera shaque yakeen mein tabdeel ho gaya , jab maine kuchh siro ko gharo se baahar jhaankte huya dekha .. Ek ajeeb si dehshat mere oopar haawi hoti chali gayi … Maine fir se sar nikaal kar , doosri taraf waali gali mein jhaanka … ab wahan bhi bhi kuchh halchal sunayi pad rahi thi …sirf gharo ke andar hi nahi , baahar bhi 2-3 log dikhayi pad rahe they …aur unke shareer ke peechhe chhipaye huye hathiyar bhi
Mere paas koyi aur chara nahi tha , siwaaye wahan se bhaagne ke ..main gali se baahar nikla , aur apni baayin (left) taraf daud laga di …apne peechhe se mujhe pehle kuchh logo ke cheekhne ki awaazein sunayi padi aur fir tez kadmo ki …ek saath bahut saare logmere peechhe aa rahe they , aur harek guzarte pal ke saath unka aur mera faasla kam hota jaa raha tha …yah ek lambi si gali thi , jiske sire par mujhe ek chauraha sa dikhayi pad raha tha …maine apni poori taaakat laga di aur kuchh hi palo mein main chaurahe par pahunch gaya
Chaurahe par pahunchte hi maine charo taraf dekha , har taraf sannaata chhaya hua tha …door door tak insaan ka namo nishan bhi nahi tha , sivaaye mere peeche aa rahe unn logo ke jinke haato se jinda bachna ab mujhe na-mumkin lag raha tha
Maine oopar waale ko yaad kiya aur fir left side mein jaa rahi sadak par daud laga di …. Main be-tahashabhaag raha tha ki, achanak hi mujhe kisi gaadi ki aawaz sunayi padi aur agle hi par ek police jeep left side ki taraf se ek sadak se aayi aur mere se kuchh hi doori par aa kar usne break laga diye
Mujhe aisa laga jaise oppar waale ne meri madad ke liye apne bando ko bheja ho …..maine bina ruke bhaagta raha aur jeep ke peechhe pahunch gaya …. apni saanso ko kaabu mein karne ki koshish karte huye maine pehle ek nigaah jeep ke andar daali aur fir saamne se aate huye unn log par …jeep mein kul 3 police waale they , ek DSP rank ka officer aur 2 sipahi ..aur mere peechhe aa rahe unn logo ki ginti 15-20 ke aas paas thi
Who log jeep se 20 meter pehle hi ruk gaye …unn sabhi ke haatho mein alag alag hathiyar they ….kuchh ke paas talwarein thi, kuchh ke paas dande aur kuchh ke haath mein lohe ke sariye .. kuchh logo ne apne chehro ko kapde se dhaka hua tha aur kuchh aise bhi they jinke chehre saaf dikhayi pad rahe they
Jeep mein baitha hua Officer jeep sebaahar nikla aur doosri taraf jaakar khada ho gaya …uske peechhe peechhe dono sipahi bhi neeche aa gaye aur apne haato mein maujood rifles ko unn logo ki taraf taan diya …dono taraf se hi khamoshi chhayi huyi thi …koyi awaaz nahi , sirf ek doosre ko dekh rahe they …fir woh log dheere dheere peechhe ko hatne lage aur kuchh der ke baad mud kar wapas apne ilaake ki taraf chale gaye
Police officer jeep ka chakkar laga kar mere paas aaya aur fir tez awaaz mein bola “ tumhe maloom nahi hai ki yahan curfew laga hua hai …!!.dekhte hi goli maarne ke aadesh hain ”
“main …. Human rights commission ki taraf se hoon ….mere saath mere 2 bodyguards bhi they , jo na jaane kahan chale gaye ?” maine uske chehre ki taraf dekha aur kuchh pareshaan lehze mein kaha
woh kuchh second mujhe ghoorta raha , fir poochha “ kahan se gaayabhuye hain …?”
“ udhar …dayein mudkar , aage se doori gali ke mod par se …ek dhamaka hua tha wahan , uske baad se woh log gaayab hain ” Maine haath ke ishare se usko samjhaya
Usne apne saath waale dono sipahiyo ko wahan jaane ke liye kaha aur khud jeep ki driving seat par baith gaya …aur mujhe apne saath waali seat par baithne ka ishara kiya …mere baith-te hi usne gaadi ko aage badhaya aur agle chaurahe par laakar rok diya ..woh ab udhar hi dekh raha tha jahan uske saathi gaye they
Maine uske seene par lagi huyi name plate ko dekha … Sameer Arya , woh DSP rank ka officer tha …. Umar koyi 28-29 saal ke aas-paas
Fir achanak mera dhyan apne camera ki taraf gaya , jo ab mere haath mein nahi tha …shaayad dhamaake waali jagah par hi gir gaya tha
“ohh…mera camera “ mere muh se achanak hi yeh shabd nikle …aur DSP ne meri taraf dekha
“kya hua ….? Kaun sa camera..?” usne mere chehre ko dekhte huye kaha
“ Mere paas ek ..camera tha … jo wahin kahin gir gaya hai ” maine kuchh jhijhakte huye kaha
Usne mere chehre ko gaur se dekha …aur fir bola “ aapne apna naam kya bataya tha …?”
“Sameer ……Sameer khan “ maine kaha
“waah….hum dono ka naam to ek hihai …sirf surname ka fark hai ” Usnekaha , aur dheere se hans pada …fir meri taraf dekhte huye poochha
“ maine aapko pehle bhi kahin dekha hai …” kuchh der sochne ke baad usne aage kaha “ aap XYZ party ke leader hain na ?”
Maine sar ko hilakar sehmati jatayi
“ aur aap ek patrakaar bhi hain …? “ usne aage poochha
“pehle tha…” Maine usko samjhaya
“Hmm…to netaji yahan human rights check karne aaye they , ya apni party ke agenda par kaam karne ke liye …? “ usne kaha aur apne aap hi hans pada
“kya bakwas kar rahe ho officer ..!!” Main gurrata hua bola
“ aur saath mein camera lekar ghoomne ka matlab kya hota hai …?” usne mujhe daante huye kaha …uski aawaz mein ek ajeeb sa kadwa-pan tha aur aankho mein gussa
“ tum bhool rahe ho ki main yahan human rights ki taraf se aaya hoon , aur jo kuchh bhi yahan tum log kar rahe ho , woh saari duniya ko maloom pad chukka hai …” maine usko dhamkaane ki koshish karte huye kaha
Woh kuchh second mujhe ghoorta raha ..fir apna mobile nikala , apne saath waale ek sipahi ka number lagaya aur usko bataya ki mere haath se ek camera bhi wahan gira hai , jisko unhe talaash karna hai
Hum dono hi ab khamosh baithey they, aur uss taraf dekh rahe they jahan woh dono sipahi gaye they ….kuchh hi der mein humein dono sipahi dikhayi pad gaye , woh uss jagah par khade they , jahan kuchh der pehle main chhipa hua tha ……aur unke saath hi kuchh aur log bhi they …wahi log jo thodi der pehle mere peechhe , mujhe maarne ke liye bhaag rahe they
“ Tumhaare sipahi unn logo se baate kar rahe hain , jo mujhe maarne ki koshish kar rahe they ……” maine kaha to usne meri taraf aise dekha , jaise meri baat uski samajh mein naa aayi ho …fir bola
“ aur aapki raay mein unko kya karna chahiye ..?”
“ curfew orders ka sahi sahi paalan …tume hi to kaha tha ki dekhte hi goli maarne ke aadesh hain …?” maine uski taraf dekhte huye kaha
“ lekin yeh log aisa kuchh nahi kar rahe hain , jo inhe goli maari jaaye ….” usne muskurate huye kaha …” yeh to aapke gumshuda bodyguardsko dhoondhne mein madad hi kar rahe hain”
“ abhi kuchh der pehle hi inn logo ne mujhe jaan se maarne ki koshish ki thi officer … “ maine apne shabdoko chabate huye kaha
“kaun kehta hai …!! woh log aapke peechhe bhaage jaroor they ..lekin unhone aapko koyi nuksaan nahi pahunchaya
“iska matlab agar woh mujhe jaan se maar dete , tabhi aap unko kasoorvaar maante ?…ek nihatte aadmi ke peechhe , hathiyar lekar bhaagna koyi jurm nahi hai ..? “ maine uski aankho mein jhaankte huye kaha
“ aur aap yeh chahte hain ki main inn sab ko line mein khada karke , goliyon se uda doon … tab aapke human rights ka ulanghan nahi hoga ? ” usne bhi bina nazrein hataye kaha …mujhe ghoorte huye
“aapka farz to yahi kehta hai DSP saahab…!” maine kaha aur tabhi mere mobile ki bell bajne lagi …maine call receive ki , yeh mere bodyguards mein se ek ka phone tha …..usne mujhe bataya ki dangayio ne unke oopar hamla kiyatha aur uske baad unka peechha bhikiya …jab maine poochha ki unhoneapne bachaav mein goli kyon nahi chalayi , to unhone kaha ki woh log officially uss area mein nahi jaa sakte they , isliye unka firing karna bhi jaayaj nahi tha
Maine unko bataya ki main ab safe hoon , aur unko apni postion bhi batayi …DSP Arya se poochhkar maine unko bataya ki wahan se thoda door , Shanti chauk naam ki jagah hai , jahan woh mera wait karein
Maine phone disconnect kiya , aur tab tak woh dono sipahi bhi wahan aa gaye …unmein se ek ke haath mein mera camera bhi tha … unhone ishaare se DSP se poochha …DSP ne apna haath badha kar , camera uske haath se le liya aur saamne dash board ke oopar rakh diya … fir usne dono sipahiyon ko peechhe baithna ka ishara kiya aur unke baith’te hi gaadi aage badha di
“ aap mujhe mere farz ke baare mein kuchh sikha rahe they Khan saahab …? ” thoda aage jaate hi DSPne mujh se sawaal kiya
“main yahi bata raha tha ki aapne unn logo ko sirf iss liye jaane diya , kyon ki woh log aapke mazhab ke they …aapko apna police ka farz bhinibhana chahiye DSP saahab …” maine chubhte huye swar mein kaha
“aapko kya lagta hai , woh log aapke peechhe kyon bhaage they ?...aapne unka kya bigada tha …?” Usne ulta mujh se sawaal kiya , muskurate huye
“ kyon ki main unke mazhab ka nahi hoon …” maine bewkoofi bhara jawaab diya …na chahte huyebhi
“ kya appki soorat par yeh likha huahai ki , aapka mazhab kya hai ?” usne agla sawaal kiya …jiska jawaab mere paas nahi tha
“ woh log mujhe jaante honge …” maine ek aur tark diya
“ha ha ha …aap samajhte hain ki aap itne mash’hoor hain ki har ek aam insaan aapko jaanta hoga “ usne mera majaak udaate huye kaha aur fir aage bola
“ woh aapke peechhe sirf aapko daraane ke liye bhaage they … woh bhi iss liye , kyon ki aapke haath mein ek camera tha ”
“ aap yeh baat isliye keh rahe hain DSP saahab , kyon ki woh log aapke hi mazhab ke hain …doosre dharm ke log hote to shaayad aapne unko goli se uda dena tha” maine apne dil ki baat uske saamne rak di , bina kisi hich-kichahat ke
Usne gaadi ko break lagaye aur meri taraf dekhne laga ..fir apna revolver nikala aur meri taraf taan kar bola
“ aap bhi to mere mazhab ke nahi hain Khan saahab …maine chahun to abhi , yahin aapko bhi goliyon se uda sakta hoon … kisi ko pata bhi nahi chalega ki aapke saath kya hua tha ” Usne gurrate huye kaha
“ tum aisa kuch nahi kar sakte ho …main yahan sarkaari mehmaan hoon ..mujhe kuchh hua to tumhare department aur sarkaar ki choolein hil jayengi..” maine apni poori himmat batorte huye kaha
“ sirf iss shahar mein …iss ilaake mein aap gair-kanooni taur se guse ho jiske liye aapko goli se udaya ja sakta hai …aur waise bhi aapke marne ke baad kisko pata chalne waala hai ki aapko kisne maara …police ne ya ki dangayio ne ” usnedaanto ko peeste huye kaha
Main bilkul chup tha.. usne kuchh der mujhe ghoorte rehne ke baad gaadi aage badhayi aur fir thodi door chal kar ek chaurahe par rok di…chaurahe par ek taraf ek mandir aur ek maszid ek saath bani huyi thi, bilkul agal-bagal mein ...DSP ne ek taraf ishara karte huye kaha
“ yeh saamne ka ilaaka dekh rahe hein …yeh saara ilaaka , aapke mazhab ke logo ka hi hai ..aap yeh camera lekar andar jaaiye aur yahan ke bhi photo kheenchne ki koshish keejiye …aapko maloom pad jaayega ki jo kuchh maine kahawoh sahi hai ya galat …”
Uski aankho se angaare baras rahe they …maine ek baar uss taraf dekha jahan usne ishara kiya tha , lekin meri himmat nahi huyi ki maingaadi se baahar pair bhi nikaal sakoon..
“ inn dangayiyon ka koyi mazhab nahi hota hai Khan saahab …yeh sirfapne aur paraye ko pehchante hain …aap chahein kisi bhi mazhab ke ho , yeh agar aapko nahi jaante to aap inke dushman hain ..”
“ yeh jagah , jahan hum khade hain hain , isko Shanti chauk kehte hain.. aap dekh rahe hain na , yahan mandir aur maszid ek saath bane huye hain .. dono dharm ke log Diwali , holi , Eid saare tyohaar yahin par ek saath manaate hain, apna apna mazhab bhool kar …unko uss samay sirf insaniyat ka mazhab yaad rehta hai … yeh aap jaise log hi hain jo unko yaad dilate hain ki unka asli mazhab kya hai ”
“ tum kyon sirf raj-netaon par saare ilzam laga rahe ho …aapko maloomnahi shaayad ki humaare mulk ki police bhi sabse corrupt mehkamo mein se ek hai …” maine baat ko uski taraf ghumaane ki koshish ki
“Ji haan , bilkul sahi kaha aapne …lekin fir bhi humaare mulk ke kam se kam 20% log abhi bhi imaandar hain , aur inn 20% logo ki wajah se hi humaara desh abhi tak chal raha hai aur humaara bharat abhi tak mahaan hai ..” usne kaha aur fir aage bolna shuru kiya
“ aap mujhe mere farz ke baare mein samjha rahe they Khan saahab, jabki aapko apna khud ka na farz maloom hai aur na mazhab , woh bhi tab jabki aap umra mein mujh se kaafi bade hain , aur shaayad samajhdar bhi “
“aap yahan yeh dekhne aaye hain ki kahin aapki kaum ke saath kuchhgalat to nahi ho raha hai …jabki aapka apna farz aur aapka mazhab , aapka Raj-dharm yeh kehta hai ki aapko unn wajah ko dhundhna chahiye jinki wajah se yahan aaye din dange hote hain ”
“ maaf keejiyega khan saahab , main yeh sab kuchh sirf aapke liye nahi keh raha hoon ..aap jaise unn sabhi logo ke liye keh raha hoon jo rajneeti ki rotiyan sekne ke liye , masoom logo ki jaan se khelne mein bhi perhez nahi karte .. aur fir jakhmo par namak lagaane ke liye aa jaate hain ..”
Main bina bole uski baat sun raha tha ,aur samajh bhi raha tha ..main apne sar ko jhukaye baitha raha ..meri himmat nahi ho rahi thi ki main uss se nigaahein mila sakoon
Usne fir se gaadi ko gear mein daala aur aage badhaya hi tha ki tabhi mujhe apne daayen seene parek teekhi chubhan ka ehsaas hua …mere shareer mein dard ki ek lehar si daud gayi aur mera dhyaan aur haath dono ek saath uss jagah par pahunche …aur kuchh ki palo mein mujhe wahan se khoon behte hua dikhayi padne laga …mujhe goli lagi thi , jo shaayad kahin door se chalayi gayi thi
Maine khauf se DSP ki taraf dekha…jo khud bhi hairani se mujhe dekh raha tha .. fir meri aankho ke saamne andhera chhata chala gaya
“ himmat mat haarna Khan saahab ….hum aapko kuchh nahi hone denge ” DSP Sameer arya key eh aakhiri shabd mujhe sunaayi pade , uske baad main gehri behoshi mein doobta chala gaya
Mujhe hosh agle din hospital mein aaya .. mere shareer se khoon kaafi beh gaya tha aur doctors ne mujhe bataya ki meri jaan bachane ke liye mujhe khoon ki 6 units chadhani pad gayi thi .. blood donate karne waalo mein aur logo ke alaawa ek naam DSP Sameer Arya ka bhi tha
uss hi din mujhe ek special plane se waapas Delhi le jaaya gaya …aur tab tak main Sameer Arya se dobaranahi mil paya
Delhi aakar kuchh hi hafto mein main theek ho gaya ….dheere dheere mera jakhm bhi bhar gaya , lekin Sameer Arya ki baatein mujhe hamesha yaad aati rahi aur mujhe andar se kuredti rahi
3 saal baad
Main fir se Raj nagar aaya tha …iss baar ek patrakar ki haisiyat se ..maine apni party chhod do thi , aurek national news paper mein kaam kar raha tha
Sham ke samay , apna saara kaam nibtaane ke baad jab main waapas apne hotel ki taraf jaa raha tha , tabbi mujhe jaise kuchh yaad aaya …maine gaadi ke driver se sawaal kiya
“ kareeb 3 saal pehle yahan ke DSP hua karte they , Sameer Arya ……kya ab bhi hain …?”
Usne mud kar meri taraf dekha , fir bola “ kya aapko nahi maloom saahab unke saath kya hua tha …?”
“nahi ..!.. kya hua ?” maine hairani se usko dekhte huye kaha ..kisi anhoni ki aashanka mein mera dil dhadakne laga tha
“ chaliye ..aapko kuchh dikhata hoon” usne kaha aur saamne dekhte huye gaadi ki speed tez kar di ..maine raaste mein uss’se poochhne ki koshish bhi ki , lekin woh bina kuchh bole gaadi drive karta raha
Kuchh hi minute baad usne gaadi koek chaurahe par rok diya ..aur fir ek taraf ishara kiya ..
Maine uski batayi huyi disha mein dekha .. hairaani se meri aankhe chaudi hoti chali gayi aur main gaadi se utar kar uss taraf chal diya
Yeh wahi chauraha tha jisko pehle Shanti chauk kehte they ..wahan chaurahe ke beecho-beech ab ek bade se chabutre par ek moorti lagi huyi thi , Sameer Arya ki murti ..aur uske neeche lage huye ek patthar par likha hua tha ..
Shaheed Sameer Arya Chauk
Raj nagar ke poorva DSP ki yaad mein banaya gaya
27 October 2008 ki raat ko kuchh dangaiyon ne shahar ki prasiddh badi maszid par hamla bol diya , DSP Arya ne na keval akele dum parunn dangaiyon ka saamna kiya , balki wahan maujood 40 se jyada logo ki jaan bhi bachayi , aur khud dangayion ke hamlo ka shikar hokar veergati ko prapt huye
Raj nagar ke nivasi Shaheed SameerArya ko unki bahaduri aur shahadat ke liye salaam karte hain
Padhte padhte kab meri aankhe bheeg gayi mujhe maloom hi nahi pada ..main khud-ba-khud ghutno ke bal uss ‘Aman ke sipahi’ ke saamne jhukta chala gaya , jisne mujhe zindagi ka ek naya sabak sikhaya tha aur mujhe mera asli mazhab yaad dilaya tha
Uske aage jaane par bhi wahi manzar dikhayi pad raha tha ..sunsaan pade huye ghar , kuchh kedarwaazo par taale pade huye they aur kuchh aise hi lawaris they ..ek ajeeb si murdangi charo taraf chhayi huyi thi
Main iss samay apne shahar Delhi sekareeb 500 km door , yahan Raj nagar mein maujod tha… main ek chhoti si political party ka leader tha aur pehle ek patrakaar bhi reh chukka tha … Rajnagar ki sabse badi khasiyat ( ya yun kahiye ki dur-bhagya ) thi aaye-din yahan hone waale sampryadayik dange ( communal riots) jo yahan ek aam baat thi…poore desh mein kahin bhi, koyi bhi baat hoti thi , aur uska asar yahan hota tha … yahan dono dharm ke logo ki 50-50% ki abaadi thi aur yeh bhi dango ki ek wajah thi …iss baar jab yeh dange huye they to baar-baar yahi kaha jaa raha tha ki yahan ki state government aur police ek vishesh dharm ke logo ka saath de rahi hai …aur iski jaanch ke liye hi Human right commission aur kuchh politicians ka ek group yahan aaya tha , jismein main bhi shaamil tha
Hum sab log shahar ka daura karne ke liye nikle they .... Mere saath ke baki log peechhe hi reh gaye they , lekin main unse alag hokar kuchh aage ko nikal aaya tha ..jaanboojh kar , kuchh masala ikattha karne ke liye ..aur kab main kuchh jyada hi aage ko nikal aaya , aur ek muhalle se doosre muhalle mein pahunch gaya , mujhe maloom hi nahi pada ..mere bodyguard mujhe baar-baar rokte rahe , aur main apne paas maujood camera se tasveere nikaalta raha ..wahan faili barbaadike manzar ki tasveerein
Achanak …ek tez dhamake ki awaaz huyi aur poori gali dhuen ke gubaar mein doobti chali gayi …Mere kadam pehle ladkhadaye , fir main neeche gir pada aur meri aankho ke samne kuchh palo ke liye andhera sa chha gaya … fir jaisemujhe hosh aaya aur maine uth kar ek taraf ko daud laga di
Gali se baahar nikal kar main ek toote-foote khandahar numa ghar ki aad mein chhup gaya …Meri saanse bahut tez chal rahi thi aur dilki dhadkane poori rafter se daud rahi thi …maine sar ko jara sa baahar nikaal kar gali mein jhaanka ..ab fir se wahan sannaata chha gaya tha…fir mera dhyaan apne bodyguards ki taraf gaya , dono hi dhamaake ke baad se wahan se gaayab they
Aur fir achanak apne peechhe mujhe kuchh aahat si sunayi padi … Jahan maine khada tha , woh ek doosri gali ka aakhiri sira tha ….maine peechhe gali mein dekha aur mujhe aisa mehsoos hua ki gali mein maujood gharo mein se mujhedekha ja raha hai …kuchh hi seconds baad mera shaque yakeen mein tabdeel ho gaya , jab maine kuchh siro ko gharo se baahar jhaankte huya dekha .. Ek ajeeb si dehshat mere oopar haawi hoti chali gayi … Maine fir se sar nikaal kar , doosri taraf waali gali mein jhaanka … ab wahan bhi bhi kuchh halchal sunayi pad rahi thi …sirf gharo ke andar hi nahi , baahar bhi 2-3 log dikhayi pad rahe they …aur unke shareer ke peechhe chhipaye huye hathiyar bhi
Mere paas koyi aur chara nahi tha , siwaaye wahan se bhaagne ke ..main gali se baahar nikla , aur apni baayin (left) taraf daud laga di …apne peechhe se mujhe pehle kuchh logo ke cheekhne ki awaazein sunayi padi aur fir tez kadmo ki …ek saath bahut saare logmere peechhe aa rahe they , aur harek guzarte pal ke saath unka aur mera faasla kam hota jaa raha tha …yah ek lambi si gali thi , jiske sire par mujhe ek chauraha sa dikhayi pad raha tha …maine apni poori taaakat laga di aur kuchh hi palo mein main chaurahe par pahunch gaya
Chaurahe par pahunchte hi maine charo taraf dekha , har taraf sannaata chhaya hua tha …door door tak insaan ka namo nishan bhi nahi tha , sivaaye mere peeche aa rahe unn logo ke jinke haato se jinda bachna ab mujhe na-mumkin lag raha tha
Maine oopar waale ko yaad kiya aur fir left side mein jaa rahi sadak par daud laga di …. Main be-tahashabhaag raha tha ki, achanak hi mujhe kisi gaadi ki aawaz sunayi padi aur agle hi par ek police jeep left side ki taraf se ek sadak se aayi aur mere se kuchh hi doori par aa kar usne break laga diye
Mujhe aisa laga jaise oppar waale ne meri madad ke liye apne bando ko bheja ho …..maine bina ruke bhaagta raha aur jeep ke peechhe pahunch gaya …. apni saanso ko kaabu mein karne ki koshish karte huye maine pehle ek nigaah jeep ke andar daali aur fir saamne se aate huye unn log par …jeep mein kul 3 police waale they , ek DSP rank ka officer aur 2 sipahi ..aur mere peechhe aa rahe unn logo ki ginti 15-20 ke aas paas thi
Who log jeep se 20 meter pehle hi ruk gaye …unn sabhi ke haatho mein alag alag hathiyar they ….kuchh ke paas talwarein thi, kuchh ke paas dande aur kuchh ke haath mein lohe ke sariye .. kuchh logo ne apne chehro ko kapde se dhaka hua tha aur kuchh aise bhi they jinke chehre saaf dikhayi pad rahe they
Jeep mein baitha hua Officer jeep sebaahar nikla aur doosri taraf jaakar khada ho gaya …uske peechhe peechhe dono sipahi bhi neeche aa gaye aur apne haato mein maujood rifles ko unn logo ki taraf taan diya …dono taraf se hi khamoshi chhayi huyi thi …koyi awaaz nahi , sirf ek doosre ko dekh rahe they …fir woh log dheere dheere peechhe ko hatne lage aur kuchh der ke baad mud kar wapas apne ilaake ki taraf chale gaye
Police officer jeep ka chakkar laga kar mere paas aaya aur fir tez awaaz mein bola “ tumhe maloom nahi hai ki yahan curfew laga hua hai …!!.dekhte hi goli maarne ke aadesh hain ”
“main …. Human rights commission ki taraf se hoon ….mere saath mere 2 bodyguards bhi they , jo na jaane kahan chale gaye ?” maine uske chehre ki taraf dekha aur kuchh pareshaan lehze mein kaha
woh kuchh second mujhe ghoorta raha , fir poochha “ kahan se gaayabhuye hain …?”
“ udhar …dayein mudkar , aage se doori gali ke mod par se …ek dhamaka hua tha wahan , uske baad se woh log gaayab hain ” Maine haath ke ishare se usko samjhaya
Usne apne saath waale dono sipahiyo ko wahan jaane ke liye kaha aur khud jeep ki driving seat par baith gaya …aur mujhe apne saath waali seat par baithne ka ishara kiya …mere baith-te hi usne gaadi ko aage badhaya aur agle chaurahe par laakar rok diya ..woh ab udhar hi dekh raha tha jahan uske saathi gaye they
Maine uske seene par lagi huyi name plate ko dekha … Sameer Arya , woh DSP rank ka officer tha …. Umar koyi 28-29 saal ke aas-paas
Fir achanak mera dhyan apne camera ki taraf gaya , jo ab mere haath mein nahi tha …shaayad dhamaake waali jagah par hi gir gaya tha
“ohh…mera camera “ mere muh se achanak hi yeh shabd nikle …aur DSP ne meri taraf dekha
“kya hua ….? Kaun sa camera..?” usne mere chehre ko dekhte huye kaha
“ Mere paas ek ..camera tha … jo wahin kahin gir gaya hai ” maine kuchh jhijhakte huye kaha
Usne mere chehre ko gaur se dekha …aur fir bola “ aapne apna naam kya bataya tha …?”
“Sameer ……Sameer khan “ maine kaha
“waah….hum dono ka naam to ek hihai …sirf surname ka fark hai ” Usnekaha , aur dheere se hans pada …fir meri taraf dekhte huye poochha
“ maine aapko pehle bhi kahin dekha hai …” kuchh der sochne ke baad usne aage kaha “ aap XYZ party ke leader hain na ?”
Maine sar ko hilakar sehmati jatayi
“ aur aap ek patrakaar bhi hain …? “ usne aage poochha
“pehle tha…” Maine usko samjhaya
“Hmm…to netaji yahan human rights check karne aaye they , ya apni party ke agenda par kaam karne ke liye …? “ usne kaha aur apne aap hi hans pada
“kya bakwas kar rahe ho officer ..!!” Main gurrata hua bola
“ aur saath mein camera lekar ghoomne ka matlab kya hota hai …?” usne mujhe daante huye kaha …uski aawaz mein ek ajeeb sa kadwa-pan tha aur aankho mein gussa
“ tum bhool rahe ho ki main yahan human rights ki taraf se aaya hoon , aur jo kuchh bhi yahan tum log kar rahe ho , woh saari duniya ko maloom pad chukka hai …” maine usko dhamkaane ki koshish karte huye kaha
Woh kuchh second mujhe ghoorta raha ..fir apna mobile nikala , apne saath waale ek sipahi ka number lagaya aur usko bataya ki mere haath se ek camera bhi wahan gira hai , jisko unhe talaash karna hai
Hum dono hi ab khamosh baithey they, aur uss taraf dekh rahe they jahan woh dono sipahi gaye they ….kuchh hi der mein humein dono sipahi dikhayi pad gaye , woh uss jagah par khade they , jahan kuchh der pehle main chhipa hua tha ……aur unke saath hi kuchh aur log bhi they …wahi log jo thodi der pehle mere peechhe , mujhe maarne ke liye bhaag rahe they
“ Tumhaare sipahi unn logo se baate kar rahe hain , jo mujhe maarne ki koshish kar rahe they ……” maine kaha to usne meri taraf aise dekha , jaise meri baat uski samajh mein naa aayi ho …fir bola
“ aur aapki raay mein unko kya karna chahiye ..?”
“ curfew orders ka sahi sahi paalan …tume hi to kaha tha ki dekhte hi goli maarne ke aadesh hain …?” maine uski taraf dekhte huye kaha
“ lekin yeh log aisa kuchh nahi kar rahe hain , jo inhe goli maari jaaye ….” usne muskurate huye kaha …” yeh to aapke gumshuda bodyguardsko dhoondhne mein madad hi kar rahe hain”
“ abhi kuchh der pehle hi inn logo ne mujhe jaan se maarne ki koshish ki thi officer … “ maine apne shabdoko chabate huye kaha
“kaun kehta hai …!! woh log aapke peechhe bhaage jaroor they ..lekin unhone aapko koyi nuksaan nahi pahunchaya
“iska matlab agar woh mujhe jaan se maar dete , tabhi aap unko kasoorvaar maante ?…ek nihatte aadmi ke peechhe , hathiyar lekar bhaagna koyi jurm nahi hai ..? “ maine uski aankho mein jhaankte huye kaha
“ aur aap yeh chahte hain ki main inn sab ko line mein khada karke , goliyon se uda doon … tab aapke human rights ka ulanghan nahi hoga ? ” usne bhi bina nazrein hataye kaha …mujhe ghoorte huye
“aapka farz to yahi kehta hai DSP saahab…!” maine kaha aur tabhi mere mobile ki bell bajne lagi …maine call receive ki , yeh mere bodyguards mein se ek ka phone tha …..usne mujhe bataya ki dangayio ne unke oopar hamla kiyatha aur uske baad unka peechha bhikiya …jab maine poochha ki unhoneapne bachaav mein goli kyon nahi chalayi , to unhone kaha ki woh log officially uss area mein nahi jaa sakte they , isliye unka firing karna bhi jaayaj nahi tha
Maine unko bataya ki main ab safe hoon , aur unko apni postion bhi batayi …DSP Arya se poochhkar maine unko bataya ki wahan se thoda door , Shanti chauk naam ki jagah hai , jahan woh mera wait karein
Maine phone disconnect kiya , aur tab tak woh dono sipahi bhi wahan aa gaye …unmein se ek ke haath mein mera camera bhi tha … unhone ishaare se DSP se poochha …DSP ne apna haath badha kar , camera uske haath se le liya aur saamne dash board ke oopar rakh diya … fir usne dono sipahiyon ko peechhe baithna ka ishara kiya aur unke baith’te hi gaadi aage badha di
“ aap mujhe mere farz ke baare mein kuchh sikha rahe they Khan saahab …? ” thoda aage jaate hi DSPne mujh se sawaal kiya
“main yahi bata raha tha ki aapne unn logo ko sirf iss liye jaane diya , kyon ki woh log aapke mazhab ke they …aapko apna police ka farz bhinibhana chahiye DSP saahab …” maine chubhte huye swar mein kaha
“aapko kya lagta hai , woh log aapke peechhe kyon bhaage they ?...aapne unka kya bigada tha …?” Usne ulta mujh se sawaal kiya , muskurate huye
“ kyon ki main unke mazhab ka nahi hoon …” maine bewkoofi bhara jawaab diya …na chahte huyebhi
“ kya appki soorat par yeh likha huahai ki , aapka mazhab kya hai ?” usne agla sawaal kiya …jiska jawaab mere paas nahi tha
“ woh log mujhe jaante honge …” maine ek aur tark diya
“ha ha ha …aap samajhte hain ki aap itne mash’hoor hain ki har ek aam insaan aapko jaanta hoga “ usne mera majaak udaate huye kaha aur fir aage bola
“ woh aapke peechhe sirf aapko daraane ke liye bhaage they … woh bhi iss liye , kyon ki aapke haath mein ek camera tha ”
“ aap yeh baat isliye keh rahe hain DSP saahab , kyon ki woh log aapke hi mazhab ke hain …doosre dharm ke log hote to shaayad aapne unko goli se uda dena tha” maine apne dil ki baat uske saamne rak di , bina kisi hich-kichahat ke
Usne gaadi ko break lagaye aur meri taraf dekhne laga ..fir apna revolver nikala aur meri taraf taan kar bola
“ aap bhi to mere mazhab ke nahi hain Khan saahab …maine chahun to abhi , yahin aapko bhi goliyon se uda sakta hoon … kisi ko pata bhi nahi chalega ki aapke saath kya hua tha ” Usne gurrate huye kaha
“ tum aisa kuch nahi kar sakte ho …main yahan sarkaari mehmaan hoon ..mujhe kuchh hua to tumhare department aur sarkaar ki choolein hil jayengi..” maine apni poori himmat batorte huye kaha
“ sirf iss shahar mein …iss ilaake mein aap gair-kanooni taur se guse ho jiske liye aapko goli se udaya ja sakta hai …aur waise bhi aapke marne ke baad kisko pata chalne waala hai ki aapko kisne maara …police ne ya ki dangayio ne ” usnedaanto ko peeste huye kaha
Main bilkul chup tha.. usne kuchh der mujhe ghoorte rehne ke baad gaadi aage badhayi aur fir thodi door chal kar ek chaurahe par rok di…chaurahe par ek taraf ek mandir aur ek maszid ek saath bani huyi thi, bilkul agal-bagal mein ...DSP ne ek taraf ishara karte huye kaha
“ yeh saamne ka ilaaka dekh rahe hein …yeh saara ilaaka , aapke mazhab ke logo ka hi hai ..aap yeh camera lekar andar jaaiye aur yahan ke bhi photo kheenchne ki koshish keejiye …aapko maloom pad jaayega ki jo kuchh maine kahawoh sahi hai ya galat …”
Uski aankho se angaare baras rahe they …maine ek baar uss taraf dekha jahan usne ishara kiya tha , lekin meri himmat nahi huyi ki maingaadi se baahar pair bhi nikaal sakoon..
“ inn dangayiyon ka koyi mazhab nahi hota hai Khan saahab …yeh sirfapne aur paraye ko pehchante hain …aap chahein kisi bhi mazhab ke ho , yeh agar aapko nahi jaante to aap inke dushman hain ..”
“ yeh jagah , jahan hum khade hain hain , isko Shanti chauk kehte hain.. aap dekh rahe hain na , yahan mandir aur maszid ek saath bane huye hain .. dono dharm ke log Diwali , holi , Eid saare tyohaar yahin par ek saath manaate hain, apna apna mazhab bhool kar …unko uss samay sirf insaniyat ka mazhab yaad rehta hai … yeh aap jaise log hi hain jo unko yaad dilate hain ki unka asli mazhab kya hai ”
“ tum kyon sirf raj-netaon par saare ilzam laga rahe ho …aapko maloomnahi shaayad ki humaare mulk ki police bhi sabse corrupt mehkamo mein se ek hai …” maine baat ko uski taraf ghumaane ki koshish ki
“Ji haan , bilkul sahi kaha aapne …lekin fir bhi humaare mulk ke kam se kam 20% log abhi bhi imaandar hain , aur inn 20% logo ki wajah se hi humaara desh abhi tak chal raha hai aur humaara bharat abhi tak mahaan hai ..” usne kaha aur fir aage bolna shuru kiya
“ aap mujhe mere farz ke baare mein samjha rahe they Khan saahab, jabki aapko apna khud ka na farz maloom hai aur na mazhab , woh bhi tab jabki aap umra mein mujh se kaafi bade hain , aur shaayad samajhdar bhi “
“aap yahan yeh dekhne aaye hain ki kahin aapki kaum ke saath kuchhgalat to nahi ho raha hai …jabki aapka apna farz aur aapka mazhab , aapka Raj-dharm yeh kehta hai ki aapko unn wajah ko dhundhna chahiye jinki wajah se yahan aaye din dange hote hain ”
“ maaf keejiyega khan saahab , main yeh sab kuchh sirf aapke liye nahi keh raha hoon ..aap jaise unn sabhi logo ke liye keh raha hoon jo rajneeti ki rotiyan sekne ke liye , masoom logo ki jaan se khelne mein bhi perhez nahi karte .. aur fir jakhmo par namak lagaane ke liye aa jaate hain ..”
Main bina bole uski baat sun raha tha ,aur samajh bhi raha tha ..main apne sar ko jhukaye baitha raha ..meri himmat nahi ho rahi thi ki main uss se nigaahein mila sakoon
Usne fir se gaadi ko gear mein daala aur aage badhaya hi tha ki tabhi mujhe apne daayen seene parek teekhi chubhan ka ehsaas hua …mere shareer mein dard ki ek lehar si daud gayi aur mera dhyaan aur haath dono ek saath uss jagah par pahunche …aur kuchh ki palo mein mujhe wahan se khoon behte hua dikhayi padne laga …mujhe goli lagi thi , jo shaayad kahin door se chalayi gayi thi
Maine khauf se DSP ki taraf dekha…jo khud bhi hairani se mujhe dekh raha tha .. fir meri aankho ke saamne andhera chhata chala gaya
“ himmat mat haarna Khan saahab ….hum aapko kuchh nahi hone denge ” DSP Sameer arya key eh aakhiri shabd mujhe sunaayi pade , uske baad main gehri behoshi mein doobta chala gaya
Mujhe hosh agle din hospital mein aaya .. mere shareer se khoon kaafi beh gaya tha aur doctors ne mujhe bataya ki meri jaan bachane ke liye mujhe khoon ki 6 units chadhani pad gayi thi .. blood donate karne waalo mein aur logo ke alaawa ek naam DSP Sameer Arya ka bhi tha
uss hi din mujhe ek special plane se waapas Delhi le jaaya gaya …aur tab tak main Sameer Arya se dobaranahi mil paya
Delhi aakar kuchh hi hafto mein main theek ho gaya ….dheere dheere mera jakhm bhi bhar gaya , lekin Sameer Arya ki baatein mujhe hamesha yaad aati rahi aur mujhe andar se kuredti rahi
3 saal baad
Main fir se Raj nagar aaya tha …iss baar ek patrakar ki haisiyat se ..maine apni party chhod do thi , aurek national news paper mein kaam kar raha tha
Sham ke samay , apna saara kaam nibtaane ke baad jab main waapas apne hotel ki taraf jaa raha tha , tabbi mujhe jaise kuchh yaad aaya …maine gaadi ke driver se sawaal kiya
“ kareeb 3 saal pehle yahan ke DSP hua karte they , Sameer Arya ……kya ab bhi hain …?”
Usne mud kar meri taraf dekha , fir bola “ kya aapko nahi maloom saahab unke saath kya hua tha …?”
“nahi ..!.. kya hua ?” maine hairani se usko dekhte huye kaha ..kisi anhoni ki aashanka mein mera dil dhadakne laga tha
“ chaliye ..aapko kuchh dikhata hoon” usne kaha aur saamne dekhte huye gaadi ki speed tez kar di ..maine raaste mein uss’se poochhne ki koshish bhi ki , lekin woh bina kuchh bole gaadi drive karta raha
Kuchh hi minute baad usne gaadi koek chaurahe par rok diya ..aur fir ek taraf ishara kiya ..
Maine uski batayi huyi disha mein dekha .. hairaani se meri aankhe chaudi hoti chali gayi aur main gaadi se utar kar uss taraf chal diya
Yeh wahi chauraha tha jisko pehle Shanti chauk kehte they ..wahan chaurahe ke beecho-beech ab ek bade se chabutre par ek moorti lagi huyi thi , Sameer Arya ki murti ..aur uske neeche lage huye ek patthar par likha hua tha ..
Shaheed Sameer Arya Chauk
Raj nagar ke poorva DSP ki yaad mein banaya gaya
27 October 2008 ki raat ko kuchh dangaiyon ne shahar ki prasiddh badi maszid par hamla bol diya , DSP Arya ne na keval akele dum parunn dangaiyon ka saamna kiya , balki wahan maujood 40 se jyada logo ki jaan bhi bachayi , aur khud dangayion ke hamlo ka shikar hokar veergati ko prapt huye
Raj nagar ke nivasi Shaheed SameerArya ko unki bahaduri aur shahadat ke liye salaam karte hain
Padhte padhte kab meri aankhe bheeg gayi mujhe maloom hi nahi pada ..main khud-ba-khud ghutno ke bal uss ‘Aman ke sipahi’ ke saamne jhukta chala gaya , jisne mujhe zindagi ka ek naya sabak sikhaya tha aur mujhe mera asli mazhab yaad dilaya tha
